https://www.youtube.com/embed/-nBDOmD-il4?si=qyt5d4j_yEiAeOqS" 

Жыл басынан бері Ішкі істер министрлігінің жедел қызметтері іздеуде жүрген 300-ден астам қылмыскерді ұстады, сондай-ақ хабар-ошарсыз кеткен 200-ден астам адамды анықтады. Мәселен,павлодарлық тұрғынды атыс қаруымен атып өлтіргені үшін 2011 жылдан бері халықаралық іздеуде жүрген Данат Бакибаев ұсталды.

ЖАНГЕЛДІ ТАБИЛОВ ҚР ІІМ КРИМИНАЛДЫҚ ПОЛИЦИЯ ДЕПАРТАМЕНТІ БАСҚАРМА БАСТЫҒЫНЫҢ ОРЫНБАСАРЫ: «Алматы облысында Сабыржан Масахбаев ұсталды. Ол 2023 жылдың аяғында Алматыда топ құрамында бола отырып, алдын ала сөз байласу арқылы Сингапур азаматына шабуыл жасап, 3 млн теңге мен 13 мың АҚШ долларынан астам сомада ақшаны тартып алған. Ұсталған адамның сыбайластары бұрын құрықталған.Түркістан облысында полиция 10 жыл бойы халықаралық іздеуде жүрген Өзбекстан азаматы Жамшид Ахмедовты ұстады. Шетелдік Сарыағаш ауданындағы «Жібек жолы» шекара бекетінде шекарадан өту кезінде қамауға алынды. Ер адам 2014 жылдан бастап Ресей Федерациясының Иркутск қаласында кісі өлтіргені үшін іздеуде болды».

Бұдан бөлек, Қазақстан Республикасы Ішкі істер министрлігі жедел бөліністерінің қызметкерлері Шымкентте көрші мемлекеттің құқық қорғаушыларымен алаяқтық жасағаны үшін іздеуде жүрген тағы бір өзбекстандық Маруфжон Жураевты ұстады.

https://www.youtube.com/embed/EwqWxqBgsnU?si=kg-kZsvZU-26gpGy" 

Ақтаудағы әлеуметтік аз қамтылған отбасыларға әкімдіктен берілген баспана сын көтермей тұр. Көпқабатты үйдің бірінде қазірдің өзінде қабырғалары көгеріп, сыз басып жатыр. Тұрғындардың айтуынша ылғал тартқан баспанада  саңырауқұлақтар өсе бастаған.  

Ақтаудағы мына баспананың аты бір күнде шықты.Әлеуметтік желіге жүктелген видеоны көріп көпшілік таң қалуда. Пәтердің ортасынан өсіп шыққан саңырауқұлақ басқаларға күлкі туғызғанымен, үй тұрғындары жыларман хәлге түсірген. Қыс бойы жылу қосылмай, пәтерлерді сыз басқан.  

АЛМАГҮЛ САҚТАҒАНОВА ТҰРҒЫН: «Стенка түсіп жатыр коридордың. Грибок шықты. Оның алдында да шыққан мән бермедім. Өткен қыстан бастап отопление жоқ. Пешпен отырмыз. Үй қара боран. Газбен отырамыз, пеш қосамыз. Ток айналады, біраз ақша шығып кетеді».

Қар еріп, жаңбыр жауса тұрғындардың құты қаша бастайды. Жертөлені су басып, қабырғалардың сылағы түсуде.

ҚЫМБАТГҮЛ ТІЛЕКОВА ТҰРҒЫН: «Ішетін су тапшы, даладан сатып аламыз. Ыстық судың иісі жаман. Сырость боп подездің астында су боп жатыр. ЖЭК келеді, кетеді. Оған кім қарайды? Ыстық судың иісі анау шірік иіс. Әйтеуір тряпка жууға болады, ыдыс жуамыз».

Ашынған тұрғындар үйді апатты деп тануды ұсынып отыр. Салынғанына небәрі 5 жыл болса да сау-тамтығы қалмаған. Бұл үйде 196 пәтер бар. Оның 126-сы әкімдіктің теңгерімінде. 

БІРАЙДАР БОРАНҒАЛИҰЛЫ - ТҮКШ БӨЛІМІНІҢ МАМАНЫ: «Қаспет, баспалдақ, төбесі, инженерлік желілер ортақ мүлікке жатады. Мемлекеттік бағдарлама қарастырылған «Қайтарымды қаражат» деген. 0,1 процентпен 7 жылға дейін несие ретінде беріледі. Мердігерді өздері таңдайды. Үйдің 3/-сі келіссе ТҮКШ сметасын шығарады, тұрғындар жөндеу жасайды».

Жалдамалы пәтер болғандықтан тұрғындар өз қаражаттарымен жөндеуі тиіс боп шықты. Үкіметке жалдамалы пәтер үшін әр отбасы 6-10 мың тг аралығында төлейді.Сапасыз үйдің алдағы жағдай қалай болады,оны уақыт көрсетпек. 

https://www.youtube.com/embed/tTsVAaqwnmc?si=oVXjyxXXAQoqktHO" 

https://www.youtube.com/embed/E12-nHr_ZDo?si=eUNJy5xZnpgOrtAL" 

Осыдан 6 ай бұрын Кардиология және ішкі аурулар ғылыми-зерттеу институтында күрделі донорлық жүрек трансплантациясы жасалған болатын. Бүгін жүрегін ауыстырған науқастың қазіргі жағдайын түсірілім тобы біліп қайтты.

Ағза донорлығы – қоғам денсаулығына қосылған қомақты үлес. Былтыр шілде айында 53 жастағы алматылық азаматша 3 сатыдағы артериялық гипертензиядан зардап шегіп, ишемиялық типтегі жедел ми қан айналымының бұзылуынан көз жұмған болатын. Десе де, марқұмның жақындары мұқтаж жандарға сау мүшелерін беруге келісімдерін берген болатын. Сондай ігі істің арқасында марқұмның жүрегі Данияр есімді жігітке донор болып салынып, науқасқа жаңа өмір сыйлаған еді.

ДАНИЯР БАЙДУЛАЕВ ДОНОРЛЫҚ ЖҮРЕКТІҢ АЛҒАШҚЫ ТРАНСПЛАНТАЦИЯСЫ ЖАСАЛҒАН НАУҚАС: «Отадан бері жарты жылдан астам уақыт өтті. Қазір өзімді тұрақты, жақсы сезінемін. Өзгерістерді айтар болсам, мен қазір жүрегімді жақсырақ сезіне бастадым. Бойымда бұрынғыдай ентігулер жоқ. Сонымен қатар, өз аналарының жүрегін маған берген мейірімді отбасына шексіз алғысымды білдіремін. Бұндай ерлік көп адамның қолынан келмейтін іс. Осы жылдан бастап өзіммен көп жұмыс жасап, денемді толық қалыпқа келтірсем деймін. Ары қарай, жақсы өмір сүріп, жұмыс жасауды жоспарлап отырмын».

Дүние жүзінде донорлық органдар тапшы. Науқастардың көпшілігі, өкінішке орай, трансплантацияға жетпей қалады. Жүрек трансплантациясынсыз өмір сүру ұзақтығы төмен. Ауыр жүрек ауруы тез дамиды және шұғыл емдеуді қажет етеді.

ТӨЛЕУТАЕВ РҮСТЕМ МҰХТАРҰЛЫ, КАРДИОХИРУРГИЯ БӨЛІМШЕСІНІҢ МЕҢГЕРУШІСІ «Егер, жүрек трансплантациясын санасақ, былтыр бір операция болды. Биыл, әлі донор пайда бола қойған жоқ. Донор пайда болған кезде бізге Республикалық орталық мәлімет береді. Егер, бір донор болса бір транплантация жасалынады. Екеу болса екі, одан ары кете береді. Донордың тапшылығы бір жағы, екінші жағынан жүрек тосып отырған адамдар өте көп. Егер, донор көп болса, жүрек трансплантациясы да көбірек болады».

Айта кету керек, жүрек трансплантациясынан кейін дәрігерлердің барлық ұсыныстарын орындау және олар тағайындаған дәрі-дәрмектерді қабылдау өте маңызды. Олардың кейбіреулерін өмір бойы қабылдау керек. Жүрегі алмастырылған адамдардың көпшілігі белсенді өмір сүреді. Олар өздеріне қарап, жұмыс, хобби, спорт және физикалық жаттығулар сияқты көптеген күнделікті әрекеттерін жалғастыра алады.

САЛТАНАТ ҚАСЫМБЕКОВА КАРДИОЛОГ: «Науқасқа 3 айдан кейін жүрек трансплантациясынан жүйелі түрде тексеру жүргізіледі. Қазір бұл пациенттің жағдайы тұрақты әрі физикалық жағынан өте белсенді. Сонымен қатар, емделушінің терапияға бейімділігі өте жоғары. Яғни, қандай да бір шағымы болса, кез келген уақытта бізге хабарласып, жазады. Сол жағы бізді қуантады».

Органдарды трансплантациялау операциялары жоғары білікті медициналық персоналды және ұзақ мерзімді оңалтуды қажет етеді. Осындай операцияларды жалғастыру үшін дәрігерлер мен орта медициналық  қызметкерлердің кәсіби деңгейін үнемі жетілдіріп отыруына, алыс-жақын шетелдердің жетекші клиникаларымен ынтымақтастық орнатуға, материалдық-техникалық базаны жақсартуға қажетті жағдай жасалуда. Соның арқасында қазір клиникада бірегей операцияларды жасауға барлық жағдай мен мүмкіндіктер бар.

https://www.youtube.com/embed/4o4dTMZGvgA?si=lJvLZ4pu02ChnPwq"

Оралда баспаналары апатты деп танылған тұрғындар 3 жылдан бері құр уәденің құрбаны болып жүр. Уақытша  жаңа үйді сағалап жүрген бірнеше отбасын белгісіз біреулер қуып шықпақшы болған . Енді далада қаламыз ба деп қауіптенген тұрғындар кімнен көмек сұрарын білмей отыр.

Орал қаласындағы Әбубәкір Кердері 187 мекенжайында орналасқан апатты үй тұрғындары 3 жыл бұрын құрылыс компаниясымен келісім шарт жасалғанымен ескі үйді сүруге күрек ұшы да тимегенін айтады.. Шартқа сәйкес ескі үй толықтай сүріліп, орнына жаңасын салу көзделген.Келісілген мерзім өтіп кетсе де құрылыс баяғы жартас сол жартас кейпінде тұр.

ТАТЬЯНА ВАЛИАХМЕТОВА ҚАЛА ТҰРҒЫНЫ «Келісім-шарт 3 жылға жасалды. Яғни 2023 жылдың 31 желтоқсан күні мерзімі өтті. Осы кезге дейін құр уәдемен қарын тойдырып келеді».    

Пәтер иелерінің бірі тіпті далада қалатын түрі бар. Өйткені  үйі кепілде болып шықты.

ҚАЛА ТҰРҒЫНЫ «3 жылдың ішінде еш нәрсе өзгермеді. Бұдан бөлек, 26 желтоқсан күні бір әйел адам үйіме келіп, бұл пәтер кепілде екенін, 15 күн ішінде босатуым қажет екенін айтты. Көктемге дейін осында қалуға рұқсат берді. Содан кейін менің енді барар жерім жоқ».

Құрылыс компаниясы өкілдері жағдайды қаржылай қиындықтарға әкеліп тіреді. Қаланың бас жоспарына өзгеріс енгізілуі де әсерін тигізгенімен,жұмыстар биыл қалпына келтіріледі,- дейді мердігер мекеме өкілі.

ЕСЕНЖАН ШОНАЕВ ҚҰРЫЛЫС КОМПАНИЯСЫНЫҢ ДИРЕКТОРЫ «Қазір әкімдікпен бірге эскиздік жоба және қаланың бас жоспары бойынша жұмыстар жүргізіліп жатыр. Апатты үйді әлі сүрген жоқ. Тұрғындар Құрманғазы 186, 198 мекенжайында орналасқан біздің пәтерлерде тұрып жатыр. Оларды ешкім қумайды. Бас жоспар бекітілген соң құрылыс басталады. Құрылыс жұмыстары жазда басталады деп көзделіп отыр. Барлығы қаражатқа байланысты».

Жауаптылардың сөзінше жаңа баспаналарына жайғасқанша тұрғындар уақытша пәтерде тегін тұра бермек. Тек коммуналдық төлемдерді уақытылы төлеп тұрса болғаны.

https://www.youtube.com/embed/lUvZeEK1mwU?si=uSHzQxbRs65Lolre" 

Үндістанның Индаур қаласында  гүлдер фестивалі өтті. Көрмеге барлығы 162 түрлі, жалпы саны 2400 раушан гүлі қойылды.

Көздің жауын алып,иісі мұрын жаратын мына гүлдер елдің әр аймақтарында, сонымен қатар Непалда өсірілген.  Гүлдерді иіскеуге, ұстап көруге болады.

КӨРМЕ ҚОНАҒЫ: «Бұл жердегі біз күнделікті өмірде кездестірмейтін гүлдерді тамашалау керемет дүние.  Мұндай сорттарды тек көрмелерден ғана көреміз».

Шара  Индаурда 36 жыл қатарынан өткізіліп келеді.  Пандемия кезінде көрме онлайн режимінде өтті. Ұйымдастырушы қоғам 1979 жылы құрылған.  Ол жыл сайын Мадхья-Прадештің бау-бақша бөлімімен бірлесіп Бүкіл Үндістан раушаны көрмесін ұйымдастырады. Мадхья-Прадеш астанасы Бхопалда осы өсімдіктердің 50-ден астам питомниктері бар. Раушан гүлдері ежелгі Римде өсірілді.  Қазіргі сорттардың көпшілігі будандастыру  нәтижесінде пайда болды.  Раушан гүлдері әдетте жылуды жақсы көреді, бірақ кейбір түрлері суық климатта өмір сүруге бейімделген.

https://www.youtube.com/embed/RnUhusLDALo?si=_emsOy-FsrGvf8kf" 

Испан шаруалары Еуропалық Одақ сыртындағы арзан өнімдердің бәсекелестігіне наразылық танытып шеруге шықты.

Шаруалар ауыр техникаларымен қала көшелерін жауып,жол қозғалысына қиындық туғызды.  Елдегі бағаның тұрақсыздығы шымбайларына батқан олар төккен терлерінің зая кетпеуін сұрайды.

ШАРУА: «20 цент тұратын қызанақ супермаркеттерге 2 еуроға барады.  Олар бізге ақша табуға мүмкіндік беруі керек, өйткені тыңайтқыштардың бағасы үш есе өсті, ал өніміміз 30 жыл бұрынғыдан да арзан бағалануда».

Ереуілдерді Испанияның негізгі үш фермерлік қауымдастығы қолдады.

ШАРУА:  «Біздің өнімдердің бағасы өте төмен, керісінше газ бен тыңайтқыштардың құны жүз пайызға дерлік өсті. 30 жыл бұрын белгіленген бағамен сатамыз,бұлай жалғаса берсе жағдайымыз қиын».

Испания фермерлерін салық мәселесімен қоса квота мен баж салығын алып тастаған украин өнімдері импортының үлкен көлемі, сондай-ақ Оңтүстік Американың Mercosur блогы арасындағы сауда келісімі бойынша келіссөздердің қайта жандануы жосықсыз бәсекелестікке наразылықты арттырып отыр.

https://www.youtube.com/embed/XmMpM0O5hYw?si=0UaOCj-TjFcF7ByM" 

Өнегелі өмірін білім мен ғылым саласына арнаған,Филология ғылымдарының кандидаты, доцент, ҚР Журналистер одағының мүшесі, Алаштанушы,ұстаз Аманқос Мектеп-тегі Құлтанұлы 70 жасқа толды. Осы мерейтой аясында ұйымдастырылған шараға қатысып қайтқан едік.

Еңбек жолын сонау 1981жылдан бастап А.Байтұрсынұлы атындағы Тіл білімі институтының кіші ғылыми кызметкері, Республикалық «Жалын» журналы проза бөлімінің меңгерушісі. 1996 жылдан бері әл-Фараби атындағы ҚазҰУ-дің журналистика факультетінде ұстаздық етіп келе жатқан Аманқос Құлтанұлы Алаш арыстарының мұрасын баспасөз бетінде алғашқы насихаттаушылардың бірі. 300-ге жуық мақаланың авторы. Шарада білім-ғылым саласының көшін ілгерілетуге зор үлесін қосып келе жатқан ғалымның ерен еңбектері жайлы айтылды.

САҒЫМБАЙ ҚОЗЫБАЕВ  ҚАЗАҚСТАН ЖУРНАЛИСТЕР АКАДЕМИЯСЫНЫҢ ПРЕЗИДЕНТІ,ТАРИХ ҒЫЛЫМЫНЫҢ ДОКТОРЫ,ПРОФЕССОР

Ұстаз ұстаз емес,шәкірті үшін күймесе, Шәкірт шәкірт емес ұстазын шын сүймесе демекші бүгінгі шарада Ұстаздың өмірдегі,қызметтегі,білім саласындағы шәкірттері иығына шапан жауып,алғыстарын жеткізді.

АМАНҚОС МЕКТЕП-ТЕГІ ФИЛОЛОГИЯ ҒЫЛЫМДАРЫНЫҢ КАНДИДАТЫ, ҚР ЖУРНАЛИСТЕР ОДАҒЫНЫҢ МҮШЕСІ

https://www.youtube.com/embed/6s0vexMKXYE?si=dxz5CqKSVZYiSzi5" 

Алматы көпсалалы клиникалық аурухананың перзентханасында үшем дүниеге келді. Бүгін екі қыз және бір ұлды аман-есен босанған бақытты ана Шолпан Мамашеваны жақындары Алматы көпсалалы клиникалық ауруханасының перзентханасынан шығарып алды. Толығырақ, алдағы бейнематериалда.

«Жамбыл ауданының жұртшылығының атынан... қосып жатқан үлестеріңіз үшін мың да бір алғыс айтқым келеді».

32 аптасында сәбилер 2170, 1490, 1900 грамм салмақпен дүниеге келді. Алғашқы күндері сәбилердің жағдайы ауыр болып, инвазивті емес SIPAP аппаратында жатты. Тек жетінші күні көпбалалы ана өз балаларымен қайта қауышты. 

ҰЛТАЙ ДАУЫЛБЕКОВНА АЛМАТЫ ОБЛЫСТЫҚ ПЕРЗЕНТХАНАСЫНЫҢ ҮЙЛЕСТІРУШІСІ: «Жылына бір рет осындай қуаныш болады. Бізге де қуаныш. Оны босандырып алу бір бөлек, екінші жағынан бұларды кішкене адам қылу керек. Соған да қаншама жұмыс жасадық. Бірақ, Шолпанға рақмет! Бізге сенді. Бәрі жақсы болады дегесін, бәрі жақсы болды».

Сегіз баланың ата-анасы атанған Шолпан Мамашева мен Жарқын Бағлаев қыздарының есімдерін - Ділнәз және Гүлнәз деп қойды, ал ұлдарының есімін Темірлан деп атауға шешім қабылдаған. Бақытты жанұяның балаларының алды 5 сыныпқа, арты балабақшаға барады.

ШОЛПАН МАМАШЕВА ҮШЕМДЕРДІҢ АНАСЫ «Менің денсаулығым бұрынғыдай болмаған. Өйткені көпбалалы анамын. Бірақ, соған қарамастан ол кісілер маған көмектесіп, кесір арқылы балаларымды аман алып қалды. Барлығына рақметімді айтамын! Алла разы болсын! Сіздерге жұғысты болсын! Үміт еткен адамдардың барлығына жұғысты болсын!»

Айта кетейік, батыр анаға дәрігер ұжымы қаржылай көмек көрсетсе, жас отбасына көмек ретінде Жамбыл ауданының әкімі кішкентай періштелердің қажеттіліктерін қамтамасыз етуге уәде берді. Сонымен қатар, 2023 жылы Алматы облысында 26 825 бала дүниеге келген. 

https://www.youtube.com/embed/vnb94O4dLAE?si=A-OQV1hy9Vmw15ob" 

Қарлы боран салдарынан Қызылорда облысының Арал ауданынан 20 шақырым қашықтықтан Ақтөбе бағытына қарай республикалық маңызы бар автожолдар жабық. Бүгінгі күні Ақтөбе облысына бағыт алған барлығы 807 автокөлік және 1200-ге жуық жолаушы  жақын маңдағы жылыту пункттеріне жеткізілген. Қазіргі таңда жолдың жабық болуына байланысты арнайы штаб құрылған. Жергілікті ерікті жастар, мекемелер және кәсіпкерлердің ұйымдастыруымен жолаушыларға тегін ыстық тамақ таратылуда. Сонымен қатар, баласы бар 49 әйел және 16 ер адам колледж жатақханасына орналастырылды.

Полиция қызметкерлері автожолдарда тәулік бойы күшейтілген режимде қызмет атқаруды жалғастыруда. Полиция құтқарушылармен және жергілікті атқарушы органдармен бірлесіп, көмек беру жұмыстарын үздіксіз жүргізуде.  Қызылорда облысының Полиция департаменті  тұрғындарды қолайсыз ауа - райы жағдайын ескеріп,  алыс жолға шықпауларын сұрайды. 

https://www.youtube.com/embed/DPGUlhcULt4?si=pvMIwKGhrSYpbOif" 

Ақтауда қоғамдық қорғаушы тыйым салынған затты абақты аумағына алып кірмек болған жерінен ұсталды. Тергелушіге келген ер адамды тінту кезінде жедел уәкілдері аяқ киімге салынған ұялы телефон мен сим картаны тәркілеген. Құқық бұзушыға қатысты әкімшілік жаза тағайындалды. Аталған іс әрі қарай сотқа жолданады. Айта кетейік қылмыстық атқару жүйесі мекемелерінде заңға қайшы әрекет жасағандарға 10 АЕК мөлшерінде айыппұл салынады.

СЕРҒАЗЫ ҚАРАТАЕВ - ҚАЖД № 77 МЕКЕМЕ БАСТЫҒЫНЫҢ ОРЫНБАСАРЫ «Тергеудегі азаматқа келген қоғамдық қорғаушыны жеке тінту жүргізу кезінде жедел уәкілдер аяқ киімге жасырылған "Nokia" маркалы ұялы телефон мен сим-картаны тауып, тәркіледі. Құқық бұзушыға қатысты ҚР ӘҚБтК-нің 481-бабына сәйкес әкімшілік хаттама жасақталды. Жинақталған материал сотқа жолданады».

https://www.youtube.com/embed/BQnyZHr7Azg?si=3YCwKpgWZAQp4JvO" 

Еліміздің бірнеше өңірінде соңғы екі тәулік бойы қыс қаһарына мініп алды. Ақмола облысында да дауылды ескерту жарияланды. Соған қарамастан жолға шыққан жолаушы көп. Бірнеше күн көлікпен ұзақ сапарға шықпау туралы ескертілгенімен, оған құлақ асып жатқан халық жоқ. Қазгидромет мамандары секундына 30 метрге дейін қатты жел тұратынын, қар аралас жаңбыр жауатынын ескертумен келеді.

ЕРКЕН БЕРЛІБЕКОВ АҚМОЛА ОБЛЫСТЫҚ ТӨТЕНШЕ ЖАҒДАЙЛАР ЖӨНІНДЕГІ ДЕПАРТАМЕНТІНІҢ БАСҚАРМА БАСТЫҒЫ: «Ақпанның 7-сі мен 9-ы аралығында республикалық маңызы бар 20 және облыстық маңызы бар 38 жол учаскесі жабылып, барлық көліктер үшін қозғалысқа шектеулер енгізілді. Төтенше жағдайлар қызметі облыс жолдарында қалып қойған жолаушыларға көмек көрсету үшін 13 рет трассаға шықты. 87 адам құтқарылды. Оның 4-еуі бала. Барлығы жылыту пункттеріне жеткізілді. Қазіргі уақытта республикалық маңызы бар 16 және облыстық маңызға ие жолдардың 38 учаскесі жабық. Облыс бойынша 268 жылыту бекеті дайындалды. Қазір ол жерге 52 адам орналастырылған».

Жолға шыққан жолаушылардың көбі елдімекендерден ұзап кетіп, қар құрсауында қалып қойған. Өте қауіпті жағдайға тап болғанда, қашан да көмекке құтқарушылар келеді. Облыстық төтенше жағдайлар жөніндегі департаментінің дағдарыс жағдайлары басқармасының базасында жедел әрекет ететін арнайы штаб жұмыс істейді. Бір тәулік ішінде ақмолалық құтқарушылар 26 адамды қар құрсауынан шығарып, жылыту пункттеріне жеткізілді. Құтқарылғандардың арасында Ресейдің 3 азаматы, 1 бала мен 1 жүкті әйел бар.