https://www.youtube.com/embed/Sq2keuHbVzA?si=8s8sJu23Qzbo_gHy" 

Олимпиада қалашығының символдық кілті Париж 24 ұйымдастыру комитетінің төрағасына табыс етілді. Франция Президенті Эммануэль Макрон оқиғаны «символдық» деп атады.

Бұл ауыл Париж орталығынан жеті шақырым жерде орналасқан және 52 гектар аумақты алып жатыр. Мұнда 82 ғимарат бар. Спортшылар үшін 3000 пәтер дайындалды. Құрылысқа екі миллиард еуроға жуық қаржы жұмсалды. Жұмыста 4 мың адам жұмыспен қамтылды.

ЭММАНУЭЛЬ МАКРОН, ФРАНЦИЯ ПРЕЗИДЕНТІ: «Мен бұл барлықтарыңыз үшін өте эмоционалды күн екенін білемін. Сіздердің атқарған істеріңіз үшін бәріңізді мақтан тұтамын. Сіздер бұны уақытында, бюджет пен әлеуметтік стандарттарды сақтай отырып жасадыңыз. Ойындар кезінде спортшыларды ең жақсы жағдайлар күтіп тұр».

Ауыл 14 мыңнан астам спортшылар мен жұмысшыларды қабылдайды. Одан кейін мұнда Паралимпиада ойындарының 9 мың қатысушысы тұрады. Сондай ақ, тәулік бойы асхана жұмыс істейтін болады. Ол күніне 40 000 порция дайындай алады. Спортшыларға ыңғайлы болу үшін тренажерлары бар фитнес-орталық, сондай-ақ екі сауна салынды. Сонымен қатар, спорттың әртүрлі түрлері бойынша жеті жаттығу алаңы бар. Аумақта аурухана мен допингке қарсы орталық ашылады. Ауылды аралау үшін 200 велосипед сатып алынған және электрлі автобустар болады.

ЭММАНУЭЛЬ МАКРОН ФРАНЦИЯ ПРЕЗИДЕНТІ:«Біз ғасырдың шытырман оқиғасына қатысып отырмыз. Өйткені, бізде Олимпиада және Паралимпиада ойындары жүз жылдан кейін алғаш рет өтпек».

Олимпиададан кейін ауыл 6000 адамға есептелген тұрғын ауданға айналады. Мұнда екі мектеп, шулы қабырға, Парижге апаратын велосипед жолдары және Сена өзені арқылы өтетін жаңа көпір болады. Кеңсе ғимараттары 6000 қызметкерді қабылдай алады.

https://www.youtube.com/embed/B0tx2Kcof7g?si=lSvfchZjY_zjeS_C" 

Қызылорда да қылмыс пен құқық бұзушылықтың алдын алу мақсатында көңіл көтеретін орындарда түнгі рейд жұмыстары жүргізілді.Қала қауіпсіздігін сақтау, заңға қайшы әрекеттерді болдырмау мақсатында ұйымдастырылған рейд жұмыстары барысында 10-ға  жуық көңіл көтеретін орындар тексерілді. Аралау кезінде тәртіппен тазалыққа мән беріліп, бірнеше заң бұзушылықтар үшін айыппұл мен ескерту қағаздары табысталды. Айта кету керек, ағымдағы жылдың қаңтар айында «Маг» кафесінде аса ауыр қылмыс орын алған болатын, сонымен қатар «Золотая рыбка» және «Винни пух» кафелерінде ұрлық пен бұзақылық фактілері тіркелген. 

ЕРДӘУЛЕТ ЖӘУКЕЕВ ҚЫЗЫЛОРДА ҚАЛАЛЫҚ ПОЛИЦИЯ БАСҚАРМАСЫ БАСТЫҒЫНЫҢ БІРІНШІ ОРЫНБАСАРЫ: «Жалпы рейдтің жұмыстың мақсаты қылмыстық зорлық зомбылықтың алдын алу болады. Біз әр аптаның жұма,сенбі,жексенбі күндері қатал рейдтің шаралары өткізіледі. Қаламызда қылмыстық,бұзақылық әрекеттер көбейіп кеткен. Бұндай әркеттер түңгі 00-05ке дейін ашық болатын сыраханаларда орын алады. Осындай әрекеттердің салдарын алдыен алу үшін жедел әркеттер жасаудамыз».

Мұндай рейдтер қылмыстың алдын алу мақсатында әр аптаның жұма, сенбі, жексенбі күндері тұрақты түрде өткізілетін болады.

https://www.youtube.com/embed/CwCpMUffCNo?si=EvGjHLs0E-BV3bYm" 

Солтүстік Қазақстан облысы Қызылжар ауданы қызыл аймақта тұр. Ондағы 15 елді мекенді су басуы мүмкін. Осыған байланысты қар шығару жұмыстары қарқынды жүргізілуде.

Қазіргі уақытта аталған елді мекенге 20 аса техника жұмылдырылып, 42 мың текше метрге жуық қар полигонга шығарылған. Сондай-ақ, бұл жұмыстар тәулік бойы жалғаспақ.

АХМЕТХАН ТОБЫЛБАЕВ СҚО ҚЫЗЫЛЖАР АУДАНЫ ӘКІМІ АППАРАТЫНЫҢ АЗАМАТТЫҚ ҚОРҒАУ БОЙЫНША БАС ИНСПЕКТОРЫ: «Аудан әкімінің тапсырмасына сай көктемгі су тасқынына қарсы жұмыстар қарқынды жүргізіліп жатыр. Жалғызілікті адамдар және халықтың әлеуметтік осал тобына жататын отбасылар басты назарға алынды. Олардың үйлерінен қар шығару жұмыстары алдағы 1 ай көлемінде  жүргізіледі». 

Көктем келсе үйінің маңын су басатын Бескөл ауылының тұрғыны Надежда Баскакова да өз шағымын жеткізді. Ол бұл үйде 50 жылдан аса тұрып келеді екен. Тағы да үй маңын су алмас үшін, уақытылы қарды шығару өте маңызды дейді зейнеткер.

НАДЕЖДА БАСКАКОВА БЕСКӨЛ АУЫЛЫНЫҢ ТҰРҒЫНЫ: «Шынымды айтсам менің үйімнің аумағынан қарды шағурға мамандар алғаш рет келіп тұр. Өте ризамын. Себебі, жыл сайын көктемде осы қар еріп, су басатын.Бізге қар шығару өте қиын. Бірақ шамамыз келгенше өзіміз істейтінбіз. Көршілерім өте жақсы. Өз үйлерінің аумағын қардан тазалағанда бізге де көмектеседі».

Бүгінге дейін ауданнан 28 үй қардан тазартылды.

https://www.youtube.com/embed/_M1KfivUe-0?si=MQCP77UfJrtcMVBQ" 

Ақмола облысында бес ауылдың халқына тиесілі отыз төрт мың гектардан астам жер жекенің қолына заңсыз өтіп кеткен. Себебі, осыдан жиырма жыл бұрын бұл жер телімдерін біріктіріп алған серіктестік оны тұрғындардың келісімінсіз банкке кепілдікке қойып, қарызын өтемеген. Салдарынан халыққа тиесілі жер үшінші тұлғаға сатылып кетіпті.

Жайылымынан айырылыған жұрт қазір төрт түлікке өріс таппай отыр. Ауыл іргесіндегі жердің бәрін бәз біреулер иемденіп алған. Мал кірсе, айыппұл салады. Пай үлестері де берілмейді.
 
ЖҰМАБЕК ТІЛЕУЛИН  АУЫЛ ТҰРҒЫНЫ: «Ауылдың ішінде қара малға ие бола алмай жатыр. Шөп жоқ. Мал жаятын жер жоқ. Сол малға қарап отырмыз. Жұмыс дейтін жұмыс жоқ. Пенсионерміз. Білмеймін қалай күн көретінімізді. Бала -шаға бар. Жастардың ауылда тұрмайтыны сол».
 
Зеренді ауданына қарасты бес ауылдың мыңдаған тұрғыны қазір қайда барып, кімге шағымданарын да білмейді. Кезінде жерлерін бір шаруашылыққа біріктірген.Алайда, оның жылдар бойы банкте кепілдікте тұрғанынан мүлдем бейхабар болған.Себебі, рұқсат сұраған ешкім жоқ,-дейді олар. 

АЛПАМЫС ҚОЖИН АУЫЛ ТҰРҒЫНЫ: «Бір адам қол қойып, менің жерімді банкке сал деп айтқан емес қой. Қолдың бәрі подделенный. Оның бәрін судья, адвокатымызбен жүріп , соның бәрін доказывали. Енді қайда баруға болады? Кімнен барып көмек сұрауға болады?».
 
Тұрғындардың айтуынша, кезінде жерді банкке кепілдікке қою үшін жалған құжат жасалғаны сараптама арқылы дәлелденген. Мұндай әрекетке барған серіктестік басшылығымен  байланысқа шығу мүмкін болмады. Ал жергілікті билік қазір жекенің қолында тұрған, бірақ пайдаланылмай жатқан жерлерді  мемлекетке қайтаруды  көздеп отыр.
  
АСХАТ АХМЕДЬЯНОВ АҚМОЛА ОБЛЫСЫ ЗЕРЕНДІ АУДАНЫ ӘКІМІНІҢ ОРЫНБАСАРЫ: «Тұрғындар қарсы шығып, жыртылмай қалған жерлер бар. Біз соны мемлекеттік қорға қайтарғымыз келеді. Олар пайдаланылмай, жәй жатыр. Қазір сол жер телімдерін сатып алған серіктестікке хат жаздық. Егер олар келіссе, ауылдың шекарасын кеңейтеміз». 

Ашынған халық заңгер жалдап, облыстық сыбайлас жемқорлыққа қарсы іс-қимыл жөніндегі департаментке арызданған. Бірнеше құзырлы органдарға да хат жолдапты. Енді  мәселе шешілмесе, жоғарғы сотқа дейін баруды көздеп отыр.

https://www.youtube.com/embed/MryHQp-MkI8?si=Dz1F2yXU7T2Bt9JK" 

Көпшілік жер дүмпуін орын алған жағдайда не болмаса,өтіп кеткеннен кейін хабардар болып жатады.Әрине бұл мамандардың шапшаңдығы мен сейсмикалық технологияның мүмкіндігіне байланысты болары сөзсіз.Десекте бұрынғы ата-бабаларымыз табиғаттың тосын сыйын алдын ала біліп отырған. Зілзаланың боларын алдымен жан-жануарлардың  мінез құлқына қарап таныған.Сондай-ақ аспан әлеміндегі өзгерістер арқыры айтып келмейтін апаттан хабардар болған. Айтулы мәселеге байланысты арнамыздың тілшілері танымал этнографпен байланысқа шығып, пікірін білген еді.

БОЛАТ БОПАЙҰЛЫ ЭТНОГРАФ

Жер мен аспан әлемінің құбылысына ерекше мән берген қазақ халқы, табиғаттың тосын мінезіне ерекше жормал жасай білген. Нәтижесінде сақтық шараларына жіті мән бере білген. Этнограф Болат Бопайұлымен зілзаланың салдары төйірегінде толық сұхбатты арнамыздан осы сенбі сағат 21-30 да «Арнайы репортаж» бағдарламасынан көре аласыздар.

https://www.youtube.com/embed/Q2yRyIhOOuM?si=0920b6D-az6Xkols" 

Бүгін  Алматыда  күндізгі сағат 11 ден 22 мин  өткенде жер сілкінісі орын алды. Жедел ақпаратқа сәйкес жер думпуінің қуаты 5 баллды құрады. Зілзаланың эпицентрі  Алматы қаласынан оңтүстікке қарай 31 шақырым жерде орналасқан.

Жақында ғана болған жер сілкінісінің үрейінен арыла қоймаған халық жапа тармағай сыртқа қашты. Алматы қаласы ТЖД сағат 11:22-де апаттық дабыл дереу іске қосылып, радиоарналар мен телеарналардан хабар таратылғанын мәлім етті. Тұрғындардың пікірі қандай?

Алматы қаласы төтенше жағдайлар департаментінің бастығы Нұрлан Атығаев жер сілкінісіне байланысты мәлімдеме жасап, халықты дүрлікпеуге шақырып, бірінші сілкіністен кейін не істеу керек екенін еске салды.

НҰРЛАН АТЫҒАЕВ АЛМАТЫ ҚАЛАСЫНЫҢ ТЖД БАСТЫҒЫ

Жер сілкінісінен кейін қалада көлік кептелісі туындап, қауіпсіздікті қамтамасыз ету мақсатында метро өз жұмысын тоқтатты. Әкімдік жедел штабтың жұмысын жариялады. Қала әкімі Ерболат Досаев барлық қызметке дайын болуға тапсырма берді. Алматылықтарға жақын маңдағы қабылдау пунктін қалай табуға болатыны жөнінде ақпарат берілді. 384 қабылдау пункті: 229 мектеп пен 115 балабақша, 15 ЖОО, 20 колледж және 5 стадион пункттер туралы барлық деректер Алматының 2ГИС платформасында орналастырылған. Іздеу жүйесінде "зардап шеккен халықты қабылдау пункті" қосымшасын енгізген кезде карталарда тұрғындар үшін барлық қолда бар жинау пункттері көрсетіледі. Мұндай деректер Алматы қаласы және аудан әкімдіктерінің ТЖД ресми сайттарында көрсетілген.

Сейсмологтар Алматылықтарды 16:00-ге дейін қоғамдық қабылдау пункттерінде болуға шақырды. Алматыда 5 балдық жер сілкінісінен кейін мектептер мен колледждерде екінші ауысымдағы сабақ ,сондай-ақ  ЖОО-ларда сабақ болмайтындығы хабарланды. Алайда  барлық стационарлар, босандыру ұйымдары, жедел медициналық көмек штаттық режимде жұмыс істеуін жалғастырды.

https://www.youtube.com/embed/IWR8G9PBCLU?si=wyl5-AG5a7sM2jKs" 

https://www.youtube.com/embed/mr7-JdnoKdQ?si=-RsVqDTP3lSLQFRg" 

Бүгін Мемлекет басшысы Қасым-Жомарт Тоқаев Премьер-Министр Олжас Бектеновті қабылдады. Президентке еліміздің қазіргі әлеуметтік-экономикалық жағдайы және экономиканың өсімін қамтамасыз ету жоспары туралы баяндалды. Олжас Бектенов Мемлекет басшысына отандық тауар өндірушілерді қолдауды күшейту үшін қабылданып жатқан шаралар жайында мәлімет берді. Қазақстандық өнімдердің үлесін арттыру мақсатында мемлекеттік органдардың, жер қойнауын пайдаланушылар мен квазимемлекеттік сектордың сатып алу рәсімдерін жетілдіру жұмыстары басталды.

Мемлекет басшысының тапсырмасы бойынша өнеркәсіптің перспективті салаларын қарқынды түрде дамытуға ерекше назар аударылып жатыр.Сонымен қатар Президентке Заңсыз иемденілген активтерді мемлекетке қайтару мәселелері жөніндегі комиссияның жұмысы туралы айтылды.Кездесу соңында Қасым-Жомарт Тоқаев елімізді әлеуметтік-экономикалық тұрғыдан одан әрі дамыту жөнінде бірқатар тапсырма берді.

https://www.youtube.com/embed/CY03gHMT9Jo?si=z3Q_yB6Mf14EOzJm" 

Алматыда Мемлекет және қоғам қайраткері Сергей Терещенконы еске алуға арналған «Қазақстан омарташылығы: кеше, бүгін және болашағы» атты халықаралық форум ұйымдастырылды.Шараға шетелдік омарташылар да қатысты. 

Қоғам қайраткері Сергей Терещенко  Қазақ ауылшаруашылығы институтының түлегі болған. Сондай-ақ, мемлекеттік қызметтен кейін Қазақстан ұлттық омарташылар одағын құрып, елімізде кенжелеп қалған саланы жаңғыртып, үлкен жетістіктерге жеткен. Бүгінгі  жиынға Польша, Эстония, Қырғызстан, Ресей және Қазақстан өкілдерінің үздік омарташылары бас қосып, өз іс-тәжірбиелерімен бөлісіп, тың ақпараттар арқылы жойылу алдында тұрған аралар мен жабайы тозаңдандырғыштардың тіршілік ету ортасын сақтау мәселелерін көтерді. 

ЕЛЕНА ТЕРЕЩЕНКО «БАЛ-АРА» ҚАЗАҚСТАН ҰЛТТЫҚ ОМАРТАШЫЛАР ОДАҒЫНЫҢ ПРЕЗИДЕНТІ: «Бүгін, көктемнің алғашқы күнін омарта шаруашылығы саласына арналған республикалық деңгейдегі үлкен іс-шарамен бастап жатырмыз. Форумымызға өз пікірімен бөлісу үшін және қызықты әр түрлі баяндамалар оқуға 120-дан астам омарташы келді. 2010 ж Бал-ара ұлттық одағының президенті менің әкем Сергей Александрович Терещенко болды. Былтыр әкем өмірден озды. Енді біз оның ұрпағы ретінде оның барлық ісін жалғастырып, Қазақстан омарта шаруашылығын дамытамыз деген сенімдемін».

Форумда өзекті тақырыптық семинарлар, панельдік пікірталастар,  мамандандырылған жабдықтар көрмесі, қазақстандық бал мен бал сусындарының дәмін тату сынды әртүрлі іс-шаралар ұйымдастырылды.  

ТОМАШ КЕНДЗЕРА «АПИСЛАВИЯ» ЕУРОПА ЖӘНЕ АЗИЯ АРА ШАРУАШЫЛЫҒЫ ҰЙЫМДАРЫ ФЕДЕРАЦИЯСЫНЫҢ ВИЦЕ ПРЕЗИДЕНТІ: «2014 жылдан бастап сіздердің елден бізге білімгерлер келетін. Бірақ келушілердің саны аз болатын. Ал, қазір Қазақстаннан 10-15 адам келіп білім алуда. Іс-тәжірибе алмасуда біз сіздердің оларға берген тәрбиелеріңізге қайран қаламыз. Қазақстан азаматтары расында ерекше жандар».

«Бал-Ара» Қазақстан омарташыларының ұлттық одағы мен Қазақ ұлттық аграрлық зерттеу университеті ұйымдастырған бұл халықаралық форум ертеңге дейін жалғаспақ.

https://www.youtube.com/embed/UDLCcZs39kw?si=omDryRT9EmXITOBD" 

Алматыда қалқанша безінің түйіндік түзілімдерін емдеудің бірегей инновациялық әдістері енгізілуде. Аталмыш тәсілді Кардиология және ішкі аурулар Ғылыми Зерттеу Институты жүзеге асырып отыр.Бүгін бас қаламыздан арнайы келген білікті  интервенциялық онкорадиолог Нияз Малаев мастер-класс өткізді.

Қалқанша безінің түйіндік түзілімдері,жалпыға ортақ түсінікпен айтқанда зоб ауруы, көпшілікті мазалап жүрген дерттің бірі. Оның сатылық дейгейіне қарай түрлері көп.  Қарапайымын дәрі-дәрмек арқылы емдеуге болса, күрделі түрін ота жасау арқылы тоқтатуға болады. Отандық медицина,отаның оңай жолына қадам басып отыр. Ол 
радиожиілікті аблация жүйесі арқылы пышақ тигізбей емдеу. Аз инвазивті операцияны қажет еткен екі науқасқа Астана қаласынан арнайы келген интервенциялық онкорадиолог Нияз Малаев жасады.

НИЯЗ МАЛАЕВ ҰЛТТЫҚ ҒЫЛЫМИ МЕДИЦИНАЛЫҚ ОРТАЛЫҒЫНЫҢ  ИНТЕРВЕНЦИЯЛЫҚ ОНКОРАДИОЛОГ ДӘРІГЕРІ: «Радиожиілікті аблация - ісік тініне әсер етудің заманауи әдістерінің бірі. Оның мақсаты - ісікті толығымен жою, осы әсердің нәтижесінде қалқанша без түйіндерінің патологиялық жасушалары жойылады, бездің сау тіндері зақымдалмайды. Бұл әдіс қалқанша безінің түйіндерін хирургиялық алып тастауға  тамаша балама болып табылады».

Оңтүстік астанамыздағы Кардиология және ішкі аурулар институты емге дәру іздеген қазақстандықтарға қолдан келгенше қолдауын көрсетіп келеді. Соның бірі өздеріңіз көріп отырған қалқанша безінің түйіндерін хирургиялық жолмен алып тастау тәсілі.Институт басшылығының айтуынша енді Алматылық ақ халаттылар айтулы дертпен күресуге тас түйін дайын болмақ.

МАРАТ ПАШИМОВ КАРДИОЛОГИЯ ЖӘНЕ ІШКІ АУРУЛАР ҒЗИ БАСҚАРМА ТӨРАҒАСЫ: «Біздің клиникада терапиялық бейіндегі пациенттер, соның ішінде қант диабеті, қалқанша безінің аурулары және т.б. науқастарға медициналық көмек көрсетіледі. Қалқанша безінің қатерсіз түйіндерін емдеудің бірегей, аз инвазивті әдісі - радиожиілікті аблацияны енгізу біздің пациенттерге хирургиялық араласусыз  қалқанша безінің түйіндік түзілімдерінен арылуға, өмір сүру сапасын жақсартуға мүмкіндік береді. Біз Астана қаласының Ұлттық ғылыми медициналық орталығының дәрігері, әріптесіміз Нияз Бейсенұлына қолдау көрсеткені үшін ризашылығымызды білдіреміз».

Осы уақытқа дейін Қазақстанда қалқанша безінің қатерсіз түйіндік ісіктерін хирургиялық алып тастауды қамтитын стандартты терапия қолданылған. Қалқанша безін аблациялау процедурасын пациенттер жақсы өткереді және шамамен 30 минуттай уақытты алады. Процедурадан кейін шамалы ауырсынудың пайда болуы қосымша ауырсынуды басуды қажет етпейді. Өйткені радиожиілікті аблация қауіпсіз болып табылады. 

ЛАУРА ДАНИЯРОВА КАРДИОЛОГИЯ ЖӘНЕ ІШКІ АУРУЛАР ҒЗИ ЭНДОКРИНОЛОГИЯ КАФЕДРАСЫНЫҢ МЕҢГЕРУШІСІ: «Қалқанша безінің түйіндік ауруының пайда болу жолдарының бірі йод жетіспеушілігі факторынан,екіншіден тұқым қуалау арқылы берілуі мүмкін.Симптомдарына келер болсақ, түйіннің көлеміне және оның орналасуына байланысты: косметикалық ақау, тыныс алу мен жұтудың қиындауы, тамақ ішу кезінде ыңғайсыздық сезіну, дауыстың өзгеруі арқылы сезіледі. Дей тұрғанмен медицина дамыған, күрделі оталар жасалып жатыр. Сондай-ақ тиімді тәсілдер де жүзеге асады. Соның бірі бүгінгі ота деуге болады».

Білікті маман Нияз Малаев қол ұшын берген  екі науқасқа да уытты емес бір түйінді зоб диагнозы қойылған - бұл функцияның бұзылуынсыз қалқанша безінің қатерсіз патологиясы. Пациенттер, ақ халатты абзал жандардың дер кезінде қол ұшын бергені үшін, алғыстары шексіз.

АЙДЫН ТӨРЕХАНОВА НАУҚАС

https://www.youtube.com/embed/ST_zh3axymA?si=FzFOCDQPzQW_Twnj" 

Дәстүрлі садақ ату спортының дамуына не кедергі? Маңғыстауда бұл спорт түріне арналған жекеменшік орталықтарды айтпағанда, мемлекет тарапынан салынған жаттығу орындары жоқтың қасы. Толығырақ алдағы бейнематериалда. 

Мына садақ ату орнының ашылғанына жарты жыл ғана уақыт болса да қала тұрғындарының қарасы көп. Кәсіпкер барлық қажеттіні Түркиядан әкеледі екен. 

ИСЛАМ НЫСАНОВ КӘСІПКЕР: "Өзіміздің жерімізде тұрып,өзіміздің елімізде болып  қазағымыздың ұлттық спортын дамытуға үлесімізді қосқымыз келді. Ақтауда садақ ату орталығы аз болғандықтан соған көңіл бөліп, өзіміз осы кәсіпті бастағанбыз.Тиімді деп айта аламыз, келіп үйренуге. Қатты қымбат емес, бізде абонемент бар мысалы, балдарға үйірмеміз бар. Ай сайын үйренуге болады. Дәстүрлі садақ ату федерациясынан да көңіл бөлініп жатыр. Жалпы енді үкімет тарапынан көп халқымызды қызықтыру үшін әр түрлі жарыс сайыстар ұйымдастырып тұрса жеткілікті. Негізі дамып келе жатқан спорт түрі деп айтуға болады".

Бұл спорт түрі былтыр ғана ресми түрде бекітілгендіктен, арнайы мамандар тапшы, сондықтан қолдан келгенді аяп жатқанымыз жоқ дейді жауаптылар. 

ҚАЙРАТ БУРБАСОВ  МАҢҒЫСТАУ ОБЛЫСТЫҚ ҰЛТТЫҚ СПОРТ ТҮРЛЕРІ  ОРТАЛЫҒЫНЫҢ БАСШЫСЫ:"Былтырғы жылы өзіміздің осы Маңғыстау облысынан Ақтау қаласы енді орталығы болғасын осы Ақтау қаласынан ашамыз деп жоспарлап, жұмыстарын бастағанбыз. Оған енді біздің облыста қазіргі таңда маман тапшы. Себебі енді бұл жаңағы айтып өткендей, жаңа жаңа тәй тәй басып жатқан спорт түрі болғаннан кейін енді енді жұмыстарын бастап жатыр да. Ал екінің бірін алып ол дәстүрлі садақтан жаттықтырушы қылып ала алмаймыз. Себебі оның енді сақтық шаралары бар, ол жерде енді садақ жебе ұстағаннан кейін, ол баланы тарбиелеу керек. Жұмыстанып жатырмыз мамандарын іздеп, болса енді осы жылы ашып дәстүрлі садақты жұмыстанғымыз келеді".

Жарыстардан жүлделі болған халықаралық дәрежедегі спорт шеберлерінің саны 300-ге жуық. Сондай-ақ, қаладағы арнайы залдарда садақ түрлеріне қарай 1 реттік садақ ату - 3500 теңгеден басталады. Ал, айына 15-17 мың, ересектерге 17-25 мың аралығында болады екен. 

https://www.youtube.com/embed/8xaeks2SJPg?si=2vOHzDJaaRCTwvLX" 

Тұрақты микро жер сілкіністері. Бұл Мексика астанасы Мехико қаласының тұрғындары үшін қалыпты жағдай. Өйткені,шаһар тектоникалық жарықтар үстінде орналасқан.

2023 жылдан бері Микскоак пен Платерос ауданында жер дүмпуі үздіксіз болып тұрады. Жер сілкінісі әдетте күтпеген кезде болады. Олар әлсіз және қысқа болғанымен, үйлердің шатырын, бағаналар мен қабырғаларды зақымдайды. Жергілікті тұрғындар үнемі қорқынышта өмір сүріп жатқандарын айтып, билікті адамдар мен олардың мүлкін қорғауға қатысты шара қабылдауға шақырады.

ДОМИНГО ЛОПЕС ЖЕРГІЛІКТІ ТҰРҒЫН:«Иә, біз аздап алаңдап отырмыз. Дүмпулер өте жиі сезіледі. Олар түнде болады және кейде біз оның жер сілкінісі екенін білмейміз, өйткені біз кез келген дірілді микрожер сілкінісі деп қабылдаймыз. Жан тыныштығы жоқ».

МАРА ГУЭРРА ЖЕРГІЛІКТІ ТҰРҒЫН: «Біз биліктің зерттеу жүргізіп, қандай көмек көрсету керектігін шешкенін қалаймыз. Сондай-ақ  көшеміздің инфрақұрылымын, су және тағы басқасын  қайта жаңарту керек ».

Инженерлік институттың ғалымдары геологиялық бұзылыстың шығу тегі мен тереңдігін белсенді түрде зерттеуде. Аймақтағы соңғы жер асты дүмпулерінің себебі сол деп есептейді.

АЛЕХАНДРО САЛАСАР  ИНЖЕНЕР-ГЕОЛОГ: «Өкінішке қарай, қала тектоникалық жарықтар үстінде орналасқан және көптеген ғимарат бүлінген, өйткені бұл аймақта желтоқсаннан қаңтарға дейін кейбір аудандарда шамамен үш сантиметрге жылжыған».

Ел үкіметі таратқан  мәліметтерге сәйкес, Мексика астанасының екі ауданында 3 желтоқсан мен 10 қаңтар аралығында 3-2 баллдық 23 жер сілкінісі тіркелген. Зілзала ошағы шамамен бір шақырым 400 метр тереңдікте болған.