https://www.youtube.com/embed/fNYwD3eshWQ?si=XY2vh4cgGHBEmzqe" 

Қошқар ата қалдықты көліндегі жүргізіліп жатқан залалсыздандыру жұмыстары шала дейді Маңғыстаудың қоғам белсенділері. Жұмысты қайта қолға алғандар қоғамдық тыңдау өткізген. Алдағы бейнематериалға назар аударсақ.

2017 жылы "Қошқар-ата" қалдықты улы көліне арнайы жоба бекітілгенімен, ондағы рекультивациялау жұмысы қазір де өзекті болып тұр. Бұған арнайылап 2020 жылы республикалық бюджеттен 19,5 млрд теңге бөлінген. Бірақ, жұмысшылар жұмысты бір жылдан кейін ғана бастап, аяқсыз қалдырған.

РҮСТЕМАБАД АЙДАРХАНОВ ҚОҒАМ БЕЛСЕНДІСІ:«Себебі 2022 жылы жобаға біз араласып бастадық.  қоғам белсенділері болып, қоғамдық кеңес мүшелері болып, депутаттар бар,осындай бір кемшіліктерді анықтадық. Бейне, видеофиксацияны жасағаннан кейін арнайы тексеріс басталды. Енді арнайы тексерістің нәтижесін күтіп бастағанда 2-3 айдан БАҚ-тан ол жұмыс кемшіліктіерді анықтағанан тоқтаған жоқ, жобаға өзгеріс енгізу керектігніне тоқталды деп хабарланды». 

Тоқетері – жұмыста шикілік көп. Қоғам белсенділері белсенділік танытып шағым түсіргенімен, шаруаны шеше алмаған.

ӘСЕЛ БАЛМАНОВА МАҢҒЫСТАУ ОБЛЫСЫ ТАБИҒИ РЕСУРСТАР ЖӘНЕ ТАБИҒАТТЫ ПАЙДАЛАНУДЫ РЕТТЕУ БАСҚАРМАСЫНЫҢ БАСШЫСЫ: «Басқармамен 262 гектар жер қабылданды. Экономикалық қылмыстарды тергеу департаменті 2022 жылдары тексеріс жұмыстарын жүргізген болатын. Нәтижесінде Қошқар-ата рекультивация жүргізу құмына ұсыныстар айтқан болатын. Ол ұсыныстар толығымен мердігер компанияға берілді. Және де жобаны жасақтау барысында толығымен ескерілді». 

Бірақ, белсенділер "Павлодар өзен портына" жобаны бермеулерін өтінеді.  

РҮСТЕМАБАД АЙДАРХАНОВ ҚОҒАМ БЕЛСЕНДІСІ: «Себебі Қошқар ата улы көлінің қасында орналасқан сазды карьерден алынатын құмды алмай, қасындағы қара топырақ пен сексеулді  екі бульдозер жалдап сонымен ысырған мекемеге әрине біз күмән тудыртамыз». 

Уақытты біз күткенмен, уақыт бізді күтпейді дейді белсенділер. Күн өткен сайын бөлінетін уытты қалдықтар ауаға тез тарап барады.

ӘСЕЛ БАЛМАНОВА МАҢҒЫСТАУ ОБЛЫСЫ ТАБИҒИ РЕСУРСТАР ЖӘНЕ ТАБИҒАТТЫ ПАЙДАЛАНУДЫ РЕТТЕУ БАСҚАРМАСЫНЫҢ БАСШЫСЫ:«Жалпы бұл жобаның жүзеге асырылуына 19,5 млрд теңге қарастырылған болатын. Бүгінгі таңда жобаны қайта жасақтау және кооректировка енгізуінің нәтижесінде жобаның құны 51,8 млрдқа өсіп отыр. Ол ретте СМР-ге, жанар-жағармай және жұмысшылардың жалақысы есептелген». 

Мамандар ендігі мердігердің жұмысы мардымды болатынына және екі жылда толықтай залалсыздандыру жұмыстары бітетініне сөз берді. 

https://www.youtube.com/embed/7I1X-ZZawHw?si=0pXgBE8H3ciKYgts" 

Ата-аналар назарына! Егер балаңыз биыл мектеп табалдырығын аттайтын болса, онда асығыңыз. 1 сәуірден бастап мектепке құжат қабылдау басталады және 31 тамызға дейін жалғасады. Өтінімді электронды ЕГОВ порталы арқылы да беруге болады. Айта кетейік, биыл мектепке 370 мың бала барады деп жоспарланып отыр. 

ӘЛИЯ ЧОКУШЕВА ҚР ОАМ ОРТА БІЛІМ КОМИТЕТІНІҢ БАСҚАРМА БАСШЫСЫ: «Былтырғы оқу жылынан биылғы оқу жылының басты айырмашылығы «ҚР кейбір заңнамалық актілеріне білім еру, тәлімгерлік және балалардың қауіпсіздігі» жөніндегі 2024 жылдың 24 ақпанында қабылданған заңға сәйкес, лицейлер мен гимназияларға қабылдау кезінде емтихан өткізуге тиым салатын ереже енгізілді. Барлық балалар дайындық деңгейіне қарамастан тең мүмкіндікке ие болады. Бұл балалар арасындағы психологиялық қысымды азайтуға бағытталған».

https://www.youtube.com/embed/oz99IJYGDVs?si=-K_0oV8ukIhovJGU" 

Ақмола облысында күн күрт жылып,еріген қар суы қарашаның қайғысына айналды. Көкшетаудың шағын аудандарында кейбір білім ошақтарына дейін судың ортасында қалған. 

Қар суынан келетін қауіптен тұрғындар күндіз күлкіден түнде ұйқыдан айырылған.Себебі, аймақта күн күрт жылынуынан, 16 ауданда 150-ден астам үйді су басуы мүмкін. Ерейментау және Целиноград аудандарына қауіп тіпті басым. Ал Көкшетаудағы Бірлік шағын ауданында орналасқан 22 мектептегі орын алған төтенше жағдай бірден қалыпқа келтірілді.

ОЛЕГ МАЛЮК АҚМОЛА ОБЛЫСТЫҚ ТӨТЕНШЕ ЖАҒДАЙЛАР ЖӨНІНДЕГІ ДЕПАРТАМЕНТІНІҢ БАСҚАРМА БАСТЫҒЫ:«Ақмола облысында жыл сайын су басу қаупі жоғары. Қазіргі уақытта Целиноград, Аршалы, Жарқайың аудандарында және Қосшы, Көкшетау қалаларында еріген қар суын сору жұмыстары жүргізіліп жатыр. 65 мың текше метрден астам су сорылды. Аймақта мониторингтік топтар құрылды. Күнделікті шығып, коммуналдық қызметтердің жұмысын тексереміз».

Аймақтағы жағдайға байланысты 3 мыңға жуық құтқарушы жұмылдырылған. Су жайылу қаупі бар аймақтарға 95 мыңнан астам қап құм төселді.  Облыс аумағында қауіптің беті қалың, таулы аймақтарда қар көбесі әлі де сөгілмей жатыр. 

https://www.youtube.com/embed/ddoUxgJt8m0?si=JcXc4JogvE2dAl19" 

Жылқы еті қымбаттамайды. Себебі, елімізде 4 млн бас жылқы бар. «Ұлытаудағы жұтқа қатысты енді ет қымбаттай ма?» деген журналистер сауалына Ауыл шаруашылық министрі осылай жауап берді. Ал, білдей бір облыста ірі қара малдың жаппай қырылып қалуына қолайсыз ауа-райы себеп деген қорытынды жасалған.  Сондай-ақ, тек жергілікті әкімдік қана емес, жауапкершілік шаруалардың өздерінде де бар. Әйтпесе жем-шөп жеткілікті болған деп отыр ведомство басшысы Айдарбек Сапаров. Үкімет отырысынан толығырақ алдағы бейнематериалда. 

Бүгінгі үкімет отырысында  көктемгі дала жұмыстарына дайындық мәселесі қаралды. Алдын-ала болжам бойынша биыл егіс алқабы 23,8 млн гектарды құрайды. Әдеттегідей әлеуметтік маңызы бар және жоғары рентабельді дақылдар көлемін арттыруға басымдық беріледі. Олар: майлы дақылдар, күнбағыс және қант қызылшасы. Былтырмен салыстырғанда бұл дақылдар биыл екі есеге көп егіледі. Жиында үкімет басшысы ауыл шаруашылығы техникаларың әбден тозғанын да бас айтты. Сондай-ақ, дизель отынына қатысты алыпсатарлармен қолдан тапшылық жасауға жол бермеу керектігін қатаң ескертті. 

ОЛЖАС БЕКТЕНОВ, ҚР ПРЕМЬЕР-МИНИСТРІ: «Ауыл шаруашылығы техникасының тозуы өткір проблема күйінде қалып отыр. Қазіргі таңда жалпы техника паркінің шамамен 75 пайыздан астамының тозығы жеткен. Бұл мәселе де тиісті шешімді талап етеді. Диқандардың жаңа техниканы сатып алуын жеңілдетіп, сыбайлас жемқорлық тәуекелдерін азайту қажет. Аталған мәселені шешу үшін фермердің өзі төлеп келген алғашқы 15 пайыз жарнаның орнына тікелей лизингтік компанияға инвестициялық субсидия салынуға тиіс».

Үкімет биыл да шаруаларға жеңілдетілген бағада дизель отынын береді. Бүгінде көктемгі егіс науқанына деп 360 мың тонна жанар-жағармай бөлінген.

АЙДАРБЕК САПАРОВ, ҚР АУЫЛ ШАРУАШЫЛЫҒЫ МИНИСТРІ:
«Жиынтық өтінім негізінде Энергетика министрлігі дизель отынын тиеп-жөнелту бойынша мұнай өңдеу зауыттарына облыстарды бекітіп беру графигін, сондай-ақ жеңілдікті дизель отынының құнын литріне 250 теңге деңгейінде бекітті (АЖС – литріне 295 теңге). 26 наурыздағы жағдай бойынша мұнай өңдеу зауыттарынан өңірлерге барлығы 67,7 мың тонна (немесе 20 пайыз) дизель отыны тиеп-жөнелтілді».

Айтпақшы, Айдарбек Сапаров үкімет отырысынан соң брифингте Ұлытаудағы жұтқа қатысты түсініктеме берді. Айтуынша, 360 бас жылқы қырылған, бүгінде шығын көлемі анықталуда. Жем-шөп жеткілікті болған, алайда малдар ауа-райының қолайсыздығына байланысты қырылған деді. 

https://www.youtube.com/embed/WlRqC8cFNeQ?si=vYewsxvm3f4y5lDS" 

https://www.youtube.com/embed/48I-4TNsdzo?si=AyE-CWOwpmK3UOsJ" 

Табиғатты ұйқысынан оятумен қатар даламызды әнге, халқымызды сәнге бөлейтін Әз Наурыз мейрамы келіп жетті. Мерекелік шара Алматы қаласы, Алатау ауданындағы № 210 мектеп-лицейінде де өз деңгейінде аталып өтті.

Ұлттық құндылықтарымыз дәріптелетін ұлттық мерекеде мектеп оқушылары домбыра шанағынан күй төгілтіп тарту етті. Ұлттық ойындарымыз асық ату, тоғызқұмалақ, қазақша күрестен жарыстар ұйымдастырылды. 

Табиғатты аялау тәрбиенің төресі демекші білім ордасы ауласында шәкірттер тазалық жұмыстарын да жүргізді. Мерекені рухани тұрғыдан құп көрген жастарымыздың жалынды тілегінде тыңдадық. 

https://www.youtube.com/embed/p1fmCKUcSIc?si=Vdp-WjryELasELdb" 

Келешек ұрпақты табиғатты аялауға тәрбиелеу мақсатында Іле Алатауы мемелекеттік ұлттық табиғи паркі Медеу филиалы ұжымы Аюсай шатқалында  «Парктер шеруі» атты іс шара өткізді. Жобаны ұлттық парктің экологиялық ағарту және туризм бөлімі жүзеге асырып келеді. Жыл сайын өткізіліп келе жатқан шара аясында биыл 20 дан аса табиғат қорғауға бағытталған тақырыптар бойынша жұмыстар жүргізілмек. Маңызды шараға Алматы қаласы мен Алматы облысы Талғар ауданының мектеп оқушылары қатысты.

САМАЛ АБИЛОВА ІЛЕ- АЛАТАУ МҰТП ЭКОЛОГ АҒАРТУШЫСЫ

https://www.youtube.com/embed/5ZcxbjMFgms?si=OsJk-Daww-EHYXtV" 

Жыл өткен сайын Наурыз мейрамы елімізді мекендеген бүкіл халықтың, ұлт пен ұлыстың сағынып күтетін ортақ мерекесіне айналып, жаңа мазмұнмен, жарасымды сән-салтанатымен түрлене түсуде. Алматы облысы Қарасай ауданында орын алған шараға назар аударсақ.

Күн мен түннің теңеліп, жан-дүниені тірілткен, шаруаның бір малы екеу болып, арқа-басы кеңіп, аққа аузы тиген, қытымыр қыстың ызғарынан құтылып, алдағы шуақты күндерден үміттендірген Наурыз мерекесі Тәуелсіз еліміздің зор ықыласпен тойланатын нағыз халықтық сипаттағы салтанатына айналды. 

ҚОРЛАН ТҰРСЫНОВА ҚАСКЕЛЕҢ ҚАЛАЛЫҚ МЕКТЕП-ГИМНАЗИЯНЫҢ ДИРЕКТОРЫ

Дәстүр бойынша бұрын Наурыз мейрамын бүкіл ауыл-ел болып, әсіресе жастар жағы түгелдей таң шапағатын қарсы алып, арықтарды тазалап, су жіберуден, ағаш отырғызып, гүл егуден бастайды. Бұл күн жер-жерде ат бәйгесі, көкпар тарту, қыз қуу, палуандар күресі тектес ұлттық ойындардан сайыстар ұйымдастырылады. 

ЛИЗА САДЫҚОВА АУДАН ТҰРҒЫНЫ

ЕРІК ШҮКЕЕВ АУДАН ТҰРҒЫНЫ

Наурыз мейрамында әркім жылы шырай сезіне бастап, сағынышты көрісулерімен, жалынды құшақтасуларымен жаңа жылды қарсы алады. Биыл елімізде мерекеге демалыс күндері жалғасып, қазақстандықтар Наурыз мейрамын бес күн бойы атап өтпек.  

https://www.youtube.com/embed/yDUZoTg4uZc?si=GHHSNT08sl1akoEW" 

Ұлыстың ұлы күні Әз-Наурыз мерекесін еліміздегі әрбір мекемелер жоғары деңгейде атап өтуде. Алматы қаласы,Бостандық ауданындағы Бақытты отбасы орталығында да Наурыз мерекесі тойланды. Мерекелік бағдарлама аясында Наурыз көжеден дәм татылып,ұлттық құндылықтарымыз дәріптелді. Ұлттық киім-ұлт ажары,Салт дәстүр қойылымы,Қолөнер көрмесі,ұлттық тағамдарды әзірлеу тақырыптары бойынша келіндер байқауы ұйымдастырылып жиылған көпшілікке мерекелік көңіл күй сыйлады.

СНХ РУСЛАН ҚАЛИОЛЛАЕВ «PROFEXSPERT FONDATION» ҚОРЫНЫҢ ПРЕЗИДЕНТІ

САЛТАНАТ АШИМБАЕВА АЛАТАУ АУДАНЫ №210 МЕКТЕП-ЛИЦЕЙІ ДИРЕКТОРДЫҢ ТӘРБИЕ ІСІ ЖӨНІНДЕГІ ОРЫНБАСАРЫ

БЕЙБАРЫС ҒАЗИЗҰЛЫ 10 СЫНЫП ОҚУШЫСЫ

https://www.youtube.com/embed/JCF0nDCx0bI?si=okEAFhSPlzK9PMNq" 

21 наурыз түні ел аралайтын Қыдыр атаның қазақ өміріндегі орны қандай? Бұл сауалға этнограф-ғалым, фольклоршы, қазақ дүниетанымына байланысты көптеген кітаптың авторы Болат Бопайұлы жауап берді. Этнографтардың  айтуынша,  Бақ иесі –  Қыдыр  ата періште бейнесіндегі пайғамбар. «Пайғамбар екі түрлі болады. Біріншісі, пенде бітімді, екіншісі періште бітімді. Қыдыр ата – бүкіл халықтың қамқоры, оларға жақсылық жасаушы, ырыс, құт, несібе әкелуші.Ол Ұлыстың ұлы күнінде әр елге келіп, әр шаңыраққа соғып бата береді. Сондай–ақ «Көктем ханымы» бар. Ол үлкен түйеге мініп,  шашу шашады. Қазір, сол кейіпкерді  жасау керек», – дейді Болат Бопайұлы.

БОЛАТ БОПАЙҰЛЫ ЭТНОГРАФ

https://www.youtube.com/embed/SB89UcZXYmw?si=oak583YQQGpEhZ_D" 

Ақтаулық депутаттар мен «Аналар кеңесінің» өкілдері «Ана мен бала» орталығындағы жас босанған келіншектерді Наурыз мерекесімен құттықтады. Шара Наурызнама тұжырымдамасының аясында ұйымдастырылды.  

Гауһар Райханова көпбалалы ана. Жолдасы екеуі 4 қыз, 2 ұл  тәрибелеп отыр. Үлкені 6- сыныпта оқиды. Ал кенжесін 17 наурыз «Шаңырақ» күні дүниеге әкелді. 35 жастағы жаңа босанған ана мереке қарсаңында құттықтаған ақтаулық депутаттар мен «Аналар кеңесіне» алғысын айтты.  

ГАУҺАР РАЙХАНОВА КӨПБАЛАЛЫ АНА: «Сағат 4 жарымда келіп түстім роддомға. Аллаға шүкір жақсы акушерлердің, мықты дәрігерлердің арқасында сағат 7:15-те балапанымды қолға алдым. Мереке қарсаңында босанып жатқан аналарға барлықтарына балапандарының бауы берік болсын. Мерекелеріміз бітпесін. Әрқашан Қазақстан елінде тек той, думан бола берсін». 

Сәби - шаңырақтың шаттығы. Ал ана отбасының ұйытқысы. Осы қағиданы ұстанған ұймдастырушылар бұл күні ана мен сәбиді мерекемен құттықтап, құрмет көрсетуден бастады. 

МАНАРБЕК БИСЕКЕНОВ АҚТАУ ҚАЛАЛЫҚ МӘСЛИХАТЫНЫҢ ДЕПУТАТЫ: «Жас келіншектерді, аналарымызды, жеңгелерімізді құттықтауға арнайы келіп жатырмыз. Барлық депуттар мен әкімдіктің атынан арнайы сыйлықтарымызды жасап,  жылы тілек, лебіздерімізді білдіріп жатырмыз. Аналар да көңілді. Біз де ризамыз. Жүрек жарты тілегімізбен құттықтап шығып жатырмыз». 

ГҮЛЗИРА ЕСЕТОВА - АҚТАУ ҚАЛАЛЫҚ «АНАЛАР КЕҢЕСІНІҢ» ТӨРАҒАСЫ:  «Біз жылдағы дәстүріміз бойныша жас босанған әйелдерге,  келіншектерге, аналарға келіп өзіміздің құттықтаымызды жеткізіп отырмыз. Барлығына кіріп шықтық. еліміз тыныш, жұртымыз аман болып, дүниеге келіп жатқан нәрестелер аман болсын». 

Осылайша, 25 жас анаға гүл шоқтары, тәттілер үлестіріліп, ал  сәбилерге  киім дүкеніне сертификат берді. Айта кетейік ұйымдастырушылар жыл сайын перзентханаға келіп, аналарды құттықтауды дәстүрге айналдырған.

https://www.youtube.com/embed/juO3UujZZm4?si=Rhsag2FXP_qeSwSm" 

Енді қарызы бар азаматтарға лотерея ойнауға тиым салынады. Бүгін Мәжіліс ойын бизнесі мен адам саудасына қатысты заңға енген өзгерістер мен толықтыруларды мақұлдады. Заң жобасын таныстырған Ішкі істер министрлігіне депутаттардың сауалы да көп болды. Жаңа құжатты сынағандар да табылды. Деседе, бірауыздан заң қабылданды. Толығырақ алдағы бейнематериалда. 

Ойын бизнесі мен адам саудасы туралы заң бүгін Мәжілісте бірінші оқылымда мақұлданып кетті. Жаңа құжатқа сәйкес енді қанау мақсатында ұрлап кетіп, салдарынан жәбір көрген адамдар және бас бостандығынан заңсыз айырылғандар мен еркінен тыс жезөкшеліктің құрбаны болғандар мемлекеттен өтемақы алуы мүмкін.  Осылай деп ішкі істер министрінің баяндама жасағаны сол еді, жаңа құжат бірден депутаттардың қатал сынына ілікті. 

БАҚЫТЖАН БАЗАРБЕК ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Қазір әртүрлі сайттарда жыныстық қызмет көрсету, адам ағзалары мен тіндерін сатып алу, сату, сондай-ақ балаларды заңсыз асырауға беру туралы жарнамаларды көруге болады. Заманауи технологияларды ескере отырып, мұндай чаттар шетелде де, бізде де ашылады. Мұнда республика азаматтары және шетелдіктер ұйымдастырушылар бола алады. Осыған байланысты бірнеше сұрағым бар. Осындай хабарландыруды бақылауды қашан қолға аласыздар? Мұндай жабық топтар қалай анықталады? Егер олар шетелде болса, осындай чаттарды ұйымдастырушылар қалай жауапқа тартылады? Заң жобасын қарасам, өте әлсіз, механизмдері аз. Осындай хабарламаларды қалай бақылайсыздар? Оларды ұйымдастырушылар қалай жауапқа тартылады? Өте әлсіз заң жобасы. Менің қолымда сіздің орынбасарыңыз Лепеханың жауабы. Мен сізден осыдан бір жыл бұрын нақты сұрақ қойдым? 2023 жылы осы бағытта бес-ақ қана полицей жауапқа тартылыпты. Егер мен өзім іске кірісіп, бұл ақпаратты жоққа шығарсам, жалған болып шығады ғой».

Депутаттың бұл сауалы министрдің шамына тигендей. Десе де, проблеманың өзекті екенін мойындады. Бірақ, алдағы уақытта мәселені шешу үшін тоқтаусыз еңбек етпек ниетте.Осылайша біртіндеп қылмысқа нөлдік төзімділік позициясын енгізбекші. Өйткені, бас полицей өзге де полицейлердің өз ісі мен антына адал екеніне бек сенімді. 

ЕРЖАН СӘДЕНОВ ҚР ІШКІ ІСТЕР МИНИСТРІ: «Сұрағыңызға рахмет деп айтпаймын. Орынды сұрақ. Ресурстар бойынша қараймыз. Сол бойынша біз осыны анықтаған кезде тоқсауыл қоямыз. Қылмыстық әрекеттері бар 6 мыңнан астам жарнамаға тоқсауыл қойдық. Біздің сұраққа қатысты 620. Бұл жұмысты ары қарай жүргіземіз. Расында да, өкінішке қарай әкімшіліктері, жетекшілері көбінесе шетелде отырады. Біз құқықтық көмек көрсетеміз. Дүние жүзінің 47 мемлекетімен келісімшартқа қол қойдық. Біз анықтасақ әрине, сұраныстарды жібереміз. Бұл жұмысты ары қарай ұйымдастыратын боламыз».

Енді бір топ депутат қыз алып қашу ол да қылмыспен пара пар деп санайды. Мәжілісменнің айтуынша бүгінде Қазақстан қыз алып қашу бойынша Эфиопиямен бірдей тұрған көрінеді. 

АНАС БАҚҚОЖАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Оны көбі қазақтың дәстүрі деп шатастырды. Өзіңіз білесіз, біздің қазақ құда түсіп, жөн-жоралғысын әдемі орындайтын халық. Бірақ осы экономикалық жағдайдың қиындығына байланысты 90-жылдары ондай фактілер болды. Қателесетін шығармын, бірақ менің білуімше, қазір қызды алып қашу жоқтың-қасы деуге де болады. Себебі еліміз дамыған өркениетті елміз. Батыс мемлекеттеріне теңесеміз дейміз. Бірақ википедияға қараңызшы, википедияда қызды ұрлау мәселесінде Қазақстан Эфиопиямен бірдей тұр. Эфиопия қайда? Қазақстан қайда?»

Ішкі істер министрі бұрынғыдай емес қазір жастардың көзі ашық. Тек бірен саран факт кездеседі. Әлі де түсіндіру жұмыстарын үздіксіз жүргізетін боламыз дейді.