https://www.youtube.com/embed/RBeChOIKc0w?si=ABaQO562R-spoKJk"

Бүгінде халықтың әл-ауқатын жақсартуға бағытталған мемлекеттік бағдарламалар ішінде "Ауыл аманаты" ерекше орын алады. Іске қосылған бұл жоба ауыл тұрғындарына өз ісін ашып, экономикалық белсенділікті арттыруға мүмкіндік беріп отыр. 

Киіз үй жасауды кәсіпке айналдырған қандас

Бағдарламаның көмегін көріп, кәсібін дөңгелеткен азаматтардың бірі – Талғат Қанапияұлы. Қытайдан қоныс аударған ол бүгінде Алматы облысы, Еңбекшіқазақ ауданы, Балтабай ауылында киіз үй жасаумен айналысады. Бұл кәсіпті қолға алғанына бес жылдан асқан.

"Қазақтың киіз үйі – тек баспана емес, ұлттық мәдениеттің бір бөлігі. Заманға сай киіз үйлер жасауға кірістік. Ою-өрнегін сақтай отырып, сапалы әрі жинауға ыңғайлы үлгіде әзірлейміз. Соңғы жылдары ұлттық құндылықтарға сұраныс артып, киіз үйлерімізге қызығушылық көбейді", – дейді кәсіпкер.

Талғат Қанапияұлы жасаған киіз үйлерге туристік орталықтардан, демалыс орындарынан жиі тапсырыс түседі. Сондай-ақ, ұзақ уақыт жайлауда отыратын шопандар да осы баспананы қалайды. Себебі киіз үйлер жазда салқын, қыста жылы, әрі тасымалдауға ыңғайлы. Бастапқыда жылына 10-15 киіз үй сатылса, қазір бұл көрсеткіш 200-300-ге жеткен.

Мемлекеттік қолдаудың маңызы

Талғат Қанапияұлы өткен жылы "Ауыл аманаты" бағдарламасы арқылы 2,5 пайыздық мөлшерлемемен 3 млн теңге несие алып, кәсібін кеңейткен. Қазіргі таңда өз шеберханасы бар, заманауи құрал-жабдықтармен қамтамасыз етілген. Кәсіпорын 15 адамды жұмыспен қамтып отыр.

"Мемлекетке иек артып отыра бермей, өз ісін бастағысы келетіндер үшін "Ауыл аманаты" – үлкен мүмкіндік. Бағдарлама арқылы ауыл тұрғындары кәсіп ашып, өзін ғана емес, ел экономикасына да үлес қоса алады", – дейді кәсіпкер.

Кәсіпкерлерге қолдау жалғасады

"Ауыл аманаты" бағдарламасы ауылдық жерлерде жұмыссыздықты азайтып, кәсіпкерлерді қолдауға бағытталған. "Қонаев" әлеуметтік-кәсіпкерлік корпорациясы" АҚ PR-менеджері Руслан Ескендірдің айтуынша, бағдарламаға қатысушылардың жобалары әртүрлі салаларды қамтиды.

"Өңдеу өнеркәсібі, қызмет көрсету саласы, құс, балық, ара өсіру, ауыл шаруашылығы сияқты бағыттар бойынша көптеген кәсіпкер өз ісін бастады. Бұл бәсекелестікті арттырады. Ал бәсеке болған жерде сапа да жоғарылайды", – дейді ол.

Алматы облысында биыл жалпы сомасы 1,7 млрд теңгеге 186 жоба қаржыландырылды. Бұл кәсіпорындар нарыққа сапалы өнім мен жоғары деңгейлі қызмет ұсынып, экономиканың дамуына үлес қосуда.

"Ауыл аманаты" бағдарламасы ауыл тұрғындарының кәсіпкерлік әлеуетін арттырып, ел экономикасын нығайтуға септігін тигізіп отыр. Мұндай қолдау тетіктері алдағы уақытта да жалғасады деп күтілуде.

https://www.youtube.com/embed/AodQw-dm0dY?si=yRTRqYpcBIJaabcH" 

Астанада Дарын Республикалық практикалық орталығының ұйымдастыруымен математика, физика және биология пәндері бойынша олимпиада өтті. Зияткерлік сайысқа еліміздің әр өңірінен жалынды жастар қатысып, өз білімдері мен қабілеттерін сынаған болатын.

Айтулы жарысқа Алматы қаласынан арнайы іріктеуден өткен 20 оқушы аттанған болатын. Жас дарындар бәсекеге қабілеттіліктерін көрсетіп, өз пәндері бойынша жоғары нәтиже көрсетуге талпынды. Олимпиада қорытындысы бойынша жеңімпаздар анықталып, оларды арнайы марапаттау рәсімі өткізілді. Солардың қатарында үздік өнер көрсетіп,күміс жүлдені иеленген Арайлы Бауыржанқызын жақындарымен мектеп-лицейдің ұжымы ерекше құрметпен қарсы алды.

МАҚПАЛ АЙНАБЕКОВА, АНАСЫ

Арайлы Бауыржанқызы Шәмшә Беркімбаева атындағы Алматы қыздар мектеп-лицейінің 11-сынып оқушысы. Ол өз пәні бойынша үздіктердің қатарынан бой көрсетті. Айтуынша осындай ірі байқаулар жастардың жігерін жанып, білімге деген құштарлығын оятады.

АРАЙЛЫ БАҚТЫБАЙ, ОЛИМПИАДАНЫҢ КҮМІС ЖҮЛДЕГЕРІ

Білім додалары жас өрендердің ғылымға деген қызығушылығын арттырып, олардың болашақта еліміздің интеллектуалды әлеуетін дамытуына септігін тигізері сөзсіз. 

МУНАВАР БУРХАНҚЫЗЫ, СЫНЫП ЖЕТЕКШІСІ

Осындай білім сайыстары жастарды шыңдап, олардың ізденісіне жаңа серпін береді. Олимпиадаға қатысушылар тек пәндік білімдерін ғана емес, сонымен қатар бәсекеге қабілеттілік, мақсатқа ұмтылу және өзін-өзі дамыту дағдыларын қалыптастырады.

https://www.youtube.com/embed/BVKKeaftn_c?si=4i-friaq2spwHfjJ" 

2025 жыл — Жұмысшы мамандықтары жылы аясында, Алматыда республикалық «Үздік педагог», кәсіби шеберлік байқауларының жеңімпаздарын және World Skills Kazakhstan чемпионатында шәкірттері жеңіске жеткен ұстаздарға құрмет көрсету рәсімі өтті.

ЫСҚАҚ НҰРМҰХАМБЕТОВ, КӘСІПТІК БІЛІМ САЛАСЫНЫҢ АРДАГЕРІ

МАРЖАН МӘЛІКОВА, ҰСТАЗ

Жеңімпаз педагогтерді марапаттау рәсімі – бұл тек бір күндік салтанат емес, ол – жылдар бойы жинақталған тәжірибенің, табанды еңбектің, шығармашылық ізденістің нәтижесін мойындау. Мұндай рәсімдер жас ұрпақтың көз алдында ұстаз мәртебесін биіктетіп, оларға үлгі болатын тұлғалардың қадір-қасиетін сезіндірері анық.

https://www.youtube.com/embed/WM27EGMEQlc?si=6F28EGk31wbLPLXI" 

Оңтүстік астанамыз Алматыда жастардың көптен күткен пікірсайыс турнирі бастау алды.Екі күнге солзылған игі шара «Қазақ хандығы» тақырыбына арналды. Республикалық байқау, ұлттық құндылықтарды дәріптеуге, жас ұрпақтың зияткерлік әлеуетін арттыруға және шешендік өнерін дамытуға негізделіп отыр.

Ұлт мұрасын ардақтап,құндылықтарымызға құрметпен қарайтын жастардың қатары артып келеді.Сөзіміздің дәлелі,пікірсайыс алаңы.Турнирдің өтуіне түрткі болған Алматы Пікірсайыс федерациясының мектеп лигасы, Оқушылар сарайының жобалық кеңсесі, сондай-ақ Зердеш және Ғибрат білім ошақтары.

РАУАН КЕНЖЕХАНҰЛЫ «ҚАЗАҚ ТІЛІ» ҚОҒАМЫНЫҢ ПРЕЗИДЕНТІ

Айтулы шараға арнайы шақырылған меймандар мұндай пікірсайыс алаңдары жастардың жігерін жанып қана қоймайды, сыни ойлау дағдыларын қалыптастырып, тарихи және әлеуметтік мәселелерді терең талдауға баулыйды деп отыр.

ҚАНАТ ӘУЕСБАЙ ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІНІҢ ЖУРНАЛИСТИКА ФАКУЛЬТЕТІНІҢ ДЕКАНЫ

Шараға қатысушы жастар жалындап тұр.Олар Қазақ хандығының құрылуы, оның дамуы мен бүгінгі Қазақстан қоғамына әсері туралы ой қозғап, тарихи фактілер мен логикалық тұжырымдарға сүйеніп нақты дәлелдерін ортаға салды.Жоба авторы Жұлдыз Болатпен ұйымдастырушылардың айтуынша, мұндай іс-шаралар жастар арасында пікірсайыс қозғалысын дамытуға, олардың көшбасшылық қабілеттерін шыңдауға және тарихи сананы нығайтуға септігін тигізбек.

МАРЬЯША СЕРІКҚЫЗЫ «ЗЕРДЕШ» БІЛІМ ОШАҒЫНЫҢ ҚҰРЫЛТАЙШЫСЫ

Турнир қорытындысы бойынша жеңімпаздар арнайы сыйлықтармен марапатталып, бағалы сыйлықтарға ие болды.

https://www.youtube.com/embed/WtXdZkIsLsE?si=5qwU86ymIucqndrQ" 

Алматы облысында жаңа ауқымды тұрғын үй жобасы іске қосылды. "Қонаев" ӘКК" АҚ Қонаев қаласының 10-шы шағын ауданында жалпы ауданы 11,6 гектарды құрайтын екі жер учаскесін игеруге кірісті. Бұл жерде "Самұрық" көпфункционалды тұрғын үй кешені (КТК) бой көтереді.

Жоба тұрғын үй құрылысын дамыту және жеке инвестицияларды тарту жөніндегі мемлекеттік саясат аясында жүзеге асырылуда. Осы мақсатта "Chinese Foreign Construction" ЖШС-мен бірлескен қызмет туралы келісім жасалды. Сондай-ақ "Ningxia Jianyi Real Estate Development Co" шетелдік компаниясымен инвестициялық келісімге қол қойылды. Жалпы инвестиция көлемі 65 миллиард теңгеден асады.

Жобаның негізгі параметрлері

Жоба бойынша 5 пен 12 қабат аралығындағы көпқабатты тұрғын үйлер салу көзделген. Жалпы құрылыс ауданы 183 303,45 шаршы метрді құрайды, оның ішінде:

• 156 224,85 шаршы метр – тұрғын үйлер;
• 4 351,6 шаршы метр – коммерциялық нысандар (оның ішінде 300 шаршы метр – полиция тірек пунктіне арналған);
• 1 575 шаршы метр – балабақша;
• 15 552 шаршы метр – әкімшілік ғимараттар.

Жоба 3 кезеңде, 5 жыл ішінде іске асырылады.

Құрылыс жұмыстарының басталуы

2025 жылғы 1 наурызда құрылыс алаңында дайындық жұмыстарының ресми басталуы өтті. Іс-шараға жергілікті атқарушы органдардың, "Қонаев" ӘКК" АҚ және серіктес компанияның өкілдері қатысты. Кездесу барысында жобаның тұжырымдамасы таныстырылып, оның негізгі іске асыру кезеңдері талқыланды.

"Алматы облысындағы тұрғын үй құрылысын дамыту – "Қонаев" ӘКК" АҚ-ның басым бағыттарының бірі. "Феникс (Самұрық)" жобасын жүзеге асыру қаланың тұрғын үй қорын кеңейтіп, жайлы қалалық орта қалыптастыруға және азаматтар үшін жаңа мүмкіндіктер ашуға мүмкіндік береді", – деп атап өтті компания өкілі.

Құрылыстың бірінші кезеңі

Құрылыстың бірінші кезеңі 2025 жылдың соңына дейін аяқталады. Оның аясында 5 қабатты 4 тұрғын үй және коммерциялық нысандар салу жоспарланған.

Жалпы құрылыс алаңы 6 389,97 шаршы метрді құрайды, оның ішінде:

• 2 743,2 шаршы метр – тұрғын үйлер;
• 3 646,77 шаршы метр – коммерциялық нысандар.

"Қонаев" ӘКК" АҚ өңірдің инфрақұрылымын дамытып, халықтың жайлы өмір сүруіне жағдай жасау мақсатында инвестиция тарту жұмыстарын жалғастырады.

2024 жылы Алматы облысындағы сүт-тауарлы фермалар (СТФ) СПК «Қонаев» жүзеге асырған агроөнеркәсіптік кешенді несиелендірудің мемлекеттік бағдарламасының арқасында өз көрсеткіштерін айтарлықтай жақсартты. Осы мақсаттарға 15 млрд теңге бөлініп, 13 кәсіпорынның өндірісті жаңғыртуына, сүт өнімділігін арттыруына және жаңа жұмыс орындарын құруына мүмкіндік берді.

Сәтті дамудың жарқын үлгісінің бірі – Іле ауданы, Қараой ауылдық округінде орналасқан "Ғылыми-өндірістік орталық "Генофонд" ЖШС фермасы. Бағдарлама аясында кәсіпорын өндірісті кеңейту, заманауи жабдықтар сатып алу және мал басын көбейту үшін қаржыландыру алды. 2023 жылы фермаға Даниядан 408 голштин сиыры жеткізілді. 2024 жылы СПК "Қонаев" жеңілдетілген несиелеу құралдары арқылы СТФ-ның мал басын тағы 306 ірі қараға арттыруына жағдай жасады. Бүгінде ферма тәулігіне 17 тонна сүт өндіреді, оны ірі қайта өңдеуші кәсіпорындарға жеткізеді.

Несиелеу бағдарламасын іске асыру нәтижесінде 2024 жылы қаржыландырылған 13 ферманың жалпы сауымы 38 мың тонна сүтті құрады, бұл 2023 жылмен салыстырғанда 5 мың тоннаға көп. Осы кәсіпорындардағы қызметкерлер саны 709 адамға жетті. Барлық жобалар толық өндірістік қуатқа шыққан жағдайда, жылдық сүт өндірісі 68 мың тоннаға, ал жұмыс орындарының саны 838-ге дейін ұлғаяды деп күтілуде.

Өңірде сүтті мал шаруашылығының дамуы азық-түлік қауіпсіздігін қамтамасыз етіп қана қоймай, сонымен қатар халықты тұрақты жұмыспен және сапалы өніммен қамтамасыз етеді.

https://www.youtube.com/embed/p6pzYZnnOvU?si=kvYtxSmkm85rXid5" 

Алматы облысы Жамбыл ауданына қарасты Сарыбастау ауылының тұрғындары Наурыз мерекесінің алғашқы он күндік жаңару күнін ерекше бастамамен бастады. Ауыл халқы мектеп оқушыларымен бірлесіп, табиғатты аялау мен көгалдандыру мақсатында “Үздік аллея” жобасын қолға алды.Өңірге қарасты аудандарда мереке қандай бастамалармен өрбіп жатыр,келесі тақырыпта.

Өңірге қарасты Қарасай ауданында да ұлыстың ұлы күнін ерекше ықыласпен қарсы алуда. Аудан тұрғындары, ұстаздар мен оқушылар бұл мерекені қазақы дәстүрге сай қарсы алып, ұлттық құндылықтарды ұлықтады. Мерекелік шара аясында қазақ халқының салт-дәстүрлері дәріптеліп, әжелер шашу шашып, батагөй қариялар ақ тілегін арнады,қонақтарға ұлттық тағамдар ұсынылды. 

МЕЙРАМКҮЛ БАЙКЕНЖЕҚЫЗЫ ҮШТЕРЕК ОРТА МЕКТЕБІНІҢ ТАРИХ ПӘНІНІҢ МҰҒАЛІМІ

Наурыз мейрамы ұлттық ойындарсыз өтпейтіні белгілі. Осы орайда, жастар арқан тарту, асық ату, тоғызқұмалақ, қазақша күрес сияқты ұлттық ойындарда өзара сайысқа түсті. 

МЕЙРАМБЕК БЕРДІБАЕВ ҚАРАСАЙ АУДАНЫНЫҢ ТҰРҒЫНЫ

Ерекше мерекелік шара халықтың бірлігін нығайтып, ұлттық мәдениетті жаңғыртуға зор үлес қосты. Қарасайлықтар Ұлыстың ұлы күнін қуанышпен қарсы алып, Наурыздың береке мен молшылық әкелуін тіледі.

https://www.youtube.com/embed/Ls7A-yOxb8M?si=Rb34CTZ6x4kOxbkM" 

Алматы облысы Жамбыл ауданына қарасты Сарыбастау ауылының тұрғындары Наурыз мерекесінің алғашқы он күндік жаңару күнін ерекше бастамамен бастады. Ауыл халқы мектеп оқушыларымен бірлесіп, табиғатты аялау мен көгалдандыру мақсатында “Үздік аллея” жобасын қолға алды.Өңірге қарасты аудандарда мереке қандай бастамалармен өрбіп жатыр,келесі тақырыпта.

Бұл бастама ауылдың көркіне көрік қосып қана қоймай, жас ұрпақты табиғатты сүюге, экологиялық мәдениетті қалыптастыруға баулиды. Аллеяға егіліп жатқан ағаш көшеттеріне жауапты оқушылар бекітілді. Сонымен қатар, ауылдық ата-аналар мен  ұстаздар аллеяның тәрбиелік мәнін түсіндіріп, жастарға ағаш отырғызудың сауапты іс екенін тілге тиек етті.

СӘУЛЕ КЕҢЕСҚЫЗЫ АЛМАТЫ ОБЛЫСЫ ЖАМБЫЛ АУДАНЫ МӘСЛИХАТЫНЫҢ ДЕПУТАТЫ,МЕКТЕП ДИРЕКТОРЫ

Ауыл тұрғындары бұл игі істің жыл сайынғы дәстүрге айналуын қалайды. “Наурыз – тек мереке ғана емес, жаңару мен жақсылықтың бастауы. Біз табиғатты жаңғырта отырып, рухани тазалыққа да ұмтыламыз,” – деп отыр. 

ТҰРАР БАТЫРБАЕВ  АТА-АНА

Сарыбастаулықтардың бұл бастамасы өзгелерге үлгі боларлық іс. Табиғатты аялау – әрбір азаматтың міндеті екенін ескерсек, бұл жоба ауылдың жасыл желекке бөленіп, экологиялық жағдайының жақсаруына өз үлесін қосатыны сөзсіз.Әз наурызды ерекше көңіл күймен қарсы алып жатқан тұрғындар,бірін-бірі құттықтап, ұлыс оң,ақ мол болсын деп жатты.Сонымен қатар ауылды әуелетіп әнге бөлеп,ұлттық спортымызды дәріптеді.

https://www.youtube.com/embed/V3Z9mBnRsmo?si=NwoEErNwLHPdq_hX" 

Абай атындағы ҚазҰПУ-да қазақ халқының бай мәдени мұрасын дәріптеуге, ұлттық салт-дәстүрлерді жаңғыртуға және жас ұрпаққа рухани құндылықтарды насихаттауға бағытталған,«Қош келдің, Әз-Наурыз!» атты Наурыз мейрамы кең көлемде аталып өтті. Ұлттық құндылығымыз дәріптелген шара жайлы тілшіміз тарқатады. 

Мерекелік іс-шараға белгілі қоғам қайраткерлері,құрметті қонақтар, сондай-ақ Абай университетінің ардагер ұстаздары, қызметкерлері, профессор-оқытушылар құрамы мен студенттер қатысты.Думанды жиын барысында 9 киіз үй тігіліп, ұлттық өнерге ерекше көңіл бөлінетін мәдени шаралар ұйымдастырылды. Университет құрамындағы 8 факультет пен 1 институт қазақ халқының көнеден келе жатқан тұрмыс-салты мен дәстүрлерін көрсету бойынша өзара сайысқа түсіп, «Думанды Наурыз», «Берекелі дастарқан», «Көрікті ұлттық киім», «Өнерлі орта», «Дәстүр жаңғыруы», «Креативті Наурыз», «Ұлттық спорт ойыны», «Наурыздың қазақ үйі».  сынды номинациялар бойынша бақ сынады.

БОЛАТ ТІЛЕП АБАЙ АТЫНДАҒЫ ҚАЗҰПУ БАСҚАРМА ТӨРАҒАСЫ-РЕКТОР

Сонымен қатар, қонақтарға бауырсақ, қымыз, қазы-қарта ұсынылып, қазақтың асханалық дәстүрдің үздік үлгілері көрсетілді.

ДАРХАН РАЗБАЙҰЛЫ ЖУРНАЛИСТ

Іс-шара аясында ұлттық өнерге ерекше назар аударылып, қазақ халқының көнеден келе жатқан тұрмыс-салтын паш ететін түрлі ойындар ұйымдастырылды. Қолөнер шеберлері мен сурешілер зергерлік бұйым жасау, ұлттық нақыштағы көрме сынды дәстүрдің үздік үлгілерін ұсынды. Айтыс ұйымдастырылып, жарапазан айтылды.
Халық әндері шырқалып, қазақ биінің түрлі жанрлары орындалды, күмбірлеген күй шертіліп, төл өнер кеңінен дәріптелді.

БОЛАТ ТІЛЕП АБАЙ АТЫНДАҒЫ ҚАЗҰПУ БАСҚАРМА ТӨРАҒАСЫ-РЕКТОР

Мерекелік жиын – ұлттық құндылықтарды ұлықтап, жас ұрпаққа ата-баба дәстүрінің маңызын түсіндіруге бағытталған игі қадам. Ұлттық мәдениетіміздің асыл қазынасын дәріптеу, салт-дәстүрімізді насихаттау – қоғамның рухани кемелденуіне үлкен үлес қосатыны сөзсіз.

https://www.youtube.com/embed/LTCh0ItDZ6U?si=BTMNlHFQ7y75vxSP"