https://www.youtube.com/embed/7ugd5ibr0QE?si=-YCZXiwp8_N1-gll" 

Геологтар күніне орай алғаш рет музей қорындағы геология коллекциясы негізінде «Қазыналар әлеміне саяхат» көрмесі ашылды. Көрменің мақсаты – Отанымыздың табиғи ресурстарын көрсету және оның әр алуандығын насихаттау арқылы жастардың ұлттық геологияны зерттеп, дамытуға деген қызығушылығын арттыру.

Көрме экспозициясына Қазақстан территориясындағы кен орындарынан, атап айтқанда, Жезқазған, Соколов-Сарыбай, Қаражанбас, Текелі, Қарағанды және басқа да кен орындарынан  алынып, геологиялық материалдардан іріктелген, ғылыми маңыздылығы жоғары әрі келушілердің қызығушылығын тудыратын 150-ден астам алтын дақтары бар кварц, топаз, аметист, халцедон сияқты жартылай бағалы тастар, малахит, жадеит, азурит, нефрит сынды басқа да минералдар мен тау жынысының үлгілері  көпшілік назарына ұсынылды.
 
РАШИДА ЕРІМҚЫЗЫ ҚР МЕМЛЕКЕТТІК ОРТАЛЫҚ МУЗЕЙІНІҢ ДИРЕКТОРЫ:
«ҚР Мемлекеттік орталық музейінің негізгі коллекциялары 19 ғасырдың 30 жылдан бастап қалыптасса, осы геология коллекциясы 1935 жылдан бастап қалыптасқан екен. Жалпы Қазақстанның геологиясының тарихына келетін болсақ, бұл геологияның өзі Менделеевтің 118 элементтің 99 түрі бізде анықталған. Бүгінгі коллекцияның бір ерекшелігі – бұрын еш жерде қойылмаған жәдігерлеріміз алғаш рет ұсынылып отыр және қолданылу ерекшеліктеріне байланысты түрлі тақырыптарға бөлініп ұсынылды».

Қазақстан геологиясының даму тарихы Қ.И. Сәтбаев, Ж.А. Айталиев, А.Қ. Қайыпов сынды отандық ғалымдардың есімімен тығыз байланысты. Бүкіл қоғам үшін қажетті ресурстарды іздеу, барлау және өндірумен шұғылданатын ғалымдардың ерен еңбегі нәтижесінде қазіргі таңда 6000 пайдалы қазба орындары ашылған. 

АСПАНДИЯР ӘДЕНҰЛЫ Қ.И. СӘТБАЕВ АТЫНДАҒЫ ҚАЗАҚ ҰЛТТЫҚ ТЕХНИКАЛЫҚ ЗЕРТТЕУ УНИВЕРСИТЕТІ ЖАНЫНДАҒЫ ТАРИХИ МУЗЕЙДІҢ БАС МАМАНЫ: «Қазақстан барлық қазба байлықтар бойынша Қ.Сатпаев болжамымен әлемде бірінші орын алатын ел. Бірақ, оған біздің геологиялық барлау жұмыстарына мемлекеттік тікелей қамқорлығы, яғни, қаржылай көмек қажет болып отыр. Билік тарапынан қолдау болатын болса, Қазақстанда ашылмай жатқан, барлық минерал түрлері бар еді. Менделеевте 90 астам түр болса, бұрынғы заманда геолог ғалымдар айтып кеткендей «барлық түрі табылады, бірақ, зерттеу жұмыстарын тыңғылықты жүргізу керек». Ол үшін әрине бәрі қаржыға келіп тіреледі. Қазақстан әлемдегі жер асты байлығынан алдыңғы орындарда тұрған елдердің бірі».

Пайдалы қазбалар бүгінде энергия көзі ғана емес, сонымен қатар әртүрлі қорытпаларды, құрылыс материалдарын, химиялық заттарды және біздің күнделікті өмірімізге өте қажет басқа заттарды өндіруге арналған шикізат ретінде пайдаланылуда. 

https://www.youtube.com/embed/BulbV_r7VNs?si=LjrzfLc94YdVVVLj" 

Алматыда жасөспірімді аяусыз тепкінің астына алып,әрекеттерін таспаға түсіргендер ұсталды. Жаға ұстатарлық видео әлеуметтік желілерде жарияланған болатын. Видеоға түсірген екінші адам жәбірленушінің бетінен ұрмауға кеңес береді.Алматы полициясы құқық бұзушыны құрықтап,бүгінгі таңда күш қолдану арқылы озбырлық дерегі бойынша қылмыстық іс қозғалған. Бұл туралы Алматы қалалық ПД баспасөз қызметі мәлім етті.

САЛТАНАТ ӘЗІРБЕК АЛМАТЫ ҚАЛАЛЫҚ ПД БАСПАСӨЗ ҚЫЗМЕТІНІҢ ЖЕТЕКШІСІ

https://www.youtube.com/embed/-U90MjjJD-s?si=ZnvIgXMWF02iDxBv" 

Экс-шенеунік Бишімбаевтың соты бүгін қайта жалғасты. Сот марқұм болған Салтанат Нүкенованың ұялы телефонын зерттеуге кірісті. Прокурор Айжан Аймағанова Салтанаттың телефоны мөрленген конвертті ашты. Ондағы Нүкенова мен Бишімбаевтың WhatsApp-та жазысқан хат-хабарларының бірнешеуін оқыды. Салтанат күйеуіне сенің ойыншығың емеспін деп хат жазып, мазасын алмауын сұрапты. 

АЙЖАН АЙМАҒАНОВА ПРОКУРОР: «Бұл өмір емес, күн сайын бір нәрсені айтып қорқытып отыратын мен сенің ойыншығың да балаң да емеспін. Мен ақылымнан адасқан жоқпын. Маған 24 сағат 7 күн бойы не істеу керегін айтудың қажеті де жоқ, онсыз да бәрін жақсы білемін. Әрбір ұрыстан соң өзіме келу үшін бір күн уақыт кетеді. Оның үстіне үнемі ұрыстан соң, сені күлімдеп күтіп алуым керек». 

Айта кетейік, 2023 жылдың 9 қарашасында Астана мейрамханаларының бірінде қайғылы жағдай болып, бұрынғы Ұлттық экономика министрі Қуандық Бишімбаевтың әйелі Салтанат Нүкенова қайтыс болды. Сол оқиғадан кейін Бишімбаев қамауға алынды. Артынша оның туысы Бақытжан Байжанов та қамалған болатын. Алдын ала тыңдау 11 наурызда басталды. Онда күдікті айыпты мойындамайтынын айтқан болатын. 

https://www.youtube.com/embed/7D7OlV2AkLk?si=5pwgs2SvVHaqEZaC" 

Қызылорда өңіріндегі биылғы жылғы көктемгі егін егу науқанына дайындық барысы жүзеге асырылуда. Егіс көлемін өткен жылғымен салыстырғанда арттыру көзделген.Өңірдегі  ауыл шаруашылығы дақылдарын жалпы көлемі 187,0 мың  гектарға оның  ішінде   негізі дақыл күріш 83,9 гектарға межеленуде. Облыс бойынша 21,3 мың тонна тұқым дайындалған. Қазіргі  таңда  ауыл шаруашылығы дақылдарының тұқымдарын себу дәрежесіне жеткізу үшін  зертханалық тексеруден өткізу жұмыстары жүргізілуде.                                                         
ЕРСҰЛТАН АПЕТОВ ҚЫЗЫЛОРДА ОБЛЫСТЫҚ АУЫЛ ШАРУАШЫЛЫҒЫ ЖӘНЕ ЖЕР ҚАТЫНАСТАРЫ БАСҚАРМАСЫ БАСШЫСЫНЫҢ ОРЫНБАСАРЫ

Аймақта  ерте егілетін дақыл түрлерін егу жұмыстары Наурыз айының басында басталып кеткен. Ал,негізгі дақыл күрішті егу сәуір айының 3 –ші онкүндігінде басталатын  болады.

https://www.youtube.com/embed/fqw-d6NMX6o?si=xXAmibJk7LIbv--Y" 

Дүниежүзілік экономикалық форумның деректеріне сәйкес, жол сапасы жағынан Қазақстан әлем бойынша 93-ші орында. Қабылданып жатқан шараларға қарамастан, проблемалық мәселелер әлі де туындап жатқаны көпшілікке аяң. Қазірде Алматы маңындағы өңірлердің өзінде жол сапасы сын көтермей тұр. Толығырақ тілші материалында.

ШОЛПАН МАРАТҚЫЗЫ ЖУРНАЛИСТ

БАҚЫТ ИХРАМОВ ЖЕРГІЛІКТІ ТҰРҒЫН

ЖЕРГІЛІКТІ ТҰРҒЫН 

ҚҰСАН МАМЫРБЕК ЖЕРГІЛІКТІ ТҰРҒЫН

ЖЕРГІЛІКТІ ТҰРҒЫН

Жазда шаң көтеріп, көктемде көл болып жататын нашар жолдардың жағдайына қатысты халық тарапынан әртүрлі шағым айтылуда. Әкімдіктің есігін қанша қаққанмен, әзірге шешімі табылмай отыр. Қарасай ауданы бойынша автомобиль жолдардың жалпы ұзындығы 1439 шақырымды құрайды.  

ЖАНАТ ЕРЖАНҰЛЫ АЛМАТЫ ОБЛЫСЫ ҚАРАСАЙ АУДАНЫ ЖОЛАУШЫЛАР КӨЛІГІ ЖӘНЕ АВТОМОБИЛЬ ЖОЛДАРДЫ БАСҚАРУ БӨЛІМІ БАСШЫСЫНЫҢ МІНДЕТІН АТҚАРУШЫ

Қарасай ауданында ағымдағы жылы жолдарды жөндеуге деп 2,9 млрд.тг қаражат қарастырылған. 54 жоба негізінде 70 шақырым жол жасалмақ.  
 
ЖАНАТ ЕРЖАНҰЛЫ АЛМАТЫ ОБЛЫСЫ ҚАРАСАЙ АУДАНЫ ЖОЛАУШЫЛАР КӨЛІГІ ЖӘНЕ АВТОМОБИЛЬ ЖОЛДАРДЫ БАСҚАРУ БӨЛІМІ БАСШЫСЫНЫҢ МІНДЕТІН АТҚАРУШЫ«Қаскелең қаласы бойынша, қазір Бөктер және Құлынды көшелерінде қазір енді қыс бітіп, өткен апта жаңбыр болды. Жер енді кеуіп жатыр. Қазір енді техника кіргізейік десек, жер саз болғандықтан, батып қалу қаупі бар. Жердің кепкенін күтеміз. Апрельдің ортасында жөндеу жұмыстары басталынатын болады.

Қаскелең қаласының Көкбастау көшесі туралы айтатын болсақ, ол көшелерге жиырма миллион теңге бөлінді. Қазіргі уақытта электронды конкурс өткізіліп жатыр. Ол рәсімделіп біткеннен кейін, осы апрель аяғы немесе ортасына қарай көреміз. Ол жерде арнайы белгіленген уақыттар бар. Соған байланысты жұмыстар басталатын болады».

Жолдың жоқтығына шағымданған қараша Көкөзек ауылында да жетерлік. Олардың да уәжі біреу. 

БАЙЫП БАЛТАБАЙ ЖЕРГІЛІКТІ ТҰРҒЫН

ЖЕРГІЛІКТІ ТҰРҒЫН 

НАЗЫМ БЕЙІСҚАНҚЫЗЫ ЖЕРГІЛІКТІ ТҰРҒЫН

АЙБЕК ЕСІМХАН ЖЕРГІЛІКТІ ТҰРҒЫН

ЖЕРГІЛІКТІ ТҰРҒЫН

Көлігі барды шығынға,көлігі жоқты діңкелеткен жолдың жыры қашан шешілетінін жергілікті билік былай деп жауап берді.

ЖАНАТ ЕРЖАНҰЛЫ АЛМАТЫ ОБЛЫСЫ ҚАРАСАЙ АУДАНЫ ЖОЛАУШЫЛАР КӨЛІГІ ЖӘНЕ АВТОМОБИЛЬ ЖОЛДАРДЫ БАСҚАРУ БӨЛІМІ БАСШЫСЫНЫҢ МІНДЕТІН АТҚАРУШЫ:«Көкөзектегі жолдарға қазір бюджеттік өтінім бердік. Қазіргі уақытта жобалық сметалық құжаттарын әзірлейміз. Соның негізінде бюджеттік өтінім беретін боламыз.Жобаның шығуына байланысты. Ол жоба экспертизадан өтеді. Өзінің заңда белгіленген уақыттары бар».
 
Айтылған сөздің шындығын уақыт көрсетер. Бізде арнамыз тарапынан қадағалап отыратын боламыз.

https://www.youtube.com/embed/CI_dpMMAG74?si=YqkAmIEAVokcOVY1" 

Еліміздегі автожолдарды басқаратын жалғыз ұлттық оператор ҚазАвтоЖолдың бұрынғы төрағасы ұсталды.  Компанияны 2021 жылдың сәуірінен 2022 жылдың 1-ші ақпанына дейін басқарған Асқар Мұратұлы жол салуға деп бөлінген ақшаны жымқырды деген күдікке ілінді. Бұл туралы Қаржы мониторинг агенттігі хабарлады. Тергеу басталды, өзге ақпараттар жариялауға жатпайды дейді. Айта кетейік, құрылысы ұзаққа созылған автожолдар мен оның сапасының сын көтермейтінін биыл Президент жолдауда баса айтып, ескерту жасаған еді.  

ӘЛІБЕК ӘБДІЛОВ ҚР ҚАРЖЫ МОНИТОРИНГ АГЕНТІГІНІҢ РЕСМИ ӨКІЛІ:
«Астана қаласы бойынша Экономикалық тергеп-тексеру департаменті Бас көлік прокуратурасының жұмыс үйлестіруімен бір көзден алу жолымен бюджеттік қаражатты аса ірі мөлшерде жымқыру күдігімен "ҚазАвтоЖол" ҰҚ" АҚ-ның экс-басқарма төрағасы А.Муратұлы ұсталды. Сотпен күдіктіге қатысты 2 ай мерзімге "күзетпен ұстау" түріндегі бұлтартпау шарасы санкцияланды. ҚР ҚПК 201 бабына сәйкес, өзге мәлімет жариялануға жатпайды».

https://www.youtube.com/embed/XVg3KYCcv4g?si=dNhPZ9X9dpDtOyFH" 

1-сәуір күні СҚО Тайынша ауданына тасқын сумен күреске көмектесуге барған Түркістандық құтқарушы қайтыс болды. 45 жастағы Бекжан Балданов сол күні кешке өзін жайсыз сезініп, дәрігерлердің көмегіне жүгінген. Оған өткір миокард инфарктісі қойылып, Петропавл қаласына санавиация арқылы жеткізілу жоспарланған екен. Алайда, 2 сәуір күні Түркістандық азамат Тайынша ауданаралық ауруханасының жансақтау бөлімінде көз жұмды.

Бекжан Балданов  Түркістан облысы ТЖД  өрт сөндіру және авариялық-құтқару жұмыстары қызметі №6 Өрт сөндіру бөлімі бөлімшесінің командирі болған. Марқұмның туыстары мен жақындарына қайғыра көңіл айтамыз.

https://www.youtube.com/embed/jdRw-ZWyujk?si=seP3PTiFxgfXniWC" 

БҚО-да төтенше жағдай күрделі. Теректі ауданы Жаңа Өмір және Ұзынкөл ауылдарына да су басу қаупі төнді. Қазір елдімекендегі тұрғындар қауіпсіз жерге көшіріліп, эвакуацияланды.

Батыс Қазақстан облысының Теректі ауданындағы Жаңа Өмір мен Ұзынкөл кентіне су басу қаупі төніп отыр. Еріген қар суынан «Ұзынкөл» су қоймасы толып, Барбастау өзені арнасынан тасуда. Осыған байланысты Теректі ауданы Подстепное ауылына және Орал қаласына халық алдын ала эвакуацияланды. ТЖД Ұзынкөл су қоймасы бұзылатын болса, Теректі ауданындағы Ұзынкөл, Юбилейное, Кемер, Жаңа Өмір және Барбастау ауылдарын талқандап кетема деп алаңдайды. Сондықтан,ауыл аймаққа жақын бөгеттерді су басып кетпеу үшін қауіптің алдын алу жұмыстары жүріп жатыр. Оған 51 техника, 131 арнайы мамандар жұмылдырылды.

РАШИД БЛЯЛОВ БҚО ТЖД БАСТЫҒЫНЫҢ ОРЫНБАСАРЫ

Айта кетейік өңірде 2 сәуірден бастап төтенше жағдай режимі жарияланды. "Қазгидромет" мекемесі аптаның аяғына дейін су деңгейі тағы көтерілуі мүмкін деп ескертеді.

https://www.youtube.com/embed/IR4iKhcZVjc?si=OwBAcbicNhkAQKiv"

Мемлекет басшысының Батыс Қазақстан облысына жұмыс сапары қарғын су басқан аумақтарды тікұшақпен аралап көруден басталды. Қасым-Жомарт Тоқаев Теректі, Сырым және Қаратөбе аудандарындағы қалыптасқан жағдаймен танысты. Облыс әкімі Нариман Төреғалиев Президентке бүгінде 6 аудан мен Орал қаласын су басқанын баяндады. Қарғын су 552 тұрғын үйге, 427 саяжай теліміне зиян келтірген. Өңір басшысының айтуынша, су тасқынына қарсы шараларға 1911 адам, 332 техника, 101 мотопомпа, 1 тікұшақ жұмылдырылған. Сонымен қатар құтқару жұмыстарына Алматы және Маңғыстау облыстарының құтқарушылары атсалысып жатыр.  Президент су басқан аумақтарды тікұшақпен аралап шыққаннан кейін аудан орталығындағы Қажым Жұмалиев атындағы мектеп-гимназия базасында орналасқан эвакуациялық пунктке барды.

Мемлекет басшысы гуманитарлық көмекті тарататын пункттің жұмысымен танысып, су тасқынына байланысты жақын маңдағы ауылдардан көшірілген тұрғындармен жүздесті. Қасым-Жомарт Тоқаев тұрғындармен әңгімелесу барысында мұндай көлемдегі тасқынның бұрын-соңды болмағанына назар аударды. Оның айтуынша, осыған ұқсас жағдай 1994 жылы болған. Бірақ биылғы тасқын одан да асып түсті.Президент шығындарды өтеу үшін мемлекет барлық қажетті шараны қабылдайтынын айтты.

https://www.youtube.com/embed/V8RLOtMW1jU?si=iQl_lf9zvdGWZom1" 

Кардиология және ішкі аурулар ғылыми зерттеу институтында Еуропаның жетекші интервенциялық кардиологымен жүрек тамырларының зақымдануының күрделі формалары – сол жақ коронарлық артерия діңі, жүрек тамырларының кальциленген зақымданулары бойынша шеберлік сабағы өтуде.

ҒЗИ-ның мамандарының сөзінше, коронарография жасау кезінде пациенттердің 10-20% - жүрек тамырларының созылмалы окклюзиясы анықталады. Коронарлық артерияның созылмалы окклюзиясында жүрек бұлшық етін қанмен қамтамасыз ететін тамыр толығымен жабылып қалады. Яғни, соның салдарынан жүрек жеткілікті оттегін ала алмайды. Бұл өмір сапасының төмендеуі мен ентігуге алып келеді.

ГҮЛНАРА ЕРМАХАНҚЫЗЫ КАРДИОЛОГИЯ ЖӘНЕ ІШКІ АУРУЛАР ҒЗИ-НЫҢ ЕМДЕУ ІСІ ЖӨНІНДЕГІ ДИРЕКТОРЫ: 
«Бүгінгі өтіп жатқан шеберлік-класс соңғы буын ROTA PRO жүрек тамырларын ротаблациялау жүйесін пайдалана отырып өткізілді. Бұл жүйе Қазақстанда алғаш рет қолданылуда. Бұндай жаңашылдық бізге ең күрделі патологиялары бар науқастарды емдеуге көмектеседі. Коронарлық артериялардың кальциленген зақымданулары және созылмалы жалпы окклюзиялары бар пациенттерге тері арқылы коронарлық араласулар жүргізілді. Осы екі күннің ішінде алтыға жуық пациентке ота жасалды. Сондай ақ, шеберлік класықа Алматы қаласының интервенциялық кардиологтары қатысты». 

Созылмалы жалпы окклюзиялар мен коронарлық артериялардың кальциленген зақымдануларын емдеудегі жаңа тенденциялар туралы демонстрациялық операциялар мен теориялық сабақтарды өткізумен тәжірибе алмасу мамандарға жаңа жабдықта жұмыс істеуді үйренуге, кәсіби қызметте қажетті дағдыларды жетілдіруге мүмкіндік береді. 

JULIAN STRANGE БРИСТОЛЬ ЖҮРЕК ИНСТИТУТЫНЫҢ ЖЕТЕКШІ ИНТЕРВЕНЦИЯЛЫҚ КАРДИОЛОГЫ:
«Коронарлық артериялардың күрделі және кальциленген зақымдануы коронарлық стенттеу кезінде асқыну қаупін арттыруы мүмкін, сондықтан оңтайлы техника мен құралдарды таңдау бұл процедураның маңызды аспектісі болып табылады. Қазіргі таңда пациенттерге ота жасау үшін ең жақсы мүмкіндіктерді пайдалана алуымыз керек. Сіздермен бірге қол жетімді операцияларды іс тәжірибеде бірге жасадық. Алдымен кальциленген артерияны бұрғылап, содан кейін 6 айдан астам жабылған қоймалық артерияларды аштық. Операция кезінде жылдар бойғы жиналған аурудан біраз асқыну секілді қиындықтар болды. Бірақ, біздің ең басты міндетіміз  пациенттер үшін мүмкіндігінше қауіпсіз ота жасау»

Бірнеше жылдық асқыну ауруларына ота жасатқан пациенттермен де тілдестік. Солардың бірі Татьяна Валентиновна. Оған жасалған операцияға төрт сағат уақыт кеткен.

ТАТЬЯНА ВАЛЕНТИНОВНА ЕМДЕЛУШІ:
«2009 жылы маған жүрек-қан тамырларын айналып өту операциясын жасаған болатын. Одан бері өзімді қалыпты сезіндім. Кейін тынысым тарылып, қан қысымым көтерілетін болды. Кейін, осы жерде тексеріле келе маған операция жасаған кезінде үш шунт орнатылғанын білдім. Оның ішінде тек бір шунт жұмыс істейді де, екі шунт бітеліп қалған. Дәрігерім Алексей Колесниковтың арқасында мен қазір өзімді жақсы сезінемін. Бәрі ойдағыдай өтті. Енді үйге шығатын күнімізді күтеміз».

Сонымен қатар, клиниканың рентгенхирургтары орта қақпақшасының ауыр стенозымен 90 жастағы науқасқа TAVI операциясын жасады. Мұндай науқастарға қолқа қақпағын ауыстыру үшін кардиохирургиялық операциялар жасауға болмайды, өйткені олардың кенеттен қайтыс болу қаупі жоғары. TAVI - қолқа қақпағын жасанды биологиялық клапанмен ауыстырудың заманауи, аз инвазивті әдісі. Операциядан кейін науқас өзін жақсы сезінеді. 

https://www.youtube.com/embed/IdDdsc75GCg?si=Xur9-fUJ3GUEN4-x" 

Биыл еліміздің мақтанышы ақын, компазитор Кенен Әзірбаевқа 140 жыл толып отыр. Дара тұлғаның тұғыры жыл өткен сайын биіктеп келеді.Өйткені оның мол мұрасы қазақ өнерінде өміршеңдігімен ерекшеленеді. Келесі тақырыпқа назар аударсақ.

Кенен әнші, ақын, жырау, күйші ретіндегі алуан арналы шығармаларын өзі өмір сүрген заманының жанды шежіресі деуге болады. Ол өз ғұмырында жүзден аса ән шығарған. Сондай-ақ екі жүздей лирикалық, дидактикалық арнаулар мен толғаулардың авторы. Оның репертуарында оңдаған эпикалық жыр-дастан болған.Ол ән мен жырдың кенші атанған Жетісудың ғана емес, исі қазақтың әншілік-күйшілік, ақындық-жыршылық, сал-серілік дәстүрін терең игерген өнер тарланы.Тау тұлғаның 140 жылдығына орай, түрлі кездесулер орын алып,әсерлі әңгімелер айтылуда. Бұл жолғы басқосу Алматы облысы Қарасай ауданында орын алды.Шараға Кенен Әзірбаевтың қызы Төрткен анамызбен,ұлы Бақытжан және өзге де ұрпақтары шақыртылған.

ДИНАГҮЛ ӘБДИЕВА АЛМАТЫ ОБЛЫСЫ КЕНЕН ӘЗІРБАЕВ АТЫНДАҒЫ МЕКТЕПТІҢ ДИРЕКТОРЫ

Кененнің дарын тегеуріні қазақтың ән өнерін әуендік интонациялық жағынан байытып, әннің түр-тұлғасын жаңа биіктерге көтеріп, тақырып аясына тарихи-әлеуметтік тың мазмұн дарытып, соны өрістерге алып шықты. Оның «Бозторғай», « Көкшолақ», «Ой, бұлбұл», «Он алтыншы жыл» сияқты әндері әуендік толымды жаңалықтарына қоса, бітім-құрылысы мен тақырыбы тұрғысынан да өзіндік төл сипатымен дараланады. Шарға арнайы келген эстрада мен классика және дәстүрлі әндерді орындап жүрген жұлдыздар Кенен Әзірбаевтың әндерін шырқады.

БАҚЫТЖАН КЕНЕНҰЛЫ 

https://www.youtube.com/embed/hUkN8w9c7iA?si=hCprg5v0GuM72zG1" 

Қоғамда кездесіп жататын дау дамайдың түрі көп. Алайда жанды жаралайтын туыстар арасындағы келіспеушіліктің туындауы өте қиын жағдай. Жақын санаған нағашыларынан жатбауырлық көрдік деген жиендері арнамызға хабарласып шағымдарын білдірген еді. Келесі тақырыпқа назар аударсақ. 

Ақ сүт беріп еміренген төл перзенттерінің де,өзін өсіріп жеткізген туыстарының да қамын ойлаған марқұм Салимбаева Бибірамның балаларының айтуынша, аналары табан еті маңдай терімен тірнектеп жүріп сауда орнын ашқан. Алайда марқұм тағдырдың жазуымен дүние салған соң артында қалған сауда орнына нағашылар мен жиендер арасында  дау туындаған. 

АБЗАЛ САЛИМБАЕВ

Бұған дейін өткен сот отырысына денсаулық жағдайымен қатыса алмадым деген Абзал істі қайта қарауға өтінім берген.  

АБЗАЛ САЛИМБАЕВ

МЕРУЕРТ ҚОЙДАРОВА ЗАҢГЕР,ҚОРҒАУШЫ

Мәселеге орай қарсы тараптың пікірін білуге тырыстық. Қолымнан келгенше өтініштерін орындап жатырмын дегенмен, сұқбат беруге келісімін бермеді. 

Осылайша біраз уақыттан бері даулы мәселеге айналған жағдай алдағы күндері өтетін сот төрелігінің еншісінде.