https://www.youtube.com/embed/WtXdZkIsLsE?si=5qwU86ymIucqndrQ" 

Алматы облысында жаңа ауқымды тұрғын үй жобасы іске қосылды. "Қонаев" ӘКК" АҚ Қонаев қаласының 10-шы шағын ауданында жалпы ауданы 11,6 гектарды құрайтын екі жер учаскесін игеруге кірісті. Бұл жерде "Самұрық" көпфункционалды тұрғын үй кешені (КТК) бой көтереді.

Жоба тұрғын үй құрылысын дамыту және жеке инвестицияларды тарту жөніндегі мемлекеттік саясат аясында жүзеге асырылуда. Осы мақсатта "Chinese Foreign Construction" ЖШС-мен бірлескен қызмет туралы келісім жасалды. Сондай-ақ "Ningxia Jianyi Real Estate Development Co" шетелдік компаниясымен инвестициялық келісімге қол қойылды. Жалпы инвестиция көлемі 65 миллиард теңгеден асады.

Жобаның негізгі параметрлері

Жоба бойынша 5 пен 12 қабат аралығындағы көпқабатты тұрғын үйлер салу көзделген. Жалпы құрылыс ауданы 183 303,45 шаршы метрді құрайды, оның ішінде:

• 156 224,85 шаршы метр – тұрғын үйлер;
• 4 351,6 шаршы метр – коммерциялық нысандар (оның ішінде 300 шаршы метр – полиция тірек пунктіне арналған);
• 1 575 шаршы метр – балабақша;
• 15 552 шаршы метр – әкімшілік ғимараттар.

Жоба 3 кезеңде, 5 жыл ішінде іске асырылады.

Құрылыс жұмыстарының басталуы

2025 жылғы 1 наурызда құрылыс алаңында дайындық жұмыстарының ресми басталуы өтті. Іс-шараға жергілікті атқарушы органдардың, "Қонаев" ӘКК" АҚ және серіктес компанияның өкілдері қатысты. Кездесу барысында жобаның тұжырымдамасы таныстырылып, оның негізгі іске асыру кезеңдері талқыланды.

"Алматы облысындағы тұрғын үй құрылысын дамыту – "Қонаев" ӘКК" АҚ-ның басым бағыттарының бірі. "Феникс (Самұрық)" жобасын жүзеге асыру қаланың тұрғын үй қорын кеңейтіп, жайлы қалалық орта қалыптастыруға және азаматтар үшін жаңа мүмкіндіктер ашуға мүмкіндік береді", – деп атап өтті компания өкілі.

Құрылыстың бірінші кезеңі

Құрылыстың бірінші кезеңі 2025 жылдың соңына дейін аяқталады. Оның аясында 5 қабатты 4 тұрғын үй және коммерциялық нысандар салу жоспарланған.

Жалпы құрылыс алаңы 6 389,97 шаршы метрді құрайды, оның ішінде:

• 2 743,2 шаршы метр – тұрғын үйлер;
• 3 646,77 шаршы метр – коммерциялық нысандар.

"Қонаев" ӘКК" АҚ өңірдің инфрақұрылымын дамытып, халықтың жайлы өмір сүруіне жағдай жасау мақсатында инвестиция тарту жұмыстарын жалғастырады.

2024 жылы Алматы облысындағы сүт-тауарлы фермалар (СТФ) СПК «Қонаев» жүзеге асырған агроөнеркәсіптік кешенді несиелендірудің мемлекеттік бағдарламасының арқасында өз көрсеткіштерін айтарлықтай жақсартты. Осы мақсаттарға 15 млрд теңге бөлініп, 13 кәсіпорынның өндірісті жаңғыртуына, сүт өнімділігін арттыруына және жаңа жұмыс орындарын құруына мүмкіндік берді.

Сәтті дамудың жарқын үлгісінің бірі – Іле ауданы, Қараой ауылдық округінде орналасқан "Ғылыми-өндірістік орталық "Генофонд" ЖШС фермасы. Бағдарлама аясында кәсіпорын өндірісті кеңейту, заманауи жабдықтар сатып алу және мал басын көбейту үшін қаржыландыру алды. 2023 жылы фермаға Даниядан 408 голштин сиыры жеткізілді. 2024 жылы СПК "Қонаев" жеңілдетілген несиелеу құралдары арқылы СТФ-ның мал басын тағы 306 ірі қараға арттыруына жағдай жасады. Бүгінде ферма тәулігіне 17 тонна сүт өндіреді, оны ірі қайта өңдеуші кәсіпорындарға жеткізеді.

Несиелеу бағдарламасын іске асыру нәтижесінде 2024 жылы қаржыландырылған 13 ферманың жалпы сауымы 38 мың тонна сүтті құрады, бұл 2023 жылмен салыстырғанда 5 мың тоннаға көп. Осы кәсіпорындардағы қызметкерлер саны 709 адамға жетті. Барлық жобалар толық өндірістік қуатқа шыққан жағдайда, жылдық сүт өндірісі 68 мың тоннаға, ал жұмыс орындарының саны 838-ге дейін ұлғаяды деп күтілуде.

Өңірде сүтті мал шаруашылығының дамуы азық-түлік қауіпсіздігін қамтамасыз етіп қана қоймай, сонымен қатар халықты тұрақты жұмыспен және сапалы өніммен қамтамасыз етеді.

https://www.youtube.com/embed/p6pzYZnnOvU?si=kvYtxSmkm85rXid5" 

Алматы облысы Жамбыл ауданына қарасты Сарыбастау ауылының тұрғындары Наурыз мерекесінің алғашқы он күндік жаңару күнін ерекше бастамамен бастады. Ауыл халқы мектеп оқушыларымен бірлесіп, табиғатты аялау мен көгалдандыру мақсатында “Үздік аллея” жобасын қолға алды.Өңірге қарасты аудандарда мереке қандай бастамалармен өрбіп жатыр,келесі тақырыпта.

Өңірге қарасты Қарасай ауданында да ұлыстың ұлы күнін ерекше ықыласпен қарсы алуда. Аудан тұрғындары, ұстаздар мен оқушылар бұл мерекені қазақы дәстүрге сай қарсы алып, ұлттық құндылықтарды ұлықтады. Мерекелік шара аясында қазақ халқының салт-дәстүрлері дәріптеліп, әжелер шашу шашып, батагөй қариялар ақ тілегін арнады,қонақтарға ұлттық тағамдар ұсынылды. 

МЕЙРАМКҮЛ БАЙКЕНЖЕҚЫЗЫ ҮШТЕРЕК ОРТА МЕКТЕБІНІҢ ТАРИХ ПӘНІНІҢ МҰҒАЛІМІ

Наурыз мейрамы ұлттық ойындарсыз өтпейтіні белгілі. Осы орайда, жастар арқан тарту, асық ату, тоғызқұмалақ, қазақша күрес сияқты ұлттық ойындарда өзара сайысқа түсті. 

МЕЙРАМБЕК БЕРДІБАЕВ ҚАРАСАЙ АУДАНЫНЫҢ ТҰРҒЫНЫ

Ерекше мерекелік шара халықтың бірлігін нығайтып, ұлттық мәдениетті жаңғыртуға зор үлес қосты. Қарасайлықтар Ұлыстың ұлы күнін қуанышпен қарсы алып, Наурыздың береке мен молшылық әкелуін тіледі.

https://www.youtube.com/embed/Ls7A-yOxb8M?si=Rb34CTZ6x4kOxbkM" 

Алматы облысы Жамбыл ауданына қарасты Сарыбастау ауылының тұрғындары Наурыз мерекесінің алғашқы он күндік жаңару күнін ерекше бастамамен бастады. Ауыл халқы мектеп оқушыларымен бірлесіп, табиғатты аялау мен көгалдандыру мақсатында “Үздік аллея” жобасын қолға алды.Өңірге қарасты аудандарда мереке қандай бастамалармен өрбіп жатыр,келесі тақырыпта.

Бұл бастама ауылдың көркіне көрік қосып қана қоймай, жас ұрпақты табиғатты сүюге, экологиялық мәдениетті қалыптастыруға баулиды. Аллеяға егіліп жатқан ағаш көшеттеріне жауапты оқушылар бекітілді. Сонымен қатар, ауылдық ата-аналар мен  ұстаздар аллеяның тәрбиелік мәнін түсіндіріп, жастарға ағаш отырғызудың сауапты іс екенін тілге тиек етті.

СӘУЛЕ КЕҢЕСҚЫЗЫ АЛМАТЫ ОБЛЫСЫ ЖАМБЫЛ АУДАНЫ МӘСЛИХАТЫНЫҢ ДЕПУТАТЫ,МЕКТЕП ДИРЕКТОРЫ

Ауыл тұрғындары бұл игі істің жыл сайынғы дәстүрге айналуын қалайды. “Наурыз – тек мереке ғана емес, жаңару мен жақсылықтың бастауы. Біз табиғатты жаңғырта отырып, рухани тазалыққа да ұмтыламыз,” – деп отыр. 

ТҰРАР БАТЫРБАЕВ  АТА-АНА

Сарыбастаулықтардың бұл бастамасы өзгелерге үлгі боларлық іс. Табиғатты аялау – әрбір азаматтың міндеті екенін ескерсек, бұл жоба ауылдың жасыл желекке бөленіп, экологиялық жағдайының жақсаруына өз үлесін қосатыны сөзсіз.Әз наурызды ерекше көңіл күймен қарсы алып жатқан тұрғындар,бірін-бірі құттықтап, ұлыс оң,ақ мол болсын деп жатты.Сонымен қатар ауылды әуелетіп әнге бөлеп,ұлттық спортымызды дәріптеді.

https://www.youtube.com/embed/V3Z9mBnRsmo?si=NwoEErNwLHPdq_hX" 

Абай атындағы ҚазҰПУ-да қазақ халқының бай мәдени мұрасын дәріптеуге, ұлттық салт-дәстүрлерді жаңғыртуға және жас ұрпаққа рухани құндылықтарды насихаттауға бағытталған,«Қош келдің, Әз-Наурыз!» атты Наурыз мейрамы кең көлемде аталып өтті. Ұлттық құндылығымыз дәріптелген шара жайлы тілшіміз тарқатады. 

Мерекелік іс-шараға белгілі қоғам қайраткерлері,құрметті қонақтар, сондай-ақ Абай университетінің ардагер ұстаздары, қызметкерлері, профессор-оқытушылар құрамы мен студенттер қатысты.Думанды жиын барысында 9 киіз үй тігіліп, ұлттық өнерге ерекше көңіл бөлінетін мәдени шаралар ұйымдастырылды. Университет құрамындағы 8 факультет пен 1 институт қазақ халқының көнеден келе жатқан тұрмыс-салты мен дәстүрлерін көрсету бойынша өзара сайысқа түсіп, «Думанды Наурыз», «Берекелі дастарқан», «Көрікті ұлттық киім», «Өнерлі орта», «Дәстүр жаңғыруы», «Креативті Наурыз», «Ұлттық спорт ойыны», «Наурыздың қазақ үйі».  сынды номинациялар бойынша бақ сынады.

БОЛАТ ТІЛЕП АБАЙ АТЫНДАҒЫ ҚАЗҰПУ БАСҚАРМА ТӨРАҒАСЫ-РЕКТОР

Сонымен қатар, қонақтарға бауырсақ, қымыз, қазы-қарта ұсынылып, қазақтың асханалық дәстүрдің үздік үлгілері көрсетілді.

ДАРХАН РАЗБАЙҰЛЫ ЖУРНАЛИСТ

Іс-шара аясында ұлттық өнерге ерекше назар аударылып, қазақ халқының көнеден келе жатқан тұрмыс-салтын паш ететін түрлі ойындар ұйымдастырылды. Қолөнер шеберлері мен сурешілер зергерлік бұйым жасау, ұлттық нақыштағы көрме сынды дәстүрдің үздік үлгілерін ұсынды. Айтыс ұйымдастырылып, жарапазан айтылды.
Халық әндері шырқалып, қазақ биінің түрлі жанрлары орындалды, күмбірлеген күй шертіліп, төл өнер кеңінен дәріптелді.

БОЛАТ ТІЛЕП АБАЙ АТЫНДАҒЫ ҚАЗҰПУ БАСҚАРМА ТӨРАҒАСЫ-РЕКТОР

Мерекелік жиын – ұлттық құндылықтарды ұлықтап, жас ұрпаққа ата-баба дәстүрінің маңызын түсіндіруге бағытталған игі қадам. Ұлттық мәдениетіміздің асыл қазынасын дәріптеу, салт-дәстүрімізді насихаттау – қоғамның рухани кемелденуіне үлкен үлес қосатыны сөзсіз.

https://www.youtube.com/embed/LTCh0ItDZ6U?si=BTMNlHFQ7y75vxSP"

https://www.youtube.com/embed/VQDYPe0B28o?si=Tr66VBud1AbdW5ln"

Бүгін табиғатты қорғасаң,ертең табиғат сені қорғайды. Осыған орай Парктер шеруі-2025 табиғатты қорғау мақсатында өткізілген акция кезекті рет ұйымдастырылды. Толығырақ тарқатсақ. 

Парктер шеруі-халықаралық деңгейде жыл сайын табиғатты қорғау мақсатында өткізілетін акция.”Табиғатты қорғайық,болашақты ойлайық!”атты ұранмен өткен шара ағымдағы жылы Іле-Алатау мемлекеттік ұлттық табиғи паркі Талғар  филиалының ұжымы, ұлттық табиғи паркінің орталық кеңсесінің мамандары,  Ақсай,Медеу,Турген филиалдары,Талғар ауданы бойынша 8 мектептің ұстаздары мен оқушылары, студенттердің қатысуымен  өтті.

ДАСТАН НҰРПЕЙІСОВ ІЛЕ-АЛАТАУ МЕМЛЕКЕТТІК ҰЛТТЫҚ ТАБИҒИ ПАРКІ РММ ТАЛҒАР ФИЛИАЛЫНЫҢ ДИРЕКТОРЫ

Тәрбиелік мәні зор табиғат қорғаудағы шара жыл сайын мектеп,колледж көлемінде атап өтіледі.Бұл мерекелік іс-шараның негізгі мақсаты өскелең ұрпақты табиғатты аялауға тәрбиелеу болып табылады.

ӘЛИЯ ДҮЙСЕНОВА АЛМАТЫ ОБЛЫСЫ,ТАЛҒАР АУДАНЫ Т.РЫСҚҰЛОВ АТЫНДАҒЫ № 16 ОРТА МЕКТЕБІНІҢ ДИРЕКТОРЫ 

Жас буындар бұл шараға үлкен ат салысуда. Табиғатты аялауда қоршаған ортаға пайда келтіретін қол өнерлерін бүгінгі шара аясында ұйымдастырылған көрмеге ала келген.

ЖАНАРЫС СӘРСЕНБАЙ  АЛМАТЫ ОБЛЫСЫ,ТАЛҒАР АУДАНЫ Т.РЫСҚҰЛОВ АТЫНДАҒЫ № 16 ОРТА МЕКТЕБІНІҢ ОҚУШЫСЫ

Шара барысында барлық қатысушыларға алғыс хаттар табысталып,белсенділік танытқандарға арнайы сыйлықтар табысталды.

https://www.youtube.com/embed/wTzcZmFwGYk?si=MtzdLjPiRI-lwe5B"

Қазіргі таңда түркітану ғылымына қызығушылық артып, жастар арасында бұл салаға бетбұрыс жасағандардың саны көбейіп келеді. Бұған бірнеше фактор ықпал етуде.
Ең алдымен, түркі халықтарының ортақ тарихи-мәдени мұрасын зерттеуге деген ұмтылыстың артуы, бабалар қалдырған тарихи жәдігерлер мен тілдік байланыстарды, әдеби мұраны зерттеуге мән бергісі келетіндер көп дейді Әл-Фараби атындағы Қазақ ұлттық университетінің филология факультеті Түркітану және тіл теориясы кафедрасының меңгерушісі Раушангүл Авакова. 

РАУШАНГҮЛ АВАКОВА, ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІ ФИЛОЛОГИЯ ФАКУЛЬТЕТІ ТҮРКІТАНУ ЖӘНЕ ТІЛ ТЕОРИЯСЫ КАФЕДРАСЫНЫҢ МЕҢГЕРУШІСІ, ПРОФЕССОР

Бүгінде көптеген жоғары оқу орындарында түркітану бағытындағы жаңа кафедралар мен зерттеу орталықтары ашылуда. Бұл жас ғалымдардың тарихи деректермен жұмыс істеп, ғылыми жаңалықтар ашуына мүмкіндік береді. Түркітану – тек тарих пен тілге қатысты ғылым емес, ол мәдениет, саясат, халықаралық қатынастар секілді көптеген салаларды қамтиды. Сондықтан бұл бағытқа қызығушылықтың артуы – ұлттың тарихи жадының жаңғыруына және болашақта түркі халықтары арасындағы байланыстардың нығаюына үлкен үлес қосары сөзсіз.

https://www.youtube.com/embed/TBgj-o9OkpY?si=d2z6f4m2ojlctvc2" 

https://www.youtube.com/embed/JCfGAqbVgX4?si=iFuC7tEHUADVvFEW" 

18 наурыз– елімізде Ұлттық киім күні ретінде атап өтілетін ерекше мейрам. Бұл күн қазақтың дәстүрлі мәдениетін жаңғыртып,ұлттық киімнің маңыздылығын насихаттауға бағытталған. Әріптесім дайындаған материалға кезек берсек.

Қазақ халқының ұлттық киімі сан  ғасырлар бойы өзіне тән әдемілігімен,жайлылық пен жарасымдылығымен ерекшеленіп келеді. Тарихымызбен бен мәдениетімізді ұштастырып жатқан ұлттық киім ата-бабамыз бен бүгінгі ұрпақты сабақтастырып жатқан әдет-ғұрыппен қатар тәрбиеге де бай. Оны ұлтын сүйіп,дәстүрін дәріптейтін бүгінгі жастарымыздың бойынан аңғаруға болады. 

Бүгінгі мереке  халқымыздың мұрасының маңыздылығын арттырып,ұлттық мәдениетімізді дәріптеуге септігі мол. Бұл жолда ақ жаулықты аналарымыз көпке үлгі. 

Халқымыздың мәдениеті мен өнерін өркендетуде  ұлт болып ұйысып, ұрпақ болып күш салсақ келешегіміз кемел,рухымыз мықты болмақ.

https://www.youtube.com/embed/3ZbWsgKZ_YM?si=_7BnINDPepf7WHWV" 

Әл-Фараби атындағы Қазақ ұлттық университетінің филология факультеті түркітану және тіл теориясы кафедрасының дәстүрлі түрде өткізетін «Үздік лингвист» республикалық байқауын бастамақ. Айтулы шара еліміздің жас ғалымдары мен болашақ тіл мамандары үшін маңызды ғылыми алаң болып табылады. Байқаудың басты мақсаты – магистранттардың лингвистика саласына қызығушылығын арттырып, олардың ғылыми-зерттеу белсенділігін дамытуға, мемлекеттік тілдің ғылыми кеңістікте кеңінен қолданылуына мүмкіндік бермек.

2009 жылдан бері ұйымдастырылып келе жатқан интеллектуалдық сайысқа Қазақстанның жоғары оқу орындарының магистранттары қатыса алады. Байқау барысында қатысушылар өздерінің теориялық білімдерін көрсетіп қана қоймай, зерттеу жұмыстарының нәтижелерін таныстырып, тіл білімі саласындағы өзекті мәселелер бойынша пікір алмасады,тәжірибие жинайды.

ЖАНАР ИБРАЕВА ФИЛОЛОГИЯ ҒЫЛЫМДАРЫНЫҢ ДОКТОРЫ, ПРОФЕССОР

МӘНШҮК ҚҰДАЙБЕРГЕНҚЫЗЫ ФИЛОЛОГИЯ ҒЫЛЫМДАРЫНЫҢ КАНДИДАТЫ, ДОЦЕНТ

«Үздік лингвист» байқауы – тек білім сайысы ғана емес, жас ғалымдардың ғылыми бағыт-бағдарын айқындайтын, шығармашылық әлеуетін дамытатын маңызды шара. Байқау жеңімпаздары арнайы марапаттарға ие болып,ғылыми жетістіктері жоғары бағаланатын болады.

МӘНШҮК ҚҰДАЙБЕРГЕНҚЫЗЫ ФИЛОЛОГИЯ ҒЫЛЫМДАРЫНЫҢ КАНДИДАТЫ, ДОЦЕНТ
 
ЖАНАР ИБРАЕВА ФИЛОЛОГИЯ ҒЫЛЫМДАРЫНЫҢ ДОКТОРЫ, ПРОФЕССОР

Қазақ тілінің дамуына, оның ғылыми және академиялық кеңістіктегі орнының нығаюына үлес қосқысы келетін жас ғалымдар үшін бұл байқау үлкен мүмкіндік алаңы. Шараны ұйымдастырушылар Лингвистикаға қызығушылығы бар магистранттарды белсенді түрде қатысуға шақырады!