https://www.youtube.com/embed/VebLj_fckZQ?si=l84-2bpX4qVe3Mto" 

Тұғырлы елдің болашағы, жастардың патриоттық тәрбиесіне байланысты.Осыған орай, Алматыда Германиядағы кеңес әскерінің тобы мен Варшава келісім шарты әскерінің ардагерлері Панфилов саябағына барып гүл шоқтарын қою рәсіміне қатысты. Айта кетейік биыл Кеңес әскерінің Германия жерінен шығарылғанына 30 жыл толып отыр. Сонау қиын-қыстау заманда интернационалдық борышын орындауға барған қазақ сарбаздары өздеріне жүктелген міндеттерін мүлтіксіз орындап, азаматтық парызына жауапкершілікпен қараған еді.Бүгінде олар ел ағаларына айналып,жастарға Отан сүйгіштік бағытта тәлім-тәрбие беріп келеді.

ҚҰРМАНҒАЗЫ ТАСТАНБЕКОВ ГКӘТВКӘТ АРДАГЕЛЕРІНІҢ АЛМАТЫ ҚАЛАСЫ  БОЙЫНША ТӨРАҒАСЫ
 
Ардагерлер қазіргі жастардың ойында отан деген ұғым бірінші тұруы керек, дейді. Өйткені Тәуелсіз елдің ұрпақтары, мемлекеттің кемел келешегіне жауапты.Олар елімізде әр қашан бейбітшілік болса екен деп тілейді.

ЗЕЙІНҚҰЛ ТОЛЫБАЙБАТЫР  ГКӘТВКӘТ АРДАГЕРІ

https://www.youtube.com/embed/uXl64NmtW0c?si=OdaDnlOuKsIRJtRj"

Астананың оң жағалауындағы мешіттердің бірінде шапан киген ер адам өзін-өзі қанжоса етіп пышақтап, келушілерге суық қаруды сермеген. Сарыарқа ауданының мешітінде полиция пышақ ұстаған ер адамды ұстады. Бейне роликтен ер адамның беті қанап кеткенін байқауға болады, ол қара шапан киіп алған. Полиция қызметкерлері оны қоршап, пышағын тартып алуға әрекет жасап жатыр. Полицияның біреуі қолына орындық ұстап алған. Полиция департаментінің ақпаратына сүйенсек, азаматтың жасы 36-да. Алдын ала болжам бойынша күдікті психикалық диспансерде есепте тұрады.

ДАНИЯР ЖАНҚҰЛОВ- АСТАНА ҚАЛАСЫ САРЫАРҚА АУДАНЫ ПБ БАСШЫСЫ: «102 каналына белгісіз ер адам қолына пышақ алып, адамдарға қауіп төндіргені туралы ақпарат тарады. Оқиға орнына полиция дереу жетті. 36 жастағы күдікті ұсталып, полиция бөлімшесіне түсті. Оның пышағы тәркіленді. Тексеру кезінде анықталғандай, азамат 2006 жылдан бері психологиялық диспансерде есепте тұрады" 

https://www.youtube.com/embed/BAOLzhPAM4c?si=oHdSyXyhSMgaQ66z"

Әлеуметтік теңсіздік азайып, орта тап күшейе түсуі керек. Қасым-Жомарт Тоқаев Қазақстан халқына Жолдауында осылай деді. Халықтың тұрмысы түзеліп, әл-ауқаты артуы үшін үкімет бар жағдайды жасауы тиіс. Әсіресе, қоғамда жұмысшы мамандардың мәртебесі көтеріліп, олардың еңбегі бағалануы керек. Осы мақсатта келесі 2025 жыл Қазақстанда «Жұмысшы мамандықтар жылы» деп жарияланады. Жалпы жолдауда Президент халықты толғындырған барлық мәселені қамтыды. Оның ішінде әскердегі әлімжеттіктен бастап ел азаматтарының қауіпсіздігі, энергия тапшылығын шешу жолы мен тариф бағасын реттеу, экологиялық проблемалар мен қаржылық сауаттылық, салық пен банкке қатысты жаңа заң, шенеуніктердің биылғы алапат тасқыннан қандай сабақ алу керектігіне дейін айтылды. Президент жоғарыда аталған пунктерге жеке-жеке жіті тоқталды. 

Бір жарым сағатқа созылған жолдауда Президент халықты алаңдатып отырған барлық өзекті мәселені қамтыды. Күн санап электр энергиясына сұраныс артып, тапшылық күшейіп бара жатқан бүгінгідей уақытта Қазақстанға сенімді әрі тұрақты қуат көзі қажет-ақ. Бұл орайда Мемлекет басшысы былтыр Жолдауында айтқан АЭС салуға қатысты референдум биыл 6 қазанда өтетін болды. Бұл сауалға қатысты мәселенің толық нүктесін халық өзі қояды деді Президент. 

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ  ПРЕЗИДЕНТІ:
«Қазір әлемде энергия тапшылығы күшейіп барады. Елімізге сенімді және экологиялық таза қуат көздері аса қажет. Сондықтан біз атом энергетикасын дамытуға баса мән беруіміз керек деп ойлаймын. Себебі экономикамыз күн өткен сайын мол энергияны қажет етуде. Мұндай сұранысты атом энергетикасы қамтамасыз ете алады. Қазір дамыған және дамушы 30 мемлекетте 200-ге жуық атом электр стансасы жұмыс істеп тұр. Ұлттық мүдделерімізді ескере отырып, тек алға қарай жүруіміз қажет. Бір сөзбен айтсақ, болашақты ойлауымыз керек. Сондықтан мен атом электр стансасын салуға қатысты барынша байыпты шешім қабылдау қажеттігін ұдайы айтып келемін». 

Жолдаудың басты мақсаты ол - халықтың табысын арттырып, жағдайын түзеу. Ол үшін халыққа тұрақты жұмыс орындары қажет. Осы орайда жұмыс ұсынатын шағын және орта бизнеске жағдай жасау жайы айтылды. Бизнеске кедергі келтіргендер енді қатаң жазаланады. Сондай-ақ, кәсіпкерлерге жұмыс істеуді жеңілдету үшін салыққа қатысты заңға өзгеріс енеді. Шағын және орта бизнесті жергілікті қаржыландыруды бір ретке келтіру мақсатында енді банктерге қатысты да жаңа заң әзірленеді. Әйтпесе, еліміздегі банк қызметін реттеу туралы заң осыдан 30 жыл бұрын қабылданыпты. 

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ  ПРЕЗИДЕНТІ:
«Еліміздің тұрақты дамуына мүмкіндік беретін жаңа тетіктерді қарастырған жөн. Басты мақсат – азаматтардың табысын арттыру. Жұмысты дұрыс үйлестіре білсек, бұл – қолдан келетін шаруа. Экономика өскен сайын әлеуметтік теңсіздік азайып, орта тап (яғни орта класс) күшейе түсуі керек. Сонда ғана біз еліміздің әлеуетін күшейте аламыз. Ол үшін кез келген істің басты өлшемі тиімділік болуға тиіс. Яғни, әрбір шешім, әрбір жоба ең алдымен елге пайдалы болуы қажет».

 Ел-азаматтарының қауіпсіздігі қашан да маңызды. Қазақстанды қауіпсіз әрі жайлы елге айналдыру менің басты мақсатым деген Президент экстремистер мен әсіре діншілдердің іріткі салатын әрекеттерін сынап, ІІМ-не қарақшылықты толық жоюды тапсырды. Сондай-ақ жолдауда Мемлекет басшысы әскердегі әлімжеттік мәскелесін көтерді. Сарбаздардың денсаулығы мен қауіпсіздігіне тікелей армия басшылығы жауапты деді. 

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ  ПРЕЗИДЕНТІ:
«Жастар әскерге Отан алдындағы борышын өтеуге барады. Жас сарбаздарымыз өз міндетін алаңсыз орындауы үшін әскер қатарында, ең алдымен, темірдей тәртіп болуға тиіс. Қарулы күштер мен басқа да күштік құрылымдар осы талапты мүлтіксіз орындауы қажет. Әр ата-ана әскерге кеткен баласын мемлекетке сеніп тапсырады. Сондықтан сарбаздардың денсаулығы мен қауіпсіздігіне, ең алдымен, армия басшылығы және құқық қорғау мекемелерінің басшылары жауапты».

 Диқандар назарына! Шаруаларды қолдау, жеңілдетілген несие беру жайы жолдауда баса айтылды. Қарғын суды жинап, диқандардың қажетіне жаратып, гидрология бекеттерін жөндеп, жаңғырту жұмыстары күшеюі керек. Биылғы көктемдегі су тасқыны бәріне сабақ болу тиіс деп атап өтті Мемлекет басшысы Қасым-Жомарт Тоқаев. 

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ  ПРЕЗИДЕНТІ:
«Көктемдегі алапат тасқын бүкіл еліміз үшін үлкен сынақ болды. Сол қиын күндерде біз ынтымағы жарасқан ел екенімізді көрсеттік. Қазақстанның әр аймағынан жиналған еріктілер мен жанашыр азаматтар зардап шеккен жұртқа көмек қолын созды. Менің елдік істен шет қалмау туралы үндеуіме ірі бизнес өкілдері де қолдау білдірді. Мемлекеттің батыл әрекеті мен халықтың өзара тілектес болуының арқасында аса қиын жағдайдан аман-есен өттік. Дегенмен орталық және жергілікті билік өкілдері осы оқиғадан сабақ алуы керек».

 Президент ішкі әуе бағдарларын дамытуға ерекше назар аударды. Енді осы мақсатта Қатонқарағай, Зайсан және Кендірлі сынды туристік аймақтарға сапасы жоғары жол инфрақұрылымы бар әуе бекеттері мен әуежайлар салынады. Одан бөлек, жолдауда экология, қоршаған ортаны қорғау, табиғатты аялау жайы да айтылды. Тазалық жұртымыздың қанына, жанына сіңген қасиет болуы керек деді мемлекет басшысы. Әр өңірдің тазалағына енді сол өңірдің басшысы әкімдер жауапты болады. 

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ  ПРЕЗИДЕНТІ:
«Аймақ басшысы тек шаруашылықпен ғана айналыспайды. Әкім қоғамдық, рухани мәселелерді әрдайым назарда ұстауға тиіс. Әрбір басшы елмен етене жұмыс істеуі керек, тұрғындармен сенімді байланыс орнатуы қажет. Сонда жұрт та оның бастамаларын қолдайды, ел үшін пайдалы іске жұмыла кіріседі. Әкімнің абырой-беделі дегеніміз де».

 Қысқасы, «Әділетті Қазақстан: заң мен тәртіп, экономикалық өсім, қоғамдық оптимизм» сынды жолдауда тысқары қалған мәселе жоқ. Бұқаралық спортты дамыту, білім мен медицина, жұмысшы мамандықтардың мәртебесін арттыру, инвестиция, экономика, әлеуметтік сала бәрі-бәрі түгел дерлік қамтылды. Айтпақшы, келер жыл Қазақстанда «Жұмысшы мамандықтар жылы» деп жарияланды. Асылында, адал әрі табанды еңбегімен табысқа жеткен адамдар қашанда ерекше құрметке лайық-ақ. 

https://www.youtube.com/embed/imLDyFFUie0?si=Xi5PRlFXBaDMGLfH" 

Қазіргі білім берудің максаты білім алып, білік пен дағдыға қол жеткізу ғана емес, солардың негізінде дербес, жылдам өзгеріп жатқан бугінгі дүниеде лайықты өмір сүріп, жұмыс істей алатын, әлеуметтік және кәсіби біліктілікке - ақпаратты өзі іздеп тауып, ұтымды пайдалана алатын, жан-жақты дамыған білімді, өз ісіне және өзгенің ісіне әділ баға бере алатын, Отанының әлеуметтік экономикалық жағынан дамуына зор үлесін қоса алатын жеке тұлғаны қалыптастыруды талап етіп отыр. Бұл бағытта ілкімді істерді бастап кеткен білім ошағы бар.Келесі бейне материалға назар аударсақ.

Бұл жаңа оқу жылына асыға күтіп,есіктерін айқара ашқан Алматының іргесіндегі Қаскелең қаласынан орын тепкен Шоқан ұлттық мектебі.Ұстаздар оқушыларын,оқушылар ұстаздарын сағынып қалғандары жүздерінен көріп тұр. Атына заты сай,білім ошағы жастарға сапалы білім,саналы тәрбие дәнегін қатар себуде.

ЖАЗИРА ШӘКЕНҚЫЗЫ ШОҚАН ҰЛТТЫҚ МЕКТЕБІНІҢ ДИРЕКТОРЫ

Ұлттық тәрбие біздің ұрпақтан-ұрпаққа жеткізетін асыл қазынамыз. Ол болашақ ұрпақты өмір сүруге дағдыландыратын үлкен тәрбие кітабы .Ал тәрбие тамыры тереңде-халық қазынасында ,оның қадір қасиеті мен бітім- болмысында. Бұл қазына ұлттық құндылықтар арқылы бала бойына сіңетіні даусыз. Алғашқы қоңырау мерекесіне оқушылар мен ұстаздары құттықтап келген эстрада жұлдыздары да ерекше болды. Соның бірі барша халықтың ыстық ықыласына бөленген Алашұлының әншілері.

ЖАЗИРА ШӘКЕНҚЫЗЫ ШОҚАН ҰЛТТЫҚ МЕКТЕБІНІҢ ДИРЕКТОРЫ

https://www.youtube.com/embed/-nyPoFm5hgo?si=OkEDQI6H0S3bs-ul"

30 тамыз Қазақстан Республикасының Конституция күні.Ата заңымыз мемлекеттіміздің құқықтық негізін қалыптастырушы құжат,мемлекет негізінің іргетасы.Еліміз әлем елдері алдында экономикалық реформалар жүргізу мен демократиялық қоғам қалыптастыруда, әлеуметтік мәселелердің оң шешім табуы жөнінен үлгі болып отыр. Тәуелсіз елде таңдары атып,еркін өмір сүріп жатқан жастардың Ата заңымызға деген пікірін білдік.

Бүгінгі таңда Ата заңымыз қазақ елін мекен еткен барша ұлт өкілдерінің тыныш әрі бейбіт өмір сүруінің кепілі болып отыр.Тәуелсіздігіміз тұғырлы,Ата заңымыз мәңгілік үстемдік құрсын.

https://www.youtube.com/embed/AecwO7ZiZu4?si=01ladyRigeEL3Adr"

Жаңа оқу жылы қарсаңында «Мектепке жол» акциясы Алматы қаласы  Бостандық ауданынының мектептерінде жалғасын тапты. Мүмкіндігі шектеулі балаларға, әлеуметтік жағдайы төмен отбасылар мен көпбалалалы жанұяларға қажетті құрал-жабдықтары мен сөмкелерді табыстады. 

Игі іс-шара М.В. Ломоносов атындағы №38 қазақ- орыс гимназиясында өтті. Қажетті құрал жабдықтармен қамтылған оқушылар дән риза. Балаларының қуанышты жүзін көрген ата-аналар қолы ашық, жомарт жандарға ризашылықтарын білдіріп, жұмыстарына береке тіледі.

МАРИЯМ ЖҰМАШЕВА АТА-АНА: «Мен мүмкіндігі шектеулі баланың анасымын. Бірақ бүгін басқа ата-ананың өтінішімен келіп тұрмын. Үлкен рахмет, алғысымыз шексіз. Осылай көңіл бөліп беріп жатқандарыңызға. Ол біз үшін үлкен көмек. Сіздерге үлкен рахмет». 

ШОЛПАН АҒЫБАЙҚЫЗЫ «ЖАН-ӘЛЕМІ» БАЛАЛАР ҚОРЫНЫҢ ДИРЕКТОРЫ: «Ауданымызда бұндай қайырымдылық іс-шарасы бірінші рет өткізіліп жатқан жоқ. Мүмкіндігі шектеулі, аутизіммен ауырған балаларға жомарт жандар көмек қолын созып, керек жарақтармен қамтамасыз етіп келеді. Біздің балаларға мектепке даярлық кезінде сөмкелер мен киімдер, керек-жарақтарды сатып алып беріп жатқанына рахмет. 

Еліміз бойынша, 1 тамыздан бастап  «Мектепке жол» жыл сайынғы республикалық акциясы басталды. Қайырымдылық керуені биыл «Жақсылықты жаса» ұранымен өткізіліп келеді. 

ГҮЛЖАН ДОСАЙҚЫЗЫ АЛМАТЫ ҚАЛАЛЫҚ №38 ГИМНАЗИЯСЫНЫҢ ДИРЕКТОРЫ: «Бүгін біздің мектепте осы акция аясында. Үш бірдей мектеп ұжымының атынан аз қамтылған және көп балалы отбасылардан шыққан балаларға бізде өз көмегімізді көрсеттік. Акция аясында мектепке қажетті құрал жабдықтар беріліп жатыр». 

Жыл сайын дәстүрлі түрде тамылжыған тамыздан бастап, қыркүйек айының соңына дейін жалғасатын науқанда атқартылатын іс көп. 1 баланы мектепке дайындау үшін 100 мың теңгеден астам қаражат кетінін нарқыта,  ата-аналарға қол ұшын созып, қажетті жабдықтарын алып берген демеушілердің әрекеті қуантарлық жағдай. 

https://www.youtube.com/embed/dkHa8fzCP7Y?si=MmFX8f_u4VYKjoJ6" 

Алматы қалалық сотында Гүлмира Сатыбалды мен оның жүргізушісі Мәди Батыршаевқа қатысты сот отырысы аяқталды. Қайрат Сатыбалдының бұрынғы әйеліне Қылмыстық кодекстің үш бабы бойынша айып тағылды. Олар «Заңсыз бас бостандығынан айыру», «Өзгенің мүлкін қорқытып тартып алу», «Өзінше билік ету». Сот Гүлмира Сатыбалдының мүлкін тәркілеп, 12 жылға бас бостандығынан айыру жазасын орташа қауіпсіздік мекемелерінде өтеу туралы үкім шығарды.

Мәди Батыршаев бастығының нұсқауы бойынша «жәбірленушінің еркін жүріп-тұруына кедергі келтіргі келтірді» деп айыпталған. Сот Батыршаевты кінәлі деп тауып, 9 жылға бас бостандығынан айырды.

https://www.youtube.com/embed/y1aoLvk1HOs?si=OaWHWSU9b3X0X_a1" 

СҚО-да өткен жеті айда 231 жол-көлік оқиғасы тіркелді. Салдарынан,  21 адам қаза тауып, 315-і жарақат алған. Оқиғаның 130 дан астам фактісі жүргізушілер  кінәсінен болған. 

Мамандардың айтуынша, жол-көлік оқиғаларының басым бөлігі ереже сақтамау салдарынан болады. Жалпы өңірде жол ережесін бұзғаны үшін 41 мыңнан астам құқық бұзушы әкімшілік жауапкершілікке тартылған. Олардың 6953-і белгіленген жылдамдықты асырса, 660 жүргізуші көлік тізгінінде мас күйде болған. Сонымен қатар, 19 мыңнан астам жол ережелерін өрескел бұзудың фактісі тіркелді. 

ГРИГОРИЙ ТЫШ, СҚО ПД ЖЕРГІЛІКТІ ПОЛИЦИЯ ҚЫЗМЕТІ  БАСҚАРМАСЫ БАСШЫСЫНЫҢ МІНДЕТІН АТҚАРУШЫ: Ел аумағында жаңа оқу жылы қарсаңында балалардың жолдағы қауіпсіздігін қамтамасыз ету  мақсатында 26 тамыз бен  6 қыркүйек аралығында «Назар аударыңыз, балалар! » акциясы өтіп жатыр.  Осы іс-шара барысында патрульдік бағыттар білім беру ұйымдарына жақындатылады, әкімшілік полиция қызметкерлері жалпы білім беретін және мектепке дейінгі мекемелер орналасқан жерлерде жол желісінің және көлік қозғалысын ұйымдастырудың техникалық құралдарына  тексеру жүргізеді.

Айта кетейік, өткен жеті  айда балалардың қатысуымен 55 жол-көлік оқиғасы тіркелген. Салдарынан,  1 бала қаза тауып, 65-і жарақат алған. Сол себепті де, полицейлер жол ережелерін қатаң сақтап, абай болуға шақырады.  

https://www.youtube.com/embed/IqH3vssUchI?si=1i5l-qvRD63aywHK"

Бүгін Мемлекет басшысы Қазақстанның мұнай өнеркәсібіне 125 жыл толуына орай ұйымдастырылған салтанатты іс-шараға қатысты. Қасым-Жомарт Тоқаев бұл датаның айтулы белес екенін атап өтіп, сала қызметкерлерін құттықтады. Президент Қазақстанның мұнай өнеркәсібі өз тарихы мен дәстүрі бар сала екеніне тоқталып, оның қалыптасып, дамуына елімізге белгілі тұлғалар зор еңбек сіңіргенін жеткізді. Сонымен қатар мұнай мен газды еліміздің стратегиялық ресурсы әрі мемлекет экономикасының тірегі деп атады. Бұл ретте мұнайшылардың еңбегін жоғары бағалады. 

АЛМАГҮЛ ҚОШҚАРОВА « МАҢҒЫСТАУМҰНАЙГАЗ» АҚ ЗЕРТХАНАШЫСЫ

https://www.youtube.com/embed/GjOvL99pUJM?si=xq-6l4FB2GbPK2fM" 

Премьер-Министр және Үкімет мүшелерінің қатысуымен «AMANAT» партиясы фракциясының кеңейтілген отырысы өтті. Олжас Бектенов депутаттарға Президенттің Жолдаулары мен 2023-2029 жылдарға арналған «Әділетті Қазақстан: бәріміз және әрқайсымыз үшін. Қазір және әрдайым» сайлауалды бағдарламасының іске асырылу барысы жөнінде мәлімет берді. Жиын барысында Олжас Бектенов  Үкіметтің отандық тауар өндірушілерін қолдау бойынша ауқымды жұмыс жүргізіп жатқанын атап өтті. Инвестиция көлемі 15 трлн теңгеден асатын 17 ірі жоба жүзеге асырылуда, бұл 26 мың жұмыс орнын құруға және импортқа тәуелділікті 1,5 трлн теңгеге төмендетуге мүмкіндік береді. Сонымен қатар мемлекеттік сатып алу шеңберінде қазақстандық кәсіпорындармен жасалған келісімшарттардың саны 1,4 есеге артқан, ал олардың жалпы сомасы 40%-ға өскен. 

ОЛЖАС БЕКТЕНОВ ҚР ПРЕМЬЕР-МИНИСТРІ

https://www.youtube.com/embed/F0WRg-3Chsk?si=i6X_x73Srx248I8h"

https://www.youtube.com/embed/z-fhSGUg7HM?si=yai7lii_ZaVCgSCV" 

Ақмола облысындағы Целиноград ауданының 4 ауылын сапалы ауыз сумен қамтамасыз ету үшін топтық су құбырын салу жобасы іске асырылуда. Толығырақ алдағы бейнесюжетте.

Жергілікті тұрғындардың айтуынша, ауыз судың болмауы олардың күнделікті өмірін едәуір қиындатқан. Мердігер компания мамандары болса Талапкер, Төңкеріс, Қажымұқан және Арайлы ауылдарында тіршілік нәрі келесі жылы қолжетімді болатынын жеткізді.Жаңа су құбыры Астана-Астрахан тас жолының бойы арқылы өтеді. Жоба құны 11 млрд теңгеден асқан.

ҚУАНЫШ САДЫРБАЙ ҚҰРЫЛЫС ЖӨНІНДЕГІ ЖОБАНЫҢ БАСШЫСЫ: «Жобаны іске асыру былтыр басталды. Жобада 21 ұңғыма бұрғылау қарастырылған. Сүзгі станциясы бар су тазарту қондырғылары. Сонымен қатар бастапқы ұңғымаларды байланыстыратын құбыр төсемі. Бұл 28 шақырымдай, сонымен қатар 58 шақырымдай негізгі су құбыры. Бүгінге бастапқы су құбыры арқылы 9 шақырым құбыры тартылды. Негізгі су құбыры бойынша 21 шақырым. Келесі жылы су қоймаларының құрылысын бастау қарастырылған. Жобаны 2025 жылдың соңына дейін іске асыру жоспарланған. Қазір нысанда 30 адамнан жасақталған үш бригада жұмыс істейді. Арнайы техникамен де қамтамасыз етілген».

Естеріңізге сала кетейік, Талапкер ауылында сумен жабдықтаудың таратушы желілерінің құрылысы бойынша нысан 2021 жылы пайдалануға берілген еді.  Оның ұзындығы 170 шақырымнан асты. Су құбыры магистралін салуға 2 млрд. теңгеден астам қаржы жұмсалған.