https://www.youtube.com/embed/Yi6bv_7gozY?si=XYFK4ij9nOhn6ry7" 

Мемлекет басшысы «Бәйтерек» ұлттық басқарушы холдингі» АҚ басқарма төрағасы Нұрлан Байбазаровты қабылдады. Қасым-Жомарт Тоқаевқа холдингтің 2023 жылғы қызметінің нәтижесі, соның ішінде кәсіпкерлік пен агроөнеркәсіп кешеніне қолдау көрсету, халықты тұрғын үймен қамтамасыз ету жұмыстары жөнінде есеп берілді.

НҰРЛАН БАЙБАЗАРОВ «БӘЙТЕРЕК» ҰЛТТЫҚ БАСҚАРУШЫ ХОЛДИНГІ» АҚ БАСҚАРМА ТӨРАҒАСЫ: «Холдинг активтері 12 пайызға өсті. Инвестициялық және кредиттік портфелі 10 пайызға артты. Таза пайдасы 400 миллиард теңгені құрады. Сонымен қатар, Мемлекет басшысына холдингтің жаңа бастамалары мен бағдарламасы туралы айтылды. Бағдарламаларды жүзеге асыру есебінен,осы жылы холдингтің экономикаға деген үлесін екі есеге арттыруды жоспарлап отырмыз. Оның ішінде,туризмді дамыту бағдарламасы, агроөнеркәсіп кешеніндегі жобаларды қаржыландыру және өндеу кәсіпорны бойынша жаңа бағдарламалар іске қосылады. Сонымен қатар, халықаралық қаржы нарығында өз жұмысын жалғастырады. Мемлекет басшысы бірқатар тапсырма берді».

https://www.youtube.com/embed/6CZeKeDW80M?si=FKRrWfQxeVN5F2uJ" 

https://www.youtube.com/embed/EnM7eGWeVFs?si=5zSlZKZAVY5e4zh5" 

Қазір елімізде алаяқтардың арбауына түсіп жатқандар көп.Соның бірі, ауған соғысының ардагері марқұм Александр Сербин. Оған алаяқтар4 млн теңге көлемінде несие алдырған. Қарызға батып уайымға түскен ол,ақыры қайғыдан қан жұтып,мерт болды. Айта кетейік, БҚО-да 500-ге жуық факті тіркелген. Ауыз ашып қалғандардың деншілігі - қарттар.

Зымыраған заман уақытында әлеуметтік желіні әсте пайдаланып, жарнама арқылы аңқау халықты аңқитып отырғандар жетерлік. Солардың бірі ұялы байланыс операторлары. Жастардың жылымсыған сөзіне тез ілінетін қарапайым халық, заңсыз әрекеттің схемасын білмегендіктен көп жағдайда сан соғып қалуда. Жыл басынан бері облыс аумағы бойынша 26 қылмыстық іс тіркелген. Бірақ, бұл өткен жылға қарағанда 16 пайызға төмендеген.

ДАРХАН ҚҰРМАТОВ ОРАЛ ҚАЛАЛЫҚ ПОЛИЦИЯ БАСҚАРМАСЫ БАСТЫҒЫНЫҢ ОРЫНБАСАРЫ

Әккілердің қоңырауынан қолы қалтырап, ауруы асқынып, мерт болған ауған соғысының ардагері Александр Сербиннің ажалы да осы жағдайдан болған. Ардагердің атынан алаяқтың жолмен 3 бірдей банктен  4 млн теңгеге несие рәсімделген.

РАХИМБЕРЛІ ӘБДІКӘРІМОВ ҚР ЧЕРНОБЫЛЬ ЖӘНЕ ЖЕРГІЛІКТІ СОҒЫС-ҚАҚТЫҒЫСТАРҒА ҚАТЫСУШЫ АРДАГЕРЛЕР ОДАҒЫНЫҢ ПРЕЗИДЕНТІ:

"Александр Сербин өте белсенді азамат болатын. Адамдарға сенім артатын. Өмірінің соңғы күндері алаяқтық әрекетті әшкерелеумен өтті. Бірақ мардымды жауап, айтарлықтай қолдау жасалған жоқ. Қазіргі күні замандасымыздың атында миллиондаған қарыз тұр. Қандай әрекет жасарымызды білмейміз? Бұл жерде банк қызметкерлерінің де кінәсі бар деп ойлаймыз. Егде жастағы адам өз аяғымен бөлімшеге келмесе, өздігінен қалай жасайды? Алаяқтар міндетті түрде жазалануы тиіс".

Құлағдар болған ардагерлер жылдам іске көшіп, тиісті орындарға шағымданып, алдын ала қамдануда.  "Киберпол" киберқылмыспен күрес тобы осы жөнінде істі қозғауда жұмыс жасауда. Мамандар тұрғындарға алақтардың қолдағыны алып, ауыздағы жұлып кетпес үшін сенімсіз номерлерден шалынған қоңырауларға жауап бермеуді, сөйлесу барысында шектен тыс сұрақтар болса дереу әңгімелесуді тоқтату керектігін ескертеді.

https://www.youtube.com/embed/-qRyBH86udQ?si=Xsorg8ZY55wUSeWR" 

Air Astana әуе компаниясының акциясы сатылымға шығарылады. Бүгін Үкіметте осы мәселе кеңінен талқыланды. Өтініштерді қабылдау бүгіннен басталды 8 ақпанға дейін жалғасады. Бұл туралы Премьер-Министрдің баспасөз хатшысы Динара Алимова айтты.

ДИНАРА АЛИМОВА ҚР ПРЕМЬЕР-МИНИСТРІНІҢ БАСПАСӨЗ ХАТШЫСЫ:

«IPO Жекешелендірудің 2021-2025 жылдарға арналған кешенді жоспарын жүзеге асыру аясында биыл өтуі тиіс екені атап өтілді. Бүгінде «Самұрық-Қазына» АҚ мен Air Astana компаниясы халықаралық кеңесшілермен бірге үлкен дайындық жұмыстарын жүргізді. Жиында қаралған өзекті мәселе – биыл 29 қаңтар мен 8 ақпан аралығында жоспарланған өтініштерді қабылдау процесін бастау үшін компанияның бір қарапайым акциясы мен бір ғаламдық депозитарлық қолхатының баға диапазонын анықтау».                                                      

https://www.youtube.com/embed/c2X69TSHSA4?si=cO5cNGGpAwWE0f20" 

Балалықтың балғын бейнесі сомдалған "Менің атым - Қожа" фильмін көрмеген қазақ жоқ шығар. Тарихта аты қалған туындының авторы, қазақ әдебиетінің классигі Бердібек Ыдырысұлы Соқпақбаевқа 100 жыл! Қайталанбас тұлғаға арналған шараға назар аударсақ.

Ұлт әдебиетін әлемдік деңгейге көтерген қаламгерлеріміздің бірі және бірегейі Бердібек Ыдырысұлы Соқпақбаеавтың туғанына 100 жыл! Қаламгердің тамаша туындылары әлі де жас буынның кәдесіне жарап, рухын жанып, өмірге деген құлшынысын арттырып, әділдік үшін күресуге үндеп келе жатыр.

МӘЛІК ОТАРБАЕВ ҚАЗАҚСТАН РЕСПУБЛИКАСЫ ПРЕЗИДЕНТІНІҢ КЕҢЕСШІСІ

Шараның негізгі мақсаты – қазақтың сөз өнеріне өзгеше өрнек, ғажайып сыр-сипат алып келген классик қаламгердің шығармашылығына жаңаша көзқараспен қарап, Бердібек Соқпақбаевтың ұлттық мәдениеті мен әдебиетіне сіңірген ұшан-теңіз еңбегін кеңінен насихаттау.

ЖАНАРБЕК ӘШІМЖАН ҚР ПАРЛАМЕНТ МӘЖІЛІСІНІҢ ДЕПУТАТЫ, АҚЫН:  «Қаншама буынды тәрбиеледі, қаншама ұрпақ осы Соқпақбаев шығармасымен өсті. Кейін, тәуелсіздікте әрине түрлі әдбиетке байланысты көзқарастар қалыптасты. Сол кезде, әдебиеттен кішкене алыстаған жас ұрпақ Соқпақбаев шығармаларынан бейхабар болғаны ақиқат. Сондықтан бүгінгі жүз жылдық тойдың бастауы, жаңа буынның көзқарасына, оларға таныстыруға, жаңа бір әдебиеттің жаңа деңгейге көтерілген көрінісі деп бағалаймыз».

Бердібек Ыдырысұлының «Балалық шаққа саяхат», «Менің атым Қожа», «Өлгендер қайтып келмейді» сынды өміршең шығармалары бірнеше буын ұрпақты тәрбиеледі.

САМАЛ СОҚПАҚБАЕВА Б.СОҚПАҚБАЕВТЫҢ ҚЫЗЫ, ЖАЗУШЫЛАР ОДАҒЫНЫҢ МҮШЕСІ: «Амандық болса, бәріміз дұрыстап, күшімізді салып, алдымызда тұрған мақсаттарды жеткізуге, орындауға тырысамыз». «Жоспарлар өте көп. Біраз мектептерге атын беру, көшелерді атымен атау, кітаптарды шығару, толық жинағын шығару».

Қазақ руханиятына өшпес мұра қалдырған жерлесімізді әлем мойындап, мерейтойы ЮНЕСКО көлемінде тойланбақ. Бұл ең алдымен жазушыға деген, тұтастай алғанда елімізге  деген үлкен құрмет.

https://www.youtube.com/embed/0iptWTLzV2M?si=CQsOSCEcFiUSXqc7" 

https://www.youtube.com/embed/tAJTJD73fb4?si=sks0fCm0UD89twhW" 

Үкімет отырысында Су ресурстарын басқару жүйесін дамытудың 2024-2030 жылдарға арналған тұжырымдамасының жобасы қабылданды.Су ресурстары және ирригация министрі Нұржан Нұржігітовтің айтуынша, құжат саладағы қазіргі ахуалды және үздік халықаралық тәжірибені ескере отырып әзірленген. Еліміздің су қауіпсіздігін қамтамасыз ету үшін 20 жаңа су қоймасын салу және 15 жұмыс істеп тұрған су қоймасын реконструкциялау, сондай-ақ 14 мың шақырымнан астам ирригациялық каналдар мен гидротехникалық құрылыстарды жаңғырту көзделіп отыр.Тасымалдау кезіндегі судың өнімсіз шығынын 50-ден 25%-ға дейін төмендету, ал қолда бар су ресурстарын 2,4 текше шақырымға ұлғайту жоспарлануда. Премьер-Министрдің айтуынша, суды тиімді пайдалану – аса маңызды міндеттердің бірі, сол үшін ұсынылып отырған тұжырымдама осы бағыттағы негізгі бағдарламалық құжат болады.

ӘЛИХАН СМАЙЫЛОВ ҚР ПРЕМЬЕР-МИНИСТРІ

https://www.youtube.com/embed/YixpMmIgxWM?si=b30PWjuU835uDL7w" 

Солтүстік Корея Сары теңізге қарай белгісіз бірнеше қанатты зымыранды ұшырды. Бұл бір аптада ішінде жасалған үшінші сынақ жұмысы болды.

ЛИ СОН ДЖОН ПОЛКОВНИК: «Біздің әскерилер шамамен таңғы сағат 7-де Солтүстік Кореяның батыс жағалауынан ұшырылған бірнеше белгісіз қанатты зымырандарды анықтады. Оңтүстік Корея мен АҚШ барлау агенттіктері мәліметтерді талдап жатыр. Қадағалау мен қырағылықты арттыру арқылы біздің әскерилер Солтүстік Кореяның әрекеттерін бақылау үшін Америка Құрама Штаттарымен тығыз жұмыс істейді».

Сынақ жұмыстары Корей түбегіндегі шиеленістің күшеюі тұсында өтті. 24 қаңтарда Пхеньян Сары теңізге қарай зымыран ұшырды. Кейінірек солтүстік кореялықтар Пулхвасаль-3-31 стратегиялық қанатты зымыранының жаңа түрін сынақтан өткізгендерін хабарлады. Ол әлі де даму үстінде. 28 қаңтарда Солтүстік Корея да қанатты зымырандарды ұшырды. Оңтүстік Корея әскерилері ұшыру Жапония теңізінің жағалауында орналасқан Синпо портының маңында болды деп болжайды. Келесі күні Солтүстік Кореяның KCNA ақпарат агенттігі сүңгуір қайықтан екі Пулхвасаль-3-31 зымыраны ұшырылғанын хабарлады. Сынақтарды Ким Чен Ын бақылап отырды. Зымырандар екі сағаттан астам ұшты және аты аталмаған аралдағы нысанаға дәл тиген. Ал оңтүстік кореялық әскерилер Пхеньян жаңа зымырандардың ұшу уақыты туралы мәліметтерді асыра көрсетуі мүмкін деп санайды. Соңғы жылдары Солтүстік Корея сүңгуір қайықтардан ұшыруға арналған әртүрлі зымырандарды сынақтан өткізді. Ол өзінің әскери-теңіз флотын модернизациялауға және ядролық қару тасымалдайтын ядролық суасты қайықтарына ие болуға барын салуда.

https://www.youtube.com/embed/88r84HJ1ZfA?si=FRnhYYjQvfNBF95s" 

Петропавлда ұзақ уақыт бойы жөндеу көрмеген 5 қабатты тұрғын үйдің шатыры қалың қардың әсерінен опырылып түскен. Абырой болғанда, зардап шеккендер жоқ. Абай көшесінде орналасқан 84-і үй ширек ғасырға жуық уақыт бұрын салынып, күні бүгінге дейін оның шатырына жөндеу жұмыстары жүргізілмеген. Оқиғадан соң арнайы мамандар баспананың төбесін тексеруді бастады.

ӘСЕМ АЙТУЛОВА ПЕТРОПАВЛ ҚАЛАСЫ ӘКІМІНІҢ БАСПАСӨЗ ХАТШЫСЫ: «Кешеден бастап бізде шатырды зерттеу жұмыстырын арнайы мамандар жүргізді. Бүгінгі таңда тұрғындармен келісіп шатырды қалай жөндеу керек деген сұрақтар қарастырылатын болады. Және тұрғындарға «модернизация» бағдарламасы бойынша шатырды жөндеу ұсынылады. Егер бағдарламаға қатысуға келісім берсе жақын арада жөндеу жұмыстары басталады».

Осы сынды апатты жағдайларды болдырмау үшін басқа да тұрғын үйлердің шатырларын қар мен мұздан тазарту жұмыстары уақытылы жүргізілетін болады.

https://www.youtube.com/embed/6EW1KQti68E?si=QEOodjpVgJpS4lKw" 

ҚР Парламенті Мәжілісінің қарауына берілген құрылыс кодексінің жобасы елдің сейсмикалық жағдайын егжей-тегжейлі пысықтауды талап етеді. Бұл туралы баспасөз мәслихатында Қазақстан сәулетшілер одағы мен сәулет-қала құрылысы қоғамдастығының мамандары мәлім етті.

Мамандар ҚР Парламенті Мәжілісінің қарауына берілген құрылыс кодексінің сапасына алаңдаулы. Айтуларынша, қалалар мен басқа да елді мекендердің қауіпсіз жұмыс істеуінің барлық мәселелері бас жоспарларды әзірлеу, дайын ғылыми-техникалық және инженерлік-іздестіру жұмыстарын жүргізу, ерекшеліктері бар әрбір ірі өңірде мамандандырылған ғылыми орталықтар құру деңгейінде қалануы тиіс.

ҒАБИТ САДЫРБАЕВ ҚАЗАҚСТАННЫҢ ЕҢБЕК СІҢІРГЕН СӘУЛЕТШІСІ «Заңда құрылыс нормативтері бар.Сол жерде үйлердің орналасуы қалай? Олардың кеңістігі мен арақашықтығы қалай? Одақ кезіндегі нормативтер дәл айтылған. Қазіргі заңда басқаша. Яғни, берілген учаскенің жартысына салу керек қалғанын қалдыру керек дейді. Оның биіктігі, тығыздығы, қанша адам болады ол айтылмаған».

Алматыдағы соңғы жер сілкінісі қаланың, халықтың қауіпсіздігін қамтамасыз етуге және жер дүмпуінен кейінгі ықтимал жағымсыз салдарын жоюға байланысты мәселелерге дайын емес екенін көрсетті – дейді сарапшылар. Талғат Мамаевтың келтірген дерегіне сүйенсек, мегаполисте соңғы 4-5 жылда тектоникалық жарық өтетін жерлерге 16көпқабатты тұрғын үй салынған.

ТАЛҒАТ МАМАЕВ САРАПШЫ «Кеңіс заманында тектоникалық жарық өтетін жерлерге құрылыс жүргізуге тыйым салынған болатын. 1998 жылы біздің алғашқы сейсмикалық нормативте бұл талап болған. Егер сол учаскелерге қатты керек болып жатқан жағдайда ғана рұқсат берілетін, оның өзінде тұрғын үйге емес. Ал қазір сол қауіпті аймаққа құрылысқа рұқсат берілген. Бұл дұрыс емес, оған шектеу қою қажет. Немесе, Жампонияның тәсілін қолдану керек. Яғни, жер сілкінісін іргетасы арқылы төмендету. 9 баллдық дүмпу жоғары қабатта 6-7 балл болып сезіледі. Міне, осындай әдісті қолға алу керек. Алайда, ол үлкен қаржыны талап етеді».

Айта кетейік, жыл сайын қаладан 80 км радиуста 200-ге дейін әлсіз жерасты дүмпулері болады. Бұл ретте магнитудасы 2-ден 4 балға дейінгі жер сілкінісі қала үшін фондық режим. Мегаполис арқылы 30-ға жуық тектоникалық жарық өтеді, оның 60 пайыздан астамы таулы аймақта орналасқан.

https://www.youtube.com/embed/4M4mpXX10Ko?si=tNVrehcK-vPR33wL" 

4 жылда бір рет ұйымдастырылып отыратын drupa халықаралық көрмесі биылғы жылдың 28 мамыр мен 07 маусым аралығында Германияда аумағында өтеді. Әлемдік мәні бар шараға қызу дайындық шарасы басталып кетті.Бүгінде көрмеге қатысушыларды шақырту мақсатында бір қатар делегация өкілдері Алматы қаласына келді.

Друпа полиграфия және қағаз өнеркәсібінің халықаралық мамандандырылған көрмесі халықаралық мәні бар ірі шараның бірі.Оған қатысуға тілек білдіретін елдердің қатары жылдан-жылға артып келеді. Алматыға арнайы келген көрменің бас директоры Рикард Винкам және Messe Düsseldorf GmbH Орталық Азия елдері бойынша өкілдігінің директоры Михаэль Мандель оңтүстік астанамыздағы Полиграфиялық колледжің білім базасын аралаудан бастады. Айтулы салаға білікті кадрларды даярлап келе жатқан ұжымның жетістігі көп. Өздеріңіз көріп тұрған технологиялар студенттердің мықты маман болып қалыптасуына септігін тигізеді. Яғни, жастар практикалық тұрғыдан шыңдалады,таңдаған мамандығына төселеді.

БИЛАЛДИН АХМЕТОВ АПК ДИРЕКТОРЫ

Заман талабына сай жаңа технологиямен жастарға білім беріп жатқан мекеменің озық үлгідегі технологиясына шетелден келген қонақтар таңданысын білдірді.

ЛЮЦ ЕВГЕНИЙ «БЕЙНЕЛЕУ ТЕХНОЛОГИЯСЫ» ЖШС ДИРЕКТОРЫ «Білім ордасы жаңа технологиялармен қамтамасыз етілген.Әлемнің озық елдері АҚШ,Жапония,Германия,Қытай секілді дамыған елдерімен тығыз қарым-қатынас орнатқан. Білім ордасының басшылығы әлемнің жаңа технологиясын қадағалап отыратындығы мені қатты таңқалдырады. Бұл өз кезегінде осы жерде білім алып жатқан жастардың келешегі үшін маңызды деп ойлаймы».

МИХАЭЛЬ МАНДЕЛЬ Messe Düsseldorf GmbH ОРТАЛЫҚ АЗИЯ ЕЛДЕРІ БОЙЫНША ӨКІЛДІГІНІҢ ДИРЕКТОРЫ: «Біз бұл жерге екінші мәрте келіп отырмыз.Қарасам осы уақыт аралығында таңғажайып өзгеріске қадам басыпты. Полиграфия саласы күн санап өзгеріп отыратын кәсіп,оны қуып жету оңай шаруа емес.Біз бүгін білім базасында тың технологиялармен таныстық,студенттер үшін маңызды.Сондай-ақ фото бейнелеу саласындағы таңқажайып жұмыстарға назар аудардық. Қазақтың салт-дәстүрі ғажап,тарихының тереңде жатқанын байқадық».

Германияның аумағында орналасқан Дюссельдорф көрме кешені 8 жылдық үзілістен кейін қайта оралып отыр. Бұған себеп әлемді алқымдаған Ковид індетінің салдары болған.Алдын ала болжам бойынша drupa-2024-ке әлемнің 50 елінен 1400-ден астам экспонент күтілуде, олар жалпы ауданы 140 мың шаршы метр болатын 18 павильонға орналастырылмақ. Халықаралық көрмеге әлем елдерінің полиграфия саласындағы озық жүйелері мен сандық технологиялардағы жетістіктері қойылмақ.

Алматыға арнайы келген шетелдік меймандар,айтулы көрменің ашылу салтанатына келуге шақырып отыр. Жиын барысында әзірліктен бөлек, бағыт-бағдарлары да жанжақты сараланды.

https://www.youtube.com/embed/qPqxpEFzEGQ?si=7rD0DDzUHG1mlyKS" 

Израиль қорғаныс министрі ел армиясының Газа секторындағы ХАМАС содырларының 25 пайызын жойғанын айтты. Оның ішінде көптеген адам жарақат алған.

ЙАВ ГАЛАНТ ИЗРАИЛЬ ҚОРҒАНЫС МИНИСТРІ:«Террористер қалады, біз шоғырланған нүктелерде соғысамыз. Бұл бір күн емес, айларды алады. Екінші жағынан, лаңкестердің қорлары да, қарулары да, қосымша күштері де жоқ. Біз ХАМАС лаңкестерінің кем дегенде төрттен бірін жойдық».

Алайда Израиль әскери өкілі Газа секторының оңтүстігіндегі Хан Юнистің соңғы бірнеше аптадағыдай шабуылдың орталығы болып қала беретінін айтты. Даниэль Хагаридің айтуынша, онда жер бетінде және ондаған шақырымға созылған жерасты туннельдер желісінде операция жасаған 2 мың палестиналық содыр өлтірілген.

ДАНИЭЛЬ ХАГАРИ ИЗРАИЛЬ АРМИЯСЫНЫҢ ӨКІЛІ:«Сонымен қатар, біз жерасты инфрақұрылымын қираттық. Ол жерден кепілге алынғандарды, командалық орталықтарды, қару-жарақтарды, өндіріс орындарын және барлау материалдарын таптық».

Бұл ретте АҚШ Мемлекеттік хатшысы Энтони Блинкен Газа секторындағы кепілге алынғандарды босату туралы соңғы ұсыныстың сенімді екенін айтты. НАТО Бас хатшысы Йенс Столтенбергпен бірлескен баспасөз мәслихатында Блинкен келіссөздерге қатысатын елдер арасында «мықты теңдік» бар екенін айтты. Дүйсенбі күні таңертең Ақ үйдің ұлттық қауіпсіздік өкілі Джон Кирби журналистерге Вашингтонның Газадағы шайқаста гуманитарлық үзіліс жасауды қалайтынын айтты. Бұл кепілге алынғандарды босатуға мүмкіндік береді. Ал ЦРУ директоры Уильям Бернс жексенбі күні Катардың сыртқы істер министрімен, сондай-ақ Израиль және Египет барлау қызметтерінің басшыларымен кездесті. Бернс келіссөздерді сындарлы деп атап, айтарлықтай айырмашылықтар әлі де бар екенін айтты.