- Толығырық
- Категория: Алатау ақпараты
- 237 рет қаралды
https://www.youtube.com/embed/ZZSi414tREU?si=_fU3FgtjlE9G8Z5p"
Қызылорда қаласында күйеуі қайнаған сумен әйелін күйдірген. Жәбірленушінің айтуынша бұл жағдай отбасылық жанжалдан туындаған. Опық жеген ана жергілікті полицияға арызданып, оқиғаның мән-жайы тексерілді.
Бес баланың аяулы анасы қорлық көріп, күйеуінің күндеуімен 17 жыл өмір сүрген. Тұрмыс құрғаннан кейін ажырасуға талпынғанымен балалардың болашағын ойлаған ана, жылдар бойы жан жарасын емдеген. 4 қыз 1 ұлға ақ сүт беріп, тәрбиелеп отырған ардақты жанға жұбайының алғашқы әлімжеттігі емес. Отағасынан опық жейтін ана, кейде көршілермен көрісудің өзі ұят дейді.
ЗАРДАП ШЕГУШІ
Бұл оқиға 8 наурыз-халықаралық әйелдер күні орын алған.Даудың басы былай.
Баласы ауырғаннан емхана табалдырығын тоздырған анаға, үй тазалығына шағым айтып күйеуі жанжал бастайды.Ұрыс-керіс бес баланың көзінше, дастархан басында өршіген. Тәтті пісіріп ыстық шәй дайындаған жарына күйеуі, дастарқанмен қоса күйіп тұрған шәйнекті аударған.
ЗАРДАП ШЕГУШІ
Қорлық көрген әйел жазыла салысымен, сот қарауына ажырасуға арызданатынын жеткізді. Елімізде осы секілді зорлық-зомбылық құрбандары күн санап артып келеді дейді мамандар. Жыл басынан бері өңірде тұрмыстық жанжал сипатында 576 өтініш қаралып, оның 64%-не әкімшілік іс қозғалған.
АЙГЕРІМ ЕРБОЛАТ, ҚЫЗЫЛОРДА ҚАЛАЛЫҚ ЖПҚБ ӘЙЕЛДЕРДІ ЗОРЛЫҚ-ЗОМБЫЛЫҚТАН ҚОРҒАУ ТОБЫНЫҢ АҒА ИНСПЕКТОРЫ
Тұрмыстық зорлық-зомбылыққа қатысты әкімшілік қамауға алынған адамдардың саны былтырғыға қарағанда 2 есеге артқан. Жергілікті полиция қызметкерлері отбасыларға прафилактикалық жұмысты жандандырып, жәбірленушілердің қауіпсіздігін қамтамасыз ету міндеттеп отыр.
- Толығырық
- Категория: Алатау ақпараты
- 199 рет қаралды
https://www.youtube.com/embed/hixjAawULh8?si=nePa3JpDLRXCqrOV"
Аса қатыгездікпен, мақсатты түрде адам өлтірді деген айыпты мойындамаймын. Экс-министр Қуандық Бишімбаев Салтанат Нүкенованы қасақана өлтірмегенін айтты. Мені кешіреді деп ойламаймын, бірақ кешірім сұрау адами парызым деп сотта марқұмның туыстарынан және ата-анасынан кешірім сұрады. Нүкеновамен қалай танысқанын және жанжалдың неден туындағанын тәпіштеп айтып берді. Астанада бүгін аты шулы іске қатысты кезекті сот отырысы өтті. Сотта айыпталуышыдан жауап алынды.
ҚУАНДЫҚ БИШІМБАЕВ ЭКС-МИНИСТР: «Мені 5 ай бойы айуан ретінде көрсетуде. Мен ұсталғаннан бастап, Салтанаттың туыстары мен ағасы белсенді "пиар" компания құрып алды. Сіздер интернеттен "көзі ойылған", "бас сүйегі" сынған деген ақпарат оқыдыңыздар. Бәрі шындыққа жанаспайды. Мен кез келген жазаны қабылдауға дайынмын. Бірақ осындай көзқарас қалыптасқаннан кейін мен өзімді қорғауға мәжбүрмін. Сіздерге өтірік айтудың ешқандай мәні жоқ. Мені 5 ай бойы айуан деді, көзін ойып алды деді. Мұның бәрі шындыққа жанаспайды».
- Толығырық
- Категория: Алатау ақпараты
- 158 рет қаралды
https://www.youtube.com/embed/3ToY6uQxlzs?si=BHevjk8_j-A4S8TK"
Елімізде болып жатқан төтенше жағдайларға байланысты көмек қолын созам деген қала тұрғындарына арнап гумманитарлық пункттер ашылды. Сауапты іске еріктілер білек сыбана кірісіп кетті, Алматыдағы жағдайға назар аударсақ.
Көп түкірсе көл деген. Әлеуметтік желілерден хабардар болып, көмек қолын созуға келген келушілердің бүгінде қарасы көп.
ҚАНАТ МАҒАУИЯҰЛЫ АЛМАТЫ ҚАЛАСЫНЫҢ ТҰРҒЫНЫ:
«Өзім жақсы заттарымды жинадым. Олар бір пакетик болып шықты. Соны алып келдім. Бұны мен ерлік деп санамаймын. Бұл біздің азаматтардың борышы. Мен ойлаймын, қазақтар бір-бірімізге көмек бермесек, жәрдемдеспесек өзімізді мемлекет ретінде санай алмаймыз. Сол үшін бір-бірімізге көмек беруіміз керек».
АЙДЫН АБАЙҰЛЫ АЛМАТЫ ОБЛЫСЫНЫҢ ТҰРҒЫНЫ:
«Шынымды айтсам, бұндай көмекті бірінші рет жасап тұрмын. Өзіміздің жанұяның атынан. Киімдер мен керек жарақтар бар. Өзім не керек деп ойладым, соларды алып келдім. Қазағымызда осындай қайғылы жағдай болып жатқанда, кішкене болсын қолымыздың ұшы тисін деп».
Көмек жинау пунктінің ашылғанына бірнеше күн ғана болса да, жеткізілген қор біршама. Халықтың қолдауының арқасында, қажетті заттардың саны күннен күнге артып келеді дейді Бағдат ханым.
БАҒДАТ БЕКБОЛАТҚЫЗЫ АЛМАТЫ ҚАЛАСЫ ВОЛОНТЕРЛАР ФРОНТ ТОБЫНЫҢ ЖЕТЕКШІСІ:
«Барлық өңірлермен қазіргі таңда байланыстамыз. Бірақ, кеше Орал, Ақтөбе қалаларынан қажетті заттар тізімін жазып кеткен болатын. Жалпы біз тізімдерді БАҚ, әлеуметтік желілерге жариялаған болатынбыз. Ол жақта бірінші қажеттілікке керек киімдер, азық түліктер, көрпешелер, лопаталар, етіктер т.б. Осының бәрін жұма күннен бастап жинадық. Демалыс күндері көп тұрғын келді. Кәсіпкелер хабарласып жатыр. Осы екі күн ішінде біз біраз көмек жинаған болатынбыз. Бұйыртса осы аптаның ортасына дейін жинап, кейіннен осы көмектің барлығын аттандыратын болғанбыз деп хабарлап жатырмыз».
Әзірге тасымалдау жағы белгісіз. Жоба апта аяғына дейін жалғасын таппақ. Көмек қолын созам деген жандарға есік әрдайым ашық.
- Толығырық
- Категория: Алатау ақпараты
- 131 рет қаралды
https://www.youtube.com/embed/5PuOAPC2w1g?si=818pcxd37YbtVG_5"
Полицейлер Петропавл тұрғындарына жеке аулаларын су басудың алдын алуға көмектесуде. Жексенбі күні таңертең қалалық полицияның барлық қызметтерінен жасақталған мамандар тобы Петропавл қаласының жұмысшы кентіне келді. Шаруашылық құрал-саймандармен қаруланған полиция қызметкерлері түске дейін Красин көшесі мен Михеевтің 3-ші өтпе жолындағы арықтарды ішінара мұздан тазартты.
Айта кеткен жөн учаскелік полиция инспекторлары, әкімшілік және патрульдік полицейлері, кезекші бөлімдер мен арнайы мекемелердің, тыл бөлімшелерінің, ювеналды полицияның қызметкерлері су тасқынына қарсы іс-шараларға байланысты жұмыстарға белсенді қатысып жатыр. Сонымен қатар, Петропавл қаласы полиция басқармасы бастығы Марат Жұмалиев бастаған полицейлер болашақта жедел көмек көрсету үшін аудандағы жағдай мен жалпы ахуалды сол жерде зерделеді. Су тасқыны бойынша жағдай мониторингі барлық мүдделі қызметтердің, соның ішінде полиция қызметкерлерінің тұрақты бақылауында. Мамандар су басу қаупі төнген жағдайда облыс орталығының тұрғындарына тазарту қызметтеріне 8 (7152) 39-64-16 немесе ikomek коммуналдық кәсіпорындардың бірыңғай call-орталығының 109 нөміріне қоңырау шалу қажет екендігін еске салады.
- Толығырық
- Категория: Алатау ақпараты
- 168 рет қаралды
https://www.youtube.com/embed/imJVDw1VBVo?si=gHbzEHnZlXfWp68T"
Ел аумағында орын алған төтенше жағдайға байланысты Президент Қасым-Жомарт Тоқаев жиын өткізіп, жағдайды қалыпқа келтіру үшін шұғыл шаралар қабылдаумен қатар жүйелі жұмыс қажет екенін атап өтті. Премьер-Министрдің төрағалығымен республикалық штаб құру, сондай-ақ барлық өңірде су тасқынына қарсы жұмыстарды күшейту, ең бастысы, азаматтардың қауіпсіздігін қамтамасыз ету жөнінде тапсырма берілді. Осыған орай топан судан зардап шеккен ақмолалықтарға да қажетті көмек көрсетілетін болады.
Көкшетау тұрғыны Вакиль Бектеміровтің үйіне кірген су тізеден келген. Шамамен, жарты метрге көтерілген судың кесірінен үйдегі бар жиhаз жарамсыз болып қалды. Отбасын жалдамалы пәтерге орналастырған ол, шығын мөлшерін есептеп жүр.
ВАКИЛЬ БЕКТЕМІРОВ, КӨКШЕТАУ ҚАЛАСЫНЫҢ ТҰРҒЫНЫ:
«Үйді фото, видеоға түсіріп жібердіңдер деді. Біз жібердік. Төтенше жағдай департаментіне барып, өтініш жаздық. Телефон номерімізді, мекен жайымызды қалдырдық. Әрине, көмек көрсетіледі деп ойлаймыз. Сеніп отырмыз».
Тосыннан келген топан судан зардап шеккендердің бірі Никулиндер жанұясы. Отағасы Сергей мүлік тұрмақ, баспанасының жөндеуге келмейтінін айтуда.
СЕРГЕЙ НИКУЛИН КӨКШЕТАУ ҚАЛАСЫНЫҢ ТҰРҒЫНЫ:
«Әкімдіктегілер бағалаушыларды жіберіп, шығын мөлшерін анықтаймыз деді. Содан кейін шешім шығарып, әкімдік бар шығынымызды өтейді. Бізге осылай деді. Әзірге, пәтер жалдап тұрып жатырмыз».
Бірнеше күнгі жұмыстың арқасында Қылшақты өзенінің суы қайтадан төмендеді. Енді, алаңдауға негіз жоқ,-дейді құтқарушылар. Ал, зардап шеккен әр отбасына 50 айлық есептік көрсеткіш көлемінде бір реттік көмек көрсетіледі. Одан бөлек, әр жанұяның шығыны есептеледі. Оның мөлшерін анықтау, қаржылай көмек көрсету сұрақтарымен айналысу үшін арнайы топ құрылған.
ҰЛАН БЕЙСЕМБАЕВ КӨКШЕТАУ ҚАЛАСЫ №1 МАМАНДАНДЫРЫЛҒАН ӨРТ СӨНДІРУ БӨЛІМІНІҢ БАСТЫҒЫ:
«Сатпаев 9 көшесіне келіп, фото видео фиксацияны және өзінің мекен жайының соның бәрін көрсетіп өтінім білдіруге болады. Қазіргі таңда әкімшіліктің және төтенше жағдай департаментінің арасында арнайы топ құрылған. Солар қарастырады».
- Толығырық
- Категория: Алатау ақпараты
- 156 рет қаралды
https://www.youtube.com/embed/2Rj10dho7zg?si=wDmzcNTBoqMOltoB"
Бүгін Президент Қасым-Жомарт Тоқаевтың төрағалығымен Су тасқынына қарсы шараларды үйлестіру және қарғын су жүру кезеңінің салдарын жою жөніндегі республикалық штабтың отырысы өтті. Онда Мемлекет басшысы жауапты өкілдердің салғырттығын сынады.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Бұл нені білдіреді? Болжам жұмыстары мүлдем болмаған. Жағдай салалық мамандардың тапшылығынан туындап отыр. Егер әкімдіктер жыл сайын су тасқынына қарсы жоспарланған барлық іс-шараны тиісті деңгейде жүзеге асырғанда, ауа-райы жағдайын ескергеннің өзінде, апаттың салдары мен ауқымы мұншалықты болмас еді. Соған қарағанда, әкімдіктер бұл жұмыстармен айналыспаған. Қазір су тасқынынан төнетін қауіп сейілді деуге келмейді. Сондықтан Ішкі істер министрлігінің, Ұлттық ұланның, Қарулы Күштердің, Ұлттық қауіпсіздік комитетінің барлық күші мен құралын, оның ішінде кадрлық және техникалық ресурсын барынша жұмылдыру қажет. Сонымен қатар еріктілерді, жәрдем бергісі келетін азаматтарды тарту керек. Алайда, ең бастысы – мемлекеттік органдар. Ахуал кез келген сәтте ушығып кетуі мүмкін. Қазіргі басты міндет – адам шығынына жол бермеу. Бұл орайда жіберілген қателіктер мен олқылықтарды ескеруіміз қажет».
Су тасқынынан зардап шеккен адамдарға тиісті барлық көмек көрсетілсін. Бұл мақсатқа Үкіметтің және әкімдіктердің резервін ғана емес, «Қазақстан халқына» қорының қаржысын да пайдалану қажет. Осындай жауапты сәтте еліміздегі бизнес өкілдерін халыққа қол ұшын созуға шақырамын деді Қасым-Жомарт Тоқаев штабтың отырысында. Сондай-ақ Президент су басқан аймақтарда әлеуметтік маңызы бар қызметтер мен азық-түлік бағасының өсуіне жол бермеу мәселесіне Үкімет назарын аударды.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:
«Су тасқыны мен өртке қатысты жағдай жыл сайын қайталанады. Жауапты органдар мен салалық қызметтердің (Қазсушар, Қазгидромет) жобалау, сараптама жасау жұмыстары нашар ұйымдастырылған. Тиісті шаралар, негізінен, жағдай орын алғаннан кейін немесе толыққанды болжам жасалмай қабылданады. Сондықтан бізге дағдарыс жағдайларын болжаудың нақты тетігі өте қажет. Цифрлық даму министрлігі Экология, Су ресурстары және Төтенше жағдайлар министрліктерімен бірлесіп жыл соңына дейін барлық ықтимал төтенше жағдайларды (су тасқыны, өрт және т.б.) модельдеуге, тиісті болжамдар, ұсынымдар мен іс-қимыл жоспарын жасауға мүмкіндік беретін ақпараттық жүйе әзірлеуге тиіс. Айтпақшы, Үкімет пен жергілікті атқарушы органдар, ең алдымен, облыстардың әкімдері жазғы маусымға да дайын болуы қажет. Өрт немесе басқа да табиғи апаттардың болуы әбден мүмкін. Қазіргідей қамсыз отырмай, алдын ала әрекет ету керек. Су тасқынын көргенде, көктен түскендей абдырап қалдыңыздар. Осы ретте еліміздің шығыс өңірлеріндегі су тасқынын модельдеу жөніндегі ТЖМ мен «Қазақстан Ғарыш Сапары» ұлттық компаниясының бірлескен жұмыс тәжірибесін қолдануға болады».
- Толығырық
- Категория: Алатау ақпараты
- 164 рет қаралды
https://www.youtube.com/embed/Ay7rcONkPnQ?si=RBhXoUiS4vOgSPUn"
- Толығырық
- Категория: Алатау ақпараты
- 131 рет қаралды
https://www.youtube.com/embed/hR9KHN9Uyg8?si=qF_SYezPwO3TWbyx"
Елена Рыбакина WTA 1000 санатындағы Miami Open турнирінің жартылай финалында Беларусь теннисшісі Виктория Азаренканы жеңді. Ойын 2 сағат, 36 минутқа созылды. Бұл екі теннисші арасындағы 4-ші ойын. Барлық матчта Елена Рыбакина басым түскен. Осыған дейін Майами корытындысындағы ширек финалда Грекиялық Мария Саккариді ұтқан болатын.
Финалда Елена АҚШ теннисші Даниэль Коллинзбен сынға түседі. Айта кетейік, Майамидегі турнирдің жалпы жүлде қоры - 8,7 млн доллар құрайды.
- Толығырық
- Категория: Алатау ақпараты
- 200 рет қаралды
https://www.youtube.com/embed/6oR4vqVKGxY?si=eAdazkzO0g2NkMks"
Әл-Фараби атындағы Қазақ ұлттық университетінде Тұрақты даму және табиғатты ұтымды пайдалану ғылыми орталығының салтанатты ашылу рәсімі өтті. Жаңа орталықтың құрамына 10 инновациялық зертхана кіреді және олардың қызметі БҰҰ Тұрақты даму мақсаттарын жүзеге асыруға бағытталған.
Орталықтың ашылуына ҚР Ғылым және жоғары білім министрі Саясат Нұрбек, РФ Ғылым және жоғары білім вице министрі Константин Могилевский, Қазақстан және Ресей ЖОО Ректорлары, Әл-Фараби атындағы ҚазҰУ Басқарма Төрағасы-Ректоры Жансейіт Түймебаев, ғалымдар, профессор-оқытушылар және білім алушылар қатысты.Орталықтың негізгі мақсаты – қоршаған ортаның жаһандық өзгеруі жағдайында табиғат пен қоғамның өзара іс-қимыл заңдылықтарын анықтау, Қазақстан өңірлерін тұрақты дамыту мақсатында табиғи ресурстарды ұтымды пайдалану бойынша жасыл технологияларды әзірлеу және енгізу.
САЯСАТ НҰРБЕК, ҚР ҒЫЛЫМ ЖӘНЕ ЖОҒАРЫ БІЛІМ МИНИСТРІ
Ғылыми орталықтағы 10 зертхана климат және модельдеу, цифрлық картография және қолданбалы геодезия, су ресурстарының сапасын талдау, геодезиялық және әлеуметтік-экономикалық зерттеулер, топырақ экологиясы, қоршаған ортаны бақылау, экологиялық қауіпсіздік салаларын зерттеу мақсатында ашылған.
ӘЛИЯ АҚТЫМБАЕВА, ӘЛ-ФАРАБИ АТЫНДАҒЫ ҚАЗҰУ ГЕОГРАФИЯ ЖӘНЕ ТАБИҒАТТЫ ПАЙДАЛАНУ ФАКУЛЬТЕТІНІҢ ДЕКАНЫ
Заманауи құрылғылармен жабдықталған топырақ экологиясы зертханасының басты мақсаты өндіріс ошақтары орналасқан аумақтардағы ластану дәрежесін дер кезінде анықтап тиісті шаралар қолдану.
БАТЫРГЕЛДІ ШЫМШЫҚОВ, ГЕОГРАФИЯ ЖӘНЕ ТАБИҒАТТЫ ПАЙДАЛАНУ ФАКУЛЬТЕТІНІҢ ЮНЕСКО КАФЕДРАСЫНЫҢ ПРОФЕССОР МІНДЕТІН АТҚАРУШЫ
Шара барысында қонақтар білім ордасында күні кеше тұсауы кесілген Қытай-Қазақстан бірлескен қашықтықтан зондтау технологиялары және оларды қолдану зертханасының жұмысымен де танысты.
- Толығырық
- Категория: Алатау ақпараты
- 197 рет қаралды
https://www.youtube.com/embed/XfagnMwmoe4?si=lToCTDxVr2J9qwyO"
Ең қауіпті болып саналатын Конго-Қырым геморрагиялық қызбасының табиғи ошағы Қызылорда қаласының әкімшілік аумағында тұр. Статистикаға сүйенсек, өткен жылы 13 жағдай тіркеліп, оның 1 жағдайы клиникалық және зертханалық тұрғыда расталған. Бұған басты себеп қойылған ережені елемегендіктен дейді мамандар.
Қызылорда облысының «Байтерек», «Әл-Фараби» мөлтек аудандары мен Тасбөгет, Белкөл кенті, Абай, Баймұрат батыр сынды 12 орын қауіпті делініп, есепке алынған. Қазіргі уақытта аталған жерлердегі шаруа қожалықтары мен мал қораларға кенеге қарсы жұмыстарды бастау жоспарлануда.
ГҮЛМИРА СЫЗДЫҚОВА, ҚЫЗЫЛОРДА ҚАЛАЛЫҚ САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ БАСҚАРМА БАСШЫСЫ
Көктемгі кенеге қарсы жасалынатын жұмыстар 10 сәуір мен 23 сәуір аралығында басталмақ. Залалсыздандыру жұмысына арнайы «Дельтаметрин» препараты мен мал қора-жайларға арналған «Ципэк» препараты қолданылмақ.
- Толығырық
- Категория: Алатау ақпараты
- 195 рет қаралды
https://www.youtube.com/embed/1U7_kgZnDQ8?si=dCVEi0aSk2eKMXat"
Бұрынғы ұлттық экономика министрі Қуандық Бишімбаевтың ісі бойынша кезекті сот отырысы өтті. Алқабилердің қатысуымен өткен отырыста жәбірленуші тарап марқұм Салтанат Нүкенованың ағасы Айтбек Амангелдіден жауап алынды.Сот барысында Айтбек Амангелді Қуандық Бишімбаев пен Салтанат Нүкенованың арасындағы жанжалдың қандай жағдайда туындағаны жайлы баяндады. Жәбірленуші қарындасына қатысты жаңа деректер келтірді. Марқұм Салтанат Нүкенованың бет-жүзінің сау тамтығы қалмай көгерген фотосуретін көрсетіп,хабарлама жазбаларын да дәлелге алды.
Нақтырақ айтқанда айыпталушы Бишімбаевтың Нүкенованы тұрмысқа шыққаннан бері қысымда ұстағанын айтты. Айтбек Амангелді Салтанат Нүкенова мен Қуандық Бишімбаевтың арасында заңды неке болмағанын, тек екі рет мұсылмандық жолмен неке қидырғаны жайлы ақпаратпен бөлісті.
- Толығырық
- Категория: Алатау ақпараты
- 209 рет қаралды
https://www.youtube.com/embed/2xOHWMvQU4U?si=tz6X9oCryuWnU8Ak"
Ойынқұмар азаматтар енді аурухана есігін тоздыруы мүмкін. Себебі, лудомания аурулар тізіміне енді. СҚО психологқа жүгінген адамның 70 пайызы құмар ойынға тәуелділер. Тәуелділіктен тәуелсіздікке шығар жол бар ма? Сюжет көрелік.
Облыста лудомандардың көшін бастап тұрған – студенттер. Әзірге, ойын аппараттары мен қаржылық ұйымдар көп кезде, ойынқұмарлардың саны көбеймесе азаймас.
ОЛЕГ МАТВЕЕВ, ПСИХОЛОГ «Жақында осы лудомания медициналық аурулар тізіміне енгізілді. Оны ойынқұмарлық, гемблинг деп те атайды. Жалпы облыста нақты статистика жүргізілмейді. Себебі, ондай ойын аппараттары тым көп. Бірақ маған көмекке жүгінетіндердің 60-70 пайызы дәл осы ойынқұмарлықтан арылғысы келетіндер».
Лудомания ауруының белгілері жүре келе білінеді дейді мамандар. Оны әдетте былыққа белшеден батқан кезінде барып жақындары байқай бастайды. Көбіне ондай адамдардың мінезі күннен күнге тұйықтала түседі екен.
ОЛЕГ МАТВЕЕВ, ПСИХОЛОГ «Лудомания бұл психологиялық ауру.Мәселен, ішідікке немесе есірткіге тәуелді адамдарды көзінің қарашығынан, иістен, оның өзін ұстауынан біле аламыз. Жалпы кез-келген құмарлық аурулары емделеді. Мәселен, химиялық тәуелделіктен 3 кезең бойынша айығуға болады. Бірінші ол арнайы дәрілер беріп, екіншісі әлеуметтік бейімделу болса, үшіншісі психотерапия. Ал ойынқұмарларға алғашқы екі кезең керек емес.Олар бірден мамандардың көмегіне жүгініп, өзінде осы аурудан арылам деген ерік-жігер болуы қажет».
Аурудың емін табушылар әзірге Астана, Алматы мен Павлодар қалаларында орналасқан.
Тағы басқа мақалалар...
65 ішінен 187 беті
Alatau News, Copyright 2023, All Rights Reserved.