- Толығырық
- Категория: Алатау ақпараты
- 291 рет қаралды
https://www.youtube.com/embed/c4NVSX3Cimk?si=FNBgHMi82KLjKmQT"
Ақтаудағы шекара бөлімінде үшем қызмет етеді. Ағайындылардың есімдері - Ағарыс, Бекарыс және Жанарыс. Бір-бірінен аумайтын бозбалалар бір мектепте, кейін колледжде бірге оқыған. Әскерге де жұбы жазылмай барып, Отан алдындағы борышын Орал қаласында ұлттық ұлан сапында өтейді. Көп ұзамай келісімшарт негізіндегі әскери қызметке шақырту алған. Қазір ұлттық қауіпсіздік комитетінің жағалау күзетінде жүр.
Үшем сарбазды ажырату қиын. Ағайынды Зекеновтердің жүріс-тұрысы, тіптен мінез-құлқы да бірдей көрінеді. Әскери бөлім командирі психологиялық тестілеу нәтижелерінің де ұқсас болғанын айтып таңдай қағады. Десек те, бір айырмашылығы бар. Ақарыстың бойы сыңарларынан сәл ұзын. Бұл отбасыда тағы 3 бала тәрбие алған.
ЖАНАРЫС ЗЕКЕНОВ ҚАТАРДАҒЫ ЖАУЫНГЕР «Мен болам кішісі. Үшеуміз 2001 жылы туғанбыз Ақтау қаласында. Үйде 2 ағамыз, 1 қарындасымыз бар. «Су көлігін» пайданалу бойынша матрос оқығанымыз. Сол мамандықпен түскен жайымыз бар осы жаққа».
АҚАРЫС ЗЕКЕНОВ ҚАТАРДАҒЫ ЖАУЫНГЕР «Оралда армияда жүргенімізде үйге қайтуға 1 ай қалғанда осы жаққа шақырып алды. Басында білмедік. Үйдегілер айтты, осы жақ шақырып жатыр деп. Жалпы, әскери болу бала кезден арманымыз болды. Офицер болу. Шекараны күзетуге дайынбыз».
Үшем жауынгер бала кездерінде каратэ және самбомен айналысыпты. Сондай-ақ жеңіл атлетикадан жарыстарға қатысып, жақсы нәтиже көрсеткен. Шекара бөліміне келгендеріне аз уақыт болса да, барлығы бірдей «үлгілі сарбаз» атанып, грамотамен марапатталған.
СЕРІК ЖАЛЕЛОВ ҚР ҰҚК ЖАҒАЛАУ КҮЗЕТІ БІРІНШІ ДИВИЗИОНЫНЫҢ БАС СТАРШИНАСЫ: «Жұмысқа кірген кезде оларды ажырату өте қиын болатын, уақыт өте көзіміз үйреніп Ақарысты жақсы ажырататын болдық. Ал Бекарыс пен Жанарыстың осы күнге дейін аттарын шатастырамыз. «Ақарыс қайда десем, мен Ақарыс деп. Жанарыс қайда десем, мен Жанарыс деп» сондай уақыттар болған арамызда».
Ақарыс, Бекарыс және Жанарыстың әскердегі қызметі келер жылы аяқталады. Алдағы уақытта ұлттық қауіпсіздік комитетінің шекара академиясына бірге құжат тапсырмақ ниетте.
- Толығырық
- Категория: Алатау ақпараты
- 295 рет қаралды
https://www.youtube.com/embed/Rt54l--wTqw?si=YHQjKU3fzg5Li4O8"
«Ақорда» резиденциясында он төрт мемлекеттің төтенше және өкілетті елшілерінің Президент Қасым-Жомарт Тоқаевқа сенім грамоталарын тапсыру рәсімі өтті.Мемлекет басшысы дипломаттарға еліміз БҰҰ Жарғысының мақсаттары мен қағидаттарына негізделген әділетті әлем орнату тәртібін жақтайтынын айтты.
Қасым-Жомарт Тоқаев Қазақстанның экономикалық даму тұрғысынан келешегі зор екенін, елімізді әлемдік экономиканың маңызды бөлігіне айналдыру үшін барлық мүмкіндікті жасайтынын атап өтті.Президент салтанатты рәсім соңында елшілерді Қазақстандағы дипломатиялық миссиясының ресми түрде басталуымен құттықтап, екіжақты ынтымақтастықты одан әрі нығайту ісінде табыс тіледі.
Қасым-Жомарт Тоқаев сенім грамоталарын тапсырған елшілер мемлекеттерінің басшыларына ізгі тілегі мен сәлемін жолдады.
- Толығырық
- Категория: Алатау ақпараты
- 281 рет қаралды
https://www.youtube.com/embed/rrLgG97g1vw?si=Zu5Yl3Hw8r3GNApg"
Ақмола облысына қарасты Астрахан аудандық соты Острогорск ауылдық округінің бұрынғы әкіміне қатысты әкімшілік құқық бұзушылық істі қарады. Оған денсаулыққа зиян келтірді деген айып тағылған. Новый Колутон ауылында әкім мен сол елді мекендегі серіктестік қызметкері арасында кикілжің туындаған. Даудың басы тұрғындарға ауыз су берілмеуінен басталған. Жанжал кезінде әкім қызметкердің басынан ұрған, жәбірленуші жерге құлаған. Экс-әкімнің кінәсі жәбірленушінің, куәгерлердің айғақтарымен және сарапшының қорытындысымен расталды.
ЖАНГЕЛДІ АХМЕТОВ, АСТРАХАН АУДАНДЫҚ СОТЫНЫҢ СУДЬЯСЫ «Қазақстан Республикасы Әкімшілік құқық бұзушылық кодексінің 73-1-бабының 1-бөлігімен Острогорск ауылдық округінің бұрынғы әкімі кінәлі деп танылып, оған 15 айлық есептік көрсеткіш мөлшерінде айыппұл салынды».
- Толығырық
- Категория: Алатау ақпараты
- 282 рет қаралды
https://www.youtube.com/embed/0bDXUtJzLsE?si=RORELu2UvONG4eVu"
- Толығырық
- Категория: Алатау ақпараты
- 318 рет қаралды
https://www.youtube.com/embed/czSaxkJw5N0?si=r2hnsqukk69e88c7"
Алматы облысы Есік мемлекеттік дендрологиялық паркінде академик А.Жанғалиевтың 110 жылдығына орай, ғаламшардағы барлық алма атаулының атасына баланып кеткен сиверс алма ағаштарының генефонын сақтай отырып,жабайы жеміс ағаштарын қалпына келтіру,жергілікті сорттарды көбейту үшін тиімді пайдалану тақырыбында семинар өтті. Толығырақ келесі тақырыпқа назар аударсақ.
Академик Аймақ Жанғалиев және әлемнің жетекші ғалымдары қазақ жерінде өсетін жабайы Сиверс алмасы жершарына таралған алманың негізгі түбірі екенін ғылыми тұрғыдан дәлелдеген тұғын. Табиғаттың берген тартуының генофондын пайдаланып, сорттарды көбейту және жабайы жемісті ормандарын қалпына келтіру мақсатында өткізілген шарада аталмыш парк қызметкерлері, Жоңғар Алатауы,Көлсай көлдері ұлттық табиғи паркі өкілдері, сонымен қатар Иран елінен арнайы келген осы салаға қатысты мамандар бас қосты. Жиында академик Жанғалиевтің көзін көріп,бірге қызмет атқарған әріптестері өнімді әлемге паш етудегі еткен еңбектері жайлы,сонымен қатар бұл алманың ерекшелігі,тамыр жүйесі күшті дамыған аурулар мен зиянкестерге төзімділігін сөз етті.
ТЕМІРЛАН МАМИЕВ «ЕСІК МЕМЛЕКЕТТІК ДЕНДРОЛОГИЯЛЫҚ САЯБАҒЫ» РМҚК ДИРЕКТОРЫ: «Академик Жанғалиевтың Сивер алма ағашын шығарғанын,соны бүгін адамдарға жеткізіп жатырмыз. Бізде көбісі шетелден алып келеді алма ағаштарын. Бірақ олар ауырады,біздің табиғатқа сәйкес келмейді. Біздің алма ағаштар мына табиғатқа бейімделген. Ауру жағынан шетелден келген алма ағаштар осы жерде ауырады. Бір ауру бар бакажок деген. Оның емін ешкім тапқан жоқ қалай емдеуге болатынын.Соған көмек ретінде көшеттерін шығарайын деп отырмыз».
Сиверс алмасының генетикалық қоры арқылы алма сорттарын жақсарту үшін дендропарк аумағында арнайы зертхана жұмыс жасауда.
НҰРЖАН МЫНЫХАН «ЕСІК МЕМЛЕКЕТТІК ДЕНДРОЛОГИЯЛЫҚ САЯБАҒЫ» ҰЙЫМДАСТЫРУ ҚҰҚЫҚТЫҚ ЖӘНЕ КАДР ЖҰМЫСЫНЫҢ БӨЛІМ БАСШЫСЫ: «Бізде өсімдіктердің өнімділігін жақсарту үшін дендропарк аумағында соңғы үлгідегі технологиялармен жабдықталған өзіміздің зертхана жұмыс жасауда. Сиреп бара жатқан жеміс ағаштары бар мамандар кәзіргі таңда сол бағытта қарқынды жұмыс істеуде».
ДАРХАН РАЗБАЙҰЛЫ ЖУРНАЛИСТ «Академик А.Жанғалиевтың мұрындық болуымен Сиверс алма бағы 2006 жылы құрылған. Дәл бүгінгі таңда осындай мұра етіп қалдырған табиғи өнімді дәріптеу үшін бүгінгі семинардың маңызы өте зор».
Ғалымдардың сөзінше,бұл жеміс түрінің өте бағалы емдік қасиеті де бар. Дәрігерлер ішек-қарын және авитаминоз ауруларынан тезірек жазылу үшін жеуге кеңес береді. Олар ыстыққа да, суыққа да төзімді келеді және дәруменді сорттар шығаруда селекциялық мәні өте жоғары.
- Толығырық
- Категория: Алатау ақпараты
- 269 рет қаралды
https://www.youtube.com/embed/YsTS9DFz984?si=ibCvbeliR2dsQdZd"
Алматыда Бұқтырма көшесінің бойында туннель арқылы автокөліктер жүре бастады. Құлжа трактісі қилысындағы жолайрық 4 жолақтан тұрады. Енді көлік торабының өткізу қабілеті 5 есеге артатын болады.
Алматы қаласының солтүстік-шығыс бөлігінің жүктелген көлік тораптарының тиімді жұмыс істеуін қамтамасыз ете отырып жасалынған жоба – Бұқтырма көшесі бойымен автокөліктің өту қабілетін 15%-ға, Құлжа трактісі бойынша 20%-ға арттыруға мүмкіндік береді.
САҒЫНДЫҚ ТЕЛІБАЕВ АЛМАТЫ ҚАЛАСЫ МОБИЛЬДІЛІК БАСҚАРМАСЫНЫҢ БАСШЫСЫ «Тоннель ашылғаннан кейін жолайрығының айналма бөлігіндегі жүктеме азаяды. Бүгінде тоннель бөлігі ашылғанға дейін барлық көліктер айналма арқылы маневр жасады, мұнда жүктеме көбейіп, үлкен кептеліс пайда болды. Сондықтан 2018 жылы осы жолайрығын салу және Құлжа трактісі, Бухтарминская көшесі арқылы өтуді қамтамасыз ету және әуежайға қарай көлік қозғалысын жеңілдету қажеттілігі туралы шешім қабылданды».
Халықаралық әуежайдан Алматы қаласына және қаладан Талғар мен Алатау сынды елді мекендерге қатынайтын көлік қозғалысы көпшіліктің жүйкесін жұқартқан болатын. Қарбалас уақыттарда қаладан ауылдарына қайтатын азаматтар уақытын,көлік кептелістерінде өткізеді.Енді тоннелдік бөліктер,айтулы мәселені реттеуге септігін тигізбек.
ХУРАМ МУРАДОВ «BAZIS CONSTRUCTION» ЖШС ИНФРАҚҰРЫЛЫМ ЖОБАЛАСЫНЫҢ ВИЦЕ-ПРЕЗИДЕНТІ «Түрксіб ауданындағы жолайрығын салу жөніндегі ірі инфрақұрылымдық жоба 31 қазанға дейін толық аяқталады. Бүгінде су құбыры желілерін абаттандыру және қайта құру жұмыстары жүргізілуде. Тораптың өткізу қабілеті 5 есеге жуық өседі, оны тәулігіне 340 мыңға дейін автомобиль пайдалана алады»
Жоба бойынша көгалдандыру жұмыстары қарастырылған, яғни, қазіргі таңда 60 мың шаршы метр өсімдік пен 200 әртүрлі ағашты отырғызу жұмыстары жүріп жатыр.
- Толығырық
- Категория: Алатау ақпараты
- 294 рет қаралды
https://www.youtube.com/embed/g0nkfaxUM8U?si=KdjKE1aDlipxV_3x"
Қазақстанда омикрон вирусы өршіп тұр. Осыған орай,еліміздің бас дәрігері егер бірнеше күн ыстығыңыз түспей, жөтел қысса, өз бетінше ем қабылдамай маманға жүгінуге кеңес береді. Одан бөлек, бүгін орталық коммуникациялар қызметінде өткен брифингте Денсаулық сақтау министрі Ажар Ғиният алдағы уақытта санитарлық-эпидемиологиялық мамандардың айлығы өсетінін алға тартты.
АЖАР ҒИНИЯТ ҚР ДЕНСАУЛЫҚ САҚТАУ МИНИСТРІ: «Санитарлық-эпидемиологиялық мамандар мемлекеттік қызмектерлерге жатады. Былтырдан бастап барлық мемлекеттік қызметкерлердің еңбек ақылары көтерілді. Қазір біз осы салада жұмыс жасайтын орта буынды мамандардың еңбекақысын 16 пайызға көтеруді жоспарлап отырмыз».
- Толығырық
- Категория: Алатау ақпараты
- 290 рет қаралды
https://www.youtube.com/embed/uDwKMmeV6Lw?si=RzB_-swV85GKNBO7"
Алматыда алғаш рет Кардиология және ішкі аурулар ғылыми-зерттеу иститутында жүрек жеткіліксіздігі ауруына шалдыққан науқастарға қашықтан бақылауға болатын кардиостимулятор қойылды.
Кардиостимляторды қашықтан бақылауға болады. Ол үшін науқастың ұялы телефонына арнайы бағдарлама жүктеледі. Сол арқылы дәрігерлер жүректің қызметін қадағалап отырады. Алматыда алғаш рет осы мониторинг жүйесі іске қосылды. Оны алматылық дәрігерлер ресейлік әріптестерімен бірге жүзеге асырды.
МАРАТ ПАШИМОВ КІА ҒЫЛИМИ-ЗЕРТТЕУ ИНСТИТУТЫНЫҢ БАСҚАРМА ТӨРАҒАСЫ «Біз қойып жатқан кардиостимуляторлар спутник арқылы біздің дәрігерлер қадағалай алады. Давление қандай? Плюс қандай? Жүрек қалай жұмыс жасап жатқанын. Бір себептер болатын болса, давление түспесе, жүрек дұрыс істемейтін болса, бізге тез сигнал келеді».
Алматы облысының тұрғыны Алымжан Амраев 20 жылдан бері дәрігерлердің бақылауында. Осыған дейін 4 рет кардиостимулятор қойған. Ал, бұл жолы етпен бірігіп кеткен электродтар алынып тасталды. Себебі, сол орында асқыну пайда болған.
АЛЫМЖАН АМРАЕВ АЛМАТЫ ОБЛЫСЫНЫҢ ТҰРҒЫНЫ «Екі ай болды жаңа аппаратты салғанына. Қалып қалған электрот мазалай бастады. Іштен инфекция жарақат іріңдеп содан ауырып келдім. Екінші числода Россиядан келген профессор операция жасады. Оның тәжірибесі бар екен ондай операцияларға».
Қазір қазақстандық дәрігерлер кардиостимуляторды енгізуді жақсы меңгеріп алған. Бірақ электродтарды имплантациялау бойынша әлі де тәжірибені арттыра түсу керек, дейді мамандардың өздері.
БАҒДАТ АХЫТ ҚІА ҒЗИ БӨЛІМ МЕҢГЕРУШІСІ «Салынған стимуляторларды алу әсіресе электродтар деп айтылады. Қосымша сымдарды алу проблемалары қазіргі уақытта аз емес. 1716 Оны алу кезінде кейбір жағдайда асқынулар болады. Жүректің бұлшық еттері жарылып немесе тесіліп кетсе науқас жедел түрде қайтыс болып кетеді».
Ресейлік аритмолог дәрігер Сергей Артеменко қазақстандық әріптестеріне дәл осы жүрек ырғағы мен өткізгіштігіне қатысты білгенімен бөлісуге арнайы келген.
- Толығырық
- Категория: Алатау ақпараты
- 271 рет қаралды
https://www.youtube.com/embed/VkIMBK4Yakw?si=NGeWMyGJNPQD41Bz"
Көкшетаудағы балабақшалардың бірінде жұмыс істеген есепші екі жыл бойы мекеме меңгерушісінің электронды цифрлық қолын пайдаланып, өзіне көтерме еңбекақы аударып келген. Осылайша 2021-2022 жылдары 7 миллион теңгеден астам бюджет қаржысын жымқырған. ҚР Қылмыстық Кодексінің 190-шы бабы, 3-ші тармағының 1-ші бөлігі бойынша аса ірі көлемде алаяқтық жасаған.
Оның кінәсі аудиторлық компанияның сараптамасымен, куәгерлердің айтуымен және өтем туралы есепшоттармен дәлелденді. Сотта айыпталушы кінәсін толық мойындады, шығынды ішінара өтеді. Көкшетау қалалық сотының үкімімен 3,5 жылға бас бостандығынан айырылды. Сонымен бірге материалдық жауапкершілікке қатысты қызметпен айналысу құқығынан айырылды. Келтірілген материалдық шығын өтеліп алынды. Сотталушының қарауында кәмелетке жасы толмаған үш баласының болуы ескеріліп, жазасын өтеу 5 жылға шегерілді. Үкім заңды күшіне енген жоқ.
Сот сонымен қатар лауазымды тұлғалардың тікелей міндеттеріне салғырттық танытқаны үшін және тиісті бақылаудың болмауына байланысты облыстық білім басқармасына қатысты жеке қаулы шығарды.
- Толығырық
- Категория: Алатау ақпараты
- 275 рет қаралды
https://www.youtube.com/embed/WnznlFuf6lM?si=wAVxX_luw-wlzD03"
Дін атын жамылып, қоғамды ала тайдай бүлдіріп, өз алдына жеке топ құрып, оған жастарды тартып жатқан радикалды ұйымдарға тосқауыл болу мәселесі кеше Мәжілісте көтерілген еді. Бүгін жоғары палата депутаттары да, діни ағымдардың жетегінде жүрген жастардың жағдайын тілге тиек етті.Олардың пікірінше асыл дінімізді өзгемен шатастырып, халықты теріс жолға салатындарды тиятын уақыт келді.
НҰРТӨРЕ ЖҮСІП ҚР ПАРЛАМЕНТІ СЕНАТЫНЫҢ ДЕПУТАТЫ: «Домбыра – харам», «сәлем салу – харам», «елдің бәрі хиджап пен ниқаб киюі керек» деген талаптар Конституциямызға қайшы келеді.ХХІ ғасыр – жаһандану заманы. Өркениет көшін бастап келе жатқан мемлекеттер қайда? Біз қайдамыз? Озық жұрт қазір жасанды интелектпен, технологиялық жетістіктермен айналысып жатқанда біз елімізді орта ғасырдағы деңгейге сүйремекпіз бе? Ата салтымыз бар. Халықтық қалпымыз бар. Қанша дәуірден бері қалыптасқан ұлттық құндылықтарымыз бар. Солардың бәрін тәрк етеміз бе? Ата дінімізді ардақтаудың, салт-дәстүрімізді сақтаудың орнына бүкіл қоғам болып өзге ағымдардың жетегінде кетеміз бе? Мәселе дабыл қағарлық деңгейге жетті».
Осылай деген Сенат депутаты шетелде өз бетінше діни білім алып келгендерді елде қатаң тексеріп, акридитациядан өткізу керек және жастар ресурстық орталығының әлеуетін көтеріп, дін істері басқармалары барлық өңірде қайта ашылса деген ұсынысын білдірді.
- Толығырық
- Категория: Алатау ақпараты
- 294 рет қаралды
https://www.youtube.com/embed/Bw2BZs2aa84?si=op_bmwUQyzCHHyuA"
Германиядан келген Ференц Крауз – физика бойынша Нобель сыйлығын алған үш лауреаттың бірі. Ол сейсенбіде АҚШ-тық Пьер Агостини және Швециялық Анн Люйелермен бірге осындай жоғары марапатқа ие болғанын білді. Ғалымдар үштігі атомдар ішіндегі өзгерістерді өлшеуге болатын ультра қысқа лазерлік импульстарды құрғаны үшін марапатталды.Крауз мұндай марапатқа ие болатынын білмепті.
ФЕРЕНЦ КРАУЗ – ФИЗИКА БОЙЫНША НОБЕЛЬ СЫЙЛЫҒЫНЫҢ ЛАУРЕАТЫ: «Бұл марапат бьарлық күш-жігердің бекер болмағандығының белгісі. Көптеген сәтсіздіктерден кейін осы жолдан бас тартпай, соңына дейін жасаған жұмысымды бағалағандары қуантады. Бұл мен үшін ең маңызды сабақ болуы мүмкін. Менің болашақ ұрпаққа жеткізгім келетіні: егер сіз бір нәрсеге сеніп, бұл сіздің мақсатыңыз және не істеу керек екеніне сенімді болсаңыз, қандай сұрақтар туындаса да, өз жолыңызбен жүріп, қиындықтарға берілмеңіз».
Нобель комитеті ғалымдардың зерттеулері адамзатқа атомдар мен молекулалар ішіндегі электрондардың қозғалысын зерттеудің жаңа құралдарын ұсынды деп хабарлады. Ұзақ уақыт бойы оны іздеу мүмкін емес деп есептелді. Электрондардың өзгеруі аттосекундтың оннан бір бөлігінде болады. Ал – аттосекунд - секундтың бір квинтиллиондық бөлігі. Бұл 18 нөлден тұратын сан.Ғалымдардың ашқан жаңалықтары аттосекундтық физиканың бүкіл – ғылыми бағытының негізін қалады. Ал, Люйе марапат туралы дәріс кезінде білген. Ол осы салада 120 жылдың ішінде марапатқа ие болған бесінші әйел. Үш лауреат миллион долларлық сыйлықты бөліседі.
- Толығырық
- Категория: Алатау ақпараты
- 288 рет қаралды
https://www.youtube.com/embed/6Spv77S9IZ8?si=bgrHGwVklBJxxCJS"
Түркияның Стамбул қаласының маңындағы Теркос су қоймасы тартылып барады. Ол Түркияның ең ірі мегаполисін және оның айналасындағы ауылдарды қажетті сумен қамтамасыз етуі керек. Құрғақшылықтың салдарынан мұндағы су деңгейі онжылдықтағы ең төмен көрсеткішке жетіп отыр.
ШАРУАГЕР: «Мен мұнда үш ай бұрын келдім, ол кезде су толы болды. Қазіргі жағдайды өздеріңіз көріп тұрсыздар, су тартылып кетті. Ары-бері жүзіп жүретін қайықтар да қалмады».
Түрік метеорологиялық қызметінің мәліметтері бойынша, жыл басынан жаздың аяғына дейін елде жауын-шашын әдеттегіден аз түскен.Теркос су қоймасындағы су деңгейі қазір 9% -дан аспайды. Стамбулда 16-дан 20 миллионға дейін адам тұрады. Қалада қазірдің өзінде су тапшылығы байқалады. Айтулы мәселеге шаруагерлер алаңдаушылық білдіріп отыр. Ауа райын болжаушы мамандар, қазан айында жаңбыр жаууы мүмкін, бірақ ылғалдың жетіспеушілігін толтыруға жеткілікті ме, жоқ па уақыт көрсетпек.
Тағы басқа мақалалар...
161 ішінен 187 беті
Alatau News, Copyright 2023, All Rights Reserved.