https://www.youtube.com/embed/C06KgXC5SsE?si=dOG_1hvG5XY2nteZ"

Көкшетау қаласындағы Застанционный шағын ауданында орналасқан №14 орта мектепте күрделі жөндеу жұмысы  15 мамырда басталған. Тамыз айының соңында, жөндеу жұмысы аяқталуы тиіс еді. Бірақ, мердігер ұйым білім ошағының бір бөлігін жөндеуді уақытылы аяқтап үлгермеуде.

Осы уақытқа дейін, мектепке жөндеу жұмыстары жүргізіліп, шатыры ауыстырылған. Жөндеу жұмыстары тәулік бойы екі ауысымда жүріп жатыр. Тек, жұмысшылардың аздығынан жұмыс кестеден кешеуілдеуде.

АЙҚЫН САБЫРОВ, УЧАСКЕ БАСТЫҒЫНЫҢ ОРЫНБАСАРЫ: «Кішкене үлгермей жатырмыз. Біз бәрін құрылыс нормалары мен ережелеріне сәйкес жасаймыз. Арасында техникалық мәселелер де болды, бірақ, қазір оның барлығы шешілді. Материал әкелінуде. 10-ыншы қыркүйекке дейін біз бұл мектепті толығымен аяқтаймыз. Қазіргі уақытта терезе блоктарын орнату, терезе төбесін орнату сынды жұмыстар жасалуда».

Санаулы күннен кейін, жаңа оқу жылы басталады. 1 қыркүйекте бастауыш сынып оқушылары баратын сыныптар әлі дайын емес. Осы жағдайға оқушылардың ата-аналары алаңдауда.

АНАСТАСИЯ ӘСЕНОВА, КӨКШЕТАУ ҚАЛАСЫНЫҢ ТҰРҒЫНЫ:«Мердігер айтқан уедесін орындамай отыр. Бұл жерде бастауыш сынып оқушылары үлкен сынып оқушыларынан бөлек оқуы керек. Енді, оқу жылы басталғанда мектепте бөгде адамдар да болмақ. Сонымен қоса, құрылыс жұмыстары да жүргізіледі. Мен, әрине, кәсіби құрылысшы емеспін. Соның өзінде, қарасаңыздар бұл жерде жұмыстың 80%-ы орындалмағанын көруге болады. Бізге электр желілерінің өткізілгенін  айтқан. Бірақ, жөндеу жұмысы басталғалы төрт ай өтті. Тіпті, бұрынғы ескі аспашамдар да ауыстырылмаған».

НҰРЛАН СӘПЕНОВ, КӨКШЕТАУ ҚАЛАСЫНЫҢ ТҰРҒЫНЫ: «Терезелер жоқ. Егер жаңбыр жауса, қабырғаларға ылғал өтеді. Енді осыны көріп тұрып, қандай болған жөндеу жұмыстар туралы айтуға болады? Егер мердігер технологияны шынымен ұстанатын болса, мұның бәрі ылғал өтпей тұрып жабылуы керек. Осының барлығын басқа адамдарға көрсетіңіз. Олардың бәрі мектеп қаншалықты жаңа оқу жылына дайын екендігі туралы қорытындыны өздері шығарсын».

Жөндеу аяқталғанға дейін, балалар мектептің басқа бөлігіндегі сыныптарда оқиды. Бұл оқушылар үшін де, мұғалімдер үшін де бірқатар қиындық туғызбақ.

https://www.youtube.com/embed/8RwvAkq7sRo?si=PdmNsHw9Z0rz2T7y" 

Алматыдағы Саялы ықшам ауданының тұрғындары тұрып жатқан үйлерінің жер төлесін су басты деп арнамызға шағымданды.Жаңбыр жауса жандарын шөберекке түйіп отырған тұрғындардың мұң-мұқтажына кезек берсек.

ДАРХАН РАЗБАЙҰЛЫ ЖУРНАЛИСТ

Жаңбырменен жер көгерер деген қазақы тәмсіл Саялы ықшамауданындағы 102 үйдің тұрғындарының қорқыныштарына айналған. Ел аман жұрт тынышта берекелерін кетірген жертөледегі жағдаймен өздері алысып келе жатқандарына да біраз уақыт болған. Жаңбырдан соң су сорғы құралымен тұрғындар өздері құрғатып алуға мәжбүр. Жағдай бұлай жалғаса берсе ипотекаға алған үйіміз тұруға жарамсыз болып қала ма деп көрер таңды көздерімен атқызуда.

Мәселенің бәрі тұрғын үйлердің ауласындағы арықтардың дұрыс жасалмағаны,немқұрайлылық танытқан істің нәтижесі осы дейді 102 үйге қарасты меншік иелері бірлестігінің директоры Бауыржан Күзербаев

БАУЫРЖАН КҮЗЕРБАЕВ МЕНШІК ИЕЛЕРІ БІРЛЕСТІГІНІҢ ДИРЕКТОРЫ

Алдымызда жаңбырлы күз келе жатыр,мәселені кеш қалдырмай қолға алмақ болған тұрғындар біздің түсірілім тобымызбен әкімдікке келді.Ондағылар мәселеден хабардар.

Алатау ауданының әкімдігі мәселені жылы жабуға тырысып,жағдайдың алдағы күндері реттелетіндігін алға тартты.Тұрғындар берген уәде орындалмаса,тиісті жауыпты органдарға жүгінеміз деп бекініп отыр.

"https://www.youtube.com/embed/HTXXOjGvRqc?si=gAI-7QHDjI3rVOuL"

Биыл көмір орташа есеппен 15 пайызға қымбаттады. Алайда, көрші мемлекеттермен салыстырғанда бізде 2-3 есеге арзан. Сондықтан, министрлік көмір бағасын реттемейді. Бұл туралы бүгін орталық коммуникациялар қызметінде өткен брифингте Индустриялық даму комитеті төрағасының орынбасары Тұрар Жолмағамбетов айтты.

ТҰРАР ЖОЛМАҒАМБЕТОВ ҚР ИНДУСТРИЯ ЖӘНЕ ИНФРАҚҰРЫЛЫМДЫҚ ДАМУ МИНИСТРЛІГІ ИНДУСТРИЯЛЫҚ ДАМУ КОМИТЕТІ ТӨРАҒАСЫНЫҢ ОРЫНБАСАРЫ: «Шектеуге келетін болсақ. Өзіңізді кәсіпкердің орнына қойып көріңізші. Егерде мен кәсіпкер болатын болсам, көмірдің бағасын реттейтін болса немесе оның көмірдің экспортын тағы реттейтін болса, мен ешқашан ақшамды салмаймын ол бизнеске басқа мемлекет реттемейтін бизнеске саламын. Бұл жерде баланс болу керек. Сол себепті біз көмірді әлеуметтік бағаны реттемейміз. Біз келісім арқылы. Яғни көмір шығаратын өндірушілермен отырып, келісіп сол бағаны қарастырып, ойластырып жылма-жыл осындай бағаны белгілеп отырамыз».

Бүгінде республика бойынша 9,1 миллион тонна қажетті көмір қоры бар. Оның 2 миллионы аймақтарға жеткізілген. Қоймада сақтаулы. Күн суыта салысымен сатыла бастайды. Жауапты министрлік өкілдері биыл жылдағыдай ажиотаж болмайды деп сендіріп отыр.

https://www.youtube.com/embed/9TStg5e5F54?si=tIeOrQhIcdVnY5ju

Алматы облысы Балқаш ауданында жол жөндеу жұмыстары қарқын ала бастады.Аймақта Кеңес үкіметі тұсында салынған жолдар, ауыл азаматтарының құтын қашырған болатын.Жергілікті биліктің базынасы,облыстық әкімдікке жетті.Бюджеттен 1 млрд 300 миллион теңге бөлінді.Қазір жол жөндеушілер ауданға қарасты тозығы жеткен жолдарды жөндеп жатыр.

АСҚАР ИБРАЕВ «БАЛҚАШ ЖОЛДАРЫ» ЖШС ДИРЕКТОРЫ

Жолдың сапасын сапа орталығы мен техникалық бақылаушылар күнделікті қадағалап отыр. Жүк көліктерінің ойып кеткен жерлеріне арнайы топырақтар төгіліп,бетіне асфалть төселуде.Айта кетейік жол жөндеп жатқан мердігер мекеме аймаққа қарасты Топар,Көкжиде,Бірлік ауылдарының жолдарын қалпына келтірген.Алда өзге де ауылдардың жолдарын жөндеу жоспарда тұр.

АСҚАР ИБРАЕВ «БАЛҚАШ ЖОЛДАРЫ» ЖШС ДИРЕКТОРЫ

"https://www.youtube.com/embed/pv1Kb9UDKhA?si=4rBiH0kiSZgm3QvY"

Бүгін Алматы қаласында «Азаматтарға арналған үкімет» мемлекеттік корпорациясы филиалының өкілдері зейнетақыны қалай дұрыс рәсімдеу керектігін және бұл үшін қандай құжаттар қажет екенін айтты.Зейнетке шығуға алдын ала дайындалу қажет. ХҚКО-на құжаттардың түпнұсқаларын ұсынып, зейнетақы аударымдарының бар-жоғын мұқият тексеріп, тиімді нұсқаларды есептеу қажет. Сонымен қатар, құжаттарды туған күнінен 10 күн бұрын тапсыру керек. Егер, қандай да бір құжат болмаса, мысалы, еңбек кітапшасы болса, ұйымнан мұрағат анықтамасын ұсынуға болады. Басқа жағдайда сотқа жүгініп, судьяның шешімін ұсыну қажет.

Еске сала кетейік, жасына байланысты зейнетақы төлемдерін тағайындау 2001 жылғы 1 шілдеден бастап - 63 жасқа толған ер адамдарға, 58 жасқа толған әйелдерге жүргізіледі.

НАЙЛА МҰХАМЕТҚАЛИЕВА ЗАҢДЫ ЖӘНЕ ЖЕКЕ ТҰЛҒАЛАРМЕН ЖҰМЫС ІСТЕУ ЖӘНЕ ЭЛЕКТРОНДЫҚ ІС МАКЕТТЕРІН БАҚЫЛАУ БАСҚАРМАСЫНЫҢ БАСШЫСЫ:

«Тұрғылықты жері бойынша ХҚКО филиалдарына жүгінген кезде өзімен бірге мынадай құжаттар болуы қажет:- жеке басын куәландыратын құжат.Еңбек кітапшасы (немесе мұрағат мекемелерінің анықтамалары).Білімі туралы құжат,әскери билет немесе қорғаныс істері жөніндегі басқарманың (бөлімнің) анықтамасы.Неке туралы куәлік (тегі өзгерген кезде).Балалардың туу туралы куәліктері (туу туралы актілік жазбадан үзінді немесе - азаматтық хал актілерін тіркеу органдары берген азаматтық хал актілерін тіркеу туралы анықтама) және басқалар».

Сонымен қатар, Алматы қаласында жыл басталғалы жеті ай ішінде жасына байланысты зейнетақы төлемі бойынша 4280 өтінім берілген. Мемлекеттік базалық зейнетақы төлемі бойынша 4871. Портал арқылы өтінім бергендер саны – 18. Халыққа қызмет көрсету орталығы бойынша 4853 сұраныс түскен.

"https://www.youtube.com/embed/ATgx08QqjM0?si=77KgYTcw2gpz6srO"

Стэнфорд университетінде зерттеуге қатысып жатқан науқастардың бірі - Пэт Беннетте бүйірлік амиотрофиялық склероз қойылған. Яғни, сирек кездесетін дерттің бірі. Бұл уақыт өте келе мидың нашарлауына алып келеді.Амиракалық ғалымдар осындай науқастарға сөйлеу қабілетін қайтаруға болады деп үміттенеді. Олардың  мақсаты - жүйеге сымсыз қосылатын шағын құрылғы жасауда.

Моторлы нейрондардың жұмысы тоқтатылуы мен мерзімінен бұрын өлуінің нәтижесінде науқастың жүйке жүйесі зақымдалады. Ал бұл өз кезегінде, нейрондардың ендігәрі пациенттің бұлшық еттеріне сигнал жібере алмайтынын білдіреді. Осылайша, бұлшық еттер қозғалмайды да атрофиялануды бастайды.Бүгінгі күні ми сигналдарын тілге аударатын компьютерлік бағдарламалық қамтамасыз ету өте жетілмеген. Зерттеушілер оны жасанды интеллект көмегімен жақсартуға тырысуда.Сигналдарды тілге декодтау үшін миға мидың сөйлеу сигналдарын қабылдайтын арнайы имплант орнатылды.

ДЖЕЙМИ ХЕНДЕРСОН, НЕЙРОХИРУРГИЯ ПРОФЕССОРЫ:  «Жүйке мен ми белсенділігін және ағылшын тілінің жеке фонемаларымен байланыстыратын сигналдар бағдарламалық қамтамасыз ету алгоритмі арқылы өтеді. Екінші кезеңде деректер автоматты түрде тіл үлгісі арқылы түзетіледі. Содан соң экранда мәтін ретінде шығып, ең соңында стандартты бағдарлама арқылы мәтінді дауысқа түрлендіреді.»

Он сегіз жыл бұрын 47 жастағы Энн ми инсультінен зардап шекті. Міне, сөйлеу қабілетін жоғалқанына 17 жыл болды.Салдары қайтымсыз.Бірақ денсаулық жағдайы нашарламайды. Бұл уақыт өте келе Эннің ми сигналдарының  әлсіремейтінін білдіреді. Айта кетсек, ол зерттеулерде қатысуда.Жаңа сөйлеу түрлендіргішінің қате деңгейі қазір шамамен 125 мың сөз үшін 24% құрайды. Егер сіз бұл санды 50 негізгі сөзге дейін азайтсаңыз, онда қателердің ықтималдығы 9% дейін төмендейді.

"https://www.youtube.com/embed/CwZVsQoAaTQ?si=CgjhW8BcE_1JBtxW"

«Көптеген туристер Гавайиді еске түсіргенде гүл алқаларын елестетеді. Аралдың тұрғындары осы гүлдерді «Лей» деп атайды. Жергілікті тұрғындардың мәденитінде бұл қонақжайлылықтың белгісі есептеледі. Келген қонақтарға деген құрметті көрсету үшін, мойынадарына «Леи» тағады

КАРВЕР УИЛСОН, ШЕБЕРХАНА ИЕСІ:  «Гүлдер басқалар үшін бақыт пен қуаныш көзі, сонымен қатар маңызды оқиғаны білдіретін символ.»

Гүл алқалары мерекелер мен жерлеу кезінде жасалынады. Біреу дүниеден өткенде ол адамды лейді мұхитқа түсіру арқылы шығарып салады.

МОРИН УИЛСОН, ШЕБЕРХАНА ИЕСІ: «Негізінде гүлдерді мереке күндері сыйлайды. Көпшіліктің пікірі бойынша, адамды жерлеу мерекеге жатпайды. Бірақ та біз бұл адамның қайтыс болғанын емес, сүріп біткен өмірін тойлаймыз ғой. Сондықтан  гүл сыйлау міндетті түрде қажет.»

Тамыздың басынан басталған орман өрттері Гавайи тұрғындарына көп қиыншылық әкелді. Қазіргі таңда аталмыш гүлдер, оларға трагедиялық оқиғаларды ұмытуға көмектесуде.

МОРИН УИЛСОН, ШЕБЕРХАНА ИЕСІ:  «Осы трагедия мен азаптан кейін бақытты күндер келуге тиіс. Сол кездегі мейрам үшін гүлдер керек боп қалар.»

Бұрынғы заманда «лейді»  Гавайи тайпаларының көсемдері киген болатын. Сол уақыттары  алқаларды тістерден, шаштан, тіпті сүйектерден де істеген. Ал қазір осы құралдардың орнына гүлдер, жапырақтар, жемістер мен тұқымдарды қолданады.Айта кетейік, Гавайи аралдарында 1-ші мамырда тойланатын «лей» күні бар. Жергілікті тұрғындар осы мейрамда өздерінің ұлттық киімдерін киіп, түрлі-түсті шерулер өткізеді екен.

"https://www.youtube.com/embed/XMai4K6dslg?si=YGXP-S8utJNX5SUa"

Женевадан жеткен жағымды жаңалық! Қазақтың тазысы Әлем чемпионатында топ жарды. Халықаралық кинология федерациясы ұйымдастырған жарысқа еліміздің атынан Тұмар мен Вангелия есімді 2 тазы ит сынға түсті. Олардың екеуі де жеңіске жетті. Тұмар атты тазы «Өз тұқымындағы үздік» және «Женевадағы Әлем кубогының жеңімпазы» атанса, Вангелия - Әлем кубогындағы «Үздік ардагер» әрі «Ұрғашы иттер арасындағы үздік» деп танылды.Бұл жаһандық жарысқа 20 мыңнан астам ит қатысқан болатын. 

ЕЛЕНА ХАРДИНА КИНОЛОГ

«Қатты қобалжыдым. Алайда, барлығы сәтті өтті. Көңіл күйім керемет. Менің міндетім күш-қуаты толысқан, дені сау тазыларды өсіріп, халықаралық көрмелерге апару, елімізде шыққан төлтума ит тұқымын әлемге таныту болды. Мақсатыма жеттім деп ойлаймын»

 Ал жуырда Қазақстанның кинологтар қауымдастығы осы FCI (Эф-Си-Ай) ұйымының толыққанды мүшесі атанған. Бұл өз кезегінде тазы мен төбеттерге халықаралық деңгейдегі жарыстарға қатысуға мүмкіндік береді. Еске сала кетейік, былтыр Мемлекет басшысы Қасым-Жомарт Тоқаев қазақтың Тазы және Төбет ит тұқымдарын сақтау және оны жаңғырту жұмыстарын үйлестіруді  тапсырған болатын. Міне, содан бері жауапты мекеме қызу жұмыс үстінде. Жоғарыда айтқан жеңіс осы атқарылған еңбектің жемісі.

https://www.youtube.com/watch?v=UyqAulezoAU&t=1s

"https://www.youtube.com/embed/DY882rdbDt4?si=caygmnXlBz9bv4oU"

Индонезиядағы ең ірі автосалон – халықаралық «Гайкиндо» автосалонында электромобильдер айтарлықтай орын алды. Көрме Джакартаның шетіндегі Тангеранг қаласында өтті.

Ел билігі экологиялық таза көліктердің сатылымын арттыруға ұмтылуда. Биылғы сатып алушылар мен былтырғыларды салыстырғанда 26 мың электр көлікке көбірек сатып алады деген үмітпен салық жеңілдіктерін енгізді.

АРИФ СЬЯРИФУДИН MG MOTOR INDONESIA КОМПАНИЯСЫНЫҢ ҚЫЗМЕТШІСІ:«Біз жаңа ғана (салонда) 10 000-нан астам электр көліктерін саттық. Бұл Гайкиндо автосалонындағы жалпы сатылымның бар болғаны 1%-ын құраса да, бұл электромобильдерге деген көзқарастың қаншалықты тез және қарқынды өзгеретінін көрсетеді.»
Дегенмен, сатып алушылар әлі де сақ болуға тырысады.

GAIKINDO КӨЛІК САЛОНЫНЫҢ ҚОНАҒЫ: «Менің ойымша, Индонезия нарығына келгенде, сіз орташа және төмен табысы бар адамдар туралы да ойлануыңыз керек. Қазіргі бағамен электромобильдер қолжетімді емес.Мүмкін,қытайлық брендтер арзанырақ, бірақ қалғандары әлі де қымбат.»
GAIKINDO КӨЛІК САЛОНЫНЫҢ ҚОНАҒЫ: «Адамдарды электромобильдерге қызықтыру үшін бағасынан бастау керек. Олар 60% төмен болуға тиіс. Қазір бағасы 40-60 000 доллар аралығында. Бірақ электромобильдердің құны 13-19-26 мың доллар, тіпті $10,000 болуы керек. Сондай-ақ зарядтау станциялардың санын ұлғайту қажет».
Ескерте кетсек, бағаның қымбаттығы мен зарядтау стансаларының тапшылығы басқа елдерде әлі де мәселелердің бірі болып тұр.Сонымен қатар, Индонезия 2030 жылға қарай 600 000 электромобиль шығаруды мақсат етіп қойды. Бұл ағымдағы жылдың бірінші жартыжылдығында сатылған өнімнен 100 есе көп.

"https://www.youtube.com/embed/xlXRnhlaZAY?si=kOAYkU1AXbIeV_JI"

Еуропадағы Google және Tiktok тәрізді ірі компаниялар Ғаламторды зиянды ақпараттардан тазалау үшін белгілі бір шешімдерді қабылдауға мәжбүр.

Ғаламтор пайдаланушысының қауіпсіздігі жайында Еуропалық комиссия жаңа цифрлық ережелерді енгізуде. Осылайша, геноцидті немесе анорексияны насихаттау сияқты заңсыз деп саналатын болмаса платформаның қызмет көрсету шарттарын бұзатын мазмұнды таратуға жол бермейді.Әлбетте, бұл ережелер еуропалықтардың жеке өмірі мен сөз бостандығы туралы құқығын қорғауға тиіс.

ДЖУЛИАН ЯУРШ, ЦИФРЛЫҚ ТЕХНОЛОГИЯ МАМАНЫ: «Бәлкім, тұтынушылардың ойынша, ендігәрі онлайн-платформалар ережелерді орнатпайды. Бірақ та бүкіл Еуропалық Одақ үшін ережелер бір.»

Еуропалық комиссия осы жаңа ережелерді сақтауға мәжбүр 19 ірі платформаны таңдаған.Солардың ішіне Aliexpress, TikTok, App Store, YouTube, Google Play, Pinterest, Wikipedia, Snapchat, LinkedIn, Booking.com және де Twitter кірген.Қоса кетсек, енді ғаламторда заңсыз онлайн мазмұнды және күмәнді өнімдерді белгілеу мүмкіндігі пайда болды. Тұтынушы белгілеген қателерді жоғарыда айтылып кеткен компанияларға түзеуге немесе өшіруге тура келеді. Amazon және Zalando неміс сән сатушысына жаңа шектеулер ұнамай, осы жағдай үшін сотқа берді.

ОРЕЛИ КОЛЬЕ ZALANDO ӨКІЛІ: «Егер сізде заңсыз мазмұн немесе заңсыз өнімдер қаупі нөлдік болса, сіз жай ғана қоғамға қауіп төндіретін платформалар санатына жатпайсыз.Заландо оған қатысты емес.»
Егер компаниялар жаңа ережелерді бұзса, олар әлемдік табысының 6% көлемінде айыппұл төлеуі мүмкін. Яғни, бұл миллиардтаған еуроны құрамақ.

"https://www.youtube.com/embed/T_6I_C6rZ3M?si=NezCRp1sfZio12mI"

Бүгін Алматы қаласының Өңірлік коммуникациялар қызметі Алматы хайуанаттар бағында пресс-тур өткізді. Онда журналисттер жануарлардың қалай тамақтанатынын көріп, олардың қамқоршыларымен танысып қайтты.

ШОЛПАН МАРАТҚЫЗЫ ЖУРНАЛИСТ:

Алматы қаласында орналасқан хайуанаттар бағының жер көлемі 26,6 га жуық. Мамандардың айтуынша, саябаққа Еуразия, Орталық Азия, Африка, Арктика сынды көптеген ірі мемлекеттерден аңдар әкелінген.

СЕЙІЛХАН АҚЫЛБЕКОВ АЛМАТЫ ХАЙУАНАТТАР БАҒЫНЫҢ ДИРЕКТОРЫ: «Биылғы жылы бізде аңдардың 362 түрі бар. 4900 жуық бас бар. Негізінен 7 бөлімге бөлінеді. Олар: жыртқыш аңдар, құстар, экзотикалық құстар, приматтар бөлімі, тұяқтылар бөлімі, аквариум, экзотариум. Зоопаркте 273 адам жұмыс жасайды. Оның 70%-ы жұмысшылар. Олар аңдарға қарайтын киперлер, құрылысшылар, аула тазалаушылар».

Айта кетейік, осы жылы саябаққа көптен күткен франциялық сусамырлар жеткізілген. Олар күніне 35-40 келі тамақпен қоректенеді. Былтыр аңдардың 21 түрінен 71 бас төл алынса, биыл осы айтылған 365 аңдардың 35-нен 97 төл алынған. Сонымен қатар, хайуанаттар бағында 4 көлшік бар. Оларға биыл күзде арнайы су тазартатын қондырғылар орнатылған. Мамыр айының басында суға 3000 жуық майшабақ жіберілген. Олар 2 жылдың ішінде 35 см дейін жететін болады. Салмақтары 500-700 гр аралығында болмақ. Бұл майшабақтар ақ аюларды, пеликандарды және жыртқыш құстарды қоректендіруге қолайлы болмақ. Саябаққа кіру құны – ересектерге - 800 теңге, 7-12 жас аралығындағы балаларға – 300 теңге. Қазіргі уақытқа дейін саябаққа 750 мың адам келген. Келушілер қатарында туристер де жетерлік.

РЕСЕЙЛІК ТУРИСТ: «Сәлеметсіздер ме! Біз Ресей мемлекетінің азаматтарымыз. Біз Алматының әсем табиғаты мен оның үлкен хайуанаттар бағын көру үшін, Дубай қаласынан келдік. Мен көптеген хайуанаттар бағында болдым. Бұл жер Ресейдегі саябақтарға ұқсайды. Сондай әдемі әрі үлкен. Алдағы уақытта, тағы да жануарлар түрін көбейтуге болады деп ойлаймын. Осы орайда тур ұйымдастырушыларға алғыс білдіреміз. Солардың арқасында саяхаттап, көрмеген ғажайыптарды көрудеміз».

«ULUSH TRAVEL» ТУР-АГЕНТТІКТІҢ ҚЫЗМЕТКЕРІ: «Сәлеметсіздер ме! Біз Қырғызтан мемлекетінің «ULUSH TRAVEL» компаниясының қызметкерлеріміз. Біз бұл хайуанаттар бағына жиі туристерді алып-келіп тұрамыз, себебі оларға бұл жер қатты ұнайды»

Еске сала кетейік, бүгін саябақта «Қарбыз науқаны» басталды! Енді, саябаққа кірерде билет орнына дарбыз өткізіп, өзіңіз таңдаған жануарды қоректендіре аласыз. Науқан – 10 қыркүйекке дейін жалғасады.

КҮЛЗИНАТ КӘДІРБАЕВА ДЕМАЛУШЫ: «Еліміз аман, жұртымыз тыныш болсын! Мынау сабақтан алдын барлық балдарымыз, қыздарымыз зоопаркке келіп, тамашалап, көңілдерін көтеріп. Енді, құдай қаласа 9 ай оқимыз деп, мына осы зоопарктен дер кезінде қанша жәндіктерді тамақтандырып, осыны қыста жауратпай, жазда ыстықтатпай өстіп бағып отқан азамат, азаматшаларға мың да бір рақмет!»

МАЛИКА ЖАЛҒАСБАЕВА ДЕМАЛУШЫ: «Біз Қызылорда қаласынан, Алматы қаласына қонаққа келген болатынбыз. Зообаққа келдік. Өте керемет іші. Ерекше жануарлар бар екен. Біз көрмеген. Біз Шымкентте көргенбіз. Бірақ, ояқта жоқ жануарлар да бар екен. Бізге ұнады. Әсіресе, балаларға. Керемет! Келулеріңізге кеңес беремін».

Келесі жылдан бастап, саябақта 4 гектар жер көлемін алатын ауқымды құрылыс жұмысы басталмақ. Жоба жоспары бойынша, арнайы аңдарға арналған жылыжайлар мен ас дайындайтын бөлім салынбақ. Сметалық жобаның құжаттары аяқталса, жұмысшылар келесі жылдан бастап іске кіріспек.