https://www.youtube.com/embed/07MoMfewoaU?si=KvW3TtYXYVx-fKFV" 

Мемлекет басшысы Қасым-Жомарт Тоқаев Алматы қаласындағы сумен қамту нысандарының құрылысымен танысты. Қасым-Жомарт Тоқаевқа «Каптаж», «Бастау» тоғандарынан және «Медеу» сүзгі станциясынан келетін судың осы резервуарларда жинақталып, зарарсыздандырылатыны жөнінде мәлімет берілді. Тазаланған ауызсу арнайы орнатылған сорғылардың көмегімен Каменское плато, Көлсай, Юбилейный және Мұзтау ықшамаудандарының магистральды желілері арқылы таратылады.

Қасым-Жомарт Тоқаевқа Медеу ауданының 50 мың тұрғынын сумен қамтудың қосалқы схемасын іске қосу жоспары жөнінде мәлімет берілді. Ал Алатау, Бостандық және Наурызбай аудандарының халқын сумен тұрақты әрі сапалы түрде қамтамасыз ету үшін екі тоған салынып жатыр және тағы екеуінің жобалау жұмыстары жүргізілуде. Алматы қаласы әкімдігінің мәліметіне сәйкес биыл Қарғалы тоғанының құрылысын аяқтау жоспарланып отыр. Бұл нысан Наурызбай ауданының 50 мың тұрғынын ауызсумен қамтамасыз етеді. Келесі жылы Ақсай тоғанының құрылысын аяқтау көзделуде. Ол Наурызбай ауданындағы 100 мың тұрғын мен Алматы облысы Қарасай ауданындағы 15 мың тұрғынның суға қатысты мәселесін шешуге септігін тигізеді. Қасым-Жомарт Тоқаев Алматы қаласын сумен қамтамасыз ету жалпымемлекеттік маңызы бар басым міндет екенін атап өтті. Сонымен қатар былтыр Алматы қаласының Медеу ауданында болған жағдайдың қайталануына жол беруге болмайтынын ескертті.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Елімізде су тапшылығы бар. Бізге жалпы мемлекеттік бағдарлама қажет. Бау-бақшаны суару үшін ауызсуды пайдалануға болмайды. Оның орнына су үнемдеу технологиясын қолданысқа енгізіп, жер астынан жаңа су көздерін іздеу қажет. Алматының тұрғындары ауызсудың тапшылығына жиі шағымданады. Сондықтан кешенді, жүйелі жұмыс жүргізілуі керек».

Сондай-ақ Президент Алматы қаласына жұмыс сапары Footlab футбол орталығында болды. Қасым-Жомарт Тоқаевқа жаңа орталықтың пилоттық режимде жұмыс істей бастағаны туралы мәлімет берілді. Мұнда қазір жоғары білікті 8 бапкер 50 баланы жаттықтырып жатыр. «Smart Football» жауапкершілігі шектеулі серіктестігінің құрылтайшысы Мұрат Медеуовтің айтуынша, футбол академиясында 5 жастан 12 жасқа дейінгі 1000-ға жуық баланы жаттықтыру жоспарланған. Алматыдағы Footlab орталығы Португалияның франшизасын алған. Оның бас кеңсесі Лиссабонда орналасқан. Бүгінде Footlab франшизасы әлемнің 60-тан астам еліне сатылған. Бұл орталық Лиссабон мен Дубайдан кейін үшінші болып, Алматыда ашылды. Жобаға 1,5 миллиард теңгеден астам жеке инвестиция салынған. Орталықтың биыл 50 мыңнан астам адам қабылдау, сондай-ақ спорт пен салауатты өмір салтын насихаттау үшін Алматы қаласының оқушылары арасында турнир өткізу жоспары бар. Инвесторлар еліміздің барлық өңірінде осындай орталықтар желісін ашуды көздеп отыр. Президент балаларға арналған спорт жобасын дамыту үшін жауапты органдарға жер телімін бөлу мәселесінде жәрдем көрсетуді тапсырды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ

https://www.youtube.com/embed/F0gNoqA1QRU?si=KxdGbkT7WCX4BUSz" 

Сондай-ақ Президент Қасым-Жомарт Тоқаевтың төрағалығымен Алматы қаласында сейсмикалық қауіпсіздікті қамтамасыз ету мәселелері жөнінде кеңес өтті. Мемлекет басшысы ел аумағының үштен бір бөлігінде жер сілкінісі қаупі бар екенін айтты.

Сейсмологиялық станциялар соңғы 5 жылда 45 мыңнан астам дүмпу жағдайын тіркеген. Оның көбі – төмен балдық жер сілкінісі. Қасым-Жомарт Тоқаев инфрақұрылымдардың халықты эвакуациялауға дайындығына және құлақтандыру жүйесіне қатысты мәселеге ерекше назар аударды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Дабыл қосылмады. Бұл дұрыс шешім болды. Әйтпесе, қалада дүрбелең туындайтын еді. Бірақ халықты басқа байланыс арналары арқылы хабардар ету қажет болатын. Құлақтандыру бірнеше негізгі міндетті шешуі керек. Олардың қайсысын бұрын қолдану керектігі қауіп-қатердің ауқымына байланысты. Алайда қолданыстағы алгоритмдерде бұл ескерілмейді. Қатты жер сілкінісі кезінде адамдарды зілзаланың физикалық сипаттамалары мен эпицентрі туралы ақпарат қызықтырмайды. Олар табиғат апатының қаншалықты жойқын екенін онсыз да сезінді. Мұндай сәтте, ең бастысы, тұрғындарды әрі қарай қалай әрекет ету жөніндегі ақпаратпен қамтамасыз ету маңызды. Азаматтар «Үйге оралуға бола ма?», «Қайдан көмек алуға болады?» деген сауалдарға жауап алуы керек. Сондықтан құлақтандыру жүйесін қайта қарап, оны барынша нақты қажеттілікке бейімдеу қажет. Техникалық құралдар ақпараттың әр адамға уақытылы жетуін қамтамасыз етуге тиіс. Бұл жолы SMS-хабарламалар тым кеш келді. Сондай-ақ дүмпу кезінде байбалам салып, жалған ақпарат таратқандар болды. Жұртты әдейі дүрліктірген адамдарды заңға сәйкес жазаға тарту қажет».

Мемлекет басшысы төтенше жағдайлардың алдын алу және жою жүйесін материалдық-техникалық тұрғыдан жарақтандыру деңгейінің төмендігін сынға алды. Бұл сейсмикалық мониторинг желісіне де, сондай-ақ құтқарушыларды заманауи құрал-жабдықтармен, техникамен және арнаулы киімдермен қамтамасыз ету ісіне де қатысты.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Сейсмикалық бақылауды «Ұлттық сейсмологиялық бақылау және зерттеу ғылыми орталығы» ЖШС-не қарасты Алматы, Шымкент қалаларындағы және 12 облыстағы 70 сейсмологиялық станция жүргізеді. Оның алтауы істен шыққан. Мамандардың есебіне сәйкес бүкіл ел бойынша қосымша 285 сейсмологиялық станция орнату қажет. Жойқын жер сілкінісі кезінде мемлекеттік материалдық резервтің болуы және оның қолжетімділігі айрықша маңызды. Көлік байланысын жедел қалпына келтіру және медициналық көмек ұйымдастыру мүмкіндігі де шешуші рөл атқарады. Әкімдер Төтенше жағдайлар министрлігімен бірлесіп, барлық елді мекеннің осыған қағаз жүзінде емес, іс жүзінде дайын екеніне көз жеткізуге тиіс. Осы жер сілкінісінен сабақ алып, жіберілген олқылықтарды түзету қажет».

https://www.youtube.com/embed/nv1oQ4DhfUo?si=ZPafZuxXLXohZxtk" 

Ұлттық Қауіпсіздік Комитеті 2024 жылдың 20 және 24 қаңтарында прокуратура және полиция органдарының жәрдемімен Астана, Шымкент қалаларында және Ақтөбе облысында діни радикалдар әрекетінің жолын кесу бойынша операциялар өткізді. Жедел қызметкерлер терроризмді насихаттады және қаржыландырды деген күдікпен үш адамды ұстап, қамауға алды.

ҚР Қылмыстық кодексінің 256-бабы 2-бөлігі және 258-бабы 1-бөлігі бойынша соталды тергеп-тексеру басталды.Қазіргі уақытта осы істердің барлық мән-жайын анықтау үшін жедел және тергеу іс-шаралары жүргізіліп жатыр. Қылмыстық-процестік кодекстің 201-бабы 1-бөлігіне сәйкес өзге ақпарат жарияланбайды.

https://www.youtube.com/embed/KU_iifLRWds?si=v5MN_XenibW8j1nm" 

Табиғи монополияларды реттеу комитетінің департаментінде өткен ашық тыңдалымында Солтүстік Қазақстан облысында су тарифінің өсуі мүмкін екендігі айтылды. Бұған себеп – «Қызылжар су» серіктестігі мен «Қазводхоз» кәсіпорнының өтінімдері.

Су тарифінің өсуі - инвестициялық бағдарлама соммасының өсуінен дейді мамандар. Тобықтай түйініне келсек, техникалар мен станциялардың әбден тозығы жеткен.

ЕЛЕНА ПЕТРОВА «ҚЫЗЫЛЖАР СУ» ЖШС БАС ЭКОНОМИСТІ "Тариф бағасы тұрғындар үшін бір текше метріне 84,6 теңге, ал бюджеттік ұйымдар үшін 1162,55 теңге, басқа тұтынушылар үшін 394,31 теңге болмақ. Су тарифін 8,3 пайызға яғни 15 теңге 4 тиынға өсіруді жоспарлап отырмыз".

Айтай кетейік, талқыға түскен мәселе арасында «Қазводхоз» кәсіпорнының қызметкерлерінің айлығын көтеру туралы жоспар да айтылды. Осы негізде, тариф 0,13 теңгеге көтерілмек. Бұл тариф жобасы 2025 жылға дейін жоспарланды.

РАМЗИЯ ХАСАНОВА «ҚАЗВОДХОЗ» РМК СҚФ БАС ЭКОНОМИСТІ «ҚАЗВОДХОЗ» кәсіпорны облысты сумен қамтамассыз ететін жалғыз мекеме. Кәсіпорынның негізгі мақсаты өңір тұрғындарын ауыз сумен қамту. Сонымен қатар Ресейге су қоймалары арқылы тіршілік нәрін жеткізу".

Жобаның нақты жауабы сарапшылар кеңесінен кейін шешілмек.

https://www.youtube.com/embed/MJRerFOC22E?si=5VmRw4u5gCsuOuzm" 

Серб археологтары Римдегі арканы қазуды жалғастыруда. Сырын ішіне бүгіп жатқан тарихи жәдігерлер жайлы қазба жұмысын жүргізіп жатқан мамандардың қызықты деректеріне кезек берсек.

Археологиялық жұмыс кезінде табылған тарихи орын біздің заманымыздың 3 ғасырында іргесі қаланған. Бұл Балқандағы бірнеше ұқсас ғимараттардың бірі.

МИОМИР КОРАЧ АРХЕОЛОГ: «Виминациум салтанатты аркамен көмкерілген. Мұндай нысандар, әсіресе Еуропаның оңтүстік-шығыс бөлігінде сирек кездеседі. Римде олардың саны 20-ға жуықa, мүмкін одан да көп.Бірақ бұл аймақтағы алғашқы триумфалдық арка».

Виминаций — Римнің Моезия провинциясының астанасы болған. Өз дәуірінде 45 мың адам өмір сүрген ең ірі қалалардың бірі болды. Виминациумда сарай, храмдар, бекіністер, амфитеатр, ипподром, монша және шеберханалар бой көтерген қалада тіпті су құбыры да болған. Тарихи орын қаланың бас көшесін қазу кезінде табылды.

МЛАДЕН ЙОВИЧИЧ АРХЕОЛОГ: «Біз триумфалдық арканың көбірек бөліктерін табамыз деп үміттенеміз. Біз әдемі жасалған бір бағананы таптық. Бірақ мен жазуы бар фрагменттерді, бағандарды тапқым келеді».

V ғасырдың бірінші жартысында ғұндардың шабуылына ұшырап, қала қатты зардап шекті. Кейінірек оны Византия империясының императоры Юстиниан I қалпына келтіргенімен 6 ғасырда Славяндар қаланы жер бетінен жойды.1882 жылы басталған қазба жұмыстары , әлі күнге дейін жалғасуда. Археологиялық кешен 450 гектар аумақты алып жатыр. Әзірге аумақтың 5 пайызы ғана зерттелген.

ИЛЬЯ ДАНКОВИЧ АРХЕОЛОГ: «Біз қаланың осы ауданында тұратын адамдардың қалауы мен әдеттері туралы білеміз. Оған дәлел шарап әкелінген ыдыстар табылды».

Қазба жұмыстары кезінде нефрит мүсіндер, мозаикалар, фрескалар, қару-жарақ, тиындар, алтын бұйымдар және үш мамонттың қалдықтары табылды. Ал өткен жазда қала маңында кеншілер кездейсоқ ежелгі Рим кемесінің қалдықтарын тауып алған.

https://www.youtube.com/embed/XZtvnQ8Ksks?si=zemPpuZ5YzC4KgaK" 

БҰҰ-да Қытай Халық Республикасындағы адам құқықтарының ахуалы туралы тыңдаулар өтті. Адам құқықтары жөніндегі кеңес отырысында қатысушылар Шыңжаң өлкесі мен Қытайдың солтүстік-батысындағы ұйғырлар мен басқа да ұлт өкілдерінің түрмеге қамалуы адамзатқа қарсы қылмыс екенін айтты.

БҰҰ-ның тұрақты мүшелері ұйғырлар мен тибеттіктерді қудалауды тоқтатуға, сондай-ақ Қытайда дін бостандығын беруге көмектесетін ұсыныстарды талқылады. Кездесуге қатысу үшін 160 мемлекет тіркеліп,әр өкілдің мәлімдеме жасауына 45 секунд уақыт берілді.

ЛЕСЛИ НОРТОН КАНАДАНЫҢ БҰҰ -ДАҒЫ ӨКІЛІ: «Канада Қытайға ұйғырларға, тибеттерге және басқа этникалық азшылықтарға, соның ішінде мәжбүрлі еңбек, мәжбүрлі қоныс аудару, мәжбүрлі зарарсыздандыру және мектепке міндетті бару сияқты жазаларды өзгертуді ұсынады. Сондай-ақ Қытай үшін адам құқықтарын қорғаушыларды, этникалық аз ұлттарды қорлаудың барлық түрлерін тоқтату керек».

Чехия өкілі Қытайды діни топтар мен рухани ағымдарды, азаматтық белсенділерді қудалауды тоқтатуға шақырды.

ВАЦЛАВ БАЛЕК ЧЕХИЯНЫҢ БҰҰ -ДАҒЫ ӨКІЛІ: «Ұлттық қауіпсіздікті қорғаймыз деген желеумен қудаланып жатқан мұсылмандар, буддалық тибеттіктер, сондай-ақ моңғолдар бар. Біз Гонконгтағы адамдардың негізгі құқықтары мен бостандықтарын елемейтін ұлттық қауіпсіздік туралы заңның күшін жоюымыз керек».

Біріккен Ұлттар Ұйымы әр ел үшін шамамен төрт жыл сайын мерзімді шолу жүргізеді. Оның барысында сарапшылар адам құқықтарының жағдайына баға береді. Арнайы жиында Қытайдағы ар-ождан тұтқындарының органдарын мәжбүрлеп алу мәселесі де талқыланды. Атап айтқанда, ел билігі соңғы 25 жыл бойы қудалап келе жатқан Фалуньгунның бейбіт рухани тәжірибесін ұстанушылар жағдайы көтерілді. Көптеген айғақтар мен есептер тұтқындардың мүшелерін пайда көру мақсатында алынғанын көрсеткен.Отырыста куәгер болған сарапшылар арасында құқық қорғаушылар, профессорлар мен медицина мамандары болды.

https://www.youtube.com/embed/NvjiviTQu-4?si=Umtip4mOQfcyG6LS" 

Орал қаласының Жұлдыз шағынауданы тұрғындары үй ауласында ұялы байланыс мұнарасының орнатылуына наразы.Тұрындардың қарсы болуына қандай себеп,келесі бейнесюжетте.

Шетте орналасқан баспана иелерінің шағымы болмаса, орталықта байланыс қолжетімді. Бейтаныс кәсіпкер байланыс мұнарасын жеке тұрғын үйдің ауласына орнатпақшы болғанымен,тұрғындар құрылғының бұлай тым жақын тұруы денсаулыққа зиян деп топшылап отыр.

НАЙЛЯ НЫҒМЕТОВА ҚАЛА ТҰРҒЫНЫ

Мердігер мұнараны 2023 жылдың шілдесінде орнатуы тиіс болған. Кәсіпкер «екі тараппен келісімшарт жасасып, заңнама аясында жұмыс жүргізіп отырмын» дейді.

МАНАС ШАЙХИН МЕРДІГЕР МЕКЕМЕ ӨКІЛІ

Мердігер мен тұрғындардың кездесуіне ауласына мұнара орнатуға рұқсат берген үй иесі бой көрсетпеді. Ал жұмысшылар болса темір қоршауды кесіп, жұмыс жүргізген.

АЛЬБИНА НӘСІПҚАЛИЕВА ҚАЛА ТҰРҒЫНЫ: «Бізден ешкім рұқсат сұрап жатқан жоқ. Бастысы тұрғын үй иесімен келісім жасағанын айтады. Бұл іске біздің қатысымыз жоқ деп шешіпті. Мердігермен 4-ші мәрте кездесуге келіп тұрмыз. Баспана иесі бұл жолы да қатыспады. Жұмысшылар емін-еркін жұмыс жасап жатыр. Бұны қалай түсінеміз? Біз келісім берген жоқпыз».

Облыстық санитариялық-эпидемиологиялық бақылау департаментінің мамандары сараптама жасап, оң қорытынды берген.

ГҮЛДАНА КЕРЕЕВА БҚО САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ БАСШЫСЫНЫҢ ОРЫНБАСАРЫ

2023 жылы департаментке тұрғындардан осыған ұқсас 4 шағым түскен. Жүргізілген зерттеулер бойынша ұялы байланыс құрылғыларының жақын орналасуынан қауіп аз екені дәлелденген.

https://www.youtube.com/embed/sne0UN71SFc?si=BSbcITZz6NrUEA4m" 

Қызылорда өңірінде төрт түліктің саны көбеюде.Сонымен қатар, оларға жұғатын түрлі дерттердің де қатары кем деуге болмайды.Жануарларды лдын ала егу жұмыстары жүйелі жолға қойылған. Десе де, ем қонбайтын сәттерде ауру малдардың өлекселері мен биологиялық қалдықтарды тастайтын 146 қорым бар.Соның ішінде ветеринариялық-санитариялық талаптарға сәйкес типтік жобадағы 90 мал қорымы жасақталған болса, қалған 56-ы қарапайым шұқырлар.

АШМ тарапынан бекітілген жоспарға сәйкес, ҚР Үкіметі және Дүниежүзілік жануарлар денсаулығы ұйымы арасындағы келісімді іске асыру мақсатында, жануарлардың аса қауіпті ауруларының алдын-алу бойынша аймақта симулятивті оқу жаттығуы өткізілген. Оқу-жаттығу барысында сібір жарасы ауруына күдікті жағдай тіркелген уақытта алгоритмге сәйкес тиісті мекемелерге хабарламалар беру, өлекселерден патологиялық үлгілер алу, оларды ветеринариялық зерітханаға жеткізу, карантин іс-шараларын белгілеу, сауықтыру жұмыстарын жанжақты ақпараттандырған.Әдістері толыққанды түсіндіріліп, көрсетілген.

ШАХМАРДАН ҚОЙШЫБАЕВ ҚЫЗЫЛОРДА ОБЛЫСЫ ВЕТЕРИНАРИЯ БАСҚАРМАСЫНЫҢ БАСШЫСЫ Сонымен қатар облыс көлемінде ауыл шаруашылығы жануарлары арасында ауру ошақтарын болдырмау, алдын алу, тұрақтылықты сақтау мақсатында 2023 жылы аса қауіпті 14 түрлі жұқпалу ауруларға 6973,5 мың доза ветеринариялық препараттар облысқа толық тасымалданып жеткізілген.

https://www.youtube.com/embed/IkSz_KrFLqk?si=0VT3egRNR9Pt-F2Y" 

«Баланың балалығы балдай болсын» деп салынған Ақтау қаласындағы балалар ойын алаңы енді дау болып тұр. Даудың басын шешуші әкімдік бәрін қалпына келтіреміз, мердігер компания жақында қайта жұмыстарына кіріседі, сәл шыдаңыздар дейді. Толығырақ алдағы сюжетте.

Бұл Ақтау қаласының 11 шағын ауданының 21-ші үй маңы. Кішкентай тұрғындарға арнап салынған мына ойын алаңы желтоқсан айында пайдалануға берілген. Бірақ, жарты жылға да шыдамаған алаңның орны болғанымен ойнайтын әткеншегінің сапасы кетіп, сырғанағының ортасы түскен. Жасанды төсеніштің сұры бар да сәні жоқ.

ТҰРҒЫН: "Бұл айналмалы шеңберлерді тым төмен жасаған. Жерге тиіп жасалғандықтан сынып, жарамсыз болып қалды. Әуелден сапасыз жұмыс жасалды. Әткеншектер сынғасын оны алып кетті. Енді мына сырғанақта қисайып әрең тұр".

Жауаптылардың айтуынша ойын алаңынын құралдарын мердігерлер әсте сапалы түрде алып келмеген. Сол себепті, алаң 1 айда осындай хәлге түсіп тұр. Ал, әкімдіктің жауабы біреу – жұмыс жүріп жатыр.

БАХТИЯР МАҚСАТОВ АҚТАУ ҚАЛАЛЫҚ ТҮКШ БӨЛІМІ БАСШЫСЫНЫҢ ОРЫНБАСАРЫ "Мердігер мекеме өз міндеттерін негізінде толықтай орындап, балалар ойын алаңын орналастырған болатын. Алайда, бұл элементтер, сапасына сай болмай, көп ұзамай істен шыққан. Бірақ арадағы келісім шартта бір жылдық кепілдік мерзімі бар мердігер мекеме мен тапсырыс беругі арасында. Осы негіздеме аясында мердігер мекеме өзінің міндеттемелерін толықтай орындайтын болады. Яғни, жанағы айтқан екі мекен жайдағы балар ойын алаңының элементтерін толықтай жаңартып, төсенішін жаңадан ауыстыратын болады".

Ойнауға берілген ойын алаңының жаңаруы ақпан айында басталмақ. Бірақ, барлығы құбылмалы ауа-райына байланысты болмақ. Мердігер мекеме сапалы материалдармен сын болмайтын алаң жасауға кірісті.

https://www.youtube.com/embed/p48rkM8vwD8?si=RSS6Wx6kPxmGvCpI" 

https://www.youtube.com/embed/ZbqhEY7Feyo?si=TlCTn77bzddMeBWt" 

Бұдан былай электронды темекі, вейп сатқандар мен оны өндіргендер қылмыстық жауапкершілікке тартылады. Екі жылға дейін бас бостандығынан айырылады. Бүгін Мәжіліс вейпке толық тиым салатын заң жобасын екінші оқылымда мақұлдады. Сондай-ақ депутаттар енді жастар денсаулығына зиян кальянды да қолдануға тыйым салатын заң жобасын әзірлеу керек дейді. Мәжілісмендер көтерген өзекті мәселелер толығырақ алдағы бейнесюжетте.

Вейптерді әкелуге, өндіруге, сатуға және таратуға тыйым салынады. Олардың заңсыз айналымы үшін қылмыстық жауапкершілік енгізіледі: сатқаны үшін 50 тәулікке дейін қамалады. Әкеліп, таратқаны үшін – 2 жылға дейін бас бостандығынан айырылады. Ал, қылмыстық топ құрып, аса iрi мөлшерде вейптерді таратса – 5 жылын темір торда өткізеді. Жаңа құжат бүгін мәжілісте қабылданып, сенатқа жолданды. Бұндай заң енді кальянға да қажет дейді депутаттар.

ДӘУЛЕТ ТҰРЛЫХАНОВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Бүгінде арнайы көңіл көтеретін, тамақтанатын орындарды қойып, жастар көлікке салып алып қорқорлататын жағдайға жетті. Ал кальянның құрамында не бар екені, не қосып жатқаны мүлдем белгісіз. Оған гашишь те, арақ та, коньяк та қосуы әбден мүмкін. Алайда оған бақылау жүргізілмейді. Кальянды қоғамдық орындарда қолдануға заң жүзінде тыйым бар. Алайда бұл норма орындалмай отыр. Өйткені 3 жыл бойы кәсіпкерлік субъектілерін тексеруге мораторий болды. Тексерісті тоқтату деген заңды бұзуға болады деген сөз емес қой. Бірақ пайдаға дәндеген кәсіпкерлер мұны пайдаланып қалуға тырысты. Кальян таратушылар тек өздерінің ғана емес, қасындағы адамдардың да денсаулықтарына зиянын тигізіп жатыр».

Одан бөлек, бүгін мәжіліс депутаттары денсаулық сақтау туралы заңға енетін өзгерістер мен толықтыруларды мақұлдады. Жаңа құжатта дәрігерлерге арналған бірқатар оң өзгерістер бар. Мәселен, енді ақ халатты абзал жандардың балаларын балабақшаға орналастыруда арнайы жеңілдік болады. Ауылға барған дәрігерлерге 9 млн теңгеге жуық көтермеақы беріледі. Ал, жыл сайын өтетін конкурс «Үздік маман» жеңімпазына 1 млн 700 мыңнан аса сыйақы төленеді.

ГҮЛДАРА НҰРЫМОВА ҚР ПАРЛАМЕНТІ МӘЖІЛІСІНІҢ ДЕПУТАТЫ: «Бұдан басқа, медицина кадрларын ынталандыру және олардың тапшылығын қысқарту үшін ауылға жұмыс істеу үшін келетін медицина қызметкерлеріне 100 ең төменгі жалақы мөлшерінде біржолғы ақшалай төлемді жүзеге асыру жөніндегі нормалар қабылданды».

Одан бөлек, мәжіліс депутаттары мүмкіндігі шектеулі жандарды баспанамен қамту, қаржы нарығын реттеу сынды проблемаларды ашық көтеріп үкімет басшысының атына депутаттық сауал жолдады. Ал, депутат Бақытжан Базарбек кешегі зілзалада халықты ақпараттандырмаған ресми органдардың жұмысын сынап, жер сілкінісіне дайындықты қатаң тексеруді ұсынды.

БАҚЫТЖАН БАЗАРБЕК ҚР ПАРЛАМЕНТІ МӘЖІЛІСІНІҢ ДЕПУТАТЫ: «Тұрғындар басында әбігерге түсті. Бойын үрей билеген халық жапатармағай сыртқа ұмтылды. Тіпті көпқабатты үйлердің терезесінен секіруге дейін барды. Көліктерімен қала  сыртына шығып кетпек болғандарда есеп жоқ. Оның соңы ұзынсонар кептеліске ұласты. Бұл – еліміздің ең үлкен қаласы, жан-жақты дамыған, инфрақұрылымы мықты Алматыдағы жағдай. Абырой болғанда, ғимараттар құламады, адам шығыны жоқ. Десе де, мұндай жағдайдың қайталанбасына кім кепіл?!»

Осылай деген депутат апатқа дайын болатындай мәдениет қалыптастыру керек деді. Ол үшін дереу халық арасында түсіндірме жұмыстарын жүргізіп, әр адамды сауаттындару керек дейді.

https://www.youtube.com/embed/eTFQ2o6xOOI?si=Zf3HU3zWdGYdCrkx" 

Алматы облысына қарасты Первомай өнеркәсіп аймағында полиэтилен өнімдері сақталған қойма өртенді.Төтенше жағдайлар департаментінің ақпаратына сүйенсек, жағымсыз жағдай, таңғы сағат 7 шамасында орын алған. Оқиға орнына дереу Алматы облысы ТЖД қызметкерлері жіберілді. Сағат 7:20–да алғашқы өрт сөндіру бөлімшелері келген кезде нысан толығымен отқа оранған. Сонымен қатар, шақырудың жоғары дәрежесі бойынша жақын маңдағы бөлімшелердің күш-құралдары жөнелтілген. Өрттің үлкен аумаққа таралуының себебі — өрт туралы кеш хабарлаудың салдарынан болған. Тілсіз жау, сағат 9:12–де оқшауланды. Жақын маңдағы қоймаға оттың таралуына жол берілмеді.Абырой болғанда зардап шеккендер жоқ.

АЗАМАТ ӘЛҒОЖАЕВ АЛМАТЫ ОБЛЫСТЫҚ ӨРТ СӨНДІРУ ЖӘНЕ АВАРИЯЛЫҚ-ҚҰТҚАРУ ЖҰМЫСТАРЫН ҰЙЫМДАСТЫРУ БӨЛІМІНІҢ БАСТЫҒЫ: «Өрттің себебін анықтау үшін Алматы облысы ТЖД анықтау бөлімінің және өрт зертханасының қызметкерлері жұмыс істеп жатыр.Қызыл жалынды сөндіруге Алматы облысы ТЖД 37 қызметкері мен 14 техникасы және Алматы қаласынан 22 маман мен 4 өрт сөндіру машинасы жұмылдырылды».