• TikTok #Наурыз2025 үшінші жыл сайынғы мерекелік онлайн-фестивальдің қорытындысын шығарды. Платформаның қолданушылары бұл бастаманы зор құлшыныспен қолдады: жоба өткен екі аптаның ішінде қазақстандықтар Наурыз мерекесіне қалай дайындалып, қалай атап өтетіні туралы 25 мыңнан астам видео жариялаған. Фестиваль өткізіліп келе жатқан үш жыл ішінде қолданушылар Наурыз мерекесі туралы жалпы саны 180 мыңға жуық видео түсірген.
• Биылғы онлайн-фестиваль серіктестер саны жөнінен де рекорд орнатты. Олар: ҚР Мәдениет және ақпарат министрлігі, ҚР Ғылым және жоғары білім министрлігі, ҚР Туризм және спорт министрлігі, «Kazakh Tourism» ұлттық компаниясы, Visit Shymkent, Алматы туризм бюросы және «Astana Tourism» туризмді дамыту орталығы.
• Онлайн-фестивальге сондай-ақ Қазақстанның түкпір-түкпірінен 24 жоғары оқу орны қатысты.

Қысқа видеолар жасауға арналған TikTok бірегей платформасы бірнеше жылдан бері Қазақстанның бай мәдени мұрасын қолдауға және насихаттауға бағытталған түрлі бастамаларды жүзеге асырып, қазақстандықтардың ұлттық салт-дәстүр көркемдігін бүкіл әлемге паш етуіне мүмкіндік беріп келеді. Осындай бастамалардың бірі, TikTok-та үшінші жыл қатарынан өтіп жатқан – Наурыз мерекесіне арналған онлайн-фестиваль. Платформаның Қазақстандағы мыңдаған қолданушылары көктемнің ең жарқын мерекесін жұмыла атап өттіі.

#Наурыз2025 TikTok-та

Биылғы онлайн-фестивалді TikTok қолданушылары қызу қолдады: небәрі екі апта ішінде олар #Наурыз2025 хэштегімен 25 мыңнан астам видео жариялады. Платформа қолданушылары Наурыз мерекесі туралы жан-жақты баяндады: мерекедегі дәстүрлер мен оның шығу тарихы, ұлттық тағамдар әзірлеу әдісін бөлісіп, ән әуелеп, би шалықтаған мерекелік шаралардан репортаж түсіріп - төл мәдениеттің көркем бейнесін айшықтай түсті.

Ресми серіктестерден бөлек, жобаны TikTok-тағы танымал креатрлар онтент да қолдады. Дарынды домбырашы Жақсы @zhakso_ "Қамажай" әнін ерекше өңдеп орындады, ал @ult_kazynasy білім беру жобасына қатысушылар Наурыз мерекесіне қатысты қызықты деректерді бөлісті. Аспаздық контент жасайтын креатор Сания @saniya_sagiimbaeva керемет безендірілген ұлттық тағамдар әзірлесе, саяхатшы креатор Асет @travelove100 қолданушыларға мерекелік көңіл-күй сыйлады.

Сонымен қатар, TikTok алғаш рет елдің ірі қалалары: Астана, Алматы және Шымкенттегі мерекелік іс-шаралар өткен алаңдарда арнайы интерактив орындар әзірледі. Бұл орындар осы қалалардағы  мыңдаған тұрғындары мен қонақтардың көзайымына айналды. 

Мерекелік дастархан

Тамақ - фестивальдің басты тақырыптарының бірі болды. Қолданушылар қонақтарға жайылған дастарханды көрсетіп, наурыз-көже, қуырдақ және түрлі тәттілердің дайындалу жолын көрсетті. Нағыз аспаздар сайысына қатысып, Қазақстандағы түрлі аспаздық мәдениетті қалай ұштастыруға болатыны туралы әзілдесті. Сондай-ақ ұлттық тағам ұсынатын мекемелерге шолу жасап, әралуан тконтент ұсынды.

Ұлттық музыка және би

Мереке кезінде TikTok-та  ұлттық әуендер әуеледі.  Домбыра трендке айналды:  домбырада шебер ойнайтын  қолданушылар өнерін паш етіп,  дәстүрлі және заманауи туындыларға кавер тартты. Сондай-ақ ұлттық киім киіп, би  билеу де TikTok лентасын жаулады. Әсіресе Сая Махамбеттің "Қазағымсың" әніне билеу – жеке трендке айналды. Қолданушылар бұл әнге үйде, достарымен, отбасымен бірге билеп, тіпті әнді скрипкамен де сүйемелдеп көрді.

Заманауи және дәстүрлі сән өнерінің үйлесімі

Фестивальдің ең елеулі тренді - ұлттық сән өнеріне  және оны қазір заманға бейімдеуге деген айнымас қызығушылық болды.  Қолданушылар ұлттық киімдерді жаңғыртып, заманға сай интерпретацияда ұсынды. Тіпті олар мереке күні беттеріне ою-өрнектермен  макияж жасап, ұрпақтар жалғастығы мен мәдени мұраға осылай да құрмет көрсетті.

«Қазақстан Республикасының Мәдениет және ақпарат министрлігі TikTok платформасының жыл сайынғы #Наурыз2025 онлайн-фестивалін өткізу бастамасын құптайды. Бұл бастама ұлттық дәстүрлер мен мәдени құндылықтарды қадың көпшілікке, әсіресе жастарға насихаттауға ықпал етеді. Біз цифрлық платформалардың материалдық емес мәдени мұраны сақтау мен ілгерілетуге қосқан үлесін жоғары бағалаймыз. Наурыздың тарихына, мерекелік дәстүрлерге шынайы қызығушылық танытқан қазақстандық қолданушылардың белсенділігі ұрпақтар арасындағы сабақтастық пен ұлттық бірегейлікті сақтауға деген заманға сай ұмтылысты көрсетеді. Мұндай бастамалар елдің мәдени тұтастығын нығайтып, креативті индустрияның дамуына септігін тигізетініне сенімдіміз», деп атап өтті Қазақстан Республикасының Мәдениет және ақпарат министрлігі.

Мерекелік іс-шаралар

TikTok платформасы  Астанадан Шымкентке, Ақтаудан Алматыға дейін, еліміздің түкпір-түкпіріндегі қалалар мен ауылдарда өткен мерекелік іс-шаралардан түсірілген  жарқын көріністерге толды. Көктемнің ең көркем мерекесін атап өту үшін миллиондаған адам көшеге шығып, ұлттық тағамдардан дәм татып, түрлі ойын-сауық шараларына қатысып, мерекелік көңіл күйлерін TikTok - та  бөлісті.  Рекорд та тіркелді: Көкшетауда 1600 әйел кимешек киіп, әсерлі шеру өткізді. Ал Ақтауда 5 мыңнан астам адам ұлттық киіммен Каспий теңізінің жағалауына жиналып, салт-дәстүрге деген құрметті паш етті.

Студенттердің шығармашылығы

Биыл – қазақстандық жоғары оқу орындарының студенттері мен оқытушылары ерекше белсенділік танытты.  Олар ұлттық киім киіп, қойылымдарға қатысып, дастархан жайып, ЖОО қабырғасында Наурыз қалай тойланатынын көрсетті. Жалпы, #Наурыз2025 онлайн-фестиваліне Қазақстанның 24 жоғары оқу орны қатысты. Мысалы, Almaty Management University-де ұлттық киім үлгілері көрсетілсе, Narxoz University студенттері би трендіне қосылды, Nazarbayev University-де домбырамен күй шертті, ал ZhanibekovUniversity студенттері мерекелік шаралардың видеоларын бөлісті.

«Қазақстандық жоғары оқу орындарының #Наурыз2025 онлайн-фестиваліне қатысуы – заманауи цифрлық платформалардың білім беру үрдісін тиімді түрде толықтыра отырып, студенттердің мәдени мұраны сақтау мен насихаттауына атсалыса алатынын көрсетті. Жастардың ұлт дәстүріні креатив, музыка, сән және өнер арқылы зор шабытпен паш етуі бізді қуантады – бұл зердері әрі мәдени тұрғыда орныққан тұлғаны қалыптастыруға бағытталған маңызды қадам. Білім, шығармашылық пен ұлттық құндылықтарды ұштастыратын осындай бастамаларды министрлік алдағы уақытта да қолдай бермек», – деп атап өтті ҚР Ғылым және жоғары білім вице-министрі Динара Ринатқызы Щеглова.

Өнер мен дәстүр

TikTok-тағы суретшілер мен қолөнер шеберлері өз шығармаларын Наурыз мерекесіне арнады. Қазақ мәдениетінен шабыт алған біріп оны картинаға айналдырса, тағы бірі кілемге сурет салып, тіпті бірі қолдан шағын киіз үй де жасап көрсетті.

Наурыз – отбасылық мереке ретінде

TikTok қолданушылары сүйікті мерекені отбасымен бірге қалай атап өтетінін бөлісті, ал тағы бірі үшін бұл – алғашқы Наурыз тойы болды. Мерекеге дәрігерлер, кеңсе қызметкерлері, полиция өкілдері сияқты түрлі кәсіп иелері де белсене атсалысты. Тіпті үй жануарлары да атсалысты.

«Бүгінде біз шетелдік туристердің қазақ мәдениетіне, асханасына, салт-дәстүрі мен өмір салтына деген ұдайы  қызығушылығын байқап отырмыз. Саяхатшылар көбіне-көп терең де мағыналы дүниелер іздейді — олар нағыз ұлттық мұраны танып-білгісі келеді. Осы тұрғыда жастарға және жалпы қоғамға қазақтың бай дәстүрін заманауи цифрлық платформалар арқылы көрсетуге мүмкіндік беретін бастамалардың рөлі ерекше. Бұл процеске жастардың белсенді түрде араласуы - аса маңызды», — деді Kazakh Tourism басшысы Қайрат Садвақасов.

«Соңғы үш жылда Наурыз мерекесіне орай онлайн-фестиваль өткізуге үлес қосқанымызды мақтан етеміз.  Осы уақыт аралығында Қазақстанның түкпір-түкпіріндегі қолданушылар ұлттық мерекеге орай 180 мыңға жуық бейнеролик түсіріп, өздерін осынау ірі мәдени шараның бір бөлшегі сезініп, өз халқының мәдение мұрасын бір-біріне ғана емес, бүкіл әлемдегі TikTok қолданушыларына паш ете алды. Мұндай нәтиже бізге зор шабыт сыйлады және біз Қазақстанның ұлттық мәдениетімен қатар, еліміздің бүкіл өңіріндегі қолданушылардың шығармашылық рухына қолдау көрсетуді жалғастыра береміз»- деп атап өтті TikTok-тың Шығыс Еуропа және Орталық Азия бойынша операциялық бөлімінің басшысы Мелис Чаглар

TikTok туралы

TikTok – бұл қысқа бейнебаяндар жасауға арналған жетекші қосымша. Біздің мақсатымыз – адамдарды шығармашылыққа шабыттандырып, бақытқа бөлеу.

https://www.youtube.com/embed/P1TTV-Q8WYI?si=dcW-9o35r03dmHkV"

Алматы «Ұлттық құндылықтар және жасанды интеллект: синергетикалық көзқарас» атты Республикалық ғылыми-әдістемелік конференция ұйымдастырылды. Мақсат, Білім – Тәрбие – Жасанды интеллект үйлесімділігінің педагогикалық теориясы мен практикасын жандандыру.

Конференция жұмысы басталмас бұрын қонақтардың назарына жасөрендердің қолымен жасалған бұйымдар ұсынылып, дәстүрімізді дәріптеуге бағытталған бағдарламалар таныстырылды. Артынша конгреске қатысушылар  құндылықтарға негізделген, құзыреттіліктерге бағытталған жаңа білім беру стандартының өзектілігі әңгіме өзегіне айналдырды. Сарапшылар мен педагог-ғалымдар бұл бағытта білім беру жүйесіне тың серпін беретін бастамалармен бөлісті.

ДҮЙСЕБЕК ӘДІЛХАН “ҰЛТТЫҚ ҚҰНДЫЛЫҚТАР АКАДЕМИЯСЫ” РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ ТӨРАҒАСЫ

Синергетикалық көзқарас: тәуекелдер мен мүмкіндіктер атты бөлімде жасанды интеллектті білім мен тәрбие саласында қолданудың артықшылықтары мен келешегі, сонымен қатар оның әлеуметтік-психологиялық қауіптері талданды. Мамандар AIPed платформасының этнопедагогикалық контенттерін мысалға келтіріп, оның ұлттық мәдени код пен қазіргі заманғы технологияның үйлесімділігін қамтамасыз ететін тиімді құрал екенін атап өтті.

САЛТАНАТ ҚҰСАЙЫНОВА АЛМАТЫ ҚАЛАСЫ НАУРЫЗБАЙ АУДАНДЫҚ БІЛІМ БӨЛІМІНІҢ БАСШЫСЫ

Теориялық пайымдаулардан педагогикалық практикаға көшу жолдары да жанжақты қарастырылды. Қатысушылар білім беру мазмұны мен әдістемесіне жасанды интеллект элементтерін енгізуде ұлттық болмыс пен тәрбиелік бағдарды сақтаудың маңыздылығын тілге тиек етті. Ұлттық рухани дүниетаным мен жасанды интеллект синергиясы – болашақ білімнің жаңа парадигмасы ретінде ұсынылды.

прпрпрп

https://www.youtube.com/embed/1TgBJ5zUg_M?si=7h2Vt96obJWJYXZ3"

Бүгін Алматы облысы Қарасай ауданына қарасты Көкөзек ауылында «KTEG Kazakhstan» ЖШС зауытының салтанатты ашылу рәсімі өтті. Жаңа кәсіпорын-өңірдегі ең ірі өндірістік нысандардың бірі болмақ. Жалпы инвестиция көлемі — 70 миллиард теңге, бұл қаржының барлығы компанияның жеке капиталы есебінен құйылған. Зауыт жобалық қуатына шыққан соң Еуразия мен ТМД нарығына сапалы өнім жеткізуді қолға алмақ. Зауыт арқылы Қазақстан бюджетіне жыл сайын шамамен 25 миллиард теңге салық түседі деп күтілуде. Шараға арнайы келген Алматы облысының әкімі Марат Сұлтанғазиев бұл жобаның өңір үшін маңыздылығын сөз етті.

МАРАТ СҰЛТАНҒАЗИЕВ, АЛМАТЫ ОБЛЫСЫНЫҢ ӘКІМІ: «Бүгін біз KTЕG компаниясының үлкен жобасының ашылуына қатысып отырмыз. Ол енді бізе тек өңірге ғана әсер емес жалпы ауданға облысқа, Республикаға да әсері бар.Өйткені бұл импортты азайтуға мүмкіндік береді.Бүгінгі күнге Алматы облысы 100 пайыз темекі өндірісін шығарып келе жатыр осы Қазақстанда. Бұл компания KTEG тек қана темекі өндірісі емес, бұлардың басқа да салалары бар фармацевтика, дәрі шөптер сол жағынан да ары қарай қарым-қатынас құруға үлкен мүмкіндіктеріміз бар».

Бұл — Оңтүстік Кореяның KT&G корпорациясының Қазақстандағы алғашқы жобасы және ол толығымен жеке инвестициялар арқылы жүзеге асырылды. Сондай-ақ, зауыттағы өндіріс процесі толықтай автоматтандырылған, халықаралық сапа стандарттарының талаптарына сәйкес келеді. Шикізатты сатып алудан бастап, дайын өнімді орауға дейінгі барлық кезеңде қатаң бақылау жүйесі жұмыс істейді.

https://www.youtube.com/embed/gyInMgvlj24?si=GngZOcNsiW3Y-eSq" 

https://www.youtube.com/embed/8IYb7lcUTGw?si=0ZvGoJ55xB6_dJkF" 

Бас Прокуратураның бастамасымен есірткіге жол жоқ акциясы кеңінен тарап, барлық құзырлы органдармен жастар арасында қызу қолдау тауып отыр.Мақсат, зиянды заттардан жас ұрпақтың бойын аулақ ұстау. Осыған орай Жетісу облысына қарасты Алакөл аудандық прокуратурасы аталмыш акцияның маңыздылығын алға тартып, халықтың қаражатын алдау арқылы қағып жүрген алаяқтардан сақ болуға шақырды.

ЕРЛАН ҚАСЫМБАЕВ ЖЕТІСУ ОБЛЫСЫ АЛАКӨЛ АУДАНЫНЫҢ ПРОКУРОРЫ

Бас прокуратураның бұл бастамасына елімізге танымал өнер жұлдыздары да қолдау білдіруде.

СЕРЖАН МОЛДАСАНҰЛЫ ПРОДЮСЕР

РОЛАН ҚАЗРЕТОВ ӘНШІ

https://www.youtube.com/embed/xTRDJVq_JnU?si=y2G1cVacFSAISD5W" 

https://www.youtube.com/embed/YVAuaIGVoW0?si=unKiZX197goyPB6D"

https://www.youtube.com/embed/tElaI1wYfMI?si=srNaAj8HFSufwweO" 

Қазақстандағы азаматтық авиация саласы сын көтермейді. Авиаотын тапшылығы мен қымбат билет бағасы және халықаралық стандарттарға сай емес әуежайлар. Сенат депутаты Сүйіндік Алдашев бүгін жоғары палата депутаттарының отырысында осы мәселерді көтерді. Бұл өзекті проблеманы шешуге Үкіметтің араласуын сұрайды.

СҮЙІНДІК АЛДАШЕВ ҚР ПАРЛАМЕНТІ СЕНАТЫНЫҢ ДЕПУТАТЫ: «Өкінішке орай, авиаотынды сатудың және оны бағасын белгілеудің ашықтық жоқ. Сондай-ақ мемлекеттік органдардың бұл мәселені реттеуге біріңғай көзқарасы жоқ. Жерүсті қызмет көрсету аумағымен әуежай инфрақұрылым бірқатар өңірлерде апатты жағдайда және қайта құруды қажет етеді. Сонымен қатар әуежай тарифтері 2014 жылдан бері қайта қаралмағынын айта кеткен жөн».

https://www.youtube.com/embed/22IQF74aeiE?si=0gIU4riAqx4LoI8Z" 

Ұрпаққа патриоттық тәрбие беру – бұл кез келген мемлекеттің болашағын қалыптастырудағы ең маңызды міндеттерінің бірі. Патриотизм – адамзаттың  өз Отанына, халқына, мәдениетіне, тарихына деген сүйіспеншілігі мен адалдығы.Осы орайда  Ұлы Жеңістің 80 жылдығына орай ұйымдастарылған музыкалық әдеби көркем қойылымның  куәсі болып қайттық.Іс-шараның мақсаты -жас ұрпақтың бойында патриоттық сезімін ояту, елге, жерге, Отанға деген сүйіспеншілігін арттыру.

АСҚАР САРБАҒЫСОВ, Ғ.МҮСІРЕПОВ АТЫНДАҒЫ №86 МЕКТЕП-ГИМНАЗИЯ ДИРЕКТОРЫ: «Бүгінгі  аталмыш мектепте өтіп жатқан іс-шара бастауыш сынып төртінші сынып арасында өтті.Бұл шараның негізгі тақырыбы- Ұлы Отан соғысының 80 жылдығына арналған ұрпақтар сабақтастығына байланысты, жалпы біздің ата-бабамыздың жүріп отқан Ұлы жеңісті күндерін мынау өскелең ұрпаққа паш ету, соларға  баяндау мақсатында жасалған іс-шара болатын, яғни ата-бабаларымыздың  ерлігін жариялау мақсатындажасалған іс-шара.    Жалпы негізгі  мұндай іс-шаралардың  өскелең ұрпаққа, оқушыларымызға берері үлкен өйткені бұл жерде ата-бабамыздың рухына тағзым жасау арқылы патриоттық тәрбиені күшейту».

Ұлы Жеңістің 80 жылдығы – бұл тек мерейтой ғана емес, бұл – тарихтан сабақ алу, ата-бабаларымыздың ерлігін еске алу, бейбітшіліктің қадірін бағалау және оны сақтауға үлес қосу мүмкіндігі. Біз ұрпақтан-ұрпаққа Ұлы Жеңістің рухын жеткізіп, ата-бабаларымыздың ерлігін ешқашан ұмытпауымыз керек. Ұлы Жеңіс – мәңгілікке біздің жүрегімізде, жадымызда сақталары сөзсіз.

Алматы қаласы, Наурызбай ауданындағы "№207 мектеп-лицей" КММ-де жаратылыстану-математика пәндер бірлестігінің онкүндігі ұйымдастырылды. Осы шара аясында "Оқыту үдерісіндегі жасанды интеллекттінің тиімді мүмкіндіктері" тақырыбымен қалалық семинар өтті. 

Бұл семинардың мақсаты - білім беру процесінде жасанды интеллект пен ақпараттық технологияларды қолданудың тиімді әдістерін зерттеу және білім алушылардың қабылдау психологиясына ықпал жасайтын инновациялық тәсілдерді енгізу арқылы оқытудың сапасын арттыру тәжірибесімен алмасу.

Іс-шараға Алматы қаласының 8 ауданындағы білім беру ұйымдарынан жас мамандар  қатысты. Семинарды мектеп-лицей директоры А.Елеманова ашып, жас мамандарға бұл семинардың маңыздылығын, бүгінгі күні оқыту үдерісіндегі жасанды интеллекттінің тиімді мүмкіндіктері тек қана математика, информатика, физика пәндерінде ғана емес, барлық оқу пәндерінде өзекті екенін атап өтті.

Қалалық семинарға  білім беру ұйымдарынан келген жас мамандар ашық сабақтарға қатысып,  №207 мектеп-лицейдің жас мамандарының өткізген сабақтарындағы жаңашылдығын, сабақтағы зерттеулеріне, іздемпаздылығына ризашылықтарын білдірді.
Осылайша қатысушылар кәсіби даму бағытында жаңа қадамдар жасады.

https://www.youtube.com/embed/61742ZiWb30?si=bvNUuZ_Bcx-SNiJ_"