https://www.youtube.com/embed/YDuLm2_DxtA?si=df3Z59civ0eP0NI1"

https://www.youtube.com/embed/hKzI0_lJTgc?si=A_9SIinghxUkJvSM" 

Бүгінде интернет алаяқтықтың ауқымы кеңейіп, әр түрлі интернет ресурстары мен әлеуметтік желілерді пайдалана отырып, бәзбіреулердің арбауына түскендер саны күн санап өсуде. Осыған орай  полиция қызметкерлері тұрғындарға түсіндірме жұмыстарын жүргізіп, үн-парақтар таратуда. 

Қызылорда облысының көлемінде интернет-алаяқтық қылмыстарының артуына байланысты өңірдің ПД Әкімшілік полиция басқармасының қызметкерлері қала ішіндегі халық көп шоғырланған сауда орталықтарына барып, арнайы жадынама парақтарын тарату арқылы тұрғындарға ескерту жұмыстарын жүргізді. Сондай - ақ, кинотеатрларда,жарнамалық LED экрандарда арнайы бейнероликтер көрсетілуде. Құрметті облыс тұрғындары! Полиция қызметкерлері ешқашан телефон арқылы арнайы іс-шаралар мен тергеу әрекеттерін жүргізбейді. Сонымен қатар, банк қызметкерлері ешқашан сіздің картаңыздың деректемелерін сұрамайтынын, сондай-ақ телефоныңызға келетін кіру кодтарын айтуды талап етпейтінін есте сақтаңыз. Мұндай жағдайларда телефон арқылы сөйлесуді тоқтатып, банк картасында немесе банктің сайтында көрсетілген сенімді нөмірге қайта қоңырау шалу керек. Осыған орай банк қызметкерлері картаңыздың ақпаратын немесе жеке ақпаратыңызды ешкіммен бөліспеу керектігін ескертеді. 

https://www.youtube.com/embed/9w2zYl-9eh0?si=MI6M0mtbehI1Xg4R" 

2025 жылдың 1-2 ақпан күндері Қарасай ауданының №1 балалар және жасөспірімдер спорт мектебінде киокушинкай-кан каратэден балалар, жасөспірімдер және қыздар арасында ашық дәстүрлі  «KASKELEN CUP-2025» Республикалық турнирі өтті. Шара жайлы толығырақ тарқатсақ.

Еліміздің тоғыз өңірінен,көрші Қырғыз елінен 300 ге жуық спортшы қатысқан турнир осымен оныншы мәрте өзінің жалауын желбіретті.  Болашақ ұрпақты патриоттық сезімге тәрбиелеу, Салауатты өмір салтын насихаттау,қалалар  арасында байланысты нығайту,спортшылардың шеберлігін көтеру мақсатында өткен жарыстың Ұлттық Республикалық киокушинкай -кан каратэ федерациясы Алматы облыстық филиалының президенті Бауыржан Бақтыбайұлы  салтанатты түрде тұсауын кесіп,жарысқа қатысушы спортшыларға сәттілік тіледі.

БАУЫРЖАН БАҚТЫБАЙҰЛЫ ҰЛТТЫҚ РЕСПУБЛИКАЛЫҚ КИОКУШИНКАЙ-КАН КАРАТЭ ФЕДЕРАЦИЯСЫ АЛМАТЫ ОБЛЫСТЫҚ ФИЛИАЛЫНЫҢ ПРЕЗИДЕНТІ  

Айтулы шара Алматы облысының дене шынықтыру және спорт басқармасының қолдауымен және Алматы облысының спортты және дене шынықтыруды дамыту орталығы мен Ұлттық Республикалық Киокушинкай-кан каратэ федерациясы Алматы облыстық филиалының ұйымдастыруымен жүзеге асқан. 

ДӘУЛЕТ ЖАРАСБАЕВ АЛМАТЫ ОБЛЫСТЫҚ МӘСЛИХАТЫНЫҢ ДЕПУТАТЫ: «Бүгін сегіз облыстан,Қырғызстаннан спортсмендер келіп жатыр. Бүгінгі Қаскелең кап деген турниріның бірінші жоспары есірткіге қарсы деген жоспар. Соған байланысты балаларды жинап осы керемет турнир өтіп жатыр. 48 номинация бойынша медальдар таратылады. Балалар өте қуанышты жүзбен келген. Екі күн болып жатыр кеше және бүгін. Барлық жастарға,спортсмендерге сәттілік тілеймін. Алыс жерлерден келіп жатыр олар».

44 салмақ  және  7 жас  санатында  «Кумите» ережесі бойынша өткен Республикалық турнирде әлем чемпиондары,азия чемпиондары да бақтарын сынады. Жастарды есірткіден қорғау,денсаулықтарын нығайту мақсатында ұйымдастырылған шараны халықаралық деңгейге көтеру басты мақсат.

БЕКЖАН БАТЫРБЕКҰЛЫ ҰЛТТЫҚ РЕСПУБЛИКАЛЫҚ КИОКУШИНКАЙ-КАН КАРАТЭ ФЕДЕРАЦИЯСЫ АЛМАТЫ ОБЛЫСЫ ФИЛИАЛЫНЫҢ БАСШЫСЫ: «Аталмыш жарысқа Азия чемпиондары, әлем чемпиондары да бақтарын сынап жатыр. Жыл сайын дәстүрге айналған турнирдің де жыл санап ауқымы кеңеюде».

АНУАР МАҚСҰТҰЛЫ АЛМАТЫ ОБЛЫСЫ ПРОКУРАТУРАСЫНЫҢ БАСҚАРМА ПРОКУРОРЫ

Екі күнге жалғасқан «KASKELEN CUP-2025» республикалық турнирінің жеңімпаздары мен жүлдегерлері арнайы тағайындалған  кубок, медаль, дипломдармен марапатталды. Ел ертеңі жастардың салауатты өмір салтын ұстанып, еліміздің көк туын биікке желбіретер нағыз патриот тұлға болып қалыптасуына бүгінгі шараның берері мол.

https://www.youtube.com/embed/6HhOWDhj054?si=Vdniovwuog6nujgA" 

Абай атындағы Қазақ ұлттық педагогикалық университетінде EdUHK -Қазақстан білім академиясының және озық тәжірибе орталықтары ашылды. Бұл іс-шара Гонконг білім академиясының, Абай атындағы ҚазҰПУ мен Қазақ Ұлттық Қыздар Педагогикалық Университетінде Академиялық ортаны жақсартуға және жаһандық білім беру практикасын дамытуға бағытталған. 

Академияның қызметі білім беру саласындағы инновациялық зерттеулер мен идеялармен алмасуды ілгерілетуге бағытталан. Сондай-ақ Қазақстан мен жалпы Орталық Азиядағы білім беру жүйелерін жақсарту үшін жаңа мүмкіндіктер ашады. Қазақстандық білім беру академиясының ашылуы халықаралық білім мен тәжірибе алмасуға, озық технологияларды оқу үдерісіне енгізуге мүмкіндік  беретіні сөзсіз.

БОЛАТ ТІЛЕП АБАЙ АТЫНДАҒЫ ҚАЗҰПУ  БАСҚАРМА ТӨРАҒАСЫ «Академияның негізгі бағыты педагок, мұғалім мамандығын даярлаумен айналысып келе жатқан өте білікті жоғарғы деңгейдегі ЖОО болып табылады. Осы жұмыс бұдан 6 ай бұрын басталған жұмыс. Біз соның нәтижесіне күә болып отырмыз. Яғни қазіргі таңда Абай атындағы университетінің қабырғасында қазақ- гонконг академиялық орталық ашылып отыр. Бұл жерде Қазақ ұлттық педагокиалық университетінің негізінде Гонконгтық әріптестерімізбен бірге жалпы инклюзивті білім беру  бағытындағы ғылыми жетістіктермен басқада академиялық жетістіктермен бөлісетін боламыз. Яғни бұл жерде барлық форматтағы жұмыстар бар, қос дипломдық оқыту жалпы академиялық ұтқырлық бағдарламасы бойынша, оқытушылар алмасу бойынша дегендей. Бұл орталықтың қазіргі таңда маңызды бір бөлігі. Оқыту барысында жасанды интеллекті қолдану мүмкіндігі. Қазіргі таңда бұл бағыта біз жұмыс бастап жатырмыз». 

Гонконг білім беру университетінен және еліміздің өзге өңірлеріндегі жоғары оқу орындарынан келген қонақтар  Абай университеті жанынан ашылған  «Инклюзивті білім беру және білім берудегі жасанды интеллект» орталығының жұмысымен танысты.  Бұл орталық алдағы уақытта білім беру процесіне жасанды интеллект технологияларын енгізуге және оқыту сапасын жақсартуға ықпалын тигізетін болады. Жаңа білім беру нысаны  педагогика және білім беру саласында озық зерттеулер жүргізетін орынға айналады деген жоспар бар. Заманауи технологиялар мен тәсілдерді үйрету арқылы педагогтартарды даярлау бағытында да жұмыс жасайтын болады.

ДЖОН ЛИ ЧИ-КИН  EDUHK ПРЕЗИДЕНТІ, ПРОФЕССОР «Біз Гонконг білім беру университетінен келіп тұрмыз. Академияны ашып, педагоктар білім беру орталығының бой көтергеніне қуаныштымыз. ҚР Ғылым және жоғарғы білім министірі Саясат Нұрбекке ерекше алғыс білдіргіміз келеді бізге осындай мүмкіндік сыйлаған. Бұл академияда конференциялар, семинарлар мен қызықты тренингтер ұйымдастыратын боламыз. Біздің ойымызша, академия Қазақстандық педагоктардың біліктілігін шыңдап қана қоймай Орталық Азия елдерінің педагоктарының білімін арттырады.»

Инклюзивті білім беретін инновациялық орталық еліміздің жоғары оқу орындары мен  педагогикалық қоғамдастығы үшін үлгі болмақ. Қазақстанды Орталық Азияның білім беру ордасы ретінде танытуға септігін тигібек. 

https://www.youtube.com/embed/56Y1nBTOTIY?si=oReUPxgk-u-KPBt-" 

https://www.youtube.com/embed/qdbh9EQYowI?si=R0jzAwZ_6NUkFPMJ"

Бүгін Маңғыстау облыстық сотында Алина Серікованың өліміне қатысты апелляциялық үкім жарияланды. Естеріңізде болса, былтыр 14-ші мамырда жұмыстан қайтып келе жатқан бойжеткенді 5 жігіттің бірнеше сағат бойы күштеп ұстағаны мәлім болған еді. Бұзақылардың бірі қызды көлік ішінде зорлап, арам ойын іске асырған. Кейіннен қорқытып, Серікованың атына 2 млн теңге несие де рәсімдеткен еді. Көрген қорлығына шыдай алмаған Алина 9-шы қабаттан құлап, ажал құшқан. Бүгінгі процессте сот шешімімен, айыпталушылардың бірі өмір бойына бас бостандығынан айырылса, қалғандары 13 жылдан 16 жылға дейінгі мерзімде жаза арқалады. Сонымен қатар, сот үкімімен айыпталушылар жәбірленуші тарапқа 19 миллион теңге көлемінде материалдық және 30 миллион теңге моральдық шығын өтемақысын төлеуге міндеттелді.

НҰРСАПА ПІРІМАШЕВ, МАҢҒЫСТАУ ОБЛЫСТЫҚ СОТЫНЫҢ ҚЫЛМЫСТЫҚ ІСТЕР ЖӨНІНДЕГІ СОТ АЛҚАСЫНЫҢ ТӨРАҒАСЫ «Аппеляциялық сот алқасы үкім етті. Маңғыстау облыстық қылмыстық істер жөніндегі ауданаралық сотының 2024 жылы 19 желтоқсандағы Сейітқалиев Нұргелді Мұратұлына, Аманқос Еркебұлан Талғатұлына, Аралбай Мерей Асанұлына, Үсенғалиев Жалғас Қуанышұлына, Құлбас Дархан Төлегенұлына қатысты үкімінің күші жойылсын. Іс бойынша жаңа айыптау үкімі шығарылсын. Жазаларды толық қосу жолымен Сейітқалиевтіің түпкілікті өтеуіне өмір бойына бас бостандығынан айыру жазасы тағайындалсын».

https://www.youtube.com/embed/j6R8hWkn_9s?si=eU0le6R-ib6yBRRH"

"Қазақстан халқына" қоғамдық әлеуметтік қорының төрағасы ауысты. Қордың жаңа төрағасы болып Ләззат Шыңғысбаева тағайындалды. Қордың баспасөз қызметі мәліметінше, Болат Жәмішев басқарған уақытта "Қазақстан халқына" қоры "қордың қалыптасуы мен дамуына айтарлықтай үлес қосқан". Қор 100 ден астам қайырымдылық бағдарламасы мен жобасына бастамашы болып, олардың 62-ін қазірдің өзінде жүзеге асырған.

Қор Атырау, Батыс Қазақстан, Солтүстік Қазақстан, Қостанай және Ақмола облыстарында су тасқынынан зардап шеккен 627 отбасының үй құрылысын қаржыландырған. Айта кетейік Болат Жәмішев "Қазақстан халқына" қорына 2022 жылы құрылғаннан сәттен бастап   төрағалық етті.

https://www.youtube.com/embed/Af472eBKssY?si=Nh8VaNgGTzN1Bavv" 

«Еуропада етікпен су кешкендер». Осындай атаумен Астананың әскери музейінде көрме ашылды. Екінші дүниежүзілік соғысқа Қазақстаннан қатысқан жауынгерлерге арналған. Көрмеге партизан жасақтары құрамында соғысқан қазақ жауынгерлерінің жеке заттары, құжаттары мен фотосуреттері қойылған. Жәдігерлер қатарында Екінші дүниежүзілік соғыс уақытындағы американдық радио таратқышы, трофейлік далалық телефон және телеграф кілті бар. Одан өзге бірінші кеңестік партизандық полк құрамында Францияның оңтүстігін азат ету үшін шайқастарға қатысқан Әбибулла Қойшыбаевтың куәлігінің көшірмесі қойылған. 

ДӘУЛЕТ ҚАДЫРОВ ҚР ҚК ҰӘПО БАСТЫҒЫНЫҢ ОРЫНБАСАРЫ: «Бүгінгі көрмеге арнайы Франция елінде партизан отрядтарының командирі болғандардың да ұрпақтары келіп отыр. Біз үшін ол үлкен мәртебе, құрмет. Негізгі мақсаты – батырлардың есімін ұлықтау. ЖОО студенттері, Астана қаласындағы мектеп оқушылары келіп отыр. Олар өздеріне керекті алып кетті деген ойдамыз. Патриоттық сезімдерін оятуға сеп болды бұл іс-шара».

https://www.youtube.com/embed/euyKR9hg4_4?si=61ME92mSo85MfbjR" 

https://www.youtube.com/embed/LHgMpNMFGw4?si=9LJ2hol_m0xPRz6B" 

Қазақстан мен Ресей бірлесе сауда көлемін 30 млрд долларға жеткізуге мүдделі. Айта кетсек, өткен жылдың 11 айында өзара сауда көлемі 24,2 млрд-қа жеткен. Бұл туралы қос мемлекеттің Үкімет басшыларды бас қосқан жиында айтылды.

ОЛЖАС БЕКТЕНОВ ҚР ПРЕМЬЕР-МИНИСТРІ: «Мемлекет басшылары Қасым-Жомарт Тоқаев пен Владимир Путиннің бірлескен күш-жігерінің арқасында екіжақты ынтымақтастығымыз сапалы жаңа деңгейге көтерілді. Маңызды міндет – жоғары деңгейде қол жеткізілген уағдаластықтардың іс жүзінде орындалуын қамтамасыз ету. Қазақстан Үкіметі тығыз өзара іс-қимыл жасауға және барлық салада ынтымақтастықты дамытуға дайын». 

Өз кезегінде Ресей Премьер-Министрі Қазақстан стратегиялық әріптес ел екенін алға тартып, алда қойған міндетке қол жеткізу үшін келісімнің орындалуын толық қамтамасыз ететінін айтты. 

МИХАИЛ МИШУСТИН РЕСЕЙ ФЕДЕРАЦИЯСЫНЫҢ ПРЕМЬЕР-МИНИСТРІ: «Қазақстан – біздің стратегиялық серіктесіміз әрі одақтасымыз. Біздің қарым-қатынасымыз достық, тату көршілік, өзара сыйластық және бір-бірінің мүдделерін ескеру қағидаттарына негізделген. Владимир Путиннің Қазақстанға мемлекеттік сапары барысында қарым-қатынастарымызды одан әрі дамыту жөнінде маңызды уағдаластықтарға қол жеткізілді. Екі ел үкіметтерінің міндеті - көшбасшыларымыз қол жеткізген келісімдердің мүлтіксіз орындалуын қамтамасыз ету». 

https://www.youtube.com/embed/5oAqx7L1eBU?si=ujGqNeQdvKU5nPDx" 

Шаруаларға қуаңшылық жылдары беріліп келген мемлекеттік көмек былтыр тоқтап қалған болатын. Қуанышқа орай Маңғыстаулық шаруалар төрт түліктің жем-шөбіне қайтадан субсидия ала бастады. Сонымен қатар үкімет Маңғыстаумен қоса, Атырау, Қызылорда және Ұлытау өңірлерінің климаттық ерекшеліктерін, жем-шөптің сырттан тасымалданатынын ескеріп, мал азығына жеңілдік жасауда.

Мырзатай Қойшыбаев ширек ғасырға жуық мал шаруашылығымен айналысады. Сайөтес ауылының тұрғыны  «Адай» жылқысымен қоса, сиыр және түйе бағады. Мұндағы  жұмыстар заманауи технологиялардың көмегімен жеңілдетілген. Электр энергиясын күн сәулесінен алу үшін бірнеше жерге күн батареялары қойылған. Төрт түлікті суару үшін де арнайы автоматтандырылған қондырғы бар. Шаруа әсіресе жергілікті жерде мемлекеттің көмегінсіз мал шаруашылығын дамыту мүмкін емес, - дейді шаруа. Шөлейтті келетін аймақта су көзі тапшы, құдық қазу қиын. Шаруасын дөңгелету үшін осы күнге дейін мемлекеттен 4 миллионға жуық қаржылай көмек алған. 

МЫРЗАТАЙ ҚОЙШЫБАЕВ   ШАРУА ҚОЖАЛЫҒЫНЫҢ ИЕСІ: «Бәрін қамтамасыз етеді деп айта алмаймын, бірақ бізге үлкен көмек болды енді ол. Енді бергеннен кейін оның қайтарымы болу керек қой ол субсидияның да, тек Үкіметтен алып алып жата бермейміз, оны өсіру енді сол бағытта жұмыс істейміз деп ойлаймыз, жұмыс істейміз, мал басын өсіріп жатырмыз қазір».

Облысқа жем 100 пайыз, шөп 85 пайыз сырттан тасымалданатыны ескеріліп, желтоқсан айында қайтадан субсидия беріле бастапты. 400-ге жуық шаруаға 715 млн теңге төленген. Ал, үлгермегендер былтырғы, әрі биылғы көмекті енді алмақ.

БЕРДІБЕК МАРҚАБАЕВ  МАҢҒЫСТАУ ОБЛЫСТЫҚ АУЫЛ ШАРУАШЫЛЫҒЫ БАСҚАРМАСЫ БАСШЫСЫНЫҢ МІНДЕТІН АТҚАРУШЫ: «Қазіргі таңда бізде күту парағында тұрған тағы да мыңның үстінде шаруа қожалықтары бар оның ішінде іріктеліп шығады, соған 1,1 мрлд теңге ақшамыз бар салып қойып отырған, ақпан айында төлеп береміз. Үлгермей қалғандар бар енді оны осы жылдың май айынан бастаймыз, сол кезде заявка қабылданып бастайды. Содан бастап төлей бастаймыз».

Басқарма басшысының cөзінше, жем-шөпке көмек 2028-жылға дейін берілуі мүмкін. Одан әрі субсидиядан жеңілдетілген несиеге көшу мәселесі қарастырылуда.

https://www.youtube.com/embed/w6pplvMujdI?si=ROColweBSqParqng" 

Қазақ даналығында «елу жылда ел жаңа» деген қанатты сөз бар. Бүгінгі уақыттың өзгешелігі адамзаттық өркениеттің тегермеші тез жүріп келеді. Осындай уақыт жағдайында мемлекет пен жеке адамды, тарих пен ұрпақты біріктіріп отыратын ұлттық сана, ұлттық идея және ұлттық идеология механизмін жүзеге асыру маңызды.

Жастарға ең қажетті нәрсе – ол ұлттық тәрбие. Тәрбиеге жеткілікті көңіл бөлмеушілік қоғам тарапынан жастар тәрбиесіне салғырт қарау, кейбір шектен шыққан әдепсіздік пен арсыздықтың көрініс беруіне алып келіп отырғаны шындық. Ұлтын сүйген ұлы тұлғаларды насихаттау арқылы біз олардың патриот болып қалыптасуына сеп бола аламыз.

ЖАНАР АБДРАХМАНОВА АЛМАТЫ ОБЛЫСЫ ҚАРАСАЙ АУДАНДЫҚ «ҮШТЕРЕК» МЕКТЕБІНІҢ ДИРЕКТОРЫ

Телефонға телмірген заманда жастар тәрбиесі басты орында тұруы маңызды. Рухани-мәдени құндылықтар арқылы ғана өскелең ұрпақтың бойына имунитет қалыптастыра аламыз дейді ұйымдастырушылар. Шара аясында ұлтымыздың ұлы перзенті Дінмұхамет Ахметұлы Қонаевтың өткен жолы мен өнегелі ғұмыры сөз болды. Адалдық, кішіпейілділік пен мемлекетшіл азамат болып қалыптасудың сырына мән берілді.Сонымен қатар тарихшылар Алаш арыстарын мысалға келтіре отыра, көпшіліктің көңіліне ой салатын рухани фктілерді алға тартты.

АЗАТ ҚАЛИ С.ДЕМИРЕЛЬ АТЫНДАҒЫ УНИВЕРСИТЕТТІҢ ТАРИХ БІЛІМ БЕРУ БАҒДАРЛАМАСЫНЫҢ ҮЙЛЕСТІРУШІСІ

Бүгінгі заман бәсеке уақыты.Яғни білім,жаңа идеялар дәуірі. Білім шаңырағында робота техникаға әуес жастардың көптігі көңілді қуантты. Олар өздерінің ойлап тапқан дүниелерін таныстырып жатты.

КӘУСАР АМАНЖОЛ ОҚУШЫ