https://www.youtube.com/embed/GNLMhQPKUKA?si=JdlkTCf6-XcrnXb6"

https://www.youtube.com/embed/929TIZAaS2k?si=ZHk30F9B0vT-hyIH"

Талантты жастарды алалауды қойып, тамыр- таныс емес, ұлттық мүддеге жұмыс істеу керек. Ол үшін шұғыл түрде спорт саясатын реформалау қажет. Осылай деген мәжіліс депутаттары бүгін жаңа сайланған туризм және спорт министрін жан-жақтан сұрақтың астына алды. Олар жаңа министрден спорт федерациясының басшыларын жүрегі «қазақ» деп соққан қазақ азаматтарынан қоюды талап етті. Толығырақ алдағы сюжетте. 

Спорт саласы сын көтермейді. Мемлекет тарапынан қыруар қаржы бөлініп жатса да, спортшыларымыз ел намысын қолдан беріп жатқаны қынжылтады дейді депутаттар. 

ЕРЛАН САИРОВ ҚР ПАРЛАМЕНТІ МӘЖІЛІСІНІҢ ДЕПУТАТЫ «Пинчак силат, биатл, триатл, питанк, тенкбол, инфайт деген ешкім білмейтін спорт түрлерін тіркеп, оны бюджеттен қаржыландыруды қажеті қанша деген сұрақ туады? Мысалы, Ұлыбританияда 15 спорт түрі тіркелген. Өзбекстанда 17 тіркелген, Германияда 17 спорт түрі тіркелген. Қазақстанда 180 спорт түрі тіркелген екен. Бұл не мырзалық?»

ЕРБОЛ МЫРЗАБОСЫНОВ ҚР ТУРИЗМ ЖӘНЕ СПОРТ МИНИСТРІ: «Шынымен халық көкейінде жүрген сауал. 180 спорт түрлерінің ішінен басымды спорт түрін анықтау. Осы заң аясында жүріп жатыр. Олимпиада, параолимпиада, Азия, параолимпиада ойындары мен ұлттық спорт түрлерін осы бағдарламаларда басым 60 спорт түрін бекітеміз. Министрлік тарапынан мониторинг тобы құрылған, солар өңір-өңірде саралап, анализ жасап жатыр».

Ал, депутат Айдарбек Қожаназаров болса, жылдар бойы жетім баланың күйін кешіп келе жатқан ұлттық спорт мәселесін көтерді. Ол өз ұлттық құндылықтарымыздың дамудан кенже қалып жатқанына қынжылады. 

АЙДАРБЕК ҚОЖАНАЗАРОВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Есеп бергенде бәрі әдемі, ақша бөлініп жатыр. Бірақ салыстырмалы түрде қарасақ, біз өз еліміздің дәстүрлі ойындарына келгенде “өй, ауылдың жігіттеріне осы да жарайды” деген теріс көзқарас танытамыз. Дұрыс, ауылдың жігіттері көкпарды, асықты, садақ атуды тап қазір қолдамай қойсақ та ойнай береді. Бірақ біз бұл жерде халықаралық деңгей туралы айтып отырмыз. Айналаға қараңыздар, қазір әр мемлекет өзінің ұлттық ойындарына ерекше көңіл бөледі. Жоқтан бар жасайды. Біз бар дүниені ұқсата алмаймыз».

Әрине, спорт тақырыбы көтерілгенде легионерлер мәселесі де шет қалмады. Легионерлерді шақырып, миллиондар шашамыз. Намыс үшін. Алайда олардан көріп жатқан нәтижеміз жоқтың қасы. Сайып келгенде, елдің намысы - осы елдің азаматтарына керек деген халық қалаулылары бұл тәжірбиені тоқтату керек дейді. 

АБЗАЛ ҚҰСПАН ҚР ПАРЛАМЕНТІ МӘЖІЛІСІНІҢ ДЕПУТАТЫ: «Қазір ұлттық құрамада Қазақстан азаматтығын алып алған шет елдік легионерлер жетеді. Бірақ олардың жеткен жетістіктері ауыз толтырарлықтай емес. Оларға келген кезде Үкімет ақшаны да үйіп төкті. Азаматтықты да жылдам әрі тез алып берді. Бірақ Париж алдында Қазақстан азаматтығын алып алған 2 теннисші жарысқа қатысудан бас тартты. Болашақ жас спортшыларымыздың жолын кестірмейтіндей министрлік тарапынан заңнамада тетіктер қарастырылған ба жоқ па?»

Алайда, жауапты министр ол мүмкін емес екенін айтады. Қайта енді алда Қазақстандағы спортты дамыту үшін шет елдік ғылыми топ пен бапкерлік корпусты шақыру жоспарда бар көрінеді. Осылайша, министрлік отандық спорт мектебін қалыптастыруға ден қоймақ. 

https://www.youtube.com/embed/zxHM24uk4jI?si=zTqZd_RwZ-YvT9LN" 

Демалыстың нағыз жанға қуаныш сыйлар түрі отбасылық саяхат.Петропавл қаласында тұратын бір отбасы  3 баласын ертіп, жеңіл автокөлігімен шетел асып,  Түркияның Стамбул қаласына дейін барған. Олардың айтуынша, бұлайша саяхаттау әлдеқайда тиімді. Біріншіден,бірқатар ел мен жер көресің. Ал, екіншіден қаражат аз кетеді.

Сейдалиевтер отбасы Түркияға сапарды осы жылдың сәуір айында жоспарлаған.  Жеке көліктерімен 8 күн жүріп Түркияға жеткен. Негізі, көлікпен саяхаттау отағасы Рустамның ұсынысы болған екен.
 
РУСТАМ СЕЙДАЛИЕВ, ОТАҒАСЫ «Біз өзіміздің «Камри» маркалы көлігімізбен бардық. Көлемі – 2,5. Оны мен Грузия елінен алдым. Қазақстанға дейін өзім жүргізіп келдім. Жолдағы табиғатқа ғашық болдым. Отбасымның да сол сұлулықты өз көзімен көргенін қаладым». 

 Отбасы Түркияға Ресей және Грузия арқылы барған. Саяхат барысында 15-ке жуық қалаға тоқтап, әрқайсысын аралап, ерекшелігін көрген. 11 мыңдай шақырым жолды еңсеруге,бас аяғы 2 аптаға жуық уақыттары кеткен. 

ЖҰЛДЫЗ ҚҰРМАНОВА ОТАНАСЫ «Балалар қиналған жоқ. Өздерін еркін ұстады. Арнайы орындары болды. Телефонға суретке түсіріп, қызықтап отырды. Біздің туған туыстарымыз сапар туралы білді. Ал, достарымыз, әріптестеріміз бәрі таңғалуда.  Қалай барып келдіңіздер деп, бәрі сұрап жатыр. Бізде өз отбасымызбен барсақ екенқызығушылық танытқандар да жетерлік». 

Отбасы әр мемлекеттердің шекарасынан еш қиналмастан өткенін айтады. Олардың сөзінше, көлікпен саяхаттау арқылы 2 есе көп дүниені көруге болады. 

РУСТАМ СЕЙДАЛИЕВ ОТАҒАСЫ «Барып-келуге барлығы шамамен 1 млн 500 мың теңгедей кетті. Негізі, бұдан аз жұмсауға болар еді. Бірақ, өзімізден ешнәрсені аяған жоқпыз. Жанармайдан қиналдық деп айта алмаймын. Барлық жерде шамамен бірдей баға.  Жұбайым екеуіміз бұған дейін Дубайға турмен барғанбыз.  Оған да осындай қаражат жұмсадық. Бірақ, әрине онда қыдырған жерлеріміз бұдан тіптен аз болды». 

Сейдалиевтер шаңырағы мұнымен тоқтап қалмай Португалияға баруға дайындық үстінде. Осылайша, бір саяхат барысында түгел Еуропаны аралап үлгермек.

https://www.youtube.com/embed/i74X4Shr87k?si=z0ja5ozmAJ_0cSbg"

Астанада  кәсіптік білім беру мен техникалық дайындықтың маңызды оқиғасына айналған WorldSkills Kazakhstan 2024 ұлттық чемпионат басталды. 

Әлем бойынша WorldSkills қозғалысы кәсіптік мамандықтардың мәртебесін арттырып, кәсіптік шеберлік чемпионаттарын өткізу арқылы маңызды құралға айналды. 1946 жылы бастау алған WorldSkills қозғалысы еңбек ресурстарын дамыту және кәсіптік дайындық стандарттарын орнату мақсатында жетекші жабдықтаушылармен және қызмет көрсетушілермен ынтымақтастық орнатты. 

ӘСЕТ ҒАРИФОЛЛАҰЛЫ  ТЖКБ ДЕПАРТАМЕНТІНІҢ ДИРЕКТОРЫ

Биыл чемпионатқа Қазақстанның барлық облыстарынан 555 қатысушы қатысып, 30 құзыреттілік бойынша өз шеберліктерін көрсетпек.

https://www.youtube.com/embed/jWxwXPCBa18?si=sUWDZZCWyZqSTBj9"

https://www.youtube.com/embed/mC7We1FGjQs?si=-D1LkRUWWXwcj0Dl" 

Бүгін Астанада 13 жастағы Әділхан Әбілдиновтың қайғылы қазасына арналған баспасөз мәслихаты өтті. Баланың ата-анасы Әлия Әбілдинова мен оның күйеуі Азамат және отбасының адвокаттары  болған оқиғаның мән-жайын айтып, әділдік пен болған оқиғаның толық зерттелуін талап етті. Олар медицина қызметкерлері тарапынан өрескел заң бұзушылық орын алғанына сенімді және қоғам мен құқық қорғау ұйымдарының қолдауына сенеді. Әділхан Әбілдинов Астанадағы No2 көпсалалы қалалық балалар ауруханасына мұрын полиптерін алу бойынша жоспарлы ота жасау үшін жатқызылған.

Баланың анасына сараптама қорытындысы бойынша ұлынан ешқандай қарсы көрсетілім анықталмағанын айтып, дәрігерлер отбасын ота қауіпсіз деп сендірген. Алайда, дәрігерлердің айтуынша, бір сағатқа жуық уақытқа созылуы керек болған процедура қайғылы аяқталып - бала ота бөлмесінен тірі шықпады.

https://www.youtube.com/embed/NZD28vYGROA?si=tLhbBwnbobW3Po1O" 

Бұдан былай еліміздегі биік үйлер мен биік ғимараттардағы өрттер дрондардың көмегі арқылы сөндірілетін болады. Төтенше жағдайлар министрлігі 120 млн теңгелік екі дрон сатып алмақ. Бұрынғы қателіктерге жол бермеу керек деді Премьер-Министр бүгін Үкімет отырысында.

Жеке тұрғын үйлердегі өрттің басым бөлігі пеш конструкциясындағы ақаудан шығады. Олар негізінен халықтың әлеуметтік осал санатындағы үйлерге тиесілі. Көбінесе осы санаттағы адамдар балаларды ересектердің қарауынсыз қалдыру себебінен, балалар өлімі орын алады. Осындай оқиғаның бірі, жақында Жетіқара қаласында болды. Үйде қараусыз қалған бес бала қаза тапты. Аталған фактілерді ескере келе, әлеуметтік осал топтарды Министрлік өзінің ерекше бақылауында ұстауда. Бүгінде мұндай есепте тұрған жүз мыңнан астам үй бар дейді Төтенше жағдайлар министрі Шыңғыс Әрінов. Айтпақшы, енді өрт сөндіру бөлімшелерін салу тәсілі өзгереді.

ШЫҢҒЫС ӘРІНОВ ҚР ТӨТЕНШЕ ЖАҒДАЙЛАР МИНИСТРІ: «Өрт сөндіру бөлімшелерін салу тәсілі қайта қаралған. Биыл тамыздан бастап Астанада 3,5 айдың ішінде жылдам тұрғызылатын конструкциялардан салынған өрт сөндіру бөлімшесі жұмыс істейді. Барлық өңірде құрылыстың осындай тәсілі енгізілетін болады. Жалпы елімізге 121 өрт сөндіру депосы қажет. Алғаш рет биік ғимараттарда өртті сөндіретін 2 дрон сатып алынады. Биыл республикалық, жергілікті бюджет есебінен және лизинг арқылы 728 арнайы автотехника мен 18 мыңнан астам құрал-жабдық сатып алып жатырмыз. Ең алдымен, техниканы аудандық бөлімшелердің мұқтаждығына бөлеміз».

Ал, үкімет басшысы Олжас Бектенов болса, әкімдер жұмысын сынап, оқыс оқиғаларды азайту керектігін айтты. 

ОЛЖАС БЕКТЕНОВ ҚР ПРЕМЬЕР-МИНИСТРІ: «Жылу беру кезеңі енді ғана басталды. Ал, еліміздің тұрғын үй секторында екі күннің бірінде өрт шығады. Пеш жағу кезінде қарапайым қауіпсіздік талаптарының сақталмауынан бір айда 130-дан астам өрт тіркелген. Сондай-ақ иіс тиіп уланған жағдайлар жиілеп кетті. Қаза тапқандар да бар. Оқыс жағдайларды барынша азайтпасақ болмайды. Жылу беру кезеңінде өрттердің 50%-ға жуығы пештер мен мұржалардағы ақаулардың кесірінен орын алады. Алайда, өрттің негізгі шығу себебі жылыту пештері мен қазандықтарды пайдалану кезінде өрт қауіпсіздігі ережелерін өрескел бұзу болып отыр. Төтенше жағдайлар министрлігі осыған баса назар аударып, мұндай бұзушылықтарға бей-жай қарамауға тиіс».

Жоғарыда министр айтқан әлеуметтік аз қамтылған отбасылардың үйлері енді министрліктің тікелей өз назарында болады. Ондай үйлерге улы газ датчиктері тегін орнатылады. 

ОЛЖАС БЕКТЕНОВ ҚР ПРЕМЬЕР-МИНИСТРІ: «Бірінші кезекте, халықтың әлеуметтік осал топтарының үйлерін есепке алған жөн. Олар ерекше бақылау аймағында болуға тиіс. Осындай үйлердің барлығына улы газ датчиктерін тегін орнату қажет. Алайда Жетісу, Ақмола, Ақтөбе облыстарының және Алматы қаласы әкімдіктерінің бұл бағыттағы жұмыстары мардымсыз екенін атап өткім келеді. 2%-дан 14%-ға дейін ғана қамтылған. Аталған әкімдіктер жұмысты күшейтіңіздер».

Үкімет басшысы үй иелерінің бейқамдығы да жағдайға кері әсер етіп отыр деді. Көп адамдар ақауы бар пеш жағады. Қысқа дайындық шараларына салғырт қарайды. Қарапайым қауіпсіздік техникаларын бұзып жатады. Осыған байланысты Төтенше жағдайлар министрлігі Ішкі істер министрлігімен және әкімдіктермен бірлесіп, жеке тұрғын үйлерге рейд жүргізуді жандандырып, қауіпсіздік мәдениетін арттыру бойынша түсіндіру жұмыстарын жүргізулері керек деді. 
 

https://www.youtube.com/embed/RXU1kPF7_Og?si=8fLF72APuV9vTind" 

Қазықстандық жастар Нидерланды да ұйымдастырылған халықаралық би байқауынан үшінші орынды иеленіп,еліміздің атын шығарды. Заман талабына сай дамып келе жатқан бұл өнер түрін паппинг стилі деп атайды.

Ерлі-зайыпты Дәурен мен Малика би өнерінің хипхоп,брекинг және паппинг стилі бойынша команда жасақтап,түрлі байқауларда еліміздің атын шығарып келеді.Бұл жолғы олжалары Нидерланды да ұйымдастырылған халықаралық байқау.Сен тұр мен атайын деген 50 команда қатысқан шарада 3-ші орын алып,елімізге абыроймен оралып отыр.Айтулы шараға жолдаманы онлайн кастинг арқыры өтіп, жетістікке жетіп отырған жайлары бар.

ДӘУРЕН АЙЖАРЫҚОВ ҚАЗАҚСТАНДА ПАППИНГ СТИЛІНІҢ НЕГІЗІН ҚАЛАУШЫ
 
Паппинг (ағылшынша Popping) – әуенге сай дене бұлшық еттеріне қысым түсіріп, аздап робот сияқты қимылдау. Ол XX ғасырдың 70-жылдары Американың Калифорния штатында пайда болды. Бұрын «жетілдірілген брейк», «робот», «толқын», «электрик-буги» деген атаумен белгілі болған. Қазір әлемде жеке би стилі деңгейіне жетті. Паппинг қимылында ешқандай шектеу жоқ. Бұл стильді джи-фанк, пи-фанк секілді музыкаларға билеуге болады. 

МАЛИКА АХМЕТОВА БИШІ: «Біз би өнерінің паппинг бағытымен шұғылданамыз.Бұл бағыттың хипхоп мәдениетінің бір бөлшегі. Айтулы өнер түрі АҚШ та дамыған,ол жерде би жекпежегі арқылы өздерінің мықтылығын көрсетеді.Байқауға қатысқанда біздің команда барын салды,жетістікке жеттік.Қазақстанның атын шығарғанымызға қуаныштымыз».

Өнерлі жұп мұнымен тоқтамақ емес, олар өздерінің би студияларында көптеген жастардың айтулы стильмен шұғылдануларына қол ұштарын бермекші.Сонымен қатар жасақталған командаларымен өзге де байқауларға қатысуды жоспарлап отыр.

ДӘУРЕН АЙЖАРЫҚОВ ҚАЗАҚСТАНДА ПАППИНГ СТИЛІНІҢ НЕГІЗІН ҚАЛАУШЫ

https://www.youtube.com/embed/ZQpex9dOkio?si=v-jqvPTtYoOz7ykN"

https://www.youtube.com/embed/kbVhWfEyqBY?si=tPPHslJ_rx-Np3Tu" 

Петропавлда халықаралық көгершіндер көрмесі өтті. Екі күн бойы тұрғындар бейбітшілік құсы саналатын кептерлердің түр-түрін тамашалауға мүмкіндік алды. Көрме-жәрмеңкеге еліміздің түкпір-түкпірінен, көрші Ресейден көгершін өсірушілер қатысып, құстардың асыл тұқымын көрермен назарына ұсынды.

Халықаралық деңгейдегі көрмені Қостанай, Көкшетау, Астана және Қарағандыдан келген елдің солтүстік өңірлерінің көгершін өсірушілер бірлестігі ұйымдастырып отыр. Мұнда осы құстың 20-дан астам тұқымы таныстырылды. 

СЕРГЕЙ МИЦУКОВ РЕСЕЙ ФЕДЕРАЦИЯСЫ ЧЕЛЯБІ ОБЛЫСЫНЫҢ "ПТИЦА-РАДОСТЬ" КӨГЕРШІН ӨСІРУШІЛЕР КЛУБЫНЫҢ ПРЕЗИДЕНТІ: 
«Жұмыстан келіп шаршаған кезде, көгершінді көріп, демаласың. Бұл керемет демалыс. Өте ерекше құс. Себебі, асылдандыру үнемі жүріп тұрады. Қазір әлемде еуропалық стандарттар бойынша өсірілген 1900 тұқым бар».

Рахметжан Мирсалимбаев көрмеге Тараз қаласынан келген. Ол шамамен 60 жыл бойы көгершін өсірумен айналысады. Ол бұл істі бала кезінен бастаған. Көрмеге 4 жұп көгершін әкелді.

РАХМЕТЖАН МИРСАЛИМБАЕВ КӨГЕРШІН ӨСІРУШІ: «Бұл Челкар атты көгершін. Оның аяқтары, дене бітімі, көгілдір көздері-өте әдемі. Көрмеге 8 құс әкелдім». 

Көрмеге қойылған құстардың сапасын төрешілер халықаралық стандарттар бойынша бағалады. Көп ұпай жинаған көгершін жеңімпаз атанып,құстың иесі кубок, естелік медаль мен дипломға ие болады.  

https://www.youtube.com/embed/EHF7EpU1nws?si=Lc1RnO8xAQY5mLNH" 

 «Бишімбаев түрмеден қашты» деген жалған ақпарат. Мұндай қауесеттің таралуына сотталған экс-министрдің нақты орналасқан жерін табуға тырысқан отандық YouTube арналардың бірінде жарияланған сюжет себеп болған. Сюжетте Бишімбаев жазасын өтеуі тиіс колонияда оның жоқ екені айтылады. Дәл осы ақпарат әлеуметтік желілерде желдей есіп жалған ақпарат толқынын туғызған. Қылмыстық-атқару жүйесі комитеті ресми түсініктеме беріп, бұл ақпаратты жоққа шығарды. Сотталған азамат жазасын қауіпсіздігі барынша жоғары мекемеде өтеп жатыр деді.

Артынша сотталушының адвокаты да пікір білдіріп, біртараптан ғана толық зерттеусіз ақпарат берген тілшілер қауымын сөкті. Бишімбаев Степногорскіде, мен оны тұрақты түрде барып көріп тұрамын деді оның қорғаушысы.Жалған ақпарат тарату бойынша қылмыстық іс қозғалғанын айта кетейік. Комитет азаматтарды жалған ақпарат таратпай, тек ресми деректерге сенуге шақырды. 

https://www.youtube.com/embed/eD9SjDwS9S4?si=px0rXbAI0F63r3Kl" 

Білім мен қатар адами құндылықтарды бала бойына қатар сіңдіру жауапты мәселе. Елінің мерейін асыруды мақсат қойып тәрбиеленген жастардың алар асуы төмен болмаса керек. Осы орайда Алматы қаласындағы білім ошағында жасөспірімдер арасындағы 81 кг салмақта әлем чемпионы Зейноллаева Аружан Шалқарқызымен кездесу ұйымдастырылды.

Мектеп ұжымы өзінің ерекше стилімен ерекшеленетін боксшы қызды  құрметпен қарсы алды. Күмбірлетіп күй шертіліп, құшағы гүлмен көмкерілді. Өскелең ұрпақтың бұл ыстық ықыластарының барлығы  Аружанды үлгі тұту. Мақсат жастардың спортқа қызығушылықтарын арттыру. 

ШАРА ИМАНБЕКОВА АЛМАТЫ ҚАЛАСЫ АЛАТАУ АУДАНЫ № 179 ЖАЛПЫ БІЛІМ БЕРЕТІН МЕКТЕПТІҢ ДИРЕКТОРЫ

Білім ошағында шығармашылық,патриоттық,экология,спорт сынды құндылықтарға бес күн негізделіп белгіленген. Еліне деген сүйіспеншіліктерін ояту, салауатты өмір салтын ұстану,табиғатты аялау мақсаттарында үнемі іс шаралар ұйымдастырылып отырады. Адамның қандай да болмасын жетістікке жетуі үшін телегей тер төгуі қажет екенін оқушыларға ұғындыру.

АЙНҰР ӘБДЕНОВА АЛМАТЫ ҚАЛАСЫ АЛАТАУ АУДАНЫ № 179 ЖАЛПЫ БІЛІМ БЕРЕТІН МЕКТЕПТІҢ ОРЫС ТІЛІ ПӘНІНІҢ МҰҒАЛІМІ

Черногория Будведе өткен жастар арасындағы әлем чемптонатының алтын жүлдегері  Аружан финалда өзбек боксшысы Рухшон Паприева мен кездесіп 5/0 есебімен еліміздің мерейін үстем еткен еді. Жеңіс тұғырындағы бастан өткерген сезімімен бөлісті.

АРУЖАН ЗЕЙНОЛЛАЕВА ЖАСТАР АРАСЫНДАҒЫ ӘЛЕМ ЧЕМПИОНАТЫНЫҢ АЛТЫН ЖҮЛДЕГЕРІ

Иә,елім дейтін ердің,ерім дейтін елдің қалыптасуы осындай құрметтеулерден бастау алса керек.