https://www.youtube.com/embed/htOqDer4Fx4?si=lk7yxkwBY2KUReZt" 

Елдің елдігін айшықтап,бірлігін нығайтатын Наурыз мерекесі еліміздің әр өңірінде тойлануда. Ақтың молдығын,мал мен бастың амандығын тілеген, қазақ халқының бай мәдени мұрасын дәріптеуге, ұлттық салт-дәстүрлерді жаңғыртуға бағытталған шара жайлы тарқатсақ.

Алматы облысы,Тұрар Рысқұлов ауылында өткен мерекелік іс-шараға ауыл тұрғындары,абыз ақсақалдар мен қатар құрметті қонақтар қатысты.Ұлыстың ұлы күні ақшаңқан киіз үйлер тігіліп,мәдени шаралар ұйымдастырылды.Қазына кеуде қариялар елдің сәнін келтіріп түйеге мініп көпшілікке керемет көрініс тарту етті. Ақ жаулықты,ақ кимешекті аналар жамандық жоламасын,ел мен жер бәле жаладан аулақ болсын деген  ырыммен аластап, көпшілікке молшылық болсын деп шашу шашты. 

МАТАН БЕКБОСЫНОВ АЛМАТЫ ОБЛЫСЫ ТАЛҒАР АУДАНДЫҚ АРДАГЕРЛЕР КЕҢЕСІНІҢ ТӨРАҒАСЫ

МЕРКІБАЙ МОЛДАМҰРАТОВ АЛМАТЫ ОБЛЫСЫ ТАЛҒАР ҚАЛАСЫ АРДАГЕРЛЕР КЕҢЕСІНІҢ ТӨРАҒАСЫ

Бұл күні жақсылық пен қуаныш салатанат құратын сәт. Меркелік шара барысында ауыл мен ауданның өркендеуіне үлестерін қосып жүрген азаматтар алғыс хаттармен марапатталды.

БЕЙБІТКҮЛ МҰХАМЕДЖАНОВА Т. РЫСҚҰЛОВ АУЫЛЫНЫҢ ТҰРҒЫНЫ
 
АЙГҮЛ ЖАҢҒАБЫЛОВА  Т.РЫСҚҰЛОВ АУЫЛЫНЫҢ ТҰРҒЫНЫ

Қазақ халқының қонақжайлылық салты да паш етіліп,қонақтарға бауырсақ, қымыз, қазы-қарта ұсынылып, қазақтың асханалық дәстүрінің үздік үлгілері көрсетілді. Бейбіт күннің бақытты бүлдіршіндері жиналған көпшілікті ән әуезінде тербетіп,тәуелсіз елдің аспанын шаттыққа толтырды. 

КҮЛСӘРА ӘНӘПИЯЕВА АРДАГЕР ҰСТАЗ ЗЕЙНЕТКЕР

Ұлыстың ұлы күні ұлттық мәдениетімізді дәріптеу, салт-дәстүрімізді насихаттау – қоғамның рухани кемелденуіне үлкен үлес қосатыны сөзсіз.

https://www.youtube.com/embed/NJSCkviLP0I?si=pZThJJ7W6wZpTppk" 

Балалардың бос уақытын тиімді өткізу – олардың жан-жақты дамуы мен салауатты өмір салтын ұстануына жол ашады. Бүгінде телефон мен компьютерге тәуелділік мәселесі өзекті болып отырған шақта, олардың еркін уақытын пайдалы істерге бағыттау ерекше маңызға ие. Алматы облысы Талғар ауданында орын алған шараға назар аударсақ.

Ерте жастан еңбекке баулу ептілік қана емес, жастардың болашақ мамандықтарын дұрыс таңдауына жол ашады. Мемлекет басшысы 2025 жылды жұмысшы мамандықтарының жылы деп жариялауының түп мақсаты да осы салаға құрмет, жауапкершілікті арттыру. Талғар ауданында өнер мектептерінің өткізіп отырған іс-шарасының маңызы зор. Мерекелік кеш Ұлы Жеңістің 80 жылдығы, жыл — жұмысшы мамандықтар жылы, сондай-ақ қазақтың ұлы композиторы Нұрғиса Тілендиевтің 100 жылдық мерейтойына арналды.

РҮСТЕМБЕК МЫҢБАЕВ АЛМАТЫ ОБЛЫСЫ ТАЛҒАР АУДАНЫ БІЛІМ БӨЛІМІНІҢ МЕҢГЕРУШІСІ

Шара аясында  жасөспірімдер үшін түрлі бағыттағы шеберлік сыныптары, музыкалық қойылымдар, патриоттық әндер фестивалі мен қолданбалы өнер көрмелері ұйымдастырылды. Сондай-ақ, Нұрғиса Тілендиевтің шығармашылығына арналған арнайы музыкалық бағдарлама ұсынылып, жас өнерпаздар оның туындыларын орындап, көрермендердің ыстық ықыласына бөленді.Ұйымдастырушылардың айтуынша балалардың бос уақыттарын ұтымды пайдалану, түрлі зиянды заттармен шұғылдануларын алдын алады.

ГҮЛБАҒИЛА МҰСАБЕКҚЫЗЫ ТАЛҒАР АУДАНДЫҚ ӨНЕР МЕКТЕБІНІҢ БАСШЫСЫ

Бұл бастама жастардың шығармашылық қабілетін дамытуға, оларды ұлттық құндылықтармен сусындатуға және гаджеттерге тәуелділікті азайтуға үлкен септігін тигізді.  

https://www.youtube.com/embed/iHI_ZdD1XJ0?si=eJv9C7n3Kt5-USwl" 

https://www.youtube.com/embed/qwUqqhO73GI?si=ZY7xvTuze6BL0xSI" 

https://www.youtube.com/embed/XUpzvXk4m0A?si=L-wP95UFftoH-NlK" 

Жаңа дизайн, қолма-қол ақшасыз төлем, жақсартылған “Комфорт” тарифі – inDrive қызметін жаңартуды Алматы және басқа да бірнеше қаладан бастады. Алдағы уақытта бұл жаңа мүмкіндіктер Қазақстанның барлық тұрғындарына қолжетімді болады.

inDrive – көлік және қалалық қызметтерге арналған жаһандық платформа – Қазақстанда жаңартылған қосымшасын таныстырды. Енді төлемді банк картасы арқылы жасауға болады. Соңғы жылдардағы ең ауқымды интерфейс жаңартуы жүзеге асты, ал “Комфорт” тарифіндегі автокөліктердің сапа стандарты артты. Жаңартуларға назар аударту мақсатында inDrive бірнеше ай бойы Алматы қаласындағы жүргізушілерден ұсталатын комиссияны толық алып тастады. Бұл – жүргізушілер бұрынғыдан да көбірек табыс таба алады деген сөз.

inDrive үшін Қазақстан – туған нарық. Компания осыдан 11 жыл бұрын дәл осы елде іске қосылып, бүгінде Алматыда өз тарихындағы ең ірі операциялық хаб құрды. Бизнесінің операциялық бөлігін дамытуға қоса, компания жүргізушілер мен жолаушылар үшін қосымшаның сапасы мен ыңғайлығын арттыруға да қомақты инвестиция салып келеді. Алайда 2025 жылдың көктемінде ұсынылған жаңартулар – соңғы бірнеше жылдағы ең ауқымды өзгерістер болды.

«Алматы – біз үшін маңызды қалалардың бірі. Мұнда біз көліктердің сапасын және қалалық сапарлар қызметінің деңгейін арттыруға басымдық беріп отырмыз. Мысалы, біз банк картасымен төлем жасау жүйесін кезең-кезеңімен енгізіп келеміз. Бұл – қолма-қол ақшасыз төлем жасағысы келетін жолаушылар үшін inDrive қызметін бұрынғыдан да ыңғайлы ете түседі. Қазіргі уақытта бұл мүмкіндік Алматы тұрғындарына қолжетімді. Картамен төлеу мүмкіндігі қосымшаны пайдаланушылар қатарын кеңейтіп, жаңа жолаушыларды тартуға жол ашады», – деді inDrive-тың Қазақстандағы кантри-менеджері Арай Бекембаев.

Жаңа дизайн. Ең алдымен, компания қосымшаның дизайнын жаңартты. Енді интерфейс анағұрлым заманауи әрі ыңғайлы. Жолаушыларға сапар түрін, көлік класын таңдауды жеңілдетіп, қосымшадағы өзге де қызметтерді (қалааралық сапарлар, курьерлік жеткізу, жүк тасымалдау) пайдалануға қолайлы болды.

Картамен қолма-қол ақшасыз төлем. Екіншіден, компания жолақысын банк картасы арқылы төлеу мүмкіндігін қосты. Енді жолаушылар өздеріне ыңғайлы төлем түрін таңдай алады: қолма-қол, Kaspi немесе Halyk сервистері арқылы аударым не болмаса банк картасы. Бұл қызметті пайдалану үшін қосымшадағы төлем әдістері бөлімінде картаңызды тіркеу қажет.

Қазіргі таңда бұл мүмкіндік Алматы мен Қарағанды тұрғындарына қолжетімді. Алдағы уақытта бұл қызмет өзге қалаларда да енгізіледі.
“Комфорт” тарифі – одан да жайлырақ. inDrive “Комфорт” тарифін қайта іске қосты. Жүргізушілерге және қызмет көрсету сапасына қойылатын талаптар күшейтілді. Бұл тарифпен енді 4 жылдан аспаған (яғни 2021 жылдан бастап шығарылған) жоғарғы санаттағы көліктер қызмет көрсететін болады.

Жаңартылған “Комфорт” тарифі келесі қалаларда қолжетімді: Алматы, Астана, Қарағанды, Ақтөбе, Павлодар және Рудный.
“Попутка” (“Жол-жөнекей”) тарифі. Астана, Қарағанды, Теміртау, Рудный, Қызылорда және Атырау қалаларында “Попутка” тарифі іске қосылды. Бұл тариф жолаушыларға бірігіп сапар шегіп, жол ақысын өзара бөліп төлеуге мүмкіндік береді. Соның нәтижесінде жолаушылар – қаражатын үнемдейді, ал жүргізушілер – көбірек табыс табады.

0% комиссия және жарнамалық кампания. Қызметті ауқымды жаңартуға қолдау ретінде inDrive бірқатар жарқын акцияларды іске қосты. Жүргізушілер назарын аудару үшін компания Алматы қаласында 1 маусымға дейін қызметтік комиссияны алып тастады. Бұл дегеніміз – жүргізушілер өз шарттарымен жұмыс істеп қана қоймай, енді одан да көп табыс таба алады!

Ал кең аудиторияның назарын аудару үшін inDrive танымал актер әрі режиссер Нұрлан Қоянбаев пен белгілі әнші Садраддин қатысқан ауқымды жарнамалық кампанияны бастады.

Тұтынушылар электроникасы саласындағы әлемдік көшбасшы LG Electronics (LG) Алматы қаласында әлемдегі алғашқы мөлдір және сымсыз1 LG Signature OLED T теледидарын таныстырды.

Жаңа модель LG компаниясының стратегиялық серіктестері, жетекші бұқаралық ақпарат құралдарының өкілдері мен пікір көшбасшылары үшін ұйымдастырылған ауқымды инновациялық өнімдер таныстырылымы аясында ұсынылды. Қонақтар LG-дің ең жаңа флагмандық шешімдерін алғашқылардың бірі болып тамашалады, бұл компанияның премиум техника нарығындағы көшбасшы және жаңашыл ретіндегі мәртебесін тағы бір мәрте дәлелдеді.

LG Signature OLED T мөлдір теледидары өзін-өзі жарықтандыратын бірегей экранының арқасында пайдаланушыларға мөлдір және қалыпты режимдер арасында бір батырманың көмегімен оңай ауысуға мүмкіндік береді. Мөлдір режимде OLED T футуристік көру тәжірибесін ұсынып, әлемді жаңаша көруге мүмкіндік береді. Экран ауада қалықтап жүрген бейнелердің иллюзиясын жасап, экрандағы көріністер мен қоршаған кеңістіктің әсерлі үйлесімін қамтамасыз етеді.

Құрылғы халықаралық деңгейде кеңінен танылды – LG Signature OLED T TIME журналының нұсқасы бойынша жылдың ең үздік өнертабыстары рейтингіне енді, сондай-ақ CES 2024 Innovation Awards аясында бес марапатқа ие болды, оның ішінде ең жоғары санат – Best of Innovation жүлдесі де бар.

Таныстырылым аясында ерекше назар OLED evo теледидарларына аударылды – бұл премиум санатындағы теледидарлар сегментінде 12 жыл қатарынан2 көшбасшы деп танылған модельдер. Жоғары жарықтылығы, қара түстің тереңдігі және заманауи процессорларының арқасында OLED evo теледидарлары бейнені көрсету сапасының эталоны болып қала береді.

Бұдан бөлек, will.i.am-мен бірлесе әзірленген жаңа XBOOM аудиоқұрылғылары таныстырылды. Танымал музыкант LG бренді үшін «Пайдаланушы тәжірибесінің сәулетшісі» ретінде тағайындалған. Бұл бастама LG компаниясының тек қана техника өндірумен шектелмей, мәдени үрдістерді қалыптастыруға және күнделікті өмірге жаңа мағына енгізуге ұмтылысын көрсетеді. will.i.am өзі реттеген XBOOM құрылғыларына ерекше дыбыс сипаттамасы тән – жылы, жанды әрі үйлесімді дыбыс профилі. Дизайны will.i.am-нің поп-мәдениет саласындағы көпжылдық тәжірибесінен және аудиториямен резонанс тудыратын құндылықтарды терең түсінуінен шабыт алған.

Таныстырылымның ресми бөлігі аяқталған соң қонақтар жаңа өнімдерді сынап көріп, олардың функционалдығы мен дизайнын бағалауға, сондай-ақ компания өкілдеріне сұрақтар қоюға мүмкіндік алды. Іс-шара соңында LG брендінің Қазақстандағы дамуына елеулі үлес қосқан серіктестер компания тарапынан марапатталды.

Іс-шара LG компаниясының премиум сегменттегі көшбасшылығын тағы бір мәрте дәлелдеп, Қазақстан нарығындағы ұстанымын технологиялық инновациялар, стратегиялық серіктестіктер және брендті ілгерілетудегі креативті тәсілдер арқылы нығайта беруге ниетті екенін айқын көрсетті.

• TikTok #Наурыз2025 үшінші жыл сайынғы мерекелік онлайн-фестивальдің қорытындысын шығарды. Платформаның қолданушылары бұл бастаманы зор құлшыныспен қолдады: жоба өткен екі аптаның ішінде қазақстандықтар Наурыз мерекесіне қалай дайындалып, қалай атап өтетіні туралы 25 мыңнан астам видео жариялаған. Фестиваль өткізіліп келе жатқан үш жыл ішінде қолданушылар Наурыз мерекесі туралы жалпы саны 180 мыңға жуық видео түсірген.
• Биылғы онлайн-фестиваль серіктестер саны жөнінен де рекорд орнатты. Олар: ҚР Мәдениет және ақпарат министрлігі, ҚР Ғылым және жоғары білім министрлігі, ҚР Туризм және спорт министрлігі, «Kazakh Tourism» ұлттық компаниясы, Visit Shymkent, Алматы туризм бюросы және «Astana Tourism» туризмді дамыту орталығы.
• Онлайн-фестивальге сондай-ақ Қазақстанның түкпір-түкпірінен 24 жоғары оқу орны қатысты.

Қысқа видеолар жасауға арналған TikTok бірегей платформасы бірнеше жылдан бері Қазақстанның бай мәдени мұрасын қолдауға және насихаттауға бағытталған түрлі бастамаларды жүзеге асырып, қазақстандықтардың ұлттық салт-дәстүр көркемдігін бүкіл әлемге паш етуіне мүмкіндік беріп келеді. Осындай бастамалардың бірі, TikTok-та үшінші жыл қатарынан өтіп жатқан – Наурыз мерекесіне арналған онлайн-фестиваль. Платформаның Қазақстандағы мыңдаған қолданушылары көктемнің ең жарқын мерекесін жұмыла атап өттіі.

#Наурыз2025 TikTok-та

Биылғы онлайн-фестивалді TikTok қолданушылары қызу қолдады: небәрі екі апта ішінде олар #Наурыз2025 хэштегімен 25 мыңнан астам видео жариялады. Платформа қолданушылары Наурыз мерекесі туралы жан-жақты баяндады: мерекедегі дәстүрлер мен оның шығу тарихы, ұлттық тағамдар әзірлеу әдісін бөлісіп, ән әуелеп, би шалықтаған мерекелік шаралардан репортаж түсіріп - төл мәдениеттің көркем бейнесін айшықтай түсті.

Ресми серіктестерден бөлек, жобаны TikTok-тағы танымал креатрлар онтент да қолдады. Дарынды домбырашы Жақсы @zhakso_ "Қамажай" әнін ерекше өңдеп орындады, ал @ult_kazynasy білім беру жобасына қатысушылар Наурыз мерекесіне қатысты қызықты деректерді бөлісті. Аспаздық контент жасайтын креатор Сания @saniya_sagiimbaeva керемет безендірілген ұлттық тағамдар әзірлесе, саяхатшы креатор Асет @travelove100 қолданушыларға мерекелік көңіл-күй сыйлады.

Сонымен қатар, TikTok алғаш рет елдің ірі қалалары: Астана, Алматы және Шымкенттегі мерекелік іс-шаралар өткен алаңдарда арнайы интерактив орындар әзірледі. Бұл орындар осы қалалардағы  мыңдаған тұрғындары мен қонақтардың көзайымына айналды. 

Мерекелік дастархан

Тамақ - фестивальдің басты тақырыптарының бірі болды. Қолданушылар қонақтарға жайылған дастарханды көрсетіп, наурыз-көже, қуырдақ және түрлі тәттілердің дайындалу жолын көрсетті. Нағыз аспаздар сайысына қатысып, Қазақстандағы түрлі аспаздық мәдениетті қалай ұштастыруға болатыны туралы әзілдесті. Сондай-ақ ұлттық тағам ұсынатын мекемелерге шолу жасап, әралуан тконтент ұсынды.

Ұлттық музыка және би

Мереке кезінде TikTok-та  ұлттық әуендер әуеледі.  Домбыра трендке айналды:  домбырада шебер ойнайтын  қолданушылар өнерін паш етіп,  дәстүрлі және заманауи туындыларға кавер тартты. Сондай-ақ ұлттық киім киіп, би  билеу де TikTok лентасын жаулады. Әсіресе Сая Махамбеттің "Қазағымсың" әніне билеу – жеке трендке айналды. Қолданушылар бұл әнге үйде, достарымен, отбасымен бірге билеп, тіпті әнді скрипкамен де сүйемелдеп көрді.

Заманауи және дәстүрлі сән өнерінің үйлесімі

Фестивальдің ең елеулі тренді - ұлттық сән өнеріне  және оны қазір заманға бейімдеуге деген айнымас қызығушылық болды.  Қолданушылар ұлттық киімдерді жаңғыртып, заманға сай интерпретацияда ұсынды. Тіпті олар мереке күні беттеріне ою-өрнектермен  макияж жасап, ұрпақтар жалғастығы мен мәдени мұраға осылай да құрмет көрсетті.

«Қазақстан Республикасының Мәдениет және ақпарат министрлігі TikTok платформасының жыл сайынғы #Наурыз2025 онлайн-фестивалін өткізу бастамасын құптайды. Бұл бастама ұлттық дәстүрлер мен мәдени құндылықтарды қадың көпшілікке, әсіресе жастарға насихаттауға ықпал етеді. Біз цифрлық платформалардың материалдық емес мәдени мұраны сақтау мен ілгерілетуге қосқан үлесін жоғары бағалаймыз. Наурыздың тарихына, мерекелік дәстүрлерге шынайы қызығушылық танытқан қазақстандық қолданушылардың белсенділігі ұрпақтар арасындағы сабақтастық пен ұлттық бірегейлікті сақтауға деген заманға сай ұмтылысты көрсетеді. Мұндай бастамалар елдің мәдени тұтастығын нығайтып, креативті индустрияның дамуына септігін тигізетініне сенімдіміз», деп атап өтті Қазақстан Республикасының Мәдениет және ақпарат министрлігі.

Мерекелік іс-шаралар

TikTok платформасы  Астанадан Шымкентке, Ақтаудан Алматыға дейін, еліміздің түкпір-түкпіріндегі қалалар мен ауылдарда өткен мерекелік іс-шаралардан түсірілген  жарқын көріністерге толды. Көктемнің ең көркем мерекесін атап өту үшін миллиондаған адам көшеге шығып, ұлттық тағамдардан дәм татып, түрлі ойын-сауық шараларына қатысып, мерекелік көңіл күйлерін TikTok - та  бөлісті.  Рекорд та тіркелді: Көкшетауда 1600 әйел кимешек киіп, әсерлі шеру өткізді. Ал Ақтауда 5 мыңнан астам адам ұлттық киіммен Каспий теңізінің жағалауына жиналып, салт-дәстүрге деген құрметті паш етті.

Студенттердің шығармашылығы

Биыл – қазақстандық жоғары оқу орындарының студенттері мен оқытушылары ерекше белсенділік танытты.  Олар ұлттық киім киіп, қойылымдарға қатысып, дастархан жайып, ЖОО қабырғасында Наурыз қалай тойланатынын көрсетті. Жалпы, #Наурыз2025 онлайн-фестиваліне Қазақстанның 24 жоғары оқу орны қатысты. Мысалы, Almaty Management University-де ұлттық киім үлгілері көрсетілсе, Narxoz University студенттері би трендіне қосылды, Nazarbayev University-де домбырамен күй шертті, ал ZhanibekovUniversity студенттері мерекелік шаралардың видеоларын бөлісті.

«Қазақстандық жоғары оқу орындарының #Наурыз2025 онлайн-фестиваліне қатысуы – заманауи цифрлық платформалардың білім беру үрдісін тиімді түрде толықтыра отырып, студенттердің мәдени мұраны сақтау мен насихаттауына атсалыса алатынын көрсетті. Жастардың ұлт дәстүріні креатив, музыка, сән және өнер арқылы зор шабытпен паш етуі бізді қуантады – бұл зердері әрі мәдени тұрғыда орныққан тұлғаны қалыптастыруға бағытталған маңызды қадам. Білім, шығармашылық пен ұлттық құндылықтарды ұштастыратын осындай бастамаларды министрлік алдағы уақытта да қолдай бермек», – деп атап өтті ҚР Ғылым және жоғары білім вице-министрі Динара Ринатқызы Щеглова.

Өнер мен дәстүр

TikTok-тағы суретшілер мен қолөнер шеберлері өз шығармаларын Наурыз мерекесіне арнады. Қазақ мәдениетінен шабыт алған біріп оны картинаға айналдырса, тағы бірі кілемге сурет салып, тіпті бірі қолдан шағын киіз үй де жасап көрсетті.

Наурыз – отбасылық мереке ретінде

TikTok қолданушылары сүйікті мерекені отбасымен бірге қалай атап өтетінін бөлісті, ал тағы бірі үшін бұл – алғашқы Наурыз тойы болды. Мерекеге дәрігерлер, кеңсе қызметкерлері, полиция өкілдері сияқты түрлі кәсіп иелері де белсене атсалысты. Тіпті үй жануарлары да атсалысты.

«Бүгінде біз шетелдік туристердің қазақ мәдениетіне, асханасына, салт-дәстүрі мен өмір салтына деген ұдайы  қызығушылығын байқап отырмыз. Саяхатшылар көбіне-көп терең де мағыналы дүниелер іздейді — олар нағыз ұлттық мұраны танып-білгісі келеді. Осы тұрғыда жастарға және жалпы қоғамға қазақтың бай дәстүрін заманауи цифрлық платформалар арқылы көрсетуге мүмкіндік беретін бастамалардың рөлі ерекше. Бұл процеске жастардың белсенді түрде араласуы - аса маңызды», — деді Kazakh Tourism басшысы Қайрат Садвақасов.

«Соңғы үш жылда Наурыз мерекесіне орай онлайн-фестиваль өткізуге үлес қосқанымызды мақтан етеміз.  Осы уақыт аралығында Қазақстанның түкпір-түкпіріндегі қолданушылар ұлттық мерекеге орай 180 мыңға жуық бейнеролик түсіріп, өздерін осынау ірі мәдени шараның бір бөлшегі сезініп, өз халқының мәдение мұрасын бір-біріне ғана емес, бүкіл әлемдегі TikTok қолданушыларына паш ете алды. Мұндай нәтиже бізге зор шабыт сыйлады және біз Қазақстанның ұлттық мәдениетімен қатар, еліміздің бүкіл өңіріндегі қолданушылардың шығармашылық рухына қолдау көрсетуді жалғастыра береміз»- деп атап өтті TikTok-тың Шығыс Еуропа және Орталық Азия бойынша операциялық бөлімінің басшысы Мелис Чаглар

TikTok туралы

TikTok – бұл қысқа бейнебаяндар жасауға арналған жетекші қосымша. Біздің мақсатымыз – адамдарды шығармашылыққа шабыттандырып, бақытқа бөлеу.

https://www.youtube.com/embed/P1TTV-Q8WYI?si=dcW-9o35r03dmHkV"

Алматы «Ұлттық құндылықтар және жасанды интеллект: синергетикалық көзқарас» атты Республикалық ғылыми-әдістемелік конференция ұйымдастырылды. Мақсат, Білім – Тәрбие – Жасанды интеллект үйлесімділігінің педагогикалық теориясы мен практикасын жандандыру.

Конференция жұмысы басталмас бұрын қонақтардың назарына жасөрендердің қолымен жасалған бұйымдар ұсынылып, дәстүрімізді дәріптеуге бағытталған бағдарламалар таныстырылды. Артынша конгреске қатысушылар  құндылықтарға негізделген, құзыреттіліктерге бағытталған жаңа білім беру стандартының өзектілігі әңгіме өзегіне айналдырды. Сарапшылар мен педагог-ғалымдар бұл бағытта білім беру жүйесіне тың серпін беретін бастамалармен бөлісті.

ДҮЙСЕБЕК ӘДІЛХАН “ҰЛТТЫҚ ҚҰНДЫЛЫҚТАР АКАДЕМИЯСЫ” РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ ТӨРАҒАСЫ

Синергетикалық көзқарас: тәуекелдер мен мүмкіндіктер атты бөлімде жасанды интеллектті білім мен тәрбие саласында қолданудың артықшылықтары мен келешегі, сонымен қатар оның әлеуметтік-психологиялық қауіптері талданды. Мамандар AIPed платформасының этнопедагогикалық контенттерін мысалға келтіріп, оның ұлттық мәдени код пен қазіргі заманғы технологияның үйлесімділігін қамтамасыз ететін тиімді құрал екенін атап өтті.

САЛТАНАТ ҚҰСАЙЫНОВА АЛМАТЫ ҚАЛАСЫ НАУРЫЗБАЙ АУДАНДЫҚ БІЛІМ БӨЛІМІНІҢ БАСШЫСЫ

Теориялық пайымдаулардан педагогикалық практикаға көшу жолдары да жанжақты қарастырылды. Қатысушылар білім беру мазмұны мен әдістемесіне жасанды интеллект элементтерін енгізуде ұлттық болмыс пен тәрбиелік бағдарды сақтаудың маңыздылығын тілге тиек етті. Ұлттық рухани дүниетаным мен жасанды интеллект синергиясы – болашақ білімнің жаңа парадигмасы ретінде ұсынылды.

прпрпрп

https://www.youtube.com/embed/1TgBJ5zUg_M?si=7h2Vt96obJWJYXZ3"

Бүгін Алматы облысы Қарасай ауданына қарасты Көкөзек ауылында «KTEG Kazakhstan» ЖШС зауытының салтанатты ашылу рәсімі өтті. Жаңа кәсіпорын-өңірдегі ең ірі өндірістік нысандардың бірі болмақ. Жалпы инвестиция көлемі — 70 миллиард теңге, бұл қаржының барлығы компанияның жеке капиталы есебінен құйылған. Зауыт жобалық қуатына шыққан соң Еуразия мен ТМД нарығына сапалы өнім жеткізуді қолға алмақ. Зауыт арқылы Қазақстан бюджетіне жыл сайын шамамен 25 миллиард теңге салық түседі деп күтілуде. Шараға арнайы келген Алматы облысының әкімі Марат Сұлтанғазиев бұл жобаның өңір үшін маңыздылығын сөз етті.

МАРАТ СҰЛТАНҒАЗИЕВ, АЛМАТЫ ОБЛЫСЫНЫҢ ӘКІМІ: «Бүгін біз KTЕG компаниясының үлкен жобасының ашылуына қатысып отырмыз. Ол енді бізе тек өңірге ғана әсер емес жалпы ауданға облысқа, Республикаға да әсері бар.Өйткені бұл импортты азайтуға мүмкіндік береді.Бүгінгі күнге Алматы облысы 100 пайыз темекі өндірісін шығарып келе жатыр осы Қазақстанда. Бұл компания KTEG тек қана темекі өндірісі емес, бұлардың басқа да салалары бар фармацевтика, дәрі шөптер сол жағынан да ары қарай қарым-қатынас құруға үлкен мүмкіндіктеріміз бар».

Бұл — Оңтүстік Кореяның KT&G корпорациясының Қазақстандағы алғашқы жобасы және ол толығымен жеке инвестициялар арқылы жүзеге асырылды. Сондай-ақ, зауыттағы өндіріс процесі толықтай автоматтандырылған, халықаралық сапа стандарттарының талаптарына сәйкес келеді. Шикізатты сатып алудан бастап, дайын өнімді орауға дейінгі барлық кезеңде қатаң бақылау жүйесі жұмыс істейді.

https://www.youtube.com/embed/gyInMgvlj24?si=GngZOcNsiW3Y-eSq"