https://www.youtube.com/embed/gVmayF80ieU?si=prIelPMryVd687hk"

Оралда дарынды балаларға арналған Сәкен Сейфуллин атындағы №11 облыстық мамандандырылған мектеп-лицей-интернаты және БҚО дарынды балаларға арналған мамандандырылған ақпараттық технологиялар мектеп-лицей-интернатына оқушыларды конкурстық іріктеуге байланысты шу шықты.

Сәкен Сейфуллин атындағы дарынды балаларға арналған және Айти мектепке баласын оқыту үшін емтихан тапсыртқан бір топ ата-ана білім басқармасының алдында жиналды. Оқушылар маусымның 8-інде тест тапсырады. Ата-аналар осының нәтижесінде балаларын мектепке қабылдауын талап етуде. 

МҰРАТ НҰРҒАЗИМОВ АТА-АНА « Ең көп  жинаған жүз бала өтіп тұр. Бесінші сынып екеу, алты және жетіден бір сынып бар. Сол сыныптарға балалар өтсін делінген. 564 бап бойынша қайтадан емтихан тапсырылмайды...»

Ата-аналар Сәкен мен Айти мектепке оқушыларды қабылдау үшін қайтадан тест тапсыртуға үзілді-кесілді қарсы. Олар балаларымыз қанша жыл осы емтиханға дайындалды. Талай ақылы оқу орталығының табалдырығын тоздырдық. Енді баламызға екінші қайтара сынақ тапсыру керегін қалай түсіндіреміз деп сұрайды. 

ЛУНАРА ОРАШАЕВА АТА-АНА « Түстік деп қуанып жүрдік. Енді он күн ішінде жариялау керек еді. Бұл кісілер ештеңе жарияламады, сот болып жатыр депте айтпады...»

Бұл жерде ата-аналардың үш тобының мүддесі бар. Олардың біріншісі емтихан нәтижесі күшінде қалып, балаларының оқуға түскенін қалайды. Екінші топ – балалары оқуға түсе алмай қалғандар. Олар емтихан кезінде әділетсіздік болғанын алға тартады. Үшіншісі – шақыртылмай, емтиханға қатыса алмай қалғандар. Басқарманың мәліметінше, Орал қаласының А.Байтұрсынов атындағы №10 орта мектеп базасында 8 маусым күні «Недвижимость Сити» ЖК өткізген емтиханның қорытындысы мектептер тарапынан техникалық сипаттамаға және мемлекеттік сатып алу шартының талаптарына сәйкес емес деп танылды. Осыған орай емтиханның қорытындысы заңды тұрғыда шешімін тапқанға дейін 2024-2025 оқу жылына оқушыларды қабылдау мектептер әкімшілігінің шешімімен уақытша тоқтатылған. 

ЕЛДОС САФУЛЛИН БАТЫС ҚАЗАҚСТАН ОБЛЫСТЫҚ БІЛІМ БАСҚАРМАСЫНЫҢ БАСШЫСЫ « Комиссия құралады. Оны толығымен зерделейді. Мүмкіндігінше тест қайта тапсырмай барымен шешім қабылдауға тырысады. Бірақ, адал қарау керек»

Арнайы комиссия үш күннің ішінде оқушылардың мәселесін жан-жақты зерттемек. Ата-аналар бұл жағдай оңынан шешілмесе наразылық білдіріп, алаңға шығамыз деп отыр.

https://www.youtube.com/embed/ZNPwMCXr9tc?si=wJZL_maIxhyMwNJ_" 

Шымкенттің екі тұрғыны жалған купюралар мен есірткі заттарын сатуға тырысқан. Осы факті бойынша тергеуді Қаржылық мониторинг агенттігі жүргізді. Сот үкімімен аталған адамдар кінәлі деп танылып, олар 11 және 5,5 ( бес жарым) жылға бас бостандығынан айырылды.

ӘЛІБЕК ӘБДІЛОВ ҚР ҚМА РЕСМИ ӨКІЛІ:«Тергеу барысында ҚМА қызметкерлері бақылауымен қара-жасыл түсті өсімдік тектес затты сатып алу жүргізілді. Кейінірек сарапшылар зерттеу объектісінің жалпы салмағы 5 кг болатын «гашиш» есірткі заты екенін растады. Сонымен қатар, аталған азамат жалған 10 000 АҚШ долларын сату барысында ұсталды.Сондай-ақ, жедел іздестіру шараларын өткізу барысында оның сыбайласы анықталды, одан 13 100 жалған АҚШ доллары табылып, тәркіленді. Ал оның тұрғылықты жерін тінту барысында салмағы шамамен 1 кг гашиш табылып, тәркіленді».

https://www.youtube.com/embed/mOXMSkzzNug?si=mV99KOACqccwpNng" 

Енді су шаруашылығы саласындағы отандық мамандар Америка Құрама Штаттарында біліктілігін арттырып, сол жақта өндірістік тәжірбиеден өте алады. Су ресурстары және ирригация министрлігі АҚШ, Геологиялық қызметімен ынтымақтастық орнатты. Өз кезегінде америкалық тарап су тасқынының алдын алу және жедел ден қою, оның салдарымен күресу мәселесінде қолдау көрсетеді. Демек, елімізге АҚШ сарапшылары көптеп келетін болады. 

НҰРЖАН НҰРЖІГІТОВ ҚР СУ РЕСУРСТАРЫ ЖӘНЕ ИРРИГАЦИЯ МИНИСТРІ: «Америка Құрама Штаттарымен су шаруашылығы саласында талқылайтын мәселе өте көп. Бұл мемлекеттің аталған салада тәжірбиесі мол. Соңғы заманауй технологиялар қолданылады. Сол технологияларды біздің елде де енгізу қажет. Қазақстандық су шаруашылығы мамандарының біліктілігін арттыру да маңызды. Отандық кадрларды оқытуға болатын түрлі халықаралық бағдарламалар бар. Алдағы уақытта біртіндеп сол бағдарлама аясында мамандарымыздың біліктілігін арттыратын боламыз».

https://www.youtube.com/embed/3qZf1XVpcq4?si=WApyLVxc63gaNulh" 

https://www.youtube.com/embed/9TW0jXO1K2o?si=Qsx1r1k6tPIJ6jo3" 

Алматының Атакент көрме орталығы аумағында орналасқан екі қабатты дәмхана өртеніп кетті. Абырой болғанда, адам шығыны жоқ. Оқиға орнына 5 минутта жеткен өрт сөндіру қызметі үш учаскеге бөлініп, үздіксіз су беру арқылы қызыл жалынды дер кезінде сөндірді. Дәмханадан үш газ баллоны сыртқа шығарылды. Кәсіпкерлік нысанының шатыры жанып кеткен.

ТЛЕУБЕРДІ МӘДИЕВ ТЖД ӨР СӨНДІРУ ЖӘНЕ АВАРИЯЛЫҚ-ҚҰТҚАРУ ЖҰМЫСТАРЫ ҚЫЗМЕТІНІҢ БАСТЫҒЫ:  «Кафенің екінші қабаты толық өртке оранды. Өртті сөндіру желдің ұйытқуы мен және кафенің ағаш құралдары мен жабдықталғандықтан қиындық тудырды.Бұдан бөлек кафеден екі метр жерде төрт жанар-жағармай орналасқан. Жалпы, жағармай қоры 2,5 тонна болды. Күш пен құралдардың дер кезінде және жлдам әрекеттің арқасында өрт 21:17 минутта  тежеліп, 21:33 минутта толық жойылды».

https://www.youtube.com/embed/hRikpt_5QNs?si=rEpJ1mFyGXzcdWcX" 

Маңғыстаудағы Батыр ауылында асыл тұқымды ешкімен шаруасын дөңгелетіп отырған кәсіпкер бір түнде жер сипап қалды. Қаңғыбас иттер  40-қа жуық ешкісін  тамақтарынан жарып, қырып кеткен. Нәпақасынан бір күнде айырған иттерге шарасызбыз дейді. Себебі итке тиісуге болмайды деген заң бар. Әкімдік оқиғадан хабардар,алайда нәтиже жоғын алға тартты мал иесі. 

Құмар Нұрпейсова  29-шы шілде күні таңғы уақытта қораға келіп, қырыққа жуық қырылып қалған малын көреді. Бірен сараны келесі қораға өтіп аман қалған. Шаруа иесі 5 бұралқы иттің ауыл ішіне қарай қашқанын көріп, соңынан қуғанымен жете алмаған.

ҚҰМАР НҰРПЕЙСОВА ШАРУАШЫЛЫҚ ИЕСІ «Бәрін тек мойнынан тістеп, қырып кете берген ғой. Ешқайсысын жемеген. Ішінде бір ешкімнің қарнын жарған. Қалғанының бәрінің тек мойнынан тістеп кете берген. Осы ешкілерді “Нұр Капитал” бағдарламасымен 15 ешкіні 400 мыңнан 6 млн-ға алдырғанмын. Қазір енді 7 ай төлейтін уақытым қалды». 

Құны қымбат ешкінің бағасы 400 мың теңгеден басталады. 40 бас ешкі шамамен 15 млн теңгеден астам. Кәсіпкер шаруашылықты қолға алған кезде несие алыпты, енді қарыздан құтылуға санаулы айлар қалғанда банкротқа ұшырадым дейді.  Сүтінен қаймақ, ірімшік дайындап, отбасын асырап қана қоймай, несиесінде жауып отырған. Енді Құмар Нұрпейсова не істерін білмей дал болып жүр. 

ҚҰМАР НҰРПЕЙСОВА ШАРУАШЫЛЫҚ ИЕСІ «10 жыл болды ғой енді айналысып жатқанымызға. Бүткіл Ақтауды, Мұнайлы, ауырып жатқан кісілерді, кішкентай балаларды, түгел қамтамас етіп отырдық. Құрт, ірімшік, үлкен кісілерге қаймағын тасып отырғанмын мен. Енді былай қарағанда бір отбасыны, 9 адамды асырап отырған мал бұл.Енді маған жартысы болсада көмектессе, тағы ешкі алып, осы үйреніп қалған жұмысымыз ғой». 

Оқиға болған күні әкімдіктен мамандар келіп, шығынды есептеп, АКТ толтырып, әр ешкіні суретке түсіріп кетіп қалған. Содан бері үн-түнсіз дейді шаруа иесі. Шыққан шығын өтеле ме?- деген сауалға жауап таппай әкімдіктің де, кәсіпкерлік бөлімнің де есігін қағыпты. 

 БЕКБОЛАТ ҚАБАТБАЕВ МҰНАЙЛЫ АУДАНДЫҚ КӘСІПКЕРЛІК ЖӘНЕ АУЫЛШАРУАШЫЛЫҚ БӨЛІМІ БАСШЫСЫНЫҢ ОРЫНБАСАРЫ  «Ол бойынша енді біздің ауылшаруашылық бөлімі тарапынан және Батыр ауылдық округі мамандары және ветеринарлық станция бөлімі тарапынан АКТ жасақталып, тиісті басқармаларға, мысалы ауылшаруашылық басқармасына шара алу бойынша хат жолданды. Қазіргі таңда нәтижесін күтудеміз. Аталған кәсіпкерлікті, шаруа қожалықты қолдау мақсатында облысымызда “Бір ауыл-бір өнім” бағдарламасы аясында берілетін 5 млн грантқа, яғни жергілікті тауар өндірушілерге арналған кәсіпкерді қолдау мақсатында, сол жобаға қатысуға ықпал жасап жатырмыз».

Құмар Нұрпейсова кәсіптің қыр сырын меңгерген жан. Қаржылай қолдау көрсетіліп, шығыным өтелсе, ешкі басын көбейтіп, көпшілікті сүт өнімімен қамти беремін деп отыр. Несие алуға ниеті соқпай отыр,себебі мойнындағы қарыздан құтылу үшін көрер таңын көзбен атқызуда. 

https://www.youtube.com/embed/IgO_n8S1lK8?si=VnRz6ParenEAev1Z" 

Халықаралық Олимпиада комитетінің президенті Томас Бах Лос-Анджелесте өтетін келесі ойындарда бокстың Олимпиадалық спорт түрлерінің тізімінен шығарылуы мүмкін екенін айтты. Бұл маңызды шешім 2025 жылы қабылданбақ. Дәл осы қағида бойынша каратэ үш жыл бұрын Олимпиада ойындарынан алып тасталған еді.

Томас Бахтың айтуынша, боксты алып тастау туралы айту әлі ерте. Мұндай шешім қабылданса, ол халықаралық бокс жарыстарын өткізу үшін ұлттық ұйымдардың бірігуі қажет екенін баса айтты.

https://www.youtube.com/embed/wmpRJx7X5CM?si=obg1730Qn2pGVR7C"

Ұлттық парктер: экологиялық туризімнің жаңа моделі. Бүгінде еліміздің әр өңіріндегі  саябақтар абаттандырылып, туристердің сүйікті орнына айналған. Өткен жылдың өзінде аталмыш жерлерге 2 млн астам адам келген. 

Іле-Алатау ұлттық паркі Қазақстанның інжу-маржаны. Саябақ бүгінде елімізді шет елдіктерге танытып қана қоймай, туристік ортаны қалыптастырып келеді. Өткен жылдың өзінде Алматы облысының бюджетіне 7 млн теңгеден астам қаражат әкелген. 

АРҚАУ ШАНТАЕВ «ІЛЕ-АЛАТАУЫ МҰТП» БАС ДИРЕКТОРЫНЫҢ ОРЫНБАСАРЫ «Іле-Алатауы ұлттық паркінің даму қарқыны жоғары. Тек осы 7 айдың ішінде  475 мың турист келген. Былтырғы көрсеткіш 412 мың болған. Оның ішінде 4%-ға өсіп отыр. Ұлттық парк аумағында орналасқан 46 туристік маршруттардың абаттандыру жұмыстарын жүргізіп отырмыз. Бүгінде 28-і абаттандырылды. Биылығы жылы осы жұмыстар жалғасын табады. 12-і туристік маршруттарды екі әкімдікпен бірлесе отырып, толық абаттандырамыз деп ойлаймыз. Жалпы көрсеткіш 46 маршруттың 87%-ын бүгінгі күнде абаттандырып қойдық». 

Тұмса табиғаттың тылсым құблыстарының мекені – қорықтар. Еркеше қорғауға алынған қорықтар мен ұлттық парктерді тамашалауға асығатын туристердің саны жыл сайын артып келеді. Еліміздегі ұлттық саябақтарға 2022 жылы 2 млн турист келсе, 2023 жылы 2,5 млнға жуық турист сапар шеккен.

ТҰРҒАМБАЕВ ДАНИЯР  ҚР ЭТРМ ОРМАН ШАРУАШЫЛЫҒЫ ЖӘНЕ ЖАНУАРЛАР ДҮНИЕСІ КОМИТЕТІНІҢ ТӨРАҒАСЫ «Туризімнің жаңа концепциясы жүзеге асырыла бастады. Оның ең бірінші тұжырымы  ауыр ғимараттардың барлығын қонақ үй солардың инфаструктурасын  ұлттық парктің шекарасына, кіре берісіне салу. Ұлттық парктің ішінде соқпақтар мен маршруттарды  абаттандыру. Дүниежүзілік қоршаған орта бойынша, қорықттың категориясы ең жоғары. Ол жерде қорық аймағының айырмшылығы ұлттық паркте жеңіл нысанды ғимараттарға салуға болады. Сондай-ақ телімдерді қысқа және ұзақ мерзімге пайдалануға беруге болады. Ал қорықтарда ондай шаруашылық жұмыстарға жол берілмейді. 

Еліміздегі ерекше қорғалатын аймақтарда туризімнің дамуы құптарлық іс. Дегенмен туристердің табиғатты таза ұстауы өзекті мәселелердің бірне айналған. Ұлттық саябақтардың  басшылары  аумақты абаттандырып, сирек кездесетін жануарлар мен өсімдіктердің еркеше қорғауда екенін атап өтті. 

https://www.youtube.com/embed/dE7WckC9dds?si=jzaE90HMVXG51Jg-"

Интернет алаяқтарға алданушылардың саны елімізде қаптап барады. Осыған байланысты СҚО облыстық полиция департаментінің криминалдық полиция басқармасының қызметкерлері «Антифрод» жедел-профилактикалық іс-шарасын өткізді. 

«Оңай түрде онлайн несие алыңыз, онлайн-банкингке кіргізіп береміз, интернет арқылы сатып алынған тауарларға алдын ала төлем жасай аласыз». Осы сынды түрлі алдауыш сөздерге сенген халық, қалай карталарының сандарын айтып, қалайша құрыққа ілініп қалғандарын білмей дал.  Тәртіп сақшылары қаладағы ойын-сауық орталықтарының бірінде тұрғындарға арнайы жадынамалар таратып, желідегі алаяқтардың айла-амалдары туралы айтып берді. 

МИЛЕНА БАЛАЦКАЯ СҚО ПД КРИМИНАЛДЫҚ ПОЛИЦИЯ БАСҚАРМАСЫНЫҢ ЖЕДЕЛ УӘКІЛІ «Облыс орталығының тұрғындарына интернет-алаяқтықтың негізгі схемалары түсіндірілді. Бүгінгі күні құқық бұзушылықтың бұл түрі 11 пайызға өскен. Биылғы жылдың басынан бері интернет-алаяқтық бойынша 488 факті тіркелді». 

Полицейлердің сөзінше, алаяқтардың арбауына көбіне зейнеткерлер түседі. Сол себепті, акция аясында әсіресе егде жастағылар назарға алынбақ. 

ВЕРА БЕЛЕЖКОВА СҚО ПЕТРОПАВЛ ТҰРҒЫНЫ «Маған белгісіз біреу банк қызметкерімін деп хабарласып, менің жеке мәліметтерімді сұрады. Ал менің ол банкте ешқандай шотым жоқ.. Жалпы, маған белгісіз нөмірлер хабарласса жауап бермеуге тырысамын». 

Қызметкерлер ескертеді! Азаматтар жеке мәліметтерін жарияламауға және онлайн-банкинг пен SMS хабарламалардағы сандарды ешкімге айтпауларыңыз сұралады! 

https://www.youtube.com/embed/F15G8TUjhCI?si=r6JwzyM_GzxoKAi8" 

Үкімет отандық тауар өндірушілерді қолдайтын жаңа тетіктер енгізуде. Кәсіпкерлер үшін бұл мақсатта бірқатар жеңілдіктер бар. Басымдық жер қойнауын пайдаланушы компанияларға беріледі. Табиғи монополия субъектілері сатып алуларында отандық тауарларға 10 пайыз шартты жеңілдік жасалады. Бұл өз кезегінде тауарлардың бәсекелестігін арттыруға сеп болуы мүмкін, - дейді Өнеркәсіп және құрылыс министрі Қанат Шарлапаев. Үкімет отырысынан толығырақ алдағы бейнематериалда. 

Биыл елімізде жыл соңына дейін отандық өндіруші компаниялардың бірыңғай реестрі жасалады. Онда тауар өндірушілер туралы ақпарат, шығарылатын өнім және оның көлемі, көрсетілетін қызмет түрлері және қызметкерлер саны туралы толық мәлімет қамтылады. Отандық реестрге енген кәсіпкерлер үкіметтен көмек және субсидия алатын болады. 

ҚАНАТ ШАРЛАПАЕВ ҚР ӨНЕРКӘСІП ЖӘНЕ ҚҰРЫЛЫС МИНИСТРІ: «Ағымдағы жылы өңдеу өнеркәсібі 5,1 пайызға өсті. Оның ішінде қара және түсті металлургия, химия, машина жасау және жиһаз өндіру салалары артты. Жыл соңына дейін өңдеу өнеркәсібіндегі негізгі салаларда оң серпін қамтамасыз етуді жоспарлап отырмыз. Бұған қол жеткізудің бірден бір тетігі - отандық өндірісті қолдау. Біріншіден, мемлекеттік сатып алуда басымдық берілетін отандық тауарлар тізбесі кеңейтілді. Офтейк келісімшарттар жасасу тетігі пысықталды. Екіншіден, мемлекеттік бюджет есебінен жүргізілетін құрылыс жұмыстарында отандық тауарларды пайдалануға бақылау енгізілді». 

Алайда, Үкімет басшысы Олжас Бектенов жалған кәсіпорындарды отандық өндірушілер тізбесіне енгізбеуді тапсырды. Қатаң қадағалау қажет деді. Өнеркәсіп және құрылыс министрі болса, өндірушілер Қазақстанның шикізатын пайдаланып отыр ма, басқа отандық кәсіпорындармен бірлесіп жұмыс істей ме? Оның барлығын жіті қадағалап, тексеретін боламыз деп сендірді. 

ОЛЖАС БЕКТЕНОВ ҚР ПРЕМЬЕР-МИНИСТРІ: «Үкімет экономикалық патриотизм қағидатын қатаң ұстанады. Біз қашанда өзіміздің отандық өндірушілерді қолдайтын боламыз. Бұл – әрбір әкімнің, әрбір министрдің міндеті. Біз бұл жайлы үнемі айтып жүреміз. Ол тек сөз жүзінде ғана емес, нақты іс жүзінде орындалуға тиіс. Импортты алмастыру жұмыстарын, оның ішінде офтейк-келісімшарттар арқылы жандандыра түсу қажет. Бұл отандық компанияларға өздерін алдағы бірнеше жылдар бойына тапсырыстармен қамтамасыз етуге, жаңа өндірістерді кеңейтуге және игеруге мүмкіндік береді».

Айта кетейік, Үкімет отандық тауар өндірушілерді қолдайтын жаңа тетіктер енгізуде. Жер қойнауын пайдаланушы компанияларға басымдық беріледі. Олар  үшін табиғи монополия субъектілері сатып алуларында отандық тауарларға 10 пайыз шартты жеңілдік жасалады. Сондай-ақ Самұрық Қазына сатып алуларында ұзақ мерзімді шарттар мен оффтейк келісімшарттар жасасу мүмкіндігі беріледі. 
 

https://www.youtube.com/embed/VhayMX1na0E?si=nCoI59VKG8pNY4pf" 

https://www.youtube.com/embed/oiQ80xGPBsQ?si=6icTerxT-GLz3gEN" 

Көлсай көлдері – табиғаттың ғаламат сыйы. Аспантау баурайындағы әсем табиғатты тамашалауға биыл 6 айдың ішінде 233 мың турист келген. Жыл сайын инфрақұрылымы жаңарып, әлеуметі артып келе жатқан туристік мекеннің әлеуеті зор. 

Тау басындағы тұнық көлдің сұлулығы, хас зергердің қолынан шыққан жақұттай жыл сайын жарқырауда. Жиһанкездердің сүйікті орнына айналған мекенмен тәжирбие алмасуға Шығыс Қазақстан облысының делегациясы арнайы ат басын бұрды. 

ЕЛНҰР МҰХАМЕДЖАНҰЛЫ «КӨЛСАЙ КӨЛДЕРІ» МЕМЛЕКЕТТІК ҰЛТТЫҚ ТАБИҒИ ПАРКІНІҢ ДИРЕКТОРЫ: «Көлсай көлдеріне» туристердің сұранысына байланысты көптеген жұмыстар атқарылып келеді. Туристер жүретін соқпақтар, нысандар, сондай-ақ саяхатшыларға арналған қонақ үйлер мен тамақтану орындары, автотұрақтар салынып жатыр. Биылғы жылы Кеген ауданының әкімдігімен бірлесіп автотұрақтар дайындалды. Келесі жылы Көлсайда автотұрақтар пайда болады. Қазір келіп жатқан туристердің 15-20%-ы Азия елдерінен болса, 1-3%-дың ортасында Еуропа елдерінен келіп жатыр. Өзіміздің көршілес елдерден келетіндер өте көп. Мәселен, Қытай, Үндістан, Ресей, Қырғыстан, Өзбестан сынды елдер мен Орта Азия елдерінен туристер келіп жатыр. «Шетелдік туристер саны қанша?» дегендей өзіміз арнайы есеп жүргіземіз. Негізінде шетелдік туристердің келуі жылдан-жылға артып келеді». 

Шырайлы шығыстан келген делегация заманауи технологиямен танысып, Алматы облысының туризм саласындағы жұмысына тәнті болды. Осы бағытты негізге ала отырып, Марқакөл қорығын қайта ашып, туристердің мекеніне айналдыру керектігін атап өтті. 

АРДАҚ МӘДИЕВ ШҚО КӘСІПКЕРЛІК ЖӘНЕ ИНДУСТРИЯЛЫҚ-ИННОВАЦИЯЛЫҚ ДАМУ БАСҚАРМАСЫНЫҢ БАСШЫСЫ:  «Осы ұлттық табиғи парктің тәжірбиесіне, бір жағынан, қуанып отырмыз. Екіншіден, үйренетін дүние көп екен біз үшін. Замануи технологияларды пайдалану, заманауи әдістемелерді пайдалану, жаңа туристік жолдарды салу – осының барлығы туристік инфрақұрылымға жатады. Бұның бәрінің бар екенін білеміз, бізде де бұл дамып келе жатыр. Бірақ бұл жердегі ең басты мақсат – туристер санын арттыру, Қазақстанды әлемге таныту. Қазақстанның кең-байтақ жерін барлығымыз білеміз, бірақ оны әлемге таныту керек. Біздегі күрделі мәселе – Марқакөл табиғи қорығын ашу. Себебі Экология және табиғи ресурстар министрлігімен шешілмеген мәселе бар. Қорықты жауып қою арқылы мәселе шешілмейді. Туризмді дамыту керек, қорықты адамдар көрсе, туристер көптеп келсе, әлемнен туристер келсе, Қазақстанның әдемі жерлерін көрсе, ол жағымды әсер қалдырады».

Дүниежүзілік туристік ұйым «Көлсай көлдері» ұлттық саябағында орналасқан Саты ауылын үздік туристік ауыл деп таныған. Бұл аймақ өзінің асқар тауларымен, таза көлдерімен және қазақы қонақжайлығымен ерекшеленеді. 2023 жылғы есеп бойынша Сатыда 90 қонақ үй мен 30 орналасу орны жұмыс істейді. Бұл көрсеткіш 2019 жылмен салыстырғанда екі есе өскен.

САҒЫМЖАН НҰРЫМ,  САТЫ АУЫЛЫНЫҢ ӘКІМІ: «Ең басты қойған мақсатымыз – туристер күтетін аймаққа айналдыру. Қазір барлығы стандартқа сай, жұмыстар жүйелі түрде жүргізіліп жатыр. Әлі де кемшіліктеріміз бар. Со кемшілікті жоя отырып, үлкен мақсатқа қол жеткізу. Сатыға кіре берісте үлкен монумент тұр. Сол монументтен бері қарай Саты ауылына дейін жарықтандыру қажет. Саты ауылының ішін қала деңгейінде тазалықта ұстау талап етіледі». 

Көлсай – көрген жанның көңілін баурайтын көрікті мекен. Шығыс Қазақстан облысынан келген делагация мүшелері туризм саласының мәселелері мен оң нәтижелеріне тоқталып өтті. Шырайлы шығыстан келген қонақтар мен Көлсай көлдерінің басшылары еліміздің табиғатын әлемге таныту мақсатында тәжірбие алмасты.