https://www.youtube.com/embed/yFUZ9UXWNr8?si=G5vPwFEDiHnUafeS" 

Кофе түрінде пластикалық капсулаға жасырынған ірі анаша тасымалдаушылардың жолы кесілді. Алматыда есірткі қылмысына қарсы іс-қимыл бөліністерінің қызметкерлері Италия мен Польшадан Қазақстанға жеткізілетін кокайн арнасына тосқауыл болды. Оңтүстік астанада жалға алынған пәтерде салмағы 250 грамм кокаин тәркіленді. Ол кофе түрінде пластикалық капсулаларға жасырылған. Бұдан әрі қазпошта бөлімшесінде фигурантқа тиесілі сәлемдемені тәркілеу бойынша тергеу шаралары жүргізілді. Одан жалпы салмағы шамамен 1 кг есірткі заттары бар пластикалық банкалар табылды, оның ішінде 0,5 кг кокаин және 400 грамнан астам экстази болған. Бұл туралы есірткі қылмысына қарсы іс-қимыл департаменті бастығының орынбасары Бақытжан Әмірханов айтты. 

БАҚЫТЖАН ӘМІРХАНОВ ҚР ІІМ ЕҚҚД БАСТЫҒЫНЫҢ ОРЫНБАСАРЫ: «Ұсталған адамға қатысты есірткі заттарын өткізу мақсатында аса ірі мөлшерде заңсыз сатып алу және сақтау фактісі бойынша сотқа дейінгі тергеп-тексеру амалдары жүргізіліп жатыр. Естеріңізге сала кетейік, бұл қылмыстар үшін мүлкі тәркіленіп, он жылдан он бес жылға дейінгі мерзімге бас бостандығынан айыру жазасы қарастырылады. Күдікті қамауға алынды. Елге кокаин жеткізу арналарын анықтау бойынша іс-шаралар жалғасып жатыр. Өзге ақпарат тергеу мүддесі үшін жария етілмейді».

https://www.youtube.com/embed/KXoFbzy0bkA?si=moJkngfOAphmbgP0" 

Алматының орталығында үш автобус пен жеңіл машина соқтығысып, 17 жолаушы түрлі дене жарақатын алды.

Бүгін, 13 ақпан күні таңғы сағат тоғыздар шамасында үш қоғамдық көлік бір – біріне соғылды. Жол апаты халық көп жүретін Саяхат ауданы маңында болды. Оның видеосы әб сәтте әлеуметтік желіде тарады. Бейнежазбадан полиция қызметкерінің бір адамды көтеріп алғанын және автобустан жолаушылардың түсіп жатқанын көруге болады.

САЛТАНАТ ӘЗІРБЕК АЛМАТЫ ҚАЛАЛЫҚ ПД РЕСМИ ӨКІЛІ: «Райымбек даңғылымен шығыс бағытта келе жатқан 54-бағыттағы қоғамдық көліктің жүргізушісі алдында келе жатқан 133-бағыттағы қоғамдық көлікпен, сондай-ақ “Нексиа” маркалы көлікпен соқтығысқан. Осы кезде 133-ші автобус инерция салдарынан сол бағытта келе жатқан 88-ші бағыттағы автобуспен соқтығысқан.Зардап шеккендерге медициналық көмек көрсетілді. ЖКО-на қатысқан үш қоғамдық көлікте жеке тасымалдаушыларға тиесілі. ЖКО дерегін Медеу аудандық полиция басқармасының қызметкерлері анықтап жатыр».

Белгілі болғанындай, жол апатынан автобустарыдың ішінде отырған жолаушылардың 17 зардап шекті. Оның үшеуі ауруханаға барудан бас тартқан. Дәрігерлердің айтуынша, қалған 14 адамның жағдайы орташа ауыр.

ШАЙХИТДИН БАДИРОВ АЛМАТЫ ҚАЛАЛЫҚ ЖЕДЕЛ ЖӘРДЕМ ҚЫЗМЕТІ ДИРЕКТОРЫНЫҢ ОРЫНБАСАРЫ: «Жол апаты орнында жедел жәрдем бригадалары көмек көрсетті.Оқиға салдарынан жарақат алған 14 адам ауруханаға жеткізілді. Қазір олар қабылдау бөлімі деңгейінде тексеріліп жатыр. Барлық қажетті медициналық көмек толық көлемде көрсетіліп жатыр».

Денсаулық сақтау басқармасынан түскен соңғы ақпаратқа сәйкес, 10 адам тұрғылықты жері бойынша амбулаторлық емделуге жіберілді. Ауруханаға жатқызылған 3 науқас нейрохирургия бөлімшесінде консервативті ем алып жатыр. Жағдайлары орташа.Тағы бір тұрғын 1 ауруханаға жатудан бас тартты. Оларға негізінен жабық бассүйек-ми жарақаты диагнозы қойылды.

https://www.youtube.com/embed/PDhC0HmTkDk?si=YYWgwwRzfqj9Mpp-" 

Кениялық марафон бойынша әлемдік рекордшы Кельвин Киптум жол апатынан қайтыс болды. 24 жастағы спортшы жаста болса бас болып, біраз жетістіктерге жетіп, Отандастарын жеңісімен қуантқан болатын.

Киптум классикалық қашықтықты екі сағат бір минуттан аз уақытта жүгіріп өткен әлемдегі жалғыз адам болды. Ол сонымен қатар тарихтағы ең жылдам жеті марафон уақытының үшеуіне қатысты. Келвиннің өзі және оның жаттықтырушысы Руанда Гервайс Хакизимана жол апатынан қайтыс болды. Оқиға жексенбі күні Кенияның Рифт алқабында, спортшының туған ауылына жақын жерде болған. Полицияның хабарлауынша, марафоншының өзі көлік жүргізген. Ол тізгінге ие бола алмай, жолдан шұңқырға ұшып кетіп, үлкен ағашқа соғылған. Көлікте бір әйел де болған. Ол аман қалды, бірақ жағдайы ауыр. Киптумның отбасы болған оқиғаға сене алар емес. Оның артында әйелі, екі кішкентай баласы қалды.

АСЕНАТ ЧЕРУТО РОТИЧ КЕЛЬВИН КИПТУМНЫҢ ӘЙЕЛІ: «Ол өте көп уақыт жаттығатын. Кейде кеш уақытта келгенде «Қатты шаршап қаласың. Демалсаңшы» деп айтатынмын. Бірақ ол: «Жоқ, бәрі жақсы», - деп жүре беретін».

Киптум өткен жылдың қазан айында Чикаго марафонында 2 сағат 35 секундта жүгіріп өтіп әлемдік рекорд орнатқан болатын. Сәуірде Роттердамдағы жарыста марафондық қашықтықты екі сағаттан аз уақыт ішінде аяқтап, жаңа рекорд орнатуды да жоспарлаған. Сондай-ақ шілде айында Парижде Олимпиада ойындарында дебют жасайтын болған. Бұған дейінгі марафон рекордын 2022 жылы оның отандасы Элиуд Кипчоге орнатқан болатын. Ол қашықтықты екі сағат, бір минут, тоғыз секундта жүгіріп өтті.

https://www.youtube.com/embed/KqDod_00Kfg?si=bQxT658sfP_l1zXA" 

Данияда  «Вастлавья тоқаштары» атты мереке басталды. Әдетте бұл мереке ораза алдында тойланады. Бірақ, тұрғындар биыл тәттілерді карнавалға дейін сатып ақпанның аяғына дейін жалғастырмақ. Дат кондитерлері әр түрлі салмасы мен әрлеулерді ойлап тауып, жылдан-жылға бәсекеге түсетін көрінеді.

Ларс Жууль Копенгаген кондитерлік дүкенінде 27 жыл жұмыс істейді. Ол 1870 жылы ашылған. Сол себепті, Даниядағы ең көне дүкен болып саналады. Ларстың айтуынша, Вастлавья тоқаштары әсіресе пандемия кезінде танымал болған. Биылғы маусымда олар өрік, алма және қара өрікпен, содан кейін кілегеймен толтырып, бетін әртүрлі безендіріп күніне мың данадан пісіруде.

ЛАРС ДЖУЛ КОНДИТЕР АСПАЗШЫСЫ: «Барлығы юзу мен каламансиден жаңа толтырғыштар жасап жатыр. Біз дәстүрлі рецепттерге қайта оралдық. Өйткені адамдар ақыр соңында классикалық дәмді қайта татқысы келеді».

Бұл жаңа кондитерлік өнім 2017 жылы ашылып, Копенгагендегі ең сәнді дегендердің біріне айналған. Адамдар мұнда кондитер өнімдерін алу үшін сағаттап кезекте тұрады. Кардамон қосылған тоқаш мекеме жұмысшыларына өте танымал өнім болды. Былтырдан бастап «Вастлавья» пісіріле бастады.

ЭМИЛ ГЛЕЙЗЕР КОНДИТЕРЛІК ФАБРИКАНЫҢ ИЕСІ:«Өткен жылы біз Вастлавья тоқаштарын пісіруді шештік. Содан кейін,  мен барлық кондитерларға карнавалда пісірілетін тағамдарға  қызықты болу үшін  балалық шақтағы естеліктерінен әдемі безендіруді талап еттім»

Банан салмасы, карамель, шоколад пен қаймақ. Міне, осылардың қосындысынан атақты «Вастлавя» пайда болды. Биыл бұл құрамның қатарына қарақат пен кілегей де қосылды.

САТЫП АЛУШЫ: «Бұл өте дәмді әрі тамаша».

«Вастлавя тоқаштары» - швед және фин семласының бір түрі. Тек Данияда олар қатпарлы қамырдан пісіріледі. Ал, тағы бір қызығы бұл  Ораза қарсаңында өтетін дат карнавалының атауымен сәйкес. Сонымен қатар, мереке славяндық Масленицаға ұқсайды. Тек басты атрибут - құймақ емес, тоқаш.

https://www.youtube.com/embed/iDKa59_mcPU?si=C_YGF3KA8wlrZnxO" 

Ақтауда «Күміс университеті» жобасы аясында егде жастағы адамдарды оқыту басталды. Зейнеткерлер жергілікті жоғарғы оқу орнында білімдерін шыңдауда. Қазірдің өзінде мекемеге жетпістен аса адам жазылып, жаңа саланы игеруге ниет білдірген.   

83 жастағы Түркменбай Қокенбаев алғашқылардың бірі болып жоғары оқу орнының студенті атанды. Оқуды тәмамдаған соң қария экскурсия жетекшісі атанады. Ұзақ жылдар бойы дәрігер болып қызмет еткен зейнеткер, Маңғыстау өңіріндегі аудан-қалалардың барлығында болғанын және барлық тарихи орындардан хабары бар екенін тілге тиек етті.

ТҮРКМЕНБАЙ ҚОКЕНБАЕВ АҚТАУ ҚАЛАСЫНЫҢ ТҰРҒЫНЫ: «Ақтау - ақ қалаға келетіндер көп. Үлкен кісілер болуы мүмкін. Сосын сол үлкен кісілерге Маңғыстаудың, аспан асты мұражайын түсіндіру, көрсету, басқада жер асты мешіттері бар, басқа да көретін жерлер бар. Соған енді өзіміздің білгенімізді айтып, соған көмектесеміз».

Жобаның алғашқы курсы модульды жүйе негізінде оқытылады. Бағдарлама аясында ағылшын тілі және экскурсия жетекшісі мамандығы үйретіледі. Ал профессорлар мен ғылым кандидаттары аймақтың табиғи ерекшелігін түсіндіріп, киелі жерлер туралы мол мағлұмат береді.

БИБІАЙША НҰРДӘУЛЕТОВА  ФИЛОЛОГИЯ ҒЫЛЫМДАРЫНЫҢ ДОКТОРЫ:«Мен өзімнің сабағымда жалпы сакралдық деген не? Жалпы Маңғыстау несімен сакралды? Маңғыстаудағы жер асты мешіттері, Маңғыстаудағы көптеген ежелгі заманнан келе жатқан таңбалар бар,мынау жерлеу орындарындағы жазулар бар. Міне, осылардың мағынасын, мәнін түсіндірдім. Осы меститизм, татемизм, анемизм, шаманизм сияқты ежелгі түсініктердің іздері Маңғыстаудан табылады».

Маңғыстау аймағында экскурсия жетекшісіне сұраныс жоғары. Себебі, облыста жыл сайын туристер саны артып келеді. Былтыр қазан айына дейін өңірге 325 мыңнан астам турист келген.

ГҮЛСІМ ЖАРИЕВА ТУРИЗМ БАСҚАРМАСЫНЫҢ БӨЛІМ БАСШЫСЫ: «Куәлік алып, жаңа мамандықты меңгергендердің арасында зейнеткерлер көп. Олардың өмірлік тәжірбиесі мол, өте білімді. Екі үш тілде еркін сөйлейді. Аймақ тарихын да жетік біледі. Сондықтан туристерді аймаққа көптеп тартуға олардың көмегі тиеді деп ойлаймын».

Үш айлық курстың соңында Күміс университетінің түлектері сертификаттар алып, Маңғыстау облысының туризм басқармасымен меморандум аясында өңірге демалысқа келетін туристер үшін экскурсовод ретінде жұмысқа орналасады.

https://www.youtube.com/embed/mIBHre508fw?si=3VcbxRrxwVj3kqQ_" 

https://www.youtube.com/embed/4GsseAp7XS8?si=TSczaJf-TWZ3bhP2" 

Елімізде ұшқыштарды даярлайтын тағы бір орталық ашылды. Жаңа жаттығу кешені Кеңес Одағының Батыры Нұркен Әбдіров атындағы Қарағанды авиабазасында орналасқан. Жедел-тактикалық авиацияның жаңартылған Су-30 СМ жаттықтыру кешені ұшқыштар мен авиация техниктері үшін сынақтан және техникалық қабылдаудан сәтті өтті. Жаттығу үш сегменттен тұрады, атап айтқанда – ұшудың әртүрлі жағдайын модельдейтін маманның жұмыс орны, ұшқыштың жеке дайындық орны және Су-30 СМ кабинасының имитаторы. Кешен экипажға пилотажды және әуе кемесін зақымдау үшін авиация құралдарын қолдану міндеттерін пысықтауға мүмкіндік береді. Пилоттық және штурмандық кабиналардың функционалдық жабдықталуы да кәдімгі ұшаққа ұқсас.  

АЙТҚАЛИ ОРАЗҒАЛИ ПОДПОЛКОВНИК: «Қорғаныс ведомствосы ұшу құрамын сапалы оқытуға күш-жігерін салуда. Пайдалануға берілген жоғары технологиялық жаттықтыру кешені әскери ұшқыштарды даярлау үдерісін едәуір жақсартуға мүмкіндік береді».  

https://www.youtube.com/embed/PkpDJvdEvs4?si=DPV6Trf1eZyutBKi" 

«Ұлттық қор – балаларға» жобасы аясында 6,9 млн баланың есепшотына қаражат аударылды. Оның 305 мыңдайы биыл 18 жасқа толады. Яғни, олар бұл қаражатты білім алуға және баспаналы болуға жұмсай алады. Осы мақсатта 9 күннің ішінде біріңғай жинақтаушы зейнетақы қорына 100-ден аса өтініш түскен. Статистикалық деректерге сүйенсек,  балалардың ең көп саны 922 841 бала Түркістан облысында тұратынын көруге болады. Оларға 92 763 977 доллары есептелді. Балалар саны бойынша екінші орында Алматы қаласы. Үшінші орында - Алматы облысы тұр. Бұл туралы бүгін орталық коммуникациялар қызметінде өткен брифингте Біріңғай жинақтаушы зейнетақы қорының Басқарушы директоры Мұрат Шәріпов айтты. 

МҰРАТ ШӘРІПОВ  «БЖЗҚ» АҚ БАСҚАРУШЫ ДИРЕКТОРЫ: «Осы 6 919 131 баланың биыл 18 жасқа толатын 304 815 баланың БЖЗҚ-да ашылған нысаналы жинақтау шоттарына ақша түсті. 9 күннің ішінде БЖЗҚ-ға 100-ден астам өтініш түсті. Оның ішінде 54-і білім беру ақысын төлеуге, 49-ы тұрғын үй жағдайын жақсартуға қатысты. Осы өтініштердің 63-і орындалды, 21-і қарастырылып жатыр. Қалған 19-ы қабылданбады. Қабылданбаған себебі, олар дұрыс өтініш қалдырмаған. Олар қайтадан өтініш қалдыра алады». 

https://www.youtube.com/embed/uOnQeOd6LjQ?si=SBJe8h8PVqU9BB8l" 

Алматы облысы Талғар ауданында тоғызқұмалақ спортынан жастар мен жасөспірімдер арасында жекелей чемпионат өтті. Жарысқа облыстың жеті ауданы мен Қонаев қаласынан  70-ке жуық жас спортшы қатысып, өзара үздікті анықтады. Өңірлік чемпионатта жастар тоғызқұмалақ спортының классика және блиц түрлерінен бақ сынады. Алғашқы үш орынды иеленген жүлдегерлер наурыз айында Өскемен қаласында өтетін республикалық чемпионатқа жолдама алды. Жарыс жеңімпаздары арнайы медальдармен, дипломдармен және бағалы сыйлықтармен марапатталды.

Бұл жолғы чемпионат мүлде басқа сипат алды. Себебі ұйымдастыру шаралары да, өту барысы да, марапаттау салтанаты да жоғары деңгейде ұйымдастырылды. Соңғы уақытта ұлттық құндылық саналатын тоғызқұмалақ спортын қолдау күшейген байқауға болады. Жастардың дүниетанымына ерекше серпіліс беріп,санасын сергітетін тоғызқұмалақ ойындарына әсіресе Алматы облысы қолдан келгенше қолдау көрсетіп,дәріптеуде. 

https://www.youtube.com/embed/sAiYdFlXPLQ?si=2UiaOYC2F4cfcouu" 

Сейсмологиялық бақылау және зерттеу ұлттық ғылыми орталығы комиссиясының соңғы деректері бойынша Алматыда сейсмикалық жағдай тұрақты. Бүгін ӨКҚ алаңында спикерлер Алматы қаласының аумағындағы сейсмикалық жағдайлар туралы баяндады. 

ДӘУЛЕТ СӘРСЕНБАЕВ ҰЛТТЫҚ СЕЙСМОЛОГИЯЛЫҚ БАҚЫЛАУЛАР МЕН ЗЕРТТЕУЛЕР ҒЫЛЫМИ ОРТАЛЫҒЫНЫҢ ДИРЕКТОРЫ:«Біздің мамандардың қорытындысы бойынша,  бірнеше ғылыми бағыттардың деректері бойынша, жер қыртысындағы «жойқын» 200 - ге жуық процестерді зерттей отыра және Алматы сейсмикалық белсенді ауданының аумағында 5.5 және одан да көп магнитудасы бар жер сілкінісі болады деп күтілмейді».

Спикерлер оңтүстік пен оңтүстік-шығыс Қазақстан жер сілкінісі қаупі жоғары аймақта екенін еске салды. Алматы қаласы тау бөктерінде орналасқан, бұл сейсмикалық-шартты процестердің қосымша қауіптілігінің факторы болып табылады.

ДӘУЛЕТ СӘРСЕНБАЕВ ҰЛТТЫҚ СЕЙСМОЛОГИЯЛЫҚ БАҚЫЛАУЛАР МЕН ЗЕРТТЕУЛЕР ҒЫЛЫМИ ОРТАЛЫҒЫНЫҢ ДИРЕКТОРЫ:«Әрине, жақында Қытай мен Қырғызстан шекарасындағы таяуда болған жер сілкінісінен кейін, оның сейсмикалық толқындары Қазақстан аумағында сезіліп, халық арасында дүрбелең туғызды, кейінгі жер сілкінісінен кейін оның қайталанауы мүмкін бе деген  мәселе халықты қатты алаңдатады. Шын мәнінде, 7 балдық жер сілкінісі 23 қаңтарда Қытайда Алматыдан 260 шақырым жерде орын алды».

Сондай-ақ, ағымдағы сейсмикалық жағдай бойынша қорытындылар сейсмикалық процестерді: гидродинамикалық, гидрохимиялық, геофизикалық, деформациялық процестерді және тіпті биологиялық бақылауларды мониторингтеуден алынған деректерінің кешені бойынша берілетінін түсіндірді.

https://www.youtube.com/embed/qZinD1W6f_E?si=z_gsrYTbSpSUz2uB" 

Филиппиннің оңтүстігінде көшкіннен кейін 110 адам із-түзсіз жоғалып кетті. Бірнеше күн бұрын жер үйлер мен екі автобусты көшкін көміп тастаған. 11 адамның қайтыс болғаны расталды. Тағы 31 адам жарақат алған.

Минданао аралындағы Давао-де-Оро провинциясындағы Масара таулы ауылында көшкін болды. Бастапқыда 40 адам із-түссіз жоғалған деп хабарланғанымен, кейін олардың саны екі есеге артқан. Олардың арасында көшкін кезінде үйлеріне қайтуға дайындалып жатқан автобустарда болған шахта жұмысшылары да бар. Олардың біразы терезеден секіріп, қашып, аман қалған. Құтқарушылар оқиға орнында жұмысын жалғастыруда. Оларға әскерилер мен еріктілер көмектесуде. Ал, адамдар туыстары туралы ақпаратты күтуде.

КАНО ЖОҒАЛҒАН АДАМНЫҢ ӘЙЕЛІ: «Туыстарымыз күйеуімнің осында екенін растады. Мен оған көшкіннен кейін түнде телефон соқтым, бірақ жете алмадым. Ол фургонды жүргізеді, жұмысшыларды алып кететін».

Бірақ, тағы жаңа көшкіннің жүру қаупі бар. 1160-тан астам отбасы үйлерінен көшіріліп, эвакуациялау пункттеріне орналастырылды. Филиппиннің бұл аймағында су тасқыны мен көшкіннің салдарынан қатты жаңбыр жауды. 

https://www.youtube.com/embed/B7Kmim7gXbI?si=ZttcxRudlJYzKkaT" 

Аустралияда жаңа заң енгізілді. Енді қызметкерлер жұмыстан тыс уақытта басшыларының қоңыраулары мен хабарламаларын елемеу құқығына ие. Бұл миллиондаған жұмысшылардың өмірін жеңілдетті.

Заң жобасында басқа да жеңілдіктер қарастырылған. Дегенмен, бұл ереже көпшіліктің ерекше сезімдерін тудырды.

КОЛВИН МАКФЕРСОН СИДНЕЙ ТҰРҒЫНЫ: «Менің ойымша, бұл тамаша идея. Түн ортасында электронды хаттар мен телефон қоңырауларына алаңдамау үшін таптырмас дүние. Менің екі балам заңгер. Олар ұзақ уақыт жұмыс істейді, әсіресе жұмыстың қызар уақыты түнде басталады. Енді, барлығынан демалып, уақытылы ұйықтауға мүмкіндік тумақ. Біз машина емес - адамбыз. Демалыс әрқашан қажет".

ИВАН КАРАЖАС СИДНЕЙ ТҰРҒЫНЫ: «Енді демалыс күндері немесе демалыста үйде болған кезде, жұмыс күнінің соңында барлық гаджеттерді өшіріп, демала аламыз. Идея өте миға қонымды және өте қызықты».

Францияда, Германияда, сондай-ақ басқа ЕО елдерінде осыған ұқсас заңдар қазірде өз күшінде.

ФИОНА МАКДОНАЛЬД JOVCENTRE ҚЫЗМЕТКЕРІ: «Өткен жылы біз сауалнама жүргізіп, қызметкерлер орташа есеппен аптасына 5,8 сағат ақысыз жұмыс істейтінін анықтадық. Бұл жылына 280 сағат, 130 миллиард долларды құрайды. Демек, бұл шын мәнінде кішкентай емес, үлкен мәселе. Сондай-ақ сауалнама барысында қызметкерлер бұның ұйқы режиміне, жұмысқа мотивациясына және отбасылық өміріне қатты кері әсер ететінін де айтты».

Алайда көптеген кәсіп иелеріне бұл заң ұнамады. Олардың жұмысына бұндай заң тым қатты шектеу жасайды екен.