https://www.youtube.com/embed/bnSrL7aFJVM?si=lqarkBeRG8jraL33" 

Қазақстандық балалар ұлттық қордан өздеріне тиесілі алғашқы төлемдерді ала бастады. Қор қаржысы тек екі жағдайда төленеді. Ол ақша тұрғын үй жағдайын жақсартуға және балалардың білім ақысын төлеуге беріледі. Осы мақсатта қаржы алуға 16,6 мың қазақстандық өтінім берген. Оның 13 мыңына ақша аударылды. Ол шамамен 1,3 млн долларды құрайды деп хабарлайды Қаржы вице-министрі Дәурен Темірбеков. Мемлекет басшысы Қасым-Жомарт Тоқаевтың бастамасымен «Ұлттық қор – балаларға» жобасы аясында жыл сайын ұлттық қордың инвестициялардан түскен табысының 50 пайызы кәмелеттік жасқа (18 жас) толмаған балалардың жинақтау шоттарына аударылып отырады. 

ДӘУРЕН ТЕМІРБЕКОВ ҚР ҚАРЖЫ ВИЦЕ-МИНИСТРІ:
«Ағымдағы жылы 18 жасқа толған балаларға 100,05 доллар төлемақы есептелді. Былтырғы 31 желтоқсандағы жағдай бойынша Қазақстанда 18 жасқа толмаған 6,9 млн бала бар. Оларға жіберілген аударымдардың көлемін egov.kz онлайн-платформасы немесе enpf.kz сайты арқылы білуге болады. Бірыңғай жинақтаушы зейнетақы қорының мәліметіне сүйенсек, биылғы 1 шілдеге дейін қазақстандықтар білім беру ақысын төлеуге, сондай-ақ тұрғын үй жағдайын жақсартуға 16,6 мың өтінім берген. Оның ішінде 13 мыңға жуық өтінім жалпы көлемі 1,3 млн долларға орындалды».

https://www.youtube.com/embed/hT0RO87hvpo?si=VlbSmVfo3KMsEME0" 

Заңсыз алтын өңдеумен айналысқандар жаппай түгел ұсталып жатыр. Ішкі істер министрлігі бағалы металл сатқандармен күресті бастады. Жамбыл облысында осындай 20 шақты цех жойылды. Қылмысқа комбинаттың бұрынғы қызметкерлерінің де қатысы болған. Кінәлілер анықталып, құрықталды,- деп хабарлайды Ішкі істер министрлігінің ұйымдасқан қылмысқа қарсы күрес департаменті. 

ҚУАНДЫҚ АЛПЫС  ҚР ІІМ ҰҚҚКД ӨКІЛІ: «Биыл бірқатар өңірде құрамында алтыны бар материалды қайта өңдеу бойынша 19 заңсыз цех жойылып, ондаған тонна кен тәркіленді. Полиция қызметкерелрінің  мәліметінше, шілдеде Жамбыл облысы Мойынқұм ауданында ұйымдасқан қылмысқа қарсы күрес бөлінісінің қызметкерлері жедел іс-шаралар өткізіп, "Алтыналмас" АҚ "Ақбақай" комбинатының аумағында құрамында алтыны бар кенді ұрлаумен айналысқан күдіктілерді ұстады. Іздеу іс-шараларының нәтижесінде Ақбақай, Мойынқұм, Бірлік кенттерінде 11 заңсыз ұсақтау цехы анықталды. Онда кен мен тастарды өңдеуге арналған арнайы жабдық, алтын, қаражат, сондай-ақ тоғыз атыс қаруы мен мыңнан астам оқ-дәрі тәркіленді. “Қаракөз” карьерінің аумағында заңсыз кен іздеушілердің екі бригадасы ұсталды. Олардың құрамындағы 17 адам шахталарда кенді заңсыз өндірген. Барлығы дерлік әкімшілік жауапкершілікке тартылды». 

https://www.youtube.com/embed/DVp2FksixN0?si=AWK8GXxOver8wTXg" 

https://www.youtube.com/embed/6lt1fFgzMAU?si=cgkup1iRxWRItu5Z" 

Әлеуметтік желілер, онлайн сауда дамыған сайын, киберқауіпсіздік мәселесі де күн тәртібінен түспей отыр.Елімізде 140 мыңнан астм веб сайт тіркелген. Ал интернет қолданушыларының саны соңғы 10 жылда 80 пайызға жетті. Қазақстанда көбіне банктегі есеп-шоттар, жеке мәліметтер хакерлердің шабуыл нысанына айналады. Ақырында алаяқтардың құрығына іліккен қарапайым халық сан соғып қалады.Осыған орай Ақпараттық қауіпсіздік  саласын дамыту мақсатында бірқатар заңнамалық,   салалық ведомстволық актілер күшіне енді.

РУСЛАН ӘБДІҚАЛЫҚОВ  АҚПАРАТТЫҚ ҚАУІПСІЗДІК КОМИТЕТІНІҢ ТӨРАҒАСЫ: 
«Біз жеке деректерді қорғауды қамтамасыз ету саласындағы мемлекеттік бақылауды өткен жылдың желтоқсан айында ғана алдық және жеке басын куәландыратын құжаттардың көшірмелерін жинауға және өңдеуге тыйым салдық.Бүгінде ел азаматтарының жеке басын куәландыратын қағаз көшірмелерін жинауға заңмен тыйым салынған және бұл үшін айыппұлдар қарастырылған.Жеке деректері таралып, банк несиелерін алудан ерікті түрде бас тарту несиені тоқтату функциясы арқылы жүргізіледі.Осы платформаның  Egov мобильді қосымшасы арқылы электронды үкімет порталы осы функцияны белсенді пайдалануға шақырамын.Ақпарат электронды үкімет порталының жеке кабинетінде орналасқан және әрбір азамат күн сайын порталға кіріп, өзінің жеке деректерімен не болып жатқанын көре алады».

Ақпараттық шабуылдың маңыздылығын түсінген мекемелер қорғанудың түрлі тәсілдерін қолдану аясын күшейтуге бет бұрды.Осы мақсатта Ақпараттық қауіпсіздіктің ұлттық үйлестіру орталығы іске қосылып отыр.

https://www.youtube.com/embed/K_WQjeOtB3U?si=Dd1tRzvl3NXaenbj"

Алматы қаласындағы Наурызбай ауданы,Ақжар ықшамауданының Тараз,Сәттілік көшелерінің тұрғындары үй іргелерінен басталып жатқан құрылыс нысанына наразы. Құрылыс аумағында техникалық паспорты да ілінбегендіктен қандай нысан салынатынын білмеген қараша балаларының қауіпсіздігіне сонымен қатар тыныштықтарына алаңдаулы.

Жиналған қарашаны толғандырған мәселе көп. Қоршалып, құрылысы басталған  нысаннан бейхабар тұрғындар әр нәрседен үрейленеді. Сонымен қатар тұрғындардың айтуынша құрылыс аумағында ашық шұңқыр көзі,оталған жасыл желектер,электр желілерінде орын алып отырған өрескелдіктер бар. 

Тұрғындар үшін түсініксіз болып тұрғаны жер жеке меншік болған болса мұндағы ағаштарды әкімшілік жұмысшылары осы күнге дейін күтіп баптап келгені.Қарашаның жаңа құрылысқа қатысты көкейкесті мәселелерін жауапты иелерінен білуге тырыстық.

ӘЛИХАН АБЫЛҒАЗЫҰЛЫ ҚҰРЫЛЫСҚА ЖАУАПТЫ ӨКІЛ:  Жерді  3-4 жыл бұрын сатып алдық,әкімдік арқылы емес.  Бұл жердің құжаттары бар ешқандай проблема жоқ.Мұнда қандай да бір ғимарат салғымыз келеді кәсіпкерге жалға беретін дүкен салу сынды. Ешқандай  спирттік өнімдер болмайды, бұған жүз пайыз кепілдік беремін.  Міндетті түрде төлқұжатпен қамтамасыз етеміз.  

Тұрғындар тарапынан әкімшілікке хат жолданған. Мұнымен қанағаттанбаған тұрғындар әкімшілікке жиналып,орын алған мәселені өз ауыздарымен жеткізуге тырысты. Әкімдіктегілер жеке меншікті тексеру біздің құзыретімізге кірмейді дей тұрғанмен,салынып жатқан нысанды барып көруге шешім қабылдады.

АСЫЛХАН ОРЫНБЕКОВ АЛМАТЫ ҚАЛАСЫ НАУРЫЗБАЙ АУДАНЫ ӘКІМІНІҢ ОРЫНБАСАРЫ

Құрылыс басын аралап өз көздерімен көріп,тұрғындарды тыңдаған әкімдік жағдайды бақылауда ұстайтындарын жеткізді.

https://www.youtube.com/embed/FhVQRjRzk2I?si=nmu27BUJUgCKigfN" 

Осыдан екі жыл бұрын СҚО Сібір елігін ату фактісі бойынша қылмыстық іс анықталған. Алайда, сотқа дейінгі тергеп-тексеру амалдары қылмыстық құқық бұзушылық құрамының болмауына байланысты тоқтатылған. Жауапты орган залалды өтеу және заңда белгіленген жауапкершілікке браконьерді тарту жөніндегі шараларды осы уақытқа дейін қабылдамаған. Прокуратура заңсыз тоқтатылған сотқа дейінгі тергеп – тексерудің күшін жойып, тергеп-тексерудің толықтығын қамтамасыз етуде.

Қылмыстық іс жасаған екі адам әкімшілік жауапкершілікке тартылды. Прокурорлық қадағалау актісі бойынша уәкілетті орган 1,2 млн теңге сомасында жануарлар әлеміне келтірілген залалды өтеу туралы талап арызбен сотқа жүгінді. 2024 жылғы 12 шілдеде аудандық сот зиянды өтеу туралы талап арызды толық көлемде қанағаттандырды. Сот шешімі заңды күшіне енген жоқ.

https://www.youtube.com/embed/H1bjVsEoaRU?si=STTKozuFMDquwgT9" 

Биыл оңтүстікте су тапшылығы жоқ және болмайды. Осы мақсатта Түркістан облысында 10 тік дренажды ұңғыма қалпына келтіріледі. Бұл өз кезегінде өнімділікті ұлғайтуға зор септігін тигізеді деген болжам бар. Тік дренажды ұңғымалардың тиімділігін жергілікті шаруалар да растап отыр. Жаңа ұңғымалар іске қосылғалы өнімділік бірнеше есеге артқан.  

БОЛАТ ОМАРОВ ДИХАН: «Ұңғымалар жоқ кезде мына жерде мақтадан басқа ештеңе өспейтін. Оның өзінде 10-12 центнерден ғана өнім алатын едік. Соңғы жылдары шаруалар 30-40 центнерден мақта алып жатыр. Мақтадан бөлек, қауын-қарбыз, жоңышқа да өсіре бастадық». 

Айта кету керек, Мақтаарал және Жетісай аудандарында 360 ұңғыма бар. Бүгінгі таңда олардың 320-на реконструкция жасалып, іске қосылған. Алдағы уақытта бұл жұмыс тоқтамайды, жалғасады. Сонда шаруаларға тапшылық болмайды, - дейді Су ресурстары және иррагация министрлігі.

https://www.youtube.com/embed/FahwrGsW1go?si=87jbSbbaHEs9aJtC"

Ұлттық қауіпсіздік комитеті есірткінің ең үлкен партиясын тәркіледі. Оның "қара" нарықтағы құны 15 млн долларды құрайды. Түркістан облысындағы «Қонысбаев атындағы бақылау-өткізу пунктінде» шекарашылар қызметтік итті пайдалана отырып, ауыр жүк көлігінде аяқ киім бояуға арналған ыдыстарға жасырылған күдікті заттарды тапты. Ол заттардың құрамында героин болған. Жалпы салмағы 775 келіні құрайды. Осы қылмысты жасады деген күдікпен екі шетел азаматы ұсталды.

Олар сот санкциясымен қамауға алынды. Қазіргі уақытта сотқа дейінгі тергеп-тексеру жұмыстары жүргізіліп жатыр,- деп хабарлайды еліміздің Ұлттық Қауіпсіздік Комитеті. 

https://www.youtube.com/embed/rXzje7nre8Y?si=CyQQD4fo6xOrYaSB" 

https://www.youtube.com/embed/Ys__dgJa4Eg?si=t0eYuYndk5f7A4t6" 

«Қазгидромет»1 тамызға арналған ауа райы болжамын жариялады. Атмосфералық фронтальды учаскелерде Қазақстанның басым бөлігінде тұрақсыз ауа райы сақталады: жаңбыр жауып, найзағай күтіледі. Тек еліміздің оңтүстігінде, шығысында және орталығында жауын-шашын болмайды.Республика бойынша жел күшейеді, түнде және таңертең еліміздің солтүстігінде тұман түседі деп күтілуде.Күндіз Алматы, Атырау, Қызылорда, Павлодар, Қарағанды, Ақмола, Жамбыл облыстарында, Жетісу, Ұлытау облыстарында, Қостанайдың оңтүстігінде, Абай облысының оңтүстік-шығысында, Ақтөбе облысының оңтүстік-шығысында қатты ыстық болады деп болжанып отыр.

АЙЖАН ЖАНДОСОВА «ҚАЗГИДРОМЕТ» РММ ИНЖЕНЕР-СИНОПТИГІ 
«Республиканың көптеген аймақтарында тұрақсыз ауа райының сипаты күтілуде.Өткінші жаңбыр жауып,найзағай болып,жел күшейеді.Еліміздің солтүстік жартысында қатты жаңбыр жауып,бұршақ,найзағай ойнаса, еліміздің оңтүстігінде ғана ауа-райы жауын шашынсыз болады.Еліміздің батысында күндізгі ауа температуралары 31-36 градусқа  дейін жоғарыласа,қалған аймақтарда температураның біртіндеп төмендеуі күтіледі».

https://www.youtube.com/embed/hUBXAiB5CZw?si=bTTRBPZzpW9k8PuQ" 

Жақында Конституциялық Сот ерлер мен әйелдер бала асырап алғысы келетіндердің тізімінде тең дәрежеде бола алатынын мәлімдеді.Бұл шешім қаншалықты орынды, қауіп-қатерлер қандай? Жалпы елімізде бала асырап алудың тәртібіне өзгеріс енгізіле ме? Деген сауылға заңгердің піріне назар аударған болатынбыз.

Әлеуметтік желіде қызу талқыланған мәселенің басы мынадан басталған.Конституциялық Сотқа ер адамдардың бала асырап алуына рұқсаттың болмауы туралы нормамен келіспеген қазақстандықтың арыз жолдауы себеп болған. Артынша құзырлы орган "Неке және отбасы туралы" кодекстің 91-бабы 2-тармағының 11) тармақшасын Конституцияға сәйкес емес деп таныған. 

БАУЫРЖАН СЕРАЛИН ЗАҢГЕР

Конституциялық Сот Үкіметке осы нормативтік қаулы жарияланғаннан кейін 6 айдан кешіктірмей Парламент Мәжілісіне Конституциялық Соттың осы нормативтік қаулыда жазылған құқықтық ұстанымдарын ескере отырып, бала асырап алу институтын құқықтық реттеуді жетілдіруге бағытталған заң жобасын енгізсін деп нақты ұсыныс берді. 

БАУЫРЖАН СЕРАЛИН ЗАҢГЕР: «Конститутциялық сот осыны айтқаннан кейін 2 тапсырма берді.Біріншіден, Үкіметке 6 айдың ішінде Парламентке заң жобасын енгізу туралы,осы мәселені реттеу үшін.Қандай ер азаматтарға болады,қандай жағдайда.Мүмкін оларға жоғарылатылған талаптар қойылады.Ол жағын Үкімет дайындап 6 айдың ішінде Мәжіліске енгізуі керек.Одан кейін барып,мәжіліс қарастырып,талқылап қандай өзгерістер болуы белгісіз.Бұл тыйым әлі өз күшінде.»

Заңгер бала асырау үлкен жауапты іс болғандықтан, Үкімет пен Парламент өз жұмысын жүргізіп, мәселені соңына дейін жеткізуі керек деген пікірде. Ал, бұл қаулыға қоғамның пікірі қандай?

Конституциялық Соттың ерлер мен әйелдер бала асырап алғысы келетіндердің тізімінде тең дәрежеде болуы керек деген шешімнің қаншалықты пайдалы болары уақыт еншісінде. 

https://www.youtube.com/embed/P6ktv2lD7IQ?si=5hFSqn2lKC_t1uq0" 

Кешеден бері әлеуметтік желіні шулатып жатқан тақырып – капелдинер әйелдердің заңсыз жұмыстан шығуы. Тірлігімізді емес, түрімізді бағалады деген шағымданушылар жайлы толығырақ тарқатсақ.

Абай атындағы Қазақ ұлттық опера және балет театрының капелдинер әйелдерінің шағымы шартарапқа тарауда. Әділдік іздеген адал еңбекті азаматтар әділетсіздіктің орын алғанына қынжылады. Даудың басы – шілде айынан  басталған. Театр қызметкерлері еңбек демалысына шығуға дайындалып жатқан уақыттарында, күтпеген жерден кадр бөлімінің басшысынан жұмыстан босатылғандары туралы хабар алған.

ЖАНАР ТЕМІРБОЛАТҚЫЗЫ АБАЙ АТЫНДАҒЫ ҚҰОБТ КӨРЕРМЕНДЕРМЕН ЖҰМЫС ІСТЕУ БӨЛІМІНІҢ БҰРЫНҒЫ ҚЫЗМЕТКЕРІ: «Сентябрьде біздің театрға Президент келеді. Негізі октябрьда келетін болған, бірақ бізге қате айды айтты. Сосын орысша «не знаю, откуда это дерректриса, но модельный аггенстводан қыздар әкеледі» деді. Ал, біз ше? Деген едік, сендер керек болсаңдар, шақырармыз, біраз модельдерді алып келеді деді».

Тосыннан келген жағдайға тосылып қалған қызметкерлер Е-өтінішпен директорға хатта жолдаған. Бірақ, басшылықтан кері байланыс болмаған. Сондай ақ, уақыт өте келе бөлім меңгерушілерінің бірі азаматтық құқықтық шарт бойынша жұмыс істеуге ұсыныс тастаған.

ЖАНАР ТЕМІРБОЛАТҚЫЗЫ АБАЙ АТЫНДАҒЫ ҚҰОБТ КӨРЕРМЕНДЕРМЕН ЖҰМЫС ІСТЕУ БӨЛІМІНІҢ БҰРЫНҒЫ ҚЫЗМЕТКЕРІ: «Егер ГПХ ауысқыларыңыз келсе, мына е-өтінішпен директорға жазған хатты алып тастаңдар деді. Не үшін деген едік, бұл театр директорының атына түскен дақ болып тұрады. Сол үшін, аласыңдар. Сосын, ГПХ ауысыңдар деді. Осындай талап қойды».

НАЗЕРКЕ АБЫЛҚАСЫМҚЫЗЫ АБАЙ АТЫНДАҒЫ ҚҰОБТ БҰРЫНҒЫ КАПЕЛДИНЕР ҚЫЗМЕТКЕРІ: «Біз жарты мөлшерлемеде жұмыс жасау дегенді білеміз. Ол жұмыстан кейін біздің қолымызда ешнәрсе келмей қалады. Менің өзімді еш ескертусіз, мәлімдемесіз, қолтаңбасыз пиар бөліміне ауыстырған. Сондай ақ, біздің декретте отырған құрбымыз бар. Олда біздің қатарда тұр. Оның жағдайы не боларын кім білсін?»

Бөлім меңгерушісі тосыннан тоғыз жаққа шашылған қызметкерге дөрекі сөздер айтып, барар жерлерің болса сол жаққа бас сауғалаңдар деген сыңай танытқан. 

ЗУХРА НҰРАХМЕТҚЫЗЫ БӨЛІМ МЕҢГЕРУШІСІ: «Білесің бе, Жанар? Маған ары қарай сендерге не боларына бәрібір. Қазір бәрі өтірікке айналып барады. Сендер ересек адамсыңдар, ақыл тоқтатқансыңдар. Менің жағыз білетінім, штатқа қол қойылды. Енді ештеңе жоқ».

Сондай ақ, тіл туралы да мәселе көтерілген. Үш тілді білмейтін қызметкер бізге қажет емес деп қуған қызметкерлердің өзі ағылшыннан мақұрым дейді Жанар Темірболатқызы.

ЖАНАР ТЕМІРБОЛАТҚЫЗЫ АБАЙ АТЫНДАҒЫ ҚҰОБТ КӨРЕРМЕНДЕРМЕН ЖҰМЫС ІСТЕУ БӨЛІМІНІҢ БҰРЫНҒЫ ҚЫЗМЕТКЕРІ: «Отдел кадрда, басшылар бәрі бізден требует етіп жатыр, бірақ, біреуі де 33 жыл жұмыс істеп жатыр. Екатерина деген қызметкер бір ауыз қазақша білмейді. Олар қалай бізден тіл білуді талап етеді, өздері тіл білмесе. Сонда бұл жерде әділдік қайда?»

Сондай ақ, театрда өрт сөндіру бөлімі жоқ. Ал, ғимараттың 70-80 пайызы ағаштан жасалынған. Бұл үлкен қауіп төндіретін мәселе.

НАЗЕРКЕ АБЫЛҚАСЫМҚЫЗЫ АБАЙ АТЫНДАҒЫ ҚҰОБТ БҰРЫНҒЫ КАПЕЛДИНЕР ҚЫЗМЕТКЕРІ:«Бізбен қоса өрт сөндіру бөлімінің қызметкерлері де қысқарту алып жатыр. Бұл мәселенің барлығы тек сыртқы келбетке ғана емес, тәжірибеге де қатысты. Бұл жерде қаншама адам ашылғалы қызмет етіп келеді. Олар барлық жағдайды шеше алады, бәрін біледі».

Айтулы  мәселе жайында Мәдениет және ақпарт министрлігі хабарлама жасаған болатын. Ол хабарламада былай делінген. 

ҚР МӘДЕНИЕТ ЖӘНЕ АҚПАРАТ МИНИСТРЛІГІНІҢ БАСПАСӨЗ ҚЫЗМЕТІ: «Абай атындағы Қазақ ұлттық опера және балет театрының қызметкерлеріне қатысты жағдай қолданыстағы заңнамаға сәйкес, театр құрылымын қайта жасақтауға байланысты екенін хабарлаймыз. Өзгеріс бойынша бұрынғы лауазымдар жойылып, жоғары біліктілікті қажет ететін жаңа лауазымдар енгізілді. Осы өзгерістерге қатысы бар барлық қызметкерге бос лауазымдар немесе қызмет көрсету шарты бойынша жұмыс ұсынылған, бірақ олар жұмыстан бас тартып отыр. Айта кетейік, театр барлық өтемақыны төлейтін болады.Сонымен қатар, ҚР Мәдениет және ақпарат министрлігі іске заңды тұрғыда қызметтік тексеру жүргізеді, оның нәтижелері кейінірек жарияланады».

Ары қарай жағдайдың қалай болары уақыттың еншісінде.