- Толығырық
- Категория: Алатау ақпараты
- 248 рет қаралды
https://www.youtube.com/embed/dJrP5saOIfg?si=GACNvVYwDZXNNCG0"
Автокөлік иелерінің назарына!Шетелдік көліктерді заңдастыру науқанының аяқталуына тура 10 күн қалды! Сондықтан, ІІМ мүмкіндікті пайдаланып, үлгеріп қалуға шақырады.
Айта кетейік, Мемлекет басшысының тапсырмасы бойынша елімізге 2022 жылдың 1-қыркүйегіне дейін әкелінген шетелдік автокөліктерді заңдастыруға өтінімдер 23-қаңтардан бастап 30-маусымға дейін қабылданған еді. Кейін бұл уақыт ұзарып 30 желтоқсанға дейін жүргізушілерге мүмкіндік берілді. Бүгінде Республика бойынша 250 мыңға жуық шетелдік автокөлік тіркеуге қойылды.
- Толығырық
- Категория: Алатау ақпараты
- 257 рет қаралды
https://www.youtube.com/embed/JaEpGSEK4tY?si=IHQHdgzLEhOOzWNK"
Еуропалық одақтың көшбасшылары мен жоғары лауазымды тұлғалары көші-қон саясатының жаңа ережелері бойынша келіссөздерде үлкен серпіліс жасады. ЕО Кеңесі мен Еуропарламент көші-қон және баспана туралы АКТІНІ құрайтын бес заң бойынша келісті.
МАРГАРИТИС ШИНАС ЕУРОПАЛЫҚ КОМИССИЯНЫҢ ВИЦЕ-ПРЕЗИДЕНТІ:
«Келісімге сәйкес біз барлық шекараларда келушілерді міндетті түрде тексеруге енгіземіз. Екінші кезеңде баспана алуы екіталай адамдардың барлығы міндетті, жылдам және оңайлатылған шекара өтінішінен өтуі керек. Бұл ЕО қорғауында болуы үшін заңды негізі жоқ адамдарды жылдам депортациялауға мүмкіндік береді».
Шекара процедурасы ұлттық қауіпсіздікке қауіп төндіруі мүмкін мигранттарға, сондай-ақ Үндістан, Пәкістан және Марокко сияқты елдерден келетіндерге арналған. Өзгерістер биометриялық деректер базасына да әсер етеді. Ол өтініштердің санын емес, өтініш бергендердің санын бақылайды. Бұл мигранттардың бірнеше рет баспана сұрауына жол бермейді. Сонымен қатар, бұл АКТ ЕО елдеріне мигранттардың көп ағыны немесе пандемия сияқты дағдарыстық жағдайлар кезінде көші-қон ережелерін қатайтуға мүмкіндік береді. Сондай-ақ, жаңа заңдарға сәйкес, блок елдері мигранттарды қабылдау немесе Еуроодақ қорына өтемақы төлеуді таңдау мүмкіндігіне ие болады.
МАРГАРИТИС ШИНАС ЕУРОПАЛЫҚ КОМИССИЯНЫҢ ВИЦЕ-ПРЕЗИДЕНТІ:
«Келісімде берік ынтымақтастық тетіктері бар. Оның аясында біз мүше мемлекеттерге әрқашан қажетті қолдауды алуына кепілдік береміз».
Жаңа АКТ келесі жылы күшіне енеді. Көші-қон саясатын реформалау туралы пікірталас үш жылдан астам уақыт бұрын басталған. Оған заңсыз мигранттар ағынының артуы себеп болған. Биылдың өзінде 270 мыңнан астамы келген.
- Толығырық
- Категория: Алатау ақпараты
- 260 рет қаралды
https://www.youtube.com/embed/DZbfHt7tKv8?si=5V3DqzOfKbf2Wcil"
Бүгін Алматыда Шона Смаханұлы атындағы № 62 гимназиясында Алмалы ауданы білім бөлімінің мұрындық болуымен ауданның барлық мектептері бірігіп Тәуелсіздік тірегім,соғып тұрған жүрегім атты мерекелік шара өткізді.
Тәуелсіздігімізді дәріптеп,өскелең ұрпақтың бойына отанына деген сүйіспеншілікті қалыптастыру мақсатында өткен шараға аудандық білім басқармасының ұжымы,білім ошағының ұстаздары,оқушылары сонымен қатар ата аналар қауымы бірлесіп өз деңгейінде атап өтті. Әр мектептің басшылары,ұстаздары өнерлерімен тәуелсіздік мерекесіне тартуларын арнап өскелең ұрпаққа үлгі болып,рухани тұрғыдан бір серпілтіп тастады. Ата бабаларымыздың аманатын келер ұрпақтың бойына сіңіру басты мақсатымыз дейді ұйымдастырушылар.
ЗОЯ ҚОЙШЫБАЕВА АЛМАТЫ ҚАЛАСЫ АЛМАЛЫ АУДАНЫ БІЛІМ БӨЛІМІНІҢ БАСШЫСЫ
Сапалы білім мен қатар еліміздің болашағын қалыптастыратын отансүйгіш ұрпақ тәрбиелеу басты борышымыз дейді білім ошағының басшысы.
МИРАМГУЛ НАБИДОЛЛАЕВА АЛМАТЫ ҚАЛАСЫ Ш.СМАХАНҰЛЫ АТЫНДАҒЫ № 62 ГИМНАЗИЯНЫҢ ДИРЕКТОРЫ
Сонымен қатар білім ошағында Тәуелсіздік балалар көзімен атты қолөнер көрмесі ұйымдастырылды. Еліне деген,отанына деген сүйіспеншіліктерін туындылары арқылы тарту еткен білім ошағының оқушыларының жүрек түкпірінде жатқан лебізінде тыңдадық.
ГҮЛНАФИС ДҮЗЕЛБАЙ АЛМАТЫ ҚАЛАСЫ Ш.СМАХАНҰЛЫ АТЫНДАҒЫ № 62 ГИМНАЗИЯНЫҢ 10-СЫНЫП ОҚУШЫСЫ
Иә,тәуелсіздігімізді дәріптеген ұстаздарымыздың,шәкірттер қауымының өнерін тамашалап көкейімізге мақтаныш сезімі ұялады. Қоғам болып жұмыла, еліміздің ертеңін қалыптастыратын,тәуелсіздігіміздің тұғырын тағынан тайдырмас қасиетті қанына сіңірген ұрпақ тәрбиеленіп жатқанының тағы бір куәсі болдық.
- Толығырық
- Категория: Алатау ақпараты
- 284 рет қаралды
https://www.youtube.com/embed/Y_IhFim2bvg?si=XoLoju4BoZ4XW5JX"
Астана алғаш рет жылыту кезеңіне үлкен профицитпен кірді. Елордада үшінші Жылу электро орталығының бірінші кезеңі және екі газ жылу станциясының құрылысы аяқталып, іске қосылды. Осылайша бас қала қақаған қыс пен қатты аязға сақадай сай дайын болды дейді шаһар басшысы Жеңіс Қасымбек. Толығырақ алдағы сюжетте.
Бүгін орталық коммуникациялар қызметінің алаңында Астана әкімі Жеңіс Қасымбек есеп берді. Әкімнің сөзінше бас қаланың дамуы жақсы. Биыл қала бюджетінің басым бөлігі әлеуметтік салаға жұмсалған. Келер жылы да қаржы дәл осы тәртіппен бөлінеді. Нақты айтқанда, 2024 жылы қалада 25 мектеп салынады. 2025 жылы 10 балабақша ашылады. Осылайша, балаларды білім беру мекемелерімен қамтамасыз ету мәселесі біртіндеп жойылады.
ЖЕҢІС ҚАСЫМБЕК АСТАНА ҚАЛАСЫНЫҢ ӘКІМІ
«2024 жылы 25 мектептің құрылысы жоспарланған, оның ішінде жекеменшік - 3, мемлекеттік - 7 және «Жайлы мектеп» жобасы бойынша - 15. Жалпы «Жайлы мектеп» жобасы бойынша 90 мың оқушыға арналған 24 мектеп салынады. Оның 15-і қарқынды дамып келе жатқан Есіл және Нұра аудандарында орналасады. Осылайша, 2028 жылға дейін екі ауысымда 200 мыңға жуық оқушы орнына арналған 80-нен астам мектеп салуды жоспарлап отырмыз».
Әлеуметтік мәселе демекші, әкім Жеңіс Қасымбек, «олигарх Боранбаевқа тиесілі қонақ үйлер енді білім беру орталығына айналама» деген журналистер сауалына былайша жауап берді.
ЖЕҢІС ҚАСЫМБЕК АСТАНА ҚАЛАСЫНЫҢ ӘКІМІ
«Бұл бағытта жұмыстар жүргізіліп жатыр. Астана қаласы бойынша ( "Комфорт" қонақүйі өтеді. Финтес орталықтар берілмейді. Қонақүйді (әкімдік балансына беру – автор) процесі жүріп жатыр. Осы жұмыс аяқталғасын не істейтініміз белгілі болады. Қалада осындай деңгейдегі қонақүйлер жетіспейді. Бұл нысан әрі қарай жұмысын жалғастыруы мүмкін».
Әлеуметтік саладан кейінгі маңыздысы ол инфрақұрылым. Бұл бағытта да жұмыстар қарқынды жүріп жатқан көрінеді. Жақында үшінші ЖЭО-ның бірінші кезеңі және екі газ жылу станциясының құрылысы аяқталып, іске қосылған. Ол 100 пайыз қаланы тоқтаусыз жылумен қамтамасыз етуде. Ал, миллионнан аса тұрғыны бар бас шаһар үшін жазда су өткір проблема болған еді. Алайда оны әкім мойындамады. Сумен мәселе жоқ дейді.
ЖЕҢІС ҚАСЫМБЕК АСТАНА ҚАЛАСЫНЫҢ ӘКІМІ
«Бүгін мен тағы да ресми түрде айтқым келеді: қалада су тапшылығы жоқ. Жақында біз Астана су қоймасынан бөлек, екінші қосымша су құбырының құрылысын аяқтаймыз, Нұра ауданында су құбырының құрылысын бастаймыз, сондай-ақ "Тельман"сорғы станциясының кеңейтуді жоспарлап отырмыз. Бұл жұмыстардың нәтижесі бізді еш қиындықсыз 2030 жылға дейін таза ауызмен қамтамасыз етеді».
Айта кетейік, биыл Астанада 3,4 млн шаршы метр тұрғын-үй пайдалануға берілген. Жеңілдетілген мемлекеттік бағдарламалар бойынша биыл 5200 пәтер беріледі деді әкім. Ал, апатты үйлерде тұрып жатқандар алдағы алты жыл ішінде толық жаңа пәтерге көшіріледі. Айтпақшы, қаладағы кептеліс мәселесін шаһар басшысы алдағы 2,5 жыл ішінде шешемін деп отыр. Себебі, жыр болған LRT құрылысы 2025 жылға қарай аяқталады екен. Бұл жоба іске қосылса, қалада кептеліс айтарлықтай азаяды деген сенім бар.
- Толығырық
- Категория: Алатау ақпараты
- 248 рет қаралды
https://www.youtube.com/embed/sg6_6Ho-ujY?si=kO0sbCyrXGvORnWf"
Қытайдың Ганьсу провинциясындағы ауылдардың тұрғындары дүйсенбіге қараған түні болған 6,2 баллдық жер сілкінісінен кейін суықта зардап шегуде. -15 градус суықта балаларымен шатыр астында түнеуге мәжбүр.
Жер сілкінісінен кейін үйлердің көпшілігі қираған немесе бүлінген, бас сауғалауға шатырлар барлығына жетпейді. Кейбірі қолда бар материалдардан өз күштерімен бүркемелер салуда.
МА ХАЙЦЗЕ - АУЫЛ ТҰРҒЫНЫ
"Менің екі балам басқа адамдардың шатырында ұйықтайды. Бірақ оларда төсек-орын жоқ. Кеше күйеуім мен екі қызым түні бойы көшеде тұрды. Қазір олар көршілерінің шатырында ұйықтап жатыр. Екі қызым суықтан қатып қалды ".
Адамдарға жылынып және тамақ дайындау үшін көмір таратып жатыр. Бұл лагерьден баспана, ыстық тамақ, су және ең қажетті заттарды алуға болады. Алайда бұл көмек барлығына жетіспейді. Жер сілкінісінің ошағы Цзишишань уезінде Ганьсу және Цинхай провинцияларының шекарасына жақын жерде орналасқан. Жер сілкінісі кезінде Ганьсуда 113 адам қаза тауып, 780-тен астам адам жарақат алғаны хабарланды. Хабар-ошарсыз жоғалғандар туралы айтылмады. Сондай-ақ онда 207 мыңнан астам үй қирап, 15 мыңға жуық үй зақымданған. Көршілес Цинхай провинциясында 22 адам қаза тауып, 198 адам зардап шеккені хабарланды. Тағы 12 адам хабар-ошарсыз кеткен. Бұл ретте Ганьсуда билік құтқару операциясын аяқтағанын хабарлады. Оған бар-жоғы 15 сағат уақыт берілген. Сарапшылардың айтуынша, бұл жеткіліксіз және тірі қалғандарды іздестіру әдетте кемінде 72 сағат жүргізіледі.
ГОБИНДА БАШЬЯЛ – ГИМАЛАЙ ҚҰТҚАРУШЫЛАР ҚАУЫМДАСТЫҒЫНЫҢ БАСШЫСЫ
"Жер сілкінісінен кейін құтқарушылар 72 сағат жұмыс істеуі орынды уақыт деп ойлаймын. Егер біз көшкін және басқа да зілзалалар туралы айтатын болсақ, әр мунит маңызды. Бірақ жер сілкінісі кезінде 72 сағатта көп нәрсе жасауға болады ".
ҚХР билігі бұрындары табиғи апаттарда қаза тапқандар мен зардап шеккендер санын жиі төмендетіп отырды. Бұл жолы жағдай қайталануы мүмкін. Бұдан басқа, Ганьсу провинциясы көршілес өңірлерден, сондай-ақ басқа елдерден келген құтқарушылардың көмегінен бас тартты. Бұл көмектің жоқтығын жасыру үшін жасалуы мүмкін деген болжамдар бар.
- Толығырық
- Категория: Алатау ақпараты
- 334 рет қаралды
https://www.youtube.com/embed/cLYFiuNn3l8?si=rq6fcoVVGILHqTni"
Биыл Қазақ ССР-нің Халық әртісі, профессор Бекен Жылысбаевтың туғанына 100 жыл толды. Алматыда мерей тойға орай оның өмірі мен шығармашылығын жан-жақты насихаттауға бағытталған «Кестелі» орамал атты ән кеші өтті.
Бекен Жылысбаев қазақ ән өнерін, оның ішінде қазақ кәсіби музыкасы мен академиялық вокал саласын жаңа биікке көтерген тұлға. Сан таланттың қанатын қатайтқан ғажайып ұстаздың 100 жылдық мерей тойына арналған шараға туыстары, шәкірттері келіп естеліктермен бөлісті.
НҰРЖАМАЛ ҮСЕНБАЕВА – ҚР ХАЛЫҚ АРТИСІ
СӘУЛЕ НҰРҒАЛИЕВА – Бекен Жылысбаевтың шәкірті
Мәдениет саласының үздіктері, Халықаралық және республикалық конкурстардың лауреаттары, ең бастысы Бекен Жылысбаевтың өз шәкірттері қатысты. Қала әкімдігі мен мәдениет басқармасы мұрындық болған бағдарламада халық әндері мен халық композиторларының ғана емес, шетелдік танымал авторлардың шығармалары да орындалды.
- Толығырық
- Категория: Алатау ақпараты
- 272 рет қаралды
https://www.youtube.com/embed/e8Ds36KiXzY?si=KCa-b4vL4CgwddBr"
Алматыда мұз әлі қатқан жоқ. Сондықтан, құтқарушылар халықтан барынша сақ болуларын сұрайды. Норматив бойынша қалыңдық -25 сантиметрді құрауы тиіс. Ал, оңтүстік шаһардағы мұздың қалыңдығы небәрі 10 сантиметр.
ӘНУАР ЮСУПОВ АЛМАТЫ ҚАЛАСЫ ТЖД АЗАМАТТЫҚ ҚОРҒАНЫС БАСҚАРМАСЫНЫҢ БАСТЫҒЫ:
«Қазіргі уақытта Алматы қаласында ауа температурасы 2-4 градус жылы. Әдетте, мұндай температурада мұз жұқарып, қатты болмайды. "Қазгидромет" РМК болжамдарына сәйкес алдағы аптада ауа температурасы 6-дан 12 градусқа дейін жетеді. Бүгінгі таңда мұздың қалыңдығы 10 см - ге дейін жетеді, бұл мұздың үстінен өту үшін қауіпті»
Осылай деген мамандар қайғылы жәйттарға тап болатындар қатары әсіресе осы кезде көп болады дейді. Себебі, оңтүстік шаһарда бұл уақытта мұз әлі қатпайды екен.
ВАДИМ ПАК РЕСПУБЛИКАЛЫҚ ЖЕДЕЛ-ҚҰТҚАРУ ЖАСАҒЫНЫҢ БАС ҚҰТҚАРУШЫСЫ:
"Біздің қызметкерлеріміз жұқа мұздың астына түскен адамдарды құтқаруда үлкен тәжірибеге ие. Осындай жағдайлардың бірі бұған дейін Әуежай көлінде болған. Адамдар жолды қысқартпақ болып, көлден өтуге тырысып, жұқа мұз үстімен жүрген. Ол жарыла бастаған, абырой болғанда, біздің қызметкерлер жақын жерде болып, қайғылы жағдайдың алдын алды. Көптеген адамдар жасалған ескертуді елемейді, мұз үстімен жүігіріп өте шыққысы келеді"
Құтқарушылар Алматы өзені аумағында және Тұйықсу шатқалында тәулік бойы кезекшілік етеді. Оның үстіне тыйым салынған 38 ескертпе белгі де бар. Сонда да халық оған назар аудармайды дейді төтеншеліктер.
ДОСЫМ НАДЫРБЕКОВ АЛМАТЫ ҚАЛАСЫНЫҢ ҚҰТҚАРУ ҚЫЗМЕТІНІҢ ҚҰТҚАРУШЫСЫ:
"Мұз айдындарымен өте алмаған жағдайда, суға бату қаупі бар болса, 109 нөміріне қоңырау шалу арқылы құтқарушыларды шақыра алады. ҮАӨ мен Тұйықсу шатқалының аумағында орналасқан екі бақылау-құтқару бекеті таулы жерлерде көтерілу кезінде қауіпсіздікті қамтамасыз етеді. Мұнда құтқарушылар күн сайын 24/7 кезекшілік етеді. Қазір таулы аудандарда, ауа - райының өзгеруін ескере отырып, көшкін қаупі бар жерлерде адасып кету, өз бетінше түсу немесе қайтып оралу қаупі өте жоғары"
Айта кетейік, төтенше жағдайлар департаментінің мамандары күзгі-қысқы кезеңде барлығы 300-ден астам рейд жүргізген. Түрлі профилактикалық іс-шара жыл бойы жүргізіліп отырады. Мақсат - халықты сақтандыру және ақпараттандыру. Сақтансаң сақтаймын дейді қазақта, абай болыңыздар!
Жыр болған lrt 2025 жылға қарай аяқталады
- Толығырық
- Категория: Алатау ақпараты
- 266 рет қаралды
https://www.youtube.com/embed/GM-iOJ-XCj0?si=gLiiIQpT3LTsOMxg"
Ақтау қаласы, Өмірзақ селосы, Приморский тұрғын үй массивінде заңсыз салынған 5 қабатты тұрғын үй сүрілді. Құрылыс жұмыстары аяқталмаған үйдің салымшылары жайсыз хабарды естіген соң, нысан басына жиналып, сүріп тастауға қарсылықтарын білдірді. Алайда олардың жан айқайына ешкім құлақ аспады. Толығырақ келесі бейнесюжетте.
Бұл аталмыш мекен жайдағы тұрғызылып жатқан үйдің салымшылары. Әр қайсысы әр түрлі қаржы құйған. Араларында баспананың құнын 100 пайыз толық төлеп тастағандар да бар. Олар үйді жермен жексен етеді деген хабарды естігесін, осы жерге жиналып, сүріп тастауға қарсылық білдірді. Алайда ол іс әрекеттерінен еш нәтиже шықпады.
Тұрғындармен кездесуге қала басшысы, прокурор және мемлекеттік сәулет-құрылыс бақылау басқармасының басшысы келді. Салымшыларға мәселенің мән жайын түсіндіріп, заң шеңберінен асып кете алмайтындарын айтты. Алайда баспана аламыз деп қаржы құйғандар үй сүрілсін деген соттың шешіміне қарсы болды.
ЕРГЕШБАЙ ӘЛМҰРАТОВ - ҮЛЕСКЕР Мен 8 млн салдым. Халықтың жағдайына қарау керек қой. Мынау қаншама қаражат кетті осыған? Қазір ақшаны ешкім қайтарып бермейді. Бізден алған ақшаға құрылыс жасап қойды. Енді бұл халыққа қиянат қой.
ОЛЕГ ГУММЕНИКОВ - ҮЛЕСКЕР Бұл жерден менің ұлым баспана сатып алды. Бізде көмектестік. Жуық арада отбасын құрғысы келеді. Сол үшін сатып алдық. Болашақта осы жерде тұрсыншы деп. Ал мына жерде осындай былықтар болып жатыр. Біздің қаржымызды кім қайтарады? Үйдің сүрілетінін де еш жерге жарияламады.
Маңғыстау облыстық мемлекеттік сәулет-құрылыс бақылау басқармасының басшысы Дәурен Өтепқалидің айтуынша, басқарма 2022 жылғы 1 желтоқсан айында жоспардан тыс тексеру жұмыстарын жүргізген. Тексеріс қорытындысы бойынша, аталған тұрғын үйдің ешқандай рұқсатнама құжаттары рәсімделмегені, техникалық және авторлық қадағалаушылардың сүйемелдеуінсіз құрылыс жүргізгені анықталып, меншік иесіне құжаттарды заңдастыруға 1 жыл уақыт берілген. Алайда….
ДӘУРЕН ӨТЕПҚАЛИ –МАНҒЫСТАУ ОБЛЫСЫ МЕМЛЕКЕТТІК СӘУЛЕТ-ҚҰРЫЛЫС БАҚЫЛАУ БАСҚАРМАСЫНЫҢ БАСШЫСЫ Осы күнге дейін кәсіпкер рұқсатнама құжаттарын алған жоқ. Одан бөлек біздің берген нұсқаманы елеген жоқ. Біздер сот органдарына ешқандай сапасының жоқтығын, ешқандай кепілдік бере алмаймыз сол себептен сот органдарына бұл объектіні бұзуға талап арыз жолдадық. Сот шешімі қанағаттандырылды, заңды күшіне енді.
Баспанасыз қаламыз ба деп алаңдаған жұрт соңғы үмітіміз жоғарғы билікте дейді. Олар ел президентіне үндеу жолдауға бекініп отыр. Айта кетейік, заңсыз құрылысты сүру жұмысына меншік иесі мен үлескерлер де қатысты. Енді салымшылар өз қаражатын заңсыз құрылыс салушыдан құқықтық тәртіппен өндіріп алуға құқылы дейді мамандар.
- Толығырық
- Категория: Алатау ақпараты
- 255 рет қаралды
https://www.youtube.com/embed/gyey8mrPd54?si=cybZoL4bgBMlpGDO"
Ақтаудағы 4 шағынауданға қызмет көрсететін коммуналдық мекеменің қызметкерлері қыркүйек айынан бері жалақы ала алмай жүр. Қалалық әкімдік болса, бар мәселені пәтер иелері кооперативі басшысының ауысуымен байланыстырады.
Балыш Оңғарбекова "ЖЭК-4" қызмет көрсету мекемесінде 15 жылдан бері жұмыс істейді. Бұған дейін еңбекақы бойынша мәселе туындамағанын айтады. Жалақыны кешіктіру осы жылдың қыркүйек айында мекеме басшысы ауысқан кезден басталыпты. Қазір алты баланың анасы несиесін қалай жабарын білмей дал. Отбасының табысы тамақ пен коммуналдық қызметтен ары аспайды. Айта кетейік, пәтер иелері кооперативі 48-ші үйдің 3862 пәтеріне қызмет көрсетеді. Қоқыс шығарып, ауланы тазалаумен айналысады.
Балыш ОҢҒАРБЕКОВА - "ЖЭК-4" МЕКЕМЕСІНІҢ ҚЫЗМЕТКЕРІ 3 айдан бері ақшамызды ала алмай отырмын. Балаларымыз да істеп жүр. Олар да ала алмай жүр. Балаларымыздың 5 баласы бар. Кредиті бар. Ала алмай жүр. Кредиті қалды енді төленбей.
Базарбай САНДЫБАЕВ - "ЖЭК-4" МЕКЕМЕСІНІҢ ҚЫЗМЕТКЕРІ 4 мкрда 15-20 адам бар жұмыс жасайтын. Сентябрь айынан бастап айлық жоқ. Күнде келеміз әкімшілк шешу кереккой. бізге алып беру керек. Айдын 10-нан қалдырмай беріп тұру керек. Бастығымыз бар еді ол кетіп қалды. Жұмыстан кетіп қалуға ақысы жоққой негізінде осындай адамдардың бәрін далаға тастап.
Ал, қалалық тұрғын үй инспекциясы мәселеден хабардар. Айтуларынша жақында ғана сайланған коммуналдық кәсіпорын басшысын құзырлы органдар әлі бекіткен жоқ. Яғни, оның жалақы мен салыққа қатысты қаржылық құжаттарға қол қоюға әлі мүмкіндігі жоқ.
Нұраддин КӨШЕРБАЕВ ҚАЛАЛЫҚ ТҰРҒЫН ҮЙ ИНСПЕКЦИЯСЫНЫҢ БАСШЫСЫ Бірнеше рет тиісті органдарға құжаттарын тапсырған болатын. Тапсыру барысында кемшіліктер анықталып, толықтыру жөнінде жұмыстар жасалып жатыр. Өткен жетіде де құжаттар тапсырылды. Бүгін соның нәтижесін айту керек. Еегер сол тапсырылған құжаттары Әділет басқармасында дұрыс деп табылған болса онда бүгін бекітіледі. ЖЭК басшысы бекітілген жағдайда банкке барып өзінің атынан электронды кілтін алып, есепшотындағы ақшаларды өздерінің айлық жалақысы бар, салық төлемдері бар, басқа да қарыздары бар сол бағытта жұмыс жасайтын болады.
Осылайша, банктағы несиелерінің төлеу мерзімі кешіктіріліп, жан-жағындағы адамдарға қарызға батқан бұл қызметкерлердің жалақысы қашан берілетіні әзірге белгісіз. Мекеменің жаңа басшысының құжаттары реттелгенше жұмысшыларға амалдай тұруға тура келеді деп отыр.
- Толығырық
- Категория: Алатау ақпараты
- 242 рет қаралды
https://www.youtube.com/embed/dyP7606btLc?si=5ikTKaM5c3Urqwi2"
- Толығырық
- Категория: Алатау ақпараты
- 257 рет қаралды
https://www.youtube.com/embed/oXQ2yihgHpc?si=3CFY7u1R4AW3zPY0"
Бүгін Алматыда Қазақстанның халық жазушысы,мемлекеттік сыйлықтың иегері,Ұлы Отан соғысының ардагері,көрнекті ақын,аудармашы,әдебиеттанушы Мұзафар Әлімбаевқа 100 жылдық мерейтойына орай өзінің тұрған үйінде ескерткіш тақта ашылды.
Шараға жазушының артынан ерген ұрпақтары,әдебиет әлеміндегі шәкірттері мен Алматы қаласы мәдениет басқармасының өкілдері қатысып артына қалдырған мол мұралары жайлы көптеген естеліктер айтылды.
АРМАН ХАЛБЕКОВ АЛМАТЫ ҚАЛАСЫ МӘДЕНИЕТ БАСҚАРМАСЫНЫҢ МӘДЕНИ КӨПШІЛІК ІС-ШАРАЛАР ҰЙЫМДАСТЫРУ БӨЛІМІНІҢ БАСШЫСЫ
НҰРЖАН ҚУАНТАЙҰЛЫ ҚАЗАҚСТАН ЖАЗУШЫЛАР ОДАҒЫ ТӨРАҒАСЫНЫҢ БІРІНШІ ОРЫНБАСАРЫ,ЖАЗУШЫ
Мұзафар Әлімбаевтың қазақ әдебиеті әлеміне, қазақ балалар әдебиетіне сіңірген еңбегі орасан зор. Бала жанының жауһарына айналған «Балдырған» журналын Мұзафар Әлімбаев қолымен құрып, 25 жыл бас редактор ретінде қызмет атқарды. Осы жылдар ішінде көптеген шәкірттер тәрбиелеп,рухани ұстазға айналды.
ЕРКІН НҰРАЗХАН ҚР ЕҢБЕК СІҢІРГЕН ҚАЙРАТКЕРІ
Ескерткіш тақта қойылып жатқан жазушы тұрған бұл үйде шығармашылығы мен қатар бақытты отбасылық өмірі өткен. Ұл өсіріп,немере қызығының да дәмін татқан. Тұманбай Молдағалиев, Қадір Мырзалиев,Әсет Бейсеуов сынды көптеген ақын жазушылар бұл қарашаңырақтың төрінен орын тепкен.
ӘЛИЯ АМАНБЕКОВА КЕЛІНІ
ЖӘНІБЕК ӘЛІМБАЕВ МҰЗАФАР ӘЛІМБАЕВТЫҢ НЕМЕРЕСІ
Ұлыларын ұлықтаған елдің болашағы жарқын болмақ. Мұзафар Әлімбаевтың ұлты үшін еткен еңбегі еленіп жатқаны соның дәлелі.
- Толығырық
- Категория: Алатау ақпараты
- 269 рет қаралды
https://www.youtube.com/embed/OtpBnEe9Pa8?si=Y1SvSgEuNtA6ts3F"
Айта, айта жауыр болған мәселе. Маңғыстаудағы Басқұдық ауылының тұрғындары ми балшыққа айналған көшемен жүруден шаршадық деп шағымдарын айтты. Жаңбыр жауып, қар ерісе ауылдың кейбір көшелері батпаққа айналады екен. Себебі әлі күнге дейін тақтайдай болу керек тас жол төселмеген, жаяу жүргіншілер жолы салынбаған. Ал әкімдік 1,6 шақырым болатын ауылішілік жолдың қиыршық тастарын жердегі ылғал кепкен соң басталатынын айтты.
Бұл ауылдағы нөмірі 16-шы мектепке қатынайтын көшелердің бірі. Екі бағытқада жаяу қатынайтын оқушылар бір-бірінің соңынан еріп, жар жағалап жүреді. Себебі жолдың ортасы ми балшық. Ал жаяу адамға арналған жол тағы жоқ. Ауылға бұрыннан қоныстаған тұрғындар жол мәселесін қанша мәрте көтерсекте нәтиже шамалы дейді. Жол азабын ересек адам да, балалар да тартып жүр.
ТҮГЕЛБАЙ КӨРПИЕВ – ТҰРҒЫН: «Жаңбыр жауғанда, қар жауғанда міне балшық, көріп тұрсыңдар. Үлкен кісілер бар, кішкентай жас балдар бар. 1,2-ші класс оқитындар түнде қараңғыда жүреді мына жермен. Жарық бар, шүкір, сонда да жүру қиындау. Міне, аяқты көріп тұрсыңғо».
АЙНАГҮЛ АҚЖАНОВА – ТҰРҒЫН: «Мына балдарымыз жүре алмайды, мектепке барғанда. Аяғы балшық, шалбарлары балшық-балшық болып келеді. Сумкалары балшық болып келеді. Енді қиын, өте қиын. Асфальт салынады деген, қолға алынбай жатқан сияқты».
Ауыл әкіміне байланысқа шықтық. Нұралы Жұмабаев Басқұдықта жол мәселесі бар екенін жасырмады. Ауыл басшысы асфальт төсеу үшін дайындық жұмыстарын енді бастай бергенде ауа-райы күрт өзгеріп, кесірін тигізгенін айтты.
НҰРАЛЫ ЖҰМАБАЕВ – БАСҚҰДЫҚ АУЫЛЫНЫҢ ӘКІМІ: «Қараша айынан бастап келісім шартқа «Жол құрылыс» деген мекеме жеңімпаз болып анықталды. Жол құрылыс мекмесі бүгінгі күні астынғы қабатын тегістеу жұмыстарын жүргізіп жатыр. Ауа-райының қолайсыздығына байланысты жұмыстар уақытша тоқтады. Бүгінгі күні тапсырмасы беріліп, қиыршық тас ПГС деп аталадысоны төсеу жұмыстарын жалғастыратын болады. Жалпы 1,6 шақырымның аяқталу мерзімі келесі жылдың март айына дейін. Оған біз ол уақытты күткізбей, жұмысты жыл аяғына дейін аяқтауға жоспарлап оытрмыз».
Жалпы ауылдағы 1,6 шақырымды төсеуге қозғалыс жоқ емес, бар. Жеңімпаз мекеме анықталған, 39 миллион теңге қаржы бөлінген. Ал жаяу жүргіншілерге арналған жол асфальт төселгеннен кейін құрылыс жұмыстары басталатын болады деді ауыл әкімі Нұралы Жұмабаев.
Тағы басқа мақалалар...
116 ішінен 187 беті
Alatau News, Copyright 2023, All Rights Reserved.