https://www.youtube.com/embed/3iMSmTKOR70?si=pWa4r0AxvFO7V5Af"

Бұрынғы ұлттық экономика министрі Қуандық Бишімбаев жазасын Ақмола облысындағы қауіпсіздігі барынша жоғары мекемеде өтейді. Ол Аршалы маңындағы түзету мекемесі болуы мүмкін. Аталған мекеме Астанадан 60 шақырым жерде орналасқан. Бұл туралы бүгін орталық коммуникациялар қызметінде өткен брифингте Қылмыстық- атқару жүйесі комитетінің төрағасы Теңізжан Жәнібеков айтты. 

ТЕҢІЗЖАН ЖӘНІБЕКОВ  ҚЫЛМЫСТЫҚ-АТҚАРУ ЖҮЙЕСІ КОМИТЕТІНІҢ ТӨРАҒАСЫ: «Сотталған азамат таяу арада Астанаға жақын Ақмола облысындағы қауіпсіздігі жоғары мекемеге жіберіледі. Иә, біз сотталғандарды жұмысқа орналастырамыз. Біздің өндірістік аймақтарда әртүрлі жұмыс бар. «Еңбек» РМК-да ағаш өңдеу, металл өңдеу бағыттары бойынша жұмыс таба алады. Мұның бәрі қай жерде және қандай бос жұмыс орны болатынына байланысты. Әрбір мекемеде жұмысқа орналасумен тікелей айналысатын жұмыспен қамту бөлімі бар».

Айта кетейік, экс-министр әйелін ұрып өлтірді деген күдікпен сотталған еді. Яғни 2023 жылдың 9 қарашасында Астана мейрамханаларының бірінде қайғылы жағдай болып, Салтанат Нүкенова қайтыс болды. Сол оқиғадан кейін Бишімбаев қамауға алынды. Артынша сот оны 24 жылға бас бостандығынан айырған болатын. 

https://www.youtube.com/embed/i4iq4WAFe2I?si=UNzbP4t9hoP9Ib5c" 

Алматы әкімі Ерболат Досаев өзі басқаратын қала тұрғындарының мәдениетіне көңілі толмайды. Шаһар басшысы «Халық көшедегі мүлікке ұқыптылықпен қарамайды». Салдарынан жерүсті көпірлерінде орналасқан мүгедектерге арналған лифтілер жаппай істен шығып, сынып жатыр дейді. Оның үстіне экологиялық мәдениеттен жұрдай жандар нысанды қоқысқа толтырып, нағыз пайдалануға мұқтаж адамдардың қозғалысына кедергі келтіруде-мыс. Сондықтан, енді бұдан былай ондай мүмкіндігі шектеулі жандарға арналған лифтілер Оңай картасы арқылы ғана жолжетімді болады. 

ЕРБОЛАТ ДОСАЕВ АЛМАТЫ ҚАЛАСЫНЫҢ ӘКІМІ:
«Жерүсті өткелдеріне қатысты айтар болсам, осы жылдан бастап 5 жерүсті көпірі жаңа стандарттарға сәйкес жаңғыртылады. Біз оны Оңай картасымен үйлестіруді көздеп отырмыз. Бірақ өзіңізге белгілі, біздің қала тұрғындарының мәдениеті көңілден шыға бермейді. Олардың аталмыш лифтілерді қандай орындарға айналдырып жіберетінін көріп жүрсіздер. Сол үшін біз шектеулер қоюға мәжбүрміз. Лифтілердің барлығы жөндеуден өткізіліп, осы жыл соңында пайдалануға беріледі»

https://www.youtube.com/embed/OhHPRWbkQJY?si=Sg3Bpg-fFx1UmPQZ" 

Арал өңіріне жұмыс сапарымен Су ресурстары және ирригация министрі Нұржан Нұржігітов келді. Ол Арал ауданында орналасқан  «Қамыстыбас» және «Ақшатау» көлдер жүйесінің жай-күйімен  танысты. Әрі Аралдың мәселесін де қозғай кетті. 

Министр Арал өңіріне ат басын бұрды дегенді жұрты көптен күткен бе, кездесуге келген халық қарасы көп. Олардың көкейлерінде тек су жайы ғана емес, шаруаларын баяулатқан мәселелер де жиналып қалыпты. Әйтеуір қойылған сұрақ жауапсыз қалмады. 

Тұрғындар көтерген сауалдар қатарында көпір де, жол да, су да бар. Әсіресе Аралдың жайы барша қазақстандықты алаңдатады. Бірақ министр бұл мәселеге саспады. Айутынша, ай санап ондағы су деңгейі көбейіп келеді екен. 

Нұржан Нұржігітов ҚР Су ресурстары және ирригация министрі

«Ең үлкен проблема Арал теңізінде су деңгейін көтеру. Сол туралы тоқталып кеттік. Соңғы 2 жыл ішінде келісімсөздер аясында Қырғызстан, Тәжікстан, Өзбекстан мемлекеттерімен судың көлемі ұлғайып келеді. Биыл қыста 1 млрд 300 млн текше метр су кірсе, 3 жарым ай ішінде 400 млн текше метр су бердік. Жыл соңына дейін 2 млрд-қа жеткіземіз бе деген жоспар бар. Себебі тұрғындар сұрауы осы мәселе.»

Кездесуде сонымен қатар Арал ауданындағы «Қамыстыбас» және «Ақшатау» көлдер жүйелерін суландыру жайы да қозғалды. Бүгінде бұл мақсатта «Аманөткел» ауылының тұсына су торабын салу» жобасы әзірленіп, мемсараптауға ұсынылды. 

https://www.youtube.com/embed/_R1bQeIeIvs?si=BuhAoNZWOfbPP0ED"

Қазақстанда қылмыскерлерді апаратын жер жоқ. Түрмелер мен тергеу изоляторларында адам лық толы. Соңғы жылдары елде түрме көбейген. Уақытша ұстау изоляторларында да орын тапшы. Қазір 16 тергеу изоляторында 7,5 мың адам отыр. Сондықтан, бұл мәселені үкімет деңгейінде шешу керек дейді қылмыстық-атқару жүйесі комитетінің мамандары. 

ТЕҢІЗЖАН ЖӘНІБЕКОВ  ҚЫЛМЫСТЫҚ-АТҚАРУ ЖҮЙЕСІ КОМИТЕТІНІҢ ТӨРАҒАСЫ: «Қазіргі таңда 78 түзеу мекемесі бар, онда 37 мыңнан астам сотталушы жазасын өтеп жатыр. Оның үш мыңы әйелдер (50-ден астамы кәмелетке толмағандар). 93 пайызы ауыр және аса ауыр қылмыс жасағаны үшін сотталған. Сонымен қатар, 45 пайызы қасақана қылмыс жасағаны үшін сотталған». 

Комитет төрағасы сонымен қатар қылмыскерлерді қамайтын тағы жаңа түрмелердің салынатынын да айта кетті. Сөзінше Маңғыстау, Ақмола, Атырау, Шығыс Қазақстан және Павлодар облыстарында салынады. 

https://www.youtube.com/embed/bFDFLu5HZpE?si=obIvT3xbJciuO8HH" 

https://www.youtube.com/embed/MPt99_SOqNk?si=VRlYRkJ-XVJLTX2r" 

Алматы облысы Жамбыл ауданының Беріктас ауылында толассыз жауған жаңбырдан кейін сел жүрген болатын. Осылайша 15 аула мен 3 тұрғын үй су астында қалды. Абырой болғанда мал мен адам шығыны жоқ. 

Оқиға орнына Ұзынағаш ауылында орналасқан №28237 әскери бөлімінің жеке құрамынан 54 адам мен 4 арнайы техника жұмылдырылған. Арнайы мотопомпалармен үйге кірген суға су сорғыту жұмыстары жүргізілді дейді мамандар. 

АҚНИЕТ ТҰРЫСБЕКҰЛЫ АЛМАТЫ ОБЛЫСЫ ЖАМБЫЛ АУДАНЫ ӘКІМІНІҢ ОРЫНБАСАРЫ «Екі жыл бұрын сол өзеннің арнасын кеңейту, қазу жұмыстарын жүргізу керектігі ұсынылған кезде, ауыл тұрғындары қарсы болған. Ол жердегі құм, қиыршық тастарды алуға, түрлі жұмыстарды жүргізуге қарсы болған. Осы жағдайдан кейін ауыл тұрғындары оған қарсылық білдірген жоқ». 

Үйлер сайлы жерлерде орналасқандықтан қатты жауын шашын салдарынан бұндай жағдайлар бұрында орын алған екен. Қазір Алматы-Бішкек тас жолында жұмыс жүргізіп жатқан компания өзеннің арнасын кеңейтіп, тереңдетіп қазып беру туралы ұсыныс білдірген.

АҚНИЕТ ТҰРЫСБЕКҰЛЫ АЛМАТЫ ОБЛЫСЫ ЖАМБЫЛ АУДАНЫ ӘКІМІНІҢ ОРЫНБАСАРЫ «Ауыл тұрғындары да өздеріне қарасты ауланың бойындағы арық желілерін тазаламайды, кейде лас ұстайды. Соның әсерінен, осындай жағдайлар орын алады. Үйлердің ауласында су басу, су кіру тек селден ғана емес, еріген қар салдарынан да кіріп кетуі мүмкін деген жерлерде де жер деңгейін көтеру жұмыстарын да жүргізге екен деген өтініш білдіреміз жалпы ауыл тұрғындарына». 

Сонымен қатар, кеше Кеген ауданы, Ақсай ауылының маңындағы таулы аймақта жауын-шашынның салдарынан ағын судың қалыптасуы орын алды. Ағын судан 2 жүк көлігі жол жиегіне шығып кеткен. Жолды тазалау жұмыстарына Кеген, Еңбекшіқазақ және Ұйғыр аудандарының арнайы техникалар мен 17 қызметкер  жедел түрде жұмылдырылды.Автокөлік қозғалысы штаттық режимде жұмыс жасауда. Оқиға салдарынан зардап шеккендер жоқ.

https://www.youtube.com/embed/77JqPeRQsLI?si=hU6qeMQYHrtd17lH" 

Шымкентте 15 жастағы оқушылар ересек ер адамдарға боди-массаж қызметін көрсеткен. Бұл массаждың классикалық массаждан айырмашылығы – онда тұтынушылардың тек денесіне ғана емес, интимдік аймақтарына да массаж жасалады. Оны жас қыздар алғашында білмеген. Egovpress Telegram арнасының жариялаған мына видеоны сол 15 жасар қыздың біреуінің анасы түсірген. Шырылдаған ана қыздарды жұмысқа тартқандарды жазалауды сұрайды. Жасөспірім қыздар болса, бұл жұмысты интернеттегі хабарландырулар арқылы тапқандарын айтады. 

Шымкент қаласының ПД мәліметінше, олар бұл істен хабардар. Бұл факт биыл мамырда анықатлған. Оған қатысы бар барлық адам полицияға жеткізіліп, қылмыстық іс қозағылыпты. Іс қазір тергелуде. 

https://www.youtube.com/embed/awz6G7N50Ag?si=2LBvEFmxr5VAnv-_"

Асыл тұқымды бұғыларға жататын маралдың мүйізі — емдік қасиетке ие әрі басқа тіршілік иелерінде кездеспейді. Қазір Іле-Алатау ұлттық табиғи паркінің орманшылары қызыл кітапқа енген жануарды қорғау жұмыстарын қарқынды жүргізуде. Біздің түсірілім тобымыз аңтанушылармен бірге маралдарды бақылап қайтты.

ШОЛПАН МАРАТҚЫЗЫ ЖУРНАЛИСТ

Маралдың  басты қазынасы әрі қаруы – оның мүйізі. Медицинада мүйіздері мен қанынан түрлі дәрі-дәрмектер жасалады. Қуатты мүйіздерінің арқасында, ол кез-келген жыртқышқа төтеп бере алады.Қалаға жақын орналасқан Ілі-Алатау ұлттық табиғи паркінде 5 филиал бар. Түсірілім тобымызбен Медеу филиалында болып қайттық.

САЙРАН ҰЛАНҰЛЫ ІЛЕ-АЛАТАУ ТАБИҒИ ҰЛТТЫҚ ПАРКІНІҢ МЕДЕУ ФИЛИАЛЫНЫҢ ҮЛКЕН АЛМАТЫ ОРМАНШЫЛЫҒЫНЫҢ ОРМАНШЫЛЫҚ БАСШЫСЫ «Үлкен Алматы орманшылығының жалпы жер көлемі 26,692 гектар жер. Бұл жерде 13 инспектор қызмет атқарады. 13 инспектордың әрқайсысының аумағында қалаға жақын орналасқан жер болса да жан-жануарлардың көптеген түрі мекендейді.Оның ішінде атап айтар болсақ: аю, қар барысы, марал, суыр әртүрлі аңдар мекендейді.Әр аңның өзінің мекен ететін жерлері бар. Қарап тұрсаңыздар, Көкжайлау жақтарда қарап тұрсаңыздар марал көптеп кездеседі».

Иә, Сайран Ұланұлы айтқандай Көкжайлау жерінің Күмбел шыңынан біздің де камерамызға маралдарды түсірудің сәті түсті. Байқағандарыңыздай, бұл тұяқтылар күндізгіге қарағанда кешке, түнде, таңсәріде өте белсенді.

КЕНЖЕ АМИРҰЛЫ ІЛЕ-АЛАТАУ ТАБИҒИ ҰЛТТЫҚ ПАРКТІҢ МЕДЕУ ФИЛИАЛЫНЫҢ АҢТАНУШЫ-БИОЛОГЫ «Маралдардың мүйіздерінің ұзындығы 1,5-2 м болады. Бір жағы 6-7 отростоктардан болады үлкендері. 20-25 жылға дейін өмір сүреді марал. Еркектері 340-300 үстінде болады, ұрғашыларының мүйіздері өспейді».

Сондай-ақ, аңтанушылар жабайы жануарлар жүретін арнайы орындарға фото-тұзақтарды орнатады. Бұл аппарат жануарлардың санын анықтауға әрі бақылауға көп септігін тигізеді дейді мамандар.

КЕНЖЕ АМИРҰЛЫ ІЛЕ-АЛАТАУ ТАБИҒИ ҰЛТТЫҚ ПАРКТІҢ МЕДЕУ ФИЛИАЛЫНЫҢ АҢТАНУШЫ-БИОЛОГЫ «Фото-тұзақ орнатамыз жыл бойы. Барысқа, маралға, таутекеге, сілеусінге қоямыз. Олардың санын, санағын білу үшін орнатамыз.Фото-тұзақтың батарейкалары 25-30 күнге, 2 айға дейін жетеді.500-700 сурет-видеоға дейін түсіреді».

Статистика сүйенсек, Медеу филиалында 182 марал бар. Сондай-ақ, қар барысы, сілеусін, таутеке сынды түрлі аңдарды да көруге болады.

https://www.youtube.com/embed/lMI10MfjgYw?si=uq-da-p-0ndBm52_" 

Алматы облысындағы республикалық олимпиадалық даярлық базасында Қазақстан ұлттық құрамасын XXXIII жазғы Олимпиада ойындарына ресми шығарып салу рәсімі өтті. 

Қазақстандық спортшыларды Франция астанасы Париж қаласында өтетін ХХХІІІ жазғы Олимпиадаға шығарып салуға ҚР Туризм және спорт министрі Ермек Маржықпаев, Олимпиада чемпиондары Ермахан Ыбрайымов, Ислам Байрамуков, Ольга Шишигина, Дмитрий Баландин және БАҚ өкілдері келді. Министр спортшылар және жаттықтырушылар құрамына алдағы жарыстарға сәттілік тілеп, бұл оқиғаның еліміз үшін ерекше маңызға ие екенін атап өтті.

ЕРМЕК МАРЖЫҚПАЕВ ҚР ТУРИЗМ ЖӘНЕ СПОРТ МИНИСТРІ «Олимпиада ойындары үлкен дода. Жарысқа 205 елден 10500 спортшы қатысады. 32 спорт түрінен болады. Бүгін Ұлттық құрама команда қызу дайындық жүргізіп жатыр. 92 жолдама, 80 спортшы спорттың 25 түрінен барамыз. 26 шілде ашылу рәсімі өтеді. 27 шілде күні дзюдодан жарыс басталады»

Сондай –ақ еркін күрестен еңбек сіңірген спорт шебері және Сидней Олимпиадасының күміс жүлдегері Ислам Байрамуков, қазақстандық спортшыларға сенім мол екенін жеткізді.

ИСЛАМ БАЙРАМУКОВ СПОРТ ШЕБЕРІ « Олимпиада ойындарында білесіздер, бақ шаба ма, бап шаба ма? Сондықтан үміт бар. Балалар жеңіспен оралады деп ойлаймыз. Топ жарып, жүлделі орындардан көрінетін спортшылар құрама команда да бар.Еркін күрестен бара жатқандардан Азамат Дәулетбеков 86 келі салмақта шығады. Соңғы әлем чемпионатынан қола жүлдегері болып, оралған. Одан кейін Әлішер Ерғалиев, Юсуф Батырмұрзаев және Мейрамбек Қартбай.

Еске салайық, Қазақстан Тәуелсіздік жылдарынан бері осымен сегізінші мәрте жазғы Олимпиадаға қатыспақ. Ерекше атап өтетіні Қазақстан құрамасының спортшылары биыл алғаш рет Олимпиада бағдарламасына енген брейкинг және бадминтон сияқты спорт түрлерінен өнер көрсетеді. Брейкингтен ел намысын Әмір Закиров қорғаса, бадминтон сайысында Дмитрий Панарин бақ сынайды. Спорт саласының дамуына өзіндік үлес қосқан ардагер Анатолий Қожекенұлы Құлназаров Қазақстан құрамасына батасын берді.

https://www.youtube.com/embed/W9DygaZCp4k?si=x2Ad_mk0J2PDqelk" 

Су тасқынынан зардап шеккен аймақтарда салынып жатқан үйлердің сапасына енді тікелей әкімдер жауапты болады. Ақтөбе, Атырау, Ақмола және Батыс Қазақстан облыстарында құрылыс қарқыны тым төмен. Осылай деген үкімет басшысы Олжас Бектенов Президент жүктеген міндеттерді орындау үшін бар жоғы 2,5 ай қалғанын жауаптылардың есіне салды. Сондай-ақ ол Өнеркәсіп және құрылыс министрлігіне құрылыс жұмыстарының сапасын қатаң бақылауды тапсырды. Кестеден кешігуге әкеліп соғатын барлық проблемалар туралы дереу орталыққа хабарлануы керек деді. Қажет болса, үкімет ресурстарды қайта бөліп, техника мен адамдарды көбейтуге дайын. Себебі, халық бұл мәселеге алаңдап, бас қатырмауы керек. Басты мақсат - алдағы 2,5 айдың ішінде тасқыннан зардап шеккен азаматтар түгел дерлік бапсанмен қамтамасыз ету. 

ОЛЖАС БЕКТЕНОВ ҚР ПРЕМЬЕР-МИНИСТРІ:
«Сіздердің берген қағаз жүзіндегі есептеріңізден барлық су тасқынынан зардап шеккен аймақтарда жұмыс басталғанын көріп отырмыз. Алайда, үйлерді салу мен оларды халыққа тапсыру қарқыны әр өңірде әр түрлі. Мәселен, СҚО-да 200, Павлодар облысында 5 жаңа үй құрылысы аяқталып тапсырылыпты. Сондай-ақ жуырда Қостанай облысында 22 үй тапсырылады. Жалпы, тұрғын үйді қалпына келтіруді жеделдету үшін барлық шаралар қабылданған. Әкімдіктер қажетті қаржымен толық қамтамасыз етілді, барлық кемшіліктер жойылды, салынып жатқан үйлердің үлгілік жобалары бекітілді. Деседе, кейбір өңірлерде жұмыс кестесінен 15-25 күнге артта қалушылық бар. Атап айтқанда, Батыс Қазақстан, Ақтөбе, Ақмола және Атырау облыстарында құрылыс қарқыны өте төмен. Құрметті, әкімдер бұл жұмысты тездету керек. Басты назарға алыңыздар!»

https://www.youtube.com/embed/dufymLFkjzM?si=bnXLoD5vuHB9uL4o"

https://www.youtube.com/embed/kP57V0DVnhw?si=7IsBOhhYvvrKxso4" 

СҚО-да тасқын судың астында қалған баспаналарды қайта жөндеу, ретке келтіру жұмыстары жалғасуда. Бір ғана Заречный кентінде 239 үй су астында қалған еді. Мұнда арнайы жұмысшылар тобы апатты болып танылған баспалардың жұмыстарымен айналысып, жөндеуге жарамдыларын қалпына келтіруде. 

Тасқын судан зардап шеккен тұрғындардың бірі Любовь Ликанцева. Ол бұл баспанасында 30 жылдан астам уақыт тұрған. Апат кезінде жиһаздары мен тұрмыстық техникалары жарамсыз күйге түсті. Енді үйге кететін шығынды арнайы тексеретін мамандар 6 миллионға бағалап отыр. Соның салдарынан қалада пәтер жалдап тұруға мәжбүр.

ЛЮБОВЬ ЛИКАНЦЕВА – ҚАЛА ТҰРҒЫНЫ «Жігіттердің жұмысына көіңілім толуда, олардың жөндеу жұмыстарын жүргізіп жатқанына 2 аптадан асты.Тезірек баспанамызға кірсек екен деймін.  Қазіргі таңда қабырғаларды жөндеп, еден ауыстырып жатыр. Бригада өкілдерінің айтуы бойынша тамызға дейін  құрылысты аяқтайды.»

Сарапшылар қазіргі таңда 120 үйдің 19-ын жөндеуге жарамды деп таныған. 9 баспанада қалпына келтіру жұмыстары жүргізіліп жатыр. Мұнда 13 бірлік техника мен 35 адам жұмылдырылған. Олар 3 мамырдан бері Заречный кентінде жұмыс істеуде.

ТЕМІРЛАН МАМАШӘРІПОВ – МАМЛЮТ АУДАНЫ ӘКІМІНІҢ ОРЫНБАСАРЫ  «Қазір тұрғындардың үйіне күніне 3 рет кіріп, аралап, мехбригаданың жұмысын бақылап отырамыз. Мұнда келгенімізге 3 айға жуық уақыт болды. Зардап шеккен 10 үйдің иесі баспаналарын өздері жөндеуге шешім қабылдады. Ал қалған 9 үйді мехбригада істеп жатыр.»

Осыған дейін жұмысшылар 59 үйдің сүру жұмыстарын аяқтаған. Су тасқынынан зардап шеккен баспаналарды 1-ші тамызға дейін қалпына келтіріп, толықтай бітіру жоспарланып отыр.