https://www.youtube.com/embed/EhV-MF2dAEc?si=u2AWgRW32vHGW1Dc" 

Ақмола облысы бойынша былтыр 302 мың гектар жер мемлекетке қайтарылды. Ал, биылғы 10 айдың қорытындысы бойынша игерілмей жатқан 185,5 мың гектар жер мемлекетке өткізілді. Бұл «Жер аманаты» комиссиясы қолға алған жұмыстардың нәтижесінде мүмкін болып отыр. Аталмыш  комиссияның шарапатын қарапайым тұрғындар да көруде.

Халыққа қайтарылған жердің игілігін көріп отырғандардың бірі – Зеренді ауданына қарасты  Қошқарбай ауылының тұрғыны Қайыркен Хасенов. Ол 2022 жылы «Зеренді астық» серіктестігінің банктерге кепілге қойған жерін қайтаруға сотқа арыз жазған. 15-ші қарашада соттың оң шешімі шықты. Қазіргі таңда, құжаттар мемлекеттік органдарда тіркеліп жатыр.

ҚАЙЫРКЕН ХАСЕНОВ ҚОШҚАРБАЙ АУЫЛЫНЫҢ ТҰРҒЫНЫ «Мынау біздің жерімізді кезінде алпауыттар иеленіп алды ғой. Халықты алдап-сулап иеленіп алды да қазір енді сол жерден айырылғылары келмейді. Енді, мына Президентіміз бар, Парламентіміз бар, солар мінеки мынау жер аманаты комиссиясын шығарып, жерді халыққа қайтарып беріңдер деп сөйдеп жатыр ғой енді. Халықты қолдап жатқаны дұрыс деп есептеймін».

Облыс бойынша өздеріне тиесілі жерді ала алмай жүрген тұрғындар баршылық. Олардың мәселесін біржақты ету мақсатында «Аманат» партиясы жанынан «Жер аманаты» комиссиясы  құрылған. Арада өткен екі жылда комиссия мүшелері оң нәтижеге қол жеткізді. Партия өкілдері алдағы уақытта да мәселелі жерлерді қайтару бойынша жұмыс істеуге мүдделі.

АСҚАР ӘМІРЖАНОВ «AMANAT»  ПАРТИЯСЫ ЖАНЫНДАҒЫ "ЖЕР АМАНАТЫ" ОБЛЫСТЫҚ КОМИССИЯСЫНЫҢ ТӨРАҒАСЫ «Партияның қоғамдық қабылдауына Зеренді ауданының бірнеше тұрғыны шағымданып, өздеріне тиесілі жер телімдерін ала алмай жүргендері жайлы айтқан болатын. Тергеу барысында анықталғандай ол жерлер екінші деңгейлі банктерде кепілде тұрғаны анықталды. Мәселенің анық-қанығын білу үшін біраз жұмыс атқардық. Тоқсанышы жылдары жерлерді иемдену кезінде тұрғындардың шартты жер телімдеріне рұқсат алғаны белгілі болды».

Мемлекет басшысы Қасым-Жомарт Тоқаев пайдаланылмай жатқан жерлерді мемлекет меншігіне қайтару және оларды ауыл тұрғындары үшін қолжетімді ету қажеттігін айтты. Бұл тапсырманы жүзеге асыру мақсатында комиссия өкілдерінің араласуының нәтижесінде, біршама жер ауыл тұрғындарына қайтарылды. Жалпы, «Жер аманаты» комиссиясының көмегіне жүгінген аудандықтар аз емес. Осы күні тұрғындар тарапынан келіп түскен 20 өтініш сот қарауында жатыр.

https://www.youtube.com/embed/gtBRw1FlvRI?si=JzXy5KSIKH9YPYPb"

Қызылорда өңірінде алып сәби дүниеге келді. Салмағы 6 келіге жуық батыр бала анасының сегізінші перзенті. Қазіргі таңда ана мен бала дәрігерлерінің бақылауында.

37 жастағы көпбалалы ана Айгүл Дүйсебаева Жаңақорған ауданының тумасы. Сегізінші  ұл перзентін 5 келі 600 грамм 56 см етіп дүниеге әкелеген оның, бұған дейін де 7 тізгін ұстары бар. Айгүл Дүйсебаеваның айтуынша жетінші баласы 4 келі 800 грамм болып дүниеге келген. Бұл отбасындағы балалардың үлкені 15 жаста, кішісі 4 жаста.

АЙГҮЛ ДҮЙСЕБАЕВА КӨПБАЛАЛЫ АНА

Алтын құрсақты ананы ақ халатты абзал жандар жүктіліктің 42 аптасының 2-ші күнінде кесір тілігі арқылы босандырып алған. Қазір жағдайлары жақсы.

Дүниеге келгеніне бір апта болған шақалақ дәрігерлердің жіті бақылауында.

БАЗАРКҮЛ ИСАЕВА «АНА МЕН БАЛА» ОРТАЛЫҒЫ НӘРЕСТЕЛЕР БӨЛІМІНІҢ МЕҢГЕРУШІСІ

Облыстық перинаталдық орталықта жыл басынан бері салмағы 4 келіден асатын 1546 сәби, ал салмағы 5 келіден асатын 38 бала дүние есігін ашыпты.

https://www.youtube.com/embed/g7q3IH6xn0Y?si=NPXb__OBs1zDMyhL" 

Израиль мен ХАМАС арасындағы бітімнің алтыншы күнінде кепілге алынған 16 адам  30 палестиналық тұтқынға айырбасталды. Шенеуніктердің айтуынша, бейбіт тұрғындар тобына 10 израильдік және Ресей-Израиль мен Америка-Израиль азаматтығы бар 3 әйел және Таиланд азаматтары кірді. 13 жасар Ғали де кепілге алынған адамдардың қатарында болды.

КАМЕЛИЯ ХОТЕР ИШАЙ 13 ЖАСАР ҒАЛИДІҢ ӘЖЕСІ: "Мен қалай тыныстауды ұмытып қалған секілдімін. Ғали шыққан сәтте дереу досыма қоңырау шалып, оған қалай дем алғаным есімде жоқ екенін айттым. Ол маған мұрнымды қысып, асқазанға ауа кіргізіп, баяу дем шығару керектігімді айтты".

Палестинадан босатылған 30 тұтқынның 16-сы кәмелетке толмаған және 14-і әйел. Оларды үйлерінде қуана қарсы алды. Тай жұмысшыларына келетін болсақ, олардың көпшілігі өздерін қауіпсізбіз деп санамайды. Соңғы босатылғандардың екеуі өз эмоцияларын ұстай алмады. Көз жастарын сүртіп, олар: "біз аман қалдық", - деп қуануда. Тұтқында қалған кепілге алынғандардың туыстары бітімгершілікті басқалардың бәрін босатқанға дейін ұзарту керек дейді. Бұл баспасөз мәслихатында ХАМАС-та кепілге алынған израильдік-американдық сарбаздың әкесі сөз сөйледі.

РУБИ ЧЕН ИЗРАИЛЬДІК-АМЕРИКАНДЫҚ КЕПІЛГЕ АЛЫНҒАН АДАМНЫҢ ӘКЕСІ: "Біз Президент Байден мен халықаралық қауымдастықты кепілге алынған адамдарды тезірек босату үшін қолдан келгеннің бәрін жасауға шақырамыз. ХАМАС тағы бір күн, тағы бір сағат күте алады. Алдымен кепілге алынғандарды босатамыз, содан кейін хамаспен айналысамыз".

Барлығы топтың қолында 240 кепілге алынған адам болды. Алты күндік бітімгершілік кезінде күн сайын кем дегенде он адам босатылды.

https://www.youtube.com/embed/DotdlUZBIk8?si=Nx0AvUF--f7ssNZy" 

Алматыда бүгін таңғы сағат 6-лар шамасында 3 қабатты тұрғын үй отқа оранды. Соның салдарынан 13 адам қаза тапты. Жалпы, үйде 72 адам болған, оның 59-ы эвакуацияланды.Оқиға орнына біздің түсіру тобымыз барып мән - жайды анықтап көрді.

Алматылықтардың бүгінгі таңы қаралы хабар естуден басталды. Мегаполистің орталығында орналасқан хостелден өрт шығып 13 адам қаза тапты. Оның тоғызы қазақстандықтар болса, қалған төртеуі шетелдік. Атап айтар болсақ, Ресей Федерациясының 2 азаматы және Өзбекстанның 2 азаматы.

НҰРЛАН АТЫҒАЕВ АЛМАТЫ ҚАЛАЛЫҚ ТЖД БАСШЫСЫ

Нұрлан Атығаевтың сөзінше, хостел нақты жатақхана ретінде жұмыс істемеген. Әрі, жертөлесінің мақсатты қолдануын өзгерткен. Адам тұрғызуы заңсыз. Өрттен зардап шеккен 4 адам Алматы қалалық жедел шұғыл көмек көрсету ауруханасына жеткізілді.

БАУЫРЖАН ОМАРОВ ҚЖШККА ҚАБЫЛДАУ БӨЛІМІНІҢ МЕҢГЕРУШІСІ

Хостелде тұрып жатқандардың біразы білім алып жатқан студенттер, араларында жұмыс істейтін азаматтар да бар. Олар Қазақстан, Ресей, Йемен, Ауғанстан, Тәжікстан елінің азаматтары.

ХОСТЕЛ ТҰРҒЫНЫ

Алматы әкімдігі мәлім еткендей хостел бір жарым ай бұрын ашылған, ғимарат Halyk Bank-ке тиесілі. Банк оны кепілмүлік ретінде жалға берген. Алматы қаласының жоғары оқу орындарымен студенттерді орналастыру үшін ынтымақтастық туралы меморандумға қол қойған жоқ. Өрттің шығу себептерін тексеру жөніндегі Үкіметтік комиссия құрылып, қылмыстық  іс қозғалды.

Соңғы келіп түскен ақпаратқа сәйкес, Алматы әкімдігі жерлеу рәсімін ұйымдастыруға және қаза тапқандардың денесін тасымалдауға көмектесетін болады. Жерлеуді ұйымдастыру мәселелері бойынша қаза тапқандардың туыстары мына байланыс нөмірлеріне жүгіне алады:

+ 7 707 779 07 08, +7 777 312 08 08.

https://www.youtube.com/embed/j95FZU-UyoU?si=2MxQJR0asJTd6hm6" 

Екі жылда бір рет неміс Альфред Вегенер институтының зерттеушілері өздерінің "Поларштерн" кемесімен Солтүстік Мұзды мұхитқа барады. Олар арктикалық ортадағы климаттың өзгеруін және жойылып бара жатқан теңіз мұзының астындағы дүниелерді зерттейді.

Теңіз биологы және Институт директоры Антье Боэтьюс Арктика бір кезеңнен кейін мұзынан айырылады деп санайды. Алайда, бәрінен бұрын ғылыми әлемді Антарктидадағы теңіз мұзының тез азаюы таң қалдырды. Көптеген жылдар бойы, 2015 жылға дейін, теңіз зерттеушілері Арктикада теңіз мұзының азайғанын байқады. 2015 жылдан бастап мұздың азаюы Жердің Оңтүстік полюсінде де жеделдеп келеді.

АНТЬЕ БОЭТЬЮС АРКТИКАНЫ ЗЕРТТЕУШІ:"Соңғы бірнеше жылда біз Антарктидадағы теңіз мұзының көлемінің үлкен төмендеуін және император пингвиндері сияқты теңіз мұзына тәуелді түрлердің жоғалуын байқадық. Неліктен Антарктидада мұз кенеттен тез ери бастады? Бұл үрдіс жалғасады ма? Мұны қалай тоқтатуға болады?»

Еуропалық Одақтың климаттың өзгеруі қызметінің қыркүйек айында жарияланған мәліметтеріне сәйкес, 2023 жылдың жазы ыстық болып, рекорд орнатты.

https://www.youtube.com/embed/SHOJ6f-jM8k?si=DtBm0yEsojWj2SeW" 

Білікті маман практикалық тұрғыда шыңдалады.Алматыда Оқу-ағарту министрлігі және Алматы қалалық әкімдігінің қолдауымен Халықаралық құзіреттілік орталығы ашылды.Енді студенттер жұмыс беруші компанияларымен бірлесіп,өздерінің тәжірибиелерін шыңдамақ.

Президенттің тапсырмасы аясында кәсіптік бағытта білім беретін оқу ордалары жаңа технологияларымен жабдықталып, мол тәжірибие жинауға бет бұра бастады.Алматы қаласындағы Құрылыс және халықтық кәсіпшілік колледжінің базасында ашылып отырған орталық соның куәсі десекте болады. Елімізге танымал компания өкілдері мекеменің сапалы ілім беруіне жағдай жасап отыр.Қаражат құйып,технологиясын жаңартып отыр.

КАМАЛ ӘМІРҒАЛИҰЛЫ АҚХКК ДИРЕКТОРЫ

Айтулы орталықтың ашылу салтанатына Алматы қаласы әкімінің орынбасары,білім мекемелерінің басшылары,студенттер және жетекші кәсіпорындар мен компаниялардың өкілдері қатысты. Біліктілікті арттыруға таптырмайтын бағыт екенін айтып,көпшілікке үлгі болса деген ниеттерін сөз етті. 

ЕВГЕНИЙ ВОЙЛОВ «ТЕХНОНИКОЛЬ» КОМПАНИЯСЫНЫҢ ВИЦЕ-ПРЕЗИДЕНТІ «Біз Қазақстанда құрылыс саласы бойынша екі зауыт салып жатырмыз.Бүгінгі ашылып отырған орталықпен не байланыстырады деп ойласаңыздар,біздер студенттерді практикалық тұрғыдан шыңдауға қол ұшымызды беретін боламыз. Көзі мен көріп,қолымен ұстаған жастар,нағыз маман болып қалыптасары сөзсіз.Алдағы уақытта нәтежиесін бірге көретін боламыз».

Елімізде кәсіпорындардың ашылуы салықтың өсуіне ғана пайдасын тигізбейді, көптеген жұмыс орындарының ашылуына ықпалы болады. Оған өз алдына сапалы білім алып қалыптасқан жас мамандардың қатарға қосылары сөзсіз.

https://www.youtube.com/embed/aieb7g3Awd4?si=g40IsPVRa46VAFQ6" 

Алматыда қызылша ауруы бойынша эпидемиологиялық жағдайға арналған баспасөз конференциясы өтті. Қоғамдық денсаулық сақтау басқармасының басшысы Иран Шаметеков қалада вакциналардың саны жеткілікті екендігін алға тартты. Брифинг барысында айтылған ақпаратқа сәйкес, СК-Фармация арқылы қызылшаға қарсы екпенінің қажетті  128  мыңнан астам дозасы сатып алынды. 

ИРАН ШАМЕТЕКОВ АЛМАТЫ ҚАЛАСЫ ҚОҒАМДЫҚ ДЕНСАУЛЫҚ САҚТАУ БАСҚАРМАСЫНЫҢ БАСШЫСЫ: «2023 жылғы 24 қарашада Денсаулық сақтау министрлігінен тарату бойынша СК-Фармация арқылы 67 350 доза мөлшерінде вакцинаның бірінші партиясы келді, 30 950 доза мөлшерінде вакцинаның екінші партиясы 30 қарашада келді. Осылайша, қалада қосымша жаппай иммундау және жоспарлы вакцинациялау үшін ККП вакцинасының 103 940 дозасы бар».

Ата-аналары вакцинациядан бас тартқандықтан, ауруға шалдыққандар арасында екпе алмаған балалар көп. Қызылшаға қарсы екпесі жоқ 2054 бала тіркелді, оның ішінде вакцинациядан бас тарту себебінен – 1466, медициналық қарсы көрсетілімдер – 289, 292 жағдайда жұқтырғандар егу жасына жетпеген және өзге себептермен егілмегендер – алтау. Қызылша жұқтыру жағдайларын тіркеу кезінде кабинеттік оқыту жүйесі жойылады, балалардың бір топтан/сыныптан басқа топқа/сыныпқа ауыстыруға жол берілмейді, сондай-ақ қызылшаға қарсы егілмеген балаларды ажырату жүргізіледі, мәдени-бұқаралық іс-шаралар өткізуге жол берілмейді.

ҚАСЫМХАН АЛПЫСБАЙҰЛЫ АЛМАТЫ ҚАЛАСЫНЫҢ БАС САНИТАР ДӘРІГЕРІ «Ошақтарда науқаспен байланыс жасаған  19 092 адам анықталды, олардың барлығына инкубациялық кезең ішінде (12 күн) медициналық бақылау орнатылды. Эпидемиологиялық көрсеткіштер бойынша 30 жасқа дейінгі 488 адам қызылшаға қарсы егілді»

Қазақстанда вакцинация жүргізу үшін Дүниежүзілік денсаулық сақтау ұйымы сертификаттаған және Қазақстан Республикасында тіркелген Үндістан өндірген қызылшаға, қызамыққа, эпидемиялық паротитке қарсы аралас вакцина қолданылады. Serum Institute of India Ltd вакцинасы әлемнің 110-нан астам елінде, соның ішінде Еуропа елдерінде қолданылады. Айта кетейік, қызылшамен сырқаттанушылықтың одан әрі таралуын болдырмау үшін қазіргі уақытта толық штаттық режимде 78 вакцинация пункті, 92 егу бригадасы 276 адам жұмыс істейді. Қаладағы барлық егу кабинеттері күшейтілген жұмыс режиміне, демалыс және мереке күндері - сағат 08:00-ден 16:00-ге дейін жұмыс режиміне ауыстырылды.

https://www.youtube.com/embed/PC9jzSlaoyA?si=LgTCDEv_uKeAFQyY" 

Маңғыстаудағы балалар жататын жұқпалы ауруханада орын тапшы. Салдарынан науқас бүлдіршіндер ата-анасымен үш қабатты аурухананың палатасында емес, кәдімгі дәлізінде жатыр. Осыған шағымданған ата-аналардың бірі ауруханадағы мәселенің мән-жайын айтып берді.

Бұл балалар емделетін жұқпалы аурухананың ішіндегі көрініс. Ата-аналар балаларымен дәліздегі кереуетте жатуға мәжбүр. Себебі ауруханадағы палатада орын жоқ. Тамақты да осы жерде ішеміз дейді шағым айтушылардың бірі Ғалия Қайратқызы.

Бұдан бөлек ата-аналар аурухананың жағдайы да сын көтермей тұрғанына шағымданды. Айтуларынша қабырғасының сылағы түсіп, ішіндегі жиһаздары әбден тозған. Бір сөзбен айтқанда науқастар үшін жағдай жасалмаған дейді олар.

 ҒАЛИЯ ҚАЙРАТҚЫЗЫ  АТА-АНА: «Біз бүгінгі түнде коридорда 8 ана болып жаттық. Коридор салқын болды. Ингаляторды өзіміз үйден әкелдік, жетіспейтін болды. Балдарымызды курткамен ұйықтаттық. Уайыммен ұйықтадық. Екі палата босап, біздерді соған ауыстырды».

Емдеу мекемесінің басшылығы орын жетіспей жатқанын жасырмады. Сондықтан 60 төсектік бөлімшеде қосымша 20 орын жасақтауға тура келген. Оның өзі аздық еткен соң жұқпалы аурулар бөлімшесін бірінші шағын аудандағы модульді стационарға көшіруге шешім қабылданған.

БИБІЗАДА ДҮЙСЕНБАЕВА  МАҢҒЫСТАУ ОБЛЫСТЫҚ ДЕНСАУЛЫҚ САҚТАУ БАСҚАРМАСЫ БАСШЫСЫНЫҢ ОРЫНБАСАРЫ: «Бір жасқа дейінгі балалардың 39–ы жатыр. Жалпы саны 91. Сондықтан модульдік жаңа стационарға көшіргелі жатырмыз. Қазір «С» блокты дайындадық. Қабылдау бөлімі «С» блок арқылы өтеді және жанындағы блоктарды да дайындаймыз».

 Қазір аймақта эпидемиологиялық ахуал тұрақсыз. Себебі қызылшаға күдікті балалар көп түскен. Қызылшамен қатар, бронхиолит және пневмония аурулары да өршіп тұр дейді мамандар. Басты себеп-көпшіліктің вакцина алуға немқұрайлы қарағанынан. Сол себепті дәрігерлер тұрғындарды екпе алуға шақырады.

https://www.youtube.com/embed/FrOcELQKHyE?si=ay4_KIQ9b4XYvHgx" 

https://www.youtube.com/embed/JHjxQw1ERXE?si=C20QbL7mc87PVZDg" 

Еліміздің батысында енді жарықпен тапшылық болмайды. Атырау облысында жаңа электр желілері іске қосылды. Ресми қосу рәсіміне телекөпір арқылы үкімет басшысы Әлихан Смайылов қатысты.

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Мұның барлығы электр желілерінің өткізу қабілетін екі есеге ұлғайтуға, сондай-ақ еліміздің батыс өңіріндегі тұтынушылар үшін энергоблоктарда, оның ішінде МАЭК станциясында авариялық жағдайлардың санын едәуір азайатын болады».

https://www.youtube.com/embed/0k0KEMLwCAI?si=Kzb5isMTftE-dW2w" 

Орал қаласының тұрғыны Сақыпжамал Дүйсалиева дәрігерлердің салғырттығынан қызының болашағына балта шабылғанын айтып, редакциямызға хабарласты. Ананың айтуынша, 32 жастағы қызына түсік жасау кезінде ақ халатты жандар алғашқы көмек көрсеткен. Ем-шараның дұрыс жасалмауы салдарынан енді ол сәби сүйе алмайды. Ашынған ананың жан-айқайын түсіру тобы тыңдап қайтты. 

Биыл Айгерім Дүйсалиеваға 15 жылдан кейін ана болу мүмкіндігі туған. Жасанды ұрықтандыру тәсілі арқылы жатырына жан бітіп, жүктілігі ойдағыдай басталған. «Бұл қуанышымыз ұзаққа созылмады»,- дейді анасы Сақыпжамал Дүйсалиева. Жүктіліктің 3-ші айында Айгерім өзін жайсыз сезініп, қансырап, шақыртуға келген жедел жәрдем бригадасы жеке клиниканың мамандарына табыстаған. Бұл әрекет бірнеше мәрте қайталанған. Науқастың дене қызуы түспей, нашарлай бастағанда барып анасы алғашқы медициналық көмектің дұрыс жасалмағанын байқаған. Бүгінде Айгерім ана болу бақытынан біржола айырылып қана қоймай, обыр дертімен күресуде. Асқынған дерт өкпені де зақымдаған. Амалы таусылған отбасы Корея, Түркия мемлекетінің онколог дәрігерлерінен кеңес алған. Шетелдік мамандар сәтсіз ота жасалғанын айтқан.

САҚЫПЖАМАЛ ДҮЙСАЛИЕВА ҚАЛА ТҰРҒЫНЫ

Сақыпжамал Дүйсалиеваның әділдік іздеп, тиісті органдардың табалдырығын тоздырғанына бірнеше айдың жүзі болған. Қызының жанына араша болудың орнына болашағына балта шапқан дәрігерлер жазаланып, материалдық-моральдық шығын өтелуі тиіс екенін айтады.

САҚЫПЖАМАЛ ДҮЙСАЛИЕВА ҚАЛА ТҰРҒЫНЫ

Батыс Қазақстан облыстық денсаулық сақтау басқармасының баспасөз қызметкері Сақыпжамал Дүйсалиеваның арызы ҚР ДСМ медициналық және фармацевтикалық бақылау комитетінің БҚО бойынша департаментіне жолданғанын мәлімдеді. Өз кезегінде департамент өкілдері биыл тұрғындардан келген талап-арыздар санының артуына байланысты өтініш қаралып жатқанын айтты. Облыста медициналық ұйымдардың қызметі және мамандар жұмысымен байланысты 370 арыз түскен. Бұл көрсеткіш өткен жылмен салыстырғанда 70 арызға көп. «Арыз иесіне желтоқсанның ортасында жауап қайтарамыз» деді департамент басшысының орынбасары.

НАРИМАН НИЯРОВ ҚР ДСМ МЕДИЦИНАЛЫҚ ЖӘНЕ ФАРМАЦЕВТИКАЛЫҚ БАҚЫЛАУ ДЕПАРТАМЕНТІНІҢ БҚО БОЙЫНША ДЕПАРТАМЕНТ БАСШЫСЫНЫҢ ОРЫНБАСАРЫ

Айгерімге ем-дом жүргізген жеке клиника дәрігерлері оның өмірі қыл үстінде болғанын айтады. Жүктілік кезінде пайда болған хорионэпителиома дертінің асқынуына байланысты жатыр алынып тасталған. "Ота жасалмаған жағдайда, қан тоқтамай, науқастың беті бері қарамас еді" дейді. Баласы үшін шырылдап жүрген ана жауапты органдардың әділ шешім шығаратынына күмәнмен қарайды. Амалсыз жыл аяғына дейін мамандардың шешімін күтуге мәжбүр. Айгерім Дүйсалиева денсаулығына байланысты түсірілім тобымен сұхбаттасудан бас тартты.

https://www.youtube.com/embed/X8oS9a8CMzE?si=dbkBqESxppmt5tMz" 

Моңғолия мал шаруашылығымен танымал ел. Бұл қызмет ел конституциясымен қорғалған. 80 миллион түйе, сиыр, қой, ешкі және жылқы төлдері мемлекет қорғауындағы «ұлттық байлық» ретінде саналады.

Көптеген отбасылар үшін бұл кәсіп емес. Бұл ұрпақтарды біріктіретін мәдени бірегейлік. Ал ол адам мен жануарлар арасындағы байланысқа негізделген.
Агваантогтох және оның отбасы ет және қатты ірімшік сияқты сүт өнімдерін шығарады. Олар жануарларды өздерінің меншігі деп санағанымен, оларды өз еркі бар тірі жан ретінде де көреді. Яғни, малдың өзі жайылымын таңдап, су табуына мүмкіндік береді. Олар жануарларды белгілі бір жерде ұстау адамды түрмеге отырғызумен бірдей деп есептейді.Соңғы кездегі  климаттың өзгеруіне байланысты ауа райы жағдайлары олар үшін қиынға соғуда.

АГВААНТОГТОХ  МАЛШЫ: «Бұрын жылдың әр мезгілі бойынша суық және ыстық болатын, қазір қысы-жазы қатты шаңды дауылдар соғады.Немесе күн жылы болғанда қар жауады».

Моңғолия  құрғақшылық пен жылынудан зардап шегуде. 1940 жылдан бастап орташа температура Цельсий бойынша 2,2 градусқа көтерілген.Сонымен қатар, қақаған қарлы қыста  жұт болып жем-шөп тапшылығы болған. Малдар да тебіндеп жайыла алмаған. Осы жұт малшының отбасын оңтүстік-батыс провинциядан көшуге мәжбүр еткен. Сол қыста оның 400 малы өлді.

ЛХЕБУМ МАЛШЫНЫҢ ӘКЕСІ: «Әрине,туған жерімді тастап кету қиын болды.Бірақ құрғақшылықтан қашу үшін басқа амал қалмады».

Бұл ретте мамандар моңғол малшыларынан бейімделу жағынан көп нәрсені үйренуге болатынын айтады.

АРИЭЛЬ АХЕРН ОКСФОРД УНИВЕРСИТЕТІНІҢ ЗЕРТТЕУШІСІ: «Олардың көптеген тәжірибелері бар.Сондықтан моңғол малшыларынан үйренетін нәрсе көп».