https://www.youtube.com/embed/GPdKLC5XQ6w?si=LrQo8D_TEThxYGMU"

Париж Олимпиадасының қола жүлдегері Назым Қызайбай елге оралды. Жеңімпазды отандастары Алматы әуежайынан думандатып қарсы алды. 

Париж олимпиада ойындарында әйелдер арасындағы бокстан ел қоржынына қола медаль сыйлаған Назым Қызайбайды Алматы әуежайында жанкүйерлері, ата-анасы, туған-туыстары мен достары осылай думандатып қарсы алды. 

НАЗЫМ ҚЫЗАЙБАЙ ПАРИЖ ОЛИМПИАДАСЫНЫҢ ҚОЛА ЖҮЛДЕГЕРІ: «Жеңіске жеткенімді енді сезініп жатырмын. Барлық жанкүйерлерге мың алғыс. Осы жетістік  жаттықтырушымның  арқасы. Қаншама жыл еңбек еттік. 1-2 апта демалып, іс-шараларға қатысып, содан кейін тренермен ақылдасып алға жоспар қойып алдағы жарыстарға қарай жоспарлаймыз».

Олимпиада жүлдегерімен бірге оның жеке бапкері Толқынжан Кәмеков те ұшып келді. Ол өз шәкіртінен жаңа жеңістерді күтетінін атап өтті.

ТОЛҚЫНЖАН КӘМЕКОВ ЖАТТЫҚТЫРУШЫ: «Қола медаль алып келдік, 4 кездесу өткіздік. Қазақстан чемпионатын ұтып, лицензия алып, олимпиадаға қатысып 4 кездесу өтікізіп 4-де ұтылып қалды. Ұтылғанда да былай ұпай санымен. 0240 Жоспарымыз бар мен ойлаймын Назым спортты қойған жоқ. Келесі Олимпиадада алтын алып келеміз».

13 жасынан бастап бокспен тұрақты түрде айналыса бастаған Назым аздаған үзілістен кейін жаттығуға қайта кіріспек. 

https://www.youtube.com/embed/CL8QYxe5AY4?si=v5tp7lP6I_VqkPnD" 

Назарбаев зияткерлік мектептерінде бір емес бірнеше құқық бұзушылық анықталды. Жоғары аудиторлық палата жүргізген тексерістің қорытындысы бойынша 1 материал құқық қорғау органдарына, тағы 10 факті бойынша материал әкімшілік істі қозғау үшін уәкілетті органдарға жіберілді. Мектеп басшылығы соңғы үш жылда 16,4 млрд теңгені игере алмаған, ал 6 млрд теңгені тиімсіз жұмсаған. Салыстырмалы түрде алсақ, Назарбаев мектебіне соңғы бес жылда бөлінген қаражат, күллі Ұлытау облысының бюджетінен көп, - деді жоғары аудиторлық палата төрағасы Әлихан Смайылов. 

ӘНУАРБЕК ҚАРИ ҚР ЖАП ӘЛЕУМЕТТІК САЛАҒА ЖӘНЕ ҚҰҚЫҚТЫҚ ТӘРТІПКЕ АУДИТ ЖҮРГІЗУ ДЕПАРТАМЕНТІНІҢ ДИРЕКТОРЫ: «Жалпы есепті кезеңде Назарбаев зияткерлік мектептеріне бюджеттен 250 млрд теңге бөлінген. Оның ішінде 22 млрд теңгеден аса қаржы тәжірибемен бөлісу іс-шараларына қарастырылған. Алайда бүгінде мемлекеттік жоспарлау жүйесінде Назарбаев Зияткерлік мектептерінің рөлі нақты айқындалмаған. Мысалы, бағдарламаларда, ұлттық жобалар мен тұжырымдамаларда тәжірибемен алмасуға қатысты нақты міндеттер, функциялар мен көрсеткіштер мүлдем белгіленбеген. Жалпы мемлекеттік аудит барысында: 274,4 млн теңгеге қаржылық бұзушылық; 8,3 млрд теңгені тиімсіз жоспарлау; 6 млрд теңгеге жуық қаржыны тиімсіз пайдалану; 134 рәсімдік бұзушылық пен 30 жүйелік кемшілік анықталды».

https://www.youtube.com/embed/WtitjjQoF2g?si=ME-6WhVJx_aFN9AL" 

Қайрат Сатыбалдыұлының елге қайтарған активтерінің жалпы құны 732 млрд 800 млн теңгеге тең. Оның ішінде 661,5 млн АҚШ доллары шетелде табылды, олар қысқа мерзімде Қазақстанға қайтарылды. Мүліктің бір бөлігі оның жақын туыстарына, өзі сенген тұлғаларға және бақылаудағы компанияларға рәсімделген. Қайтарылған активтердің ішінде әкімшілік ғимараттар, эксклюзивті зергерлік бұйымдар, люкс үйлер, пәтерлер мен көліктер, акциялар мен компаниялардың үлесі, теміржол мен ақшалай қаражат бар.

Бұл туралы Сыбайлас жемқорлыққа қарсы іс-қимыл агенттігі хабарлады. Айта кетейік, мемлекетке қайтарылған қаржы әлеуметтік мақсаттарда пайдалануға бағытталды.

https://www.youtube.com/embed/odHpcy1lNqo?si=wOMOeMggxGeE2WSl" 

СҚО жұмыс сапармен келген ҚР денсаулық сақтау министрі Ақмарал Әлназарова Петропавлда салынып жатқан облыстық көпбейінді аурухананың құрлысы қашан аяқталатынын айтты. БАҚ өкілдеріне берген жауабы кезінде министр 2019 жылы құрылысы басталған облыстық аурухананың қазіргі жағдайын сөз етті.

АҚМАРАЛ ӘЛНАЗАРОВА ҚР ДЕНСАУЛЫҚ САҚТАУ МИНИСТРІ: «Мердігерлермен кездестік. Олардың айтуы бойынша, жылдың аяғына дейін монолиттің құрылысы толық аяқталады.Аурухана жоспар бойынша 2025 жылдың соңы, 2026 жылдың басында қолданысқа беріледі».

Сондай ақ, журналисттер науқастар не себепті бейінді маманға терапевт арқылы баруы керек деген сауалдарды да жолдады. Бұған министр былай деп жауап берді.

АҚМАРАЛ ӘЛНАЗАРОВА ҚР ДЕНСАУЛЫҚ САҚТАУ МИНИСТРІ: «Бейінді маманға тікелей бару үшін қосымша тексеріс қажет. Тексерістен кейін ғана біз оны бейінді маманға жібереміз.  Сол кезде пациент пен дәрігер  уақыт жоғалтпайды. Біз осындай механизмді оңтайлы деп санаймыз, әрине оған тиісті өзгерістер енгіземіз және менің ойымша, бір ай ішінде ол бекітілетін болады".

Жиын барасында адам папиллома вирусына қарсы вакцинация туралы да айтылды. Бұл екпе 1 қыркүйектен бастап 11 жастағы қыздарға қойылады. Министрдің сөзінше, бұл онкологиялық аурулардың алдын алуға бағытталған. 

https://www.youtube.com/embed/-HSjcm7mCqE?si=uKl-6vjUIEI7Fwyu"

https://www.youtube.com/embed/9m83Qox-nHo?si=N8f5M6yk4_E0ESGR" 

Алматылықтар Абай күніне орай, ұлы тұлғаның ескерткішіне гүл шоқтарын қойды. Шараға шаһар әкімдігінің өкілдерімен, зиялы қауым қатысты.

10 тамыз қазақтың бас ақыны ұлы ойшыл, Абай Құнанбайұлының туған күні. Осыған орай еліміздің әр өңірінде хакімді ұлықтауға оның асыл қазынасын дәріптеуге арналған іс шаралар ұйымдастырылуда. Алматыда Абайдың нақыл сөздері айтылып, өлеңдері мен қара сөздері оқылды, әндері шырқалды. «Адамзаттың Абайы» атты іс-шараға театр әртістерімен қатар, ақын-жазушылар және зиялы қауым өкілдері де қатысты, кемеңгер жайында ойларын ортаға салды.

ГҮЛШАРА ЕСЕТҚЫЗЫ ҚАЗАҚСТАННЫҢ ЕҢБЕК СІҢІРГЕН ҚАЙРЕТКЕРІ «Міне біз Абайдың  150- жылдығында осы оқушылармен келгенбіз, қазір міне қанша жыл 27-28 жылдар бері біздің мектептің оқушылары осы жерде Абай оқуларын, Абай есткершкішінің қасында жылда оқиды. Бүгін қатты қуаныштымыз. Абай атамыз- Дана, Абай атамыз – Дара. Сондықтан кейінгі ұрпаққа біз Абай өлеңдерін, Абайдың қара сөздерін жаттап, айтқызуымыз керек. Нағыз тәрбие осы Абай өлеңдерімен, қара сөздерімен басталады деп ойлаймын».

АНАР ФАЗЫЛЖАНОВА А.БАЙТҰРСЫНОВ АТЫНДАҒЫ ТІЛ БІЛІМ ИНСТИТУТЫНЫҢ ДИРЕКТОРЫ: «Бүгін Абайдың туған күні. Әр қазақ үшін ұлы мереке, өйткені жер бетінде Мен қазақпын деп дүниеге келген әр адам Абайдан рухани азық алатыны сөзсіз. Абай өзіне осындай ұлы есткерткіш орнатқан тұлға. Бірақ мен бұл жөнінде ғана емес, Абайдың адамзат үшін де ұлы тұлға екенін айтқым келеді. Себебі Абай шығармашылығында адам баласы жаратылғаннан бері оның рухани толығуына қажетті дүниелер бар. Яғни Абай деген кезде біз өткен тарихтың, талай ғасырдың тереңінен барып сусындамасақ оның тұлғасын, шығармашылығын тани алмаймыз. Сондықтан біздің Абайымыз- адамзаттың Абайы».

Ақынның дүниетанымы бөлек,салмақты сөздері, өзектілігін жоймайтын пәлсапасы қай жерде, қай ортада, қай елде болмасын өтімді. Оның адамзатқа ауадай қажет туындылары ешқашан өшпек емес.  

https://www.youtube.com/embed/Y0jluGH7vRs?si=lJH9FQGEVP6ai60G" 

БҚО-да шабақтарды құтқару жұмыстары жалғасын табуда.Өңірдегі өзен жайылмаларында тұқы, көксерке, қарақұйрық және басқа да балық түрлері мекен етеді. Су деңгейінің төмендеуі салдарынан шабақтардың бір бөлігі құрлықта қалып қырылып жатады. Осыған жол бермеу мақсатында Ақжайық балық инспекциясының мамандары балықтарды құтқару шараларын қолға алды. Бұл жұмысты жеке тоғандардың иелері де жүргізуі керек, - дейді балық инспекциясы басқармасының қызметкерлері. Биыл шілде айынан бастап облыстың су айдындарында 1 млн 300 мыңға жуық шабақ құтқарылған.

ДӘУРЕН ГАБДРАХМАНОВ БҚО БОЙЫНША БАЛЫҚ ИНСПЕКЦИЯСЫ БАСҚАРМАСЫНЫҢ АҚЖАЙЫҚ БАЛЫҚ ИНСПЕКЦИЯСЫ БӨЛІМІНІҢ БАС МАМАНЫ

https://www.youtube.com/embed/MBv1EzKtGdQ?si=mkZtbRnEDwwobULY" 

Ішкі Істер министрлігі ішкі және сыртқы қауіпсіздікті күшейтті. Ұйымдасқан қылмысқа қарсы күрес департаменті биыл таяу шет елдердің құқық қорғау органдарымен бірлесе 36 қылмыстық істің жолын кесті. Оның  үшеуі трансұлттық топтар. Нәтижесінде, қылмыстық кодекстің әртүрлі баптары бойынша 150-ден астам криминалитет өкілдері жауапқа тартылды. Одан бөлек, мектеп, колледж және жоғары оқу орындары жастарынан ақша бопсалап, бұзақылық жасаған және қару сақтаумен айналысқан 19 топтың жолы кесілді.

ҚУАНДЫҚ АЛПЫС ҚР ІІМ ҰҚҚКД БАСҚАРМА БАСТЫҒЫ: «Олардың біздің елге ену әрекеттері дер кезінде тоқтатылды. Қазақстан аумағында олардың қатысуымен қылмыстық қақтығыстарға жол берілмеді. ҰҚК-мен бірлесіп, Шымкент қаласында, Қарағанды және Қызылорда облыстарында аса қауіпті төрт қылмыстық топ өкілдерінің қызметі тоқтатылды. Негізгі бағыт қала құраушы кәсіпорындар мен тау-кен байыту комбинаттарының мүлкін ұрлаумен байланысты топтардың қылмыстық әрекетінің жолын кесу болып қала береді. Ұлттық қауіпсіздік комитеті және Мемлекеттік күзет қызметімен бірлесіп, компаниялардың жұмыскерлерімен сөз байласып, кәсіпорындардың, оның ішінде "Qarmet", "Қазақмыс", "Қазақалтын" алтындарын, металл сынықтарын және басқа да өнімдерін ұрлау бойынша заңсыз схемаларын жасаған бірнеше қылмыстық топтарды ұстау жүргізілді. Қылмыстық істердің, оның ішінде ұйымдасқан қылмыстық топ құру, басшылық ету және қатысу фактілері бойынша ондаған эпизод тергелуде».  

https://www.youtube.com/embed/J4heofp4xIc?si=nqxGH16odw03OtTl" 

Кеше кешкі уақытта Алматы облысындағы Қапшағай су қоймасының қалалық коммуналдық жағажайларында түнгі рейдтер жүргізілді. Құтқарушылар қараңғыда суға түскен тәртіп бұзушыларды анықтау үшін дауыс зорайтқыштармен және тепловизорлармен жабдықталған дрондарды пайдаланып, қалалық жағажайлардың жағалауларын патрульдеу жұмыстарын жүргізді.

ДИДАР АСҚАРБЕКҰЛЫ АЛМАТЫ ОБЛЫСЫ ТӨТЕНШЕ ЖАҒДАЙЛАР ДЕПАРТАМЕНТІ АЗАМАТТЫҚ ҚОРҒАНЫС БАСҚАРМАСЫНЫҢ АҒА ОФИЦЕРІ:  «Рейдтік іс шара барысында әуеге дрон көтеріліп, типловиздар арқылы түңгі уақытта суға шомылушылар анықталған. Аталған азаматтарға, ҚРӘК 412 бабына сәйкес әкімшілік хаттама толтырылды 13 азаматқа».

Суға түсу маусымы басталғалы Алматы облысының Төтенше жағдайлар департаментінің қызметкерлері облыстың су қоймаларында 7 мыңға жуық рейд жүргізген. Нәтижесінде судағы қауіпсіздік ережелерін бұзған 217 адам жауапкершілікке тартылған. Айта кетейік, ҚР Әкімшілік құқық бұзушылықтар туралы заңнаманың 412-бабына сәйкес айыппұлдардың жалпы сомасы 3 343 106 теңгені құрайды.

https://www.youtube.com/embed/hsd5YP2Mqyg?si=qfh3_rca8pS9-F7m" 

СҚО «Бірлік»  ықшам ауданында тасқыннан зардап шеккен тұрғындарға баспана салу  жұмысы қарқынды жүріп жатыр. Баспана бақытына бөленетіндердің қатарында Алла Насибулина да бар.

Алла Насибулина жаңа үйіне тамыз айының соңында қоныстанбақ.  Ол   күнде «Бірлік» ықшам ауданына келіп,жаңа баспанасын көріп кетеді. Қарқынды жүріп жатқан жұмыстарды көргенде көңілі көтеріліп қалады.

АЛЛА НАСИБУЛИНА, ҚАЛА ТҰРҒЫНЫ: «Қандай сезімде тұрғанымды айтып жеткізе алмаймын. Жақын арада үйім дайын болады. Көзді ашып-жұмғанша барлығы тез болады деп ойламаппын. Көмектесіп жатқан және бізді назарсыз қалдырмаған жандарға алғысым шексіз». 

Алланың  Ойқала ықшам ауданында орналасқан үйіне  су төбесіне дейін жетіпті. 1959- жылы тұрғызылған үйі осыдан бірер күн бұрын бұзылған. Ал тұрғын әзірге туыстарын паналап отыр. 

АЛЛА НАСИБУЛИНА, ҚАЛА ТҰРҒЫНЫ: «Мен ескі үйімнен мүлде кеткім келмеді. Су тасқынына дейін жақсылап жөндеу жұмысын жүргізген едім. Болған оқиғаны ұмыту үшін мен волонтер болып, халыққа көмектестім. Азық-түлік тараттым. Өзім сияқты зардап шеккен тұрғындарды жұбаттым. Солай уақыт зымырап өте шықты».

Кейіпкеріміз жаңа баспанасына тамыз айының соңында орналасам деп ниеттеніп отыр.

https://www.youtube.com/embed/0_hvRViiKgE?si=VbUdZfuUA-EsR1W1" 

https://www.youtube.com/embed/Zw5CFMbfngk?si=Ge0FxMeQNs-LXOhr"

Ауғанстаннан импортталатын сусындар денсаулыққа зиян келтіруі мүмкін. Қауіпті сусын балалардың белсенділігі мен зейініне әсер етеді. Бұл жөнінде БҚО санитарлық-эпидемиологиялық бақылау Департаментінің өкілдері мәлімдеді. Мәселен, көршілес Қырғызстанда «Royal» газдалған сусынының құрамында зиянды заттардың көптеген мөлшері мен таңбалау сәйкессіздігі тіркелген. Қазіргі таңда БҚО аумағында Департамент тарапынан сусын құрамы қаншалықты таза, талаптарға  сай екендігі  тексерілуде.

ГҮЛДАНА  КЕРЕЕВА, БҚО САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ  БАСШЫСЫНЫҢ ОРЫНБАСАРЫ