https://www.youtube.com/embed/oXQ2yihgHpc?si=3CFY7u1R4AW3zPY0"

Бүгін Алматыда Қазақстанның халық жазушысы,мемлекеттік сыйлықтың иегері,Ұлы Отан соғысының ардагері,көрнекті ақын,аудармашы,әдебиеттанушы Мұзафар Әлімбаевқа 100 жылдық мерейтойына орай өзінің тұрған үйінде ескерткіш тақта ашылды.

Шараға жазушының артынан ерген ұрпақтары,әдебиет әлеміндегі шәкірттері мен Алматы қаласы мәдениет басқармасының өкілдері қатысып артына қалдырған мол мұралары жайлы көптеген естеліктер айтылды.

АРМАН ХАЛБЕКОВ АЛМАТЫ ҚАЛАСЫ МӘДЕНИЕТ БАСҚАРМАСЫНЫҢ МӘДЕНИ КӨПШІЛІК ІС-ШАРАЛАР ҰЙЫМДАСТЫРУ БӨЛІМІНІҢ БАСШЫСЫ

НҰРЖАН ҚУАНТАЙҰЛЫ ҚАЗАҚСТАН ЖАЗУШЫЛАР ОДАҒЫ ТӨРАҒАСЫНЫҢ БІРІНШІ ОРЫНБАСАРЫ,ЖАЗУШЫ

Мұзафар Әлімбаевтың қазақ әдебиеті әлеміне, қазақ балалар әдебиетіне сіңірген еңбегі орасан зор. Бала жанының жауһарына айналған «Балдырған» журналын Мұзафар Әлімбаев қолымен құрып, 25 жыл бас редактор ретінде қызмет атқарды. Осы жылдар ішінде көптеген шәкірттер тәрбиелеп,рухани ұстазға айналды.

ЕРКІН НҰРАЗХАН ҚР ЕҢБЕК СІҢІРГЕН ҚАЙРАТКЕРІ

Ескерткіш тақта қойылып жатқан жазушы тұрған бұл үйде шығармашылығы мен қатар бақытты  отбасылық өмірі өткен. Ұл өсіріп,немере қызығының да дәмін татқан. Тұманбай Молдағалиев, Қадір Мырзалиев,Әсет Бейсеуов сынды көптеген ақын жазушылар  бұл қарашаңырақтың төрінен орын тепкен. 

ӘЛИЯ АМАНБЕКОВА КЕЛІНІ

ЖӘНІБЕК ӘЛІМБАЕВ  МҰЗАФАР ӘЛІМБАЕВТЫҢ НЕМЕРЕСІ

Ұлыларын ұлықтаған елдің болашағы жарқын болмақ. Мұзафар Әлімбаевтың ұлты үшін еткен еңбегі еленіп жатқаны соның дәлелі.

https://www.youtube.com/embed/OtpBnEe9Pa8?si=Y1SvSgEuNtA6ts3F" 

Айта, айта жауыр болған мәселе. Маңғыстаудағы Басқұдық ауылының тұрғындары ми балшыққа айналған көшемен жүруден шаршадық деп шағымдарын айтты. Жаңбыр жауып, қар ерісе ауылдың кейбір көшелері батпаққа айналады екен. Себебі әлі күнге дейін тақтайдай болу керек тас жол төселмеген, жаяу жүргіншілер жолы салынбаған. Ал әкімдік 1,6 шақырым болатын ауылішілік жолдың қиыршық тастарын жердегі ылғал кепкен соң басталатынын айтты.  

Бұл ауылдағы нөмірі 16-шы мектепке қатынайтын көшелердің бірі. Екі бағытқада жаяу қатынайтын оқушылар бір-бірінің соңынан еріп, жар жағалап жүреді. Себебі жолдың ортасы ми балшық. Ал жаяу адамға арналған жол тағы жоқ. Ауылға бұрыннан қоныстаған тұрғындар жол мәселесін қанша мәрте көтерсекте нәтиже шамалы дейді. Жол азабын ересек адам да, балалар да тартып жүр.  

ТҮГЕЛБАЙ КӨРПИЕВ – ТҰРҒЫН: «Жаңбыр жауғанда, қар жауғанда міне балшық, көріп тұрсыңдар. Үлкен кісілер бар, кішкентай жас балдар бар. 1,2-ші класс оқитындар түнде қараңғыда жүреді мына жермен. Жарық бар, шүкір, сонда да жүру қиындау. Міне, аяқты көріп тұрсыңғо».  

АЙНАГҮЛ АҚЖАНОВА – ТҰРҒЫН: «Мына балдарымыз жүре алмайды, мектепке барғанда. Аяғы балшық, шалбарлары балшық-балшық болып келеді. Сумкалары балшық болып келеді. Енді қиын, өте қиын. Асфальт салынады деген, қолға алынбай жатқан сияқты». 

Ауыл әкіміне байланысқа шықтық. Нұралы Жұмабаев Басқұдықта жол мәселесі бар екенін жасырмады. Ауыл басшысы асфальт төсеу үшін дайындық жұмыстарын енді бастай бергенде ауа-райы күрт өзгеріп, кесірін тигізгенін айтты. 

НҰРАЛЫ ЖҰМАБАЕВ – БАСҚҰДЫҚ АУЫЛЫНЫҢ ӘКІМІ: «Қараша айынан бастап келісім шартқа «Жол құрылыс» деген мекеме жеңімпаз болып анықталды. Жол құрылыс мекмесі бүгінгі күні астынғы қабатын тегістеу жұмыстарын жүргізіп жатыр. Ауа-райының қолайсыздығына байланысты жұмыстар уақытша тоқтады. Бүгінгі күні тапсырмасы беріліп, қиыршық тас ПГС деп аталадысоны төсеу жұмыстарын жалғастыратын болады. Жалпы 1,6 шақырымның аяқталу мерзімі келесі жылдың март айына дейін. Оған біз ол уақытты күткізбей, жұмысты жыл аяғына дейін аяқтауға жоспарлап оытрмыз». 

Жалпы ауылдағы 1,6 шақырымды төсеуге қозғалыс жоқ емес, бар. Жеңімпаз мекеме анықталған, 39 миллион теңге қаржы бөлінген. Ал жаяу жүргіншілерге арналған жол асфальт төселгеннен кейін құрылыс жұмыстары басталатын болады деді ауыл әкімі Нұралы Жұмабаев.

https://www.youtube.com/embed/v4W-UaW-C58?si=_2ylV5FyY4Uu6Hbb" 

Баспана кезегінде тұрып, кезегіміз баяу қозғалуда. Дәл осындай арызбен   77 жастағы Қызылорда қаласының тұрғыны шағымданды. Зейнеткердің айтуынша тіркелген сәттен бастап 11 жыл ішінде олардың кезегі бірнеше орынға ғана жылжыған. 

Қызылорда қаласының тұрғыны Болат Ұлықпанов қыздан туған жиенінің баспаналы болуын қалайды. Тағдырдың жазғаны болар,күйеу  баласы бірнеше рет сотты болып, қызы денсаулығынан айырылған.  Осыны ескерген қарт немересін өз қолына алуды жөн санап, 15 жылдан астам уақыт бағып-қағып келеді.  Дегенмен, 16 жастағы немересін Тұрғын үй кезегіне қойғанымен, бұл салада шикілік байқаған ол, барған жері баспаған тауы қалмаған.

БОЛАТ ҰЛЫҚПАНОВ  ҚЫЗЫЛОРДА ҚАЛАСЫНЫҢ ТҰРҒЫНЫ 

 Қала тұрғынының өтінішіне сала мамандарының жауабы мынадай. 

ГҮЛМИРА ПАЗЫЛОВА  ҚЫЗЫЛОРДА ҚАЛАЛЫҚ ТҰРҒЫН ҮЙ ИНСПЕКЦИЯСЫ БӨЛІМІНІҢ СЕКТОР МЕҢГЕРУШІСІ 

Болат Ұлықпанов-өзінің қартайғанына қарамастан, үмітін үзбек емес. Жиені  Қарақаттың  баспана бақытына кенелуін   өз көзімен көруді қалайды.

https://www.youtube.com/embed/UbyzmHH36Pg?si=w63UzttSxMh9JQBW" 

Сақ болыңыз! 17 өңірде ауа-райына байланысты ескерту жарияланды. Республиканың басым аумағында қар жауып, оның арты боранға ұласады. Ал, орталық, батыс және оңтүстік Қазақстанда көктайғақ болады, қатты жел соғады деп күтілуде. Сондықтан, ауа-райын болжаушы мамандар  асығыс шаруаңыз болмаса, жолға шықпауға кеңес береді. 

МАХАМБЕТ МАРАТОВ «ҚАЗГИДРОМЕТ» РМК ИНЖЕНЕР-СИНОПТИГІ:
«Кезеңнің басында республиканың солтүстік және шығыс бөлігінде, сондай-ақ орталығында атмосфералық фронттардың өтуімен түнде қар, күндіз жауын-шашын (қар, жаңбыр), түнде солтүстік пен шығыста қатты қар күтіледі. 23 желтоқсанда Атлантикалық циклонының әсерінен Қазақстанның батысы мен оңтүстік-батысында жауын-шашын (жаңбыр, қар) болжанады. Республика бойынша көктайғақ, бұрқасын күтіледі және жел 15-20, екпіні 25 м/с-қа дейін күшейеді, сондай-ақ тұман болжанады. Алайда ауа температурасында күрт өзгерістер күтілмейді».

https://www.youtube.com/embed/rvhwgXYTW44?si=zUqBbElEJ1t1_L5Y" 

Алматы туларындағы №18 қар көшкінін жинау учаскесінде алдын алу жұмысы жүргізілді. "Алматы-Космостанция" автожолының қауіпсіздігін қамтамасыз ету мақсатында "Қазселденқорғау" мамандары көшкіннің алдын алу үшін 2600-2800 метр биікте жарылыс жұмыстарын жүргізді. Қардың жалпы көлемі 4000 куб метрді құрады. Қар массасының негізгі бөлігі жолды толығымен жауып тастады, қалғаны тау баурайында тоқтады.

Айтулы шараға 33 адам және 9 бірлік техника жұмылдырылған. Қар массасын түсіруге Алматы қалалық ТЖД, «Қазселденқорғау», Апаттар медицинасы орталығы, мердігерлер мен «Қазгидромет» мамандары қатысты. Алдын алу жұмыстарын жүргізу барысында зардап шеккендер жоқ.

https://www.youtube.com/embed/rB-OCRTiNg0?si=73CTzlGZnOCl0TUc"

Елімізде алаяқтарға алданатын азаматтар саны азаяр емес. Оңай жолмен ақша табуды көздеген қаскөйлер түрлі амал-тәсілдерге баруда. Әсіресе, жасанды интелект көмегі арқылы адамның дауысын салып, жақындарына қоңырау шалып, ақша бопсалайтындар көбейген. Сондықтан, сенат депутаттары, негізінен банктер өз қауіпсіздігін күшейтуі керек деп санайды. 

ГЕНАДИЙ ШИПОВСКИХ ҚР ПАРЛАМЕНТІ СЕНАТЫНЫҢ ДЕПУТАТЫ:
«Еліміздің банктеріне де бірқатар сынымыз бар. Мәселен, қазіргі таңда банктердің барлығы цифрландыру бағытында үлкен қадам жасады. Біз тұтынушылар ретінде көп мүмкіндіктерге ие болғанымыз рас. Десек те алаяқтардың махинациялық операциялары сол банктердің жүйесі арқылы да өтіп жатқаны жасырын емес. Таң қалатын жайт банктер қомақты пайда таба отырып, неге өздерінің киберқауіпсіздігін күшейтпейді, тұтынушыларын неге алаяқтардан қорғай алмайды? Бұл сұрақ тек біздің ғана емес, күллі халықтың көкейінде жүр деп білеміз».

Айта кетейік, 2021 жылы 40 мыңнан аса алаяқтық фактісі тіркеліп, одан 40 мыңға жуық азамат зардап шеккен. Олар 120 млрд теңгелерін жоғалтқан. Ал, былтыр 37 мың азамат алданған. Биыл, небәрі 10 айдың ішінде алаяқтық ісі былтырмен салыстырғанда 15 пайызға азайған. Бірақ, қаржылық шығын артқан. Демек, алаяқтар әр құрбаннан көп ақша өндірудің жолын тапқан.

https://www.youtube.com/embed/rP2RiaEQaiM?si=hstw0IbO-e399z6z" 

Мауна-Кеа - Үлкен Гавай аралындағы биіктігі 4205 метр қалқанды жанартау.  Тау, әсіресе оның шыңы, гавайлықтар үшін қасиетті, өйткені онда рәсімдік платформалар, ата-бабалар жерленген жерлер және емдік күші бар деп есептелетін биік тау көлі бар.

КЕАЛОХА ПИШОТТА – БЕЛСЕНДІ:  «Мауна-Кеа - Құдай бізге, адамдарға аспанға апаратын жолды білуге көмектесетін жер».

Бұл ретте соңғы 50 жылда астрономдар да аспанға бет алған. Бүгінде мұнда он шақты обсерватория-телескоп салынды.

ШЕЙН ПАЛАКАТ-НЕЛЬСЕН – ГАВАЙИ ТҰРҒЫНЫ: «Жерді пайдалану жөніндегі комиссия шыңды ғылыми қорық ретінде анықтады».

Тау, әсіресе оның шыңы, гавайлықтар үшін қасиетті, өйткені онда рәсімдік платформалар, ата-бабалар жерленген жерлер және емдік күші бар деп есептелетін биік тау көлі орналасқан.

ДЖОН ОМИР – АСТРОНОМ: «Бұл Гавайи аралындағы қалқанды жанартау, ал Мауна-Лоа, тағы бір үлкен қалқанды жанартау төбеден өте тұрақты және бірқалыпты ауа ағынын жасайды».

Гавай университетінің Астрономия институтының директоры Дуг Саймонс 50 штаттың ешқайсысында Мауна-Кеадан жақсы орын жоқ деп есептейді. Белсенділер де, ғалымдар да тау ғаламның жұмбаларына жауап береді деп санайды, бірақ олар оны қалай пайдалану керектігі туралы ортақ пікірге келе алмады. 2019 жылы гавайлықтар мұнда 30 метрлік телескоптың құрылысына қарсы бір жылдық наразылық акциясын өткізді. Мыңдаған адам акцияға шығып, шыңға баратын жолды жауып тастады. Нәтижесінде 2022 жылы Мауна-Кеа жаңа басқару органы құрылды, онда негізгі лауазымдарды гавайлықтар атқарады. Бұл диалог пен өзара түсіністіктің жаңа дәуірін бастады.

https://www.youtube.com/embed/Y6PTknnP8tU?si=p8LN4ubY7dnQXvPh"

Француз депутаттары көші-қон саясатын қатаңдататын заң жобасын мақұлдады. Дауыс беру парламенттің төменгі палатасында өтті. «Жақтап» 349, «қарсы» 186 депутат дауыс берді. 

Жаңа ережеге сәйкес, заңсыз мигранттарды елден шығару процедурасы жеңілдетілгенімен, отбасымен қайта қауышу, керісінше, қиындай түседі. Шетелдік студенттер үшін жаңа виза алымдары белгіленеді. Мигранттар да жеңілдіктерге қол жеткізе алмайды. Мысалы, балалар жәрдемақысы мен тұрғын үй субсидияларын Францияда бес жыл тұрғаннан кейін ғана алуға болады. Сондай-ақ, полицияға қарсы қылмыс жасаған қос азаматтығы бар азаматтар елден шығарылады. Сонымен қатар, заңсыз жұмыс істейтін мигранттардың Францияда болуын заңдастыру оңайырақ болады. Ішкі істер министрі Джеральд Дарманин жылына 7 мыңнан 10 мыңға дейін еңбекші мигрант тұруға рұқсат алып, жұмыс күші тапшылығын толтыра алады деп есептейді.

ЖЕРАЛЬД ДАРМАНИН – ФРАНЦИЯ ІШКІ ІСТЕР МИНИСТРІ: «Біз ұсынған заң жобасы 27 баптан тұрады. Ол құжатсыз жұмыс істейтіндерді заңдастыруға мүмкіндік береді. Ал мен жалғыз президенттің жалғыз үкіметінде жалғыз Ішкі істер министрі болатынымды мақтан тұтамын, оның аясында республика заңдарында құжаты жоқ, бірақ елімізде жұмыс істейтіндердің барлығын заңдастыру қарастырылған. » 

Өткен аптада парламенттің төменгі палатасының мүшелері заң жобасының Сенат мақұлдаған түпнұсқа нұсқасын қабылдамады. Солшыл саясаткерлер оны тым қатал, ал оңшыл саясаткерлер оны тым жұмсақ деп санады. Құжатты қайта өңдегеннен кейін тараптар ымыраға келді. Енді жаңа заңды парламенттің қос палатасы да қабылдады.

https://www.youtube.com/embed/XNmK7R3k-co?si=AniEQbat6j2EV0jW" 

https://www.youtube.com/embed/2Dd5-KdC6kE?si=qGoc6MhHSw5dVqsB" 

Пиротехникалық бұйымдар Жаңа жыл мерекесінің ажырамас бөлігі. Алматылық құтқарушылар өңірлік коммуникациялар қызметінің брифингінде пиротехникалық заттарды қолдану кезінде қауіпсіздікті сақтау және өрт жағдайларын алдын алу бойынша кеңестерімен бөлісті. Сонымен қатар, алматылықтарға мерекелік күндер қарсаңында пиротехникалық бұйымдарды пайдалану бойынша қауіпсіздік шараларын еске салды.

ДАРЫН БОЛАТХАНҰЛЫ АЛМАТЫ ҚАЛАСЫ ТЖД БАС МАМАНЫ «Жыл сайын Алматы қаласында жаңа-жылдық мерекелер кезінде орта есеппен 13-тен аса өрт тіркелген. Оның 20 пайыздан астамы пиротехникалық өрттердің себебінен болған. Жүргізілген талдауларға сәйкес соңғы 5 жылда 67 өрт тіркеліп, оның 9-ы пиротехниканың әсерінен болған. Соңғы жылдары пиротехниканың әсерінен болған жағдайлар саны азаюда».

Дәрігерлер пиротехникалық бұйымдарды қолдану кезінде жарақат алған жағдайда алғашқы медициналық көмек туралы айтты.

ОСМАН ҚАДЫРОВ ОРТАЛЫҚ ҚАЛАЛЫҚ КЛИНИКАЛЫҚ АУРУХАНАНЫҢ ТРАВМАТОЛОГЫ «Кез-келген пиротехникалық бұйымнан өрт шығу немесе жарақат алу мүмкіндігі бар. Осындай жарақат түріне шалдыққан науқастарға көмек көрсету тәжірибесіне сүйене отырып, азаматтарымызға ескертіп, егер де тері зақымдануы орын алған жағдайда онда асептикалық таңғышты қолдану қажет. Жазатайым оқиға көшеде орын алса, қолда бар материалдарды пайдаланып таңғыш қою керек. Қан кетумен жүретін ашық жаралар болса, таңғыш таңып, жедел жәрдем шақыру керек»

https://www.youtube.com/embed/N7c5PWvtO8w?si=zEI2kU2y39MByPkF" 

Оралда жеке тұрғын үйден өрт шығып, 42 жастағы ер адам ажал құшты. Төтеншеліктердің айтуынша, тұрғынның денесі өрт сөндірілгенен кейін табылған. Мамандар жазатайым жағдайға өрт қауіпсіздігі ережелерін сақтамау себеп болуы мүмкін екенін айтады.

Шырт ұйқыда жатқан Ирина бөлмені жайлаған түтін иісінен, шатырдағы тарсылдаған дыбыстан оянған. Таңға жақын белгісіз дауыстан секем алған тұрғын лезде далаға беттеген. Аулаға шықса, өрт сөндіру қызметінің мамандары арнайы техниканың күшімен көршісінің үйіндегі қызыл жалынды сөндіріп әлек.

ИРИНА ТУНЕЦ ҚАЛА ТҰРҒЫНЫ Біздің баспанамыз зардап шекті. Ас үйдің шатыры мен едені жарамсыз күйде. Көршілеріміз туыстарын паналауда, кейбірі пәтер жалдап кетті. Көршімізден айырылып қалдық. Жазда туысын жерлеген еді. Енді өзі де о дүниелік болды.

Ақтөбе көшесі, 254 үйдің жанып жатқандығы туралы қоңырау 16 желтоқсан күні таңғы сағат 4-тер шамасында хабарланған. Шақырту орнына жеткен облыстық төтенше жағдай департаментінің өрт сөндіру қызметкерлері төбе жабыны мен үйдің шатырындағы жалынды ауыздықтаған. Кейін пәтерден 42 жастағы ер адамның денесі табылыпты. Белгілі болғандай, марқұм - №2 пәтердің иесі болып шықты.

АБЫЛАЙ МҰХАМБЕТОВ БҚО ТЖД МЕМЛЕКЕТТІК ӨРТ БАҚЫЛАУ БАСҚАРМАСЫНЫҢ БАС МАМАНЫ

Пәтер өртінің жалпы ауданы 70 шаршы метрді құраған. Өрттен зардап шеккен тұрғын үйдің иелері демеуші табылса баспанаға жөндеу жасауды жоспарлап отыр. «Өз қаражатымызбен қалпына келтіруге мүмкіндік жоқ. Кемінде 400 мың теңге қажет»,- дейді көңілі жарты тұрғын.

https://www.youtube.com/embed/6JSn1yWu0Rc?si=RG2-VLXi46PuNmpA" 

Бұдан былай мерзімі өтіп кеткен несиесін төлемегендер, мүлдем кредит ала алмайды. Енді кредит тек төлем қабілеті бар жауапты қазақстандықтарға ғана беріледі. Айтпақшы, ендігіде коллекторлар, қарыз үшін борышкерлерді жалғыз баспанасынан қуып шыға алмайды. Алайда, бұл норма тек жылыту маусымы кезінде, балалары бар отбасылар үшін ғана күшінде болады. Бүгін мәжіліс несие алушылардың құқығын қорғайтын заң жобасын талқылады.

ТАТЬЯНА САВЕЛЬЕВА ҚР ПАРЛАМЕНТІ МӘЖІЛІСІНІҢ ДЕПУТАТЫ, ҚАРЖЫ ЖӘНЕ БЮДЖЕТ КОМИТЕТІНІҢ ХАТШЫСЫ: «Кредит төлеу мерзімі өтіп кеткенде азаматтарға жаңа тұтынушылық кредит беруге тыйым салу; 90 күн өткеннен кейін барлық кредит бойынша сыйақы есептеуге тыйым салу; кәмелетке толмаған балалары бар отбасыларды жылыту маусымында жалғыз баспанасынан шығаруға тыйым салу сынды бірқатар жаңа нормаларды заңға енгізу көзделіп отыр. Бұдан басқа, осы Заң жобасы бойынша жұмыс тобы шеңберінде қаралатын халықтың несиесін төмендету бойынша өткен парламенттік тыңдауларда айтылған тағы да бірқатар маңызды мәселе бар. Қаржы және бюджет комитеті осы заң жобасын қарауға және ол бойынша қорытынды дайындауға дайын»