https://www.youtube.com/embed/Z8BaDcOJnjk?si=o00prZ0AKU7jn-e3" 

Бұдан былай жалпыға бірдей кредит беріле бермейді. Несие рәсімдеу қиындайды. Бүгін Мәжіліс жаңа құжатты қабылдады. 90 күннен асқан берешегі барлар мен табысы жоқ жастарды енді банк мүлдем маңайына да жолатпайтын болады. Толығырақ алдағы бейнематериалда.

Қазақстанда қарыз алушылар саны күрт артқан. Сыйақысы мен пайызы көп банктер мәселесі бүгін Парламент қабырғасында сөз болды. Несиеге белшеден батқандар туралы бұған дейін де мәжілісте бірнеше мәрте айтылып, депуататтық сауал жолданған болатын. Ақыры жаңа заң мәжіліске бүгін жетті. 

ҮНЗИЛА ШАПАҚ ҚР ПАРЛАМЕНТІ МӘЖІЛІСІНІҢ ДЕПУТАТЫ: «2024 жылғы 1 қаңтардағы жағдай бойынша 8,5 миллион қазақстандықтың қаржы ұйымдарының алдында 19 трлн теңге сомасына берешегі бар, оның ішінде 8,2 миллион азаматтың кепілсіз тұтынушылық кредиттер бойынша берешегі 10 трлн теңге. Бұл ретте 1,6 млн азаматтың 90 күннен артық мерзім өткен 1,7 трлн теңгеге проблемалық кредиттері бар».

Жаңа құжат бойынша енді 90 күннен артық берешегі бар азаматтар мен табысы жоқ жастарға мүлдем несие берілмейді. Бірақ, қарызы бар отбасы уақытылы несиесін жаба алмаса, қыс ішінде үйден шығаруға тиым салынады.

ҮНЗИЛА ШАПАҚ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Бүгінгі таңда Қазақстанда халықтың әлеуметтік осал топтарына жататын азаматтарды жалғыз баспанасынан шығаруға тыйым салынған. Қарыз алушыларды қосымша қорғау үшін заң жобасында жылыту маусымында кәмелетке толмаған балалары бар отбасыларға қатысты да осындай тыйым салынады».

Депутаттар банктен бөлек, микрокредиттік ұйымдар жұмысына шүйлікті. Олар  қарыздың бұл түрін мүлдем алып тастау туралы бұған дейін де айтқан. Қазір бұл ұсыныс Үкіметтің қарауына жіберіліпті. 

ЕРЖАН БЕЙСЕНБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Қазір азаматтардың көбі жалақыға дейін күн көру үшін микрокредиттер алуға мәжбүр. Бұл – өте қауіпті құбылыс. Өйткені мұндай қарыздың пайызы аса жоғары. Тіпті кейбір жағдайда 1 мың пайызға дейін жетеді. Қазір бұл – кепілсіз қарыз алудың өте оңай жолы. Ақша тез әрі қарыз алушының табыс деңгейі есепке алынбай беріледі. Дәл осы сегментте жастар өте көп кредит алып жатыр, ал кейбірінің басында 2-3 кредитке дейін бар. Әрине кредит деңгейінің өсуімен проблемалық кредиттер саны да артып жатыр. Бүгінде проблемалық несиелер бойынша жалпы қарыз 1,7 трлн теңгеден асады. Зобасында ұйымдардың осындай микрокредиттер беруіне қойылатын талаптарды қатаңдату көзделе ме?»

ҮНЗИЛА ШАПАҚ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Бүгін заңнамалық тұрғыда жалақыға дейін микрокредит беру мүмкіндігі қарастырылған. Ол 45 күнге дейін 50 АЕК сомасында беріледі, бұл – 184 600 теңге. Бұл пидель деп аталатын шағын несиелер қарыз жүктемесін тиісті бағалаусыз қашықтан беріледі. Сондықтан бүгінде пидель сегметінде 60 компания жұмыс істейді. Олар жоғары ставка бойынша тұрғындарға микрокредитті бере береді. Заң жобасында проблемалық берешектің өсуіне жол бермес үшін жеке тұлғаға, егер оның бұрын алған пидель қарызы болса, күнтізбелік 90 күннен кешіктірілген берешегі болса, мұндай жағдайда микрокредит алуға тыйым салу туралы норманы енгізу жағы қарастырылып жатыр».

МАҚСАТ ТОЛЫҚБАЙ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Өздеріңіз білетіндей, бізде кредиттің пайызы өте жоғары. Жылдық сыйақы мөлшері 2012 жылдан бері 56%-дан түскен жоқ. Бұл мәселенің Мәжіліс қабырғасында көтеріліп келе жатқанына 13 жыл болды. Тағы да ақымақ болып қаламыз ба деп қорқып отырмын. Өткенде жұмыс топтарында агенттік өкілдеріне жылдық сыйақы мөлшерін 42% деп бекітейік деп ұсыныс айттық. Бізді қолдағандай болды. Бүгін енді басшысы келіп, 50% деп қарастырамыз деп отыр. Неге 45% емес, неге 48% емес? Неге 50%? Мұны қалай зерттедіңіздер? Себебі неде? Бұл дегеніміз тағы да халықтың 40%-ы екінші деңгейлі банк акционерлерін байытып отыра береді деген сөз».

Осылайша депутаттардың сынына ұшыраған кредит туралы жаңа заң бәрібір көпшілік дауыспен бірінші оқылымда мақұлданып кетті. 

https://www.youtube.com/embed/jezcCe6jF2o?si=IqKqlXoBRgjcB6Y6" 

Педагогтардың мәртебесін арттыруға қатысты қабылданған заң, айтулы саланың қайта түлеуіне жол ашты. Статистикалық дерек көздеріне сүйенетін болсақ, соңғы жылдары ұстаздық мамандығын алып жатқан жастардың қатары күрт көбейген. Оған бірден бір себеп жалақының жақсаруы, жаңа технологиялардың қол жетімділігі дейді оқу ордаларының басшылары.Келесі тақырыпқа назар аударсақ.

Бұл келешек ұстаздардың ұстаханасына айналған №1 Алматы қазақ мемлекеттік гуманитарлық – педагогтік колледжі. Іргесі 1978 жылы қаланған оқу ордасынан тәлім алған  түлектер, ұстаздық деген ұлы мұратқа жетіп, еліміздің барлық аймағында жастарды тәрбиелеуде. Жаңа бағытқа қадам басқан білім ошағының ұстаздары халықаралық тағылымдамалардан өтіп келіп жатыр.

МАГИШАТ ТАСҚАЛИҚЫЗЫ №1 АҚМГПК ДИРЕКТОРЫ

21 ғасыр,жаңа технологияның уақыты.Бүгінде әлем елдерінде барлық салаларда жасанды интелектке көңіл бөліп жатыр. Бұл өз кезегінде санаға сілкініс беріп,технологияның тілімен жоқтан барды жасауға мүмкіндік береді.Бүгін аталмыш білім ошағында геймификацияға студенттерді бейімдеу тақырыбына бағытталған басқосу орын алды. Онда аталмыш жүйенің жастарға берерін сөз етті.

МАГИШАТ ТАСҚАЛИҚЫЗЫ №1 АҚМГПК ДИРЕКТОРЫ

https://www.youtube.com/embed/VJAja1G_EMk?si=pwWeLIBvkbX9s2qp" 

Қазақстанның 10 облысында су тасқыны болуы мүмкін. Бақылауға алынған елді-мекендер тізімінде Солтүстік Қазақстан облысыда бар.Бұл туралы «Қазгидромет» мамандары мәлім етті. Синоптиктердің ақпараты бойынша облыс орталығында су деңгейі өткен жылмен салыстарғанда 50-80 сатиметрге жоғары болмақ. 

«Қазгидромет» мамандарының болжамынша биыл су тасқыны болмақ. Облыста 90-ға тарта ауыл еріген қар суының астында қалуы ықтимал. Себебі биыл қардың қалыңдығы мен оның құрамындағы ылғалдың мөлшері шамадан тыс жоғары. Бір ғана Сергеев су коймасындағы ағын мөлшері өткен жылмен салыстырғанда 57 пайызға артқан.

ҚЫМБАТ МЕРҒАЛЫМОВА – «ҚАЗГИДРОМЕТ» РМК СҚО ФИЛИАЛЫНЫҢ ДИРЕКТОРЫ: «Бүгінгі таңда ең өзекті мәселе облыс бойынша су тасқыны мәселесі. Негізгі гидрологиялық болжам шығарылады. Болжамға сәйкес көктемгі су тасқынын ағынының күтілетін көлемі Сергеев су коймасында ағын 1 млрд 600-2млрд 400 млн мекше метр болмақ». 

Жыл сайын су тасқынның алдын алу жұмыстары жүргізіледі. Су басу қаупі жоғары елді-мекендерден мыңдаған текше метр қар да шығарылып жатыр. Өйткені күн жылынса, еріген қардың суы топыраққа сіңбей, елдің есін шығарады.

ҚЫМБАТ МЕРҒАЛЫМОВА – «ҚАЗГИДРОМЕТ» РМК СҚО ФИЛИАЛЫНЫҢ ДИРЕКТОРЫ: «Наурызға арналған болжамға сәйкес бірінші және екінші онкүндікте орташа тәулік температурасы сақталады.Қар жамылғысы ылғалдың жиналуы жалғасады. Үшінші онкүндіктің екінші жартысында айтарлықтай жылыну болжанады. Бұл белсенді қар еруіне әкеледі». 

Синоптиктердің мәліметінше, сәуір айында өңірдегі жауын-шашын мөлшері әдеттегіден көп болмақ. Сондықтан сақтық шаралары басты мәселе екендігін тілге тиек етуде.

https://www.youtube.com/embed/fvOjj90DlnQ?si=oP6DiQwNvxgRh72-" 

Бүгін Мемлекет басшысы Қасым-Жомарт Тоқаев  Ішкі істер министрі Ержан Сәденовті қабылдады.Ержан Сәденов елімізде «Заң және тәртіп» қағидатын орнықтыру, кез келген құқық бұзушылыққа мүлдем төзбеушілік жағдайын қалыптастыру мақсатында жүргізіліп жатқан жұмыстар жөнінде есеп берді.Ведомство өз қызметі барысында Президенттің Ішкі істер министрлігінің кеңейтілген алқа отырысында берген тапсырмаларына сәйкес құқық бұзушылықтың алдын алу және азаматтардың құқықтық сауатын арттыру мәселелеріне баса мән беріп отырғанын баяндады.

ЕРЖАН СӘДЕНОВ ҚР ІШКІ ІСТЕР МИНИСТРІ

https://www.youtube.com/embed/q_-sGTNE89U?si=MK2io9arDqIBaUlf" 

https://www.youtube.com/embed/YVdxySAWRmY?si=kj-gUvT8WniIeZGV" 

Филиппиндік тұрғын үйін қоғамдық кітапханаға айналдырды. Эрнандо Гуанлао кітапханасын «Оқырман клубы 2000» деп атады.

Филиппинің қарт тұрғыны үйін қоғамдық кітапханаға айналдырды. Мұндай шешімге ол осыдан 20 жыл бұрын келген. Эрнандо Гуанглао 50 кітапты үйінің сыртындағы тротуарға жайып тастады. Зейнеткер Манила қаласының орталығына жақын жерде тұрады. Зейнеткер кітапхананы «Оқырман клубы 2000» деп атады және адамдарға кітаптарды ұсына бастады.

ЭРНАНДО ГУАНЛАО КІТАПХАНА ИЕСІ: «Менің миссиям – пайдаланылған және сыйға берілген кітаптарды оқуға тегін беру және әдебиет арқылы білім беруді насихаттау».

Филиппиндегі балалар білім алуда үлкен қиындықтарға тап болады. Мемлекеттік мектептерде білім нашар. Десе де оқушылар саны өте көп және орын жеткіліксіз. Жекеменшік мектептерде  орын жетеді, бірақ ата-аналардың оқу ақысын төлеуге мүмкіндігі жоқ. Соның салдарынан көптеген бала білімсіз қалады. Кітаптар да қымбат болғандықтан бәріне бірдей қолжетімді емес.

РОН КАСТРО ОҚЫРМАН: «Оңтүстік-Шығыс Азияның басқа елдерімен салыстырғанда біздің балаларымыздың сауаттылығы төмен. Сонымен қатар, кітаптардың бағасы айтарлықтай қымбат. Сондықтан бұл кітапхананың адамдарға көмегі зор».

Эрнандоның кітап қоры бай. Оның идеясын құптағандар көп болды. Олар жеке кітапханаға кітаптарды сыйға тарттып жатыр.

ЭРНАНДО ГУАНЛАО КІТАПХАНА ИЕСІ: «Мен үшін бұдан асқан бақыт жоқ Бұл мені де, басқаларды да қуантады. Мұны істеу соншалықты қиын емес. Мен мемлекеттік органдарда жұмыс істемейтін шығармын, бірақ мен адамдарға кітап жеткізетін көпір іспеттімін».

Қазір кітапханада мыңдаған әдебиет бар. Роман мен фантастикадан бастап көркем әдебиетіне дейін. Оның үстіне, адамдар Эрнандоға кітап беруді жалғастыруда. Ал ол кітапхананы қолымнан келгенше сақтаймын дейді.

https://www.youtube.com/embed/BN7cmFwtT4Q?si=XeruaNbugqkwVx3p" 

Қатты жауған жаңбыр салдарынан Аргенитаның Корриентес провинциясын су басты. Тұрғындар биліктен көмек жоқ екенін айтып, шағымданып жатыр.

Бұл Аргентинаның солтүстік-шығысында орналасқан Корриентес қаласымен аттас провинция. Бірнеше күннен бері су астында қалды.

КОРРИЕНТЕС ПРОВИНЦИЯСЫНЫҢ ТҰРҒЫНЫ: «Көптеген көршіміз бәрінен – барлық заттарынан айырылды. Үйдің ішіне кіріп көріңіз, түк жоқ».

Су тасқынына демалыс күндері аймақта жауған толассыз жауын себеп болды. Қалаға 300 миллиметр жауын-шашын түсті. Билік мұны Корриентес тарихындағы ең нашар климаттық апат деп атады. Жергілікті тұрғындар үкіметтен ешқандай көмек көрмедік деп шағымдануда.

КОРРИЕНТЕС ПРОВИНЦИЯСЫНЫҢ ТҰРҒЫНЫ: «Бізге ешкім келмейді. Провинция билігі мүлдем көмектеспейді.Жәрдем жоқ. Адамдар су астында қалып жатсада, ешкім  қол ұшын бермеді. Бұл дұрыс емес».

Корриентес провинциясында су тасқыны салдарынан 800-ден астам адам эвакуацияланды.

https://www.youtube.com/embed/_Su_284E64M?si=CUdTsClkW9Y4crJp" 

Әскерге бару – азаматтық парыз. Қызылорда қаласынан наурыз айына жоспарланған 32 жас жауынгер әскер қатарына алынды. Отан алдында ант берген жастардың игі шарасына назар аударсақ.

Қазақстан Республикасын қорғау – әрбір азаматтың қасиетті борышы әрі міндеті. Әскери қызмет ел шекарасын берік күзетіп, тыныштықты сақтау. Мерзімді әскерге шақырту алған сарбаздардың барлығы психологиялық, кәсіби және медициналық тексерістен өткен. Сарбаздарды бір жылдық сапарға шығарып салуға жиналған туған-туыстары ел ертеңі болар ерлерге ақ баталарын берді. 

АСАН ХУДОЯРОВ «ЗАСТАВА ТАРЛАНДАРЫ» РБ ҚЫЗЫЛОРДА ОБЛЫСЫ БОЙЫНША ФИЛИАЛЫНЫҢ ТӨРАҒАСЫ

Қазіргі таңда Отан алдындағы борышын өтеуге аттанған сарбаздар үшін көптеген мүмкіндіктер бар. Мәселен, жоғары оқу орындарында тегін білім алу, несиелері барлардың берешекті өтеу уақытын тоқтата тұру сынды жағдайлар қарастырылған. Жас сарбаздар  «Ұлттық қауіпсіздік комитетінің» шекара қызметі әскери бөлімінде өз борыштарын өтейтін болады.

НҰРБОЛ АБДУАЙТ ЖАС САРБАЗ

Аталған шарада жақындары мен туыстары болашақ әскери қызметшілерге сәттілік  тілесе, қаламыздың өнерпаздары концерттік бағдарлама ұсынып, ел қорғандарын шығарып салды.

https://www.youtube.com/embed/kneNNOADKe8?si=W6lkP2G2UdclKpOP" 

Бурабай және Бұланды аудандарының 45 тұрғыны жаппай алаяқтың арбауына түсіп, полицейлерге шағым түсірген. Аудандық полиция бөлімінің тергеушілері алаяқтық фактісі бойынша тергеу амалдарын жүргізуде.

Жәбірленушілердің бірі былтыр ақшалай несиені онлайн рәсімдей алмай, таныс келішектің көмегіне жүгінген. Ол өз кезегінде қажетті қаражатты банктегі таныс менеджері рәсімдеуге көмектесе алатынын айтады. Бірақ, күдікті міндетті шарт ретінде жалпы соманың жартысын беруін сұраған, одан қалды, алғашқы 6 ай несиені өзі төлейтінін айтқан. Осылайша, алаяқ өтініш берушіге 13 миллион теңгеге несие рәсімдеуге көмектесіп, жартысын өзі иемденген. Қазіргі таңда, алаяқ уақытша ұстау изоляторына қамауға алынды. Ал, полицейлерге шағымданушылардың саны күн сайын артып отыр. Айта кетейік, алаяқ әйел Бұланды ауданының орталығы Макинск қаласының тұрғыны.
 
ГҮЛНӘР ПИНЧУК АҚМОЛА ОБЛЫСТЫҚ ПОЛИЦИЯ ДЕПАРТАМЕНТІ БАСТЫҒЫНЫҢ БАСПАСӨЗ ХАТШЫСЫ: «Қазақстан Республикасы Қылмыстық Кодексінің 190-бабы бойынша сотқа дейінгі тергеу амалдары басталды. Ақмолалықтарды несие рәсімдеу кезінде көмек көрсетіп, оңай олжаға кенелтемін дейтін үшінші тұлғалардың арбауына түсіп қалмауға шақырамыз». 

https://www.youtube.com/embed/ovBnd8H3CnI?si=_UzogGPNybSHm7VS" 

Жастарды қоғамға қажетті салаға бейімдеу, уақыт талабы. Бүгінде сұранысқа ие мамандықтарға студенттерді машықтандыру жүйесі қарқынды түрде жүзеге асып келеді.Статистикалық дереккөз бойынша құрылыс, машина жасу, дәнекерлеу істеріне қызығушылық арта бастапты. Сапалы кадр жерде қалмайды,демек жұмысқа тұру мүмкіндігі де жоғары болмақ.Алматыда білім басқармасының қолдауымен студенттерге шетелдік талаптарға сай  білім беру технологиясы қолға алынған.Соның бірі «Кайдзен» жүйесі.

ХАЙРУЛЛА БАЙДІЛДАҰЛЫ ӨНДІРІС КОМПАНИЯСЫНЫҢ ДИРЕКТОРЫ

«Кайдзен» технологиясы жастарды тікелей өндіріс орындарымен байланыстырады.Сонымен қатар неміс тазалығы мен ұқыптылығына үйретеді. Бүгінде студенттерді неміс тіліне баулып,оларды Германияға өндірістік практикаға жіберу күн тәртібіне қойылған.

БОЛАТЖАН БОЗЫМБАЕВ АЭМК ДИРЕКТОРЫ

https://www.youtube.com/embed/rI5Iapmxjho?si=cDdPJEKGiU89nVU6" 

Бүгін Алматыда жол активтерінің ұлттық сапа орталығының жергілікті атқарушы орган өкілдеріне арналған оқу-семинары өтті. Жиынның мақсаты - жергілікті мамандардың жол құрылысы саласындағы біліктілігін арттыру және автомобиль жолдарының ақуалын жақсарту. 

Жол активтерінің ұлттық сапа ортылығының мәліметінше, Қазақстандағы тұрғын үй коммуналдық шаруашылығы, жолаушылар тасымалы және автомобиль жолдары бөлімдеріндегі қызметкерлердің тек 10%-ы жол саласы мамандығын аяқтаған. Аталған салада арнаулы білім алмағандықтан жол құрылысы мен жөндеу жұмыстарында сметалық құжаттарды толтыруда, тапсырыс беруші тарапынан техникалық құжаттарды даярлауда олқылықтар орын алып, түрлі қателіктер кетуде. Осындай кемшіліктердің алдын алу үшін орталық мамандары жергілікті әкімдіктің жол саласына жауапты қызметкерлеріне оқу семинарын ұйымдастырды. Аталған іс-шараға Алматы қаласының аудан әкімдіктері мен қалалық әкімдіктің 30-ға жуық қызметкері қатысты. Сонымен қатар, білікті мамандар қазіргі жол сапасы жөніндегі сауалдарға да жауап берді. 
 
ҚУАНЫШ ТӨЛЕУХАНОВ ЖОЛ АКТИВТЕРІНІҢ ҰЛТТЫҚ САПА ОРТАЛЫҒЫ САПАНЫ БАҚЫЛАУ ДЕПАРТАМЕНТІНІҢ БАСШЫСЫ:
«Қазіргі уақытта жол саласына көп қаражат бөлініп жатыр. Сондай-ақ, әлемдік стандарттарға сай жаңадан асфальт-бетондар салынып жатыр. Сондай-ақ, республикалық маңызы бар жолдарға жоғары қабаттарына полимер асфальт-бетондар қолданылады. Осы өзіміздің ірі мегаполистерді алғанда, Алматы-Астана қаласы бойынша үлкен магистральді жолдарда қала ішіне полимер асфальт-бетондар кеңінен қолданылып жатыр. Оның пайдасы – қарапайым асфальт жолдарға қарағанда ұзақ уақыт ақаусыз қолданыста болады». 

Сондай-ақ, мамандар жол салу кезінде орын алатын заңсыздықтар болса, тапсырыс берушіге қандай шаралар қолданатындығын да тілге тиек етті. Айтуларынша мердігер компанияға немесе авторлық-технозорлық мекемелерге арнайы айыппұлдар салынады. 

ҚУАНЫШ ТӨЛЕУХАНОВ ЖОЛ АКТИВТЕРІНІҢ ҰЛТТЫҚ САПА ОРТАЛЫҒЫ САПАНЫ БАҚЫЛАУ ДЕПАРТАМЕНТІНІҢ БАСШЫСЫ
«Ол анықталған ақауға байланысты салынады. Мысалы, сол анықталған обьекті бойынша техникалық қадағалау ұйымының инжинеріне шағымдансақ, кемінде 500 мың теңгенің көлемін құрайтын айыппұлдар және де сол сәйкестікке әкелген технозорлардың көбісі өздерінің аттестаттарынан айырылу жазасы да қарстырылған. Болмаса 6 айға немесе 3 жылға аттестанын айырып тастау жазасы да қолданылады». 

https://www.youtube.com/embed/Cv_lVk57Wrs?si=wqvfH6kg3Jor-cS3" 

«Ауыр қылмыс жасады» деген күдікпен бірнеше ұйымдасқан қылмыстық топ ұсталды. Нақтырақ айтқанда жыл басынан бері еліміз бойынша полицейлер 130-дан астам бопасалаушылық қылмыспен айналысқан фактілерді ашты. Олардың арасында алаяқтық, ұрлық, тонау, қорқыту жолдарымен ақша тапқан   студенттер де бар.  Бұл туралы ІІМ ресми өкілі Шыңғыс Алекешев айтты. 

ШЫҢҒЫС АЛЕКЕШЕВ ҚР ІІМ РЕСМИ ӨКІЛІ:« 8 ақпанда ауыр қылмыс жасады деп күдікке ілінген Қызылорда облысының алты тұрғыны Астана – Павлодар автожолында ұсталды. Мысалы, олар екі танысын күштеп көлікке отырғызып, пәтерге алып келіп, ұрып-соғып, қару-жарақпен қорқытып, екі күн бойы ұстап, 300 мың теңге мен ұялы телефондарын тартып алған. Сонымен қатар тағы бір миллион теңге талап еткен. Жәбірленушілердің бірі қашпақ болып, бесінші қабаттан секіріп кетіп, көптеген жарақат алды. Күдіктілер екінші жәбірленушіні көлікке отырғызып алып, ізін суытпақ болған кезде ұсталды. Бұл факті бойынша Қылмыстық кодекстің бірнеше бабымен қылмыстық іс тергеліп жатыр».

Тәртіп сақшылары ел азаматтарынан қандай да бір қылмыстың жасалғанына куә болса, бірден полицияға хабарласуларын сұрайды. Өйткені, басты мақсат- ел тыныштығы мен азаматтар қауіпсіздігі.