- Толығырық
- Категория: Алатау ақпараты
- 267 рет қаралды
https://www.youtube.com/embed/rWxh8Bo0Etw?si=BCz6V0Ka4l27OWnX"
Жаңа жыл қарсаңында Ақмола облыстық полиция департаментінің автокөлік паркі су жаңа 44 көлікпен толықты. Автомобиль кілттерін облыс әкімі Марат Ахметжанов салтанатты түрде департамент басшылығына табыстады.
Полицейлердің жұмысы қашан да қиын. Әсіресе мереке күндері оларға жүктелетін міндеттің еселеніп кететіні бар. Бұл ретте, қызметке сай көліктердің болуы өте маңызды. Облыс әкімі Марат Ахметжанов тәртіп сақшыларының жұмысының қиын да, жауапты екенін атап өтті.
МАРАТ АХМЕТЖАНОВ, АҚМОЛА ОБЛЫСЫНЫҢ ӘКІМІ «Полицияның ең басты міндеті халықтың сеніміне ие болу. Сондықтан, бүгінгі сіздерге беріліп жатқан құралдар сіздердің қиын қызметтеріңізге оң септігін тигізіп қылмыстардың, құқыбұзушылықтардың болдырмауына өзінің оң септігіні тигізеді деген сенімдемін. Әрқашан да осындай үлкен сенімге ие болып, халықтың алғысына ие болып өздерің берген антқа берік болыңдар».
Жалпы, облыстық полиция департаментіне 44 көліктің кілті берілді. Оның ішінде патрульдік полицейлерге арналған 25 «Chevrolet Cobalt», «Jac» маркалы 5 автозак, 1 эвакуатор және қызметтік иттерді тасымалдауға арналған 1 автомобиль мен арнайы бөлімшелерге арналған 3 көлік, «Автоураган» кешені бар 2 «КИА» маркалы машина бар. Бұдан бөлек, «Chevrolet Cobalt» маркалы 7 авто шұғыл іздестіру шараларын орындау үшін ведомстваның жедел қызметіне берілді. Департамент басшылығының айтуынша, жаңа көліктер қоғамдық тәртіпті қамтамасыз ету барысында әлі де болса, сапалы қызмет етуге септеседі.
СЕРІК ӘБУТӘЛІПОВ АҚМОЛА ОБЛЫСТЫҚ ПОЛИЦИЯ ДЕПАРТАМЕНТІ БАСТЫҒЫНЫҢ БІРІНШІ ОРЫНБАСАРЫ: «Күнделікті қоғамдық жерде, көшелерде, халыққа сапалы қызмет етуге берілген автокөліктер. Алдымыздағы мейрамдарда аталған автокөліктер жұмысқа шығады. Жыл сайын әкімшіліктен бөлінеді. Өйткені, өзінің уақыты бар. Олардың орнына да бөлініп жатыр. Қосымша да бөлініп жатыр».
Полицейлердің айтуларынша, «Chevrolet Cobalt» маркалы 25 көлік облыстық және республикалық маңызы бар жолдарды патрульдеуге шығады.
- Толығырық
- Категория: Алатау ақпараты
- 256 рет қаралды
https://www.youtube.com/embed/xKWHfS6smNo?si=ym71hxNDGA_gf_7G"
Қолайсыз ауа райы адамдарға Рождествоны Сиднейдегі Бонди жағажайында тойлауға кедергі болмады. Синоптиктер найзағай ойнап, екпінді жел соғады деп болжап отыр. Бірақ әлі де ыстық, сондықтан адамдар теңіз жағасында жүр.
ИРЛАНДИЯДАН КЕЛГЕН ТУРИСТ:
«Сіз,отбасыңызбен уақыт өткізуіңіз керек. Бұл бірге болу үшін тамаша уақыт. Мұндай ақылсыз әлемде отбасыңмен жақын болу өте жақсы шешім».
АНГЛИЯДАН КЕЛГЕН ТУРИСТ:
«Бұл жай ғана ғажайып. Сыйлықтар жоқ, бірақ менің қасымда керемет достарым бар, күнді көңілді өткізудеміз».
Жағажайда ерікті құтқарушылар кезекшілік етуде.
ЕРІКТІ ҚҰТҚАРУШЫ:
«Бұл өте стрессті уақыт. Адамдар көп болмайды деп ойладық, бірақ тамаша күн болып, адам көп болды. Сондықтан біз қазір қауіпсіздікті қамтамасыз етумен айналысып жатырмыз».
Мереке күндері Аустралияның үш штатында, атап айтсақ: Жаңа Оңтүстік Уэльс, Виктория және Квинсленд штатында қолайсыз ауа райы болды. Синоптиктердің айтуынша, жауын жақын арада тоқтамайды. Бонди жағажайы - Австралиядағы ең жақсы жағажайлардың бірі. Ол Тасман теңізінің жағасында орналасқан және жарты ай тәрізді құм түкірігі болып табылады.
- Толығырық
- Категория: Алатау ақпараты
- 244 рет қаралды
https://www.youtube.com/embed/8-kWAoLR_B4?si=b2fTwvHTbnSs-TWe"
Бүгін Израиль армиясының әскерилері 7 қазандағы шабуыл кезінде Хамас тарапынан кепілге алынғандардың бірінің көлігі табылғаны көрінген бірнеше видео жариялады.
Газа секторындағы индонезиялық аурухананың маңынан ақ түсті Toyota Corolla көлігі табылды. Бұл көлікті Хамас содырлары шабуылда пайдаланған. Сондай-ақ Индонезия ауруханасы ХАМАС инфрақұрылымын жасырып тұрғаны хабарланды. Осы уақытта Сирия астанасы Дамасктің шетіне жасаған әуе шабуылында Ислам революциясы Сақшылар корпусының аға кеңесшісі қаза тапқан болатын. Бұл туралы үш қауіпсіздік көзі мен Иранның мемлекеттік БАҚ өкілдері хабарлады. Сайед Рази Мусави 2020 жылы Иракта АҚШ-тың ұшқышсыз шабуылынан қаза тапқан элиталық Әл-Құдс күштерінің қолбасшысы Касем Сүлейманидің одақтасы болған.
Бұл арада Израиль премьер-министрі Биньямин Нетаньяху ХАМАС содырларымен күресті ақыры соңына дейін жалғастыруға уәде берді. Оның мәлімдемесі ХАМАС жетекшілері Мысырдың тұрақты атысты тоқтату үшін анклавтағы биліктен бас тарту туралы ұсынысын қабылдамады деген ақпараттан кейін жасалды. Сонымен бірге, Газаның денсаулық сақтау министрлігі ондағы қаза тапқандар саны қазірдің өзінде 20 мыңнан асқанын хабарлады. Үйінді астында тағы мыңдаған адам қалуы мүмкін деген болжам бар. Соңғы 48 сағат өлімге әкелді. Босқындар лагерінде әуе шабуылы салдарынан кемінде 70 адам қаза тапты. Израиль армиясы бейбіт тұрғындарға тиетін зиянды барынша азайтуға тырысатынын және ХАМАСтың халық тығыз орналасқан аудандарда әрекет ететінін және бейбіт тұрғындарды тірі қалқан ретінде пайдаланатынын айтады. Египет пен Катар қазір кепілге алынғандарды қайтару мен гуманитарлық көмектің жеткізілуін қамтамасыз ете алулары үшін уақытша бітімге келуге тырысуда. Сонымен бірге мысырлық ақпарат көздері ХАМАС-тың ешқандай жеңілдік жасаудан бас тартқанын хабарлады.
Енді ол тек соғысты тоқтатудың орнына кепілге алынғандарды босатуға уәде беріп отыр. Израиль уақытша үзіліс қарастыратынын айтты. Кепілге алынғандардың отбасылары Нетаньяхуға қысым көрсетіп, оларды кез келген жағдайда босатуға тырысуда. 100-ге жуық израильдік тұтқын Хамастың қолында қалды деген болжам бар.
- Толығырық
- Категория: Алатау ақпараты
- 256 рет қаралды
https://www.youtube.com/embed/UzJbkaoerW0?si=dc3uNhZsboKQKsW8"
Отандық әскери қызметшілер халықаралық сайыста топ жарды. Бакуде күрестен 36-шы әлем чемпионаты өткен еді. Осы спорттық сайыста жерлестеріміз сәтті өнер көрсетіп, Қазақстан намысын қорғады. Біріншілік қорытындысы бойынша Қарулы күштердің өкілдері «алтын», «күміс» және екі «қола» олжалады. Жеңіспен елге орлған әскерилермен Қорғаныс министрі Руслан Жақсылықов жеке кездесіп, спортшыларға алғыс айтты. Спорттағы жоғары жетістіктері үшін Аманғали Бекболатовты «Ел қорғаны» ведомстволық медалімен марапаттады. Айта кетейік, халықаралық әскери спорт кеңесі (CISM) мен Әзербайжан Қорғаныс министрлігі ұйымдастырған жекпе-жектерде 18 елден келген 300-ден аса спортшы қатысты.
АМАНҒАЛИ БЕКБОЛАТОВ ҚР ҚОРҒАНЫС МИНИСТРЛІГІ ОРТАЛЫҚ СПОРТ КЛУБЫНЫҢ СПОРТШЫСЫ: «Бүгінгі күн мен үшін өте қуанышты күн. Себебі, қорғаныс министрінің қолынан медаль алып жатырмын. Үлкен қуаныш мен үшін, отбасым үшін. Бұл менің алға қадам жасауыма үлкен серпіліс болады деп ойлаймын. Жақсы дайындықта бардық. Бапкерлер тарапынан бәрі жақсы болды. 4 белдесу өткіздім. Қарсыластарымды ұтып, әлем чемпионы болдым әскери қызметкерлер арасында».
Жыл басынан бері әскерилер халықаралық және республикалық 140-тан аса сайыстарға қатысып, онда 340 медаль еншілеген. Жалпы саны 171 алтын, 82 күміс және 87 қола алған.
- Толығырық
- Категория: Алатау ақпараты
- 256 рет қаралды
https://www.youtube.com/embed/0gLy78vxZZo?si=tF_e_TF3-QCjG6Pf"
- Толығырық
- Категория: Алатау ақпараты
- 248 рет қаралды
https://www.youtube.com/embed/5Ctts6tKWC8?si=-LlC_JJtsewA3zdc"
Зергерлік бұйымдар дизайнері анабела чан гауһар тастарды сапасы, анықтығы, карат саны және түсі бойынша зерттейді. Оның қызығушылығы жастайынан басталған.
Бұл зертханада өндірілген мінсіз асыл тастар. Олар жердегі жағдайға ұқсас ортада жасалған. Рас, жылдамдық жүздеген есе артқан. Қалыпты жағдайда алмастардың өсуі миллиардтаған жылдарды қажет етсе, мұнда химиялық процесс шамамен он аптаға созылады. Чан Лондондағы Найтсбридждегі өзінің бутигіне қойылған жұмысын «ғылым мен өнердің» қосындысы деп санайды. Оның айтуынша, он жыл бұрын зергерлік өнерді енді ғана зерттей бастағанда, ол Шри-Ланкадағы асыл тастар шахталарына барған.
АНАБЕЛА ЧАН ANABELA CHAN БРЕНДІНІҢ НЕГІЗІН ҚАЛАУШЫ: «Мен адамдардың жұмыс істеу жағдайларын көрдім және әлемдегі ең құнды тауарлардың бірін өндіру үшін қаншалықты аз жалақы алатынын білдім. Бұл маған мағынасыз болып көрінді. Сол кезде мен балама материалдарды зерттей бастадым. Мен тау-кен өнеркәсібін қолданбай-ақ әдемі жоғары сапалы зергерлік бұйымдар жасауды шештім».
Сарапшы Эдан Голанның айтуынша, зертханалық тастардың нарығы жыл сайын 20%-ға өсіп келеді. Бұл ретте жаһандық пайда қазірдің өзінде 15 миллиард долларға жетті.
ЭДАН ГОЛАН ТАЛДАУШЫ: «Зертханада өндірілген гауһар тастардың екі негізгі қасиеті бар. Біріншіден, олар табиғиға ұқсас. Екіншіден, бұл арзан балама. Бұл ақша үнемдегісі келетін тұтынушыларды қызықтырады».
Соңғы екі жылда Pandora мен Swarovski зертханада өсірілген гауһар тастардың бірқатарын ұсынды. Және бұл өз нәтижесін берді.Әлемдегі ең ірі зергерлік бұйымдарды өндіруші Pandora алмаз өнеркәсібін қолға алу кезінде танымалдылық пен табыстылыққа қол жеткізе алды.Өндіріс шығындары төмендеген сайын, зертханада өндірілген гауһар тастардың бағасы да төмендейді, қазір бір караттық тас өзінің табиғи баламасынан 80% төмен сатылады. Он жыл бұрын баға айырмашылығы небәрі 10 пайызды құраған.Бұл брендтер басқа жолдармен ерекшеленуі керек дегенді білдіреді.
- Толығырық
- Категория: Алатау ақпараты
- 300 рет қаралды
https://www.youtube.com/embed/ekbP5sBrbMA?si=dxBPEXfeoSNFbKjo"
Президенттің тапсырмасы аясында 2020 жылдан бастап 4 жастан 17 жасқа дейін түрлі үйірмелерге тегін қатысуға заң шыққан болатын. Осыған орай арнайы платформа қабылданып,тегін қызмет көрсету жүйесі іске қосылды. Мәселен Алматы облысында 170 кәсіпкер мәдениет саласы бойынша 28 мың баланы Арт спортқа тартып отыр.Тегін үйірмеге қатысып жатқан ауылдық балалардың жетістіктері жайында алдаға бене материалда.
«Арман» шығармашылықты дамыту орталғы 2021 жылдан бері жұмыс жасап келеді. Мұнда өнерге құштар жастарды тегін үйірмемен қамтамасыз етеді.Білікті тәлімгерлерден үйренер дүние көп.
ЖАНАР БАҚЫТҚЫЗЫ «АРМАН» ШЫҒАРМАШЫЛЫҚТЫ ДАМЫТУ ОРТАЛЫҒЫНЫҢ ӘКІМШІСІ
Тегін үйірмелер ауылдық балалардың бос уақытын тиімді пайдалануға таптырмас мүмкіндік. Әрі жұмыс басты ата-аналар үшін де қолайлы. Орталықта жастардың жеткен жетістіктерінің құрметіне орай кеш ұйымдастырылды.Онда облыстық,республикалық байқаулардан жүлделі оралған балаларға құрмет көрсетілді.
ЖАНАР БАҚЫТҚЫЗЫ «АРМАН» ШЫҒАРМАШЫЛЫҚТЫ ДАМЫТУ ОРТАЛЫҒЫНЫҢ ӘКІМШІСІ
СЫРЫМ АНАЯТ ҮЙІРМЕГЕ ҚАТЫСУШЫ
Орталықта арманы асқақ балалар мен берген білімін бұлдап, пайда іздемейтін қамқор тәлімгерлер бар. Балаларын мамандарға сеніп тапсырған ата-аналардың көңілі жай. Жеткіншектер мұнда уақытын тиімді өткізеді. Пайдалы әрі өздері қалаған іспен айналысады.
- Толығырық
- Категория: Алатау ақпараты
- 252 рет қаралды
https://www.youtube.com/embed/jodP6_BJsbw?si=YZdEoXmmPnnEAKBI"
Қазақстанда 500 мыңға жуық адам зиянды еңбек жағдайларында жұмыс істейді десек, жыл сайын осындай қауіпті қызметте жүріп 200-мыңдай адам мерт болады. Сондықтан, бұл мәселеге бей-жай қарамай, тиісті шара қолданатын уақыт жетті деп санайды үкімет басшысы Әлихан Смайылов. Осы мақсатта елімізде 2030 жылға дейін еңбек қауіпсіздігі жайлы жаңа құжат дайындалатын болды.
ӘЛИХАН СМАЙЫЛОВ ҚР ПРЕМЬЕР-МИНИСТРІ: «Елімізде жыл сайын 2 мыңға жуық адам жұмыс барысында жарақат алады. Оның ішінде 200-ден астам адам мерт болады. Биыл «Қазақмыс» компаниясында өндірістік жарақат алу көрсеткіші өткен жылмен салыстырғанда 3 еседен астам өсті. Бұрынғы «АрселорМиттал Теміртауда» соңы адам өлімімен аяқталған қайғылы жағдайлардың саны 7 еседен астам өскен. Осы салада қалыптасқан проблемаларды кезек күттірмей шешу үшін Қазақстанда алғаш рет 2030-шы жылға дейінгі Қауіпсіз еңбек тұжырымдамасы әзірленді. Бұл құжат ең алдымен, кәсіптік қауіп-қатерлер мен өндірістік жарақаттану деңгейін және кәсіптік ауру түрлерін төмендетуге бағытталған. Барлық тәуекелдер алдын-ала ескерілетін болады. Өндірістегі қауіпсіздік саласын цифрландыру осы мәселелерді шешуге ықпал етуі тиіс. Жалпы алғанда, Тұжырымдама еңбекті қорғау саласындағы бақылау мен мониторингтің тиімділігін арттыруы керек».
Айта кетейік, зиянды еңбек жағдайында жұмыс істейтін кеншілер келер жылдың 1 қаңтарынан бастап атаулы төлемді ала бастайды. Ол «Азаматтық үкімет» порталы арқылы бір жүйемен төленетін болады.
- Толығырық
- Категория: Алатау ақпараты
- 297 рет қаралды
https://www.youtube.com/embed/4NtOjGf3f_Y?si=mlGuxmgiOs80II_b"
Бүгінгі таңда жас ұрпақты өз халқының тарихын, тегін, салт-дәстүрін, тілін білімін терең түсінетін шығармашылық тұлға етіп тәрбиелеу өмір талабы, қоғам қажеттілігі. Бүгінгі өскелең ұрпақтың ұлттық құндылығын арттыру мақсатында Алмалы ауданында «Театр – ұлт рухының жаршысы» атты айлықтың өту барысында мәдени-рухани кеш өткізілді.
НҰРМАХАН ШЫНАЛИЕВ №24 ЛИЦЕЙДІҢ ҚАЗАҚ ТІЛІ МЕН ӘДЕБИЕТІ ПӘНІНІҢ МҰҒАЛІМІ: «Бүгінгі күннің басты талабы – оқушының бойына тұлғалық болмысты, рухани құндылықты дарыту. Осындай құндылықтарды оқушының бойына қалыптастыру, дарыту мақсатында өткен айда мектебімізде театр айлығы болып есептелді. Осы айлықтың аясында оқушылар көркем шығармалар оқып, театрдағы қойылымдарға барды. Сол қойылымның нәтижесі бүгінгі іс-шарамыз болып табылады.
Басты мақсат – «Оқуға құштар мектеп» жобасы аясында оқушылардың көркем шығармаға деген қызығушылығын оятып, театрдағы үздік қойылымдармен ұштастыру. Сонымен қатар, мәдени-рухани кешке М.Әуезов атындағы театрдан танымал актерлар шақырылып, оқушылармен кездесу ұйымдастырылды. Балалар театрдан алған әсерлерін өздері қойған қойылыммен жеткізді. Олар белгілі спектакльден үзінді орындап, қонақтарға паш етті.
ҒАНИ ҚҰЛЖАНОВ ҚР ЕҢБЕК СІҢІРГЕН ҚАЙРАТКЕРІ, АКТЕР «Мәңгілік бала бейнеде» Құмар рөлін ойнағанмын. Сол рөлім үшін Қазақстан Жастар Одағының сыйлығының иегері атандым. Бұл ұлы Болат Атабаевтың қойған спектальі. Орны зор мен үшін. Сол спектакльді бүгін ойнаған балаларға алғысым шексіз. Балаларда шынайылық бар. Олардың ойы да, сөзі де таза. Сол жағынан мен тәнті болдым».
Мектеп жасындағы балалардың кітапқа құмарлығын оятып, танымдық-мәдени дамуына жол ашылды. Оқушының функционалдық сауаттылығын арттыру жолында көркем әдебиетті оқу арқылы және театрдағы қойылымдарды тамашалау тіл тазалығын сақтап, ұлттық тәрбиеге деген қызығушылығын ояту біздің маңызды мұратымыз болмақ.
- Толығырық
- Категория: Алатау ақпараты
- 277 рет қаралды
https://www.youtube.com/embed/rZDIl1z4HNc?si=Njvlk3qf139tx5bE"
2023 жылы көптеген өлім жағдайларына дейін әкелген дауыл мен жер сілкінісі, су тасқыны мен өрт апаттары орын алды. Бірқатарына шолу жасасақ.
Ақпан айында Түркияның оңтүстік-шығысында тоғыз сағаттық аралықпен 7,8 және 7,5 балдық екі күшті жер сілкінісі болды. Түркияда 50 500-ден астам, Сирияда 8 400-ден астам адам қаза тауып, ондаған мыңнан астам адам жарақат алды.
Түркиядағы жер сілкінісінен кейін су тасқыны болып наурызда «Фредди» дауылынан Африкада 100-ден астам адам қаза тапты,. Сондай-ақ, Калифорнияны су басты. Сонымен қатар, АҚШ-тың он бір штатында болған ондаған торнадо салдарынан кем дегенде 32 адам қаза тапты.
Камчаткада 6,9 балдық жер сілкінісі болды. Кейін Шивелуч жанартауының атқылауы басталды.
Сәуір айында Үндістанда 30-ға жуық турист қар көшкіні астында қалған болатын. Ал мамыр айында Канадада орман өртіне байланысты 30 мыңнан астам адам эвакуацияланды. Өрт салдарынан болған түтін АҚШ-тың бірнеше штатына жеткен еді.
Конго да су тасқыны болып,құрбандар саны 400 адамнан асты. Маусым айында Гавайиде Килауэа жанартауы қайтадан атқылай бастады. Ал шілдеде Перудағы ең белсенді жанартау Убинас оянып, күлді екі рет бес жарым шақырым биіктікке лақтырды.
Еуропа жазда от пен су тасқындарымен күресуді жалғастырды. Өрт Италия, Испания, Португалия, Албания, Түркия және Грецияның аймақтарын шарпыды. Дәл осы уақытта Словения мен Австрия, Болгария мен Түркия «Даниел» дауылы әкелген жойқын нөсерден зардап шекті.
Тамыз айында Гавайиде, негізінен Мауи аралында бірнеше өлімге әкелетін өрттер болды. Салдарынан Лахайна қаласында 145 адам қаза тапты.
Мароккода 6,8 балдық жер сілкінісі болды. 3 мыңға жуық адам қайтыс болды. Сол айда Ливияның шығысында жойқын су тасқыны болды. Су Дерна қаласының маңындағы бөгеттерді жарып өтіп, 2000-ға жуық адам қаза тапты.
Ауғанстанда қазан айында болған жер сілкінісінен 2400-ден астам адам қаза тапты. Сонымен қатар, Мексика тарихындағы ең күшті дауылдардың бірі атақты Акапулько курортын қираған күйде қалдырды.
Желтоқсан айында Қытайдың солтүстік-батысындағы 6,2 балдық жер сілкінісі салдарынан 110-нан астам адам қайтыс болды.
- Толығырық
- Категория: Алатау ақпараты
- 247 рет қаралды
https://www.youtube.com/embed/0DXSy1F_8OE?si=SCCCohMJ75q3y18X"
Санкт-Петербургте Жоғары Еуразиялық экономикалық кеңестің отырысы өтті. Жиынға Мемлекет басшысы Қасым-Жомарт Тоқаев та барды. Бестіктің басқосуында интеграциялық процестерді одан әрі дамытудың басты міндеттері мен негізгі бағыттары талқыланды. Толығырақ тілші материалында.
Кеше Мемлекет басшысы Қасым-Жомарт Тоқаев Ресей Президенті Владимир Путиннің шақыруымен Жоғары Еуразиялық экономикалық кеңес отырысына қатысу үшін Санкт-Петербург қаласына барды. Ельцин кітапханасындағы кездесу – жылдағы дәстүр. Өзі шақырған меймандарын Владимир Путин өзі қарсы алды. Әуелі шағын формат. Дөңгелек үстел басында еуразиялық бестік басшысы және Еуразиялық экономикалық комиссияның төрағасы Михаил Мясникович қатысты. Жабық есік форматындағы келіссөзден соң, президенттер ендігі кеңірек үстелге жайғасып, еуразиялық интеграцияның бүгіні мен болашағын талқылауды кеңейтілген форматта жалғастырды. Қасым-Жомарт Тоқаев осы жылдың оңай болмағанын, әсіресе, жаһанды жайлаған тұрақсыздықтың күшейе түскенін атап өтті.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ «Инфляцияның қысымы, халықаралық логистикалық тізбектердің трансформациясы, аймақтардағы қақтығыстар, санкциялық текетірестер – бұл әлемдік экономиканың даму қарқынын бәсеңдететін факторлардың бір парасы ғана. Осындай күрделі жағдайда Қазақстан жылдық экономикалық өсімді 4,9 пайыз көрсеткішпен қорытындылауды жоспарлап отыр. «Еуразиялық бестікке» кіретін барлық елде оң динамика байқалатыны қуантады. Әйтсе де экономикамыздың орнықты даму траекториясын сақтау үшін 2024 жылдың сын-қатерлеріне бірлесе дайындалуымыз керек».
Президенттің пікірінше, Еуразиялық экономикалық одаққа мүше елдер үшін технологиялық кооперацияны экономиканың нақты секторында дамыту – басты міндеттердің бірі. Қасым-Жомарт Тоқаев озық технологияларды және инновацияларды кеңінен енгізу экономикалық бірлестіктің әлемдік аренадағы орнын нығайтады деп есептейді. Мемлекет басшысы бұл мәселенің бүгін қабылданған «Еуразиялық экономикалық жол» декларациясында көрініс тапқанын құптады. Құжат Қытайдың «Бір белдеу, бір жол» жаһандық бастамасымен ұштасады. Қасым-Жомарт Тоқаев Еуразиялық экономикалық одақтың құрылуына негіз болған іргелі мақсатты толыққанды жүзеге асыру, яғни тауарлардың еркін қозғалысына тың серпін беру қажет деп санайды.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ «Кеден шекаралары ашылғанына қарамастан, әрбір ел іс жүзінде отандық өндірушілерін ЕАЭО-ға қатысушы өзге бәсекелестерден қорғауын жалғастырып отыр. Біз ортақ нарықта кездесетін кедергілер мен шектеулерді жойып, бірыңғай техникалық регламенттер енгізуді жылдамдатуымыз керек. Біз ортақ нарықта кездесетін кедергілер мен шектеулерді жойып, бірыңғай техникалық регламенттер енгізуді жылдамдатуымыз керек. ЕАЭО-ның біріккен ақпараттық жүйесінің толық форматта жұмыс істеуі мүше мемлекеттер арасында тауар тасымалдау кезіндегі бизнес шығындарын айтарлықтай азайтуға септігін тигізер еді. Электронды сауда саласында нәтижелі ықпалдастық орнатуға мол мүмкіндік бар. Былтыр Еуразиялық экономикалық одақтағы аталған нарықтың жалпы көлемі 80 миллиард долларға жетті. Жақын арада бұл көрсеткіш екі есе ұлғаюы мүмкін. Алайда мұнымен тоқтап қалмаймыз. Кедендік рәсімдерді жетілдіру және онлайн сауданың тиімді, тең құқылы экожүйесін құру бағытында барынша белсенді жұмыс істеуіміз қажет».
Сонымен қатар агроөнеркәсіп кешені ынтымақтастықтың маңызды бағыты ретінде атап өтілді Мемлекет басшысының айтуынша, бүгінде «еуразиялық бестік» елдері өзін-өзі азық-түлікпен қамтамасыз ету ісінде жоғары нәтижеге қол жеткізе алды.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ «Соған қарамастан, Еуразиялық экономикалық одаққа мүше елдердің әлемдік нарықтағы ауыл шаруашылығы өнімдері экспортының үлесі әлі де өте төмен, яғни екі пайыздан сәл ғана асады. Ал дүниежүзінде 800 миллионнан астам адам аштық пен азық-түлік тапшылығының зардабын тартып отыр. Өкінішке қарай, азық-түлік жеткізуге қазіргі геосаяси ахуал, әсіресе, бірінші кезекте санкциялар кедергі келтіруде. Нәтижесінде, азық-түлікке мұқтаж халық жапа шегіп отыр. Сарапшылардың бағалауынша, ЕАЭО елдерінің әлеуеті 600 милионға жуық адамға тамақ тауып беруге жетеді. Сондықтан бәсекеге қабілетті, экологиялық таза және экспортқа бағдарланған, озық халықаралық стандарттарға сай өнім шығару мақсатында тығыз кооперациялық байланыстарды жолға қою басым бағыттарымыздың біріне айналуы керек. Сондай-ақ агрологистика және өнім сақтау жүйесін дамытып, ауыл шаруашылығы саласына цифрлық шешімдерді енгізу үшін күш біріктіруіміз қажет. Бірлескен агроинновациялық орталықтар құру мәселесін пысықтаған жөн. Мұндай орталықтар агроөнеркәсіп кешенін коммерцияландырумен және өндіріске жаңа технологияларды енгізумен айналысады»
Бұл ретте кеше Санкт-Петербургта қол қойылған маңызды құжатты айтып өтпеуге болмас. Бәлкім, биылғы жиынның басты жаңалығы да осы болса керек. Еуразиялық бестік Иран Ислам Республикасымен Еркін сауда аймағын құру туралы құжатты ресми бекітті. Иран мен Пәкістан, Үндістан секілді елдерге шығу үшін инфрақұрылым керек. Ол үшін «Солтүстік-Оңтүстік» дәлізін дамыту қажет. Сол үшін де Қазақстан бастамасымен «Челябинск – Болашақ – Иран» бағыты жүзеге аса бастаған.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ «Мен бұл ретте Бейнеу – Маңғыстау, Мақат – Қандыағаш теміржол желісі мен Бейнеу – Шалқар автомобиль жолы туралы айтып отырмын. Көлік дәлізін одан әрі дамыту үшін Қазақстан, Ресей және Түрікменстанның логистикалық компаниялары бірлескен кәсіпорын құрып жатыр. ЕАЭО-ға мүше өзге елдердің теміржол әкімшіліктерін осы жұмысқа атсалысуға шақырамын».
Бұдан бөлек, Мемлекет басшысы «ЕАЭО-ның цифрлық күн тәртібі» мен қытайдың «Цифрлық жібек жолы» бастамасын ұштастыру мүмкіндігін қарастыруды ұсынды.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ «Қазақстан цифрлық шешімдерді табысты пайдаланып отыр. Еліміздегі мемлекеттік қызметтің 90 пайыздан астамы электронды түрде көрсетіледі. 2026 жылға қарай ІТ саласының экспорттық көрсеткішін бір миллиард долларға дейін жеткізуге ниеттіміз. Қазақстан аталған саладағы ынтымақтастықты жан-жақты дамытуды жақтайды. Осы орайда Үнді мұхиты жағалауымен өтетін халықаралық желілерге қосылу үшін «Ресей – Қазақстан – Иран» бағытында талшықты-оптикалық желі тарту мүмкіндігін қарастыруды ұсынамын. Бұл Еуразия кеңістігінде трафик транзитінің баламалы бағытын ұсынып қана қоймай, жаһандық деңгейдегі деректер логистикасында ЕАЭО-ның орнын айтарлықтай күшейтуге мүмкіндік береді».
Жиын қорытындысы бойынша бірқатар құжат қабылданды. Ұйымға мүше мемлекеттердің басшылары Еуразиялық экономикалық комиссия алқасының төрағасы қызметіне Қазақстанның өкілі Бақытжан Сағынтаевты сайлады.
- Толығырық
- Категория: Алатау ақпараты
- 246 рет қаралды
https://www.youtube.com/embed/NKlJhpdTyjU?si=XmEfckLRqExyCqwX"
Қазіргі күні Қызылорда өңіріне қарасты аудан орталықтары толықтай көгілдір отынның игілігін көріп отыр. Ендігі кезекте ауылдарды газға қосу жұмыстары жүйелі түрде жүргізілуде. Бұл бірінші кезекте көмір түсіріп, күл шығаратын ауылдағы ағайынның тұрмысын түзеуге бірден бір себепші фактор.
Облыс әкімінің аудандарға іссапары барысында Шиелідегі Еңбекші және Жиделіарық ауылдары газға қосылды. Бұл бастама жарқын мереке – жаңа жыл қарсаңындағы тамаша тарту болды тұрғындар үшін.
НҰРЛЫБЕК НӘЛІБАЕВ ҚЫЗЫЛОРДА ОБЛЫСЫНЫҢ ӘКІМІ: «Облысты газдандыру қарқыны жылдан-жылға артып келеді. Қазір барлық аудан орталығы мен 4 қала Арал, Қызылорда, Байқоңыр, Қазалы, 19 елді мекенге газ жеткізілген. Биыл 12 ауылдық елді мекенге тартылуда. Осылайша өңірде тұрғындарды газбен қамту көрсеткіші 75 пайызға жетеді. Биыл аудандағы 40 мыңнан астам тұрғын табиғи газ игілігіне кенелді. Аудандағы 6 елді мекен - Еңбекші, Жиделіарық, Ә.Тәжібаев, Алмалы, Досбол датқа, Бестамға газ тарату желілерін орнату үшін республикалық бюджеттен 1,5 млрд теңге бөлініп, құрылысы жүргізілуде. Бүгін Еңбекші ауылының тұрғындары "көгілдір отын" жаға бастайды. Келер жылға қаралған 4 млрд теңгеге 12 елді мекенді табиғи газбен қамтамасыз етеміз. 2024 жылдың соңында газдандыру деңгейі 78 пайызға жетеді».
Іс-шарада «Ауыл – ел бесігі» ұлттық жобасы аясында газ жүргізуге үлес қосқан азаматтар мен аудан ардагерлері облыс әкімінің Алғыс хатымен марапатталды. Рәсімнен кейін облыс әкімі газ қосылған үйді көріп, ізгі тілегін білдірді. Мұнан бөлек, Жаңақорған ауданындағы Жайылма, Шалқия, Құттықожа ауылдары да газға қосылып, тұрғындар қуанышы еселенді. Сәуір айында Бірлік, Қыраш елді мекендеріне «көгілдір отын» кіргізілсе, келер жылға Кейден, Төменарық елді мекендері жоспарланған.
Тағы басқа мақалалар...
114 ішінен 187 беті
Alatau News, Copyright 2023, All Rights Reserved.