https://www.youtube.com/embed/gNtAZ7iLoKw?si=QZa2mJ6RHxKPck5z" 

30 шілде-Дүниежүзілік адам саудасына қарсы күрес күні.Осыған орай Қызылорда да құқық қорғау оргондары мен шағын кәсіпкер әйелдер қоғамы халық көп шоғырланатын аймақтарға түсіндірме жұмыстарын жүргізді. Адам саудасына алдау, күш салу, қауіп-қатер төнгізу, сондай-ақ адам бостандығын шектеу немесе адам осалдығын пайдалану арқылы адамды сатып алу, сату кіреді. Бұл Америка Құрама Штаттары мен Қазақстанды қоса алғанда, барлық елдерді қамтитын дүниежүзілік мәселе.2013 жылы Біріккен Ұлттар Ұйымы Бас Ассамблеясы Дүниежүзілік адам саудасына қарсы күрес күні деп  30 шілдені бекіткен болатын. 

СҰҢҒАТ САЙФУЛЛА ҚЫЗЫЛОРДА ОБЛЫСТЫҚ ПД ҰҚҚКБ ЖЕКЕ УӘКІЛІ

Егерде осындай жағдайға тап болсаңыз «102» нөмірі бойынша немесесенім телефондарына хабарласып,жүгінуге болады дейді тәртіп сақшылары.

https://www.youtube.com/embed/cdfks1sLcKs?si=dxVD984oAElJgPME"

Республикалық жолдардың тек 3 пайызы ғана қауіпсіз. Оларды толық жөндемейінше жол апатынан қаза табатын адам санын азайту мүмкін емес. Ол аз десеңіз, қала сыртындағы жолдар да стандартқа сай келмейді. Осылай деген Ішкі істер министрі Ержан Сәденов бүгін Үкіметте баяндама жасап, сапасыз жолдар мен жүгенсіз жүргізушілердің кесірінен адам шығыны азаймай тұрғанын айтты. Бас полицей үкіметтен автомектептерді бақылауына қайтаруды сұрайды. Айтуынша, сонда ғана жол-көлік апаттары азаяды. 

Қара жол қателікті кешірмейді, еркелікті көтермейді дейміз. Жыл сайын 2 мыңнан аса адамның ажалы осы жолдан келеді, 19 мыңдай жолаушы жылда түрлі дене жарақатын алады. Биыл жол ережесін бұзу 58%-ға, қарсы жолаққа шығу деректері 70%-ға көп. Ұсталған «мас» жүргізушілердің саны да 15%-ға өсіп кеткен, барлығы әкімшілік қамауға алыныпты. Мас күйінде қайта басқару фактілері бойынша қылмыстық істердің саны 20%-ға көбейген. 

ЕРЖАН СӘДЕНОВ ҚР ІШКІ ІСТЕР МИНИСТРІ: «Апаттардың өсуіне себептер біріншіден, тіркеу тәсілдерінің өзгеруі, екінші автотранспорттардың өсуі, былтырғы жылдан бері 608 мыңға өсті. Инфрақұрылым жағдайы. Төртінші жүргізушілер сапасы. Аталған мәселелерді шешу жолдары қоғамдық қауіпсіздік қамтамасыз ету концепциясында көзделген. Оның тиімділігі көбіне әкімдіктермен уәкілетті органдардың белсегділігіне байланысты. Қазір бұл байқалмайды. «Vision Zero» тек Алматы мен Павлодарда бар. Қалған әкімдер жарақат алу бағдарламасында жағдайды жақсарту бойынша нақты шаралар көрсетпеген ».

Көліктерді былай қойғанда соңғы кездері жол ережесін мопед жүргізушілері көп бұзады. Биыл жыл басынан бері 39 мың жүргізуші анықталып, тиісті жазасын алған. Оның ішінде 202 азамат кәмелетке толмағандар. Олардың ата-аналары жауапкершілікке тартылыпты. 

ОЛЖАС БЕКТЕНОВ ҚР ПРЕМЬЕР-МИНИСТРІ: «Биылдың өзінде мопедтердің қатысумен болған апатта 27 адам қаза тапты. Масқара дерек. Осы мәселені қалай шешіп жатырмыз?»

ЕРЖАН СӘДЕНОВ ҚР ІШКІ ІСТЕР МИНИСТРІ: «Көбіне мопедті басқаратын жасөспірімдер мен курьерлер. Қазіргі таңда заңнамалық шараларды қабылдап жатырмыз. Бірінші - бүкіл маподтерді тіркеу жұмысын жүргізу. Кейін мемлекеттік нөмір беріледі. Яғни мопед жүргізу үшін куәлік керек болады. Қазір заң жобасы Сенатта қаралып жатыр».

Бұдан былай жүгенсіз жүргізушілерге жаза қатаяды. Оны ІІМ өзі ұсынып отыр. Әйтпесе, заңға бағынбайтындар кесірінен адам өлімі көбейгенін министр баяндамада бір емес бірнеше мәрте атап өтті. 

ЕРЖАН СӘДЕНОВ ҚР ІШКІ ІСТЕР МИНИСТРІ: «Шілдеде Қарағанды облысы «Алматы-Екатеринбург» трассасының жөнделіп жатқан учаскесінде 2 аптада 3 жол көлік оқиғасы болды. Онда 9 адам қаза тауып, 14 жарақат алды. Ақтөбе облысында бір шұңқырдың кесірінен 2 жол апаты болды, 4 адам зардап шегіп, біреуі қаза тапты. Мұндай фактілер әр аймақта бар. Шұғыл түрде 4 және одан да көп жолағы бар 6 мың шақырымнан астам жол салу қажет».

Ішкі істер министрі Ержан Сәденов жолдарда бақылауды күшейту үшін цифрлық жүйе енгізіліп жатқанын айтты. Осы мақсатта республика бойынша жол ережелерін бұзуды тіркейтін 24 мыңнан астам автоматты камера орнатылды. Патрульдік автокөліктерді бұзушылықтарды тіркейтін жүйелер де қойылуда. Енді мұндай жаңа технология жақын арада маршруттық автобустар, жедел жәрдем және мемлекеттік автокөліктерге де орнатылуы мүмкін.  

https://www.youtube.com/embed/Lkh_dHdhync?si=KEAKgZmPgL1-NswL" 

Петропавлдық Анвар Файзуллин қауіптен қорғау мен әсемдік үшін құрылыс қалдықтарынан көне Еуропа стильінде қамал тұрғызған. Тіпті, сарайдың айналасына түрлі ағаштар егіп, жасыл түсте әсемдеген. 

Жардың жиегінде салынған сарайға қарап, құдды ертегідегі патшаның қамалы ма дерсің. Бірақ бұл – Анвар шебердің ауласы.

АНВАР ФАЙЗУЛЛИН ШЕБЕР «Бұл ата-анамның үйі. Осында туып өстім. 2014 жылы ұлым үйіміздің қасынан жер сатып алды. Міне, ол жер осындай биік жар болды. Әрине,  қауіпті. Сондықтан, бұлай тұрғаны маған ұнамады. Қауіптің алдын алу мақсатында, әрі әсемдік үшін осындай ғимараттар салдық. Жар құламауы үшін өсімдіктер де ектік».

10 метр биіктіктікте орналасқан қамалға арнап баспалдақ орнатса, жан-жағын бекітуге мыңнан аса тас қолданылған. Сарайдың әдемілігіне қарап, үлкен күштің кеткенін әсте аңғаруға болады.

АНВАР ФАЙЗУЛЛИН ШЕБЕР «Мен бұл қамалды салу үшін қарапайым заттарды қолдандым. Олар тас, кірпіш және шифр. Жалпы, құрылыстан қалған заттардың барлығын кәдеге жараттым. Әрине, мен секілді қарт адамға бұндай биіктікке шығу қиын. Құлап кетіп, мерт болуым мүмкін еді. Бірақ, мен қорқып жата берсем, мұндай әсемдік ешқашан пайда болмас еді.  Егер, менің үйімнің ауласы басқаша болса, басқа стильдегі ғимарат салатын шығармын. Кім білсін?!»

Сарайдың терезесі мен қақпасын жасауға темір сымды пайдаланған. Әрбір бөлшегіне ерекше мән беріп, ептілікпен жасауға шебердің 10 жылы кеткен. 

ДИЛЯРА ФАЙЗУЛЛИНА ШЕБЕРДІҢ НЕМЕРЕСІ «Менің жасым 9-да. Маған атамның қасында жүріп, оған көмектескен қатты ұнайды. Біз бірге түрлі өсімдіктер егеміз. Менің досмтарымның барлығы атам туралы біледі. Қатты қызығады. Мен атамдықатты жзақсы көремін және мақтан тұтамын».

ДАМИР ФАЙЗУЛЛИН ШЕБЕРДІҢ НЕМЕРЕСІ «Мен өскенде атам секілді сәулетші болғым келеді. Қазір жасым 10-да. Атаммен қасында жүріп, көп нәрсе үйренемін. Осындай зәулім, керемет ғимараттар салу менің арманым».

Көзге оттай басылатын сарайдың жанынан жай өту мүмкін емес. Себебі, ол сондай асқан шеберлікпен тұрғызылған. Сол себепті де, тамашалауға келетін қарашаның саны да қалыңдаған. 

ВЛАДИСЛАВ КИМ, ТУРИСТ «Бүгін Петропавлдағы небір әсемдікке куә болып жатырмыз. Анвар Файзуллин керемет кісі екен. Қалдықтарды тастамай, осындай ғажап дүние жасап отыр. Үйінің ауласының кез келген жері әсемдікке толы». 

ЕЛЕНА КИМ ТУРИСТ «Бұл ғажап көріністі көру барлық адам үшін қолжетімді. Ешқандай ақы сұрамайды. Үй иелері өздері қарсы алып, барлығымен таныстырды. Өте ризамыз. Осындай шебер, жайдары жандар көп болсын». 

Шебер зәулім сарайдың айналасындағы ағаштарды корей бағына ұқсатып жасаған. Барлығы жасыл түспен көмкерілген. Тіпті, жеміс-жидек ағаштары да бар. Бұның барлығы келушілерге ерекше әсер қалдырары  сөзсіз.

https://www.youtube.com/embed/B69MMjNWtKU?si=XTfKNU2S6d60UwMA"

https://www.youtube.com/embed/G9mAllTmOhs?si=XZA8maxSElFKX35_"

ҚР Президенті Іс басқармасы, медициналық орталығының дәрігерлері ақтаулық 62 жастағы ер адамға ота жасады. Сондай-ақ, жергілікті әріптестерге тың ақпараттармен дәрістер де өткізді.

Ақтауға 2 күндік сапармен келген ақ халаттылар жергілікті науқастарға ота жасап, тегін көмек берді. Сондай-ақ, уролог мамандар 62 жастағы науқасқа екі жарым сағат көлемінде операция жасап, оны сәтті аяқтады.

БАХТИЯР ҚАСЫМОВ ҚР ПІБ МЕДИЦИНАЛЫҚ ОРТАЛЫҒЫ АУРУХАНАСЫНЫҢ ЖОҒАРЫ САНАТТЫ УРОЛОГ ДӘРІГЕРІ: «Бүгін күрделі отаның бірі жасалды. Кеше 2 операция жасалды. Бүгінде оталар жасалуда. Бұл жұмыстар Қазақстан Республикасы Президенті Іс басқармасының Медициналық орталық ауруханасы мен Маңғыстау облыстық ауруханасының ортасындағы меморандум аясында жүзеге асырылуда. Біз сапаға мән береміз. Сондықтан бір отаның өзіне жіті мән беріп, уақытпен санаспай жасап жатырмыз. Бұдан бөлек, пациенттерді қабылдап, консультация өткізілуде».

Жасалынған оталардың барлығы заманауи тәсілдер мен құрылғылардың көмегімен өтті.

МҰРАТ БЕКХОЖИН МАҢҒЫСТАУ ОБЛЫСТЫҚ КӨПСАЛАЛЫ АУРУХАНАСЫ УРОЛОГИЯ БӨЛІМШЕСІНІҢ МЕҢГЕРУШІСІ: «Операция барысы эндоскопиялық,  лапороскопиялық жолмен жасалып жатыр. Бүгінгі жасалған операциямыз қуық асты безінің оденомасына байланысты лапороскопиялық операция жасалады. Келген дәрігерлер операциямен қатар, консультативтік-диагностикалық бөлімде жергілікті халыққа тегін көмек көрсетіп жатыр. Өзіміздің әріптестерімізден көптеген затты үйреніп жатырмыз. Шеберлік аясында тәжірибе алмасып, ары қарай дамытып, жергілікті жерде жасаймыз деген ниеттеміз».

Статистикаға сүйенсек, былтырғы есеп бойынша астаналық дәрігерлер еліміздің 12 облыс орталығына барып, 278 операция жасап, 2321 консультация өткізген. Сондай-ақ, 322 шеберлік сағат пен дәріс ұйымдастырған.

https://www.youtube.com/embed/DF5by9yb6PA?si=Zplq8X2zGSPgQQRT"

Тыйым салынған діни материалдарды таратқаны үшін 18 жастағы Атырау облысының тұрғыны ұсталды. Жас жігіт әлеуметтік желі арқылы діни алауыздыққа шақыратын яғни тыйым салынған діни материалдарды таратып келген. Құқық қорғау қызметкерлері күдіктінің уақытша мекенжайына тінту жүргізу кезінде түрлі діни кітаптар, діни мәтіні бар брошюра тауып, оларды толық тәркіледі.

Қазіргі уақытта күдіктіге қатысты қылмыстық іс қозғалды. Полиция ескертеді. Экстремизм мен терроризмді насихаттайтын кез келген іс қылмыс болып саналады. 

https://www.youtube.com/embed/KIQs8UQp7Rc?si=EubG2MP7jh8hOhVD" 

Алматыда Кардиология және ішкі аурулар ғылыми-зерттеу институтында миокард инфарктін алған. 21 жастағы жігітке бірегей операция жасалды. Күрделі ота міндетті әлеуметтік медициналық сақтандыру аясында  тегін жүзеге асты. 

Сирек кездесетін жүрек ауруына шалдыққан маңғыстаулық Әлімжан өлім аузынан қалды. 21 жастағы жігіт өзінде туа біткен жүрек патологиясы бар екенін осы күнге дейін білмеген. Айтуынша, маусым айында оның жағдайы күрт нашарлап, қан қысымы екі жүзге дейін көтеріліп, жүрек соғысы жилеп кеткен. Дәрі ішіп көреді. Басылмаған соң ауруханаға өз аяғымен барған. Дәрігерлер оған жүректің қарынша үсті тахикардиясы, миокард инфаркті диагнозын қояды.  
  
ӘЛІМЖАН АТАНТАЙ, ЖАҢАӨЗЕН ҚАЛАСЫНЫҢ ТҰРҒЫНЫ  «Жүрек шаншып, қатты соғып давлением 200-дің үстінде түстім Жаңаөзенде больницаға.Ол жақта мен екі күн реанимацияда жаттым. Ол жақ КазНИИ кардиологияны порталмен ұсынды.Операцияны осы жерде жасайды деп. Қазір жағдайым жақсы қазір мені ештеңе мазаламайды қазір.Өзімді жақсы сезінем. Ұйқым тыныш».

Жаңаөзенде  науқасқа коронагрфия жасалады. Бұдан кейін тек 40 күннен соң операция жасалуы тиіс. Дәрігерлер қарынша үсті тахикардиясының қайталап ұстап қалу мүмкіндігі жоғары болған соң бұл уақытқа қарамай ота жасауға мәжбүр болған. 

БАҒДАТ АХЫТ «КАРДИОЛОГИЯ ЖӘНЕ ІШКІ АУРУЛАР» ҒЗИ  БӨЛІМ МЕҢГЕРУШІСІ: «Жүректің қатты соққанына байланысты спазм деп айтамыз, сол сәтте жүректің тамырлары қысылып қалған.Ол уақытында жедел жәрдем көрсетпесе жедел жіті өлімге әкелетін жағдай.Оттегі жетіспей жүректің тамырлары қысылып инфарктке әкелген жағдай болып тұр.  Біздің жасаған ота нәтижесінде қазіргі болжамымыз 95 пайызға дейін айтуға болады жүректің мүндай приступтың қайталанбауына қазіргі жағдайда кепілдікпен айта аламыз».

Дәрігерлердің сөзінше, миокард инфаркті диагнозы әлем бойынша  10-15 жылда бір адамға ғана қойылады. 

https://www.youtube.com/embed/03qi5cLHKws?si=Y8Xgp8sjOPGpws3-" 

Қызылорда қаласындағы тұрғын үйдің бірінде газ жарылды. Оқиға Әл-Фараби шағын ауданында болды. Оның салдарынан кәмелетке толмаған төрт бала зардап шекті.

Жарылыс газ-ауа қоспасының шығып кетуінен орын алған. Газ жарылысынан кейін үйде өрт болған жоқ, дегенмен тұрғын үй ішінара қираған. Зардап шеккен төрт жасөспірім шұғыл түрде ауруханаға жатқызылды. Олардың жағдайы ауыр. Балалардың жасы 14 пен 19 жас аралығында. Қазір олар облыстық балалар ауруханасының жансақтау бөлімінде жатыр. Дәрігерлер әзірге ешқандай болжам айтпады.

АЙГҮЛ АМАНҚЫЗЫ ҚЫЗЫЛОРДА ОБЛЫСЫНЫҢ КӨПБЕЙІНДІ БАЛАЛАР АУРУХАНАСЫ АНЕСТЕЗИОЛОГИЯ ЖӘНЕ РЕАНИМАЦИЯ БӨЛІМШЕСІНІҢ БӨЛІМ МЕҢГЕРУШІСІ: «Кеше реанимация бөліміне 2-3 дәрежелі күйікпен 4 бала түсті. Олардың денесінің шамамен 50-60%-ын күйік шалған. Ауруханаға жеткізілген сәтте балалардың жағдайы өте ауыр болды. Қазіргі уақытта олардың жағдайы ауыр әрі тұрақты деп бағаланады.Балалардың денсаулығы облыс әкімшілігінің жіті назарында».

https://www.youtube.com/embed/b2ImHW47jqo?si=Pd765AJx93k8ea4u" 

Петропавл қаласында  жастар ресурстық орталығының қызметкерлері мен волонтерлер және қала тұрғындарының қатысуымен «Таза Қазақстан» акциясы аясында экологиялық іс-шара ұйымдастырды. 

Іс-шараға белсене қатысушы саны 70-ке жуық болды. «Бірлесе көтерген жүк жеңіл» деген ұранды бастама қылып алған атсалушылар Интернациональная және Алтынсарина көшелерінің қиылысында орналасқан алаңды күл-қоқыстан тазартты.

АНАСТАСИЯ ВОЛКОВА СҚО ЖАСТАР РЕСУРСТЫҚ ОРТАЛЫҒЫНЫҢ ЖЕТЕКШІСІ: «Мемлекет басшысының бастамасымен әр өңірде "Таза Қазақстан"акциясы жүріп жатыр.Бүгін бізде тазалық іс-шарасына қатысып отырмыз.  Жастар ресурстық орталығы қызметкерлері, еріктілер әрқашан бұндай акциярларды қолдайды. Біз бұл арқылы жастардың арасында  тазалық пен қоршаған ортаға деген сүйспеншілікті насихаттаймыз. Жалпы бүгін бізде үш локация тұр. Олардың барлығын қоқыстан  тазалауымыз тиіс». 

«Қаланы таза ұстау – әр тұрғынның міндеті» деген қағиданы берік ұстанған  Әлфараби Мыңбай, тұрғындарға өз үндеуін жеткізді.

ӘЛФАРАБИ МЫҢБАЙ ВОЛОНТЕР:  «Таза Қазақстан ол біз үшін керек. Еліміздің тазалығы сондықтан әрбір отандасымызды, елін сүйетін азаматтарға айтатынымыз айналыңызды таза ұстаңыздар. Қоршаған ортаны таза ұстасақ ол жерде бақыт, береке болады.» 

Акция асында Петропавлда 230 тоннадан астам қоқыс шығарылып, 3000-нан аса адам қолдау білдірді.

https://www.youtube.com/embed/agKSDHVMSJ8?si=RFp4kUnr9goyoGs0"

Қазақмысты өз мамандары оның ішінде қауіпсіздік қызметінің басшылары тонаған. Оны  ІІМ Ұлттық қауіпсіздік комитеті және Қарағанды облысы прокуратурасы мен бірлесе анықтапты. 20 жұмысшы «металл және тауар ұрлады» деген күдікке ілініп отыр. Тінту барысында олардан травматикалық қару, автокөлік және қомақты қаражат табылып, тәркіленген. Қазір қылмыстық іс-әрекет салдарынан келтірілген залал анықталып жатыр. 

ҚУАНДЫҚ АЛПЫС  ҚР ІІМ ҰҚҚКД ӨКІЛІ: «Келтірілген залал анықталуда. Қарағанды облысының полиция департаментіне 20-дан астам күдікті жеткізілді. Тінту іс-шаралары барысында олардан атыс және травматикалық қару, автокөлік, қаражат және қылмыстық іс бойынша басқа да заттай дәлелдемелер тәркіленді. Тергеу мүддесі үшін өзге мәліметтер жария етілмейді, Тергеу мүддесі үшін өзге мәліметтер жария етілмейді. ІІМ қала құраушы кәсіпорындарда әрекет ететін қылмыстық топтарды анықтау және жолын кесу жұмыстарын жүйелі түрде жүргізеді.».

https://www.youtube.com/embed/ahYeicMFWoY?si=KJcQbxFHWbwPnfks" 

Бүгін Алматыда "ALMATY CIRCUS FESTIVAL" II Халықаралық цирк өнер фестивалінің ашылу салтанаты өтті. Іс шараға Қазақстан, Қытай, Жапония, Аргентина, Бразилия сынды әлемнің 18 елінен үздік артистері қатысуда.

МАҚСАТ ЖАИКОВ «ҚАЗАҚ МЕМЛЕКЕТТІК ЦИРКІНІҢ» ДИРЕКТОРЫ 

Биыл Қазақ мемлекеттік циркінің құрылғанына 54 жыл толды. Араға 35 жыл салып, цирк ұжымы шетелге гастрольдік сапарларын жаңғыртты, әлемнің үздік цирк мектептерінде білімін жетілдіріп, халықаралық фестивальдер өткізе бастады. 

АХМЕТ ЭКЩИ «ARMONI ORGANIZASYON» БАС ДИРЕКТОРЫ 

ОДЕТТА БУГЛИОН ПАРИЖ ҚАЛАСЫ CIRQUE D'HIVER BOUGLIONE БАС ДИРЕКТОРЫ 

https://www.youtube.com/embed/CIYkrckKOOw?si=qpV8EkaXkTp-vuni" 

Маңғыстау облысына қарасты Атамекен ауылының 60-қа жуық тұрғындары көршісіне наразы. Өйткені ол, өзінің тұрғылықты жерін қаңғыбас иттерді қамап ұстайтын орынға айналдырған. Сасық иіс пен алпыстан аса иттің ұлыған даусы көршілерінің құтын қашырған.

Қаңғыбас иттерге қамқоршылық көрсетіп жүргендер бастапқыда 7-8 жануарды осы жерге әкеліп баға бастапты. Кейін уақыт өте келе төрт аяқтылардың саны көбейген. Қазір шамамен 50-ден астам ит бар,- дейді шағым айтушылар. Күні-түні осыншама ит бірнеше сағаттап жан-жақтан үргенде үрейіміз қашып, түн ұйқымыз төрт бөлінеді дейді ауыл ағайындар.

СЫНДАР АРАЗБЕКОВА АТАМЕКЕН АУЫЛЫНЫҢ ТҰРҒЫНЫ: «Ел, халықтың ортасында 60 ит бағады деген масқара ғой. Мынандай қылып ит сақтау деген болмайды ғой. 60 ит бар осының ішінде. Біреуі үрсе, жан-жақтан бәрі үреді. Түнде мына жермен өтейік десек өте алмаймыз. Үлкен ақ ит жатыр».

ШАРХАТ ЖҰМАБАЕВА АТАМЕКЕН АУЫЛЫНЫҢ ТҰРҒЫНЫ:
«Иттер шулап түнімен жатқызбайды. Күндіз түні бірге шулап үреді. Исіде жаман, отырғызбайды. Иесіне айтсаң өзіңмен ұрысып кетеді. Тыңдамайды ешкімді, бұл жерден кетпеймін дейді.Түнде сағат 4-тің мезгілінде құтырып кетеді иттер, жаман». 

Алпыс жануарды ауласына сыйғызып отырған азамат: "Ісім заңды, әрқайсының арнайы құжаты бар",-дегенді алға тартады. Оның сөзінше, ауылдан алшақ жерде қаңғыбас иттерді қамайтын орын бар. Бірақ қоршауы салынбаған. Сондықтан, қамқорлық көрсетуді жалғастыра беремін деп отыр. 

ОКСАНА КОЗЛОВА ҚАЙЫРЫМДЫЛЫҚ ҚОРЫНЫҢ ӨКІЛІ: «Көршілердің өздері иттерге маза бермейді. Біз қайта осындай тұрғындардың далаға тастап кеткен иттеріне қамқор болып жүрміз. Жер орнымыз бар. Көпшіліктен сол жер орынды қоршауға көмек сұраймыз. Бізге ешкім қаржы бөлмейді. Біз тек қайырымды жандардың көмегімен иттерді қорғап жүрміз». 

Айтулы мәселемен жергілікті билік өкілдеріне жолықтық.Елді мекен басшысы осы мәселеге қатысты арнайы комиссия құрып, көршілер арасындағы дауды шешіп береміз деп уәде етті. Жалпы иттерді көшіріп жіберуге заңның осалдығы қол байлау болып тұр дейді ауыл әкімі.

ЕРЛАН ҚАЙРАНОВ АТАМЕКЕН АУЫЛДЫҚ ОКРУГІНІҢ ӘКІМІ:
«Қазір енді заңнамаға байланысты мына үй жануарларын асырап бағу, мал басы санына байланысты, арнайы шектеудің болмауына байланысты, біз ол азаматтарға нақты бір шара қолдана алмай жатырмыз. Енді осы соңғы түскен шағымға байланысты біз жергілікті әкімшілік арнайы жұмыс тобын құрып, мамандарды шақыртып, мәселе бойынша түбегейлі айналысатын боламыз. Жалпы көшіріледі. Енді бұл жерде тұрғындардың шағымы, арызы, көтеріп отырған мәселесі аяқсыз қалмайды».