НОВОСТИ

Қытайдың Ханчжоу қаласында Азия ойындарының жабылу салтанаты өтті. 45 елдің спортшылары бақ сынаған додада ел құрамасы 11 орынға тұрақтады, деп хабарлайды Алатау телеарнасы. 

Дүбірлі додаға 45 елден 12 500-ден астам спортшы келді. Ханчжоудағы Азия ойындары 1990 жылғы Бейжің мен 2010 жылғы Гуанчжоудан кейінгі Қытайда өткен үшінші Азия ойындары ретінде ерекшеленді.

Биыл еліміздің атынан Ханчжоу қаласында 30 спорт түрінен 524 қазақстандық бақ сынады. Отандық спортшылар қоржынында 80 медаль (10 алтын, 22 күміс, 48 қола) жиналды. Осылайша, қорытынды медальдық есепте Қазақстан 11-ші орынға жайғасты.

Ел спортшылар биыл сегізінші мәрте Азия ойындарына қатысып отыр. Енді Азия ойындары 2026 жылы 19 қыркүйек пен 4 қазан аралығында Жапонияның Нагоя қаласында өткізіледі.

Қытайдың Ханжчоу қаласында өтіп жатқан Азия ойындарында қазақстандық спортшылар алтын санын онға жеткізді. Бүгін каратеши қызымыз Софья Берульцева өз салмағында жеңімпас атанды, деп хабарлайды Алатау телеарнасы. 

Туризм және спорт министр спорта дерегіне сүйенсек, әйелдер арасында +68 кг салмақтағы финалдық екпе-жекте Софья мен Арика Гурунг (Непал) киш сынсқан. 

Кездесу басынан белсенді қимылдахан Берульцева қарсыласына эш мүмкіндик берген жоқ. Қазақстандық спортшы 3-0 есебімен айқын жеңіске жетти.

«Азия ойындарына алтын медаль алу үшін келдім. Жоспар орындалды. Бұл біздің командны жеңісі», - победительница Азиатского ойындарының чемпионки София Берульцова финалдық екпе-жегінен кейін өз позитивсымен бөлісті.

Айта Кетейик, бұған дейін каратеши Қайсар Алпысбай 60 келі салмақ дережесінде жеңіс тұғырынан көрінгенін жазған едік.

Президент Қасым-Жомарт Тоқаевтың Ресей Федерациясына жұмыс сапары аясында «Орта Азия – Орталық» магистральді газ құбырымен Ресейдің табиғи газын Қазақстан аумағы арқылы Өзбекстанға тасымалдау жобасын іске қосу рәсімі өтті, деп хабарлайды Алатау телеарнасы. 

Бұл туралы Ақорда жазды. 

Салтанатты шараға Мемлекет басшысымен қатар Ресей Президенті Владимир Путин және Өзбекстан Президенті Шавкат Мирзиёев қатысты. Қасым-Жомарт Тоқаев өз сөзінде бұл тарихи оқиға Қазақстан, Ресей және Өзбекстанның энергетика саласындағы стратегиялық ынтымақтастығын мүлде жаңа деңгейге көтеретінін және елдер арасындағы тату көршілік қатынастар жылнамасының тағы бір жарқын бетін ашатынын атап өтті.

“Газ саласы мемлекеттеріміздің тұрақты әлеуметтік-экономикалық дамуында зор рөл атқарады деуге болады. Сондықтан бұл жоба барлық қатысушы тараптың мүддесіне сай келеді. Қазақстан өз аумағында магистральді газ құбырын дайындауды уақтылы және толық аяқтады. Жоба Ресей газының экспортқа шығу бағыттарын әртараптандырып, Қазақстанның газ тасымалдау инфрақұрылымын кеңейтуге және жаңғыртуға септігін тигізеді. Сондай-ақ Өзбекстанның жылына 3 миллиард текше метрге дейін жететін және жылдан-жылға артып келе жатқан табиғи газға деген қажеттілігін өтеуге мүмкіндік береді. Сонымен қатар ол елдеріміздің өнеркәсібін дамытуға, бизнес-ахуалды жақсартуға, азаматтардың тұрмыс деңгейін арттыруға тың серпін береді”, – деді Қазақстан Президенті.

Мемлекет басшысының пікірінше, жоба Орталық Азия аймағындағы тұрақтылық пен энергетикалық қауіпсіздікті нығайту ісінде елеулі рөл атқарады

“Жылына 255 миллиард текше метрге дейін газ тасымалдай алатын магистральді газ құбырының 20 мың шақырымнан астам бөлігі еліміздің аумағы арқылы өтеді. Қазақстан өзінің транзиттік әлеуетін толық пайдалануға мүдделі және Ресей газын тасымалдау көлемін одан әрі ұлғайтуға дайын”, – деді Президент.

Қасым-Жомарт Тоқаев сөзінің соңында маңызды трансұлттық жобаны ілгерілетуге қосқан жеке үлесі үшін Владимир Путинге, сондай-ақ жан-жақты қолдау көрсеткен Шавкат Мирзиёевке ризашылығын білдірді. Әрі Қазақстан, Ресей және Өзбекстанның газ саласындағы мамандарының бірлескен жұмысты кәсіби деңгейде әрі аса зор жауапкершілікпен атқарғанын атап өтті.

Сонымен қатар шарада Владимир Путин мен Шавкат Мирзиёев сөз сөйледі.

Мәдениет және ақпарат министрі Аида Балаева қазақ тіліндегі телерадио хабарлары 70 пайызға артатынын мәлімдеді, деп хабарлайды Алатау телеарнасы. 

Бұл туралы министр орталық коммуникациялар қызметі алаңында өткен баспасөз мәслихатында айтты. Сөзіне сүйенсек, бүгінде БАҚ-та мемлекеттік тілде шығарылатын контенттің үлесі 80 пайыздан асқан. Осы орайда телерадио тілін де қазақшалау жоспарланып отыр.

“Масс-медиа” туралы заң жобасы аясында телерадиоарналарды мемлекеттік тілде тарату көлемін 50 пайыздан 70 пайызға арттыру ұсынылды. 1999 жылы қолданысқа енгізілген “БАҚ туралы” заңға сәйкес 50-де 50 еді. 25 жылға жуық уақыттан кейін елдегі трендтер мемлекеттік тіл мен отандық контентті дамыту бағытында өзгерді. Бүгінгі таңда БАҚ-та мемлекеттік тілде шығарылатын контенттің үлесі 80 пайыздан асты. Аталған факторларды ескере отырып, қазақ тіліндегі телерадио хабарларын 70 пайызға дейін арттыру туралы шешім қабылданды. Ал 2025 жылдан бастап жыл сайын мемлекеттік тілдегі контенттердің үлесін 5%-ға арттыру кезең-кезеңмен жүзеге асырылады. Қазір “Масс-медиа” туралы заң жобасын Мәжілістің жұмыс тобы, шетел сарапшыларды, Қазақстанның медиа қоғамдастығы және азаматтық қоғам өкілдері талқылап жатыр”, - деді министр.

Қытайдың Ханжчоу қаласында өтіп жатқан Азия ойындарында қазақстандық спортшылар алтын санын тоғызға жеткізді. Бүгін каратеші Қайсар Алпысбай топ жарды, деп хабарлайды Алатау телеарнасы. 

60 келі салмақ дәрежесінде ел намысын қорғаған Қайсар финалда Кувейт елінің спортшысы Абдулла Шаабахпен сайысты. Аса тарытсты өткен жекпе-жектің есебі: 7-5. Осылайша отандасымыз қоржынға тоғызыншы алтын жүлдені салды. 

Еске салайық, бұған дейін қазақстандық спортшылар бір күнде 3 алтын медальға ие болғанын жазған едік.

Ел Президенті Қасым-Жомарт Тоқаев "Самұрық-Қазына" АҚ басқарма төрағасы Нұрлан Жақыповты қабылдады, деп хабарлайды Алатау телеарнасы. 

"Самұрық-Қазына" АҚ басқарма төрағасы Мемлекет басшысына Қордың биылғы 8 айда атқарған жұмысының қорытындысы жөнінде баяндады. Нұрлан Жақыпов «Самұрық-Қазына» АҚ компаниялар тобының өндірістік және қаржылық көрсеткіштері, сондай-ақ жыл қорытындысы бойынша күтілетін нәтижелерін таныстырды. Әрі қорға қарасты компаниялар тобының маңызды жобаларын жүзеге асыру барысы жөнінде мәлімет берді. Атап айтқанда:

• жыл соңына дейін алты ірі жобаны, атап айтқанда Астрахан – Маңғышлақ су құбырын реконструкциялау;
• «Сарша» және «Жылы жағажай» елді мекендеріне газ құбырын тарту;
• Бейнеу – Жаңаөзен газ құбырының 2-ші желісін және Мақат – Солтүстік Кавказ газ құбырының лупингін салу;
• Бірінші ГРЭС-тің 1-ші блогын қалпына келтіру;
• Еліміздің Бірыңғай электрэнергетикалық жүйесіне қарасты батыс аймағындағы электр желілерін күшейту жобаларын аяқтау жоспарланып отыр.

Мемлекет басшысына Қор активтерін жекешелендіру жоспарының іске асырылу барысы жөнінде мәлімет берді.

Кездесу соңында Қасым-Жомарт Тоқаев инвестициялық жобаларды жүзеге асыру, сондай-ақ "Самұрық-Қазына" қорына қарасты бейінді емес активтерді жекешелендіру және компанияларға халықтық IPO өткізу жөнінде бірқатар нақты тапсырма берді.