https://www.youtube.com/embed/RufNLUk4SGI?si=NGiJRm4N6AGt2XoV" 

Ақмола облысы әкімдігінің қаулысына сәйкес азаматтардың жекелеген санатындағы азық-түлік шығындары мемлекет есебінен өтеледі. Азаматтардың бұл санаттарына көп балалы отбасылар, атаулы әлеуметтік көмекке мұқтаж жандар және халықтың осал топтарына жататын басқа да адамдар кіреді. Кәмелетке толмағандардың құқықтарының сақталуын талдау барысында Сандықтау ауданында 78 балабақша тәрбиеленушісіне азық-түлік үшін өтемақы төленбеу фактілері анықталды. Аудандық білім бөлімі көп балалы аналар мен халықтың әлеуметтік осал топтарына жататын отбасыларды азық-түлікке өтемақы төлеу тізіміне енгізбеген. Осылайша, олардың мектепке дейінгі ұйымдардан тегін тамақ алу құқығын бұзған.

МЕРУЕРТ БАЙБОЛОВА АҚМОЛА ОБЛЫСТЫҚ ПРОКУРАТУРАСЫНЫҢ БАСҚАРМА ПРОКУРОРЫ: «Прокурорлық ден қою шаралары балабақшалардағы 78 балаға азық-түлік шығындары өтелді. Бұзушылықтар үшін білім бөлімінің 4 қызметкері тәртіптік жауапкершілікке тартылды».

https://www.youtube.com/embed/wLtXw9ezomA?si=bZf58wSX-PBJ-eYX"

Көктем келіп, күн жылынып, қыстан қалған қар суы халықты әбден әбігерге салуда. Салдарынан көшелер мен үйлер қар суының астында қалды. Бұл мәселеге қатысты жұмыстың басталғанына бір тәуліктен аса уақыт өтсе де, еш түзелер емес. Себебі, толассыз жауып жатқан жаңбыр суы жағдайды одан сайын ушықтыра түсуде. Енді, коммуналдықтар күшейтілген режимдегі жұмысқа ауысты.

Үй ішіне кіріп кеткен судың видеосын әлеуметтік желіге салған оралдықтар шырылдап көмек сұрауда. Жауаптылардың сөзінше, 249 мекенжай бойынша су басып жатыр деген 600-ге жуық арыз келіп түскен. Бергендердің көпшілігі Зачаган, Деркөл кенттерінен, жеке тұрғын үй секторларынан түскен. Қазір атқарылуы тиіс жұмыстар жасалуда.

МИРЖАН САТҚАНОВ, ОРАЛ ҚАЛАСЫНЫҢ ӘКІМІ

Бүгінге дейін 30 367 текше метр қар суы сорылып, жыл басынан бері 679 мың текше метр қар қала аумағынан шығарылған. Сонымен қатар, 18 мың құм толтырылған қапшық, 108 қосымша техника жұмыс жасауда. Орал қаласы бюджеті есебінен 185 млн 738 мың теңге көлемінде қаражат бөлінген.

ЖАНДОС ДҮЙСЕНҒАЛИЕВ, ОРАЛ ҚАЛАСЫ ӘКІМІНІҢ ОРЫНБАСАРЫ

НҰРАЛЫ МУСИЕВ, БҚО ТЖД БАСҚАРМА БАСШЫСЫ

Тұрғындардың қауіпсіздігі үшін 27 пункт әзірленген. Онымен қоса, 3 мәдениет үйі, 1 спорт кешені мен 6 қонақ үймен келісім шарт жасалған. Қазір ескі әуежай мен Зачаган кентінің Кірпіш зауыты ауданындағы 750 абонент уақытша жарықсыз қалды. Сондай ақ, жағдайға байланысты қаланың су жіберу қысымы бәсеңдеуі мүмкін.

https://www.youtube.com/embed/UxDdJiAdJYs?si=z1p0xBSwEpqcYrGW" 

Жетісу облысының прокурорлары вакцинация туралы заңнаманың бұзылғанын анықтады. Бұл туралы облыстық прокуратураның баспасөз қызметі мәлім етті. Облыстың денсаулық сақтау саласындағы прокурорлары бюджет қаражатының тиімсіз жұмсалғанын әрі вакцинация туралы заңнаманың бұзылғанын сондай-ақ жалған вакцинация сатып алу фактілерін анықтаған.

«Денсаулық сақтау саласындағы жауапты лауазымды тұлғалардың кінәсінен қажетті вакциналар уақтылы сатып алынбаған, нәтижесінде бір жылға дейін 7 мыңнан астам бала полиомиелитке қарсы егілмеген» - делінген хабарламада.

https://www.youtube.com/embed/PRzn2qyLX1A?si=IhhTfZYmuNtKkuwu" 

Бүгін халықаралық театр күні. Мәдени-рухани құндылықтар тоғысқан ұлы өнермен қоса күллі өнерсүйер қауымның да мерекесі.Нартай Бекежанов атындағы Қызылорда облыстық қазақ академиялық музыкалық драма театрының тыныс тіршілігі жайлы дайындалған материалға кезек берсек.

Өткен жылы аталмыш театр жылдың алғашқы қойылымын  Шыңғыс Айтматовтың 95 жылдығына орай «Жәмилә» драмасының премьерасымен бастаған болатын. Кейін, көрерменге “Бір түп алма ағашы”, “Отбасы ойыны”, “Құдағи келіпті”қойылымын ұсынып, өңірде алғаш рет моноспектакль қойылған. Ал осы жылдан бастап театрдың жоспарында репертуардағы жаңа қойылымдармен Алматы қаласына гастрольдік сапарын ұйымдастыру жоспарда бар. Сонымен қатар, еліміздің еңбек сіңірген қайраткері Кәмила Әбжанованың 75 жасқа толуына орай, Мәдениет саласының үздігі Күлаш Жанмұратованың 60 жасқа толуына  орай шығармашылық кешін ұйымдастыруды қолға алып отыр. 

МҰХТАР НИЯЗОВ, НАРТАЙ БЕКЕЖАНОВ АТЫНДАҒЫ ҚЫЗЫЛОРДА ОБЛЫСТЫҚ ҚАЗАҚ АКАДЕМИЯЛЫҚ МУЗЫКАЛЫҚ ДРАМА ТЕАТРЫНЫҢ БАСШЫСЫ

https://www.youtube.com/embed/4MfHdohMS-U?si=98WBX2xiNiTW6NpT" 

Бала жанының бағбаны болған қаламгер,қазақ әдебиеті қазынасына құнды дүниелер қалдырған көрнекті жазушы Бердібек Соқпақбаев жайлы   «Бердібек ауылына саяхат»  фильмі көрермен назарына ұсынылды. Қазақ даласының ең биік нүктесі,таңғажайып табиғатымен,көктіреген аспантауларымен танымал  жазушы дүниеге келген Нарынқол өңірі жайлы фильм Қоңыр MEDIA GROUP шығармашылық ұжымының жемісі.

 Фильмде жазушының шығармаларын жата жастана оқыған оқырмандары арқылы  жазушының кіндік қаны тамған туған жеріне,шығармаларына арқау болған ауылы,тау-тасы мен өзен көлдерін екі кейіпкердің сөл өлкеге саяхаттауы арқылы жеткізе білген. Менің атым Қожа повестінің желісімен  экрандалған Менің атым Қожа фильміндегі оқиға желісі де кейіпкердің осы өңірден алған әсерімен қоса өрбіп отырады. Бұл жұмыстарымыздың барлығы ұлы жазушыға деген құрметімізден туған дүниелер дейді жоба авторы.

СЕРЖАН МОЛДАСАН, РЕЖИССЕР, ЖОБА АВТОРЫ

Фильм шығармашылық ұжымның екінші жобасы. Қарасаз көшелері атты ақиық ақын Мұқағали Мақатаевтың туған ауылына арналған алғашқы туындылары да көрермендердің жоғары бағалауына ие болған еді.

https://www.youtube.com/embed/Rf2r3JT71qA?si=WcaMolEqjtmpGsLf" 

ҚР Жоғарғы соты экс-министр Қуандық Бишімбаевқа қатысты қылмыстық іс бойынша сотқа қатысты мәлімдеме жасады, - деп хабарлайды Tengrinews.kz тілшісі.Жоғарғы Соттың байланыс бөлімі басшысы Перизат Сәдуақастың айтуынша, Астанада Қылмыстық істер жөніндегі мамандандырылған ауданаралық сотта Бишімбаевтың ісі бойынша алқабилер алқасына кандидаттарды іріктейтін жабық отырыс басталған. Отырыста 12 адамнан тұратын алқабилер алқасы құрылады."Өздеріңізге мәлім, Қуандық Бишімбаевқа қатысты сот талқылауына қоғамның қызығушылығының артқанын ескере отырып, осы іс бойынша ашық сот отырыстарынан ашық онлайн-трансляция ұйымдастыру туралы шешім қабылданды.

Бұл шешім сот талқылауының ашық әрі жариялы болғанын және жалғасатынын білдіреді. Естеріңізге сала кетейін, істің алдын ала тыңдауы да ашықтық қағидаты сақтала отырып өтті. Процеске қатысушылардың және қатысуға ниет білдірушілердің көптігін ескере отырып, отырыстан онлайн-трансляция жүргізілетін қосымша екі зал ұйымдастырылды", - деп жазды Жоғарғы Сот өкілі Facebook-парақшасында.

https://www.youtube.com/embed/HtTPztgn5Xg?si=9ilZR2ItVR0Jwy6s" 

https://www.youtube.com/embed/USVVwBAoCZ4?si=zz6JB_NSA7WGADt3" 

Астанада ірі көлемде кокайн сатқан 33 жасар жігіт ұсталды. Есірткі қылмысына қарсы іс-қимыл басқармасының қызметкерлері Петров көшесінің бойында Haval автокөлігінің жүргізушісін жолда тоқтатады, оны тінту барысында күртешесінің қалтасынан ішінде ұнтақ тәрізді заты бар полиэтиленді 30 орама табылып, тәркіленген. Көлікті тексеру кезінде тәртіп сақшылары осындай тағы 76 ораманы тапты.

33 жастағы ер адам интернет-дүкенде есірткіні орап, жинап және таратумен айналысқанын өзі мойындапты. Аталмыш факт бойынша қылмыстық іс қозғалды. Ұсталған азамат уақытша ұстау изоляторына қамалды. 

https://www.youtube.com/embed/5qKsku6YMOI?si=fxmX5qDKH3XpaDej" 

Контрабандалық жолмен жүк көліктерін тасымалдаған қылмыстық топ ұсталды. Олар жалған құжат жасап 45 жүк көлігі мен оның тіркемелерін заңсыз елге кіргізген. Салдарынан мемлекетке 385 млн теңге сомасында залал келді. Қылмысты дер уақытында қаржы мониторинг агенттігінің Алматы облысы бойынша департаменті анықтады, бүгінде іс сотқа жолданды деді агенттіктің ресми өкілі Әлібек Әбділов. 

ӘЛІБЕК ӘБДІЛОВ ҚР ҚАРЖЫ МОНИТОРИНГ АГЕНТТІГІНІҢ РЕСМИ ӨКІЛІ:
«Тергеу барысында қылмыстық топтың Қазақстанға жалған құжаттарды пайдалана отырып есепке қойылған заңсыз 45 жүк көлігі мен тіркеме кіргізілгендігі анықталды. Бұл мемлекетке 180 млн теңге сомасына төленбеген кедендік төлемдер, сондай-ақ 205 млн теңге сомасына тіркеу төлемдерін төлемеу түрінде залал келтірді. Сотқа дейінгі тергеп-тексеру материалдары сотқа жолданды. Тергеп-тексеру жалғасуда, өзге ақпарат ҚР ҚПК 201 бабына сәйкес жариялауға жатпайды. Қаржылық мониторинг агенттігі экономикалық контрабанда үшін заңмен жауапкершілік көзделгендігін ескертеді».

https://www.youtube.com/embed/tVjXDK9vmmc?si=oWFDmiZOtoynTRu6" 

Наурыз айы. Шығыс күн есебі бойынша жылдың алғашқы айы. Григориан күн есебінде де, жылдың алғашқы айы есебінде де күн мен түннің ұзақтығы теңеседі. Сол себеппен наурыз жыл басы болып саналған. Сонымен бірге қыстың соңы, көктемнің басы. Күн жылынып, қар еріп, жыл құстары келе бастайды. Сондықтан, жылдың құт мезгілі есебінде де наурызға бүкіл халық аса құрметпен қарап, оны есте қаларлық қасиетті ай санаудың басы етіп алған. 

Наурыз шығыс елдері үшін – бірліктің, татулықтың, еңбектің, ізгіліктің, бақыттың мерекесі болып саналады. Бұл күні жақсы тілек тілеу, құттықтау, кешірім жасау, табысу сияқты адамгершілік қасиеттер көрініс тауып, кейінгі ұрпақтар сондай жақсы өнегеден үлгі алады. Наурыздың айрықша тәлім-тәрбиелік мәні бар.Айтулы шараны Алматы облысына қарасты Аққайнар ауылының тұрғындары ерекше ықыласпен атап өтті. Шағын ғана ауылдың азаматтары тайлы тұғына дейін жиналып, бірін-бірі құттықтап жатты.

БЕРДІҒҰЛ ҚҰРМАНҒАЛИЕВ, АУЫЛ ТҰРҒЫНЫ

Ауылдың атпалдай азаматтарының қолдауымен қолға алынған мерекелік шара тартымды өтті. Сахна төрінде эстрада жұлдыздары мен ауылдың алты ауыздары ән салды.Сонымен қатар салауатты өмір салтын жаңғырту мақсатында спорттық сайыстар ұйымдастырылды.Көпшіліктің көңілін көтерген шараға ерлерден бөлек, нәзік жанды аналарымыз да қалыс қалмады. 

БАҒДАТ БЕКТАСОВ, АУЫЛ ТҰРҒЫНЫ

Наурыз парсы тілінен аударғанда «Жаңа күн» дегенді білдіреді. Қазақтар бұл күнді Ұлыстың ұлы күні деп те атайды. Мерекенің басты тағамы - жеті түрлі қоспадан дайындалатын наурыз көже. Наурыз - ежелгі заманнан қалыптасқан жыл бастау мейрамы. Қазіргі күнтізбе бойынша күн мен түннің теңелуі кезіне келеді. Әз наурызды ықыласпен қарсы алған Алматы облысына қарасты Қарасай ауданы Іргелі ауылдық округінің азаматтары деуге болады. Ұлттық ойындарымыз салтанат құрды.

АРМАН ҚАМАЛБЕК, ІРГЕЛІ АУЫЛДЫҚ ОКРУГІНІҢ ӘКІМІ

https://www.youtube.com/embed/RhtN3i0cC30?si=QGJ9-MlonsK_HXGc" 

Ұлыстың ұлы күні әз Наурыз мерекесі Алматы облысында да ерекше қарқынмен кең ауқымда атап өтті.Өңір әкімі Марат Сұлтанғазиев наурыз тойын тамашалауға Талғар қаласына арнайы барды. Мұнда түрлі спорттық және мәдени шаралар ұйымдастырылған. Әсіресе, Алматы облысындағы АРТСПОРТ бағдарламасының қатысушылары ұйымдастырған 500 домбырашының күй шерткені ерекше әсерл қалдырды. Мұнда бір мезетте домбырашылар  Әбдімомын Желдібаевтың “Ерке сылқым” күйін күмбірлете шертіп өнерлерін көрсетті. Сонымен қатар, күйшілер Астана қаласына эстафета жолдады. Бұл ауқымды іс-шараның мақсаты - ұлттық өнерді дәріптеу дейді ұйымдастырушылар.

МАҚПАЛ АБАНОВА, АРТСПОРТ БАҒДАРЛАМАСЫ БОЙЫНША ӨНІМ БЕРУШІ

ӘМИНА НӘЗІРҚЫЗЫ, АУДАН ТҰРҒЫНЫ

Мерекелік іс шараға жиналған жұрт салт-дәстүрімізді дәріптеген өнер иелерінің концерттік номерлеріне қанық болды.Сонымен қатар әз наурыздың басты дәмі наурыз көжеден дәм татып, арқа-жарқа күй кешті.

https://www.youtube.com/embed/4UtNZwqqPcE?si=dxbHu3wf3JPuPHZ6" 

«Балақай, Жаңа Қазақстан деген - осы». Трактордың тіркемесінде отырған бір топ баланың әзіл шыны аралас мына видеосын Азаттық ақпарат порталы жариялады. Сайт жазған мәліметке сүйенсек,  11-ші сынып оқушылары ҰБТ тапсыру үшін Орал қаласына осылай баратын көрінеді. Бұл видео Батыс Қазақстан облысы Бөкейорда ауданындағы Мұратсай ауылында түсірілген. Аталған ауылдан Оралға дейінгі жол 18 шақырымды құрайды.

Балаларды  трассаға осылай жеткізеді екен. Айта кетейік, Бөкейорда ауданынан Оралға дейінгі жол 550 шақырымды құрайды. Бұл жағдайда қатысты өкілетті орган ешқандай пікір білдірмеді.