https://www.youtube.com/embed/EJLnShMhtRU?si=zOpZYAp_5ZLaJN_f" 

https://www.youtube.com/embed/Sc_hgZGbtFY?si=n5Lo5vkGoJ1pOoib" 

Ұстаздық ету – уақыт ұту емес, өзгенің бақытын аялау, өзіңнің уақытыңды аямау. Бірақ бұған өкінбеу керек. Жер үстінде адам тәрбиелеуден асқан абыройлы іс, ардақты жұмыс жоқ. Ұстаздық – ұлы нәрсе деп Зейнолла Қабдолов бекер айтпаған.

Сапалы білім мен саналы тәрбиені қатар алып жүру мақсатында еліміз бойынша кешенді шаралар атқарылуда.Мәселен Алматы қалалық білім басқармасының басшылығымен «Алматы мектебі» жобасы жүзеге асуда. Онда оқушыларды тәрбиелеу мен оқытудағы инновациялық тәсілдер талқылануда.

СӘУЛЕ ЖҰМАБЕКОВА АЛМАТЫ ҚАЛАЛЫҚ №5 МЕКТЕП-ГИМНАЗИЯСЫНЫҢ ДИРЕКТОРЫ

Семинар жұмысына елімізге белгілі білім беру саласының көрнекті өкілдері мен кәсіпқой мамандары қатысты.Онда Федор Вассерман әзірлеген бірегей «Биоинформатика және синергетика» әдістемесін таныстырылды.

ФЕДОР ВАССЕРМАН БІЛІМ АКАДЕМИЯСЫ ПРЕЗИДЕНТІНІҢ КЕҢЕСШІСІ: «Бүгінде білім сапасын арттыру,білім жүйесіндегі маңызды мәселе. Оқу-ағарту министрлігі мен білім академиясы үлкен қадамға барып отыр. Біз ұсынған жобалардың берер мол деп ойлаймын. Мектеп оқушыларын тәрбиелеу мен оқыту ісіндегі бұл инновациялық тәсіл ғылым мен білімнің интеграциясы үшін таптырмас мүмкіндіктерге жол ашады».

https://www.youtube.com/embed/24dAhfo3o74?si=yWyl8QM2d-TbKdFn" 

Алматыда электр энергиясына тарифтің өсуіне байланысты ХӘОТ үшін өтемақы ұлғаяды. Мұндай шешім Алматы қаласы мәслихатының кезектен тыс XI сессиясында қабылданды. Отырыста қала тұрғындары үшін және қаланың дамуына қажет бірқатар мәселелер қаралды. Коммуналдық тарифтердің өсуіне байланысты Алматы қаласы әкімінің орынбасары Асқар Әмрин тарифтің өсуі жеке тұлғалар үшін көрсетілетін қызметтердің құнын орта есеппен 315,6 теңгеге артатынын айтты.

АСҚАР ӘМРИН АЛМАТЫ ҚАЛАСЫ ӘКІМІНІҢ ОРЫНБАСАРЫ

Айта кетерлігі, тарифтерді көтеру қаланың коммуналдық желілерінің тозуын азайту және апаттар мен коммуналдық қызметтерді көрсетудегі үзілістер тәуекелдерін азайту үшін "Инвестицияларға айырбастау тарифі" бағдарламасын іске асыру аясында жүргізілуде.

https://www.youtube.com/embed/j5PVC_DdOqU?si=XPHABF_ehEFpQZiJ" 

Оралда көпқабатты үйдің тұрғындары есік алдына салынып жатқан құрылысқа наразы. Абай даңғылы, 177 мекенжайында орналасқан үйді мекендеушілер бұған дейін осы мәселемен талай мекеменің табалдырығын тоздырған. Ғимараттың іргетасы көктемде қаланып, бой түзей бастаған. Тұрғындар әкімдікке жүгінгенен кейін құрылыс тоқтап, бірнеше айдан кейін қайта жалғасқан.

Абай даңғылы, 177 мекенжайында орналасқан 64 пәтерлі үйдің тұрғындарын тұмсық астындағы құрылыс жөнінде ешкім хабардар етпеген. Құрылыс ағымдағы жылдың мамыр айында басталған. Тұрғын үй иелері осы мәселемен әкімдікке жүгінді. Содан соң құрылыс біраз уақыт тоқтап қалған. Артынша Сәулет және қала құрылысы басқармасы бұл мәселенің бақылауда екенін мәлімдеді. Бірақ бірнеше айдан кейін құрылыс жұмыстары қайта жалғасқан.

ВЕРА ШЕЛУХИНА ҚАЛА ТҰРҒЫНЫ: «Әкім бізге құрлыс тоқтатылды деген болатын. Көріп тұрғандарыңыздай тұрғын үй әлі салынып жатыр. Біздің зейнеткерлерміз аяқ-асты жедел жәрдемге жүгіну керек болса олар бізге тар жолмен кіре алмай кедергіге тап болады ғой».

БОРИС ШАЙЫМОВ ҚАЛА ТҰРҒЫНЫ: «Басында құрылыс тоқтаған болатын. Кейін көп ұзамай қайта басталды. Біз шағым түсірмеген жер қалмады. Көп жерге аяқтай да бардық. Қандай да бір қиындық туындаса, тілсіз жау келе қалса, өрт сөндіру көлігі де өтпейді мына ортадан».

Енді екі қабатты ғимараттың құрылысы жалғаса береді екен. Айта кететін жайт, заңға сәйкес көпқабатты тұрғын үй мен салынып жатқан екі қабатты жеке ғимарат арасындағы ең аз арақашықтық кемінде 10 метр болуы керек.

МҰРАТБЕК ТАШЕНБАЕВ СӘУЛЕТ ЖӘНЕ ҚАЛА ҚҰРЫЛЫСЫ БӨЛІМІНІҢ БАСШЫСЫ: «Тұрғындардың өтініші бойынша біз құрылыс алаңын тексердік. Кейбір шарттар сақталмаған. Осы жер телімінің иесі құрылыс салушының өзі. Біз ол мердігермен тілдестік. Құрылыс жұмыстары тоқтатылған болатын. Алайда кәсіпкер біздің ескертуді қабылдамай, үстімізден сотқа арыз тастаған».

Егер жанайқайға құлақ аспаса тұрғындар әрі қарай барлық құзырлы органдарға хабарласып, жоғарғы сотқа шағымдануға бел буып отыр.

https://www.youtube.com/embed/AaqQCm5XBGM?si=ekUwk-ha6TUT91t8" 

Мыңдаған баланың жан-жақты дамуына сеп болған «Art sport» бағдарламасында түрлі былықтардың беті ашылуда. Оңай олжа табуды көздеген кәсіпкерлер үйірмелерді тек қағаз жүзінде ашып, жоқ балалар үшін мемлекеттің миллиондаған қаржысын қалталарына басқан. Бармақ басты, көз қыстылыққа жол бергендердің ісі сотта қаралып, заңды белшесінен басқандар жауапқа тартылды.

Балаларға арналған бағдарламаның арқасында шылқымайға батуды көздегендердің бірі Ерейментау қаласының тұрғыны. Кәсіпкер қағаз жүзінде үстел теннисі, шахмат, домбыра және би үйірмелерін ашқан. Алайда, шахмат пен домбыра сабақтары мүлдем өткізілмеген. Үйірмеге қатысатын балалардың санын да асыра көрсетіп, нәтижесінде 6 миллион теңгені жымқырған. Және бұл жалғыз жағдай емес. Әккі кәсіпкерлердің кесірінен мемлекетке 16 миллион теңге шығын келген.

МЕРУЕРТ БАЙБОЛОВА АҚМОЛА ОБЛЫСТЫҚ ПРОКУРАТУРАНЫҢ БАСҚАРМА ПРОКУРОРЫ: «Тағы бір мысал, Көкшетау қаласының кәсіпкерлерінің бірі волейбол және үстел теннисі секцияларын тіркеді. Ал іс жүзінде олар тек волейболға барды, теннис сабақтары өткізілмеді, бірақ кәсіпкер бюджет ақшасын алғаны туралы табель толтырды. Қазіргі уақытта барлық істердің тергеуі аяқталды».

Аталмыш фактілер бойынша облыстық прокуратурада қылмыстық іс тіркеліп, сотқа жіберілген. Сот үкіміне сәйкес, Ерейментаулық кәсіпкердің бас бостандығына 3 жыл 6 айға шектеу қойылды. Ал, жалған үйірмелер ашқан көкшетаулық кәсіпкер жарты жылда 1 миллион теңгені жымқырған. Заң бұзушылықтардың орын алуына жобадағы кейбір шикіліктер әсер еткен.

ҚУАНЫШ ҚАРАУЫЛОВ, АҚМОЛА ОБЛЫСТЫҚ ДЕНЕ ШЫНЫҚТЫРУ ЖӘНЕ СПОРТ БАСҚАРМАСЫНЫҢ БӨЛІМ БАСШЫСЫ: «Олқылықтардың барлығы дұрысталып, электронды табель жасалды. Осыған дейін де электронды табель болған, бірақ оған пошта арқылы кіріп, кез келген адам толтыра алатын. Ақша жымқырған кәсіпкерлер де осыны ұтымды пайдаланған. Ал, енді табельді әр ата-ана өзінің электрондық сандық қолтаңбасы арқылы толтырады. Сондай-ақ, бұрын жалған жеке сәйкестендіру нөмірін тіркеп, жоқ балаларды тізімге қосу мүмкін болатын. Бұл олқылықтардың барлығы бір жолға қойылды. Содан кейін ешқандай заңбұзушылық орын алған жоқ».

Оңай олжа тауып, пайдаға тез кенелуді көздейтіндердің арам пиғылы ерте ме кеш пе әшкере болары сөзсіз. «Art sport» жобасы бойынша орын алған заң бұзушылықтар да тексеріліп, мемлекетке келтірілген шығын толық көлемде өндірілді. Айта кетейік, қазіргі таңда облыс бойынша 10 мыңнан аса бала спорттық секцияларға , тағы 8 мыңнан астамы шығармашылық бағыттағы үйірмелерге барады. Оларға бір жылда мемлекеттен 3 миллиард теңгеден астам қаражат бөлінеді.

https://www.youtube.com/embed/okcRWX13XcA?si=LJIGYGSvz3_uh3M-" 

Бұрын қоғам педагогика саласын қажетсіз санайтын. Мұғалім мамандығын кездейсоқ таңдайтын студенттерді жиі байқайтынбыз. Ал қазір педагог болғысы келетін мектеп түлектеріне, педагогиканы бітірген студенттерге талап күшейді. Қазір жас мамандар қолына дипломын ала сала,білім ошақтарына жұмысқа тұруға асығады.Оқу-ағарту министрлігі тарапынан сапаға көңіл бөлуде,яғни жас мамандардың заман талабына сай,жаңа технология жүйесімен білім беруге ерекше көңіл бөліп отыр.

Бүгінде мұғалім болғысы келетін жастардың қарасы көп,оған бірден-бір себеп,жоғары жалақы мен білім саласындағы жүріп жатқан жаңа реформалар.Қазіргі заман санды емес,сапаны сөйлетеді.Демек ұстаз болып жұмысқа орналасқан жас мамандардың білікті,қабілетті болуы алғы шарттардың біріне айналды.

ЖАННА ТАНЫРБЕРГЕНОВА АЛМАТЫ ҚАЛАЛЫҚ №49 ЖББ МЕКТЕПТІҢ ДИРЕКТОРЫ: «Біздің білім шаңырағымызда жас мамандар жұмыс жасайды.Қазір өздеріңіз білесіздер,олардың біліктіліктеріне ерекше көңіл бөліп жатыр.Жаңадан жұмысқа орналасқан жас мамандарға ұзақ жылдық тәжірибиесі бар тәлімгермен бірлесе отырып,сабақ беру методикасын жүргізіп отырамыз.Білікті ұстаздар жастардың түсінбеген мәселесіне тиісті көмегін көрсетіп,қолдау білдіріп отырады. Сондай-ақ мектеп ішінен жас мамандарға коучинктер мен тренингтер тұрақты түрде ұйымдастырылып отырады».

Алматы қалалық білім басқармасы, білім берудегі жаңа технологиялардың ғылыми-әдістемелік орталығының қолдауымен жас мамандардың дәріс беру тактикаларын қызықты өткізуге байланысты қалалық деңгейде арнайы семинар жұмысын ұйымдастырды. Әр ауданға қарасты білім ошақтарынан жиналған жас мамандар өздеріне қажетті ақпараттар алып, ұстаздық деген ұлы мамандықтың негізгі мұратын талқылады.

САМАЛ ЕРЖАНҚЫЗЫ ЖАС МАМАН

https://www.youtube.com/embed/nnMkTEaGCnU?si=OCisnNQNZZRhTEsH"

Келесі жылы әлемдік экономика біршама бәсеңдейді. Бірақ мемлекеттік қарыздардың жоғары деңгейіне және пайыздық мөлшерлемелерге қатысты белгісіздікке қарамастан, «құлдырау» қаупі азайды. Бұл туралы Экономикалық ынтымақтастық және даму ұйымы хабарлады.

Жаһандық өсім биыл 2,9% -дан 2024 жылы 2,7% -ға дейін бәсеңдейді деп күтілуде. Содан кейін 2025 жылы 3% -ға дейін өседі деп болжануда.

КЛЭР ЛОМБАРДЕЛЛИ - ЭЫДҰ БАС ЭКОНОМИСІ: "Бұл 2000 жылдан бастап COVID пандемиясына дейінгі кезеңдегі орташа өсу қарқынынан айтарлықтай төмен. Біз болжап отырған өсімнің басым бөлігі нарығы қалыптасып келе жатқан елдерге, әсіресе Азияға тиесілі болады".

Экономикалық ынтымақтастық және даму ұйымының 38 мүшесінің құрамына кіретін экономикасы дамыған елдерге келетін болсақ, ондағы жағдай күтілгеннен жақсы. Мәселен, АҚШ экономикасының өсімі биыл 2,4% -дан келесі жылы 1,5% -ға дейін бәсеңдейді. Қыркүйекте бұл көрсеткіштер төмен болады деп күтілген. Алайда, Экономикалық ынтымақтастық және даму ұйымы тұрғын үй нарығының әлсіздігін, мұнай бағасының жоғарылығын және баяу кредиттеуді ескере отырып, рецессия қаупін жоққа шығармайды. Сондай-ақ Қытай экономикасы бәсеңдейді деп күтілуде. Ол жылжымайтын мүлік нарығындағы көпіршікке, сондай-ақ ішкі сұраныстың баяулауына тап болды. Экономикалық ынтымақтастық және даму ұйымының болжамы бойынша ел экономикасының өсуі биыл 5,2% -дан 2024 жылы 4,7% -ға дейін баяулайды. Содан кейін 2025 жылы бұл көрсеткіш 4,2% -ға дейін төмендейді. Еуро аймағында өсу қарқыны биыл 0,6% -дан 2024 жылы 0,9% -ға дейін артады. 2025 жылы 1,1% өседі деп болжануда, себебі Германия - блоктың ірі экономикасы - биыл рецессиядан шықты. Дегенмен, ЭЫДҰ еуроаймақтағы банктік қаржыландырудың жоғары деңгейіне байланысты пайыздық мөлшерлемені көтерудің толық әсері белгісіз болып қалатынын ескертті.

https://www.youtube.com/embed/ur2lhqlrIFQ?si=dD9IvRUg9kxR0r2d"

Алматы облысы ауыл шаруашылығы өнімдерін өндіру көрсеткіші бойынша Республикалық деңгейде үшінші орында. Жыл бойы өнім алуды қамтамасыз ету мақсатында жылыжай кешендері мен сақтау қоймаларын ұлғайтуда.Бұл туралы облыс әкімі Марат Сұлтанғазиев Астанада өткен брифинг барысында айтты.

Өз алдына облыс болып қайта құрылған Алматы облысы ауыл шаруашылығына қолайлы аймақ деуге болады.Егін алқаптарына берілетін су шығындарына қарамастан өңірде егістік көлемі 3-мың гегтарға артқан.Шаруагерлер қолда бар мүмкіндікті пайдаланып, күзгі жиын-терімді уақытында жинап алған.

МАРАТ СҰЛТАНҒАЗИЕВ АЛМАТЫ ОБЛЫСЫНЫҢ ӘКІМІ

Облыста жол,жарық,ауыз су секілді маңызды инфрақұрылымдар күн тәртібінен түскен жоқ. Шешілген мәселеден,шешілуі тиіс жұмыстар жеткілікті. Әкімік айтулы жағдайларды реттеу үшін бөлінер қаржы көлемін ұлғайтқан.

МАРАТ СҰЛТАНҒАЗИЕВ АЛМАТЫ ОБЛЫСЫНЫҢ ӘКІМІ

Алматы облысы,кәсіпорындарды ашуға қолайлы аймақ.Осыған байланысты жергілікті билік,инвесторлармен бірлесіп ауқымды жұмыстарды бастап кеткен.Бүгінде индустриялық аймақтар салынуда.

МАРАТ СҰЛТАНҒАЗИЕВ АЛМАТЫ ОБЛЫСЫНЫҢ ӘКІМІ

Алматы облысында тағы бір күрделі мәселе бар.Ол,үш ауысымды мектептер. Айтулы жағдаймен күресу мақсатында кешенді бағдарлама қолға алыныпты.

МАРАТ СҰЛТАНҒАЗИЕВ АЛМАТЫ ОБЛЫСЫНЫҢ ӘКІМІ

Ауылдық денсаулық сақтауды жаңғырту» ұлттық жобасы аясында 2024-25 жылдары 38 медициналық нысан салу көзделуде. Қонаев қаласында 800 төсектік көпбейінді аурухана, 500 келушіге арналған емхана, қалалық аурухана жанындағы инфекциялық блок салу жоспарлануда. Айта кетейік биыл «Қазақстан Халқына» қоры 1,1 млрд. теңге тұратын 2 жылжымалы медициналық кешен сыйға тартты. Олар жапондық компьютерлік томографпен, цифрлық маммографпен және УЗИ аппаратымен жабдықталған. Кешендер шалғай ауылдардың тұрғындарын скринингтен өткізуде.

Қонаевтың Бас жоспары бекітілді. Негізгі әкімшілік ғимараттар шаһардың қазіргі аумағында салынады. 19 мың га аумақта орналасатын қала халқының саны 2050 жылға қарай 200 мың адамды құрайды деп болжануда.
2-ші кезеңде «Жаңа Іле» алаңы игеріледі. Онда әлеуметтік-тұрмыстық, мәдениет, білім беру ғимараттары, тұрғын-үй кешендері және рекреациялық нысандар бой көтермек.Ал Алатау деп аталатын жаңа қаланың пайда болу мүмкіндігіне облыс әкімі былай деп жауап берді.

МАРАТ СҰЛТАНҒАЗИЕВ АЛМАТЫ ОБЛЫСЫНЫҢ ӘКІМІ

https://www.youtube.com/embed/FY0CCAUNtOM?si=iCSbmtVzII9VSU8-" 

Ақтаудағы 19-шы шағын аудан тұрғындары бірнеше сағат тоқсыз отырды. Ашынған жұрт апат болған жерге жиналып, шу шығарды. Комерциялық нысанның иесі қазу жұмыстарын жүргізу кезінде жер астындағы кабельді үзіп алған. Салдарынан 4 үйдің тұрғындары жарықсыз қалған.

Жиналған жұрт үзілген кабельдің жалғанғанын тағатсыздана күтіп тұр. Мұндағы тіршілік тоққа тікелей тәуелді. Ас дайындау үшін де электр көзі қажет. Себебі, газ әлі күнге дейін берілмеген. Бұдан бөлек жылу мен суды жоғарғы қабатқа дейін жеткізуге су айдау қондырғысы тоқпен жұмыс жасайды. Ал жедел саты айтпасада түсінікті.

АМАНДЫҚ ӘМИНОВ ТҰРҒЫН:«Насостың бәрі тоқтайды. Жылу жүйесі тоқтайды. Қараңғы қалды деген сол. Газ жоқ, лифт жоқ. Жап-жаңа осы жерде бір келіншек айтып келді лифтінің ішінде қалып қойдым деп».

НАЙМАН САРКУЛОВ ТҰРҒЫН:«Өзім 40 минут лифтінің ішінде тұрдым. Осы 9 күннің ішінде соңғы, мынау үшінші рет қайталанып тұр. Өткенде 13-14 сағат тоқ болған жоқ».

МАНАС АРЫПҚАНОВ ТҰРҒЫН:«Жағдай осы, енді осы жерді түзеу керек. Ол застройщик па, ол АУЭС па біз білмейміз. Бір-біріне сілтеп отыр бәрін. Бастарын алып қашып отыр»

Бір аптада бірнеше рет өшкен тоқтың жыры бұрыннан да бар екен. Үйді салған мердігер мекемеге айтсақ, олар мемлекеттік коммуналдық кәсіпорынға сілтейді, - дейді тұрғындар. Ал Ақтау электр желілері басқармасының өкілі бұл жердегі кабель заңды түрде мекеменің қарамағына өтпеген деп жауап берді.

ТЕҢЕЛ СЕЛМАҒАНБЕТ МЕРДІГЕР МЕКЕМЕНІҢ ЗАҢГЕРІ:«Қазіргі таңда АУЭСтің балансында. АУЭС толықтай жауап болады. АУЭСтің бізге сілтеуге ешқандай құқығы жоқ деп ойлаймын. Себебі бізге қағаз жүзінде ешқандай дәлелдеме көрсете алмайды. Бұл ҚазЭлиттің мекенінде екенін, ҚазЭлиттің жауапты екеніне ешқандай дәлелдеме көрсете алмаған себепті бұл АУЭСтің қарамағында. АУЭС қадағалау керек».

ӘДІЛБЕК МАХАМБЕТОВ “АУЭС” МКК БАС ИНЖЕНЕРІ:«Әрі қарай екі кабельде барып жатыр. Осыдан үш жыл бұрын бір кабель поврежден болды. Содан кейін екінші кабель қалды. Оны жасаған жоқ. Екінші резервный да. Соны ҚазЭлитке жаздық. Айттық да, телефонмен де айттық, кешеде айттық. Екінші кабельді жасаң, халыққа обал ғой деп. Иә, иә дейді де кетеді. Былай қашады, былай қашады, қашқаннан пайда жоқ. Оны жасау керек. Екінші кабель болғанда қазір, мана қосып жіберуге болатын еді. Біреу поврежден болса, екіншісімен тұрады. Біздің баланста емес, бірақ халық үшін жасап жатырмыз».

АУЭС мекемесі бас инженерінің айтуынша мұнда қосымша екінші апатты жағдайда қолданатын кабель тартылған екен. Алайда ол осыдан 3-4 жыл бұрын үзілген. Ажыратылған тоқ сол күйі қалыпты. Мамандар «мердігер мекемеге бірнеше мәрте ескерту жасап, тоқты жалғап қойыңыздар дегенімізді пысқырмады» деп отыр. Мәселенің ақ-қарасын ажыратуға әкімдікке хабарластық. Олардың берген ақпаратына сәйкес, үйді салған құрылысшы мекеме биллингпен тұрғын үйді өткізгенімен, кабель тартылған дәлізді заңды түрде тапсырмаған болып шықты.

БАХТИЯР МАҚСАТ ТҮКШ БӨЛІМІ БАСШЫСЫНЫҢ ОРЫНБАСАРЫ:«Бұл электр желісі теңгерімге тапсырылмаған, құрылыс салушы мекемеден. Құрылыс салушы мекеме құрылысын аяқтағаннан кейін, барлық тиісті құжаттарымен коммуналдық меншікке тапсырады. Электр желісін тапсырады, аталған тұрғын үйді биллингкке өткізеді, бұл электр желісі тапсырылмаған. Яғни Ақтау электр желісі басқармасы бұл желілерге қызмет көрсетпейді».

Кімнің олқылығы екенін құзырлы орган шешеді. Тұрғындардың да талабы бір - тоқтың беймезгіл кезде өшпеуі және заңды түрде АУЭСке тапсырылуы. Егер бұл мәселе дәл осылай жалғаса беретін болса, тиісті құзырлы орынға барып шағымданамыз, - дейді тұрғындар

https://www.youtube.com/embed/MPhra-cCfeY?si=sGVg2XvazIKyAASZ" 

Американдық аспаз және әлем рекордсмені Джон Лович қолының әрқашан жабысқақ болуына үйренген. Қазір ол кезекті күлше ауылын жетілдіруде.

Сөрелерде қолдан жасалған 800 үй орналасқан. Барлық бөлшектер жеуге жарамды кәмпиттер, тәтті тоқаштар, мұздақтар, мармелад және крем өнімдерінен жасалған. Джон 30 жылдан бері күлше ауылдарын құрып келеді. Жыл сайын дизайнға жаңалық әкеледі.

ДЖОН ЛОВИЧ – АСПАЗ: "Мен кофе сағызының көмегімен қоңырдан сәл көбірек қосқам. Сондықтан қызыл кірпіш әдеттегіден көп. Бізде әрдайым қара қақпақтар мен қызыл кірпіштер бар, бірақ биыл олардың саны әлдеқайда көп. Сонымен қатар біз ескі маңдайшаларды да қостық ".

Нью-Йорк пен Челси базары Джон үшін өте ерекше - мұнда оның болашақ әйелімен үшінші кездесуі өтті.

ДЖОН ЛОВИЧ – АСПАЗ: "Мереке күндері Нью-Йоркке әлемнің түкпір-түкпірінен көптеген адамдар келеді. Рождество шыршасы, Бесінші даңғылдағы витриналар, Macy's дүкені, Rockettes қойылымдары және т.б. - осының бәрі Нью-Йоркке қонақтарды тартады. Соңғы жылдары біз олардың Рождествода күлше ауылын көру үшін келетінін түсіндік ".

Осыдан сәл бұрын Джон осындай көрмелерді Канзас-Ситиде, Хьюстонда, Техас пен Филадельфияда ашты. Әр күлше ауылын монтаждауға көп уақыт пен күш жұмсалады. Демалуға уақыт жоқ, бірақ аспазшы шаршау туралы ойламайды. Ол үшін ең бастысы - адамдар үшін жақсы Рождество атмосферасын жасау.

https://www.youtube.com/embed/C25mn_UI06E?si=rrjsNFwDLyqdKqy2"

Қазақстан Президенті Қасым-Жомарт Тоқаев Климаттың өзгеруі жөніндегі БҰҰ конференциясы аясында Дубайда өтіп жатқан Дүниежүзілік климаттық саммиттің ашылу рәсіміне қатысу үшін Dubai Expo City көрме орталығына барды. Мемлекет басшысын БАӘ Президенті Мұхаммед бен Заид Әл Нахаян мен БҰҰ Бас хатшысы Антониу Гутерриш қарсы алды.

Саммит аясында Қасым-Жомарт Тоқаев пленарлық отырыста сөз сөйлеп, мемлекеттер және бизнес құрылымдарының басшыларымен бірқатар кездесу өткізеді.

https://www.youtube.com/embed/atOLqr5UFi4?si=DjD-e_7KNTHVEPKp"