https://www.youtube.com/embed/8GUN9bNKsF0?si=oLBe6TDLwKLeIpr6" 

Кениядағы Лойсаба қорығында сирек кездесетін қара мүйізтұмсықтар табиғатқа шығарылуда. Мұнда барлығы 21 алып шөпқоректі жануарлар әкелінген. Бұл процесс үш аптаға созылмақ.

Жануарлар Найроби ұлттық саябағында, сондай-ақ Ол-Пежета және Лева қорықтарынан ауланып,  Лойсабаға жеткізілді. Тасымалдау күнге созылды. Қазір мүйізтұмсықтар 230 шаршы шақырым аумақта қоныстануда.

ИСААК ЛЕКОЛУЛ ВЕТЕРИНАР: «Бүкіл қоныстандыру процесінде мониторингпен жұмыс жасадық. Ол мүйізтұмсықтардың қозғалысын бақылап, олардың қалай орналасатынын білу үшін таптырмас құрал болды. Кейбіреулері таңдалған аумаққа қоныстанып үлгерген».

Өткен ғасырда Кенияда 20 000 қара мүйізтұмсық өмір сүрген. 80-жылдары 300-і ғана қалды.Жануарлар үшін басты қауіп - браконьерлер. Мүйізтұмсық мүйіздері Азиядағы қара нарықта керемет ақшаға бағаланады. Сондықтан Африкада заңсыз аңшылық өркендеп тұр.

ДАНИЭЛЬ ОЛЕ ЖАНКЕРЕ ЛОИЗАБА ҚОРЫҒЫНЫҢ ҚЫЗМЕТКЕРІ: «Мүйізтұмсықтардың мұнда жүргеніне 10 жылдай болды. Шамамен 50 жыл бұрын оларды браконьерлер жойып жіберген еді. Енді біз ландшафтты жасартып, мүйізтұмсықтарға олардың популяциясының көбеюіне мүмкіндік бергіміз келеді».

Қазір Кенияда 1000-нан астам қара мүйізтұмсық бар. Кейбір қорықтарда олар үшін орын жеткіліксіз.

ДЭВИД ИНДИРЕ КЕНИЯ ЖАБАЙЫ ТАБИҒАТ ҚЫЗМЕТКЕРІ: «Ауданда олардың саны көп болып жатқандықтан көбеж процесі төмен. Сондықтан біз мүйізтұмсықтардың біразын басқа жерге көшірдік».

Лойзаба қорығында мүйізтұмсықтар көп болған кезде, шамамен 20 жануар жаңа аумақтарға көшіріледі. Кенияда 2037 жылға қарай 2000 сирек кездесетін шөпқоректілер болады деп күтілуде.

https://www.youtube.com/embed/lEihR6gKJAc?si=S1kJH5A6jq4fPGQY" 

Батыс Қазақстан облысында адал ақша тауып, нәпақасын тауып жүрген саудагерлер мен білім алып жатқан жастардың ақшасын тонаған қылмыстық топ ұсталды. Әзірге тәртіп сақшыларының құрығына 4 әккі ұры ұсталып, уақытша ұстау изоляторына қамалды. Олардың барлығы студенттер. Қазір айтулы мәселеге қатысты тергеу жұмыстары мен іздестіру шаралары басталды.  

АСЫЛАЙ ҒҰБАШЕВА, БҚО ПД БАСПАСӨЗ ҚЫЗМЕТКЕРІ

https://www.youtube.com/embed/uUwaTtaFzEw?si=AQiuc5wheH_9paLq" 

Әлеуметтік желіде Алматы облысында белгісіз ер адам төрт баланы ұрып-соғып, азаптап, оларға пышақ салғаны туралы ақпарат тарады. Балалардың айқайына көршілері жүгіріп келгенде, олардың аяқ-қолы байлаулы болған. Зардап шеккендердің сөзінше, Бақытжан есімді ер адам үйге басып кірген. Белгілі болғанындай, шабуыл Алматы облысы, Жамбыл ауданында орын алған. Күдіті ұсталды.

БАУЫРЖАН ӘЛЕНОВ, АЛМАТЫ ОБЛЫСТЫҚ ПОЛИЦИЯ ДЕПАРТАМЕНТІНІҢ БАСШЫСЫ: «Қазіргі уақытта ол аудандық полицияның уақытша ұстау изоляторына қамалды және оның қатысуымен тергеу әрекеттері жүргізілуде. Айта кетейік, құрықтау бойынша операция Алматы облысы, Қарасай ауданында өтті.Тергеу барысы менің жеке бақылауыма алынды. Өзге ақпарат Қазақстан Республикасы қылмыстық-процессуалдық кодексінің 201-бабының ережелеріне сәйкес жария етуге жатпайды». 

https://www.youtube.com/embed/TMLWn35mMws?si=4nVMCo-CM_EmmNIX" 

Табиғаттың тосын мінезіне орай, шектеу шаралары Қызылорда облысына қарасты Республикалық маңызы бар жолдарға да қойылды. Айналаны түтеп тұрған боран мен тоқтаусыз жауып тұрған қардың әсерінен бірқатар бағытқа қатынайтын тас жолдар жабылып жатыр. Жол бойында жұмыс жасайтын жүргізушілерге арнайы көмек көрсетілуде. ТЖД халықты сабырлыққа, алыс жолдарға шығуға асықпауды тоқтаусыз айтуда.

ӘКІМ АСҚАРҰЛЫ ҚЫЗЫЛОРДА ОБЛЫСТЫҚ ТӨТЕНШЕ ЖАҒДАЙ ДЕПАРТАМЕНТІНІҢ ИНЖЕНЕРІ

https://www.youtube.com/embed/q8RNjeot8ak?si=6_utHfqmnJYDc7M0" 

«Қытымыр қыстың құрсауында қалып қалмаңыз!» деп қара халықты мамандар құлақдар етіп жатса да ескертуді елемей жолға шыққандар жол бойында қалуда. Бір тәуліктің ішінде құтқарушылар республикалық маңызы бар жолдарда 200-ге жуық адамды дереу жылыту бекеттеріне жеткізген.

«Жол азабын тартқан білер» демекші, Ақмола облысына қарасты Жақсы ауданында автобустар бұзылып, жол бойында қалуда. Бірі Жақсы-Есіл-Бұзылық тас жолында тоқтап қалған. Автобус ішінде 70-ке жуық көрші Өзбекстан елінің жолаушылары болған. Оның 17-сі жастар. Араға 3 сағат салып, дәл осы жерде тағы 54 өзбекстандық қар құрсауында қалған. Ал, Алматыдан Екатеринбургке беттеген 70-ке тарта Тәжікстан азаматтары да діттеген жерлеріне жете алмады.

Мамандар қолдан келгенше  ақұлпаның астында қалған азаматтардың барлығын жылыту бекетіне жеткізді. Зардап шеккендер жоқ. Төтеншеліктер   көлік жүргізушілеріне ескерті жасауда, мүмкіндік болса алыс жолға шықпауды өтінеді.

https://www.youtube.com/embed/iLQlzLeczos?si=yQ7lJOt709dNPcxa" 

Ауа-райының қолайсыздығына байланысты Алматы әуежайынан 12 рейс бойынша әуе кемелері ұша алмай қалды. Бұл туралы  Алматы әуежайының баспасөз қызметі хабарлады. Мамандардың айтуынша толассыз жауған қармен тұманның салдарынан ұшатын рейстер кешіктірілуде.

Компания жолаушыларға рейстің мәртебесін авиакомпанияның сайтынан тексеруді сұрап отыр. Ал билетті қайтару және қайта броньдау мәселелері бойынша сатып алған жерге хабарласу қажетті.

https://www.youtube.com/embed/RqT4X3om3EI?si=TLbgb_jcSWLl-CcV" 

Оңтүстік астанамыз Алматыда жауған қардың салдары көлік қозғалысын қиындатты. Шаһар көшелері көлік кептелісінен көз ашқан жоқ. Мамандар қардың тоқтауын күтті ме, түске дейін қала көшелерін қардан тазарта қоймады.«Қазгидромет» дерегіне келер болсақ,  ауа температурасы минус 20 градусқа дейін төмендейді,тұман түсіп, жолда көктайғақ болады.  

Қалалық коммуналдық инфрақұрылымды дамыту басқармасы атап өткендей, түнгі уақытта көктайғақтың алдын алу мақсатында дислокация орындарында 176 құм таратқыштың кезекшілігі жоспарланған. Қар тазалау жұмыстарына барлығы 483 арнайы техника мен 1180 жол жұмысшысы жұмылдырылған.
 

https://www.youtube.com/embed/BcH0ieEykMI?si=ngIl0ejKTGiozQM_" 

https://www.youtube.com/embed/_tct5dTEU18?si=oLw4rLxUBUTx76DB" 

Үй иесі пәтерін жөндегенде архитектуралық ережелерді қатаң сақтауы керек. Әсіресе, қабырғалардың тұтастығын бұзуға болмайды. Ол қолданыстағы заңға қайшы. Оның үстіне ол қауіпті. Одан бөлек, қайта жобалау кезінде өрт қауіпсіздігі ержелері бұзылады, коммуналдық жүйелерді пайдалану мүмкіндігі нашарлайды. Осы норманы көп меншік иесі түсінбейді. Осылай деген сенатор Жанна Асанова бүгін депутаттық сауал жолдап заңсыз қайта жоспарлағаны үшін жазаны қылмыстық жауапкершілікке дейін қатаңдату және құрылыс нормалары мен ережелерін сақтау мәселесінде, оның ішінде тұрақты тексеру жүргізуде бақылаушы органдардың рөлін күшейтуді ұсынды. 

ЖАННА АСАНОВА ҚР ПАРЛАМЕНТІ МӘЖІЛІСІНІҢ ДЕПУТАТЫ: «Қолданыстағы заңнама көп қабатты үйлердегі пәтерлер мен үй-жайлардың иелеріне есік ауыстыру немесе бөлмелерді біріктіру барысында негізгі қабырғалардың тұтастығын бұзуға тыйым салады. Бірақ көптеген жылдар бойы коммерциялық құрылыс саласында мемлекеттік бақылау азайғаны және жоспарлы тексеруге әлі де тыйым салынғаны баршаға белгілі. Сонымен қатар, көптеген ғимараттар мен тұрғын үйлердің иелері салынған сәттен бастап үйді қайта жобалауды бастайды және заңдастырады. Тиісінше құжаттар рәсімделеді, ал бастапқы нормативтік құжаттар кейбір заңның мұрағатында жатқаны белгілі. Үйдің негізгі қабырғасының тұтастығы бұзылған жағдайда тұрғындардың өздері сараптама жүргізуі керек, бірақ егер ол үй бірнеше рет қайта сатылған болса, онда қайта жобаланғанының заңсыздығын дәлелдеу мүмкін емес».

https://www.youtube.com/embed/iZ5bTzVqV3E?si=6x9o3dm6qOuqYsTv" 

Елім, жерім деп жанталасып жүрген Оралдық әріптесіміз Қаламқас Бисенғалиқызының еміне 20 млн теңге қаражат қажет! Біз уақытты күткенмен, уақыт бізді күтпейді. Толығырақ алдағы материалда.

Арман қуып Алматыға келген жас журналист Қаламқас Бисенғалиқызы қатерлі дертке шалдығып, өмірдің қатал сынағында баз кешуде. Тілші қыз еңбек жолын «ТДК-42» телеарнасында бастаған. Жұмыс пен жеке өмірді қатар алып, емделудің жолын біраз іздеген. Мамандар жас қызға аналық бездің қатерлі ісігі диагнозын қойған. Жанын жегідей жеген дерт, жас ғұмырын да жалмауда.

ФАРИЗА МОЛДАҒАЛИЕВА ҚАЛАМҚАСТЫҢ ЖЕҢГЕСІ

Дамыған заманның арқасында дерттің шипасы Үндістан елінен табылған.

ФАРИЗА  МОЛДАҒАЛИЕВА ҚАЛАМҚАСТЫҢ ЖЕҢГЕСІ

ӨТЕУ МОЛДАҒАЛИЕВ ҚАЛАМҚАСТЫҢ АҒАСЫ

Көмек қолын созамын деген жанашыр жандардан жақындары көмек сұрайды.

https://www.youtube.com/embed/delQvRJUD7U?si=e-SX_dv2Vfp64DQK" 

Нью-Делиде кикбокстан ересектер арасында өткен халықаралық турнирден Данияр Жарасов, Аслан Асылбеков, Нұрсұлтан Жақыповты атты  отандастарымыз алтын медаль алып, көк туымызды тағы бір желбіретті! Сондай-ақ, ел намысын қорғаушылар тағы 21 алтынды қанжығаға байлады.

Айтулы турнирде Қазақстан, Үндістан, Түркия, Сингапур, Өзбекстан, Ирак, Ұлыбритания және Неапольдан келген 620-дан астам кикбоксшы бақ сынады.

ӘДІЛ НҰРЖАУПОВ СҚО БОЙЫНША КИКБОКСТАН АҒА ЖАТТЫҚТЫРУШЫ: «Біздің бұл үш кикбоксшымыз Қазақстан ұлттық құрамасының құрамында өнер көрсетіп жүр және үшеуі де Үндістанда алтын медаль жеңіп алды. Олар біздің облыстың намысын қорғап, бірнеше рет Қазақстан чемпионы атанды. Жаңа жылдың алдында олар Португалияда өткен әлем чемпионатына барып, 2 күміс медаль алып келді».

Спортшылардың ішінде спорт шебері де бар. Солардың бірі – Данияр Жарасов.

ДАНИЯР ЖАРАСОВ ЖЕҢІМПАЗ: «Біз ұлттық құрама командамен 2 жұмалық сбор өттік Алматы қаласында. Содан кейін Нью-Дели деген Индияда международный турнир өтті. Сонда Петропавлдан 3 алтын медаль әкелдік. 3 жекпе-жек өткізіп, үшеуінде де жеңіске жеттім. 2 жекпе-жекті Үндістанның спортшысымен өткізіп, нокаупен жеңдім. Финалдық бойда Ирак бокшысымен 3 раунд есеп бойынша ұттым. Жарыс үлкен дәрежеде өтті».  

Жақында Азия кубогы басталмақ. Жеңімпаз спортшылар алдағы уақытты дайындықты қайта бастамақ. 

https://www.youtube.com/embed/XVPPgrmkJoo?si=TQ8_Eun4rRegBCCL" 

Якутиядағы Лена өзені температураның төмендегінен қатып тұр.Бұл жағдайға қарамастан осы аймақтағы кеме жөндеу зауытының жұмысы арта түседі. 

Қыста мұнда температура минус 50-ге дейін, тіпті одан да төмендейді.    Жұмысшылар кемелердің су астындағы бөліктерін жөндеуге болатындай етіп мұздан тазартады. Олар шынжырлы аралар мен арнайы құралдарды пайдаланады.

МИХАИЛ КЛЮС  ЖҰМЫСШЫ: «Ауа райы суық болса, бензин арасы қатып қалады жұмыс дұрыс жүрмейді. Біз оны жылытып алып ары қарай кірісеміз. Болмаса осылай қолмен жұмыс жасауға тура келеді».

Адамдардың көбісі мұны әлемдегі ең қиын жұмыс деп санайды. Жұмысшылардың өздері мұндай пікірмен келіспейді.Ең бастысы жылы киіну керек дейді Михаил.Ол суық ауа райындағы жұмыс істеген ең төменгі температура минус 63 болған. 

МИХАИЛ КЛЮС  ЖҰМЫСШЫ: «Дұрыс киініңіз - бәрі осы.  Ал сіз жұмыстан келгенде моншадан келгендей боласыз - шешіндіңіз, сізден бу шығады».

Дегенмен, барлық жұмысшылар мұндай жағдайға төзімділік таныта бермейді.

АРТЕМ КОВАЛЕЦ ЖҰМЫСШЫ: «Кейде сіз тоңып қаласыз, содан кейін бір жағымсыздық пайда болады жұмыс істегіңіз келмейді.Үйге қайтып жақсылап тамақтанып, демалғың келеді».

«Мұздату» бірте-бірте жүретін процесс. Алдымен 20 сантиметрлік мұз кесіледі.  Содан кейін олар өзеннің тағы жарты метр қатуын күтеді.Содан кейін олар мұзды кесе бастайды.

МИХАИЛ КЛЮС  ЖҰМЫСШЫ: «Көптеген адамдар бұл жұмысты - кесу және балталау деп ойлайды.  Бұл жерде ойлану керек, жұмысыңды сапалы атқаруың керек.  Өйткені дұрыс емес ісіңізден әп сәтте су астына кетуіңіз мүмкін».

Михаил жұмыстың күрделі және қиын екендігімен келіседі, бірақ ол оны әлемдегі ең қиын деп санамайды.Оның ойынша, одан да қиындары бар.Бүгінгі таңда мұнда Михаил секілді 30 маман жұмыс істеуде.