https://www.youtube.com/embed/HHzeJ7sCN_A?si=LpDdMGedAO0XezgG" 

Ақмола облысында ауа райының күрт суытуы салдарынан өрт оқиғалары да күрт өршіп кетті. Аязды күндері тұрғындар жылыту құрылғыларын көп қосуда. Ал жекеменшік секторда тұратындар күні-түні пеш жағады. Өрттің дені осы жер үйлерде орын алып отыр. Өрт қауіпсіздігі ережелері сақталмайды. 

Көкшетауда сөндірілмеген темекінің тұқылы қайғылы оқиғаға әкеле жаздады. 1975 жылы туған қала тұрғыны төсегінде жатып шылым шегіп, оны сөндірмей қалғып кеткен. Салдарынан төсек жабдықтарымен қоса линолеум жанып кетті.Абырой болғанда оқиға орнына жедел жеткен 10-шы өрт сөндіру бөлімінің қызметкерлері қайғылы оқиғаның алдын алды.Ал облыс орталығынан шалғайда орналасқан Егіндікөл ауданында кеше өрттің салдарынан бір адам қаза тапты. Қызыл жалын екі пәтерлі жекеменшік секторда болған. Тілсіз жау 80 шаршы метр жерді жайпады. Өртті сөндіріп болған соң үйінді астынан 1970 жылы туған азаматтың өлі денесі табылды.

ДАНИЯР КҰДАЙБЕРГЕНОВ АҚМОЛА ОБЛЫСЫ ЕГІНДІКӨЛ АУДАНДЫҚ ТӨТЕНШЕ ЖАҒДАЙЛАР ЖӨНІНДЕГІ БӨЛІМІНІҢ БАСТЫҒЫ:  «Егіндікөл ауданы Бауман селосы Степан Разин көшесі, 15 мекен-жайы бойынша № 2 пәтерде өрт шықты. Өрт орын алған жереге жауынгерлік есептен 3 адам және 1  техника жіберілді. Өрт сөндіру барысында мәйіт табылды. Тілсіз жаудың шығу салдары мен шығындары анықталуда». 

Степногорск, Есіл, Щучинск қалаларында және Целиноград ауданының Талапкер ауылында пәтерлер мен жеке тұрғын үйлерде болған өрт ауыздықталды. Қазір оның неден шыққаны анықталу үстінде. Абырой болғанда зардап шеккендер жоқ. Аяздың көтерілуіне байланысты автокөліктердің де өртену деректері тіркеліп жатыр.

https://www.youtube.com/embed/mH-FvefoXHU?si=4mUWV8RDfmSlG1Mz" 

https://www.youtube.com/embed/Y0WvrzIDHh0?si=YhW-oDUYlxYMIaBE" 

Еліміздің ертеңі балаларымызды дұрыс тамақтандыру,ақыл ойының ,денінің сау болып дамуы үшін маңызы зор. Мектеп қабырғасынан ақ, білім мен қатар саналы түрде ішер асына талғаммен қарауға тәрбиелеу мақсатында өткен шараға қатысып қайтқан едік. 

Егер тамақтану дұрыс жолға қойылмаса түрлі ауруға әкеліп соқтырары сөзсіз. Жарнамасы жер жарып,дәмі тіл үйірер чипсы,кириешки сынды түрлі дәмдеуіш қосылған тағамның дәмін татпаған бала жоқ шығар. Білім ошағының ұжымы ұйымдастырып отырған бүгінгі шараның мақсаты да жас буынның талғамын жоғарылату. Ішер астың пайдасы мен зиянын ажырата білу.

БАҚЫТГҮЛ ДҮЙСЕМБАЕВА, А.ҚАРСАҚБАЕВ АТЫНДАҒЫ №41 ЖАЛПЫ БІЛІМ БЕРЕТІН МЕКТЕПТІҢ БАСТАУЫШ СЫНЫПТАР БОЙЫНША ДИРЕКТОРДЫҢ ОҚУ ІСІ ЖӨНІНДЕГІ ОРЫНБАСАРЫ

Тамақтану мен қатар мектеп ұжымы оқушылар арасында ысырапшылдық,үнемшілік тақырыптарында сыныпаралық байқауларда ұйымдастырған. Ысырап болған жерде береке болмайтындығын да тұла бойға сіңіріп тәрбиелеу.

ЭЛЬМИРА УМРАЛИЕВА, БАСТАУЫШ СЫНЫП МҰҒАЛІМІ

Пайдалы ас дайындау балалар ағзасының нәрлі заттарды қажетсінуін ескере отырып ұйымдастырылуы қажет. Осы орайда аспаз,мектеп ұжымы мен ата-аналар арасында байланыс орнаған. Ата-аналардың кезек бойынша балаларға арналған ас мәзірін қадағалап отырулары үшін де толық мүмкіндік берілген.

ФЕРУЗА ТӨЛЕКЕШОВА, АТА-АНА

Ағзаның он екі мүшесінің сау болып,дамып қалыптасуы үшін дәрумендер қажет болса,тағамына талғамын арттырар жас ұрпаққа бүгінгі шараның берері мол.

https://www.youtube.com/embed/cYiVFMSC9M8?si=p_9sNRyRH4RQDyFj" 

Швейцариялық ғалымдар жылуды сезетін протез құрылғысын ойлап тапты. Айтуларынша, бұл өнертабыс функционалдық тұрғыдан емес, эмоционалдық тұрғыдан маңызды.

Бұл осыдан 37 жыл бұрын қолының бір бөлігінен айырылған Фабрицио есімді ер адам. Ол осы уақыт ішінде алғаш рет басқа адамның қол алысуын сезді. Бұған швейцариялық нейроинженерлердің жаңа өнертабысы көмектесті.

ФАБРИЦИО ЖЕНЕВА ТҰРҒЫНЫ: «Менің протез қолым бәрін сезетін болды. Тіпті, ыстық пен суықты сезіну сау қолға қарағанда айқынырақ сияқты».

Ғалымдар заттарды протезбен ұстаған кезде олардың температурасын ажыратуға мүмкіндік беретін «минитач» құрылғысын жасап шығарды. Мысалы, қазір көзін жұмған науқас қай қолын ұстап тұрғанын – нақты ма, әлде жасанды ма, қолын тигізу арқылы анықтауға тырысады.

СОЛЕЙМАН ШОКУР НЕЙРОИНЖЕНЕР: «Мысалы, мен металл мен пластмассаға қол тигізсем, олардың жылу қасиеттеріне байланысты ажырата аламын».

Сондай-ақ ғалымдар бұл өнертабыстың функционалдық тұрғыдан емес, эмоционалдық тұрғыдан маңызды екенін тілге тиек етті.

СОЛЕЙМАН ШОКУР НЕЙРОИНЖЕНЕР: «Бұл туралы бізге науқастардың өздері айтты. Олар үшін басқа біреудің қолын ұстап, жылулықты сезіну маңыздырақ».

Енді өнертапқыштар құрылғыны тұрмыста пайдалануға дайындайды.  «Минитач» кез келген бионикалық протезге біріктірілуі мүмкін. Ғалымдар сенсорларды саусақтарға, алақандарға және шынтаққа орналастыруды жоспарлап отыр.

https://www.youtube.com/embed/_mqi_GNMlwE?si=GSG441_iALBdzZxA" 

Орал қаласындағы жетімдер үйінің түлектері қайта оралмақ. "Шаңырақ" жасөспірімдер үйінде қызу жұмыс басталып кетті. Басшылық жыл аяғына дейін ғимаратты пайдалануға бермек.

Аталған ғимарат 1959 жылы ашылған. Қаражаттың қалта қайыруына байланысты жөндеу жұмыстары болмаған. Салдарынан санжылдық ғимараттың сұры да кете бастаған. Былтыр жөндеуге жабылған кезінде, жетімдер үйінің түлектері қайта есік ашылар ма деп алаңдаушылық білдірген болатын.

НАРИМАН ТӨРЕҒАЛИЕВ БҚО ӘКІМІ: "Бүгінде мердігер жөндеу жұмыстарымен толық айналысып жатыр. Осы жылы аяқтап, пайдалануға береміз деп уәде етті. Жұмыстар толығымен аяқталған соң бұрын осы жерде тұрғандар қайта қоныстанады".

Ғимарат 187 бөлмеден тұрады. Қазір ішкі жұмыстар аяғына жетті. Сыртқы жұмыстар ауа-райы бірқалыпқа түскен соң басталады дейді жауаптылар.

ЕРБОЛ КАРАГУЙШИЕВ ҚҰРЫЛЫС УЧАСКЕСІНІҢ БАСШЫСЫ: "Тапсырыс берушінің өтініші бойынша бөлмелерге ас үй мен санитарлық торапты қостық. Ғимараттың жөндеу жұмыстары біткен соң аулада балалар алаңы болады. Нысанды тапсыру мерзімі 1 маусым, бірақ одан ертерек тапсырамыз деген ойдамыз".

Жаңа жобаға 560 млн теңге бөлінген. Оның 75 пайызы жұмыс барысында игерілген. Соның аясында төменгі қабаттарға бильярд, үстел теннисі сияқты спорт ойындарын қосу жоспарда бар. 

https://www.youtube.com/embed/ovcLz3y2fHo?si=5QpfJQZXDt9PzN__"

Ақиық ақын Мұқағали Мақатаев оқуларының аудандық кезеңі өтуде. Бағы жанып оза шапқан оқушылар қалалық деңгейден соң Республика көлемінде өтетін байқауда бақтарын сынамақ. 

Наурызбай ауданындағы білім ошағында өткен «Әр өлеңі -бір әлем» атты байқауға қатысуға 50 ге тарта жаны жырға жақын жастар өтініш берген. Байқау үш түрлі талап бойынша жүзеге асырылып отыр. Нағыз жеңімпазды анықтау үшін әділқазылар алқасы да сайланған.

САЛТАНАТ ҚҰСАЙЫНОВА АЛМАТЫ ҚАЛАСЫ НАУРЫЗБАЙ АУДАНДЫҚ БІЛІМ БӨЛІМІНІҢ БАСШЫСЫ

Жырларымен бесіктегі сәбиді де тербеген ақын шығармаларымен сусындап өскен,  байқауға қатысушы жастармен тілдесудің сәті түскен еді.

НҰРЛАН ҰЛАН №207 МЕКТЕП ЛИЦЕЙІНІҢ 10 СЫНЫП ОҚУШЫСЫ

https://www.youtube.com/embed/3Z4KjLDlq80?si=_EaEcohtLRXVv8Qh" 

Мол табысқа қол жеткіземіз деп жер сипап қалды. «Plus Capital» қаржы ұйымына мүлкі мен қомақты қаржысын салған 700- ге жуық маңғыстаулық алданды. Компанияның жарнамасы Ақтау көшелеріне ілініп, әлеуметтік желіде таралған.

Осыдан 4 жыл бұрын мына жиналған көпшілік «Plus Capital» қаржы компаниясына жылжымайтын мүлік пен қомақты қаржы салған. 10 теңгені 100 теңге қыламыз деп жүргенде ақыр соңында жер соқыр тиынға зар болып қалды. Салымшылар компания құрылтайшысы 3 миллиард теңгедей қаражатты қалтасына басып, ұшты-күйлі жоғалып кетті дейді.  Бір сөзбен айтқанда оңбай алданыпты.

САЙЛАУГҮЛ ӘСЕМОВА  САЛЫМШЫ: «Сол компанияға біз 700 Маңғыстау халқы, 487 көлік, 17 үй салдық. Ол компания өзін инвестициялық компаниямыз деп таныстырды. Оның директоры Темірғалиев деген болды. Мына кісі. Бірақ мұны біздің ДВД 4 жыл бойына Темірғалиевті, Құрбаниязов деп іздеуге қойды. Қазіргі таңда ол директор қашуда, содан бері жоқ. Халыққа қаражат қайтарылу керек. 487 машинаның Өтеев бізде кеше 158 машинаны арестке қойды. Машинаны арестке қойсада ол машиналар сатылып кетіп отыр. Аресте тұрған машина сатылып кетіп отыр, автоцоннан. Біреудің атына тіркеледі. Қалай?»

Әсел Қалбаева аталмыш пирамида ұйымынан қомақты қаржы алмақ болып, Армян елінен әкелінген көлігін салып жіберген. Кейін сан соғып қалған ол, машинасын іздестіруге кірісіпті. Нәтижесінде автокөліктің бірнеше адамға сатылғанын және шетелдік нөмірден қазақстандық мемлекеттік белгіге ауысып кеткенін анықтаған. Өзге мемлекеттің нөмірімен жүрген Тойота Альфард қалайша мемлекеттік нөмірмен жүр дейді Әсел.

ӘСЕЛ ҚАЛБАЕВА  САЛЫМШЫ: «Ол машинаны Шымкентке жіберген. Бұрын тергеуші болған адам  сатып алған. Ол машина жолдасымның атында тұр әлі. Бізге штраф келеді. Күн сайын 7 хат келеді. Анау штрафқа түсіп жүре берген. 350 мың теге штраф келді. Өзінен кейін үш адамға сатып жіберген. Сол үшінші адам июнь айында қазақ учетқа аударған. Аресте тұрған машинаны қалай аударып алдыңыз десем? Білмейді».

Маңғыстау облыстық прокуратураның мәліметіне сенсек, қаржы пирамидасын ұйымдастырған басшысы Грузия елінде ұсталған және сол елдің уақытша қамау абақтысында отыр.

БЕРІК ЖЕКСЕМБЕТ МАҢҒЫСТАУ ОБЛЫСТЫҚ ПРОКУРАТУРА БАСҚАРМАСЫНЫҢ АҒА ПРОКУРОРЫ: «2020-шы жылы қылмыстық топтың ұйымдастырушысы Темірғалиев Грузия республикасында ұсталды. Қазіргі уақытта оны елге экстрадициялау мәселесі қарастырылуда. Бұған дейін қылмыстық топтың мүшелері Құсайн және жеке нотариус  Кушнеренко сот шешімімен 12 жылға айыру жазасына сотталған. Қазіргі таңда Ақтау қалалық сотымен қылмыстық топтың 7 қатысушысына қатысты сот процесі жүргізілуде.»

Қазір Капитал Плюстің басшысын Қазақстанға алдыру мақсатында келіссөздер жүргізіліп жатыр. Әзірге оның сот залына қай уақытта келетіні белгісіз. Сол себепті шулы іс уақытша тоқтап тұр екен. Ал салымшыларға сабырмен күте тұрудан басқа амал жоқ.

https://www.youtube.com/embed/75Q45bwsTL0?si=-ob1rdicYvq5Fdiw" 

Бүгін таңғы 5-тер шамасында Ақмола облысына қарасты Еңбек ауылында үй өртеніп, 654 шаршы метр алаң қызыл отқа оранды. Оқиға орнына жеткен қызметкерлер өртті 2 сағат ішінде оқшаулап, толық жойды. Үйінділерді қопару барысында 1966 жылы туған азаматтың өлі денесі табылды. Өрт сөндірушілер төтенше жағдай жөнінде хабарламаның тым кеш түскенін айтады. Бұл өз кезегінде, қызыл жалынды ауыздықтауда қиындық туғызған. Осыны ескерген, облыстық  төтенше жағдайлар жөніндегі департаментінің қызметкерлері өрт қауіпсіздігі ережелерін сақтауға шақырады. 

АРЫСТАН ӘБІШЕВ АҚМОЛА ОБЛЫСЫ АҚКӨЛ АУДАНДЫҚ ТӨТЕНШЕ ЖАҒДАЙЛАР ЖӨНІНДЕГІ БӨЛІМІНІҢ БАСТЫҒЫ: «Өртенген үй Целинная көшесі 53 мекен-жайында орналасқан. Оқиға орнына жеке құрамының 7 маманы мен 2 техникасы жіберілді. Өрттің шығу себебі анықталып жатыр». 
 

https://www.youtube.com/embed/bwdN3IF8SnY?si=WOcTKEXyi00m5InS" 

Қызылорда қаласында «Жасөспірім» жедел профилактикалық іс-шарасы ұйымдастырылды. Түнгі рейдке ювиналды полиция өкілдері   жұмылдырылып, кәмелетке толмаған 63 жасөспірімге хаттама рәсімделді. 

Мамандар алдымен ойын-сауық орталықтары мен жастар көп жиналатын орындарды аралаудан бастады.Заң бойынша  жасөсіпірімдер заңды өкілінсіз түнгі 22:00 кейін заң талаптарына сәйкес жүруіне болмайды. Егерде анықталған жағдайда заң аясында айыппұл салынады. 

ЕРДАУЛЕТ ЖАУКЕЕВ ҚЫЗЫЛОРДА ҚАЛАЛЫҚ ПОЛИЦИЯ БАСҚАРМАСЫ БАСШЫСЫНЫҢ БІРІНШІ ОРЫНБАСАРЫ

Бұдан бөлек, полиция қызметкерлері жол көлік оқиғаларының алдын алу мақсатында қала көшелеріндегі жол жүру ережелерін қадағалады. Тексеру барысында сақтандыру құжатынсыз көлік айдаған 2 жүргізуші анықталды. 

Тәртіп сақшылары жастар қауіпсіздігін нығайту мақсатында осындай рейдттік шараларды тұрақты өткізуді жоспарлап отыр.

https://www.youtube.com/embed/97_kJ9bRfWc?si=PhZCAEHR_WYI5Sph" 

Түрі өзгеше теңіз жәндігі жапондықтарды қорқытып тастады. Қазір ғалымдар оны зерттеуге кірісті.

Жапондықтар бұл теңіз жануарын «панда қаңқасы» деп атаған. Оның түрі  кейбіреудің күлкісін келтірсе, енді біреулерге үрей тудырды. Бірақ ғалымдар мұны қызықты зерттеулердің бірі деп санайды. Өйткені, мұндай белгісіз су жәндігін бұрын – сонды көрмеген.Теңіз жәндігі асцидиялар түріне жатады. «Панда қаңқалары» Окинавадағы Кумедзима аралының маңындағы маржан рифтерінің арасында мекен етеді.Зерттеуші Наохиро Хасегава «панда қаңқалары» туралы бірнеше жыл бұрын әлеуметтік желі арқылы білген.

НАОХИРО ХАСЕГАВА ХОККАЙДО УНИВЕРСИТЕТІНІҢ ҒАЛЫМЫ: «Бұл теңіз жәндігі Жапониядағы белгілі жұмсақ денелілер түрлерінен біршама ерекшеленеді. Суреттерден көргенде мен бұл сирек кездесетін су жәндігі екенін бірден түсіндім, өйткені ол басқаларға мүлдем ұқсамайды».

Асцидиялар – хордалылар түріне жататын қабықтылар тип тармағының класы. Бірақ хордаларға тән мүшелер оларда дернәсілдік кезеңде ғана пайда болады. 

НАОХИРО ХАСЕГАВА ХОККАЙДО УНИВЕРСИТЕТІНІҢ ҒАЛЫМЫ: «Сүйекке ұқсайтын ақ бөліктер - қан тамырлары. Олар асцидиандардың желбезектері арқылы көлденең өтеді. Панданың көзі мен мұрнын еске түсіретін басындағы қара дақтар жай ғана үлгі. Біз оның не үшін екенін әлі білмейміз».

Ерекше теңіз жәндігі адамдар арасында үлкен қызығушылық тудырды. Қазір Кумедзима аралында туристер көптеп келіп жатыр. Сүңгуір жабдықтарын жалға алушылардың иелері бұған өте қуанышты.

СЮДЭИ ТЭРАЙ СҮҢГУІР ЖАБДЫҚТАРЫН ЖАЛҒА БЕРУШІ: «Біз әрқашан желіде фотолар мен видео жариялаймыз. Бұл теңіз асцидиандары жансыз емес. Олар тербеліп, қозғалады. Сондықтан туристер саны артты».

Жапон ғалымдарының айтуынша, Окинава маңындағы рифтер арасында ғылымға беймәлім көп тіршілік иелері кездеседі.

https://www.youtube.com/embed/hU7A53wySSc?si=tdAMTlXDrfuYLERh"

Еліміздің кейбір өңірлерінде алдағы күндері (20-22 ақпанда) ауа температурасы - 45 градусқа дейін төмендейді,бұл туралы Қазгидромет мамандары мәлімдеді. Жетісу облысында ауа температурасының -30-35 градусқа дейін, Шығыс Қазақстан облысының солтүстігі мен шығысында —45 градусқа дейін, Қарағанды облысының солтүстігі мен шығысында —35 —39 градусқа дейін төмендейді деп болжанады.

Батыста, оңтүстікте, шығыста және оңтүстік-шығыста қар жауып, жаяу бұрқасын болады. Оңтүстікте, шығыста, оңтүстік-шығыста және орталықта жел күшейеді, оңтүстік пен оңтүстік-шығыста тұман түседі дейді синоптиктер.

https://www.youtube.com/embed/UzC70xnZzxc?si=IgxZsfNcK1E5puX7" 

Абай облысында ақ түтек боранда жолда қалған 44 адам тікұшақ арқылы құтқарылды. Ал, арнайы техниканың көмегімен 30 азамат, оның ішінде бес бала эвакуацияланды. Зардап шеккендер Қалбатау ауылына жеткізіп, уақытша жылыту пунктіне орналастырылған. Жолшылар мен полиция және төтенше жағдайлар департаментінің мамандары әскерилерді көмекке шақырыпты. Себебі, ауа райының қолайсыздығынан жолда қалған халықты құтқару қиынға соққан. Айта кетейік, аталған өңірде екі күн бойына қалың қар жауып, соңы боранға ұласқан. Салдарынан жолда жүру қашықтығы шектеліп, республикалық маңызы бар барлық автожолдар жабылған болатын.  

Осыған байланысты Көкпекті ауданында жергілікті әкімдіктің шешімімен табиғи төтенше жағдай режимі енгізілген еді. Алайда, бүгін «Омбы-Майқапшағай» автожолында толықтай көлік қозғалысы қайта жанданды. Жол қызметкерлері мен арнайы техника қалыпты режимде жұмыс істеп жатыр.