https://www.youtube.com/embed/WvxXdRNNDsY?si=z1Lq3r1f-40CadQN" 

2021 жылғы 1 қаңтардан бастап Қазақстанда кезең-кезеңімен жалпыға бірдей декларациялау енгізілді. Жалпыға бірдей декларациялаудың негізгі міндеті,әділ салық салуды қамтамасыз ету және әлеуметтік саясатты жетілдіру, жеке тұлғалардың кірістерін бақылаудың тиімді тетігін құру, сыбайлас жемқорлық пен көлеңкелі экономика деңгейін төмендету. Айтулы мәселенің мән жайын Алматы облысы Қарасай аудандық Мемлекеттік кірістер басқармасы басшысының орынбасары Ғани Малыбаев тарқатып айтып берген болатын.

ҒАНИ МАЛЫБАЕВ АЛМАТЫ ОБЛЫСЫ ҚАРАСАЙ АУДАНДЫҚ МЕМЛЕКЕТТІК КІРІСТЕР БАСҚАРМАСЫ БАСШЫСЫНЫҢ ОРЫНБАСАРЫ: «Мәселен, 2021 жылғы 1 қаңтардан бастап «кіру» декларациясын мемлекеттік қызметшілер мен оларға теңестірілген адамдар, сондай-ақ олардың жұбайлары – 580 мың адам табыс етті. Екінші кезеңде, 2023 жылы мемлекеттік мекемелер мен квазимемлекеттік сектордың қызметкерлері, сондай-ақ олардың жұбайлары – 2,1 млн адам табыс етті.Үшінші кезеңде, 2024 жылғы 1 қаңтардан бастап декларацияны заңды тұлғалардың басшылары мен құрылтайшылары (қатысушылары), дара кәсіпкерлер, сондай-ақ олардың жұбайлары тапсырады. 3,9 млн. жеке тұлға табыс етеді деп жоспарлануда. Төртінші кезеңде, 2025 жылғы 1 қаңтардан бастап – азаматтардың қалған санаттары (мысалы, жеке құрылымдардың қызметкерлері, зейнеткерлер, үй шаруасындағы әйелдер, студенттер және басқалар) ұсынады. 6,4 млн. астам жеке тұлғаны қамту жоспарлануда. Жалпыға бірдей декларациялау жүйесіне барлығы 13 млн. жуық адам кіруі тиіс».

2024 жылғы 1 қаңтардан бастап декларацияны заңды тұлғалардың басшылары мен құрылтайшылары дара кәсіпкерлер, сондай-ақ олардың жұбайлары тапсыруға тиіс.Бұл талап әрекетсіз және қызметін тоқтатқан тұлғаларға да қолданылады.Азаматтық кодекстің нормаларына сәйкес филиалдар мен өкілдіктер заңды тұлғалар болып табылмайтындықтан, 2024 жылы филиалдар мен өкілдіктердің басшыларында декларацияны ұсыну бойынша міндеттеме туындамайды. Сондай-ақ, 2024 жылы активтер мен міндеттемелер туралы декларацияны жеке практикамен айналысатын адамдар ұсынбайды.Жалпыға бірдей декларациялау жүйесі барлық азаматтардың активтері мен міндеттемелері туралы декларация беруінен тұрады. Онда жеке тұлғаның барлық шетелдік активтері, жылжымалы, жылжымайтын мүлкі көрсетіледі.

ҒАНИ МАЛЫБАЕВ АЛМАТЫ ОБЛЫСЫ ҚАРАСАЙ АУДАНДЫҚ МЕМЛЕКЕТТІК КІРІСТЕР БАСҚАРМАСЫ БАСШЫСЫНЫҢ ОРЫНБАСАРЫ: «Шетелдік банктегі 3,5 млн теңгеден жоғары (1 000 АЕК) ақша. Шетелдік компаниядағы қатысу үлесі.Бағалы қағаздар, цифрлық активтер биткоиндер және т. б.Үлестік қатысу шарты тұрғын ғимараттағы үлесі, инвестициялық құйма алтын, зияткерлік меншік және авторлық құқық объектілері, 34,5 млн. теңге (10 000 АЕК ) шегінде қолма-қол ақша, басқа тұлғалармен нотариалды куәландырылған қарыз шарттары. Құны 3,5 млн. теңгеден асатын басқа да мүлік қалауы бойынша.Мәдени құндылықтар, зергерлік бұйымдар, асыл тұқымды жануарлар және т. б. Бағалауды 31.12.2023 жылғы жағдай бойынша декларацияны тапсыру мерзіміне дейін 2024 жылғы 15 қыркүйектен кешіктірмей жасау қажет».

Мемлекеттік кірістер басқармасы мамандарының айтуы бойынша Декларацияны 2024 жылғы 15 қыркүйекке дейін тұрғылықты жері бойынша тапсыру қажет. Декларацияны «Салық төлеуші кабинеті», «Электрондық үкімет» веб-порталдары, «e-salyqАzamat», Halyk Bank, CenterCredit мобильді қосымшалары арқылы ұсынуға болады. Сондай-ақ азаматтар декларацияны қағаз нұсқада пошта арқылы немесе өздері барып ұсынуға құқылы.Шетелдегі және Қазақстандағы активтерді барынша дұрыс декларациялау қажет. Кейіннен активтер құны салық салынатын кірісті айқындау кезінде ескерілетін болады.Жалпыға бірдей декларациялау азаматтарға кірістерінің мөлшеріне қарай әділ салық салуды қамтамасыз етуі тиіс. Салық төлеуден жалтарған адамдарды анықтау көлеңкелі экономика деңгейін төмендетуге мүмкіндік береді.Көлеңкелі айналымдарды қысқартудың тиімді әдістерінің бірі азаматтарымыздың өмірінің ажырамас бөлігіне айналған қолма-қол ақшасыз төлемдерге көшу болып табылады. Қазақстанда 9 айдың қорытындысы бойынша қолма - қол ақшасыз төлемдердің үлесі 86% - ға дейін өсті (өткен жылы-82%), бұл Қазақстан қаржыгерлері қауымдастығының деректері. Ересектерден басқа, 6 жастан асқан балалар да қолма-қол ақшасыз төлемдерді белсенді пайдаланады, ата-аналардың 41,4% - ы балаларына карта ресімдеген.

https://www.youtube.com/embed/QGZ7n0HqQGA?si=CzhamOZWTAzKAfXC" 

Алматы облысының жеке сот орындаушылар өңірлік палатасы, полиция қызметкерлерімен бірлесіп, мемлекетке берешегін өтеуден жалтарып жүрген азаматтарға қарсы арнайы рейдттік шара ұйымдастыруды бастап кетті. Аймақтық сот орындаушылардың өндірісінде өткен жылы құны 1 миллиард 464 мың теңгені құрайтын 176 мың 265 әкімшілік айыппұл ісі тіркелген.

ҚАЙРАТ БЕЙСЕМБАЕВ АЛМАТЫ ОБЛЫСЫ ЖЕКЕ СОТ ОРЫНДАУШЫЛАР ӨҢІРЛІК ПАЛАТАСЫ БАСШЫСЫНЫҢ ОРЫНБАСАРЫ

Жеке сот орындаушылардың айтуынша мемлекетке берешегін бермей жүрген борышкерлерден өндіру процессіне арнайы ұйымдастырылып отыратын рейдттік шаралар оң ықпалын тигізеді.

ҚАЙРАТ БЕЙСЕМБАЕВ АЛМАТЫ ОБЛЫСЫ ЖЕКЕ СОТ ОРЫНДАУШЫЛАР ӨҢІРЛІК ПАЛАТАСЫ БАСШЫСЫНЫҢ ОРЫНБАСАРЫ

https://www.youtube.com/embed/0ed0Nl-w8OI?si=mjxLj3zApA11ms8d" 

1 наурыздан бастап Батыс Қазақстан тұрғындарынан басқа, барлық қазақстандықтар жергілікті уақытты бір сағат артқа қою керек. Осылайша елімізде біріңғай уақыт белдеуі енгізілетін болды. Үкімет қаулысы бекітілді. Айта кетейік, Қазақстанда бірыңғай уақыт белдеуін орнатуды уақытты есептеу мәселелері жөніндегі жұмыс тобына кірген қазақстандық ғалымдар мен сарапшылар ұсынған болатын. Сарапшылардың зерттеуінің нәтижесі бойынша біріңғай уақыт белдеуіне көшудің пайдасы зор.

Бұл өзгешелік еліміздің әр өңірінің тұрғындары арасындағы уақытша кедергілерді жояды, көлік және басқа да коммуникацияларды үйлестіруді жақсартып, бизнесті жүргізуге, мемлекеттік органдардың өзара іс-қимылына оң әсерін тигізеді деп болжануда.

https://www.youtube.com/embed/vakbnFeSJk8?si=i6U_8QYJQcvUlhri" 

Балаларға қатысты тұрмыстық зорлық — зомбылық фактілерінің алдын алу, тұрмысы қолайсыз отбасыларды, сондай-ақ өмірлік қиын жағдайдағы отбасыларды анықтау, уақтылы шаралар қабылдау – бұл ведомствоаралық мобильді топтардың алдында тұрған негізгі міндет. Солтүстік Қазақстан өңіріндегі ақуал туралы келесі бейне материалда.

Мобильді топтар өткен жылдың күзінде құрылды. Оларға жергілікті полиция қызметінің әртүрлі бөлімшелерінің және басқа да мүдделі органдардың қызметкерлері кіреді.Петропавлдағы жеке үйлердің біріне мобильді топ дәрігерлердің ақпараты бойынша келді. Мұнда кішкентай бала тұрады, ол дәрігердің бақылауына мұқтаж. Бірнеше рет дәрігердің қабылдауына келмеген —бұның себебі 24 жастағы әйелдің алкогольді шектен тыс асыра пайдалануына байланысты. Мобильді топ мүшелері тұрғын үй жағдайларын тексерді — оны қанағаттанарлық деп айту қиын. Отбасы бақылауға алынды.

АЛИНА РАМАЗАНОВА ПЕТРОПАВЛ ҚАЛАЛЫҚ ПБ КӘМЕЛЕТКЕ ТОЛМАҒАНДАР ІСІ ЖӨНІНДЕГІ УЧАСКЕЛІК ПОЛИЦИЯ ИНСПЕКТОРЫ: «Қалалық полицейлер өмірлік қиын жағдайға тап болған отбасыларды анықтау мақсатында және Петропавл қалалық Полиция басқармасының профилактикалық есебінде тұрған жағдайы нашар отбасыларға бару мақсатында рейд ұйымдастырды».

Учаскелік инспекторлар, ювеналды полиция және әйелдерді зорлық — зомбылықтан қорғау бөлімшелерінің қызметкерлері мүдделі органдармен бірлесіп тәуекел тобына кіретін отбасыларды тексереді. Денсаулық сақтау және білім беру қызметкерлерінің ақпараты мұқият қаралады. Анықталған отбасылар бақылауға алынады, егер олар аз қамтылған деп танылса, тиісті органдар қолдау көрсетеді.

ТИМУР ГУСЕВ ПЕТРОПАВЛ ҚАЛАЛЫҚ ТЖБ ИНЖЕНЕРІ: «Бүгін ПД-мен бірлесіп Петропавл қаласының жеке секторы бойынша профилактикалық рейд жүргізілді. Төтенше жағдай басқармасының қызметкерлері жылыту пештерін пайдалану жөнінде ұсыныстар берді, көміртегі тотығы датчиктері орнатылды».

Небәрі 4 айдың ішінде ведомствоаралық мобильді топтар кәмелетке толмаған балалары бар 1117 отбасын тексеріп, өмірлік қиын жағдайға тап болған және қолдауды қажет ететін 104 отбасын анықтады.

https://www.youtube.com/embed/bDNS0EbyyvU?si=VOI5r52rtFEOjb0z" 

Маңғыстауда аққулардың қырылуына құс тұмауы себеп болған. Орнитологтар мен жергілікті мамандардан құралған жұмыс тобы осындай қорытындыға келді. Зертханалық зерттеулердің нәтижелері мен аққулардан басқа құстардың зардап шекпеуі бұған дәлел, - дейді мамандар. Бүгінде қырылған аққу саны 1018-ге жетті. Оның 40 шақтысы Қарақия ауданындағы теңіз жағалауынан, қалғандары «Қаракөл» көлінен табылған. Жалпы аймақта соңғы санаққа сәйкес, 50 мың аққу қыстап жатыр. Соның 2 пайызы өлген. Өңірде үй құстарының арасында құс тұмауы тіркелген жоқ. Десе де, қосалқы шаруашылықтардағы үй құстарына мониторинг жалғасып жатыр.

ВИКТОРИЯ КОВШАР — ОРНИТОЛОГ: «Құс тұмауы бүкіл әлемде бар. Каспийде де тіркеліп жүр. Мысалы, 2 жыл бұрын аққудың қара бас түрі мен чеграва тұқымдарының жаппай қырылғанын білеміз. Қаракөл көлінде аққулардың өлімі ерекше жағдай емес. Мұнда қысқа нашар дайындалған жас құстардың өлгенін көріп отырмыз. Бұл табиғи процесс».

https://www.youtube.com/embed/wmAhH8MreBE?si=qnWlV5VHwfQ0fLb2" 

БҰҰ Қазақстанға тәуелсіз бітімгершілік миссиясын орындауға мандат берді. Бірінші рет қол жеткізген құжаттың маңыздылығын Қорғаныс министрі Парламент қабырғасында баяндады.

Парламент палаталарының бірлескен отырысында Қорғаныс министрі Руслан Жақсылықов БҰҰ Қазақстанға тәуелсіз бітімгершілік миссиясына мандат бергенін айтты. Әрі мұндай жағдайдың бірінші рет қол жеткізілгеніне тоқталды.

РУСЛАН ЖАҚСЫЛЫҚОВ ҚР ҚОРҒАНЫС МИНИСТРІ

Сонымен қатар, министр, Қазақстанның тұңғыш дербес бітімгершілік контингентіне неше әскери тартылатынына да тоқталды. Әрі конституцияның 53-бабының 5-тармақшасы бойынша, БҰҰ мынадай миссиясына қатысатынын тарқатып берді. Яғни, бірінші — Голан биіктігінде бөлінуді бақылау күштеріне, екінші — бітімге келу шарттарының орындалуын байқау органына, үшінші — Оңтүстік Судан Республикасындағы миссияға және төртінші — әуедегі қауіпсіздікті қамтамасыз ету уақытша күштеріне қатысу үшін саны 430 адамнан аспайтын контингентті жіберу туралы ұсыныс енгізілмек.

РУСЛАН ЖАҚСЫЛЫҚОВ ҚР ҚОРҒАНЫС МИНИСТРІ

Өз кезегінде депутаттар ел мәртебесінің әлемдік аренада тәуелсіз бітімгершілік миссиясымен арта түсетінін, қолдау білдіретіндерін айтты.

АЙГҮЛ ҚАППАРОВА ҚР ПАРЛАМЕНТІ СЕНАТЫНЫҢ ДЕПУТАТЫ

АЙГҮЛ ҚҰСПАН ҚР ПАРЛАМЕНТІ МӘЖІЛІСІНІҢ ДЕПУТАТЫ

Сөз соңында, Қорғаныс министрі БҰҰ-ның бітімгерлік миссиясына жіберілетін тұңғыш дербес контингентке бюджеттен қанша ақша жұмсалатынын баяндап берді. Сөзінше бұл ақшаның бәрі бюджетке салынған. Бір жыл бойында әр әскери жауынгер ай сайын 1 мың доллар алып отырмақ.

https://www.youtube.com/embed/fT5YF4Ny2EA?si=pmEwU4Vi0I9Le72v" 

Елімізде кенжелеп тұрған саланың бірі – жеңіл өнеркәсіп. Аты жеңіл болғанымен жолы ауыр. Жергілікті тауар өндірушілер әзірге бұл салаға қызығар емес. Қызыққан күннің өзінде отандық өнімге сұраныс не қаражаттың болмауы салдарынан қажетті технология кешеуілдеп тұр. Айтулы жағдайға алаңдаушылық білдірген сенат депутаты Жанболат Жөргенбаев Үкімет басшысына депутаттық сауалын жолдады.

ЖАНБОЛАТ ЖӨРГЕНБАЕВ ҚР ПАРЛАМЕНТІ СЕНАТЫНЫҢ ДЕПУТАТЫ

https://www.youtube.com/embed/hBOrCvfVf-Q?si=YWgp_blrYAvtK2QS" 

Қазақстан Президенті мен Италия Министрлер Кеңесінің төрағасы Джорджа Мелони келіссөз жүргізді.Мемлекет басшысы Италия жерінде құрмет көрсеткені үшін Джорджа Мелониге алғыс айтты. Қасым-Жомарт Тоқаев Қазақстан мен Италия арасында тығыз саяси диалог, берік экономикалық ықпалдастық, табысты мәдени-гуманитарлық байланыс орнағанын атап өтті.

Мемлекет басшысының айтуынша, Италия – Қазақстанның Еуропадағы негізгі сауда серіктестерінің бірі және ел экономикасындағы ең ірі инвесторлардың бестігіне кіреді. Елдеріміз арасындағы тауар айналымы 15 миллиард долларға жуықтады. Италиядан Қазақстанға тартылған тікелей шетелдік инвестиция 7,3 миллиард долларды құрады. Бүгінде біздің елімізде 300-ден астам италиялық компания табысты жұмыс істеп жатыр. Олардың арасында ENI, SDF Group, PetroValves, Maire Tecnimont, IVECO, Tenaris және басқа да ірі инвесторлар бар.

МАҒЗҰМ МЫРЗАҒАЛИЕВ «ҚазМұнайГаз» ҰК АҚ БАСҚАРМА ТӨРАҒАСЫ

https://www.youtube.com/embed/mIPIaSBZfdE?si=4Hyi9E6qMhiKRXXV" 

https://www.youtube.com/embed/LnpYhsl0zP4?si=jR33lFNULts5WaS5" 

Мемлекет басшысы Қасым-Жомарт Тоқаев Италияға ресми сапармен барды. Қазақстан Президентін Рим әуежайынан Италияның Қорғаныс министрі Гвидо Крозетто, Рим Папасының өкілі Франческо Каналини қарсы алды. Қасым-Жомарт Тоқаев іс сапары аясында Италия Президенті Серджо Маттарелламен, Премьер-министр Джорджа Мелонимен келіссөздер жүргізеді.

Сонымен қатар Президент «Қазақстан-Италия» инвестициялық дөңгелек үстеліне қатысып, бірқатар ірі компания басшыларымен кездесулер өткізеді деп жоспарланып отыр. Қазақстан Президенті 19 қаңтар күні Ватиканда Рим Папасы Францискпен кездеседі. Айта кетейік, Қасым-Жомарт Тоқаев шет елдерге биылғы алғашқы сапарын Еуропадан бастап отыр.

https://www.youtube.com/embed/QNx4XfEbZh8?si=N-Ymri-P6nNK9KBm" 

Солтүстік Қазақстан облысына қарасты Уәлиханов ауданында ақ халатты абзал жандарға арналған баспана берілді.Мақсат,аймақта кадр тапшылығын жою мен сапалы медициналық қызмет аясын кеңейту.

Былтыр Уәлиханов ауданына барлығы 16 медициналық маман келді. Алайда, қазіргі таңда аймаққа кардиолог, жалпы тәжірибелік дәрігер, лор, хирург, офтальмолог және акушер сияқты мамандар қажет. Ауданға медициналық кадрларды тарту бойынша жұмыстар қарқынды жүргізілуде. Осы орайда, биыл Кішкенекөлдегі медицина мамандарына дәрігер үйі қолданысқа берілді.

Бұл пәтерге қоныстанған жандардың қатарында Саят Әміржановта бар. Жас маман Кішкенекөлге "Дипломмен ауылға" бағдарламасымен 2019 жылы көшіп келген. Ол Семей медициналық университетін тәмамдаған. Саят қазір Уәлиханов аудандық ауруханасының терапия бөлімшесінің меңгерушісі болып жұмыс істейді.

САЯТ ӘМІРЖАНОВ. АУДАНДЫҚ АУРУХАНАНЫҢ БӨЛІМШЕ МЕҢГЕРУШІСІ: «Бізге дәрігерлер үйінен бір пәтер табыс етті. Бұл үй тек медицина қызметкерлеріне арналған. Өте қатты қуаныштымыз.Қазіргі таңда біз пәтердің ішін тазалап, жиһаздарды орнатып жатырмыз.Бұл үйде барлығы бар, су жылытқышта орнатылған. Бүгін жарықта қосылуы тиіс.»

Бүгінде айтулы баспана Уәлиханов аудандық ауруханасының баланысында тұр. Тұрығындар тек комуналдық қызметтер үшін төлем ғана жасайды.

https://www.youtube.com/embed/cUKNlYP4bnc?si=ArAccN36WkmfVXm8" 

Натуралист фотограф әлемдегі ең үлкен айсберг A23a-ны суретке түсірді. Қазір ол Антарктика түбегінің солтүстік жағалауында.

Айсбергтің ауданы - шамамен 4000 шаршы километр. Бұл Нью-Йорк аумағынан үш есе үлкен. Мұз қабатының қалыңдығы - 400 метр, салмағы - триллион тоннаға жуық. Біраз уақыт бойы ең үлкен айсберг A-76 болды. Бірақ кейін ол үш бөлікке бөлініп, біріншілік A23a-ға қайта оралды. Бұл айсберг - жер бетіндегі ең көне айсбергтердің бірі.

Ол 38 жыл бұрын Фильхнер мұздығынан ажыраған. Бұл ретте 30 жылдан астам уақыт бойы айсберг Уэдделл теңізінің орталық бөлігінде болған. Төрт жыл бұрын ол қайтадан қозғала бастаған. Зерттеушілер айсберг айына 150 шақырым жүзіп өтетінін хабарлады.

Кейбір ғалымдардың пайымдауынша, A23a Оңтүстік мұхитта ұзаққа созылып, тіпті Оңтүстік Африкаға қарай да жылжуы мүмкін.