https://www.youtube.com/embed/_KesjD5Jn50?si=jVaZFPK5n03l_WlK" 

https://www.youtube.com/embed/YzbFtt8Uzcw?si=bGnbb9pubLmUYr33" 

Солтүстік Қазақстан облысында 320 үй апатты деп танылды. Бұл көктемгі тасқын судан залал келген тек бір аудандағы жағдай. Қызылжар ауданында үйлерді бағалау жұмыстары әлі де жалғасып жатыр. Жалпы бұл ауданда 1546 үй табиғи апаттан зардап шекті. Олардың 1099-ы қайта қалпына келтірілген. Қызылжар ауданында баспаналарды бағалау жұмыстары әлі де жалғасып жатыр. Қазіргі уақытта тұруға жарамсыз деп танылған 100-ден астам отбасыға жаңа үй сатып алынды.  Комиссия мүшелері 1400-ден астам адамға қорытынды берген. 

ҚУАНДЫҚ ШАКУБАЕВ, КОМИССИЯ ТӨРАҒАСЫ «Комиссия тағайындаған жөндеу жұмыстарына берілетін қаржымен  тұрғындар келіспей жатады. Ондай жағдайда комиссия  сол үйге барып, толықтай қайтадан дефектолог мамандар бағалау жүргізеді. Қазіргі уақытта Прибрежный мен Тепличный ауылдарындағы үйлерге қорытынды беру жұмыстары қалды. Зардап шеккен адамдардың әрбір өтініші ескеріліп жатыр. Күніне 60-70ке жуық тұрғынды қабылдаймыз». 

Тасқын судан зардап шеккендердің бірі - Олег Васильев. Ол Тепличное ауылының тұрғыны. 2018 жылы 350 шаршы метрлі үш қабатты үй салған. Алайда, табиғи апат салдарынан баспанасының 80 пайызы су астында қалып отыр.

ОЛЕГ ВАСИЛЬЕВ, СҚО ҚЫЗЫЛЖАР АУДАНЫНЫҢ ТҰРҒЫНЫ «Тасқын су менің үйімнің екінші қабатына дейін жетті. Мен комиссия отырысына осымен екінші рет келіп отырмын. Менің үйімнің жөндеу жұмыстарына  9 млн теңге беретін болды.  Баспанамның 280 шаршы метрі су астында қалды. Жиһаздарымның жартысын үлгергенше үшінші қабатқа көтеріп қойып едім. Қалғандарының барлығы жарамсыз болып қалды». 

Жалпы, Қызылжар ауданында 1546 үй табиғи апаттан зардап шекті. Олардың 320-сы тұруға жарамсыз деп танылды. 

https://www.youtube.com/embed/G4bhpCVkVvs?si=6INq34yyxUbxkEYP" 

Алматы тауларында демалушылар көбеюде. Бұл өрт қаупінің арта түскенін аңғартады. Осы орайда ұлттық парк қызметкерлері қызу жұмысқа кіріскен. Толығырақ келесі бейнематериалда. 

ШОЛПАН МАРАТҚЫЗЫ ЖУРНАЛИСТ

Бұл – Іле-Алатауы мемлекеттік ұлттық  табиғи паркі. Қазір бұл аумақта өрт қауіпсіздігінің төтенше класы белгіленгендіктен, орман қоры жерлерінде болуға және оны пайдалануға шектеулер қойылған. Үлкен Алматы орманшылық басшысының қарамағында 27692 гектар жер бар. Қалаға жақын орналасқандықтан, өрт маусымында тауда демалушылар көп. Сондықтан «Озерный» шатқалынан 17, «Казачка» шатқалынан 8 арнайы от жағатын орын дайындап, ескерту тақтайларында орнаттық, дейді Сайран Ұланұлы.

САЙРАН ҰЛАНҰЛЫ «ІЛЕ-АЛАТАУ» МҰТП МЕДЕУ ФИЛИАЛЫНЫҢ ҮЛКЕН АЛМАТЫ ОРМАНШЫЛЫҒЫНЫҢ БАСШЫСЫ «Тәртіп бұзушылық болмас үшін, біз алдын ала жұмыстар жасап жатырмыз. Кіре беріс посттан бастап, ескерту парақшаларын таратамыз. Одан кейін 13 инспектор жұмыс істейді. Әр инспектор өз аумағында ескерту жасап, алдын ала жұмыс жүргізеді. Құқық бұзушылық болмас үшін, заңбұзушылық болмас үшін алдын ала соларды ескертіп, жұмыс жасайды».

Қазіргі уақытта елімізге демалысқа келіп жатқан туристтер мен демалушы халыққа ақпарат тарату жұмыстары жүргізілуде. Заңға қарсы шыққандарға да арнайы айыппұлдар мен жазалар бар. Биыл жыл басынан бері 11 құқық бұзушылық тіркеліп, әкімшілік хаттама толтырған, айыппұл салынған.

САМАЛ НАРЫНБАЙҚЫЗЫ «ІЛЕ-АЛАТАУ» МҰТП ЭКОЛОГ АҒАРТУШЫСЫ «Егер де, ұлттық парктің аумағында заңсыз от жағу, арнайы белгіленбеген жерлерде от жағу істері болған жағдайда, бұл әкімшілік құқықтық жазаға тартылады. Ол 367 батың 3 тармағымен айыппұл төленеді. Ол 100 АЕК. 369200 теңгені құрайды. Біздің ең негізгі мақсатымыз келешек ұрпақты табиғатты қорғауға тәрбиелеу. Сол мақсаттың аясында дәрістер, экскурсиялар, табиғат қорғау тақырыбында».

От жағуға арналған жаңа, әрі арнайы орындар демалушыларға өте қолайлы. Халық енді өрт шыға ма деген қорқынышсыз, емін еркін, әсем табиғатта демала алмақ.

ЕРМЕК БЕКМҰРАТОВ ДЕМАЛУШЫ «Бүгін осы Алматы шатқалына демалуға келген едік. Соған өрт қауіпсіздігін сақтауға, қоқыс жинайтын орындар бетондап жақсы ұйымдастырып қойыпты. Бәрін істеп қойған екен. Табиғатты қорғайық өрттен. Бәрі жақсы болсын. Бұл өзіміздікі. Қазақтың жері. Бәріміз өз үлесімізді қосайық».

ДМИТРИЙ ОЛЕГОВИЧ IRONMOTO ИНСПЕКТОРЫ «Біз табиғи аумақтарда электробайкерлермен турлар жасайтындықтан, табиғатты қорғау заңнамасының бұзылмауын өте қатты қадағалаймыз. Яғни, бізбен шыққан туристтердің заң бұзбауын, өсімдіктердің өсіп өнуіне кедергі келтірмеулерін, еш жерде от жағып кетпеуін басты назарда ұстаймыз. Себебі, осындай табиғатта жақсы демалып, оны аялауымыз қажет». 

Табиғатты қорғау өз қолымызда. Сондықтан айтылған ескертулерге құлақ асып, табиғатымызды аялайық дейді, орманшылық қызметкерлері.

https://www.youtube.com/embed/0z_vFq3RC74?si=RFqoGVbJz3PGGLZs" 

Әлемдегі ең ірі бөгеттердің бірі саналатын – «Бахтиари» Гидроэлектр станциясына ұқсас ауқымды гидрологиялық орталық Қазақстанда да бой көтеруі мүмкін. Ол өз кезегінде суармалы суды тасымалдаудың заманауи технологияларын енгізуге және булану себебінен болатын шығындарды едәуір азайтуға мүмкіндік береді. Мұндай жоба Қазақстанның әсіресе, оңтүстік өңірлері – Жамбыл, Қызылорда және Түркістан облыстары үшін аса қажет.  Бұл туралы Су ресурстары және ирригация министрі Нұржан Нұржігітов Иранның Энергетика министрі Әли Акбар Мехрабианмен кездесуінде айтылды. Тараптар жаңа гидротехникалық нысандардың құрылысын және суармалы су шығынын азайту мәселесін талқылады.

НҰРЖАН НҰРЖІГІТОВ ҚР СУ РЕСУРСТАРЫ ЖӘНЕ ИРРИГАЦИЯ МИНИСТРІ: «Бірінші үлкен бағыт нормативтік-құқықтық базаны құру. Екіншіден бар су қоймаларды иррегация жүйелерді қалпына келтіру. Жаңа су қоймаларды көктемгі тасқын суларды, жаңбыр суларын жинақтау үшін жаңа су қоймаларын салу. Үшіншіден көршілес мемлекеттермен келіссөздер жүргізу. Себебі, Қазақстан жалпы су көлемін 50 пайызын көршілес мемлекеттерден алады. Орта Азиядағы мемлекеттер: Қырғызстан, Өзбекстан, Тәжікстан, Түркіменстан, Қытай Халық Республикасы және Ресей Федерациясы»

https://www.youtube.com/embed/l5kt5VVb7vA?si=j6j7L3qP0NPgJ10B" 

Шанхай Ынтымақтастық Ұйымының бас хатшысы сайланды. Бұл қызметке бұрынғы Қорғаныс министрі Нұрлан Ермекбаев тағайындалды. Ол 2025-2027 жылдар аралығында бас хатшы қызметін атқарады. Айта кетейік, Нұрлан Ермекбаев 1963 жылы 1 қаңтарда Шымкент қаласында дүниеге келген. Саяси ғылымдарының кандидаты. «Құрмет» және «Парасат» ордендерімен, «Локальді жанжалдарға қатысушыға. Ангола», «Сыртқы барлауға қосқан үлесі үшін» медальдарымен және басқа да медальдарымен марапатталған. 1996 жылдан 2001 жылға дейін еліміздің жетекші сауда-қаржы құрылымдарында басшылық қызмет атқарды. 2001-2014 жылдары дипломатиялық қызметте болды.

Ал 2016-2018 жылдары – Қазақстан Республикасының Дін істері және азаматтық қоғам министрі. 2014-2016 жылдар аралығында және 2018 жылғы сәуір-тамыз аралығында Қазақстан Республикасы Президентінің көмекшісі - Қауіпсіздік кеңесінің хатшысы болып жұмыс істеді. 2018 жылғы 7 тамызда Қазақстан Республикасының Қорғаныс министрі болып тағайындалды. 2021 жылы Нұрлан Ермекбаев министрліктегі қызметінен отставкаға кеткен болатын. 

https://www.youtube.com/embed/OluM9OdaMD0?si=dVRMi6vnXt_IRs2a" 

Кеген, Райымбек және Ұйғыр аудандарындағы автожолдар орташа жөндеуден өтеді. Алматы облысындағы республикалық маңызы бар жолдарды жөндеу жұмыстарына биыл 34,5 млрд теңге бөлінді. Парламент Мәжілісі мен Сенат депутаттары бүгін аталған аудандарда болып, жолдардың жағдайымен танысып қайтты. 

Табиғаты әсем, туристік әлеуеті мол өңірдің жолының жағдайы осы. Мұнда қоныс тепкен елді мекендерге, таңдай қақтыратын туристік орындарға апаратын жолдардың жағдайы сын көтермес күйде. Кеген және Райымбек ауданының тұрғындары аталмыш мәселені көптен көтеріп келеді.

ҒАНИ МЫРЗАХАНОВ «ҚАЗАВТОЖОЛ» АҚ ҰК АЛМАТЫ ОБЛЫСТЫҚ ФИЛИАЛЫНЫҢ БАСШЫСЫ «Бұл жолдар кезінде 60-70 жылдары салынған жолдар. Сол кезден бері күрделі жөндеуден өтпеген. Ылғи орташа жөндеумен келе жатыр. Сол жолдарға биыл осы 300 шақырым жолдың 130 шақырымына орташа жөндеуге қаражат бөлінді. Қазіргі таңда осы конкурстар болып жатыр.»

Көптің қуанышына орай биыл «Ақсай – Шонжы – Қалжат», «Көкпек – Кеген – Түп» және «Кеген – Нарынқол» автожолдарында орташа жөндеу жұмыстары басталады. Кеген мен Нарынқолдың арасын байланыстырып жатқан 89 шақырымдық жолдың жағдайы жауыр аттың арқасындай күйде. Бұл мәселені шешу жұмыстарына қосымша 9 млрд теңге қарастырылғанын айта кетті  сенатор Жанболат Жөргенбаев.

ЖАНБОЛАТ ЖӨРГЕНБАЕВ ҚР ПАРЛАМЕНТІ СЕНАТЫНЫҢ ДЕПУТАТЫ «Мен Сенат Төрағасы Мәулен Сағатханұлына кіріп, ол кісі жаңағы өзінің сәлемдемесін айтып халыққа, жұртқа, бәрін біліп отырғанын, бәрін көріп отырғанын, жаңағы министрмен жеке сөйлесіп, осы жылға бөлініп жатқан қаражаттарға сол кісілердің тікелей атсалысуымен тағы да 9 млрд теңге қаражат бөлінді. Осы мына екі ауданға қазірдің өзінде 34,5 млрд теңге тек қана республикалық жолдарға бөлініп жатыр».

Сондай ақ депутаттар Кеген ауданындағы өнер мектебінің құрылысымен танысып,аудандық аурухананың жәй-күйі мен әлеуетін өз көздерімен көрді.

ЗАКИРЖАН КУЗИЕВ ҚР ПАРЛАМЕНТІ СЕНАТЫНЫҢ ДЕПУТАТЫ

Кеген мен Райымбек ауданының әлеуеті артатын күн алыс емес.Райымбек ауданының орталығы Нарынқол ауылынан шекарадан өту бекетін ашу көзделген. Қазір бұл бағытта көршілес Қытай Халық Республикасымен арада келіссөз жүргізіліп жатыр. Тақтайдай тегіс жолмен ауданның көрікті табиғатын тамашалауға туристердің де ағылып келетіні сөзсіз.

https://www.youtube.com/embed/GNise2cq9Dw?si=jrbVD3UsRFnlcXWC"

Астана төрінде ШЫҰ-ға мүше мемлекеттер басшылары кеңесінің отырысы өтті. Отырыс басталарда делегация басшылары Беларусь Республикасын Ұйым құрамына қабылдау және оған ШЫҰ-ға мүше мемлекет мәртебесін беру туралы шешімге қол қойды.

Жиын барысында Мемлекет басшысы бүгінде Шанхай ынтымақтастық ұйымы достық, тату көршілік, теңқұқықтық және өзара қолдаудың, яғни «шанхай рухы» негізінде жұмыс істейтін мемлекетаралық қатынастардың тиімді тетігіне айналғанын атап өтті. Әрі Қазақстанның Ұйымға төрағалығы аясында атқарылған жұмыстардың қорытындысы жөнінде баяндады. Президент ШЫҰ-ға мүше мемлекеттердің белсенді қолдауының нәтижесінде Қазақстанның ұйымға төрағалығы кезінде түрлі деңгейде 150-ге жуық іс-шара, соның ішінде цифрлық даму, туризм, энергетика, бизнес салаларында форумдар және ШЫҰ жастар кеңесі өткенін мәлімдеді.

Қасым-Жомарт Тоқаев осы шаралардың нәтижесінде ШЫҰ кеңістігіндегі сауда-экономикалық ынтымақтастық қарқынды дамып келе жатқанына тоқталды. Сондай-ақ «Шанхай ондығына» кіретін елдер үшін стратегиялық маңызы бар басты бағыттарға тоқталды. Президент қауіпсіздік саласындағы өзара сенім мен ынтымақтастықты нығайтуды бірінші маңызды бағыт ретінде атады. Бұдан бөлек, киберқауіпсіздік, әскери саланы дамыту, сауда-экономикалық байланысты кеңейту, көлік дәлізін ұлғайту сынды бірқатар мәселелерге де тоқталды. 

Шанхай ынтымақтастық ұйымына мүше мемлекеттер басшылары кеңесінің отырысы барысында 20-дан аса құжатқа қол қойылды. 

https://www.youtube.com/embed/YCIq0T2MRe4?si=vrus6di1i2AnOo_P" 

https://www.youtube.com/embed/TAEF6qNf_qg?si=E3qkht3anLIkFbVl" 

Ертең Астанада маңызды жиын өтеді. Қазақстан төрағалығымен Шанхай ынтымақтастық ұйымының XXIV (24) саммиті болады. Бұл жиын – тура бір жыл бұрын өткен қауымдастыққа мүше мемлекет басшылары кеңесінің заңды жалғасы. Бүгіннен бастап, Астана мәртебелі меймандарды күтіп алуды бастады. 

Елорда әуежайы мәртебелі меймандарды күтіп алуда. Алпауыт елдердің басшылары Астанаға ат басын тіреп жатыр. Бүгін таңертең Шанхай ынтымақтастық ұйымының саммитіне қатысу үшін Ресей Федерациясының Президенті Владимир Путин бас қалаға арнайы келді. Оны әуежайда Премьер-Министр Олжас Бектенов қарсы алды. 

Артынша ШЫҰ саммитіне қатысу үшін Моңғолия Президенті Астанаға ұшып келді. Мәртебелі мейманды Қазақстан Премьер-Министрінің орынбасары Ғалымжан Қойшыбаев қарсы алды. Айта кетейік, Моңғолия – 2004 жылы Шанхай ынтымақтастық ұйымында бақылаушы мәртебесін алған алғашқы мемлекет. 

Шанхай Ынтымақтастық ұйымының жинына қатысу үшін арнайы Қазақстанға іс-сапармен келген Қытай Халық Республикасының төрағасы Ел Президенті Қасым-Жомарт Тоқаевпен Ақордада кездесті. Салтанатты рәсімдер залында құрмет қарауылдары сап түзеп, қонақты ерекше сый-құрметпен күтіп алды.

Екі жақты кездесуде Мемлекет басшысы Қытаймен Қазақстанның мәдени-гуманитарлық байланысы жанданып, әлеуметтік-экономикалық тұрғыда дамудың жаңа «алтын кезеңіне» аяқ басқанын атап өтті. Айта кетейік, былтыр екі ел арасындағы тауар айналымы 41 млрд доллардан асқан. Ол рекордтық көрсеткіш. Қазіргі таңда 45 инвестициялық жоба жүзеге асырылып жатыр. Оның жалпы құны 14,5 млрд долларды құрайды. Жобалар өнеркәсіп, энергетика, көлік, транзит, жасыл экономика, ауыл шаруашылығы және басқа да салаларды қамтиды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:
«Қытай Халық Республикасы – тату көрші, маңызды стратегиялық серіктес әрі басты одақтас мемлекеттің бірі. Берік достыққа және өзара қолдауға негізделген қазақ-қытай қарым-қатынасы бұрын-соңды болмаған қарқынмен дамып келе жатыр. Мен мұны үлкен қуанышпен атап өтемін. Сіз Қазақстан мен Қытайдың мәңгілік жан-жақты стратегиялық әріптестігін нығайтуға зор үлес қостыңыз. Мұны жоғары бағалаймыз. Екі елдің ынтымақтастығын халықтарымыздың игілігі үшін жаңа деңгейге көтеру қажет деген бастамаңызды толық қолдаймын».

Айта кетсек, жақында Астана мен Бейжіңде екі елдің бірлескен мәдени орталықтары ашылады. Одан бөлек, Елордада Бейжің тіл және мәдениет университетінің филиалы бой көтереді. Ал, 2025 жыл Қытайдың Қазақстандағы туризм жылы деп аталады.

СИ ЦЗИНЬПИН ҚЫТАЙ ХАЛЫҚ РЕСПУБЛИКАСЫНЫҢ ТӨРАҒАСЫ: «Құрметті Президент мырза, қымбатты досым! Менің сапарыма мән беріп отырғаныңызға ризашылығымды білдіремін. Қытай Қазақстанмен арадағы қарым-қатынасты әрдайым стратегиялық тұрғыдан және ұзақмерзімді перспектива деңгейінде қарастыратынын растағым келеді. Сондай-ақ көршілес елдерге қатысты ұстанатын өзінің сыртқы саясатында Қазақстанға басымдық береді және Орталық Азиядағы маңызды серіктес ел санайды. Қытай-қазақ байланыстарын қамтамасыз етуде біздің ерік-жігеріміз бен ұстанымымыз өзгермейді және конъюнктуралық ықпалға ұшырамайды. Қытай әрқашан Қазақстанға сенімді тірек болатынын мәлімдеймін».

4 шілде Астанада Қазақстан төрағалығымен Шанхай ынтымақтастық ұйымының XXIV (24) саммиті өтеді. Онда маңызды құжаттарға қол қойылады деп күтіледі. Ертең де Елордададағы мемлекеттік ұйымдар қашықтан жұмыс істейтін болады. 

https://www.youtube.com/embed/-uuAhwv5IMQ?si=4yHente454j0aaqH"

Маңғыстау облысында шекара тәртібін бұзған ер адам әкімшілік жауапқа тартылды. Бұл – жыл басынан бері теңіз шекарашылары анықтаған жетінші дерек. Каспий үстіндегі шегелеп бекітіп берген шекараны қарулы құрылым озық үлгідегі кемелермен жүріп күзетеді. Экипаж тіпті түнгі мезгілде де алыстағыны көре алатын арнайы құрылғымен жабдықталған. Яғни, бейсауат жүрген заңбұзушылар бірден анықталады. Жалпы, Маңғыстаудағы шекарашылар жайында келесі бейнесюжетте.

«Түркістан» - шекара қызметіндегі жаңа кеменің бірі. Жанармай қоры теңізде 7 күн жүзуге жетеді. Жауынгерлік техника сағатына 70 шақырым жылдамдықпен жүреді. Қырағы көзді шекарашылар биыл түнгі уақытта шекара тәртібін бұзған бір адамды және теңіздегі қауіпсіздік ережесін сақтамағаны үшін 6 адамды жауапқа тартқан. Сондай-ақ, олар Каспийден ұзындығы 300 шақырымдық балық аулайтын ау-құралды жинап алып, 2 мың келілік бекіре балығын теңізге қайта жіберіпті. 

ЕРБОЛСЫН ДҮЙСЕНҒАЛИЕВ  «СЕМСЕР» ШЕКАРА КЕМЕСІНІҢ КОМАНДА СТАРШИНАСЫ: «Біз мемлекеттік шекараны күзетеміз. Шекарамызды бұзбақ болған шетелдік азаматтарды құрықтаймыз. Кейбір кездерде олар қашпақшы болады. Оларды қуып ұстап, тиісті жазасын береміз. Бізге үлкен жауапкершілік жүктелген. Соны түсініп бар ынтаммен қызмет атқарып жатырмын». 

 Ал «Семсер» деп аталатын кеме – шекара қызметінің екінші дивизионына тиесілі. Экипаж бұған дейін бірнеше рет контрабанда және браконьерлік деректі анықтаған. Заңбұзушылықтың бірі былтыр тіркелді. Шекарашылар теңіз арқылы Ираннан есірткі тасыған күдіктінің жолын осы кеменің көмегімен кесіпті. Бұдан бөлек, Каспийдің Қазақстан аумағында балық аулаған Әзербайжан азаматтарын да қолға түсірген.   

ЖАЛҒАС ЫҚСАТОВ ҚР ҰҚК ШЕКАРА ҚЫЗМЕТІ 2-ДИВИЗИОН ШТУРМАНДЫҚ ФЛАГМАН МАМАНЫ: «Шекара қызметі толықтай жаңа құрылғылар мен жаңа жабдықтармен жабдықталды. Бүгінгі күні қазір шекара катерін қабылдау жұмыстары жасалып жатыр. Қазіргі таңда ешқандай ұсталынбаған, я болмаса көрініп, ары қарай жазасыз қалған шекара бұзушылар ондай факті тіркелген жоқ. 

Қазір еліміздің теңіз шекара флотында елуден астам әртүрлі мақсаттағы су көлігі бар. Флот құрамы биыл тағы екі кемемен толығады. Ал, ұлттық қауіпсіздік комитетінің мәліметінше, заңсыз балық аулауға жергілікті тұрғындар да жиі баратын көрінеді. Жыл басынан бері аталған дерек бойынша үш адамға қатысты қылмыстық іс қозғалыпты.

https://www.youtube.com/embed/NqZTMyXtPUc?si=5sCsR2i3sxcxy-I-" 

Халқы үміт артқан халық қалаулылараның ел аралап,тыныс тіршілігімен танысудағы жұмыстары жалғасын табуда.Сенат пен мәжіліс дептутаттары Алматы облысының орталығында болып, аймаққа қарасты аудандардың бірінде болды.

Алматы облысы Жамбыл ауданындағы Республикалық маңызы бар жолдарды қайта жаңарту жұмыстарының жәй жапсарымен танысқан депутаттар жұмыс басына барды. Жұмыс барысын көзбен көрген оларға мердігер толықтай түсіндірме жұмыстарын жүргізді. Сондай ақ бүгін жергілікті атқарушы орган өкілдерімен, Алматы облысының әкімі Марат Елеусізовпен болған кездесуде облыс көлеміндегі атқарылып жатқан,шешімін таппай отырған мәселелер талқыланды.

ЖАНБОЛАТ ЖӨРГЕНБАЕВ ҚР ПАРЛАМЕНТІ СЕНАТЫНЫҢ ДЕПУТАТЫ

Болашақ үшін нақты қадам болған басқосуда жайылымдық,шабындық жерлер, облысты газдандыру мәселелері де көтерілді.Жиын барысында халық қалаулыларына Алатау қаласының жобасы таныстырылды. 

АРСЕНИЙ ПИРОЖКОВ  ТОО «ALMATY REGION MASTER PLAN» ДИРЕКТОРЫ

Алдағы күндері депутаттар Еңбекшіқазақ,Кеген,Райымбек аудандарындағы қордаланған мәселелермен танысуды жоспарларына енгізген. Осының алдында облыстағы су саласындағы мәселелер,гидроқұрылымдардың жағдайымен танысып кеткен халық қалаулыларының жұмыстары жемісін беріп,қаражат бөлініп бүгінгі таңда жұмыстары басталып жатыр. Жамала жамала жауыр болған жол жағдайы да өз нәтижесін береді деген үміттеміз.

https://www.youtube.com/embed/izCdw-XlwNE?si=WvBCtugygLFNeTrB" 

Циклон ықпал етіп, атмосфералық фронтальды бөліктердің өтуіне байланысты 3 шілдеде еліміздің басым бөлігінде күн күркіреп, бұршақ жауады. Республиканың солтүстігінде, шығысында және орталығында нөсер жаңбыр жауады. «Қазгидромет» мамандарының мәліметінше, тек еліміздің оңтүстігі мен оңтүстік-батысында жауын-шашынсыз ауа райы сақталады. Республика бойынша жел күшейеді. Түнде және таңертең солтүстік және солтүстік-батыста тұман түседі.

Алматы облысында, Павлодар облысының орталығында, оңтүстігінде, шығысында, Ұлытау облысының орталығында, солтүстік-батысында, Абай облысының орталығында, Шығыс Қазақстанның солтүстік-батысында, Атырау облысының батысында, шығысында, Батыс Қазақстан облысының солтүстігінде өрт қаупі жоғары болмақ. Батыс Қазақстан және Атырау облыстарында аптап ыстық болады.