https://www.youtube.com/embed/Xo1lxmeXvPg?si=b2ZKgc1g8DxIp4g3" 

Бостандыққа шығатын педофильдерді өмір бойы бақылауда ұстау керек. Өйткені, бұл азғындар ешқашан өзгермейді. Осылай деген мәжіліс депутаты Асхат Аймағамбетов педофильдерге қатысты заң асығыс қабылданып кеткенін айтады. Одан бөлек мәжілісмендер жас балалардың насыбай атып жүргеніне алаңдайды. Сондықтан, бұл мәселеге Үкімет өзі араласып, насыбайға қатысты заң талаптарын барынша қатайтып, оған мүлдем тиым салу жөнінде шешім қабылдауы керек дейді. Толығырақ алдағы бейнесюжетте.

Бүгін депутаттар маңызды заң жобасын талқылады. Үш сағаттан астам уақыт бойы олар Қылмыстық, Қылмыстық-процестік және Қылмыстық-атқару кодекстеріне енетін өзгерістер мен толықтырулар туралы құжатты қарады. Жаңа заңға сәйкес енді құқық қорғау органдарына қылмыстық істің кем кетігін түзеуге мүмкіндік берілмейді. Алқабилерге қатысты да жаңашылдық бар. Енді судья алқабилермен бір бөлмеде қалмайды. Демек, олар шешімді судьясыз қабылдайды. Бірақ депутаттар бұл заң жобасы да шикі болып қала ма деп алаңдайды. Себебі, бұған дейін бір апта бұрынғы әйелдер мен балалардың құқығы және қауіпсіздігі туралы құжат асығыс қабылданып кетті дейді. 

АСХАТ АЙМАҒАМБЕТОВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Бірнеше апта бұрын өте маңызды заңды қабылдадық. Ол – педофилдерді өмір бойы бас бостандығанын айыру. Олар енді өмір бойы түрмеде отыруы керек. Бірақ бұл норма мұның алдында сотталған педофилдерге қатысты болмайды. Яғни алдында сотталғандар бостандыққа шыға береді. Біз бұған бір норманы ұсындық: енді бостандыққа шығатын педофилдерге әкімшілік қадағалау немесе пробациялық бақылауды енгізу. Яғни бостандыққа шығатын педофилдерді енді өмір бойы бақылауда ұстау, олар қайда жұмыс істейді, қай жерде тұрады, керек болса картаға шығаруды ұсыну қажет. Өйткені бұл азғындар, айуандар ешқашан өзгермейді. Оны мен айтып отырған жоқпын, оны бізге ғылым көрсетіп отыр. Бұл түзету, бұл норма неге қолданылған жоқ?»

Ал, Мәжіліс депутаты Ринат Зайытов болса жаңа заңды таныстыруға келген Әділет министріне «Әділетті Қазақстан» қашан орнайды деп  сұрақты төтесінен қойған еді. Алайда, жауапты ведомство басшысы депутаттың бұл сұрағына мардымды жауап бере алмады. Мемлекеттік органдарымен пысықтап, қосымша жазбаша жауап беремін деп құтылды. 

РИНАТ ЗАЙЫТОВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «429-бапқа қатысты ұсыныс беріп отырмыз. 429-бапта өзіңіз білетіндей, “қоғамнан оқшаулауды қамтамасыз ететін мекемесінің қызметкеріне және оның жақындарына, сондай-ақ сотталған адамға қатысты күш қолдану қатерін төндіру немесе олардың денсаулығына немесе өміріне қол сұғу” дейді. Бұл қалай? Біз Қылмыстық кодекстің бір бабымен адамды соттап отырмыз, ал екінші бабымен қорғап отырмыз... Бұл неге жол ашып отыр? Мекеме әкімшілігімен келісімге барып алып, басқа сотталушыларға зорлық-зомбылық көрсетіп отырған фактілер жетерлік. Екінші сұрағым бүгінгі заңға қатысты болмаса да, айтатын басқа жерім жоқ... Сондықтан айтуға мәжбүрмін. Ішкі істер министрлігі, Бас Прокуратура, Жоғарғы соттың өкілдеріне: Біздің Президенттің халыққа үміт берген бір сөзі “Әділетті Қазақстан” деген сөз еді. Қазір Қазақстанда кез келген адамды көшеден алып кете салып, қамай алатын ІІМ бар, оған жоқ жерден айып тағатын Прокуратура бар, оған шешім шығара салатын Сот бар. Осы орайда “Әділетті Қазақстан” орнатуды қашанға жоспарлап отырсыздар?»

Ал, енді бір топ мәжілісмен ертеңгі ұрпақтың денсаулығына алаңдаулы. Мектеп оқушылары жаппай насыбай атып жүр деген олар Ішкі істер министрлігі мен Премьер-Министрдің орынбасары бұл мәселені дереу қолға алып, тоқтату керек деп санайды. 

ЖАРҚЫНБЕК АМАНТАЙҰЛЫ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Бұл депутаттық сауалда көтерілетін мәселе емес еді. Алайда 4-5 сынып оқушыларының еш кедергісіз насыбай атып жүргенін көріп, еріксіз дабыл қағуға мәжбүрміз. Заңда тыйым салынғанына қарамастан, бұл зиянды зат сауда орындарында, базарлар мен дүкендерде бала деп, жас деп қарамай, еркін сатылуда. Бағасы да қолжетімді, ал зияны шаш етектен. Насыбай – не мәдениетке, не әдепке, не гигиенаға сай келмейтін жиіркенішті қалдықтардан жасалатын зат. Өкінішке қарай, бұрын оны тек үлкен адамдар ататын болса, қазіргі кезде мұнымен балғын жастар, тіпті болашақ ана болар қыздар да әуестенетін болған. Олардың саны жыл сайын артып келеді. Бұған қоса, ел үміт күтіп отырған спортшы жастар арасында да бұл кері әдеттің қалыпты жағдайға айналғанын қалай түсінуге болады?!»

Депутат келтірген дерекке сүйенсек, халықтың 10 пайызы насыбай тұтынатын көрінеді. Сатушыларға үкімет еш шектеу қоя алмай отыр. Себебі, қолданыстағы заңға сәйкес насыбай саудасымен ұсталғандарға әуелі ескерту жасалып, кейіннен 5 айлық еспетік көрсеткіш мөлшерінде айыппұл салынады екен. Ал, шағын және орта кәсіпкерлерге салынатын айыппұл 20 айлық есептік көрсеткіш қана. Саудагерлер мұны шыбын шаққан құрлы көрмей отыр дейді. 

https://www.youtube.com/embed/sZSSY59yTjs?si=0NX57VhswAHmJAai" 

https://www.youtube.com/embed/TVxtc7Ad4HQ?si=oAefWpE2pbZ6ZZTd" 

Абай облысында ауа температурасының күрт жылынуынан қар еріп, көпшілікті әбігерге салып жатыр. Баспанасын су басып, бассауғалап қалған қара халық жергілікті биліктен көмек сұрауда.

Абай облысы Бақты ауылында еріген қар суы тұрғындардың түн тыныштығын бұзды. Көше бойын жағалап келген су, қара халықтың мал қорасы мен баспанасына дейін бойлаған. Тұрғындар жауаптылардың жалған сөздеріне наразылық білдіруде.

РАЗИЯ КӨКИЕВА АБАЙ ОБЛЫСЫ БАҚТЫ АУЫЛЫНЫҢ ТҰРҒЫНЫ
«Мына жерде тұрып МЧС-никтар ешқандай су кірген жоқ деп тура біздің дәл үйдің қасында айтып жатыр ғой. Неге кірген жоқ? Жаңағы тұрған үй осы әне ананың бәрі трещина берді. Ана жақтың бәрі, полдың бәріне құлағалы тұр. Мына үй білмеймін, үй болмайды ғой деймін. Өзі жаңа ғана жасаған болатын, әне ананың артын қарашы әне. Мынау шешемнің үйі, түк те су кірген жоқ дейді, неге кірмеді белуардан су көл болды».

ОРАЛХАН ЖАМАТАЕВА АБАЙ ОБЛЫСЫ БАҚТЫ АУЫЛЫНЫҢ ТҰРҒЫНЫ:
"Су кірген жоқ дейді, жоқ су кірді. Неменеге өтірік айтамыз су кіргеннен қорыққанымыздан қашып, баларымда жүрек жоқ совсем. Мектепте мұғалімдер де келеді. Бәрі келеді деп балаларыма тоқтау айтып мектепке паналайын десем, одан шығарып жібергеннен кейін ағамның үйіне бардым".

Баспанасын су басып, бассауғалап қалған қара халық жергілікті биліктен көмек сұрауда. Құтқарушылардың сөзінше су тұрғындардың келісімімен жіберілген.    

АЗАМАТ ОРЫНБАЕВ АБАЙ ОБЛЫСЫ ТӨТЕНШЕ ЖАҒДАЙЛАР ДЕПАРТАМЕНТІ БАСШЫСЫНЫҢ ОРЫНБАСАРЫ:
"Бұл қызыл су келеді ғой. Күн далада ерігенде таулардан келеді де ағысы бүкіл ауылмен ағып кетеді ғой. Сол жерден жырып өткізіп жіберген кезде аулалардың ортасына арнайы өткізген жерлер бар. Оны мысалыға үйдің иесімен келісілген. Мысалы қора мен үйдің ортасымен арнайы өткізіп жібереді. Ол ағындар көп уақыттар алмайды. Жарты сағат, көп болса бір сағаттың ішінде ағып өтіп кетеді".

Су деңгейі қазір айтарлықтай төмендеген. Қардың қарасы әлі болғанымен, су ағысы басты бақылауда тұр.

https://www.youtube.com/embed/m_L35_9LJvE?si=DphZRIhzKmiCumd8" 

Алматы облысына қарасты Жайнақ ауылында "Арлан" бокс клубы ашылды. Осыған орай бокстан жастар және оқушылар арасында халықаралық турнир өтті.

Халықаралық турнирге Қырғызстан, Өзбекстан және еліміздің әр өңірінен 12 команда, 200-ден астам спортшы қатысты. Доданың басты мақсаты -жасөспірімдерді спортқа баулу және жоғары деңгейге көтерілуге ​​мүмкіндік жасау.

КҮМІС ИСАЕВА, «АРЛАН» СПОРТ КЛУБЫНЫҢ БАСҚАРУШЫСЫ

БАУЫРЖАН ЖҰМАБАЕВ, А.ТОҚПАНОВ АУЫЛДЫҚ ОКРУГІНІҢ ӘКІМІ

Ауыл азаматтары болып атсалысқан турнирде қарсылас шақ келтірмей, ел үмітін ақтап жастарымыз жеңіс тұғырынан көрінді.

https://www.youtube.com/embed/9Y2TL0ul99c?si=3TeJVzNwpNXigmc1" 

Сәбиін саудалаған атыраулық әйел 8 жылға сотталды. Атырау сотының шешімімен, сыбайлас болған 4 айыпталушыға шартты түрде 3 жыл мерзімге бас бостандығынан айыру жазасы тағайындалды. Сотталушы жүкті кезінде өзінің материалдық жағдайын жақсарту мақсатында, сәбиін туған соң, отбасылық жұпқа алдын ала келісім бойынша ақшаға сатып жіберген.

Бірнеше уақыттан кейін әйел қайтадан жүкті болған. Сөйтіп, ол баланы басқа мұқтаж отбасына 2,3 миллион теңгеге сатуға бел буған. Бірақ, күдікті қаржыны алған бетте ізім-қайым жоқ болған. Кейін, босанған соң басқа отбасына баласын сатып жіберген.

МЕЙРАМГҮЛ ӨТЕҒҰЛОВА, АТЫРАУ ОБЛЫСТЫҚ СОТЫНЫҢ БАСПАСӨЗ ХАТШЫСЫ
Қылмыстық іс операциялық тәртіпте қаралып, Атырау облыстық сотының қылмыстық істер жөніндегі сот алқасының қаулысымен сот үкімі өзгеріссіз, сотталғандар мен адвокаттардың аппеляциялық шағымдары қанағаттандырылусыз қалдырылды».

https://www.youtube.com/embed/QfctbOhmzFk?si=aNC4P0BFOOebVE4_" 

Бүгін 74 жасқа қараған шағында қазақ прозасына «Аспанқора», «Шал мен жылқы», «Құралайдың салқыны» сияқты классикалық шығармаларды сыйлаған жазушы, бірқатар басылымда бас редактор қызметін атқарған журналист Жұмабай Шаштайұлы өмірден озды.  Жамбыл ауданы, Жамбыл ауылында дүниеге келген қаламгер кезінде «Коммунизм жолы», «Лениншіл жас», «Социалистік Қазақстан» газеттерінде, «Жалын» журналында жұмыс істеді. «Қазақ тілі» қоғамының Алматы облыстық комитеті төрағасының орынбасары қызметін атқарды.

Кейін «Жас Алаш», «Қазақ әдебиеті» газеттерінде істеп, «Заман-Қазақстан» газетінің, сосын Қазақ радиосының бас редакторы қызметтерін атқарды. «Қазақ әдебиеті» газетінде бас редактор болған. Ол оқырманға «Қызыл қар» , «Жала мен нала», «Жыр жолбарыс», «Біздің заманның Аяз биі» , «Жаңғырық» шығармаларымен таныс.

Ал телеарна көрермендері оны «Үзеңгі жолдас» телехабары арқылы жақсы біледі. Ол Халықаралық Жамбыл атындағы сыйлықтың лауреаты, ҚР Президентінің стипендиаты, ҚР Еңбек сіңірген қайраткері,  Халықаралық «Алаш» сыйлығының лауреаты  атақтарын иеленген.

Мемлекет басшысы жазушы Жұмабай Шаштайұлының отбасы мен жақын туыстарына көңіл айту жеделхатын жолдады.
«Жұмабай Шаштайұлы қазақ әдебиетіне өзіндік қолтаңбасын қалдырып, руханиятымыздың дамуына елеулі үлес қосты. Шығармалары кеңінен насихатталып, оқырман тарапынан жоғары бағаланды. Өнегелі ғұмыр кешкен Жұмабай Шаштайұлының есімі мен жарқын бейнесі халқымыздың жүрегінде мәңгі сақталады. Марқұмның иманы саламат, жаны жәннатта болсын», – деп жазылған жеделхатта.

https://www.youtube.com/embed/t7H9uZqThoU?si=EpkudP4ANlnKnr43" 

Қосшы қаласының полицейлері «әскери билетті» заңсыз жасамақ болған күдіктіге қатысты қылмыстық іс қозғады. Нақтырақ айтсақ, аталмыш қала тұрғыны елордалық азаматқа әскери билет жасап беретінін және көлік құжаттарын рәсімдеуге көмектесетінін айтқан. Танысының бір ауыз сөзіне сенген астаналық оған айтылған қаражатты ойланбастан аударып жіберген. Бірақ, ол не құжаттарды әзірлемей, не ақшасын қайтармай ізім-ғайым жоқ болған. Алданғанын түсінген азамат полицияға шағым түсірді.

ГҮЛНӘР ПИНЧУК, АҚМОЛА ОБЛЫСТЫҚ ПОЛИЦИЯ ДЕПАРТАМЕНТІНІҢ РЕСМИ ӨКІЛІ  Ақмолалық қызметі үшін 260 мың теңге сұраған. Қазіргі таңда, бұл іс алаяқтық ретінде тексеріліп жатыр, күдіктінің жеке басы анықталды. Облыс тұрғындарын мұқият болуға шақырамыз. Ақша, құжат немесе басқа да ақпараттарды таратпауды, белгілі бір мәселені оңай шешіп беруге көмектесемін дейтіндерге сенбеуді сұраймыз .

https://www.youtube.com/embed/9b1TWrsVYvc?si=UICjRvfI-8BHhfC6" 

Мемлекет басшысы Қасым-Жомарт Тоқаев  Ильхам Әлиевпен бірге Физули қаласындағы қираған жерлерді аралап көріп, шаһарды дамытуға арналған бас жоспармен танысты.

Мемлекет басшысын Физули қаласының әуежайында Әзербайжан Президенті Ильхам Әлиев қарсы алды. Қасым-Жомарт Тоқаев Әзербайжан Республикасына жасаған мемлекеттік сапарының екінші күні Физули қаласындағы қираған жерлерді аралап көріп, шаһарды дамытуға арналған бас жоспармен танысты.

Мемлекеттер басшыларына қаланы және оның төңірегіндегі аумақтарды қайта қалпына келтіру үшін қолға алынған шаралар туралы мәлімет берілді. Сондай-ақ шаһардың жаңа келбеті: келешек әкімшілік орталықтың, саябақтың және басқа да маңызды нысандардың эскиздері мен жобалары көрсетілді.

Бұдан бөлек, екі ел президенттеріне қазіргі уақытта қалада ауқымды құрылыс және қайта қалпына келтіру жұмыстары жүргізіліп жатқаны жөнінде баяндалды. Былтыр мамыр айында қала ішіндегі көшелер мен жолдар желісінің негізі қаланып, ауызсумен қамтамасыз ету, кәріз және жауын суының ағып кету жүйесін тарту жұмыстары басталған.

Сондай-ақ цифрлық қосалқы станция мен «Физули» басқару орталығы іске қосылған. Сонымен қатар бір мезгілде әкімшілік ғимараттардың, коммуналдық үй-жайлардың, тұрғын үй кварталының құрылысы басталған. Қазір Физулиде 38 көпқабатты ғимараттың құрылысы жүргізіліп жатыр.

https://www.youtube.com/embed/hDpcHoAh2T0?si=tlsEGqgddyUdT_A4" 

https://www.youtube.com/embed/ypa-n8TTNKI?si=j3qXki6AtIVTDJFJ" 

Музей үйіне 113 млн жыл бұрын Тетис мұхитында тіршілік еткен ихтиозаврдың қаңқасы қойылды. Олардың сүйектері мен тістері 2019 жылы Маңғыстау жерінен табылған болатын.

2019 жылы Маңғыстаудың Шетпе ауылы Сулы қапы жерінен табылған қаңқаларды негізінен 6 жарым метрлік етіп құрау жоспарда болған. Дегенмен, музей ішіне тек 1 метр 70 см көлемі тура келген. Оның өзіне мамандар жарты жылға жуық уақыт жұмсаған.

АЛИНА БИСЕМБАЕВА, ЖӘДІГЕРЛЕРДІ ҚАЛПЫНА КЕЛТІРУШІ: «Ихтиозаврды бірінші рет құрастырып шығардым. Көптеген деректерді ақтарып, шынайы тұрпатына ұқсатуға барымызды салдық. 45 қабырғасы болуы тиіс еді. Аздап өлшемін өзгертіп, 21 қабырғамен жасап шықтым. Аяқтарын құру қиынға соқты, сына берді. Металмен бекітуге тура келді».

Негізінен Маңғыстау бұрын Тетис мұхиты болған. Тарихқа сүйенсек, 100-113 млн жыл бұрын ихтиозаврлар суда тіршілік еткен. Мезозой заманынының дәуірі кезінде жаһандық жылыну орнап, салдарынан ихтиозаврлар жойылып кеткен. Ихтиозаврлардың дене ұзындығы 6-7 метр, көзі 20 см көлемінде, бас сүйегі бір метрден асса, аяқтары екі метрге жеткен. Олар өте жылдам әрі киттер секілді жүзе алатын болған деседі. Терісі қара-көкшіл, тістері өткір. Олардың қорегі: балық пен теңіз жәндігі.

САЛИМА ҮСЕНОВА, МАҢҒЫСТАУ ОБЛЫСТЫҚ Ә.КЕКІЛБАЕВ АТЫНДАҒЫ МУЗЕЙДІҢ МАМАНЫ «Баласын құрсағында көтеріп дүниеге әкелетін жыртқыш жануар болған. Суда еркін жүзген. Бір ерекшелігі - балық сияқты желбезектерімен емес, өкпемен тыныс алған. Өкпесіне оттекті жинау үшін су бетіне қалқып шыққан».

КӨРКЕМ САЗДЫБАЙ, ӨҢІР ТҰРҒЫНЫ: «Маған өте ұнаған ихтиозаврлар өте қорқынышты көрінеді. Дауысын музыкамен қосқанда ғажап екен. Мультфильм, кинодан қарайтын едік. Өтірік шығар деп ойладық. Шын екен».

Сондай ақ, теңіз жыртқышының сүйектері бір айға жуық қазылған. Сипаттама беруге Ресейден мамандар арнайы шақыртылған. 

https://www.youtube.com/embed/Lgtm4O56fmg?si=bt-VYbx-A6Uh2xOw" 

Бауыр еті баласының тағдырына алаңдамайтын әкелердің мүлкі тәркіленуде. Оралда алимент төлемей, қашып жүрген әкелердің құны 3 млн 300 мың теңгені құрайтын «Volkswagen Passat» және "Ваз-2110" маркалы 2 көлік тәркіленіп, айып тұрағына қамалды. БҚО-да алимент бойынша қарыздарды азайтуға бағытталған "Алимент бойынша 10 қадам" жобасы аясында алимент төлеуден жалтарып жүрген азаматтарды анықтау және ұстау бойынша рейдтік шаралар жүргізілуде.  Қазіргі уақытта сот орындаушылары мүлікті бағалау және сату бойынша шаралар қабылдауда.

ӘДІЛ НҰРМҰХАНОВ, АҒА ПРОКУРОР

https://www.youtube.com/embed/RT6hPEexPQg?si=OEcwWtY5CuBAhBEa" 

Астанада бұрынғы Ұлттық экономика министрі Қуандық Бишімбаев және оқиға болған гастро-орталықтың директорына қатысты іс бойынша алдын ала тыңдау басталды.Іс елорданың Қылмыстық істер жөніндегі мамандандырылған ауданаралық сотында қаралуда. Бишімбаевтың сотына 80-ге жуық БАҚ өкілдері қатысты.Соттың ақпаратында айтылғандай, күдікті Қуандық Бишімбаевқа ҚР Қылмыстық кодексінің 99-бабы 2-бөлігі 5-тармағы бойынша адам өлтіру, қасақана, аса қатыгездікпен адам өлтіру, Қылмыстық кодекстің 110-бабы 2-бөлігі 1-тармағы бойынша материалдық жағынан тәуелдi адамды жүйелі түрде ұрып-соғу немесе өзге де зорлық-зомбылық әрекеттері арқылы физикалық және психикалық қинау фактісі бойынша айып тағылып отыр.

Ал екінші күдікті Бақытжан Байжановқа Қылмыстық кодекстің 432-бабы бойынша аса ауыр қылмысты жасыру және Қылмыстық кодекстің 434-бабы бойынша аса ауыр қылмыс жасағаны туралы хабарламау фактісі бойынша айып тағылған.