https://www.youtube.com/embed/SFTT9sz--GM?si=YKlgedctiH_IN_lv" 

Маңғыстаудағы теміржолшылардың еңбек жағдайы мәз емес. Бейнеу станциясының мамандары сақылдаған сары аяз бен ми қайнатар аптап ыстықта сонау 1960-шы жылдары салынған үйшікте отырып шойын жол мен вагондарды тексереді екен. Жұмысшылар сапалы жұмыс жасау үшін алдымен еңбек жағдайын дұрыстап беруін және жалақыларын екі есеге көтергенін қалайды.  

Жолаушылар мен жүк тасымалдайтын пойызға қызмет көрсету үшін жұмысшылар бірнеше жыл осы үйшікте ауысымға шығып тұрған.  Теміржолшы Аманжан Құлыбаев осындай ит байласа тұрғысыз жерде жұмыс істеп келеді.Жұмыстан шығып кетейін десе ауданда екі қолға бір күрек табу қиынның қиыны екен. Сол себептен де көпшілігі бар жұмыстан айырылғысы келмейді. 

АМАНЖАН ҚҰЛЫБАЕВ  БЕЙНЕУ ЖОЛ ДИСТАНЦИЯСЫНЫҢ ЖОЛ ЖӨНДЕУШІСІ
«Біздің әлі КТЖ-ға көңіліміз толып отырған жоқ, нәтиже ешқандай почти нөлдің қасы. Әңгіме жоқ, басында ұмтылады, өткенде азғантай вагондар берді, вагондардың да сапасы нашар. Киімнің өзі мынау, еңбек жағдайына осы да кіреді, киімі де нашар».

Айлықтары шайлықтарына жетпей отырған жұмысшылар мәселенің ауызша айтылып қалғанын емес, іс жүзінде жүзеге асқанын қалайды.

 ЖІГЕР БАБАҚҰЛОВ БЕЙНЕУ ЖОЛ ДИСТАНЦИЯСЫ ПЧ-12 УЧАСКЕ БАСШЫСЫ
«Айлық жағынан сол әркімнің өзінің талап еткен жалақысын көтеріп, жұмыстың ауырлығына байланысты мәселесін қарастыруын, көтеруін сұраймын. Қазіргі таңда қалтаға тиіп тұр, дүкендерде тамақтың қымбаттауы байланысты елдің, қарайым халықтың қалтасына ауыр тиіп тұр. Менің айлығым жетіп жығылады. Оқытып отырған бала-шағам бар. Алматыда оқытып отырған студент балаларым бар. Өз алдына кредитім бар. Былайша айтқанда жетпейді деуге болады».

Жауаптылар  соңғы екі жылда жағдайларды жақсарту және еңбекті ұйымдастыруды арттыру бойынша бірқатар жұмыстар жүргізілгенін алға тартты. 

 НҰРБОЛАТ ШАЛҒАБАЙ  МАҢҒЫСТАУ МАГИСТРАЛДЫҚ ЖЕЛІ БӨЛІМШЕСІ ДИРЕКТОРЫНЫҢ ОРЫНБАСАРЫ 
«Қарайған жұмыс жасалып жатыр. Жасалмады деп айтуға болмайды. Себебі вокзалдың бәрі осы ғимаратқа да, одан басқа путь бар, капитальный ремонттар жүреді, оғанда қарайған қаражат құйылып жатыр. Биылға, екі здания біреуін 15-ші разъездке қойды, біреуін Жетібайға қойдық. Жігіттердің өздері ішін ремонттауға болады, енді кішкентац затқо өзің көріп тұрсыңғо. Қай ер азамат болсада май жағып, сылап істеуге боладығо». 

ҚазақстанТемірЖолы басқарма төрағасы Сауранбаевтың сөзінше компанияда бүгінгі таңда 120 мыңға жуық адам жұмыс жасайды екен. Қызметкерлердің бір ғана жалақысына 600 млрд теңге жұмсалады. Ал теміржолшылардың демалу мәселесін келесі жылы толық шешіп береміз деп уәде беріпті-мыс.

https://www.youtube.com/embed/CHjcXN3jl4c?si=zE1Syb7JFm3VxKQg" 

Былтыр желтоқсан айының соңында Конго Демократиялық Республикасының шығысында жауған нөсер жаңбыр су тасқыны мен көшкінге ұласып, 220 адам қаза тапты. Қазір баспансыз қалған мыңдаған адамның жағдайы мүшкіл.

Сиприен Сека және оның отбасы Конго Демократиялық Республикасындағы су тасқынынан қашып, Киншасаның шетіндегі осы уақытша лагерьде тұрып жатыр. Басқалар сияқты олар да бар дүние-мүлкінен айырылды.

СИПРИЕН СЕКА МИГРАНТ: «Біз мұнда қиын жағдайда тұрып жатырмыз, өздеріңіз көріп отырсыздар. Барлық заттарымыз – киім-кешек, теледидар және басқа да мүлкімізден айырылдық».

Еске салайық, былтыр желтоқсан айының соңында Конгода рекордтық жауын жауды. Жарты миллионға жуық адам үйлерін тастап кетуге мәжбүр болды. 220-дан астам тұрғын ұаза тапты. Он мыңдаған үй зардап қирады. Елдің 26 провинциясының 16-сы табиғи апаттың салдарын жою үшін күресіп жатыр. Зардап шеккен елді мекендерде безгек пен іш сүзегі ауру қаупі күрт артты. Босқындарға арналған бұл лагерьде 2400-ге жуық адам қалды. Көпшілігі ортақ шатырларда орын тапшылығына байланысты жерде ұйықтауға мәжбүр.

ПАНСЕЛЬ МИГРАНТ: «Мұнда түнеу өте қорқынышты. Адамдар көп. Тұншығып, дем жетпей қалады ».

Гидрологтар құзырлы орындарға шұғыл шара қолдану қажет, әйтпесе жаңа апаттың алдын алу мүмкін емес дейді. Олар ел астанасының инфрақұрылымын жаңғыртуға және ормандарды кесуді тоқтатуға шақырады.

РАФАЭЛЬ ЧИМАНГА КИНШАСА УНИВЕРСИТЕТІНІҢ ҒАЛЫМЫ: «Киншаса өміріне шынымен қауіп төніп тұр. Астанада шұғыл шаралар қабылдап, су тасқынына қарсы кешенді жоспар әзірлеу қажет. Бұл өте маңызды, өйткені егер олар ормандарды кесіп, канализацияларды бітеп тастаса, оның салдары тіпті нашар болмақ».

Global Forest Watch мәліметтері бойынша, 2022 жылы Конго әлемдегі ағаш жамылғысының жоғалуы бойынша Бразилиядан кейінгі екінші орында. Экологтардың айтуынша, бұл ормандағы ағаш тамырлары жаңбыр суын ұстайтындықтан, су басу қаупін төмендетеді. Конгода жаңбырлы маусым басталды, жауын-шашын қалыптыдан жоғары болады деп күтілуде. 83 миллион адам жаңа су тасқыны қаупіне тап болуы мүмкін. 

https://www.youtube.com/embed/yR4SW0S_1kY?si=o7pq-p3A1Vg96pna" 

Қытай елі тыңшыларын жіберіп, диаспорадағы тибеттіктер туралы жеке ақпаратты жинап жатыр. Қытай билігі бізді қауіпті деп санайды. Бұл туралы Тибет адам құқықтарын қорғау ұйымы жариялаған баяндамада айтылған.

Қытай билігі қуғындағы диаспораға тыңшылық жасады. Мұндай айыптау Үндістанның солтүстігінде орналасқан Дхарамсала қаласынының Тибет адам құқықтарын қорғау ұйымы жариялаған баяндамада айтылған. Баяндама «2024 жыл,Тибет диаспорасының қытайлық трансұлттық репрессиясы» деп аталады. Оны Тибеттің адам құқықтары мен демократия орталығы жариялады. Ол шетелде тұратын тибеттіктердің тікелей куәгері болған тыңшылық істерін құжаттайды.

ТЕНЗИН ДАВА ҚҰҚЫҚ ҚОРҒАУШЫ: «Олар тыңшыларды жіберіп, диаспорадағы тибеттіктер туралы жеке ақпаратты жинап, сырттағы тибет қауымдастығына еніп, содан кейін оны диверсиялайды.Қытай билігі бізді қауіп деп санайды».

Қуғындағы парламент спикернің орынбасары Қытай билігі жеке деректерді жинау мақсатында бірнеше рет компьютерлер мен электрондық пошталарды бұзғанын жеткізді.

ДОЛМА ТСЕРИНГ ҚУҒЫНДАҒЫ ПАРЛАМЕНТ ТӨРАҒАСЫНЫҢ ОРЫНБАСАРЫ: «Біз кез келген әрекетпен айналысқанда, оған жауапты адамдардың электрондық пошталары бұзылады. Бірақ олар ештеңе таба алмайды, өйткені біз компьютерлеріміздегі барлық нәрселерді көпшілікке жария етеміз. Бізде жасыратын ештеңе жоқ».

Қытай коммунистік партиясы 1950 жылы алыстағы таулы Тибетке әскер жіберіп, сонда өз билігін орнатты. Ресми түрде олар мұны бейбіт жолмен азат ету деп атады. Қазіргі Далай- Лама және басқалары коммунистік билікке қарсы сәтсіз көтерілістен кейін Тибеттен қашып кетті. Қуғындағы Тибет үкіметі Үндістанда 1960 жылдан бері бар.

https://www.youtube.com/embed/_2zWBqJ_SXI?si=ISOHi8T_Jm8H6_D6" 

Алматы әуежайының президенті Альп Эр Тунга Эрсой әуежай қызметі бойынша перезентация өткізді. Өткен жылға қорытынды жасай отырып,алдағы жоспарларымен бөліскен ол жаңа халықаралық терминалдың да құрылысы жайлы айта кетті. Жаңа терминалда қосымша қызметтер қолжетілімдігі артып,ұшып кету залында азаматтық авиацияның дамуына арналған  музей ашылатынын айтты. Алматы әуежайының даму жолына қатысты дерек осы жерде таныстырылатын болады, – деді ол. Сонымен қатар жаңа әуежайдың жолаушылар келетін аумағында қазақ мәдениетіне арналған аймақ жасалмақ. Қазақстанға келген жолаушыларға мәдениетімізден мағлұмат беретін туындылар қойылады. БАҚ өкілдері тарапынан әуежайдағы көлік тұрағы мәселелері,өткен аптадағы рейстердің кешіктірілу себептері жайлы бір қатар мәселелер көтерілді. 
 
АЛЬП ЭР ТУНГА ЭРСОЙ ХАЛЫҚАРАЛЫҚ АЛМАТЫ ӘУЕЖАЙЫНЫҢ ПРЕЗИДЕНТІ:
«Сол күні қар тым көп түсті.Мұндай қалың қарда әуежай жұмысын реттеу қиын. Ұшып келетін,ұшып кететін ұшақтарымыз көп болды.Сондықтан жолаушыларымыз күтіп қалды. Бізде екі рейс кешіктірілді, бірақ соған қарамастан әуежай ашық болды. қауіпсіздік ережелері қадағалау мақсатында кешігулер болды».

https://www.youtube.com/embed/phbZL5lHDlw?si=6REz0ABsNqACNkMZ" 

Елімізде алаяқтардың арбауында сан соғып қалғандар көбейіп барады. Әсіресе жалған қарыздар ресімдегендердің ілмегіне ілінгендер көп. Толығырақ алдағы бейнематериалда.

Аталмыш жағдайдың статистикалық өсімі жаға ұстадады.Осыған байланысты Қазақстан Республикасының Қаржы нарыгын реттеу және дамыту агенттігі, мемлекеттік және құқық қорғау органдары қаржылық алаяқтық мәселесіне ерекше назар аударуда.

АЛЕКСАНДР ТЕРЕНТЬЕВ ҚР ҚАРЖЫ НАРЫҒЫН РЕТТЕУ ЖӘНЕ ДАМЫТУ АГЕНТТІГІНІҢ ДЕПАРТАМЕНТ ДИРЕКТОРЫ: «Жыл сайын қаржылық алаяқтардың әдістері күрделене түсуде. Зиян келтірушілер азаматтарды алдау үшін әлеуметтік инженерия мен IT-технологиялардың заманауи әдістерін қолданады. Біз бірге әрекет етіп, алаяқтарға қарсы сенімді тосқауыл қоюымыз керек»

Кез-келген адам біліміне, жұмыс саласына, мәртебесіне қарамастан қаржылық алаяқтардың құрбаны болуы мүмкін. Бірақ көбінесе цифрлық әлемге дайын емес аға буын қаржылық алаяқтардың қулықтарына көбірек тап болады екен.  

АЛЕКСАНДР ТЕРЕНТЬЕВ ҚР ҚАРЖЫ НАРЫҒЫН РЕТТЕУ ЖӘНЕ ДАМЫТУ АГЕНТТІГІНІҢ ДЕПАРТАМЕНТ ДИРЕКТОРЫ:  «Шабуылдаушылар зейнеткерлерге қоңырау шалып, өздерін банк қызметкерлері ретінде көрсете отырып, мысалы, олардың карточкасынан біреу қаражат алуға тырысып жатқанын хабарлауы мүмкін. Алаяқтар ақшаны қауіпсіз шотқа аудару қажеттілігі туралы сендіреді. Содан кейін олар егде жастағы адамның интернетті немесе мобильді банкингті қалай пайдалану керектігін анықтайды, зейнетақы ақшасын қашықтан қалай аудару керектігі туралы нұсқаулар береді, телефонға осы немесе басқа қосымшаны жүктеуді ұсынады немесе ақшаны дереу банкомат арқылы аударуға кеңес береді. Бұл ретте алаяқтар асығыс және эмоционалды қысым жасайды».

Сондай-ақ, егер сіз өзіңіздің жеке деректеріңіз туралы ақпаратты айтып қойған болсаңыз, онда сіз картаңызды шұғыл түрде бұғаттап, банктік қосымшадағы жеке кабинеттен, электрондық поштадан, әлеуметтік желілердегі аккаунттардан құпия сөздерді өзгертуіңіз керек. Алайда алаяқтар сіздің шотыңыздан ақша алып үлгерсе, банкке, сондай-ақ құқық қорғау органдарына хабарласыңыз. Сіздің қауіпсіздігіңіз сіздің қолыңызда. 

https://www.youtube.com/embed/HHzeJ7sCN_A?si=LpDdMGedAO0XezgG" 

Ақмола облысында ауа райының күрт суытуы салдарынан өрт оқиғалары да күрт өршіп кетті. Аязды күндері тұрғындар жылыту құрылғыларын көп қосуда. Ал жекеменшік секторда тұратындар күні-түні пеш жағады. Өрттің дені осы жер үйлерде орын алып отыр. Өрт қауіпсіздігі ережелері сақталмайды. 

Көкшетауда сөндірілмеген темекінің тұқылы қайғылы оқиғаға әкеле жаздады. 1975 жылы туған қала тұрғыны төсегінде жатып шылым шегіп, оны сөндірмей қалғып кеткен. Салдарынан төсек жабдықтарымен қоса линолеум жанып кетті.Абырой болғанда оқиға орнына жедел жеткен 10-шы өрт сөндіру бөлімінің қызметкерлері қайғылы оқиғаның алдын алды.Ал облыс орталығынан шалғайда орналасқан Егіндікөл ауданында кеше өрттің салдарынан бір адам қаза тапты. Қызыл жалын екі пәтерлі жекеменшік секторда болған. Тілсіз жау 80 шаршы метр жерді жайпады. Өртті сөндіріп болған соң үйінді астынан 1970 жылы туған азаматтың өлі денесі табылды.

ДАНИЯР КҰДАЙБЕРГЕНОВ АҚМОЛА ОБЛЫСЫ ЕГІНДІКӨЛ АУДАНДЫҚ ТӨТЕНШЕ ЖАҒДАЙЛАР ЖӨНІНДЕГІ БӨЛІМІНІҢ БАСТЫҒЫ:  «Егіндікөл ауданы Бауман селосы Степан Разин көшесі, 15 мекен-жайы бойынша № 2 пәтерде өрт шықты. Өрт орын алған жереге жауынгерлік есептен 3 адам және 1  техника жіберілді. Өрт сөндіру барысында мәйіт табылды. Тілсіз жаудың шығу салдары мен шығындары анықталуда». 

Степногорск, Есіл, Щучинск қалаларында және Целиноград ауданының Талапкер ауылында пәтерлер мен жеке тұрғын үйлерде болған өрт ауыздықталды. Қазір оның неден шыққаны анықталу үстінде. Абырой болғанда зардап шеккендер жоқ. Аяздың көтерілуіне байланысты автокөліктердің де өртену деректері тіркеліп жатыр.

https://www.youtube.com/embed/mH-FvefoXHU?si=4mUWV8RDfmSlG1Mz" 

https://www.youtube.com/embed/Y0WvrzIDHh0?si=YhW-oDUYlxYMIaBE" 

Еліміздің ертеңі балаларымызды дұрыс тамақтандыру,ақыл ойының ,денінің сау болып дамуы үшін маңызы зор. Мектеп қабырғасынан ақ, білім мен қатар саналы түрде ішер асына талғаммен қарауға тәрбиелеу мақсатында өткен шараға қатысып қайтқан едік. 

Егер тамақтану дұрыс жолға қойылмаса түрлі ауруға әкеліп соқтырары сөзсіз. Жарнамасы жер жарып,дәмі тіл үйірер чипсы,кириешки сынды түрлі дәмдеуіш қосылған тағамның дәмін татпаған бала жоқ шығар. Білім ошағының ұжымы ұйымдастырып отырған бүгінгі шараның мақсаты да жас буынның талғамын жоғарылату. Ішер астың пайдасы мен зиянын ажырата білу.

БАҚЫТГҮЛ ДҮЙСЕМБАЕВА, А.ҚАРСАҚБАЕВ АТЫНДАҒЫ №41 ЖАЛПЫ БІЛІМ БЕРЕТІН МЕКТЕПТІҢ БАСТАУЫШ СЫНЫПТАР БОЙЫНША ДИРЕКТОРДЫҢ ОҚУ ІСІ ЖӨНІНДЕГІ ОРЫНБАСАРЫ

Тамақтану мен қатар мектеп ұжымы оқушылар арасында ысырапшылдық,үнемшілік тақырыптарында сыныпаралық байқауларда ұйымдастырған. Ысырап болған жерде береке болмайтындығын да тұла бойға сіңіріп тәрбиелеу.

ЭЛЬМИРА УМРАЛИЕВА, БАСТАУЫШ СЫНЫП МҰҒАЛІМІ

Пайдалы ас дайындау балалар ағзасының нәрлі заттарды қажетсінуін ескере отырып ұйымдастырылуы қажет. Осы орайда аспаз,мектеп ұжымы мен ата-аналар арасында байланыс орнаған. Ата-аналардың кезек бойынша балаларға арналған ас мәзірін қадағалап отырулары үшін де толық мүмкіндік берілген.

ФЕРУЗА ТӨЛЕКЕШОВА, АТА-АНА

Ағзаның он екі мүшесінің сау болып,дамып қалыптасуы үшін дәрумендер қажет болса,тағамына талғамын арттырар жас ұрпаққа бүгінгі шараның берері мол.

https://www.youtube.com/embed/cYiVFMSC9M8?si=p_9sNRyRH4RQDyFj" 

Швейцариялық ғалымдар жылуды сезетін протез құрылғысын ойлап тапты. Айтуларынша, бұл өнертабыс функционалдық тұрғыдан емес, эмоционалдық тұрғыдан маңызды.

Бұл осыдан 37 жыл бұрын қолының бір бөлігінен айырылған Фабрицио есімді ер адам. Ол осы уақыт ішінде алғаш рет басқа адамның қол алысуын сезді. Бұған швейцариялық нейроинженерлердің жаңа өнертабысы көмектесті.

ФАБРИЦИО ЖЕНЕВА ТҰРҒЫНЫ: «Менің протез қолым бәрін сезетін болды. Тіпті, ыстық пен суықты сезіну сау қолға қарағанда айқынырақ сияқты».

Ғалымдар заттарды протезбен ұстаған кезде олардың температурасын ажыратуға мүмкіндік беретін «минитач» құрылғысын жасап шығарды. Мысалы, қазір көзін жұмған науқас қай қолын ұстап тұрғанын – нақты ма, әлде жасанды ма, қолын тигізу арқылы анықтауға тырысады.

СОЛЕЙМАН ШОКУР НЕЙРОИНЖЕНЕР: «Мысалы, мен металл мен пластмассаға қол тигізсем, олардың жылу қасиеттеріне байланысты ажырата аламын».

Сондай-ақ ғалымдар бұл өнертабыстың функционалдық тұрғыдан емес, эмоционалдық тұрғыдан маңызды екенін тілге тиек етті.

СОЛЕЙМАН ШОКУР НЕЙРОИНЖЕНЕР: «Бұл туралы бізге науқастардың өздері айтты. Олар үшін басқа біреудің қолын ұстап, жылулықты сезіну маңыздырақ».

Енді өнертапқыштар құрылғыны тұрмыста пайдалануға дайындайды.  «Минитач» кез келген бионикалық протезге біріктірілуі мүмкін. Ғалымдар сенсорларды саусақтарға, алақандарға және шынтаққа орналастыруды жоспарлап отыр.

https://www.youtube.com/embed/_mqi_GNMlwE?si=GSG441_iALBdzZxA" 

Орал қаласындағы жетімдер үйінің түлектері қайта оралмақ. "Шаңырақ" жасөспірімдер үйінде қызу жұмыс басталып кетті. Басшылық жыл аяғына дейін ғимаратты пайдалануға бермек.

Аталған ғимарат 1959 жылы ашылған. Қаражаттың қалта қайыруына байланысты жөндеу жұмыстары болмаған. Салдарынан санжылдық ғимараттың сұры да кете бастаған. Былтыр жөндеуге жабылған кезінде, жетімдер үйінің түлектері қайта есік ашылар ма деп алаңдаушылық білдірген болатын.

НАРИМАН ТӨРЕҒАЛИЕВ БҚО ӘКІМІ: "Бүгінде мердігер жөндеу жұмыстарымен толық айналысып жатыр. Осы жылы аяқтап, пайдалануға береміз деп уәде етті. Жұмыстар толығымен аяқталған соң бұрын осы жерде тұрғандар қайта қоныстанады".

Ғимарат 187 бөлмеден тұрады. Қазір ішкі жұмыстар аяғына жетті. Сыртқы жұмыстар ауа-райы бірқалыпқа түскен соң басталады дейді жауаптылар.

ЕРБОЛ КАРАГУЙШИЕВ ҚҰРЫЛЫС УЧАСКЕСІНІҢ БАСШЫСЫ: "Тапсырыс берушінің өтініші бойынша бөлмелерге ас үй мен санитарлық торапты қостық. Ғимараттың жөндеу жұмыстары біткен соң аулада балалар алаңы болады. Нысанды тапсыру мерзімі 1 маусым, бірақ одан ертерек тапсырамыз деген ойдамыз".

Жаңа жобаға 560 млн теңге бөлінген. Оның 75 пайызы жұмыс барысында игерілген. Соның аясында төменгі қабаттарға бильярд, үстел теннисі сияқты спорт ойындарын қосу жоспарда бар. 

https://www.youtube.com/embed/ovcLz3y2fHo?si=5QpfJQZXDt9PzN__"

Ақиық ақын Мұқағали Мақатаев оқуларының аудандық кезеңі өтуде. Бағы жанып оза шапқан оқушылар қалалық деңгейден соң Республика көлемінде өтетін байқауда бақтарын сынамақ. 

Наурызбай ауданындағы білім ошағында өткен «Әр өлеңі -бір әлем» атты байқауға қатысуға 50 ге тарта жаны жырға жақын жастар өтініш берген. Байқау үш түрлі талап бойынша жүзеге асырылып отыр. Нағыз жеңімпазды анықтау үшін әділқазылар алқасы да сайланған.

САЛТАНАТ ҚҰСАЙЫНОВА АЛМАТЫ ҚАЛАСЫ НАУРЫЗБАЙ АУДАНДЫҚ БІЛІМ БӨЛІМІНІҢ БАСШЫСЫ

Жырларымен бесіктегі сәбиді де тербеген ақын шығармаларымен сусындап өскен,  байқауға қатысушы жастармен тілдесудің сәті түскен еді.

НҰРЛАН ҰЛАН №207 МЕКТЕП ЛИЦЕЙІНІҢ 10 СЫНЫП ОҚУШЫСЫ

https://www.youtube.com/embed/3Z4KjLDlq80?si=_EaEcohtLRXVv8Qh" 

Мол табысқа қол жеткіземіз деп жер сипап қалды. «Plus Capital» қаржы ұйымына мүлкі мен қомақты қаржысын салған 700- ге жуық маңғыстаулық алданды. Компанияның жарнамасы Ақтау көшелеріне ілініп, әлеуметтік желіде таралған.

Осыдан 4 жыл бұрын мына жиналған көпшілік «Plus Capital» қаржы компаниясына жылжымайтын мүлік пен қомақты қаржы салған. 10 теңгені 100 теңге қыламыз деп жүргенде ақыр соңында жер соқыр тиынға зар болып қалды. Салымшылар компания құрылтайшысы 3 миллиард теңгедей қаражатты қалтасына басып, ұшты-күйлі жоғалып кетті дейді.  Бір сөзбен айтқанда оңбай алданыпты.

САЙЛАУГҮЛ ӘСЕМОВА  САЛЫМШЫ: «Сол компанияға біз 700 Маңғыстау халқы, 487 көлік, 17 үй салдық. Ол компания өзін инвестициялық компаниямыз деп таныстырды. Оның директоры Темірғалиев деген болды. Мына кісі. Бірақ мұны біздің ДВД 4 жыл бойына Темірғалиевті, Құрбаниязов деп іздеуге қойды. Қазіргі таңда ол директор қашуда, содан бері жоқ. Халыққа қаражат қайтарылу керек. 487 машинаның Өтеев бізде кеше 158 машинаны арестке қойды. Машинаны арестке қойсада ол машиналар сатылып кетіп отыр. Аресте тұрған машина сатылып кетіп отыр, автоцоннан. Біреудің атына тіркеледі. Қалай?»

Әсел Қалбаева аталмыш пирамида ұйымынан қомақты қаржы алмақ болып, Армян елінен әкелінген көлігін салып жіберген. Кейін сан соғып қалған ол, машинасын іздестіруге кірісіпті. Нәтижесінде автокөліктің бірнеше адамға сатылғанын және шетелдік нөмірден қазақстандық мемлекеттік белгіге ауысып кеткенін анықтаған. Өзге мемлекеттің нөмірімен жүрген Тойота Альфард қалайша мемлекеттік нөмірмен жүр дейді Әсел.

ӘСЕЛ ҚАЛБАЕВА  САЛЫМШЫ: «Ол машинаны Шымкентке жіберген. Бұрын тергеуші болған адам  сатып алған. Ол машина жолдасымның атында тұр әлі. Бізге штраф келеді. Күн сайын 7 хат келеді. Анау штрафқа түсіп жүре берген. 350 мың теге штраф келді. Өзінен кейін үш адамға сатып жіберген. Сол үшінші адам июнь айында қазақ учетқа аударған. Аресте тұрған машинаны қалай аударып алдыңыз десем? Білмейді».

Маңғыстау облыстық прокуратураның мәліметіне сенсек, қаржы пирамидасын ұйымдастырған басшысы Грузия елінде ұсталған және сол елдің уақытша қамау абақтысында отыр.

БЕРІК ЖЕКСЕМБЕТ МАҢҒЫСТАУ ОБЛЫСТЫҚ ПРОКУРАТУРА БАСҚАРМАСЫНЫҢ АҒА ПРОКУРОРЫ: «2020-шы жылы қылмыстық топтың ұйымдастырушысы Темірғалиев Грузия республикасында ұсталды. Қазіргі уақытта оны елге экстрадициялау мәселесі қарастырылуда. Бұған дейін қылмыстық топтың мүшелері Құсайн және жеке нотариус  Кушнеренко сот шешімімен 12 жылға айыру жазасына сотталған. Қазіргі таңда Ақтау қалалық сотымен қылмыстық топтың 7 қатысушысына қатысты сот процесі жүргізілуде.»

Қазір Капитал Плюстің басшысын Қазақстанға алдыру мақсатында келіссөздер жүргізіліп жатыр. Әзірге оның сот залына қай уақытта келетіні белгісіз. Сол себепті шулы іс уақытша тоқтап тұр екен. Ал салымшыларға сабырмен күте тұрудан басқа амал жоқ.