https://www.youtube.com/embed/I7fiMkqLO6s?si=6bb9ypdVOQjDTyoY" 

Президент Қасым-Жомарт Тоқаев Алматы облысына жасаған іс сапары барысында Қонаев қаласының Бас жоспарымен танысты.

«Урбостиль» ЖШС директоры Любовь Нысанбаева Мемлекет басшысына облыс орталығының аумағы 2050 жылға қарай 19 мың гектарға ұлғайып, халық саны 200 мың адамға жетеді деген болжам жасалып отырғанын айтты.

Қаланы дамыту және жаңа мәдени-қоғамдық орталық салу үшін «Жаңа-Іле» алаңы таңдалып алынды. Онда әлеуметтік-тұрмыстық, мәдени, тұрғын үй, білім беру және рекреациялық нысандар салу көзделген.

Жүйе құраушы кластерлер мен кәсіпорындарда 20 мыңнан астам жұмыс орнын ашу жоспарланып отыр. Бұл 30 мыңнан астам адамды жұмыспен қамтитын көптеген шағын және орта бизнес субъектісінің құрылуына ықпал етеді.

Алматы облысының әкімі Марат Сұлтанғазиев Мемлекет басшысына қоғамдық жағажайды абаттандыру жобасын таныстырды.

Әкімнің айтуынша, бірегей жобаның – ұзындығы 1000 метр болатын су променадының құрылысы басталады. Оны алдағы уақытта 3000 метрге дейін жеткізу көзделген.

Кездесу барысында облыс басшысы өңірді цифрландыру мәселесіне ерекше назар аударды.

Президентке 67 әлеуметтік нысанды жоғары жылдамдықпен жұмыс істейтін интернетке қосу жобасының жүзеге асырылуы, сондай-ақ 5G жобасын одан әрі іске асыру үшін жалпы ұзындығы 104 шақырым талшықты-оптикалық байланыс желісінің төселуі жөнінде мәлімет берілді.

Қаладағы қоғамдық қауіпсіздікті үздіксіз мониторинг жасау мақсатында 412 бейнебақылау камерасы орнатылып жатыр. Алматы облысының мектептерінде қауіпсіздіктің интеграцияланған жүйесін құру аталған бастамалардың маңызды бөлігі саналады.

Жоба аясында облыстың 125 мектебіне Жедел басқару орталығына қосылған 4 мың камера орнатылады. Бұл платформа ықтимал қауіптерге қарсы жылдам әрекет етуге және қолайлы білім беру ортасын құруға мүмкіндік береді.

Мемлекет басшысы қызанақ пен көшет өсіруге маманданған «Lst Agro» ЖШС жылыжай кешенін аралап көрді.

Жылыжай кешенінің жалпы аумағы – 7 гектар. Онда жылына 3650 тонна қызанақ өсіріледі. Кешенге 5,2 миллиард теңге көлемінде инвестиция құйылған. Мемлекеттік қолдау шаралары «Даму» қоры арқылы көрсетіледі.

Президентке кәсіпорында тамшылатып суару, тұмандату және көмірқышқыл газын өндіру жүйелері жұмыс істейтіні туралы баяндалды.

Жылыжай кешеніндегі суару құралдарын, климаттық және энергетикалық жабдықтарды басқару жүйесі толығымен автоматтандырылған, сондай-ақ ол арнайы компьютерлік бағдарлама көмегімен жүзеге асырылады. Мұнда суды тазартудың заманауи технологиясы да енгізілген.

Қызанақ өсірудің озық голландтық әдісінің нәтижесінде компания өнім көлемін бірнеше есе ұлғайтып, сапасын жоғарылатуға қол жеткізді. Өнімнің басым бөлігі экспортталады.

Кешенді аралап көрген Мемлекет басшысы өндірілетін өнім түрлерімен танысып, жаңа жұмыс орындарын ашу және азық-түлік қауіпсіздігін сақтау үшін осындай инвестициялық жобаларды іске асыру маңызды екенін атап өтті.

Қасым-Жомарт Тоқаев ауыл шаруашылығы тауарлары мен құрылыс материалдарын өндірушілердің көрмесіне барды.

Көрмеге аграрлық сала бойынша ет, құс, сүт және балық өнімдерін өңдеу кәсіпорындарының, сондай-ақ шырын, сусын өндірушілердің, көкөніс және жеміс өңдеушілердің тауарлары қойылды.

Мемлекет басшысы шаруалармен әңгімелесу барысында өңірдің климаттық жағдайы мен мегаполиске жақын орналасуы бұл салаға инвесторлар тартуға зор мүмкіндік беретінін атап өтті.

Президенттің айтуынша, өңірде ерекше бағыт – түйе шаруашылығы қарқынды дамып келеді және аталған сала экспорт үшін зор әлеуетке ие.

Президентке отандық құрылыс материалдарының көптеген түрі көрсетілді.

Қазақстанда өнеркәсіптік және азаматтық нысандар құрылысының толық циклін қамтамасыз ететін тауарлар өндіріледі.

Атап айтқанда, көлденең желімделген ағаш, құрама темірбетон және бетон құрылғылары, автоклавты газоблоктар, талшықты цемент плиталары мен шыны мақта, құрғақ құрылыс қоспалары мен әрлеу материалдары, бояулар мен жабындылар, алюминий профильдері, панельдер, диодты шамдар, есік тұтқалары және басқа да өнімдер шығарылады.

Мемлекет басшысы құрылыс саласының жай-күйі туралы айта келе, аталған саланы экономиканы дамытудың қозғаушы күші ретінде атап өтті. Көрмеге 20-дан астам қазақстандық тауар өндірушілердің, соның ішінде «Шин-Лайн» ЖШС, Dinara Group агрохолдингі, «Дәулет-Бекет» ЖШС, «ПК Алтын Таға» ЖШС, «Фирма-Бент» ЖШС, «Кнауф Гипс Қапшағай» ЖШС және басқа да ірі компаниялардың өнімдері қойылды.

https://www.youtube.com/embed/5JQFo7mYYK4?si=nuQ89eTrJOW1jpGm" 

https://www.youtube.com/embed/_kBrgMgbGvU?si=ir9xbZ85gc0pCrwM" 

Аргентинада тангодан әлем чемпионаты өзінің 20 жылдығын атап өтті. Биыл оған 35 елден 650 жұп қатысуға келген.

Аргентиналық тангодан әлем чемпионатының басты жүлделері Буэнос-Айресттің қоржынында қалды. Танго номинациясында Аргентина астанасының атынан шыққан Джонни Карвахаль мен Суай Кирога жеңіс тұғырынан көрінді.

ДЖОННИ КАРВАХАЛЬ ТАНГО ЧЕМПИОНАТЫНЫҢ ЖЕҢІМПАЗЫ: «Мен бұл туралы көп жылдар бойы армандадым. Бұл деңгейге жету – шыңға жету деген сөз, бірақ әлі алда көп асулар бар. Бұл марапат жұмысымыздың жақсы орындалғанының дәлелі.

СУАИ КИРОГА ТАНГО ЧЕМПИОНАТЫНЫҢ ЖЕҢІМПАЗЫ: «Біз бар болғаны тоғыз ай ғана бірге дайындық жасадық, негізі мұндай нәтижеге 20-30 жыл билегеннен кейін ғана қол жеткізуге болады».

Сахналық танго номинациясында да Буэнос-Айрестен Джулиан Санчес пен Бруна Эстеллита бірінші орын алды.

ДЖУЛИАН САНЧЕС БІРІНШІ ОРЫН ИЕГЕРІ: «Бүгін бәрі жақсы өтті, біз бақыттымыз. Олар бізге жеңіске жеткенімізді айтқанда, сене алмадық».

Бұл күндері Аргентиналық тангодан әлем чемпионаты өзінің 20 жылдығын атап өтті. Биыл оған 35 елден 650 жұп қатысуға келген. Финалды 20 мың көрермен тамашалады.

https://www.youtube.com/embed/7gYQx0w05FU?si=-CvS5ZkUo4__NuCl" 

Фермер Клеантис Грекияның солтүстік-шығысындағы ауылда ешкі шаруашылығының көп бөлігін жоғалтты. Ол, өңірдегі екі аптадан астам уақыт бойы жалғасып келе жатқан орман өртінен зардап шегіп отыр.

Тілсіз жаумен күресуге жүздеген өрт сөндіруші мен қатар арнайы ұшақтар жұмылдырылған. Алайда Еврос аймағындағы жалынды сөндіру мүмкін болмай отыр. Бұл апат Еуропадағы жазғы маусымдағы ең қауіпті өрт болып танылды. Салдарынан кем дегенде 20 адам қаза тапты. Жалын шарпыны сондай-ақ Дадиа-Лефкими-Суфлион қорығында жүздеген үйді қиратып, қалың ормандарды өртеп жіберді.Клеантис өткен жылы орман өрті салдарынан қорасының жартысы өртеніп кеткенін айтады. Бірақ жануарлар аман қалған.

КЛЕАНТИС РАПТИС ФЕРМЕР: «Ештеңе қалмады. 35 жануар тірідей жанып кетті. Қалғандарын күйік шалған. Білмеймін олар аман қалады ма. Әрі қарай не істерімізді білмейміз».

Еуроодақ Грекияға қазірдің өзінде 12 ұшақ, 400 өрт сөндіруші және 60 көлік жіберді. 2000 жылдан бергі дала өрті туралы деректерді тіркей бастағаннан бастап Еуроодағындағы ең үлкен өрт болып саналды. Елдің солтүстік-шығысындағы 81 мың гектардан астам аумақты қызыл жалын шарпып өткен.

БАЛАЗ УЙВАРИ ЕУРОПАЛЫҚ КОМИССИЯНЫҢ ӨКІЛІ: «Еурокомиссия қазір Еуропадағы азаматтық қорғаныс механизмі арқылы әртүрлі фронттардағы көмек көрсету шараларын үйлестіруде. Әсіресе Грекиядағы Александруполисте біз бұрын-соңды болмаған ең үлкен орман өртімен бетпе-бет келіп отырмыз».

Грекиядағы жазғы орман өрттері жиі орын алғанымен, соңғы жылдары бұрын-соңды болмаған аптап ыстыққа байланысты тілсіз жаудың саны артқан.

https://www.youtube.com/embed/63pLxgKtOaQ?si=UVa7N2HSSgoP0zbK" 

Бүгін - Алаш қозғалысының қайраткері, ғалым, түркітанушы, қазақ тіл білімінің атасы Ахмет Байтұрсынұлының туған күні. Осыған орай Алматы қаласында Ахмет музей-үйінде «Ұлт ұстазының ұлықталуы» атты дөңгелек үстел өтті.

Іс-шара Ахмет Байтұрсынұлының ескерткішіне гүл шоғын қоюдан басталды. Жиналғандар алаш қозғалысының қайраткерінің рухына тағзым етіп, құран бағыштады. Сондай-ақ Ахмет музей-үйінде «Ұлт ұстазының ұлықталуы» атты дөңгелек үстел өтті. Оған зиялы қауым өкілдері, Ұлт ұстазының жақын туысы Амандық Шаймерденұлы, ҚР еңбек сіңірген қайраткері, актер Байғали Есенәлиев пен мектеп оқушылары қатысты.

АМАНДЫҚ ШӘЙМЕРДИНҰЛЫ АХМЕТ БАЙТҰРСЫНҰЛЫНЫҢ ТУЫСЫ « Ахмет аталарыңның әкесі Байтұрсын менің атам Ақтастың туған інісі. Өздері 5 ағайынды болған. 5-қыркүйек туған күні атамыздың. Ахаңның есімі баяғыда көп жыл бойы 51 жыл аталмады ғой. Қазір Құдайға шүкір, мінеки өзінің халқына оралды. Бұлда бір еңбегі, қаншама жылдар қиналған еңбегінің жемісін берді деп есептеймін».

«Ахмет – Ұлт ұстазы» фильмінде басты рөлді ойнаған Байғали Есенәлиевтың айтуынша, ғалым, түркітанушы, қазақ тіл білімінің атасы Ахмет Байтұрсынұлының образын сомдау мен–мен деген әрбір актердің арманы.

БАЙҒАЛИ ЕСЕНҒАЛИЕВ ҚР ЕҢБЕК СІҢІРГЕН ҚАЙРАТКЕРІ, АКТЕР « Ахмет Байтұрсынұлы деген ұлы тұлғаның рөлін сомдау – замандастарымның қай-қайсысының болсада арманы болғаны даусыз. Сол бақтың маған бұйырғанына тағдырыма ризамын. Енді, бұған дейінде қаншама рөлдер жасап жұрмін ғой. Олардың бәрі бір төбе болатын болса, Ахаңның образы мен үшін бөлек, орны бөлек өмірімде. Оның себебі, Ахаңның бойындағы парасат биігіндегі сабырды табу, оп-оңай болған жоқ. Көп дайындықтар болды. Ол рөлге 100-ге тарта актер бағын сынады. Бұл халықтың қаншама жылдар бойы Ахаңа деген еселеп артқан махаббаты, ыстық сағынышы, Ахаңның тағдырының алдындағы әрбір қазақтың жүрегіндегі жатқан өкініш. Сондықтан да соның бір қылын шерте алсақ, халық аңсаған Ахаңды халықтың, көрерменімізге силай алған болсақ, ең үлкен орындалған мақсатымыз сол».

Сондай-ақ шара барысында Ахмет Байтұрсынұлына арналған «Ғасыр саңлағы» атты кітап таныстырылды.

РАЙХАН ИМАХАНБЕТ АХМЕТТАНУШЫ, АХМЕТ МУЗЕЙ-ҮЙІНІҢ ДИРЕКТОРЫ: Әлбетте, ұлт ұстазы ұлықталуда оған нақты дәлел ретінде ол кісінің өміріне қатысты жазылып жатқан кітаптар. Мәселен, бүгін Ахмет Байтұрсынұлының горизонт және горизонт өркен баспасынан «Маса», «Қырық мысал», «Ерсайын», «23 жоқтау» жинағы шықты. Сонымен қатар, менің авторлығыммен «Асрин адамы» яғни «Ғасыр саңлағы» деген кітабымыздың тұсауы кесілді. Бұл «Ғасыр саңлағы» кітабының түркі тіліндегі нұсқасын шығарып берген біздің Түрік академиясы».

https://www.youtube.com/embed/47XOhWuXBng?si=DacGPL07xltkh4p7" 

Жетісу облысы, Ақсу ауданында 30 - ға жуық тарихи-мәдени ескерткіш табылды. Археологтар экспедиция кезінде Ақсу өзенін бойлап, тасқа бейнеленген 15 мыңнан астам петроглифті анықтаған. Олар қола дәуірнен бастап 20 ғасырға дейінгі аралықты қамтиды. Тақырыпты тілші тарқатады.

Ақсу өзенінің аңғары тарихи-мәдени ескеркіштер мен құнды жәдіргерге толы. Сергей Ярыгин мен Николай Ильдеряко есімді ғалымдар, екі жыл бойы ондаған ғасырға жуық тарихымыздың құпиясын зертеп келеді. Олар шатқалдан петроглифтер кешенінен бөлек, обалар мен көне тұрақтарды тапқан.

СЕРГЕЙ ЯРЫГИН Ә. МАРҒҰЛАН АТЫНДАҒЫ АРХЕОЛОГИЯ ИНСТИТУТЫНЫҢ ЖЕТЕКШІ ҒЫЛЫМИ ҚЫЗМЕТКЕРІ: Белгілер ерте темір дәуірі мен орта ғасырлардағы кзеңді қамтиды. Мына Тамға белгілі бір территориялық аумақты оның иесі бар екенін айғақтайды немесе рәсім өтетін жерге салынады. Мына жерде қатар тұрған 2 белгі одақтың құрылғанын немесе келісім жасалғанын білдіреді.

Тасқа қашалған бейнелерге мыңдаған жыл өтседе қынаның қырқуынан аман қалыпты. Ғалымдардың пайымдауынша, онда көбіне жануарлар бейнесі мен аң аулау барысы сипатталған. Әр қайсысы әр түрлі кезеңнен сыр шертеді.

НИКОЛАЙ ИЛЬДЕРЯКОВ Ә. МАРҒҰЛАН АТЫНДАҒЫ АРХЕОЛОГИЯ ИНСТИТУТЫНЫҢ ҒЫЛЫМИ ҚЫЗМЕТКЕРІ: Мына түйе қола дәуірінде салынған, Керуенді бейнелейді. Екіншісі ерте темір дәуіріне жатады. Ал үшіншісі орта ғасырларда қашалған. Үшеуі де бір бағыттағы көшті көрсетіп тұрғандай.

Мұндай тарихи-мәдени ескерткіштер ғалымдар үшін үлкен олжа. Олар петроглифтермен тамғаларды өлшеп суретке түсіріп жатыр. Болашақта бұл аймақты картаға енгізіп, ауқымды зерттеу жұмыстарын жүргізбекші.

https://www.youtube.com/embed/hCkuLHpPT0c?si=Ha_ZNaN9NXfXchrg" 

3 қыркүйекке қараған түні Алматының орталығында атыс болды. Оқиға әл-Фараби-Назарбаев көшелерінің қиылысындағы Sunset мейрамханасында түнгі сағат 00.30 шамасында орын алған.Куәгерлердің мәліметінше, бетперде киген 4 адам келіп, Макаров тапаншасынан оқ жаудырған. Салдарынан мейрамханаға келген екі адам зардап шекті. Оқ бірінің асқазанына, екіншісінің аяғына тиген. Қалалық денсаулық сақтау басқармасы орталық қалалық клиникалық ауруханаға екі науқас түскенін хабарлады.Дәрігерлер оның жағдайы қазір тұрақты екенін айтты.

ҒАЛЫМЖАН ПІРМАҒАМБЕТОВ ОРТАЛЫҚ ҚАЛАЛЫҚ КЛИНИКАЛЫҚ АУРУХАНАСЫ БАС ДӘРІГЕРІНІҢ ОРЫНБАСАРЫНЫҢ МІНДЕТІН АТҚАРУШЫ «Екеуі де бір жерден жеткізілді. Жағдайлары жеткізілген кезде біреуінікі ауыр жарақат болды. Ішіне оқ тиген және қолына оқ тиген. Бірден міндетті түрдегі операцияға жедел түрде берілді. Екі күн реанимацияда жатып отделенияға көшірілді. Жағдайы бірқалыпты. Екіншісі келген кезде орта жағдайда келді. Маңдай сүйегі сынған,балтырына оқ тиген. Бірден нейрохирургия бөліміне жатты. Операцияға қарсы арыз жазған. Бүгін келісімін берді,ертең отаға алынады. Екеуінің де өміріне қауіпті нәрселер жоқ. Жағдайлары бірқалыпты».

Қылмыс орнына қалалық полиция департаментінің бастығы Арыстанғани Заппаров бастаған жедел тергеу тобы барды.Бұл дерек Бостандық аудандық ішкі істер бөліміне тіркеліп, қылмысты ашуға бағытталған кешенді жедел тексеру, тергеу жұмыстары жүргізіліп жатыр. Күдіктілердің бірі қамауға алынды. 

https://www.youtube.com/embed/taiNEdKyq7o?si=xZtxFWG-dGmmsvPT" 

ҚР Қаржылық мониторинг агенттігі Шымкент қаласы бойынша департаменті «ПК Asar Baspana» компаниясының басшыларына қатысты сотқа дейінгі тергеу жүргізіп жатыр. Олар қаржы пирамидасына басшылық жасады деген күдікке ілінді. Аталған компания жеке тұлғалардың ақшасын кәсіпкерлік қызметке пайдаланбай, қатысушылар арасында қайта бөлген.

ӘЛІБЕК ӘБДІЛОВ ҚР ҚМА РЕСМИ ӨКІЛІ «Залал сомасы 700 млн теңгеден асады.Сотқа дейінгі тергеу жалғасуда. ҚР ҚПК-нің 201-бабына сәйкес өзге де ақпарат жария етуге жатпайды. Егер сіз және сіздің жақындарыңыз аталған қаржы пирамидасының қызметіне тап болсаңыз, тұрғылықты жеріңіз бойынша Экономикалық тергеп-тексеру департаментіне хабарласуыңызды сұраймыз. Азаматтарды қырағы болуға және өз жинақтарын күмәнді қаржы ұйымдарына салмауға шақырамыз».

https://www.youtube.com/embed/3Q-vNtwFBdg?si=u1aUbUu6Mw6oUaxx" 

Көкшетау қаласында 1 аптадан астам жауған жауы толастар емес. Салдарынан жекеменшік сектордағы үйлердің аулаларында көлшіктер пайда болды. Оған қоса, тас жол төселмеген аймақтарда езілген сазбен, жиналған су тұрғындардың өтер жолын шайып кеткен. Ал осындай мәселесі бар көшелер мен аула маңы қала бойынша жетіп артылады.

Облыс орталығындағы Нефтебаза көшесінің бір бөлігін су басқан. Онымен қоймай дүкеннің алды да лай. Тұрғындар үшін дүкенге кірмек түгілі қоқыс төгудің өзі үлкен мәселе. Себебі, қоқыс жәшігіне жету үшін резеңке бәтеңке кисең де, қонышыңа дейін батпаққа батасың. Онымен қоймай, шашылған қоқыс су бетінде қалқып жүреді дейді.

ХӘКІМ ЖҰМАНОВ ҚАЛА ТҰРҒЫНЫ Мына үйлерге де қиын. Аялдамаға шығады. Мына жерді көріп тұрсыз ғой, асфальт жоқ, тратуар жоқ. Сосын әрі қарай мына үйдің алды да су. Бардюр суға батып жатыр. Көліктер судың бетімен жүреді.

Тұрғындардың айтуынша бұл жерге жыл сайын су толады. Дегенмен, жауапты органдар дер кезінде әрекет жасайтын. Ал,биыл жауапты мекемелер мәселені шешу үшін, саусақтың ұшында қимылдатапаған көрінеді. Дей тұрғанмен, жауапты мекеме басшылығы тұрғындарға жауап беруден бас тартпады.

РУСЛАН ТӨЛЕГЕНОВ, КӨКШЕТАУ ҚАЛАЛЫҚ ТҰРҒЫН ҮЙ-КОММУНАЛДЫҚ ШАРУАШЫЛЫҒЫ БӨЛІМІНІҢ СЕКТОР МЕҢГЕРУШІСІ Бүгінгі күні жауын-шашын мол. Осының салдарынан, кей жерлерде судың жиналуы байқалады. Біздің мердігерлік ұйымдар мен «Көкше Тазалық» және «Зерен» серіктестіктері тиісті жұмыстарды жүргізілетін болады. Осы бағытта су көп жиналатын жерлерде су сору құрылғысы қолданылады. Сондай-ақ, қала тұрғындарынан және «Ай көмек» қайырымдылық қорынан келіп түскен өтініштерді қабыл алып, белгілі іс-шараларды жүргіземіз. Ал егер сұрақ Нефтебаза 1 мекен-жайында тұрса, ақпарат келіп түсті, қажетті жұмыс істелініп, мәселе шешілетін болады.

Синоптиктердің болжамы бойынша алдағы күндері де жауын-шашын болып, құбылмалы ауа райы сақталмақ. Яғни, әлі де болса жаңбыр суы тұрғындар әуре сарсаңға салатын түрі бар.

https://www.youtube.com/embed/cOP5gtropCE?si=FvKN37iOxmLTdWGD" 

2030-2035 жылдарға қарай елімізде су тапшылығы болуы мүмкін. Сондықтан, жер асты сулары технологиясын енгізуді бүгіннен бастау керек. Оның үстіне, гидротехник мамандар да тапшы. Ол проблеманы шешу үшін кәсіби техникалық колледж бен жоғары білім беру институтын ашу қажет. «Байтақ» жасылдар партиясы қазір өзекті болып тұрған су мәселесін шешу үшін осындай бірқатар ұсыныстар ұсынуда. Бүгін Астанада Сілтеме баспасөз орталығында өткен жиыннан толығырақ тілші тарқатады.

Еліміз судың 80 пайызын көршілес мемлекеттен алады. Олар: Қытай, Тәжікстан, Қырғызстан, Ресей мемлекеттері. Жыл сайын оңтүстіктегі шаруалар су азабын тартады. Тіршілік нәрі ауыз су мәселесі Қазақстандағы күрмеуі шешілмеген проблеманың бірі. Сондықтан, күні кеше Президент Жолдауында су министрлігі жеке құрылатынын айтып бір қуантты. Алайда, «Байтақ» жасылдар партиясы «Жаңадан құрылған министрлік бірінші кезекте көрші елдермен су дипломатиясын орнатуға күш салуы керек» деген болатын. Әйтпесе, басқасының бәрі бекер деп отыр.

АЗАМАТХАН ӘМІРТАЕВ «БАЙТАҚ» ЖАСЫЛДАР ПАРТИЯСЫНЫҢ ТӨРАҒАСЫ: «Біріншіден, су дипломатиясын департамент, комитет бұл бағытта жұмысты күшейту керек. Тағы да ертең су гидротехникамен айналысып, дипломатияны Сыртқы істер министрлігіне береміз десе, онда бұл мәселе мүлдем шешілмейді. Өйткені, сыртқы істер министрлігінің айналысып жатқан жұмыстары өте көп. Қауіпсіздік, тағы да басқа экономикалық, әлеуметтік мәселесі өте көп. Сондықтан бұл министрлікте су мәселесі бірінші орында тұру керек. Біз тек қана көршілес елдермен су мәселесін дипломатия арқылы шеше аламыз. Басқа жол жоқ».

Елімізде гидротехник мамандар тапшы. Сондықтан, партия мүшелері Қонаев қаласында кәсіби-техникалық колледж, ал Түркістанда жоғары білім беру институтын ашу керек дейді. Алайда, ол оқу орындар мемлекеттік емес жеке инвестордың қаражатына салынады. Онда геобатаник, гидротехник, эколог, зоолог сынды мамандар білім алып шығады. Айтпақшы, жасылдар партиясы халықтан барынша тіршілік нәрін үнемдеуді сұрайды. Себебі, 2035 жылға қарай елімізде су тапшылығы болуы әбден мүмкін.

АЗАМАТХАН ӘМІРТАЕВ «БАЙТАҚ» ЖАСЫЛДАР ПАРТИЯСЫНЫҢ ТӨРАҒАСЫ: «Судың да сұрауы бар», дейді қазақта. Суды үнемдеуіміз керек, суды сақтауымыз керек. Суға мәдениетпен, адамның өміріндегі ең басты құнды зат деп қарауымыз керек. Судың бағасы мұнай бағасынан да бензин бағасынан да жоғары. Су ертең біздің ұрпағымызға керек су».

Байтақ жасылдар партиясы жаңадан құрылған су министрлігінің жұмысын тікелей өздері қадағалаймыз деп бекініп отыр. Себебі, су - ол халықтың басты тіршілік нәрі. Су жаңа министрлік пен партия өкілдерінің бұл қадамы қаншалықты халық пайдасына жарайды оны уақыт көрсетеді.

https://www.youtube.com/embed/Ft2Z4CfLyZs?si=YapfsGHR7-Q7gERM" 

Президент – Қарулы Күштердің Жоғарғы Бас қолбасшысы Қасым-Жомарт Тоқаевтың басшылығымен «Жағалау» оқу-жаттығу полигонында «Батыл тойтарыс-2023» стратегиялық командалық-штабтық әскери оқу-жаттығу жиыны өтті.

Қасым-Жомарт Тоқаев оқу-жаттығу жиынын бақылау мұнарасынан бақылады.

Десанттық-шабуылдау әскерлерінің бригадалық-тактикалық топтары авиацияның қолдауымен, сондай-ақ Құрлық әскерлері және Арнаулы операциялар күштерінің бөлімшелерімен бірлесе отырып, судан өту арқылы қарсы жағалаудағы жау шебін басып алу үшін тактикалық іс-қимыл жүргізді.

Ал Арнаулы операциялар күштері мен Ұлттық ұлан бөлімшелері шартты жау қолына өткен Қапшағай ГЭС-ін азат етті. Төтенше жағдайлар министрлігінің бөлімшелері техногендік апат салдарын жоюмен айналысып, халыққа гуманитарлық көмек көрсету міндетін атқарды.

Қарулы Күштердің Бас штабы әзірлеген бірыңғай жоспар мен мақсатқа сәйкес әскерлер оқу-жаттығу жиыны өтетін аудандарға стратегиялық тұрғыда қайта топтастырылды.

Мемлекет басшысы оқу-жаттығу жиынына жұмылдырылған бөлімшелердің дайындық деңгейіне оң баға берді. Сонымен қатар Президент бұл оқу-жаттығу жиындары күрделі геосаяси кезеңде өткізіліп отырғанына назар аударды.

ҚАЗАҚСТАН РЕСПУБЛИКАСЫНЫҢ ПРЕЗИДЕНТІ ҚАСЫМ -ЖОМАРТ ТОҚАЕВ

« Бүгінде әлемдік қорғаныс жүйесінде ауқымды өзгерістер болып жатыр. Қазіргі ұрыстардың әдіс-тәсілдері де басқа, әсіресе, гибридтік соғыс түрлері кең таралуда. Шабуылдар әскери ғана емес, ақпараттық, психологиялық, саяси, экономикалық және басқа да сипат алуы мүмкін. Сондықтан Қазақстан армиясы кез келген сын-қатерге дайын болуы қажет. Бұл – заманауи әрі кәсіби әскерге қойылатын басты талап. Біздің бір ғана Отанымыз бар. Ол – Қазақстан. Елімізді, жерімізді, азаматтарымыздың қауіпсіздігін қамтамасыз ету, оларды қорғау – баршамызға ортақ қасиетті парыз»

Президенттің пікірінше, біздің әскеріміз кәсіби деңгейі жоғары, ұтқыр және ең күрделі жауынгерлік тапсырмаларды орындауға дайын болуы қажет.

"https://www.youtube.com/embed/VjwkjnIyB8s?si=LL2WGTI4sKvBSVBj"