https://www.youtube.com/embed/SXu2zxJHuDk?si=M19484cAFp5YWCZr" 

Алматы облысы әкімінің бегітілген кестесіне сәйкес Тенше жағдайлар департаменті мен аудан әкімдіктері бірлесіп практикалық оқу-жаттығу шараларын ұйымдастыруда. Бұл жолы өңірге қарасты Жамбыл ауданында орын алды. Мамандар табиғаттың тосын мінезі орын алған жағдайда дереу әрекет ету жағдаятына құтқарушылар қаншалықты дайын, азаматтарды жер сілкінісі кезінде қалай,қайда эвакуциялау керектігін пысықтады.

НҰРЛАН ЕРТАСҰЛЫ АЛМАТЫ ОБЛЫСЫ ЖАМБЫЛ АУДАНЫНЫҢ ӘКІМІ

https://www.youtube.com/embed/eSkI6Gsbkcg?si=EOsa2XyjBDqGH9SC" 

Негізгі мақсатымыз- тілді дамыту.Алматыдағы білім шаңырағының бірінде қоғамдық - гуманитарлық пәндер кафедрасының онкүндігіне орай ағылшын тілін дамыту, оқушылардың тіл үйренуге деген қызығушылығын арттыру мақсатында “Ертегілер елінде”  деген тақырып аясында арнайы іс шара ұйымдастырды.  

СЕРІК ҚАСЫМҒАЛИҰЛЫ  Б.АТЫХАНҰЛЫ АТЫНДАҒЫ № 36 ГИМНАЗИЯ ДИРЕКТОРЫНЫҢ ТӘРБИЕ ІСІ ЖӨНІНДЕГІ ОРЫНБАСАРЫ: «Осы 10 күндік аясында  негізгі мақсатымыз- тілді дамыту соған байланысты балалар өздері қызығып қарайтын, кейінгі кезде түсірілген мультфильмдер ағылшын тілінде сол арқылы балалардың қызығушылығын арттырып жатырмыз.   Бүгінгі қойылым балалардың өздері күнделікті қызығып қарайтын персонаждардың қойылымын қояды.»

Білім шаңырағында қоғамдағы өзекті мәселелерге айрықша мән беріп отырады. Мәселен жастар арасында орын алатын буллингтерді алдын алу аясында түрлі дебаттар ұйымдастырады.Сонымен қатар шығармашылық қабілеттерін дамыту,салауатты өмір салтына баулу мақсатында игі бастамаларға мұрындық болуда.

https://www.youtube.com/embed/H6roeL4QUuk?si=VIKedR4BdO0PYbwL" 

https://www.youtube.com/embed/fXPl70KfcJY?si=OvIgIxG8IRuVwjLU" 

Теңге тағы құнсыздана ма? Ұлттық валютаны тұрақтандыру үшін ұлттық экономика министрлігінің алда қандай жоспары бар? Бүгін Сенат отырысында жоғары палата төрағасы Мәулен Әшімбаевты осы сауал мазалады. Одан бөлек депутаттар «Ұлттық қор – балаларға» жобасы аясында бірқатар мәселелерді көтерді. Толығырақ алдағы бейнематериалда. 

«Ұлттық қор – балаларға» жобасына бүгінде, соңғы деректер бойынша 7 миллиондай бала қатысуда. Ал, олардың нақты биыл қаншасы 18-ге толатыны әлі есептелмеген. Бірақ, ол балалардың қанша сома алатыны белгілі. Биыл кәмелет жасына толған әр бала 120-дан 130 долларға дейін қаражат алуға құқылы. Басты сұрақ: шоттағы қаражат инфляциядан қорғалған ба?

НҰРТӨРЕ ЖҮСІП ҚР ПАРЛАМЕНТІ СЕНАТЫНЫҢ ДЕПУТАТЫ:
«Ұлттық қордың инвестициялық кірісінің жартысы 18 жасқа дейінгі барлық балалар арасында жыл сайын бөлінуі тиіс. Аталған бағдарлама аясында биылғы жылдың 1 ақпанынан бастап Ұлттық қордан алғашқы қаражат Қазақстан азаматтары болып табылатын барлық балалардың Бірыңғай жинақтаушы зейнетақы қорындағы (БЖЗҚ) шоттарына аударылды. Бағдарламаға 6,9 миллион бала қатысуда. Осыған байланысты менің сұрағым: Ұлттық қордан мақсатты трансферттерді тарту оның активтеріне қалай әсер етеді? «Ұлттық қор – балаларға» бағдарламасының жүзеге асырылуына әсері қандай? Біз болашақ балаларымыздың қалтасына қол сұғып жатқан жоқпыз ба? 2024 жылдың және алдағы жылдардың қорытындысы бойынша әр балаға қандай сома аударылмақ? Бұл шоттағы қаражат әлемдік экономиканың өзгеруіне және инфляциялық үдерістерге байланысты құнсызданудан қалай қорғалады?».

МӘДИ ТӘКИЕВ ҚР ҚАРЖЫ МИНИСТРІ:«Өзіңіз айтып кеткендей, балаларға арналған ұлттық жоба биыл бірінші рет іске қосылды. 1 ақпанда 7 миллионға жуық балаға 100 доллар 52 центтен есептеп салдық. Бүгінде ол доллармен есептеледі. Екіншіден, ол сома қосымша инвестицияланады. Сондықтан ол өсіп отыр. Енді инвестициялық кіріске келсек, биыл біз 2,6 пайызбен санадық. Енді келесі жылы жалпы 3 пайызға инвестициялық өсім болады деп болжамдап отырмыз. Балалардың санын ескере отырып, 1 қаңтарда 118-120 доллар көлемінде болатын шығар деген болжам бар. Бірақ мұны 1 ақпанға дейін күте тұрайық. Дұрыстап есептеп, айтып береміз».

ТИМУР СҮЛЕЙМЕНОВ ҚР ҰЛТТЫҚ БАНК ТӨРАҒАСЫ:«Жалпы "Ұлттық қор – балаларға" бағдарламасы аясында әр балаға 130 доллардан есептеледі. 1 қаңтарға дейін дүниеге келген балалар мен 18 жасқа толғандарды есептеп, қосымша ақпаратты береміз. Ал инфляциядан қорғау шараларына келсек, бұл қаражат доллармен сақталады, сондықтан оның құнсыздану қаупі төмен» .

 Ал, Сенат төрағасы Мәулен Әшімбаев болса, теңге тағы құнсызданбас үшін үкіметтің алдағы жоспарын сұрады. Жауап мынадай: 

НҰРЛАН БАЙБАЗАРОВ ҚР ПРЕМЬЕР-МИНИСТРДІҢ ОРЫНБАСАРЫ – ҰЛТТЫҚ ЭКОНОМИКА МИНИСТРІ:«Сіздер білесіздер, қазір бюджеттің даму бюджеті дейміз ол бар болғаны 2 трлн теңге. Оның үштен бір бөлігін ауыл шаруашылығына жіберейін деп отырмыз. Біздің басты сүйенетініміз ол шетелден келетін валюталық инвестиция. Сол арқылы біз өз тарапымыздан осы жұмысты тиісті деңгейде жүргізіп, шетелдік инвестиция біздің ішкі валюта нарығы арқылы өтеді. Осылайша, біз нарықтағы валюта көлемін ұсыныс көлемін көбейтуге ат салымыз. Біздің басты мақсатымыз осы».

 Ұлттық экономика министрі келесі жылы елімізге шетел валютасында инвестиция тарту көлемі күрт көбейеді деген сенімде. Соның арқасында теңгені құнсызданудан сақтамақ жоспары бар. Айта кетейік, ақша айырбастау пункттерінде бүгін 1 доллар 525 теңге 11 тиыннан сатылып жатыр. 

https://www.youtube.com/embed/vGaNQZws72M?si=kPDomptza0nTbnW1"

Астанада студент Медина Майсардың Ғылым және жоғары білім министрлігіне берген арызы бойынша сот отырысы өтті. Еліміздің әртүрлі қалаларынан келген 24 талапкер Ғылым министрлігіне шағым түсірді, бірақ олардың көбі кейін грант алып, арыздарынан бас тартқан. Қазіргі таңда сотта алты талап арыз қаралып жатыр.

Биыл Ғылым және жоғары білім министрлігі су тасқынынан зардап шеккендер үшін ТЖ квотасы бойынша гранттар бөлуді шешкен еді. Осыған байланысты жоғары балл жинаған балалар грант ала алмай, ал олардан төмен балл жинағандар грант иеленген. Абитуриенттер, соның ішінде Алматыдан келген Медина Майсар, бұл әділетсіздікке наразылық білдіріп, әрі қарай өз құқықтарын қорғау үшін сотқа жүгінген. Студент пен оның қорғаушылары министрліктің 388-нөмірлі бұйрығын заңсыз деп тануды талап етуде. Олар Медина Майсардың менталдық денсаулығының бұзылғанын, сондай-ақ оның грант алу құқығының әділ бәсекеде бұзылғанын айтады. Сонымен қатар, моральдық шығындарды өндіру үшін талап-арыз беруді жоспарлап отыр. Іс арнайы ауданаралық әкімшілік сотта қаралды. Студентті адвокаттар Халида Ажигулова мен Галия Дюсембаева қорғады.

МЕДИНА МАЙСАР АРЫЗДАНУШЫ, СТУДЕНТ «Сот отырысында біз 2,5 сағат бойы Мемлекеттік білім беру гранттарын тағайындау туралы Ғылым министрлігінің 2024 жылғы 2 тамыздағы № 388 бұйрығының заңсыздығы туралы дәлелдер келтірдік. Біздің еліміздің Конституциясының 14-бабында кемсітушіліктің кез келген түріне, оның ішінде тұрғылықты жері бойынша да тыйым салынады. Қандай негізде кемсітушілік орын алды деп есептеймін?

Біріншіден, Білім және ғылым министрлігі ТЖ квотасы бойынша гранттарды бөлуге құқығы жоқ, өйткені мұндай квота қолданыстағы заңнамада қарастырылмаған. Гранттардың жаңа квоталарын тек Парламент бекіте алады, ал Министрлік квоталардың Мөлшерін ғана бекіте алады.

Екіншіден, квотаны төтенше жағдай орын алмаған аймақтарда тұратын, маған қарағанда төмен балл жинаған 7 талапкерге Заң мамандығы бойынша гранттар берілген. Оларға қандай негізде берілгені түсінксіз. Төтенше жағдайлар министрлігінің мәліметінше, 10 аймақта жалпы төтенше жағдай жарияланған. Оның үстіне тек 2 облыста – Батыс Қазақстан облысы мен Атырау облысы бойынша бүкіл облысқа төтенше жағдай енгізілді. Қалған аймақтардың барлығында төтенше жағдай тек жартылай ғана белгіленді. Сондықтан министрлік қандай негізге жүгініп 6 облысты таңдап алып, «төтенше квота» бойынша гранттарды тек осы облыстардың түлектеріне тағайындағаны мүлдем түсініксіз»

Іс бойынша мүдделі тараптар ретінде Медина Майсардың анасы мен Павлодар облысындағы бір абитуриенттің әкесі шақырылды. Қазіргі студенттердің ата-аналары олардың барлығы ҰБТ нәтижесін білген сәтте есеңгеріп қалғанын, өйткені балалары тыңғылықты дайындалып, тегін оқуға өтініш бергенімен бөлісті.

«Мен басымнан өткен жағдайды түсінгеннен кейін, басқа балалардың да дәл осындай жағдайды бастан кешіргенін қаламаймын. Мен еліміздің құқықтық мемлекеті ретінде осындай құқық бұзушылықтың енді қайталанбауына кепілдік бергім келеді. Айта кететін бір жайт, менің талап арызымда мен гранттар тізімін жоюды сұрамаймын. Мен бастан өткерген эмоционалды күйзелістерден кейін, мен патриот ретінде ең көп сенген министрлік тарапынан құқықтарым бұзылғандықтан, мен басқа балалардың да дәл осындай жағдайға тап болғанын қаламаймын. Бала құқығын мұндай өрескел бұзылуы заңсыз деп санаймын»

Арызданушылар Ғылым және жоғары білім министрінің No388 бұйрығы негізінде бөлінген 5 мыңнан астам грант заңсыз деп тануды талап етіп жатыр. 

https://www.youtube.com/embed/zi92t53LMbg?si=lRY4KxY2KTGBJaYz" 

Алматы қалалық полициясы кеше кешке айдауылдау қызметінің көлігінен қашып кеткен 1996 жылы туған К.Е.Аубакри іздеуде. Оқиға кешкі сағат 18:27-де Сүйінбай-Бекмаханов көшелерінің қиылысында болған.  Тұтқынның қалай қашып кеткені әзірге белгісіз.  Дереккөздердің хабарлауынша, оған ҚР Қылмыстық кодексінің 188-бабының 4-бөлігі (Аса ірі көлемдегі ұрлық) бойынша айып тағылуда.  Күдіктінің белгілері мен оның фотосуреттері тінтуді ұйымдастыру үшін патрульдік бригадаларға жіберілді.
Сүйінбай-Бекмаханов ауданында «План-Сирен» енгізілгені хабарланды.

САЛТАНАТ ӘЗІРБЕК АЛМАТЫ ҚАЛАЛЫҚ ПД РЕСМИ ӨКІЛІ «Қазіргі уақытта айдауылдау қызметінің қызметтік көлігінен қашып кеткен, бөтеннің мүлкін ұрлады деп айыпталған сотталушыны ұстауға бағытталған жедел-іздестіру шаралары кешені жүргізілуде.Сондай-ақ оқиғаның барлық мән-жайын анықтау үшін қызметтік тергеу басталды. Бұзушылыққа жол бергендер қатаң жауапкершілікке тартылатын болады.Оқиғаның мән-жайы анықталып жатыр».

https://www.youtube.com/embed/t8AA-SqVzQo?si=xh-df9Vf4QY3qL0d" 

https://www.youtube.com/embed/ODYXU5aJd2g?si=QRn2j1aYlFgv8zm6" 

Алматы облысында жұмысшы конвейер шұңқырына түсіп, жазым болды. Қайғылы оқиға "Байсерке Агро" ЖШС-де болған. 42 жастағы қызметкер алған жарақаттарынан оқиға орнында қайтыс болды. Аталған жағдайға қатысты Алматы облысының Полиция департаментінің баспасөз қызметі пікір білдіріп, еңбекті қорғау ережесі бұзылғанын мәлімдеді.

МЕРУЕРТ МОРЯКОВА  АЛМАТЫ ОБЛЫСЫ ПОЛИЦИЯ ДЕПАРТАМЕНТІНІҢ РЕСМИ ӨКІЛІ «Полиция қызметкерлері еңбекті қорғау ережелерін бұзу фактісі бойынша қылмыстық іс қозғады. Қазіргі уақытта жиналған материал тиісті тексеруді ұйымдастыру үшін еңбек инспекциясына жіберілді, оның нәтижелері бойынша түпкілікті процессуалдық шешімі қабылданады»

https://www.youtube.com/embed/lNoyKWGtKxg?si=kqeMtagAazrAdppc" 

Тәуелсіздік күніне орай Алматы облысында ұлттық ат спорты түрінен жастар арасындағы чемпионат өтіп жатыр. Көкпар, аударыспақ, жамбы ату және тенге ілу бойынша ұйымдастырылған жарысқа  Алматы облысының барлық аудандары мен Қонаев қаласынан 100-ден аса спортшы қатысуда.  

Дүбірлі доданының жүлде қоры 2 600 000 теңге. Жарыс «Gúlnar Baq» демалыс базасының ипподромында өткізіліп жатыр. Көкпарға 10 команда қатысып, бақ сынасты. Аударыспақта спортшылар 52 келі салмақтан бастап 90  келі жоғары салмақ дәрежелерінде сынға түседі. Жамбы ату қазақ және корей стильдері бойынша өтеді.

ЕРБОЛАТ САРАБЕКОВ АЛМАТЫ ОБЛЫСЫНЫҢ ДЕНЕ ШЫНЫҚТЫРУ ЖӘНЕ СПОРТ БАСҚАРМАСЫНЫҢ БАСШЫСЫ «Алматы облысы чемпионатын өткізіп отырмыз қазіргі таңда. Осы спортшылардың арасында іріктеліп, Алматы облысының құрама коммандасына алынатын болады. Өздеріңізге белгілі жамбы ату, аударыспақ, теңге ілу, саятшылық сынды ұлттық спорт түрлері қарқынды дамып келеді. 2/30 – 2/43 Жастар, ересектер арасындағы чемпионаттың ішінде таңдалған жігіттер Алматы облысының намысын қорғап, ҚР чемпионатына қатысады».  

Тенге ілуде қатысушылар үш стильде: «бес белес», «қос құлаш» және «жеті құт» бәсекеге түспек. Ұйымдастырушылар ұлттық ат спорты түрлерін насихаттау арқылы жастардың спорттық шеберлігін арттыруды мақсат еткенін атап өтті. Ал сынан сүрінбеген ойыншыларды Алматы облысының ұлттық ат спорты түрлерінің құрамасына іріктеліп алынбақ. 

https://www.youtube.com/embed/jqqChO6L5e4?si=-DPtjM1XDz--fLAg" 

Қазпошта жұмысы жанданады. Енді танымал шетелдік интернет дүкендердегі тапсырыстарды Казпошта арқылы алдыртуға болады. Бұл әсіресе, шалғайда орналасқан ағайын үшін қуанышты жаңалық болғалы тұр. Қысқасын айтқанда тауарды маркетплейстерден үйге жеткізу жеңілдейді. 

Бүгін Мәжіліс депутаттары «Пошта қызметін жетілдіру» туралы заңға енген өзгерістерді бірінші оқылымда мақұлдады. Толығырақ алдағы бейнематериалда. «Пошта туралы» заң 2016 жылы қабылданған. Бар-жоғы 45 баптан тұратын шағын заң. 2016 жылдан бері бұл заңға өзгеріс енгізілмеген жыл жоқ екен. Жыл сайын енгізілген. Бір жылда бір рет өзгеріс енгізілсе, бір сәрі, алайда жылына бірнеше реттен өзгеріс енгіземіз. Заңның тұрақтылығын қашан қамтамасыз етесіздер? Бұл заңның сапасыз екенінің көрінісі ме? Бұған дейін неге бірден қамтымадық? Тоқсан сайын осы заңды қарап отырамыз ба?» Осылай деген депутат Абзал Құспан пошта туралы заңға биыл бесінші рет өзгеріс енгізілгелі жатқанын айтып, сынады. Ал, өз кезегінде Цифрлық даму, инновациялар және аэроғарыш өнеркәсібі вице-министрі Асхат Оразбек қазір бәрі тез өзгеріп жатқан заман, сондықтан бұл орынды процесс дейді. Бұл пікірді Казпошта басшысы мақұлдап отыр. «Заңнамаға толықтырулар мен өзгерістер енгізіп, заманға сай ету керек. Өйткені нарықта бәсекелестеріміз көбейіп жатыр. Поштаның аяққа тұрып, беделді болуына қолдау көрсетіп жатқандарыңызға өзімнің және 20 мың пошташының атынан алғыс айтқым келеді. Осы заң бізге стратегия жасауға үлкен көмек береді. Жыл сайын технология өзгеріп жатқандықтан біз жылдамырақ болуымыз керек». Депутаттар келтірген дерекке сенсек, Қазпоштада қазір 3 мың мекеме бар, онда 20 мың адам жұмыс істейді. Олардың ай сайынғы алатын жалақылары 160 мың теңге. Ал, осы ұйымды басқарып отырған басшының айлығы 1 млн 200 мың теңге. Оны Әсел Жанасова жасырмады. Алайда, қатардағы пошташылар үшін 160 мың теңге жеткілікті дейді. Кей елді мекендерде олар тіпті күніне екі сағаттай ғана жұмыс істейді-мыс. Айтпақшы, поштада тек қызмектерлер ғана емес, тиым салынған заттарды анықтайтын иттер де бар. Олардың көмегімен биыл есірткі жіберудің 7 дерегі анықталған. «Біз құқық қорғау органдарымен байланыс орнатқан жалғыз жеткізушінің бірі шығармыз. 2 жылда біз не істедік? Біз бүгінде мұндай мәселе барын түсініп, құқық қорғау органдарына осындай деректерді анықтауға көмектесіп жатырмыз. Біріншіден, біздің қоймаларда және сұрыптау орталықтарында арнайы иттер жұмыс істейді. Олар (есірткіні) анықтайды. Барлық жерде рентген аппараттары қойылған. Биыл біз есірткі салынған 7 деректі анықтап, құқық қорғау органдарына материалдарды бердік. Былтыр 5 дерек тіркелген болатын».

Сонымен депутаттар заңды қабылдамас бұрын Қазпоштаға өңірлерде дәрі-дәрмектерді жеткізу бойынша логистикалық әріптес болуына мүмкіндік беру керек деді. Бұл оператордың инфрақұрылымын сақтап қалуға, дәрі-дәрмекпен қамтамасыз ету рәсімдерінің ашықтығын қамтамасыз етуге және болашақта дәрі-дәрмектерді «есікке дейін» жеткізуді ұйымдастыруға мүмкіндік береді. Аталған заң бірінші оқылымда мақұлданды. Одан бөлек, мәжіліс отырысында депутаттар қыз алып қашу мәселесін көтерді. «Қыз -тауар да емес, зат та емес» деп қыз өсіріп отырған депуттар дабыл қақты. «Тәрбие мәселесі өзекті. Ол күлетін зат емес. Бәріміз қыз асырап отырмыз. Қыз алып қашу етек алып кеткен жағдай. ХХІ ғасырда әке-шешісімен келіспей, қызбен сөз байласпай, көшеден көрінген адамды салып алу дұрыс емес. Ол тауар емес, зат емес, ол – адам. Мұндай жағдай оның тағдырына әсер етеді. Ал бұл  қоғамдағы үлкен дерт. Бұл мәселеге қылмыстық жауапкершілік қарастыру керек. Қарсы болып жүрген мемлекеттік органдарды түсінбеймін. Яғни олар оны қолдап отыр. Қызды сыйлау, қызды құрметтеуді балабақшадан бастап баланың миына құю керек. Себебі қыз – ол болашақ ана. Егер біз болашақ ананы қорғамайтын болсақ, онда мемлекеттік болашағы жоқ деген сөз. Ол күлетін, ойыншыққа айналдыратын дүние емес. Бұл мемлекеттің қауіпсіздігі». Біз дамыған, жетілген, мәдениетті қоғамда тұратын болсақ, мәдениетті болуымыз керек деген депутаттар қазақ жігіттеріне Парламент төрінен үндеу жасады. 

https://www.youtube.com/embed/kx7ZUVKQR7U?si=F-FE82K5uRWKnbp3" 

https://www.youtube.com/embed/F2coYDh4QF0?si=D2p7YUMOKIB8l-GL" 

Қазынашылық комитетіне аудит жүргізген Жоғары аудиторлық палата  бюджет қаражатын басқару және төлемдерді жүргізу бөлігінде жүйелі кемшіліктерді анықтады. Комитет бюджет кодексінің нормаларын өрескел бұзған. 2021-2023 жылдарды екі жыл бойы қазынашылық комитеттегілер бағалы қағаздарды бастапқыда жоспарланған көлемнен артық шығарып отырған. Қайта республикалық бюджеттің қолма-қол ақшаны бақылау шотындағы қаражат қалдығының болжамы оң болған дейді жоғары аудиторлық палата.Нәтижесінде бюджетке келген шығын 124 млрд теңгені құрайды. 

АРДАҚ ТЕҢГЕБАЕВ ЖОҒАРЫ АУДИТОРЛЫҚ ПАЛАТА МҮШЕСІ «Жүргізілген аудит нәтижесінде бюджет қаражатын басқару және төлемдерді жүргізу бөлігінде жүйелі кемшіліктер анықталды. Жобаларды қазынашылық сүйемелдеу шеңберінде қосалқы мердігерлер үшін мемлекеттік сатып алу шоттарын ашу мемлекеттік кірістер органдары жүргізген тәуекелдерді талдау нәтижелерін үнемі ескере бермейді. Бұл жағдай жобаларға жосықсыз қосалқы мердігерлерге қатысуға жол береді. Сонымен қатар мемлекеттік сатып алу шоттарынан төлемдерді ақшаны түпкілікті алушылардың банк шоттарына аударуды аумақтық қазынашылық органдары олардың тауарларды, жұмысты немесе көрсетілетін қызметтерді өндіруші мәртебесін растамай іске асырған».