https://www.youtube.com/embed/6P_JwKiatKE?si=YDJLDjvrE3tLNi8X" 

Уақытша орналастыру орнын паналап отырған Оралдық тұрғындар бас көтерді. Оған себеп жатақхана жағалаған халықты тұрып жатқан орындарына жаңа оқу жылына қарсы «жөндеу жұмыстарын жүргіземіз» деген желеу. 

Су тасқыны кезінде тұрғылықты мекенінен айырылған халық шиеттей балаларымен бірге қайда барарын білмей әлек. Қолдарында үй беру туралы комиссия шешімі болғанымен бірақ кілті әлі қолдарына тие қоймаған. Айтуларынша, жатақхана басшылығы ғимаратта жөндеу жұмыстарын жүргізбек. 

АЛЬМИРА ТӨЛЕГЕНОВА ТҰРҒЫН «Мыннан шығып кеткенде қайда барамыз.Қаңғытатын жағдай жоқ қазір деген».

АҚТОЛҚЫН ҚАБИЕВА ТҰРҒЫН «Ешқандай көмек көрсетіп жатқан жоқ.. бір несін айтсаңыздар».

Жағдайды алға тартып жатақхана басшылығын жағаладық. Сұқбаттан бас тартып, әкімдікке жол сілтеді. Ал әкімдік өкілдері болса «бұл тек ұсыныс ретінде айтылған нәрсе, үйдің кілтін алғанша ешкімнің уақытша орналастыру орындарынан қуып шығуға құқы жоқ» деп отыр.

ДАНИЯР ОСПАН ОРАЛ ҚАЛАСЫ ӘКІМІНІҢ БАСПАСӨЗ ХАТШЫСЫ «Енді ол жерде 5 айдан бері ондай мәселе туындап тұрған жоқ».

Қазіргі уақытта уақытша орналастыру орындарын 170 отбасы паналауда, оның 131-іне үй беру туралы комиссия шешімі шыққан.

https://www.youtube.com/embed/l-IEzmFvuNo?si=OACuuLHROQDfK8Se" 

Алматыда өрт сөндіру-құтқару спорты бойынша әлем чемпионаты өтті. 4 күнге созылған дүбірлі додаға  Беларусь, Болгария, Қазақстан, Ресей, Словакия, Чехия командалары қатысты. Бақылаушы ретінде Сауд Арабиясының өкілдері келді.

Жарыста алты елден келген 13-17 жас аралығындағы жасөспірімдар бақ сынады. Сайыс төрт кезеңнен тұрды. Спортшылар өртті сөндіру тәжірибесінде қолданылатын түрлі сынақтарды еңсеруге тырысты. Алғашқы екі кезеңде әр қатысушы жеке бақ сынасса, жарыс межесін командалық сайыспен аяқтады.  

ЕРНҰР НАСИБҰЛИН ҚАТЫСУШЫ

Менің коммандада жүргеніме 3 жыл болды. Жеке өзім жарыстарда жүлде алмаған едім. Биыл бірінші рет орын алып отырмын. Мен Орал қаласынан келдім. Мені қолдаған жандарға, демеу берген бапкеріме алғыс айтқым келеді. 

Ерлер мен әйелдер арасындағы жалпыкомандалық чемпионаттың қорытындысы бойынша: бірінші орынды Ресей спортшыларының құрамасы, екінші орынды Беларусь командасы иеленді, Қазақстандық спортшылар үздік үштікті қортындылады.

https://www.youtube.com/embed/9-sBJtmgwDI?si=lXNKU9mT0MnbEXfi" 

Солтүстік Қазақстан облысы «Серебряный бор» сауықтыру кешенінде Қызылжар аудандық білім беру бөлімі мен Ұлттық ұлан әскери академиясы бірлесіп  «Қызылжар Сұңқар-2024» іс-шарасын өткізіп жатыр. Оқушылар мұнда спорттық сайыстарға қатысып, туристік нысандарды аралайды. Іс-шара тамыздың 19-ы мен 21-і аралығында жалғаспақ. 

210 оқушыны қамтитын бұл іс-шарада арқан арқылы өрмелеуді ұнататын Никита Романовта бар. Ол бұл жерге өз достарымен келген. 12 жастағы оқушы демалыс кешенінде алғаш рет болып отыр.

НИКИТА РОМАНОВ – ОҚУШЫ «Мен «Совхоз орта мектебінде» оқимын. Мұндағы спорт түрлері маған  ұнап жатыр. Бірақ бұл жерде арқанмен өрмелеу үшін көп күш қажет екен. Алдағы уақытта тағы да келуге тырысамын.  Басқа да қызықты іс-шараларға қатысамын деп ойлаймын».

8-10 сынып оқушыларына арнап ұйымдастырылған іс-шарада ұлттық спорт түрлері де тысқары қалмады. Асық ату, тоғызқұмалақ сынды ойындарға балалардың қызығушылығы арта түсті. Сондай-ақ, жоспар бойынша олар Ұлттық ұлан әскери академиясына барып , қару жарақтармен және  техникалармен танысады.

ҚАЙЫРЛЫ МҰҚАТАНОВ – МҰҒАЛІМ  «Балалар бүгін бірінші күннен бастап ауа райына қарамай келіп жатыр. Әскери-патриоттық күніне біздің қазақ ұлттық ойындарына кіретін тоғызқұмалақ, бесасық, асық ату. Содан кейін туризм, спорт шаралары өткізіледі. Балаларға көрсетіп үйретіп жатырмын. Балаларға ұнап жатыр. Айта кетейік, дәстүрлі түрде жылда өтетін іс-шара былтыр 250-ге жуық оқушыны қамтыған».   

https://www.youtube.com/embed/kfiMvdcqqmQ?si=K_nbpqQ_XnmpML3l"

https://www.youtube.com/embed/-Cdc2Tx6qsc?si=xIl65pTGxVTd8cKa" 

Алматы қаласында  атом электр станциясын салу мәселесі бойынша жария талқылау өтті. Кездесуде сарапшылар, қоғамдық ұйымдардың өкілдері мен Алматы қаласының тұрғындары  АЭС-тің ел экономикасымен қоршаған ортаға әсері қандай болатындығын талқылады. 

Талқылау еліміздің әр өңірінде өткізіліп келеді. Атом электр станциясын салу жөнінде халық арасында қорқыныш бары жасырын емес. Бірі, бұл жоба энергия көзі десе енді бірінің қауіпсіздік сақталмай жарылып кетеді ме деген қоғамда екі ұдай пікір бар.  Дегенмен білікті мамандар атом электр станциясының қауіпсіздігін атап өтті. 

БАНУ НҰРҒАЗИЕВА ҚАЗАҚСТАННЫҢ АЗАМАТТЫҚ АЛЬЯНСЫНЫҢ ПРЕЗИДЕНТІ  «Бір емес екі жыл бұрын, біз осы мәселені көтеріп өзіміз талқыладық. Неге десеңіздер жанымыздағы дамыған мемлекеттер өзінің экономикасын көтеріп жатқан кезде біз неге артта жүрміз деген әңгіме көтердік.»

Мамандар көмірмен жұмыс істейтін стациялардың тозуы 70%- ға жеткендігін. Болашақта кейбірінің жұмысы тоқтайтындығын алға тартты.  

ГҮЛМИРА МҰРСАЛОВА ҚР ЭМ АТОМ ЭНЕРГЕТИКАСЫ ЖӘНЕ ӨНЕРКӘСІП ДЕПАРТАМЕНТІ ДИРЕКТОРЫНЫҢ ОРЫНБАСАРЫ  «Қазіргі уақытта көмірмен жұмыс істейтін станциялар 70%-ды құрайды. Олардың тозу деңгейі өте жоғары. Кейбір станцияның тозуы 50-70%- ға жеткен. Қазақстанда энергия тұтыну көлемі жылдан-жылға өсіп жатыр. Сол себептен Үкімет келесі онжылдықта 26 гВТ қуаттылығы бар стацияларды іске қосуды жоспарлап отыр. Себебі тозған станциялардың кейбіреулерінің қызметін тоқтату керек. Осы 26 гВТ ішінде жел электр станциялары, күн электр стациялары бар. Болашақта 10 мың МГБ жобалары іске қосылу жоспарланып жатыр. Бізде сондай-ақ газбен жұмыс істейтін станциялар салынатын болады»

Талқылау барысында Ядролық физика институтында атом электр станциясымен жұмыс істейтін 1800 маман дайындалып жатқандығы айтылды. Басқосуда тұрғындар өздерін қызықтыратын технологиялардың қауіпсіздігі жөніндегі сұрақтарын қойды. 

МЕДЕУ ӘБІШОВ ҚАЗҰУ ТЕОРИЯЛЫҚ ЖӘНЕ ЯДРОЛЫҚ ФИЗИКА КАФЕДРАСЫНЫҢ МЕҢГЕРУШІСІ «Негізгі тұжырымдама радиофобияға байланысты. Қоғамда адамдардың арасында “жарылып кетуі мүмкін, Балқаш құриды” дегендей қорқынышы бар. Осындай мәселенің барлығын ғалымдар мен тиісті мемлекеттік мекемелердің басшылары ескеріп, түсіндіру жұмыстарын жүргізіп жатыр. Бұның барлығы референдумға байланысты, ең бастысы халықтың шешімі болып отыр. Халық өзіне қажетті екенін түсініп, сосын дауыс береді» 

Мемлекет басшысы қоғамда қызу талқыланып жатқан атом электр станциясын салу мәселесін "референдум арқылы шешкен дұрыс екендігін мәлімдеген болатын. Еліміздің әр өңіріндегі талқылау жиынынан кейін бұл мәселе дауыс беру арқылы шешілмек. 

https://www.youtube.com/embed/zzPo1jXEdnE?si=VJrQh0otxuDxjAcB" 

«Жетісу» футбол клубының басшысы 3 жыл 6 айға сотталды. Ол аса ірі көлемде бюджет қаржысын қалтасына басқан. «Футболшыларға бонус аударылды» деген желеумен жалған құжат жасап, қазына қаражатын өзі алып отырған. Ақпаратты Сыйбайлас жемқорлыққа қарсы іс-қимыл агенттігі растады. 

ДАНИЯР БИГАЙДАРОВ ҚР СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ РЕСМИ ӨКІЛІ: «Талдықорған қалалық соты «Жетісу» футбол клубының спорт директоры Д. М. Иманқұловқа қатысты үкім шығарды. Ол футболшының еңбек шартына бонус беру сылтауымен 5,5 млн теңге мөлшерінде бюджет қаражатын алаяқтық жолмен жымқырғаны үшін кінәлі деп танылды. Сот үкімімен оған 3 жыл 6 ай бас бостандығын шектеу түріндегі жаза тағайындалды. Сот үкімі заңды күшіне енген жоқ. Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі».

https://www.youtube.com/embed/8zqbMGjWqKA?si=-fgVNg0fwvKwnpg_" 

Ең шалғай ауылдағы оқушылар да енді ең үздік, мықты деген білікті ұстаздардан білім ала алады. Ол «Цифрлық ұстаз» жобасы аясында мүмкін болады. Бұл туралы Оқу-ағарту министрі Ғани Бейсембаев айтты. 2026 жылдан бастап барлық мектеп 100 пайыз жаңартылған оқу бағдарламасына көшеді. Айтпақшы, жаңа оқу жылында артық, жаңа пәндер енгізілмейді. Бірақ, қосымша білім ретінде қаржылық сауаттылық пәні жүргізіле береді. Биыл барлық Қазақстан мектептері біртұтас бағдарлама аясында жұмыс істейді. 

ҒАНИ БЕЙСЕМБАЕВ ҚР ОҚУ-АҒАРТУ МИНИСТРІ: «Жаңа мемлекеттік жалпыға бірдей білім беру стандарттарының қабылдануына орай 2026 жылдан бастап жаңартылған оқу бағдарламаларын енгізу көзделген. Білім беру сапасын арттыру үшін ауылдық тірек және шығын жинақ мектептерде жекелеген пәндерді оқытудың инновациялық тәсілдері енгізілу қарастырылуда. Білім беру округтері құрылып, нәтижелері төмен нысаналы мектептерді мақсатты қолдау шаралары қабылданады. Жаңа оқу жылынан бастап «Цифрлық ұстаз» жобасын жүзеге асыру шеңберінде аз қамтылған отбасылардан шыққан білім алушылармен жұмыс жандандырылады».

https://www.youtube.com/embed/nynNoHUR79A?si=fesgDQ7po9kcg3KU" 

Алматыда педагогтерге арналған Республикалық “Digital Kazakhstan” Жаңа замандағы білім беру тақырыбы аясында саммит өтті. Жалпы білім беру жүйесіндегі өзгерістер қандай,несімен ерекше? Толығырақ келесі бейнематериалда.

Саммит жұмысына 2500 педагог, сондай-ақ білім беру саласындағы қазақстандық және шетелдік сарапшылар қатысты.

ДӘУРЕН САҒЫНҒАЛИЕВ, АЛМАТЫ ҚАЛАСЫ БІЛІМ БАСҚАРМАСЫНЫҢ  ҚАЛАЛЫҚ БІЛІМ БЕРУДЕГІ ЖАҢА ТЕХНОЛОГИЯЛАРДЫҢ ҒЫЛЫМИ- ӘДІСТЕМЕЛІК ОРТАЛЫҒЫНЫҢ ДИРЕКТОРЫ: «Расымен де Жаңа замандағы білім беруде қандай өзгерістер болып жатыр, әлемде қандай озық идеялар бар және өзіміздің өнімдердің ішінде қандай ірі жобалар бар, әсіресе білім саласындағы цифровизация мәселесінде қандай цифрлық шешімдер қабылданып жатыр деген бағытта біздің Алматылық әріптестеріміз үлкен олжаға кенеліп отыр. Әсіресе ерекше атап өтетін біздің кітаптарымыздың электронды бағытқа көшкендігін атап өту керек.Алматы топик кітаптың қолтаңбасында бүгін педагогтардың назарына ұсындық».

Бүгінгі таңда 147 мектеп оқулығы  қазір электронды нұсқада жұмыс жасауда. Сондай-ақ ұстаздар қауымы да жасанды интелект жүйесіне бет бұра бастаған.

ДӘУРЕН САҒЫНҒАЛИЕВ, АЛМАТЫ ҚАЛАСЫ БІЛІМ БАСҚАРМАСЫНЫҢ  ҚАЛАЛЫҚ БІЛІМ БЕРУДЕГІ ЖАҢА ТЕХНОЛОГИЯЛАРДЫҢ ҒЫЛЫМИ- ӘДІСТЕМЕЛІК ОРТАЛЫҒЫНЫҢ ДИРЕКТОРЫ: «Сандық технологиялар бағытында қазір мұғалімнің сабақ беру процесіндегі қолданылатын негізгі цифрлық шешімдерді ерекше атап өтуге болады, әсіресе бұлардың қатарында мен Алматылық әріптестеріміздің 650  Алматылық педагог жасанды интелект бойынша онлайн оқытудан өткен болатын және де қазіргі таңда Аiti сыныптары да Алматы мектептерінде жұмыс істеп жатыр. Алматы қаласында 52 Aiti сыныптары жұмыс жасауда және дәл осы 2024 жылы Алматы қаласына 168 жаңа мадефикациядағы кабинеттер берілді.Ең соңғы үлгідегі технологиялар Алматы мектептерінің кабинеттеріне қойылды».
 

https://www.youtube.com/embed/nlnSjBQRNYo?si=u7iQe1MkU8PVBMWF" 

https://www.youtube.com/embed/Ic4oLe3-fSI?si=UPoiHpqrsQuH8tB3" 

Әсем қала Алматы қаңғыбас көше кезген ит-мысықтар үшін де таптырмас жайлы мекенге айналғандай. Адамдар көп шоғырланатын орындардан,көп қабатты тұрғын үйлердің маңынан жиі байқауға болады бүгінде. Қаламыздағы мақұлықтардың санын реттеуде атқарылып жатқан шаралар жайлы дайындалған материалға кезек берсек.

Итті жеті қазынаға,адамның сенімді серігіне жатқызады дана халқымыз. Алайда аса қауіпті жұқпалы аурулардың таралуы,қоршаған ортаға,адамдарға сондай ақ балаларға қабаған иттерден келетін қауіп те жоқ емес. Осыған орай қараусыз және қаңғыбас жануарлардың санын реттеу бойынша Алматы қаласы Кәсіпкерлік және инвестициялар басқармасының "Қалалық ветеринарлық қызметі" жүйелі жұмыс жүргізеді. Бұл бойынша аулау, жануарларды уақытша ұстау пунктіне тасымалдаудан, тіркеуден, клиникалық тексеруден, кинологиялық сынақтардан тұрады. 

ҚАНАТ КӘКЕНҰЛЫ АЛМАТЫ ҚАЛАСЫ «ҚАЛАЛЫҚ ВЕТЕРИНАРЛЫҚ ҚЫЗМЕТІ» КОММУНАЛДЫҚ МЕМЛЕКЕТТІК КӘСІПОРНЫНЫҢ БАСШЫСЫ

ДАРХАН РАЗБАЙҰЛЫ ЖУРНАЛИСТ

Жүргізілген жұмыстардың нәтижелері бойынша зарарсыздандырылған және вакцинацияланған жануарларды бұрынғы мекендеу орындарына қайта жіберіледі. Егер жануар айықпас ауруға шалдыққан болса немесе адамның өмірі мен денсаулығына қауіп төндірсе, Қазақстан Республикасының заңнамасында тыйым салынбаған препараттармен, дәрі-дәрмекпен (эвтаназиямен) ізгілік жолмен жансыздандыруға жатады.

ҚАНАТ КӘКЕНҰЛЫ АЛМАТЫ ҚАЛАСЫ «ҚАЛАЛЫҚ ВЕТЕРИНАРЛЫҚ ҚЫЗМЕТІ» КОММУНАЛДЫҚ МЕМЛЕКЕТТІК КӘСІПОРНЫНЫҢ БАСШЫСЫ

ЕРБОЛАТ АЙТБАЕВ ИТ АУЛАУ БӨЛІМІНІҢ АҒА ВЕТЕРИНАРЫ

Аулау тұрғындардың  «109» құтқару қызметіне, 8 708 595 64 04 нөмірі бойынша Кәсіпорынның аулау қызметіндегі диспетчеріне, Алматы қаласы әкімдігінің «Open Almaty» қоғамдық қабылдау бөлмесі арқылы және азаматтардың ресми өтініштерінің бірыңғай жүйесі (e-Otinish) арқылы өтініштері негізінде жүзеге асырылады. 

ДАРХАН РАЗБАЙҰЛЫ ЖУРНАЛИСТ

https://www.youtube.com/embed/AnLN0P0gr9I?si=jycO86i41wuApQW3" 

Құрылысы жыр болған «Құрты-Бұрылбайтал» автожолы ақыры жөнделді. Сағызша созылған жолдың сапасын Президент те сынаған еді. Еліміздің үш облысын байланыстыратын бұл автомагистральдың зардабы әсіресе, жүргізушілер мен жолаушыларға жақсы таныс. «Алматы-Қарағанды» автожолының ұзындығы 81 шақырымды құрайтын осы учаскесінде соңғы жылдары жол апаты да көп болды. Сапасыз жолдың кесірінен жүргізушілер көліктеріміз жиі сынады деп шағымданды.

Ол проблемалар енді толығымен шешілген сыңайлы. Жаңа магистраль 4 жолақты 1-ші санаттағы тақтайдай жол. Бұрынғыдай емес, жүру уақыты да айтарлықтай қысқарды. Бұл өз кезегінде Қытай, Ресей мен Орталық Азия елдер арасындағы транзиттік тасымалдың өсуіне әсер етіп, Балқаш көліне баратын туристер санының артуына септігін тигізбек.

https://www.youtube.com/embed/vUf_i-smJ08?si=dTnqqGGBsIbTX7JQ" 

Қошқар-ата көліндегі рекультивациялау жұмыстары осымен төртінші рет себепсіз тоқтап тұр. Бұл жағдай ақтаулықтарды бейжай қалдырмады. Өңірлерді аралап жүрген мәжіліс депутаттары да аты шулы көлге қатысты пікірлерін білдіріп, қауіпті жерді тұмшалау жұмыстарының тоқтап қалғанына наразылықтарын білдірді.

Экологиялық тұрғыда өңірдегі ең қауіпті орын болып есептелетін Маңғыстау облысындағы Қошқар-ата қалдық қоймасында, 105 млн тоннадан астам түрлі қоқыс, соның ішінде 52 млн тоннаға жуық радиоактивті қалдық бар. Төрт мәрт белгісіз себептермен аяқсыз қалған көлдің тек 20 пайызы жасалынған. Мәжіліс депутаты Самат Мұсабаев, улы көл халық денсаулығына кері әсерін тигізіп жатқанын айтады. 

САМАТ МҰСАБАЕВ  ҚР ПАРЛАМЕНТІ МӘЖІЛІСІНІҢ ДЕПУТАТЫ «Президенттің тапсырмасы бар. 2023-ші жылдың аяғына дейін Қошқар-ата көмілу жұмысы толықтай аяқталсын деген. Бірде-бір тапсырма орындалмай тұрғо. Осы жұмыс бітпей тұр. Бұның енді бітпеуі осы елге, халыққа, жұртқа жасалған қастандық деп есептеймін. Біздер енді 1-ші қыркүйектен бастап жұмысқа шығамыз, әрі қарай тексеретін боламыз». 

Шығын шығып, өзін ақтамағаны әрине мердігер мекемені де жай қоймады. Қауіпті аумақ ғалымдармен зерттелген, залалы шаш етектен екені айтылған. Бірақ, тапсырыс беруші, қоршаған ортаны басқару департаменті атынан жасалған жұмыстан проблемаларды тауып, тоқтатып қойып отыр. 

ҒАЛЫМЖАН ОСПАНҚҰЛОВ МЕРДІГЕР МЕКЕМЕНІҢ ӨКІЛІ «Жана ғана осы мәселе бойынша жиналыстан шықтық. Мәжіліс депутаттары ашық айтты, сұрақтарын да қойды, қауіпті аумақтың зерттелгенін, оны одан әрі екінші рет қайталап зерттеудің қажеті жоқ екенін де айтты. Біз жұмысты жүргізгеннен кейін қаржылай жағынан да шығынға ұшырадық. Енді жасалған жұмыстардың да ақшасын күтумен жүрміз. Бүгінгі күнге дейін 5 млрд теңгеге жасалған жұмыстың АКТ қағаздары қолымызда тұр. Бізде авторлық және техникалық қадағалау орындарының қол қойған актілері тұр. Яғни, бізге автор тарапынан да, техникалық қадағалау тарапынан да ресми шағымдар жоқ».

Жұмыстың не себепті тоқтатылғаны белгілі болды. Себеп: жергілікті маслихат депутаттарының талап-арызы. Айтар болсақ, жоба құны 3 есеге қымбаттауы халық қалаулыларының наразылығын тудырған. Сондай ақ, радиациялық аумақтарды көміп жатқан құмның талапқа сай емес екендігі анықталған. Енді рекультивациялау жұмыстары қашан басталатыны әзірге белгісіз.