https://www.youtube.com/embed/hF96byjWsl4?si=9xuL1fdL-0Gt68Fe" 

Мемлекет басшысы Қасым-Жомарт Тоқаев Нью-Йорк қаласына сапарында БҰҰ Бас Ассамблеясының 78-сессиясы аясында өткен Жалпы дебатқа қатысты.Ең биік халықаралық мінберде сөз алған Қазақстан Президенті адамзат баласы бұрын-соңды басынан өткермеген аса үлкен сын-қатерлермен бетпе-бет келіп отырғанын және геосаяси қақтығыстардың жаңа кезеңіне өткенін мәлімдеді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:«Бұған БҰҰ Жарғысындағы халықаралық құқықтың негізгі принциптерінің бір мезетте бұзылуы себеп болып отыр. Құқықтық темірқазықтың жойылуы қазіргі халықаралық қатынастар жүйесіне уақыт өткен сайын ауыртпалық түсіріп, түрлі қарама-қайшылық тудырады. Басты халықаралық құқықтық құжаттардың тәртібін сақтамау, тоқтатып қою және оны тәрк ету тәжірибесі – өте алаңдатарлық жағдай. Өйткені мұның соңы адамзаттың араздығына әкелуі мүмкін. Бұл жағдай сауда жүйесін бұзады, экономиканың өзегі саналатын тасымал тізбегін әлсіретеді, сондай-ақ азық-түлік қауіпсіздігіне зардабын тигізіп, инфляцияның қарқынын күшейтеді. Қазіргі қалыптасқан кері үдеріс адамдардың қайғысын қалыңдата түседі. Әлемде 108 миллион адам мәжбүрлі түрде босқынға айналды, 1 миллиардтан астам адам кедейлікте өмір сүріп жатыр, 2 миллиард адам негізгі дәрі-дәрмектерге қол жеткізе алмай отыр. Ақыр соңында адамзат болашақта әлемнің тұрақты дамуына сенімін жоғалтуы ықтимал. Өскелең ұрпақ өздеріне мұра болып қалатын әлемнің енді жақсаратынына сенбейді. Сондықтан Қазақстан БҰҰ Жарғысының қағидаттарына өзінің мызғымас адал екенін тағы бір рет мәлімдейді».

Қасым-Жомарт Тоқаевтың айтуынша, БҰҰ Бас Асасамблеясына жиналған көшбасшылар адамзаттың тағдыры мен болашағына жауапты.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Диалог – жаңа принциптер мен нормалар бойынша келісімге қол жеткізуге мүмкіндік беріп, қолайлы орта қалыптастырудың жалғыз жолы. Қабылданып жатқан барлық шешімге қарамастан, әлемнің көптеген аймағында қақтығыстар жалғасып жатыр. Біз барлық тарапты БҰҰ Жарғысы мен халықаралық құқықтың жалпыға бірдей нормаларын негізге ала отырып, қақтығыстарды реттеудің дипломатиялық жолын іздеуге шақырамыз. Осы орайда Қазақстан Украина дағдарысын саяси реттеуді қолдайтын түрлі мемлекеттер мен елдер топтары ұсынған барлық бастамалар мен жоспарларды жоғары бағалайды. Халықаралық дауларды шешуде әрқашан дипломатия мен диалог басшылыққа алынуы керек. Сондықтан біз қазіргі жаһандық институттардың жалғыз жүйесін тұрақтандыруға барынша күш салуымыз қажет».

Қазақстан Президентінің айтуынша, адамзат бетпе-бет келген барлық сын-қатерлердің ішінде ядролық қаруды қолдану қаупі ең жойқыны болуы мүмкін. 30 жыл бұрын Қазақстан Кеңес өкіметінен мұраға қалған төртінші ядролық арсеналынан өз еркімен бас тартты.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Сондықтан ядролық күн тәртібінің логикасын қайта қарау керек. Ядролық державалар арасында ядролық қарудан ада әлем құру жолында өзара сенім мен ынтымақтастық болғанда ғана жаһандық тұрақтылықты қамтамасыз ете аламыз. Осыған байланысты Қазақстан Ядролық қаруға тыйым салу туралы шартты қатаң сақтайтынын мәлімдейді. Біз қарусыздану және қаруды таратпау саласы бойынша жаңа тетіктерді дамытуды қолдаймыз. 2045 жылға қарай ядролық қарудан толық бас тартудың стратегиялық жоспары қазіргі көшбасшылардың жаһандық қауіпсіздікті қамтамасыз етуге қосқан ең маңызды үлесі болуы мүмкін».

Мемлекет басшысы COVID-19 пандемиясының ауыр салдары болашақ биологиялық қауіп-қатерлер алдында дәрменсіз екенімізді көрсетіп бергеніне назар аударды. Осыған байланысты Қазақстан Ассамблеяның Бас хатшысы мен Төрағасына Биологиялық қауіпсіздік жөніндегі халықаралық агенттік құру процесін бастау туралы үндеу тастады. Бұдан бөлек Қасым-Жомарт Тоқаев өз сөзінде Орталық Азия өңіріндегі су тапшылығы трансшекаралық өзендер бассейнінде күрделі экономикалық және басқа да мәселелер туындатып отырғанына назар аударды. Мұндай жағдай келешекте бүкіл әлемде байқалады. 2040 жылға қарай суға жаһандық сұраныс ұсыныстан 40 пайызға асып кетуі мүмкін.

https://www.youtube.com/embed/xkvfT5ahLkc?si=NcoqTCn-EdXJhbLr"

https://www.youtube.com/embed/Go6SeKCRDV4?si=SoDfK-7G293UwdUO" 

https://www.youtube.com/embed/msgrlnOHTFM?si=ustjm_D-iGLnfVkv" 

Ата-аналар мен ұстаздардың ортақ ымырада жұмыс жасауы,баланың жетістігі мен кемшілігін қадағалауға мүмкіндік береді.Бүгінде Оқу-ағарту министрлігі тарапынан айтулы бағытқа мән беріле бастады. Алматы қаласындағы № 205-ші мектеп қабырғасында «Ашық есік» күні ұйымдастырылды. 140 тан астам ұстазы, 2000 ға жуық оқушысы бар білім ордасы ата -аналар мен қонақтарға есігін айқара ашты.Шараға қамқоршылық кеңесінің мүшелері де қатысты.

Балаларының мектептегі тыныс-тіршілігімен жақынырақ танысуға ата-аналармен бірге ата, әжелер де қызығушылық танытты.Мектептегі баласының бір күндік өмірімен танысу, ата-аналардың ең басты мақсаты екені белгілі. «Ашық есік» күнінің негізгі мақсаты мектептің білім беру базасы ғана емес, оқушының жеткен жетістіктері мен кемшіліктерін тізе қосып саралау,яғни тәрбие дейтін ортақ құндылықпен жұмыс жасауды мақсат тұтады.

ГҮЛНАР ДӘУЛЕТОВА АЛМАТЫ ҚАЛАСЫ АЛАТАУ АУДАНЫ №205 ЖАЛПЫ БІЛІМ БЕРЕТІН МЕКТЕПТІҢ ДИРЕКТОРЫ:

Балалар телефонға телмірген заманда, олардың бос уақытын немен өткізетінін ата-аналар тарапы жіті қадағалап отыруы тиіс. Ал мектеп тарапынан сапалы білім беру басты міндеттің бірі.Екі бағыт бірлесе үйлесімін тапса,өзекті мәселелер өз шешімін табатыны сөзсіз.Айтулы мектеп қабырғасында салауатты өмір салтына ерекше мән беріледі,сонымен қатар ұлттық ойындар мен қол өнерге баулу, дұрыс жолға қойылған. Ұстаздар қауымы «Ашық есік» шарасын тұрақты түрде өткізіп тұруды күн тәртібіне енгізіп отыр.Келешекте де,бала тәрбиесі мен білімін жіті қадағалау үшін кері байланысты жандандыра бермек ниетте.

https://www.youtube.com/embed/VbujX3ki5as?si=FMEbZzE7pE08bYII" 

Алматы тұрғындары дәстүр бойынша қыркүйектің үшінші жексенбісінде Қала күнін атап өтті. Биыл мереке Абай алаңындағы «Алматы жүрегімде» халықаралық байқауынан басталды. Сондай-ақ Алматының барлық сегіз ауданында концерттер, көрмелер, флешбомдар, фестивальдар ұйымдастырылды. Мерекенің ажарын Тұңғыш Президент саябағында өткен «Alma Fest» фестивалі аша түсті. Қала күніндегі ең жарқын сәттерді келесі сюжеттен бірге көрейік.

Алып шаһар Алматының төл мерекесі жыл сайын ерекше аталып өтеді. Биыл да солай болды. Жексенбі күні алматылықтар таңмен таласа Абай алаңына жиналды. Әсем әуен, күмбірлеген күй, театрландырылған көрініс, шат-шадыман думан қала тұрғындары мен қонақтарына тамаша көңіл күй сыйлады. Шара барысында шаһар басшысы Ерболат Досаев мегаполистің дамуы мен өркендеуіне елеулі үлес қосқан 10 адамды «Алматы қаласының құрметті азаматы» атағымен марапаттады. Олардың қатарында ғалымдар, дәрігерлер, суретшілер, қоғам қайраткерлері бар.

СӘТ ТОҚПАҚБАЕВ АЛМАТЫ ҚАЛАСЫНЫҢ ҚҰРМЕТТІ АЗАМАТЫ: «Алматыда тудым, мектеп, университет бітірдім. Негізгі қызметім Алматыда өтті. Аз жыл ғана шетелде жұмыс істедім. Бұрынғы Алматымен қазіргі қаланы салыстыруға келмейді. Нөлден бастап, әсем қалаға айналды».

Мерекеге қатысқандар 1980-90 жылдардағы көріністерді тамашалады. Сол кездегі дүкен сөрелері, газды сусын сататын аппараттар 30-40 жылға артқа саяхаттауға мүмкіндік берді. Сондай-ақ әлемдегі ең үлкен рубик текшелерінің мозаикасы орнатылды. Мозаика 5040 текшеден жиналды, осылайша Гиннестің рекордтар кітабына енді. Ал, Тұңғыш Президент саябағы алып алма баққа айналады. Алма жәрмеңкесінде Талғар, Қарасай, Еңбекшіқазақ және Ұйғыр аудандарынан шамамен 45 бау-бақша серіктестігі 125 тонна жеміс әкелді. Мұнда алманың 13 түрі көпшілікке ұсынылды. Атап айтсақ, американка, кандиль, Айнұр, Салтанат, Рашида және гала мен апорт секілді сорты бар. Мерекенің әр қонағы өзіне ұнаған алманың дәмін татып көрді.

РОЗА БАЖИКОВА АЛМАТЫ ҚАЛАСЫНЫҢ ТҰРҒЫНЫ: «Сүйікті қаламыздың туған күні құтты болсын!Жылда Алма фестиваліне келеміз. Алматы гүлдене берсін, өркендей берсін».

Сондай-ақ іс-шара кезінде суретке түсуге арналған түрлі орындар ұйымдастырылып, концерттік бағдарлама қойылды. Қазақтың ұлттық ойындары ойнатылды. Ересектер қол күрестіріп, күш сынасты. Оқушылар боз кілемде мықтыны анықтады. Ал балалар болса, тоғызқұмалақтан жарысты.

ҚУАНЫШ ӘБДІРАХМАН АЛМАТЫ ҚАЛАСЫНЫҢ ТҰРҒЫНЫ:«Барлық алматылықтарды қала күнімен құттықтаймын. Алматы көркейсін. Ең бастысы жаңа дүниелермен дами берсін».

Бір мезгілде мегаполистің 8 бірдей ауданында және Панфилов пен Жібек жолы көшеcінде «Туған күніңмен, Алматым!» атты фестиваль өтті. Бұдан бөлек, қолөнер жәрмеңкесі, заманауи өнер көрмесі, жергілікті суретшілер мен дизайнерлердің шеберлік сыныптары ұйымдастырылды. Шараның басым бөлігі алып шаһардың тарихына арналды.

https://www.youtube.com/embed/3L2Dgrd4zEI?si=m4hcHijqw9sn0EcP" 

Биыл Семей ядролық полигонының жабылғанына 32 жыл, Чернобыль апатына 37 жыл толды. Еліміз егемендікті алғанда атом қаруынан бас тарту туралы қаулы қабылдады. Осылайша елді дүрліктіріп, жерді сілкіндірген жарылыс аймағына қара құлып салынды. Бүгін Талдықорғанда "Радиациялық апат құрбандарына" арналған ескерткіш ашылды.

Қазақ жеріндегі нәубеттің бірі - Семей ядролық полигоны. 1949 жыл. 29 тамыз. Таңғы сағат 7. Ешбір ескертусіз алғашқы атом бомбасы сынақтан өтті. 40 жыл уақыт ішінде аумақта 456 рет дүмпудің дыбысы естілді. Жарылыстан жан тапсырғандардың саны әлі де белгісіз. Ал, 1986 жылы Украинада атом-электр стансасының төртінші блогы жарылды. Апатты залалсыздандыруға 40 мыңға жуық қазақстандық қатысты. Араға жылдар салып Жетісу жерінде қос апаттың құрбандарына арналған алып ескерткіш бой көтерді.

ТОЛЫБЕК ДАНАБЕКОВ СЕМЕЙ-ПОЛИГОН МҮГЕДЕКТЕР ЖӘНЕ АРДАГЕРЛЕР ҰЙЫМЫНЫҢ ТӨРАҒАСЫ: «Үлкен шара болып жатыр. Өйткені көріп тұрғандай артымызда Семей-Чернобыль ардагерлері құрбан болған үлкен ескерткіш ашылып жатыр. Осы ескерткішті ашуға жаңа айтып кеттім, облыс әкімі қаланың әкімі қаланың акиматтың жұмысшылары үлкен үлес қосып, бүгінгі күні ашып жатырмыз. Қазақстанда теңдесі жоқ қандай биік ескерткіш Біз бүгін өте қуаныштымыз. Мына жерге келіп, тағзым етіп гүлімізді қойып келіп еске алатын орын деп ойлаймын».

Рухани шара апат құрбандарына тағзым етіп, гүл шоқтарын қоюдан басталды. 1 минут үнсіздік жарияланды. Мұнан соң, оқушылар сарайында салтанатты жиын өтті. Онда Талдықорған қаласы әкімінің "Құрмет" грамотасымен Семей ядролық сынақ полигонының ардагерлері марапатталды. Сондай -ақ, жетісулық бір топ азаматқа «Семей – Полигонының жабылуына 30 жыл» төсбелгісі табысталды.

«Ел бастап отырған азаматтарды, даналарымды сақта. Бала шағасын сақта, өмірін сақта. Келешегіңді сақта Алла баласымен сақта, жеріңді данасымен сақта елінді құдіретті осындай азаматтармен сақта».

Құрбандарға арналып, Жеңіс саябағында бой көтерген ескерткішке облыстық бюждеттен 90 млн жуық қаражат бөлінген. Ескерткішті орнатуға 1,5 айға жуық уақыт кетті. Бұл атом энергиясының адамзатқа әкелген қасіретін ескеріп, тарихтан сабақ алуға бағытталған шара дейді қала әкімі.

ЕРНАТ БӘЗІЛ ҚАЛА ӘКІМІ:
«Әркім өзінің тарихын білмесе, ел өзінің тарихын білмесе бұндай елде болашағы болмайды. Сондықтан тарихты біліп отыру керек. Кезінде сондай апат болды. Мына Қазақстан елімізге бағанада айтып отыр 25 мың солдаттан барғаннан бүгінгі күні 4-ақ мыңы қалыпты. Сондықтан бұл үлкен зиян келтірді біздің халыққа. Сондықтан өздері баратын зәулім скульптура қойылған. Бүгін осы бекітілдік, ашылдық соған міне куәгер болып отырмыз».

Адамзат баласы үшін ядролық қару қаупі әлі сейілген жоқ. Оны тоқтату үшін де түрлі саяси дипломатиялық шаралар жүріп жатыр. Қазақстан – жойқын атом қаруының зардабын ең көп тартқан және одан өз еркімен бас тартқан ел.

https://www.youtube.com/embed/CmGufdiXLTc?si=OccK5bkKfxdQA5Kk"

Үндістанның Керала штатының оңтүстік-батысында Нипах вирусының бесінші кезеңі анықталды. Енді халық өлімге әкелетін вирустың таралуына жол бермеуде. Себебі, Кералада осы дерттен жақын арада 2 адам қаза болған.

Вирустың бесінші кезеңі белең алғаннан кейін, биліктегілер Кожикода ауданындағы мектептерді, университеттерді және мемлекеттік мекемелерді жапты. Дәрігерлердің бақылауында 2 ересек адам мен 1 бала бар. Ақ халаттылар індетті жұқтырғандардың контактілерін де анықтауда. Соңғы екі күнде 800-ге жуық адам тексерілген.

ВИНА ДЖОРДЖ КЕРАЛА ДЕНСАУЛЫҚ САҚТАУ МИНИСТРІ: «Біз 30 тамызда қайтыс болған бірінші марқұммен байланыста болғандардың барлығынан тест алдық. Сонымен қатар, ауру жұқтырған науқастар емделетін ауруханалардан медициналық комиссияны жинау қажет. Әр 12 сағат сайын денсаулық сақтау бөліміне медициналық қорытынды жіберілуі тиіс».

Нипах вирусы әдетте жеміс жейтін жарғанаттардың кейбір түрлері арасында таралады. Ол басқа жануарларға да, адамдарға да жұғуы мүмкін. Аурудың белгілері қызба, бас ауруы, жөтел және сананың шатасуы. Әзірге ауруды жеңетін вакциналар немесе дәрілер жоқ. Ауруханалар тек симптоматикалық ем жүргізеді. Ауру жұқтырғандардың 50-75 пайызы қайтыс болады. Тірі қалғандарда ұстама сияқты асқынулар болуы мүмкін. Ауру алғаш рет 1998 жылы Малайзияда анықталған. Кейінірек індет Сингапур, Үндістан және Бангладеште тіркелді. Барлығы қазірдің өзінде 700-ден астам жұқтырған адам қайтыс болды.

https://www.youtube.com/embed/CuiwvehpYa8?si=AjOEn6YRZjhBBgpi"

Марокколық әскерилер жойқын жер сілкінісінен кейін баспанасыз қалған адамдарды азық-түлікпен уақытша баспанамен қамтамассыз етуде. Амизмиз қалашығы - ең көп зардап шеккендердің қатарында.

Бұл палаткалы лагерьде 1500-ден астам адам тұрады. Сарбаздар оларға тәулік бойы тамақ дайындауда.  Алдымен әйелдер мен балаларға, 
содан кейін ер адамдарға қызмет етеді.

ДЖАММО АДЖАМИЛЬ -АМИЗМИЗ ТҰРҒЫНЫ:

"Әскерилер бізді дәрі-дәрмекпен қамтамассыз етіп отыр. Біреудің ауырып жатқанын біле қалса өздері ем-дом жасауды.  Олар тіпті 
түнде де бізден хабар алып тұрады".

Марракеш – Сафи аймағында 6,8 баллдық жер сілкінісі 8 қыркүйекте орын алды. Эпицентрі Атлас тауларында болды. Эль-Хауз провинциясындағы шағын қалалар қатты зардап шекті. 3000-ға жуық адам қайтыс болып, 5500-ден астамы жарақат алды.

Құтқарушылар әлі де үйінділерді бөлшектеп, тірі қалғандарды іздеуде. Бірақ қазір операция зардап шеккендерді қолдауға басымдық берілген екінші кезеңге өтті. Адамдарды уақытша баспана, тамақ, су және дәрі-дәрмектермен қамтамасыз етуге тырысуда. Ал Амизмиздегі бұл лагерьде жергілікті фосфат өндіретін компанияның жұмысшылары өз еркімен балаларға арналған ойын алаңын жасап жатыр.

ФАТИМА ЗАХРА – АМИЗМИЗ ТҰРҒЫНЫ: "Мен олардың мұны біз үшін жасағанына өте қуаныштымын. Енді балалармен ойнай аламыз".

Ата-аналар ойын алаңы балаларына апат кезінде бастан кешкендерін ұмытуға көмектеседі деп үміттенеді. Бұл жер сілкінісі Мароккода 1960 жылдан бергі ең қауіпті және соңғы 120 жылдағы ең күштісі болды. Ел билігі зардап шеккен әрбір отбасына 3000 доллар төлеуге уәде береді. Сонымен қатар, адамдар уақытша баспанамен қамтамасыз етіледі.

https://www.youtube.com/embed/qBB2YuyfbTs?si=5pt4DY4Bpsu_Ia-V" 

Маңғыстау облысының прокурорлары бағалау құны 145 млн теңгеден асатын «маңғыстау облыстық тері-венерологиялық диспансері» коммуналдық кәсіпорнын мемлекетке қайтарды. Бұған дейін кәсіпорын Үкіметтің Денсаулық сақтау объектілерін мемлекет иелігінен шығаруға салынған тиымына қарамастан, кейіннен сатып алу құқығымен 5 жыл мерзімге «Қарақия оңалту орталығы» ЖШС-не сенімгерлік басқаруға берілген болатын. Бүгінгі таңда сенімгерлік басқаруға беру шарты бұзылып, мүлік қайтадан мемлекеттің басқаруына қайтарылды.

ОЛЖАС АЙТУАРОВ МАҢҒЫСТАУ ОБЛЫСЫ ПРОКУРАТУРАСЫНЫҢ ҚОҒАМДЫҚ МҮДДЕЛЕРДІ ҚОРҒАУ БАСҚАРМАСЫНЫҢ ПРОКУРОРЫ

https://www.youtube.com/embed/kt70Z-7z4S8?si=sJiSPyqJvASxcWwD" 

БҚО-да жан түршігерлік жол апаты бір отбасыдан 6 адамның өмірін қиып кетті. Оқиға 17 қыркүйек күні Самара-Шымкент тас жолында, Теректі ауданының Бекей кенті маңында орын алды. Жол-көлік оқиғасынан ерлі-зайыптылар мен олардың 4 баласы қаза тауып отыр. Бүгін өткен брифингте БҚО ПД басшылығы осы оқиға бойынша анықталған мәліметтерді БАҚ өкілдеріне жеткізді. Ерлі-зайыптылар мектепте мұғалім болып қызмет атқарған. Автокөлік салонындағы балалардың екеуі оқушы, қалған екеуі 5 және 1 жарым жаста.

ЖАНБОЛАТ ЖАНШИН БҚО ПД БАСТЫҒЫНЫҢ БІРІНШІ ОРЫНБАСАРЫ:

«Даф» жүк көлігінің жүргізушісі апаттың алдын алуға тырысқан», - дейді Жаншин. Жеңіл автокөлік иесіне дыбыстық сигналды басып, жолдың оң жақ бетіне өткен. Бұл белгіге қарамастан, Лада приора маркалы темір тұлпар ауыр жүк көлігінің тіркемесіне түйіскен. Айта кетсек, Даф көлігінің жүргізушісі алкогольдік ішімдік тұтынбаған. Жол-көлік оқиғасы салдарынан машина аударылып, азаматтың денсаулығына зақым келген. Бүгінде ҚР Қылмыстық кодекстің 345-бабы бойынша тергеу амалдары жүргізілуде.

https://www.youtube.com/embed/7kq5NEsCPF0?si=PxC94vw-CoOpc4LF" 

Kaspi Bank бөлімшесінің қызметкерлерін кепілге алып, ақша аударуды талап еткен Әлихан Мурадовқа қатысты сот шешімі шықты. Ол 7 жыл 6 айға бас бостандығынан айырылды. Еске сала кетсек, биыл 18 маусымда қаруланған ер адам елордадағы банк ғимаратында бірнеше кісіні тұтқында ұстап, ата-анасына ақша аударды талап еткен болатын.

ӘБИНҰР ҚАРАБАЕВ СУДЬЯ:

«Әлихан Мұрадовты Қылмыстық кодекстің 261-бап, 2-бөлім, 4 және 8, 9-тармақтары бойынша (4 және 8-тармақтар қаруды немесе заттарды қолдана отырып, екі және одан да көп адамды кепілге алу) кінәлі деп танылып, 7 жыл 6 айға бас бостандығынан айыру жазасы тағайындалсын».

https://www.youtube.com/embed/GlRMcQwE1bw?si=tCGxorKofrn3SRdc" 

«Қазақстан» шахтасындағы бес адамның өліміне әкелген апатқа жұмыс беруші кінәлі. Жазатайым оқиғаны тергеу мақсатында құрылған үкіметтік комиссия осындай шешімге келген. Жұмыс берушінің 100% кінәсі анықталып, заңнаманы бұзуға жол берген 28 жауапты тұлға ұсталды деді Қарағанды орталық коммуникациялар қызметінде өткен брифингте төтенше жағдайлар министрі Сырым Шәріпханов.

Бес бірдей кеншінің өмірін жалмаған «Қазақстан» шахтасындағы өрт бір ай болды әлі сөнген жоқ. Апаттық учаскені оқшаулау туралы шешім қабылданған. Өмірін өлімге тігіп, 800 метр тереңдікте қызыл жалынмен арпаласып жатқан құтқарушыларға төрт еселенген жалақы төленеді деді жауапты мекеме басшысының орынбасары. Осы апаттан кейін құрылған үкіметтік комиссия өрттің шығуына мына жағдайлар себеп дейді.

СЫРЫМ ШӘРІПХАНОВ ҚР ТӨТЕНШЕ ЖАҒДАЙЛАР МИНИСТРІ: «Біріншіден, көмір конвейеріндегі өрт конвейердің кептелген және көлеңкеленген ролигіндегі таспа төсемінің үйкелуіне байланысты болды. Екіншіден, көмір конвейеріндегі өрт механикалық энергияның жылу энергиясына ауысуы салдарынан, жолақ төсемінің конвейердің кептелген және бекітілген ролигіне үйкелуіне байланысты болды. Үшіншіден, «Қазақстан» шахтасының инженер-техникалық құрамы тарапынан өндірістік бақылаудың болмауы. Сондай-ақ, қауіпсіздік техникасының сақталмауы және энергия-механикалық қызмет бақылауының әлсіздігі анықталды».

Сондай-ақ, министр апаттан қаза тапқандардың отбасы қандай әлеуметтік көмек алатынын айты.

СЫРЫМ ШӘРІПХАНОВ ҚР ТӨТЕНШЕ ЖАҒДАЙЛАР МИНИСТРІ: «АрселорМиттал Теміртау» жерлеуді өткізу бойынша қажетті көмек көрсетті. Сондай-ақ әрбір отбасының жылдық жалақысының 10 есе мөлшерінде төлемдер берілді. Қаза тапқандардың балаларына 18 жасқа толғанға дейін және ЖОО-да оқуға түскен кезінде қаржылай қолдау көрсетіледі».

Айта кетейік, «Қазақстан» шахтасында қайғылы оқиға 17 тамызда болған еді. 5 адам қаза тауып, 16 адам түрлі дене жарақатын алды. Арселлор Миталл Теміртау компаниясының басшылығының ауысуына қатысты ақпаратқа Қарағанды облысы әкімінің орынбасары ол уақыттың еншісіндегі дүние деп қысқа қайырды.