https://www.youtube.com/embed/XbUmfehX8D4?si=QepggosWidHYjYOv" 

Ресейлік сәнгерлер жергілікті нарықтағы позицияны нығайтуға күш салуда. Олардың пікірінше, көптеген батыстық брендтер сәтті табыс әкеледі.

АЛЁНА АХМАДУЛИНА СӘНГЕР: "Біз, әрине, оған үстемдік етпейміз. Бірақ, олар қазір біз үшін жұмыс істеуде. Бұрын біз бос нарықтың 30%-ын тек премиум сегмент пен сәнді сегмент үшін алатынбыз. Бірақ пандемия болған уақыттарда сатылым тоқтап қалды. Тұтынушылар азайды. Сондықтан, қазіргі уақытта бұл 30% дегенге сене алмаймыз".

Ресейлік дизайнерлер келесі жылы айтарлықтай өзгерістерді күтуде. Олар "орташа плюс" баға сегментінде кіріс үш есе артады деп санайды. Қытай, Бангладеш, Беларусь және Түркия жаппай нарық сегменті үшін Ресейге киім мен маталарды жеткізуді жалғастыруда. Сонымен қатар, премиум сегментінде жұмыс істейтін ресейлік сәнгерлер жоғары сапалы маталардың болмауына байланысты қиындықтарға тап болған. Алайда, олар бұл кедергілерді жеңіп, тіпті әлемдік нарықты жаулап алуға мақсат қойып отыр.

АЛЁНА АХМАДУЛИНА СӘНГЕР: "Орыс ұлттының кодында жаһандық тренд бар. Бұл жаһандық тренд біздің еліміздегі жағдаймен байланысты емес. Бұл барлық елдердегі жаһандық құбылыс. Бұл үрдіс өзін жаппай, утилитарлық, иесіздендірілген киіммен салыстырады".

Сәнгерлердің сөзінше қолдан жасалған киімге қызығатындар басым болып келеді. Жақында Мәскеуде BRICS+ Fashion Summit сән апталығы өтті. Оған 12 сән көрсетілімі кірген. Коллекцияларды Үндістан, Қытай және Ресей сияқты әртүрлі елдердің дизайнерлері ұсынды.

https://www.youtube.com/embed/984VIBwU19Q?si=npocr64NM0a5BOMt" 

Қызылорда облысының әкімі интернетте тараған даулы видеоға қатысты пікір білдірді. Айта кетейік, әлеуметтік желіде Қызылорда облысының әкімі Нұрлыбек Нәлібаев түсірілген видео жарияланып, халық арасында наразылық тудырған еді. Мына кадрда облыс басшысы тұрғындарға кілт табыс ету рәсіміне қатысып жатқаны анық көріненді. Сахнаға кезекті пәтер иесі шыққанда Нұрлыбек Нәлібаев кілтті басқа біреудің тапсыруын нұсқайды. Аймақ басшысы мұндай келеңсіз оқиға болмағанын, резонанс тудырған видео монтаждалғанын айтты.

НҰРЛЫБЕК НӘЛІБАЕВ ҚЫЗЫЛОРДА ОБЛЫСЫНЫҢ ӘКІМІ: «Арал ауданында үй табыстауда болған жағдай. Шын мәнінде сіз айтып жатқандай келеңсіз оқиға орын алған жоқ. Кеше маған баспасөз хатшым баяндады. Мұны шығарған азаматтардың ары білер. Өздеріне рейтинг көтеру үшін істеген. Монтаждап, менің баспасөзім айтуы бойынша, жылдамдығын көтеріп, аяғын, басын алып тастаған. Олар кешірім сұрады. Мойындады.Мен олардың кім екенін білмеймін».

https://www.youtube.com/embed/498Hu6xa89w?si=L62VUs_NKfnqukLS" 

Төтенше жағдайлар министрлігі қазақстандықтарға үндеу жолдады. Мамандар халыққа қауіпсіздік шараларын сақтауды ескертіп отыр. Алда күн күрт суытады. Жауын-шашын мен ауа температурасының төмендеуі күтілуде. Сондықтан, дауылды ескертулерге құлақ асып, әсіресе қараңғы уақытта алыс жерлерге сапарға шығудан бас тартуға, балаларды қараусыз қалдырмауды қатаң ескертті. «Ауа-райы мен автожолдардағы көлік қозғалысының шектеуі туралы ақпаратты бақылаңыздар.

Барлық оқиғалар туралы 112 немесе 101 телефондарына хабарласуыңызды сұраймыз»,- делінген төтенше жағдайлар департаментінің баспасөз қызметі таратқан хабарландыруда.

https://www.youtube.com/embed/08SQoW04-ms?si=zT85fhKqp9kZcORU" 

Ақтаудың қақ ортасында 20 жылдан астам уақыт табиғи газға қосылмаған үй бар. Ертеректе жатақхана болған нысан, бертін келе жекешелендірілген. Содан бері тұрғындар көгілдір отынсыз күн көруде. Бұдан бөлек үйдің жылу жүйесі орталықтандырылған желіге қосылмапты. Күн суықта тоқ пеш пайдаланатын олар, жергілікті билік осы мәселемізді бір жағына шығарып берсе деген базынасын айтты.

Бұл 23-ші шағын ауданы, 101-ші үйдегі Жанәлі ақсақалдың пәтері. Қабырғалары сыз тартып, көгіріп тұр. Баспанасын осындай тоқ пешпен жылытуға мәжбүр. Себебі, 1987-ші жылы салынған 35 пәтерден тұратын бүтін бір үй, әлі күнге дейін орталықтандырылған жылу жүйесіне қосылмаған.

Жылу жүйесіне қосылу тек Жанәлі қарияның тілеуі емес. Осы үйде тұратын барлық тұрғынның арманы. Олар ай сайын тоқ көзіне қыруар қаржы төлеуден әбден шаршағандарын айтады.

ЖАНӘЛІ ЕСЖАН – ТҰРҒЫН: «Үйдің төбесінен 4-ші этаждан бастап, 2-ші этажға дейін су ағады. Жыңбыр жауған күні, қар ериді, суға батамыз. 1998-жылдан бері біз отопление дегенді ұмыттық. Бір жерде труба жарылды, ТВСке бардық, әкімге бардық, біздің ешқандай қатысымыз жоқ деп бастарын алып қашады».

Жылу жүйесін ретке келтіру үшін әкімдік тиісті шарасын қолға алғандарын айтып, әрекет етіп жатқандарын алға тартты. Үйдің ішіне жылу құбырын толық жүргізу үшін жобалық сметалық құжаттарын жасақтау қажет екен.

НҰРАДДИН КӨШЕРБАЕВ – АҚТАУ ҚАЛАЛЫҚ ТҰРҒЫН-ҮЙ ИНСПЕКЦИЯСЫ БӨЛІМІНІҢ БАСШЫСЫ Осы құжаттама қазір жасалу үстінде. Осы құжаттама дайын болғаннан кейін, тұрғындарға тағы қанша қаражат көлемі есептелгендігі таныстырылып, қайтарымды қаражат есебінен Ақтау тұрғын үй ЖШС мамандарымен бірлесіп, жұмыстар атқарылатын болады.

Жылудың жыры келесі жылы шешімін табатынға ұқсайды. Тұрғындарды алаңдатқан тағы бір күрмеуі шешілмеген мәселе - үйге табиғи газдың құбыры тартылмағандығы. Барлығы бірдей газ баллон пайдалануға мәжбүр. Ал оның зардабы айтпасада түсінікті. Осыдан бірнеше жыл бұрын пәтерлердің бірінде өрт болып, апаттың алды алынған.

НАСИХА ЖҰМАШЕВА – ТҰРҒЫН: «Газ утечка болып тұрып, газ плита жарылып, өртеніп, сол тек кухням өртенді. Баллонды далаға шығарып үлгердік. Халықтың бәрін далаға шығардық. Пожарный жақын ғой. Жетіп, келіп, пожарный система да жоқ бізде іште. Артқы жағынан тоже кіретін орын болмай, әйтеуір подъезден кіргізіп барып сөндірген».

Қалалық құрылыс бөлімі басшысының мәліметіне сәйкес, газ құбырын жүргізу үшін тиісті құжаттарды рәсімдеу шаралары басталып кетіпті. Техникалық шарты мен жер құжаттары мамандардың қолында екен. Бұл шаруаны аяқтау үшін келесі жылдың бюджетінен қаражат сұратылған. Егер мақұлданса, тұрғындар көгілдір отынмен қамтылатын болады.

https://www.youtube.com/embed/5sIEnsJFbQM?si=fg3fAQ1pdOXtsT1H" 

Субсидияға деп бөлінген қаражатты қалтасына басқан қарағандылық кәсіпкер ұсталды. Ауыл шаруашылығы субъектісіне күн батареиларының жиынтықтарын сатып алу шығындарын өтеу үшін төленетин инвестициялық ақшаны жымқырған. Ол 6,5 жылға сотталды, - деп хабарлады Қаржы мониторинг агенттінің ресми өкілі Әлібек Әбділов.

ӘЛІБЕК ӘБДІЛОВ ҚР ҚАРЖЫ МОНИТОРИНГ АГЕНТТІГІНІҢ РЕСМИ ӨКІЛІ  «Тергеу барысында анықталғандай, 2018-2020 жылдары күдікті Қарағанды ​​облысының шаруа және фермер қожалықтарының атынан жалған құжаттарға сүйене отырып, жоғары бағамен субсидия алуға өтініш берген. Кейиннен соның негізинде охан қаражат төленген. Сот үкімімен ол кінәлі деп танылып, келтірілген зианды өтеумен 10 жыл мерзімге кәсіпкерликпен айналысу құқығынан айыра отырып, 6,5 жылға бас бостандығынан айырылды».

https://www.youtube.com/embed/0_alrRvlH5c?si=wt4G1cuEjYa25054" 

https://www.youtube.com/embed/RrcTJcTvYQ0?si=-sPNM_yXbWzk2Ldk" 

Бүгін Мемлекет басшысы Қасым-Жомарт Тоқаев Ақтөбе облысына жасаған сапары Мәртөк ауданы Саржансай ауылындағы спорт кешенінің жұмысымен танысудан басталды. Бұл нысанның жалпы аумағы 1048 шаршы метрді құрайды. Мұнда спорттың бірнеше түрі бойынша үйірмелер жұмыс істейді. Қасым-Жомарт Тоқаев еркін күрес залы мен шағын футбол алаңын аралап көрді. Президент спорт кешенінде жас спортшылармен кездесті. Әңгімелесу барысында Қасым-Жомарт Тоқаев спортпен шұғылданудың маңыздылығына назар аударды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ

https://www.youtube.com/embed/QP7EVbqc-vs?si=TiUL9Mb9gR_QRsRb" 

Мемлекет басшысы Ақтөбе өңіріне жасаған жұмыс сапары барысында «Ауыл аманаты» бағдарламасын жүзеге асыру барысымен танысты. Аталған бастама қолға алынғалы бері аймақ бойынша 1471 жобаға 6,6 миллиард теңге көлемінде несие берілген. Сондай-ақ биыл қыркүйек айында қосымша 12,5 миллиард теңге қаржы бөлінген.Президентке бағдарлама аясында аймақтағы 209,8 гектар алқапқа көкөніс және бақша дақылдары егіліп, жалпы аумағы 1 гектардан асатын 77 шағын жылыжай салынғаны туралы айтылды. Сонымен қатар 101 кондитерлік цех пен наубайхана, 129 шағын сүт өңдеу, 65 ет өңдеу жобасы іске қосылған. Бұдан бөлек, Ақтөбе облысында 1210 жаңа жұмыс орны ашылып, 1062 адам жеке кәсіпкер ретінде тіркелген.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ

https://www.youtube.com/embed/itzf3YTVHos?si=rJ3US59RufUTTD4C" 

Семейде мектеп оқушылары қазақ аңыз-әпсаналарына негізделген үстел ойынын ойлап тапты. Туынды шетелдік ойындардың негізінде жасалған. Оқушылар 1 жылға жуық уақыт еңбектенген. Қазір тіпті авторлық құқыққа иелік етіп, патенттеп алған.

Жезтырнақ, бір көзді Дәу, Желаяқ, Таусоғар, Саққұлақ пен Тазша бала. Жаңа мифологиялық ойынның алаңынан таза қазақ ертегілерінің кейіпкерлерін көресіз. Бәрі де ағаштан ойып, жасалған. Авторлары алдымен зерттеу жасап сауалнама жүргізген. Нәтижесінде оқушылардың фантастикалық жанрға көбірек қызығатыны анықталған. Сондықтан аңыз-әпсана бағытын әдейі таңдадық дейді.

АЙЗЕРЕ НҰРБЕК 11 СЫНЫП ОҚУШЫСЫ: «Жастар арасындағы қазақ контентінің аздығы мәселесінен біз осы жобаны мақсат еттік және қолымызға алған болатынбыз. Біз жүргізген сауалнама бойынша қазақ жастары мифологиялық кейіпкерлердің 40-нан тек қана екеуін жалмауыз кемпір мен жезтырнақты ғана біледі екен. Сондықтан да біз осы тақырыпқа байланысты көптеген зерттеу жасадық».

Жобаны дайындауға оқушылар 1 жыл уақытын сарп еткен. Ойынның екі нұсқасы бар. Бірінде алты, ал екіншісінде 8 кейіпкері бар. Әрбір детальға жіті назар аударылған. Қиындық та болды дейді.

СЕНІМ ДҮЙСЕНОВА 11 СЫНЫП ОҚУШЫСЫ: «Ойынмен айналысу кезінде көптеген кедергілер де болды. Мысалы біз Canva деген бағдарламаны қолданылған болатынбыз сол ойынның дизайнын жасауда. Бірақта ол Саnva-да төл сөздер жоқ. Төл әріптер жоқ қазақша. Сондықтан да біз барлық жазуларды өз қолымызбен жазып, арнайы бағдарлама арқылы компьютерге дизайнға енгізген болатынбыз».

Ойын оқушылардың білім көкжиегі кеңейіп, төл әдебиетке деген қызығушылығын арттырады. Қазір жобаға жан-жақтан қызығушылық танып жатқандар да көп.

АҚБОТА НҰРҒАЛИҚЫЗЫ ҚАЗАҚ ТІЛІ МЕН ӘДЕБИЕТІ ПӘНІНІҢ МҰҒАЛІМІ: «Авторлық құқық алғаннан кейін барып таратып, сайттарға ақпараттар тарата бастадық. Содан бері біршама сұраныс бар. Яғни ойынды қайдан сатып алсақ болады, қай жерде ол сатылады деген сұраныстар бар. Енді бізде болашаққа әлі де мақсатымыз ойынды нарыққа шығарып дамыту жетілдіру».

Қазақ мифологиясы туралы бұл ойын бүгінгі заманға лайықты етіп жасалған. Ойнауға да оңай. Ойлауға да септеседі. Қолдаушылар табылып жатса сатылымға шығатын күнде алыс емес.

https://www.youtube.com/embed/uW7xIm4-3js?si=km1BIjmnwzWfzXfX" 

Қызылшадан сақтаныңыз! Республика бойынша вирус өршіп тұр. Қызылшаның қауіпі қорқынышты. Бұл аурумен ауырған 20 баланың біреуі саңырау немесе ақыл-есі кем болып қалуы мүмкін. Сондықтан, дәрігерлер дабыл қағуда. Ауырмаудың бірден-бір жолы екпе алу. Бүгін орталық коммуникациялар қызметінде өткен брифингте «Қоғамдық денсаулық сақтау ұлттық орталығы» басқарма төрағасы Манар Смағұл халыққа сақ болуға, адам көп шоғырланған жерде жүрмеуге кеңес берді.

МАНАР СМАҒҰЛ ҚР ДСМ «ҚОҒАМДЫҚ ДЕНСАУЛЫҚ САҚТАУ ҰЛТТЫҚ ОРТАЛЫҒЫ» ШЖҚ РМК БАСҚАРМА ТӨРАҒАСЫ «Ата –аналардың назарына, балаларыңызды қызылшаға қарсы екпелерінің болуларын назар аударуларыңызды сұраймыз. Вакцинация болмаған жағдайда барлық емханада бар. Біздің өңірде вакцина тапшылығы жоқ. Бұл жұқпа тек вакцинамен алдын-алынатын ескере отырып, екпемен қамтуды ескертеміз».

https://www.youtube.com/embed/niMxSokiIO8?si=GvASXMShfv9VqHjc" 

Жаңа махаббат хикаяларымен қоштасулар, жұлдыздардың балалары, 2023 жылы ең танымал актерлер мен музыканттардың жеке өмірінде не болды?

Тейлор Свифт американдық футболшы Трэвис Келсимен кездесе бастады. Ал реалити-шоу жұлдызы Кайли Дженнерді қыркүйек айынан бастап актер Тимоти Шаламенің компаниясында байқайды. Бұл арада Кайлидің қарындасы, модель Кендалл «Грэмми» сыйлығының лауреаты пуэрторикандық рэпер Bad Bunny-мен кездесе бастаған. Актерлер Зои Кравиц пен Ченнинг Татум некелесті. Ал Наоми Уоттс өзінің актер әріптесі Билли Крудаппен некесін растады. Жұлдызды әнші Адель де өзінің серіктесі Рич Полға тұрмысқа шықты деген сыбыс шықты. Бір әңгімесінде ол оны күйеуі деп атады. Әйтсе де, олардың ешқайсысы әзірге ресми түрде расталған жоқ. Ал, 79 жастағы Роберт Де Ниро мен 83 жастағы Аль Пачино екеуі балалы болғандарын жариялаған кезде басылым беттерінің басты жаңалықтары болды. Бұл Де Нироның жетінші баласы. Оны досы Тиффани Чен дүниеге әкелді. Аль Пачино үшін бұл төртінші бала. Оның анасы - 29 жастағы Нұр Алфаллах. Әнші Рианна екінші ұлын дүниеге әкелді. Реалити-шоу жұлдызы Кортни Кардашьян мен оның күйеуі-музыкант Трэвис Баркердің де ұлы дүниеге келді. Жалпы, ерлі-зайыптылар алты баланы тәрбиелеп отыр. 2021 жылы қызды болған 53 жастағы модель Наоми Кэмпбелл әлеуметтік желіде дүниеге ұл әкелгенін хабарлаған. Актриса Линдси Лохан мен оның күйеуі қаржыгер Бадер Шаммастың биыл тұңғышы өмірге келді. Ұлдың есімі Луай. Ал енді ажырасулар мен айырылысулар туралы.

Актриса Джада Пинкетт Смит күйеуі Уилл Смитпен жеті жыл бұрын ажырасқанын жайып салды. Олар 1997 жылы бас қосқан. Бір жыл некеден кейін эстрада жұлдызы Бритни Спирс жас күйеуі Сэм Асгаримен ажырасқанын жариялады. Сондай-ақ 27 жыл некеден кейін австралиялық актер Хью Джекман мен оның әйелі Деборра-Ли Фернесстердің де жолы екіге айырылған. Жұп 1996 жылы некеге тұрып, екі баланы асырап алған. Мерил Стрип 1978 жылы тұрмысқа шыққан күйеуі Дон Гаммермен ажырасқан. Әнші Ариана Гранде екі жылдан кейін жылжымайтын мүлік агенті Далтон Гомеспен ажырасуға өтініш беріпті. Ал Оскар иегері Риз Уизерспун күйеуі Джими Тотпен ажырасқан. Сондай-ақ 18 жылдық некеден кейін Кевин Костнер мен оның әйелі Кристин Баумгартнер қарым-қатынасты үзген.

Олардың үш баласы бар. Ақырында, медиа магнат Руперт Мёрдок бір айдан кейін 66 жастағы Анн Лесли Смитпен некесін бұзды. 92 жастағы миллиардердің төрт некесі болған.

https://www.youtube.com/embed/qGjbLB5VoCU?si=ET_6mzsL95AEXkYk" 

3 желтоқсанда Индонезияның Марапи жанартауы 3000 метр биіктіктен атқылаған. Бұл кезде тауда 75 альпинист болыпты. 50-ден астамы эвакуацияланған. Көбін қатты күйік шалған.

Марапи жанартауынан тағы он екі альпинистің денесі табылды. Жергілікті биліктің мәліметінше, қаза тапқандар саны 23-ке жеткен. Құтқарушылар қаза тапқандардың денелерін шығарып жатыр. Жалпы, Марапи - Суматра аралындағы ең белсенді жанартаулардың бірі.

ЭДИ МАРДИАНТО – БАТЫС СУМАТРА ПОЛИЦИЯСЫ БАСТЫҒЫНЫҢ ОРЫНБАСАРЫ: "Бізде көптеген қиындықтар бар: күтпеген ауа райы, өтуге қиын жер. Жел жанартау күлін және ыстық бұлттарды әкеледі, сондықтан бізге денелерді шығару оңай емес ".

Құтқарушылардың айтуынша бір мәйітті шығару үшін төрт сағаттан алты сағатқа дейін уақыт қажет. Әзірге жанартаудан тек бес адамның денесін ғана ала алған, тағы 18-і қалыпты. Келесі күні Марапи тағы бір күл бағанын 800 метр биіктікке лақтырды. Сондықтан құтқарушылардың өміріне қауіп төндірмеу үшін түнгі уақытта операция тоқтатылады. Жанартаудың баурайында 1400 адам тұратын екі ауыл орналасқан. Жанартау атқылауы салдарынан айналаның бәрі күлмен жабылған. Билік адамдарға бетперде таратып, үйден шықпауды ұсынып отыр. Марапиды алдын ала болжау қиын, ол кенеттен орын алатын жарылыстармен белгілі. Бұған дейін жергілікті билік альпинистер мен тұрғындарға кратерге үш шақырымнан артық жақындауға тыйым салған болатын. Алайда, шенеуніктердің айтуынша, адамдар ескертулерге құлақ аспайды. Марапи өткен жолы қаңтардан ақпанға дейін биіктігі 1000 метрге дейінгі күл бағаналарын лақтырып атқан. Ол кезде құрбан болғандар жоқ. Ең қатерлі атқылау 1979 жылдың сәуірінде болып, ол кезде 60 адам қаза тапқан.