https://www.youtube.com/embed/ENP8WwLXC2U?si=_Ihn5gqOEH0ZG3zL"

Алматыда қала күніне орай кітап фестивалі өтті. Оған 50-ден астам баспа қатысты. Мереке аясында түрлі акциялар, сондай ақ жазушылармен кездесу ұйымдастырылды.

Биыл қала күніне тұспа-тұс келген Kitap Fest Almaty фестивалінің тақырыбы: «Ұлттық әдебиет. Ұлттық тіл. Ұлттық дәстүрлер», деп аталды. Осымен 9-шы рет ұйымдастырылып отырған шараға 20 мыңға жуық оқырман қатысты. Олар кітап авторларымен кездесіп, пікір алмасып, көкейде жүрген сұрақтарына жауап алды.
Жобаның мақсаты - кітаптың, мәдениет пен білімнің маңызын арттыру, қазақстандық жазушылар мен олардың әдеби шығармаларын насихаттауға жәрдемдесу, халықты оқуға тарту.

ҒАНИ МАЙЛЫБАЕВ АЛМАТЫ ҚАЛАСЫНЫҢ МӘДЕНИЕТ БАСҚАРМАСЫНЫҢ БАСШЫСЫ

Фестивалде кітап сүйер қауым үшін ауқымды бағдарлама дайындады: отандық жазушылар жаңа кітаптарын таныстырды. «Оффлайн кітаптар туралы» танымал жазушылар, қоғам қайраткерлері мен блогерлер пікір алмасты. Алматылықтарға иллюстрацияланған кітап көрмесі, шеберлік сыныптары, түрлі байқаулар мен акциялар, Қазақстанның ірі баспалары мен кітап дүкендерінің жәрмеңкесі ұсынылды.

БАҚЫТ БАЙТІБАЕВА АУДАРМАШЫ, РЕДАКТОР

Баспагерлер және кітап дүкендері өз өнімдерін көрмеде 30% - ға дейінгі жеңілдікпен сатты. Оған 50-ден астам кітап дүкендері мен баспа қатысты. Сонымен қатар, әр түрлі жанрдағы 5000 кітап тегін таратылды.

https://www.youtube.com/embed/xiYUpDi2JUs?si=Aed07VuPUKwQ5wT0" 

Марракештен оңтүстікке қарай 40 шақырым жерде орналасқан Мулай Брахим ауылының жанындағы тау бөктерінде жергілікті тұрғындар 18 жасар ұлымен бірге қайтыс болған 45 жастағы әйелді жерлеуде. Мароккодағы жер сілкінісі құрбандарының саны 2100-ден асып, сағат санап өсуде. 2400-ден астам адам зардап шекті.

Бұл ел үшін 1900 жылдан бергі ең қауіпті жер сілкінісі. Оның күші Рихтер шкаласы бойынша 6,8 баллды құрады. Эпицентрі Атлас тауларының сирек қоныстанған аймағында болды. Ең көп зардап шеккен аумақ шалғайдағы биік Атлас тау жотасындағы ауылдар. Жер асты дүмпулері Марокконың астанасы Рабатта да эпицентрден 350 шақырым жерде сезілді. Көптеген адамдар баспанасыз қалып, бірнеше күн бойы ашық аспан астында түнеді. Енді олар тамақ, су және баспана табуға тырысуда.

ЖЕР СІЛКІНІСІНЕН АМАН ҚАЛҒАН ТҰРҒЫН: "Біз 24 адамбыз. Олар бізге бір шатырға сыймайтынымызды айтты. Егер бос болса, басқасын беруге уәде берді".

Ал бұл адам жер сілкінісінде кішкентай ұлынан айырылды. Апат барлығы отбасылық кешкі асқа үстелге жиналған сәтте орын алған. Кішкентайы ас үйге кеткенде оны үйдің шатыры басып қалған.

ХАМИД БЕН ХЕННА – БАЛАНЫҢ ӘКЕСІ: "Барлығы 23:00 немесе 23:30-да басталды. Біз кешкі ас ішіп отырғанбыз. Мен ұлымнан десертті кесу үшін ас үйден пышақ әкелуін өтінгем. Ол ас үйден шыққан бойда жер сілкінісі болды. Ол қазір қоқыстар тұрған жерге жүгірді. Оны бір жарым-екі метр қоқыс басып қалды".

ФАТИМА БУЖИГ – БАЛАНЫҢ АНАСЫ: "Жарық болған жоқ. Біз қараңғыда қалып қойдық. Жер сілкінісін, тастар мен қабырғалардың құлағанын естідік, басында не болып жатқанын түсінбедік. Ұлым телефондарды тапты, оның шамдарын қостық. Содан кейін ғана бүкіл ауылдың қирандыға айналғанын көрдік".

Үкімет табиғи апаттың зардаптарын жою үшін шұғыл шаралар қабылдап, іздеу-құтқару топтарын күшейтіп, ауыз сумен қамтамасыз ету және тамақ, шатырлар мен көрпелер таратуда. Елде үш күндік аза тұту жарияланды. Король Мұхаммед VI бүкіл елдегі мешіттерде қайтыс болғандар үшін дұға етуге шақырды.

https://www.youtube.com/embed/rJ7p4E6y8NI?si=Bsegg8Ffc_4wBpl7" 

Үндістанда "үлкен жиырмалық" саммиті аяқталды. Кездесуді АҚШ пен Ресей жоғары бағалады, өйткені мүше елдер жалпы декларацияны келісе алды. Сонымен қатар, Қытайдың "Бір белдеу – бір жол"бағдарламасымен бәсекелесе алатын жаңа жоба жарияланды.

Саммит 10 қыркүйек жексенбіде аяқталды. Алайда декларация бір күн бұрын келісілген болатын. Бұл серпіліс деп саналады, өйткені Үндістан төрағалық еткен жыл ішінде министрлер деңгейінде консенсусқа қол жеткізу мүмкін болмаған. Атап айтқанда, Украинаға қатысты тармақтар бойынша. Бұған дейін оларға Ресей мен Қытай қарсы болған. Бұл жолы барлығына қолайлы тұжырымдар табылды.

Осылайша, қорытынды құжатта бүкіл әлем бойынша адам азаптары мен соғыстардың салдары туралы терең алаңдаушылық білдірілді. Ресей мен Украина арасындағы қақтығыс мәселесінде қатысушылар қауіпсіздік кеңесі мен БҰҰ Бас Ассамблеясында қабылданған ұлттық ұстанымдар мен қарарларға сілтеме жасады. Сонымен қатар, декларацияда жаһандық азық-түлік және энергетикалық қауіпсіздік пен жеткізу тізбегіне алаңдаушылық білдірді. Құжатта ресейлік және украиндық астықты, азық-түлік және тыңайтқыштарды қауіпсіз жеткізу туралы айтылды.

Алайда, мәтінде олар осы мәселелер бойынша қатысушылардың әртүрлі көзқарастары бар екенін түсіндірді. Бұл ретте Түркия президенті Режеп Тайып Ердоған Анкара, Мәскеу және Киев астық мәмілесін қайта бастау туралы келіссөздерді жалғастыратынын мәлімдеді. Консенсус Үндістан Премьер-Министрі Нарендра Модидің жеке саяси жетістігі болды. Өйткені, Саммитке дейін ешкім келісімге келеді деп үміттенген жоқ.

Отырыс барысында Африка одағы 55 мемлекет мүшелікке кіретін "Үлкен жиырмалықтың" тұрақты мүшесі болып танылды.
Келесі G20 кездесуі Бразилияда өтеді.

https://www.youtube.com/embed/lsXz0e1HL3k?si=MYggbQHLWSA88K1g" 

Қызылорда өңірінде егін жинау науқаны басталып, күрішке орақ түсті. Сырдың суына малынып, дала төсін алтын түске бояған Жаңақорғанның «ақмаржаны» пісті. Алғашқылардың бірі болып Қожакент ауылдық округіндегі «Нұрбол И» шаруа қожалығы егінге орақ салды.

Жалпы Қызылорда облысы бойынша 89 мың гектарға күріш егілсе, соның 7600-ден аса гектары Жаңақорған ауданында. Бел жазбай еңбек еткен шаруалардың жемісін енді жинап алу қажет. Егіс алқабын баптаған шаруалар үшін орым науқаны өте маңызды болып тұр.

Биыл су тапшылығы айтарлықтай сезілген. Дегенмен мамандардың айтуынша күріштің шығымы жақсы болған.

ТАЛҒАТ ЗЕЙДӘЛИЕВ ЖАҢАҚОРҒАН АУДАНЫНЫҢ АУЫЛ ШАРУАШЫЛЫҒЫ ЖӘНЕ ЖЕР ҚАТЫНАСТАРЫ БӨЛІМІНІҢ БАСШЫСЫ:

«Тамыз айынан бастап бізде анық су тапшылығы сезіле бастады. Біз бірден тамыз айының 8-інен бастап, 250 кубқа дейін Сырдария өзенінен төмендеген су мөлшеріне сәйкес, 4 округтен Киелі төбе магистральді каналы бойындағы бекеттермен су кезектестіру тәсіліне көштік. Нәтижесінде, қазіргі таңда сол бекеттер бойынша екі кезектен су ішіп, сусыз қалу қаупі болған 1600 гектарды 300 гектарға дейін төмендеттік. Соңғы 300 гектарымыздың өзі қазір су ішіп, вегатациялық кезең сәл кешіктіргенімен ораққа ілініп, орташа егістікте төмен болуы мүмкін».

«Нұрбол И» шаруа қожалығы — 2006 жылдан бері жемісті еңбек етіп келе жатқан берекелі ұжым. Шаруашылықта егінді оратын техникалар талапқа сай. Жыл сайын ауылшаруашылық саласында молынан өнім алатын шаруа қожалығында 50-ге жуық адам жұмыс істейді. Шаруалар «Лидер» сортымен қатар биыл күріштің «Маршал» деп аталатын жаңа күріш түрін де еккен.

ИЗАТУЛЛА ҮСЕНОВ «НҰРБОЛ И» ШАРУА ҚОЖАЛЫҒЫНЫҢ ТӨРАҒАСЫ:

«Биылғы жылы 60-70 центнерден күріштен өнім алсақ деп межелеп отырмыз. Техника саны 3 комбайн бар оратын. 3 подборщигіміз бар оның ішінде торм бар. Сол подбощиктермен жинаймыз құдай қаласа. Жауын-шашынға қалдырмай уақытылы жинап аламыз деген ойдамыз».

ӨМІРБЕК ҮСЕНОВ КОМБАЙНШЫ:

«Бұрынғы техникалар күніне 20-30 тонна бастырса, бұлар күніне 80-90 тонна бастырады. Жағдайлары керемет жалпы. Ішінің барлығы компьютер. Рөлден түскенде өзі автоматты түрде өшеді 10 минуттың ішінде. Жалпы қауіпті ештеңе жоқ».

Айта кетейік, жалпы аудан бойынша күзгі егін жинау науқанына 207 трактор мен 70 комбайн жұмылдырылмақ. Оларға 1487 тонна дизель отыны бөлінген.

https://www.youtube.com/embed/cJf4tZUGqnI?si=HDIUQQan3D4vkN83" 

Жол төңірегінде айтар мәселе көп. Мәселен Ақмола облысының Ақкөл ауданына қарасты 4 елдімекенде жол салынбаған. Ондаған жыл бойы ауыл тұрғындары жолдың бойымен емес, көліктің ізімен жүріп келген. Ал, қар түскен бойда жол қатынасы тіптен қиындай түседі. Толығырақ тарқатып айтсақ

Аудандық маңызы бар Ерназар-Наумовка бағытындағы жол жергілікті көлік жүргізушілері үшін нағыз сынақ. Қашықтығы 28 шақырымға жуық автожолды жүріп өту үшін шамамен 1 сағат уақыттарын жоғалтады. Ал, ауа райы қолайсыз болса, жолдың ұзақтығы 2 есе артады,-деп тұрғындар назданып отыр. Жедел жәрдем қызметі де науқастарды көрші ауылға жеткізуде қиындық көреді. Жағдайы қыл үстіндегі науқастарды 6 сағат ішінде жеткізген күндері болған екен.

АЛЕКСАНДР ШПЕХТЕР НАУМОВКА АУЫЛЫНЫҢ ТҰРҒЫНЫ: «Жазда және көктемде жауын жаумаса жолға шығуға болады. Бірақ, қыста боранды күні жолға шығу мүмкін емес. Себебі, бұл жақта жол жиі жабылып қалады. Ал айдалада жолда қалсаң, көлігің тоқтаған жерде түнеп қаласың. Мұндай жағдайлар бір емес, бірнеше рет орын алған. Жолда қалған адамды құтқарып қалудың машақатын айтпай-ақ түсінетін шығарсыздар».

ӘЙГЕРІМ ОСПАНОВА НАУМОВКА АУЫЛЫНЫҢ ТҰРҒЫНЫ: «Жыл сайын құрғақ уәдемен шығарып салады. Аудан әкімі жолды жөндеуге 800 млн.теңге бөлінгенін айтқан. Мұны барлық тұрғын естіді. Бірақ, көріп тұрғандарыңыздай ешқандай өзгеріс жоқ».

Тұрғын-үй коммуналдық шаруашылығы бөлімі мамандарының айтуынша, жолды грейдерлеу жаз мезгілінде 3 рет жүргізіледі. Автожолдың 8 шақырымын жөндеуге арналған жобалық-сметалық құжаттама 2021 жылы жасалған. Оның құны 987 млн.теңге.

ВЛАДИМИР МАЦЕВИЧ АҚМОЛА ОБЛЫСЫ АҚКӨЛ АУДАНДЫҚ ТҰРҒЫН ҮЙ-КОММУНАЛДЫҚ ШАРУАШЫЛЫҒЫ, ЖОЛАУШЫЛАР КӨЛІГІ ЖӘНЕ АВТОМОБИЛЬ ЖОЛДАРЫ БӨЛІМІНІҢ БАС МАМАНЫ: «2021жылдан бастап, күні бүгінге дейін осы мәселені әкімшіліктің алдында көтеріп келеміз. Жолаушылар көлігі және автомобиль жолдары басқармасына бюджеттік өтінім бердік. Дегенмен, бұл жобаны игеру үшін қаражат бөлінген жоқ. Жергілікті қазынадан тек грейдерлеуге ғана ақша бөлінеді. Сонымен бірге қысқы уақытта жолды күтіп-баптауға».

Бұл мәселе келер жылы облыстық бюджетті бекіту кезінде қаралады деп жоспарланған. Облыстық автомобиль жолдары басқармасының мамандары осылай деп сендірді. Ал әзірге ауыл тұрғындары жол азабын әлі де тарта тұруға мәжбүр.

https://www.youtube.com/embed/QX7tbh51q34?si=b6SUTwxhvQxb7Fnw"

Бүгін Ерболат Досаев Алматыдағы энергетикалық инфрақұрылымның жылыту маусымына дайындығын тексерді. Үздіксіз жылумен жабдықтау үшін Южная қазандығын реконструкциялауды аяқтауды тапсырды.

Алматы қаласының әкімі Ерболат Досаев жұмыс сапары аясында Бостандық ауданындағы Южная қазандығының реконструкциялау нысанымен танысты. Сонымен қатар, Бостандық ауданының тұрғындарын электр қуатымен қамтамасыз ететін «Алмагүл» қосалқы станциясына барды. Басты мақсат – инженерлік инфрақұрылым нысандарының алдағы жылыту маусымына дайындығын тексеру. Алғашқы нысанда мегаполис басшысы Алматы қаласындағы Южная аудандық қазандығының қайта жаңарту барысын тексерді. Қалалық энергетика және сумен жабдықтау басқармасының басшысы Талғат Малыбаев әкімге қазір барлық технологиялық жұмыстың аяқталғанын, газ құбырларын, түтін мұржаларын оқшаулауды, мазут сақтау резервуарларын қоршауды, монтаждауды, сонымен бірге іргелес аумақты абаттандырудың, іске қосу-реттеу жұмыстарының жалғасып жатқанын айтты. Ерболат Досаев Энергетика және сумен жабдықтау басқармасы басшылығының назарын мердігер ұйымның жұмыстарды аяқтаудың бұрын бұзылған мерзіміне аударып, биыл 1 қазаннан кешіктірмей нысанның 100% дайын болуын қамтамасыз етуді тапсырды.

ЕРБОЛАТ ДОСАЕВ АЛМАТЫ ҚАЛАСЫНЫҢ ӘКІМІ: «Бостандық ауданында қазандықты реконструкциялау жобасы аяқталып келеді: қуаты 55 Гкал-сағатқа артты, 190 Гкал-сағатқа жетті. Бұл қаланың оңтүстік бөлігін, 200 мың тұтынушыны, соның ішінде әл-Фараби даңғылынан төмен Гагарин, Розыбакиев, Жароков көшелеріндегі жаңа тұрғын үй кешендерін үздіксіз жылумен және ыстық сумен қамтамасыз етуге мүмкіндік береді».

Қала әкімі құрылыс-монтаж жұмыстарын орындау сапасына қатысты бірқатар тапсырма берді. Ерболат Досаев бұл іс тұрақты түрде бақыланып тұру керектігін айтты. Инженерлік инфрақұрылым нысандарын аралау қорытындысы бойынша Алматы әкімі шаһардың алдағы жылыту маусымына дайындық мәселесі ерекше бақылауда екенін атады. Коммуналдық кәсіпорындардың өкілдері барлық жұмысты бекітілген кестеге сәйкес аяқтауға тиіс.

https://www.youtube.com/embed/6G5xC-Lblhc?si=XOtq6qsKzdLasmZb" 

Жол азабын тартқан білер. Алдағы алты жыл ішінде республикалық маңызы бар 8 мың шақырым жол салынып, реконструкцияланады. Одан бөлек, таяу жылдары жалпы ұзындығы 4,7 мың шақырым негізгі автожолға қатысты жобалар кезең-кезеңмен іске асырылады. Осылайша, қазақстандықтар біртіндеп сапалы жолмен қамтамасыз етіледі. Бұл туралы Премьер-министр Әлихан Смайыловтың төрағалығымен өткен Мемлекет басшысының Сайлауалды бағдарламасын іске асыру жөніндегі штабтың отырысында айтылды.

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Тұрғындардан түсетін шағымдар туралы білесіздер. Қарапайым адамға ол республикалық деңгейдегі жол ма, әлде жергілікті жол ма, ешқандай айырмашылығы жоқ. Оған үйдің жанында, қалада, ауылда немесе елді мекендер арасында жақсы жолдар қажет. Бұл бәрімізге, біздің экономикамызға қажет. Ведомствоның алдына жол құрылысы саласын қайта құру бойынша нақты міндеттер қойылды. Жол активтері сапасының ұлттық орталығының сапасыз жүргізілетін жол-құрылыс жұмыстарына жол бермеу, жаңа технологиялар мен материалдарды енгізу жөніндегі рөлін күшейту қажет».

Әлихан Смайылов отырыста жауапты органга жолға қатысты бірқатар тапсырмалар ретін жүктеді. Сондай-ақ, жолдарды жобалау және салу, оларды күтіп-ұстау мәселелерін кешенді түрде шешу қажеттігін атап өтті. Айта кетейік, елімізде Мемлекет басшысының тапсырмасы бойынша Көлік министрлігі қайта құрылған болатын. Аталған проблемаларды оң шешу енді тікелей осы министрліктің мойнында.

https://www.youtube.com/embed/REPhr4uWyis?si=iQ8HwOKDzv6V4sPC" 

«Ертегіге ұқсас есептеріңіз әдемі» Мәжіліс депутаттары министрлер жұмысына наразы. Олар елдегі ең төменгі жалақы 85 мың теңгеге халық қалай күн көреді? дейді. Бүгін Мәжіліс «2024 – 2026 жылдарға арналған республикалық бюджет туралы» заң жобасын таныстырған болатын. Толығырақ алдағы бейнесюжетте.

Бюджетте ақша жоқ. Оның барлығы халықтың ақшасы деген мәжілістегі депутаттар қазына қаражатының әр тиынын қызғыштай қорғау керек деген пікірде. Айтуларынша, ысырап көп. Керек емес іс-шараларды тоқтататын уақыт жетті дейді.

АНАС БАҚҚОЖАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Бюджетте ысырап деген өте көп. Қазақта сөз бар, үзіп жеген үнемге жетпейді деген. Сауда және интеграция министрлігі. 7 зерттеуге 692 млн теңге бөлінген. Сауда саттықта нені зерттейді. Базардағы әйел бәрін айтып береді. Консалтинг деген барлық министрлікте бар. Ауыл шаруашылық министрлігінде ғана жоқ шығар. Мына 600 млн теңгеге пәтер алып 60 отбасын бақытты қылуға болатын еді мысалға».

Ал, депутат Ринат Зайытов болса, бір отбасын мысалға келтіріп, олардың бір айда тұтынатын тауарларының бағасын тізіп, аналиткика жасап келген. Алайда, еңбек және халықты әлеуметтік қорғау вице-министрі депутатқа мардымды жауап бере алмады.

РИНАТ ЗАЙЫТОВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Ертегіге ұқсас есептеріңіз әдемі. Миллион, миллиард деген мен ондайға тілі келмейтін сайлаушылардың сұрақтарын қойғым келіп отыр Еңбек және халықты әлеуметтік қорғау министрлігіне қойғым келеді. Қолдарыңызда қаламсап пен қалам болса алсаңыздар жақсы болатын еді, мен Сіздерге цифрларды келтіремін. Өйткені, Сіздер цифрларды жақсы көресіздер. Бұл қарапайым арифметика. Орташа статистикалық отбасының бір айлық шығындары. Мысалы, 5 адамнан тұратын жанұя. Әкесі театр қызметкері, 115 мың теңге. шешесі кітапханашы, 85 мың теңгені алады. Бірінші бала студент мемлекеттік, екіншісі 6 сыныпта оқиды. Үшінші балабақшада. Нан 180 теңгеден 10800, сүт 810 теңгеден 8100 теңге. Шай 500 теңгеден. Жалпы шығын 254 мың 215 теңге. Есепке алмаған шығындар, киім, ойыншық, демалыс ойын –сауық, жеміс –жидек жемейді. Крем тағы басқасын алмайды. Енді менің Сіздердің министрліктеріңізге үлкен сұрақ. Қалай есептедіңіздер? Және осы отбасы қала күн көреді?

Айта кетейік, 2024-2026 жылдардағы бюджет шығысының басым бөлігі әдеттегідей әлеуметтік салаға жұмсалады. Ал халықтың табысын арттыруға 3,5 трл теңге қарастырылған. Қазына қаражатының әр тиынының тиісті жерге жұмсалуын енді депутаттар өздері тікелей қатаң бақылауға алмақ.

https://www.youtube.com/embed/55oBWI7RCak?si=iuAXkOsjyGGz5eIj" 

Өткен демалыс күндері теңбіл доптан Қазақстан мен Солтүстік Ирландия арасында матч орын алды. Ойын елордадағы «Астана - Арена» стадионында өтті.Шараны Мемлекет басшысы Қасым-Жомарт Тоқаев пен кәсіпқой боксшы Геннадий Головкин трибунадан бірге тамашалады.Тартысты кездесу қазақстандықтардың пайдасына 1:0 есебімен аяқталды. Жалғыз голды шабуылшы Максим Самородов соқты.Президент футболдан Қазақстан ұлттық құрамасын Еуро-2024 чемпионатының іріктеу кезеңінде Солтүстік Ирландия командасымен өткен матчтағы жарқын жеңісімен құттықтады.Өз кезегінде футболдан Қазақстан ұлттық құрамасының капитаны Асхат Тағыберген көрсеткен қолдауы үшін Президентке алғыс айтып, команда атынан доп сыйлады. Сондай-ақ Мемлекет басшысы матчтағы жалғыз гол авторы Максим Самородовқа ризашылығын білдірді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ

https://www.youtube.com/embed/UQF7I4oUmnY?si=pu6nJW-9vMJAggDk" 

Бүгін Мемлекет басшысы «QazaqGaz» ҰК» АҚ басқарма төрағасы Санжар Жаркешовті қабылдады.Президентке ұлттық компанияның биылғы бірінші жартыжылдықтағы негізгі қаржы-шаруашылық көрсеткіштері және газ саласын реформалау жұмыстарының барысы туралы есеп берілді.Қасым-Жомарт Тоқаевқа «QazaqGaz» ҰК» акционерлік қоғамы 2022 жылдың басынан бастап Атырау, Маңғыстау облыстары мен Алматы қаласында өз қаражаты есебінен сомасы 400 миллиард теңге болатын инвестициялық жобаларды іске асырғаны жөнінде баяндалды.

САНЖАР ЖАРКЕШОВ «QazaqGaz» ҰК» АҚ БАСҚАРМА ТӨРАҒАСЫ

https://www.youtube.com/embed/vVNcWINps5k?si=LmL4MpTK6mCgfmQ5"

https://www.youtube.com/embed/HTUR0cZf8Jk?si=OXD6rvya-nn5CkSJ" 

Алматы қаласындағы БҰҰ ғимаратында,еліміздегі археологиялық қазба жұмыстарының жағдайы талқыланды. Онда ЮНЕСКО-ның Бүкіләлемдік мұралар тізіміне енген ескерткіштердің сақталуы бойынша атқарылып жатқан жұмыс барысы баяндалып, шетелдік және отандық ғалымдар пікір алмасты.

Ғылыми-практикалық семинарға АҚШ, Қытай, Моңғолия, Өзбекстан, Тәжікстан, Қырғызстан елдерінен келген білікті мамандар қатысты. Жібек Жолы бойындағы ортағасырлық қалалардың тарихы мен мәдениеті арналды.Осыған байланысты жергілікті органдардың назарын аудару,кейінгі буынға осы құндылықтарымыздың маңыздылығын жеткізу біздің негізгі мақсатымыз дейді «Есік» мемлекеттік тарихи-мәдени музей-қорының директоры.

ГҮЛМИРА МҰҚТАРОВА «ЕСІК» МЕМЛЕКЕТТІК ТАРИХА-МӘДЕНИ МУЗЕЙ- ҚОРЫҒЫНЫҢ ДИРЕКТОРЫ: «Кәзір семинар өтіп жатыр. Өте құнды мәліметтер алып отырмыз. Қатысып жатқан ғалымдарымыздың өздері Талғар-Қойлық ескерткіштерін зерттеуге тікелей қатысқан мамандар болғандықтан,осы ескерткіштерді сақтаудағы өздерінің құнды ұсыныстарын ұсынып жатыр. Талғар-Қойлық қалашығын ары қарай музейлендіру,консервациялау қалпына келтіру жұмыстарын жасау біздің алдымызда тұр».

Көне Талғар қалашығы құрып кетудің алдында тұрған ескерткіштерінің тізіміне енгізілген. 2018 жылы «Есік» мемлекеттік тарихи-мәдени қорығының балансына өткен соң, Талғар қалашығын қалпына келтіру,сақтау бойынша ауқымды шаралар жүргізілген. Осындай құндылықтарын шет мемлекеттер қалай сақтап отырғанымен тәжірибе алмасу біз үшін өте маңызды дейді министрліктің өкілдері.

ЖАНАТ СЕЙДАЛИЕВА ҚР МӘДЕНИЕТ ЖӘНЕ АҚПАРАТ МИНИСТРЛІГІ, МӘДЕНИЕТ КОМИТЕТІ ТАРИХИ-МӘДЕНИ БАСҚАРМАСЫНЫҢ БАСШЫСЫ: «Осы мәселелер бойынша шетелдіктердің де пікірлері бізге маңызды. Олар өздерінің обьектілерін қалай сақтап,қорғап отыр. Бүкіләлемдік мұра тізіміне енген обьектілерді сақтаудың ЮНЕСКО алдындағы міндеттемелерімізді дұрыс орындауға септігін тигізетін болады. Жалпы Халықаралық тәжірибеде бар бүкіләлемдік мұра ескерткіштерінің аумағында электр жүйелері жүргізілмеу керек деген сияқты. Бүгінгі шара осы мәселелерді шешудің жолы деп айтсақ болады».