НОВОСТИ

Атырау облысы Қызылқоға ауданы Кенбай ауылдық округіндегі орта мектепте жалғыз ғана оқушы білім алады, деп хабарлайды Алатау телеарнасы Sputnik Қазақстан-ға сілтеме жасап. 

Дерекке сүйенсек, Кенбай ауылындағы бір ғана оқушысы бар мектепте 15 маман жұмыс істейді. Жалғыз бала 3-сыныпта оқиды. 

Білім басқармасы мамандарының айтуынша, сол бір бала үшін бүкіл мектепті ұстап тұруға қомақты қаржы кетіп отыр. Әрі тиімсіз екен. Осыған орай бұл мәселені шешу күн тәртібіне қойылған. 

Тіпті аталмыш мектепті осыдан 3 жыл бұрын жөндеу үшін 30 миллион теңге жұмсалған. 

Мектепті жабу мәселесі де білім басқармасы тарапынан қозғалған. Алайда тұрғындар мектеп жабылса, ауылдағы тіршілік тоқтайды дейді. Ал мектепті алып қалу немесе жабу мәселесі әлі шешілген жоқ.

Мемлекет басшысы Қасым-Жомарт Тоқаев АҚШ Сенаты Ұлттық қауіпсіздік және Үкімет істері жөніндегі комитетінің төрағасы Гэри Питерсті қабылдады, деп хабарлайды Алатау телеарнасы Ақордаға сілтеме жасап. 

Мемлекет басшысы сенаторға ілтипат білдіре отырып, оның сапары екіжақты ынтымақтастық мәселелері бойынша жан-жақты пікір алмасуға жақсы мүмкіндік екенін атап өтті.

“Америка Құрама Штаттары жаһандық қауіпсіздікті нығайту, ядролық қаруды таратпау, экономикалық тұрақтылықты қамтамасыз ету және демократиялық құндылықтарды ілгерілету ісінде әрдайым біздің еліміздің стратегиялық серіктесі саналған. Біз көп нәрсеге қол жеткіздік ойлаймын. Әйтсе де екі елдің мүддесіне сай келетін салалардағы өзара ынтымақтастығымызды нығайту үшін алға қарай жылжуымыз керек”, – деді Президент.

Әңгімелесу барысында Қасым-Жомарт Тоқаев биыл қыркүйек айында БҰҰ Бас Ассамблеясы алаңында «С5+1» форматында өтетін АҚШ пен Орталық Азия мемлекеттері басшыларының алғашқы саммитіне шақырғаны үшін Президент Джо Байденге ризашылығын білдірді.

Гэри Питерс Америка Құрама Штаттары мен Қазақстан арасындағы қарым-қатынасқа қатысты негізгі мәселелерді талқылау мүмкіндігі үшін Қасым-Жомарт Тоқаевқа алғыс айтты. 

“Орталық Азия – әлемнің маңызды бөлігі, ал Қазақстан – Орталық Азия өңіріндегі негізгі мемлекеттердің бірі. Сондықтан біз алдағы уақытта ынтымақтаса жұмыс істеуге мүмкіндігіміз бар екеніне көз жеткізгіміз келеді. Бұл пікірімді Президент Байден де құптайды деп ойлаймын. Ол Сізбен таяу уақытта Нью-Йоркте кездесуге ниетті. Бұл кездесу біздің қарым-қатынасымызды нығайтуға оң ықпал етеді деп ойлаймын”, – деді АҚШ сенаторы.

Кездесу барысында сондай-ақ халықаралық және өңірлік күн тәртібіндегі өзекті мәселелер талқыланды.

Қала сыртындағы тасжолдарда жылдамдық режимін тексеру үшін аппараттық кешен іске қосылады, деп хабарлайды Алатау телеарнасы Polisia.kz-ке сілтеме жасап. 

Медиа-портал дерегіне сүйенсек, 25 тамыз сағат 00:00-ден бастап “ZEREK-2” кешені штаттық режимде жұмыс атқаратын болады. Мұндай шешім жол жүрісі қауіпсіздігін қамтамасыз ету және жол-көлік оқиғаларының алдын алу бойынша бақылауды күшейту мақсатында іске асырылмақ. Жолдағы камераларды ІІМ Автомобиль жолдары комитеті “ҚазАвтоЖол” ҰК” АҚ-мен бірлесіп қосып отыр. Осылайша тасжолдарда жылдамдық бақылайтын “ZEREK-2” бағдарламалық-аппараттық кешені орналасады. 

“Бүгінгі таңда “ZEREK-2” Шымкент – Қызылорда, Шымкент – Өзбекстан шекарасы, Шымкент – Тараз, Тараз – Қайнар, Қонаев – Талдықорған және Астана – Павлодар автожолдарында жұмыс атқаруға дайын. Осындай бағдарламалық кешен Көкшетау – Астана тасжолында бұрын іске қосылған болатын және жолдағы құқық бұзушылықтарды тіркеуде жақсы нәтижелер көрсетіп жатыр”, – деді ІІМ әкімшілік полиция комитетінің ерекше тапсырмалар жөніндегі аға инспекторы Ақтоты Боранова. 

Жалпы жеті айда еліміздің жолдарында жеті мыңға жуық жол-көлік оқиғасы тіркеліп, онда 1200-ден астам адам қаза тауып, 8500-ге жуық адам түрлі дәрежедегі жарақат алған. Оның ішінде жылдамдық режимін сақтамау салдарынан қала сыртындағы трассаларда 730 жол-көлік оқиғасы тіркелді, онда 300-ден астам адам қаза тауып, 1200-ден астам адам зардап шекті. 

Елімізде жұмыс күшінің басым бөлігі қандай салалаларда? Ұлттық статистика бюросы кезекті тізімді жариялады, деп хабарлайды Алатау телеарнасы. 

Бюро дерегіне сүйенсек, 2023 жылдың II тоқсанында Қазақстан экономикасының түрлі салаларында 9,6 млн адам жұмыспен қамтылған. Олардың ішінде 6,9 миллионы жалдамалы жұмыс күші болса, 2,2 миллион адам өзін-өзі жұмыспен қамтығандар екен. 

Осылайша, осы азаматтардың 16,6 пайызы - саудада, 12,2 пайызы - білім саласында, 12,3 пайызы - өнеркәсіпте еңбек етіп жүр. 

Сонымен қатар, ауыл шаруашылығында – 12,2%, құрылыста – 7,1%, көлік және қойма – 7%, денсаулық сақтау және әлеуметтик қызмет көрсету саласында – 6,2%, мемлекетт ік басқару және қорғаныс; міндетті әлеуметтік қамсыздандыру – 5,8%, басқа да қызмет түрлерінде – 3,9% жұмыс істеуде. 

Ал кәсіби, ғылыми және техникалық қызметте – 3,1%, әкімшілік және қосалқы қызмет көрсетуде – 3%, ақпарат және байланыс саласында – 2%-ый жүр. 

Өткен жылдың екінші тоқсанымен салыстырғанда жұмысшылар санының азаюы ауыл шаруашылығында байқалған – 19 мың адамға, жылжымайтын мүлік эксплуатациилары бойынша – 18,9 мың адам ға, құрылыста – 9,5 мың адамға, өнеркәсіпте – 7 мың адамға, әкімшилік және қосалқы қызмет көрсету бойынша – 6, 4 мың адамға, өнер және ойын-сауықта – 6,3 мың адамға. Қалған өзге салаларда қызметкерлер саны керісінше өскен.

Төтенше жағдайлар министрлігі бөлімшелерінің әрбір екінші басшысы сыбайлас жемқорлық құқық бұзушылықтар жасайды. Бұл туралы сыбайлас жемқорлыққа қарсы іс-қимыл агенттігі мәлімдеді, деп хабарлайды Алатау телеарнасы. 

Бүгін Төтенше жағдайлар министрлігінің басшылығымен өткен кеңес барысында Сыбайлас жемқорлыққа қарсы қызметтің Төрағасы Асхат Жұмағали соңғы 5 жылда азаматтық қорғау органдарында 150-ге жуық сыбайлас жемқорлық фактілері тіркелгенін айтты. Тіпті жең ұшынан жалғасқан жағдай еліміздің барлық өңірінде орын алып отыр. 

Олардың басым бөлігі Алматы, Астана, Шымкент қалаларына, сондай-ақ Қостанай және Алматы облыстарына тиесілі.

Анықталған қылмыстардың ішінде парақорлық пен жымқыру фактілері басым.

"Заңсыз сыйақы" өрт қауіпсіздігін қамтамасыз ету бойынша тексеру актісіне қол қою кезінде, оқудан өткізу, рұқсат беру және жұмысқа орналасу үшін беріліп отырған.

Агенттік төрағасы атап өткендей, жүргізіліп жатқан сыбайлас жемқорлыққа қарсы жұмыстарға қарамастан, ТЖМ қызметкерлері пара алудан тыйылар емес.

https://www.youtube.com/embed/tgaC-08T9rA" 

Алматы облысында Атом электр станциясын салу бойынша жария талқылау өтті. Үлкен ауылының тұрғындары станция құрылысына қатысты оз ойларын ортаға салды. Көпшілік талқылауға біздің арнаның түсіру тобы да  қатысты.

Тыңдауға жергілкіті халық, БАҚ өкілдері, Алматы облысының қоғамдық кеңесі, ҚР Энергетика министрлігі, Алматы облысының әкімдігі мен  салалық сарапшылар қатысты. Айта кетейік, «Қазақстандық атом электр станциялары» ЖШС жүргізген зерттеулерінің қорытындысы бойынша атом электр станциясы құрылысының ең қолайлы ауданы ретінде Алматы облысы, Жамбыл ауданы, Үлкен ауылының аумағы ұсынылған. Мамандардың айтуынша, атом электр станциясы ауылда салынатын болса, бұл стратегиялық нысан тек ауылдың ғана емес, елдің де экономикасына оң әсер етеді.

СИЯБЕКОВ АСЛАН ҚАЭС ЖШС ЖЕТЕКШІ ИНЖЕНЕРІ

«Түркия мемлекетін алып қарайтын болсақ мысалы мың адам бар қалада АЭС салыну барысында соңғы 10 жылда тұрғындардың саны 8-10 мыңға дейін өскен. Яғни оған қарасты әлеуметтік жағдайда халықтың әлеуметтік жағдайының жақсарғанын да көруге болады. Өйткені ол жерге жаңа ауруханалар,балаларға мектеп,балабақша сияқты әлеуметтік жобалар іске асырылған болатын. Егерде осы ауданда да салынып жататын болса оң әсерін тигізеді дегенге біздің сеніміміз мол».

Тыңдау барысында азаматтар технологиялардың қауіпсіздігі, АЭС құрылысының әлеуметтік-экономикалық аспектілері бойынша өздерін қызықтыратын сауалдарға жауап алып, өз ойларын айтты.

«Біз мұнда қырық жыл тұрып жатырмыз. Біз атом электр станциясының салынуын қолдаймыз. Бізге ол керек. Біздің Үлкенімізге керек, Қазақстанымзға керек».

«Бізге бұл құрылыс ауадай қажет. Бізге жұмыс орны керек. Сондықтан мен атом электр станциясының құрылысына қарсы емеспін. Керісінше өте қуаныштымын».

Жалпы, Үлкен ауылы тұрғындары атом электр станциясының құрылысына қарсы емес, керісінше тезірек жүзеге асып, елдің әлеуметтік жағдайы жақсарса екен деген пікірде.

БОЛАТҚАЛИ РАХИМОВ ҮЛКЕН АУЫЛЫНЫҢ ТҰРҒЫНЫ

« Уранды игеру керек, атомды игеру керек, термоядроны игеру керек. Осының бәрін игермесек, біздің болашағымыз не болмақ.

Заң бойынша атом электр станциясы орналасқан жерді үкімет шешімімен бекіту керек. Ондай шешім алдымен жергілікті өкілділік органымен келісіледі.

ТОҚТАРХАН АЛИЕВ ҮЛКЕН АУЫЛЫНЫҢ ТҰРҒЫНЫ

«Мен өзім энергетикпін. Осы құрылыс болсын деп сол құрылыста маман болсам да,жұмысшы болсам да келіп сол салада жұмыс істеймін деп оқуды бітіріп. Енді өікінішке орай артқа созылып жатыр. 00/55-01/42 Қазір технологияның бәрі өзгерген,бәрі басқаша. Көзіміз ашық көріп отырмыз Түркияда,Америкада да өзенге орнатып жатыр. Бұл жерде аса қауіп жоқ. Энергия ол бізге керек. Халқымыз кәзір көбейіп келе жатыр. Халық көбейгесін заводтар да көбейеді. Тоқты кімнен алады. Біздің өзіміздікі болу керек».

Ауыл тұрғындары келісімін берсе, технологиялық және экологиялық шешімдерді таңдау жұмыстарының келесі кезеңі басталады. Техникалық-экономикалық негіздемесі әзірленіп, қоршаған ортаға тигізетін әсері бағаланады, сондай-ақ барлық мүдделі тараптың пікірлері тыңдалады дейді Энергетика вице-министрі Жандос Нұрмағанбетов .

«Қазақстандық атом электр станциялары» ЖШС директоры Тимур Жантикиннің сөзіне қарағанда, биыл үкіметтің АЭС-тың орналасу жеріне қатысты қаулысы шықса, сондай-ақ технологияны жеткізетін компания анықталған жағдайда техникалық-экономикалық негіздеме 2025 жылда дайын болады. Сосын оны мемлекеттік сараптамадан өткізу керек.