https://www.youtube.com/embed/8W0YwybwWCA?si=cB-3cqCMEhHQZChu" 

Бүгін Мемлекет басшысы Қасым-Жомарт Тоқаевтың төрағалығымен Ішкі істер министрлігінің кеңейтілген алқа отырысы өтті. Жиынға Президент Әкімшілігі мен мемлекеттік органдардың басшылығы, өңірлердің әкімдері, ІІМ алқа мүшелері, орталық аппараттың басшылық құрамы және аумақтық полиция департаменттерінің жетекшілері қатысты. Президент елімізде «Заң және Тәртіп» қағидатын біржола орнықтыруда полиция айрықша рөл атқаратынын атап өтті. Қылмыспен күресу және қоғамдық тәртіпті сақтау – аса маңызды міндет. Бұл – жауапкершілігі өте үлкен жұмыс. Еліміздің әрбір азаматы өзін қауіпсіз сезінуге тиіс. Ол үшін құқық қорғау жүйесі үйлесімді әрі тиімді жұмыс істеуі қажет. Ең алдымен, мемлекетте заң талаптары мүлтіксіз орындалуы керек. Заң бұзған кез келген адам жазасын алуға тиіс, – деді Президент. Сондай-ақ Қасым-Жомарт Тоқаев құқықтық сауаттың төмен болуы жағымсыз үрдістердің белең алуына әкеп соқтырып отырғанын алға тартты.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Оның бәрі, түптеп келгенде, еліміздің дамуын тежейді, мемлекеттің абыройына нұқсан келтіреді. Қоғамдық жерлердегі вандализм – соның айқын көрінісі. Халқымыздың дүниетанымына жат идеология да елімізге зор қауіп төндіреді. Әсіресе, жас ұрпақ жасанды идеялар мен «жалған батырлардың» жетегіне ілесіп кетуі мүмкін. Әлеуметтік желіде жастарды заңсыз іс-әрекет жасауға шақыратын материалдар таралуда.Тіпті, заң бұзған адамдарды үлгі етіп көрсететіндер бар. Біздің азаматтарымыз кез келген заңсыздыққа қарсы болуы керек, яғни бізге заң бұзушылыққа төтеп беретін мықты иммунитет қажет. Ел ішіне іріткі салатын, қауіп төндіретін әрекеттерді ақтауға қатаң тосқауыл қою керек. Құқықтық нигилизмге, яғни заң үстемдігін жоққа шығаруға жол берілмеуге тиіс. Заңға деген құрмет адал азаматқа тән қасиеттің бірі ретінде дәріптелуі қажет. Бұл – мемлекеттік органдарға ғана емес, барша халыққа ортақ міндет. Қысқасы, заң мен тәртіптің үстемдігін қамтамасыз ету – Әділетті Қазақстанды құрудың басты шарты».

https://www.youtube.com/embed/A8VTCmbeg90?si=cxiZx3AnsDx_9GcG" 

Солтүстік Қазақстан облыстық мәслихат депутаттары Есіл ауданына қарасты ауыл мектептеріне барып, білім мекемелерінің жағдайымен танысты. Горное ауылындағы бастауыш сыныптары ғана оқитын мына мектеп кезінде 9 жылдық болған. Елді мекендегі түзеу мекемесінің жабылуы білім ордасының жұмысына әсер етті. Елді-мекенен әскери қызметшілер көшіп кеткен. Қазір ауылда небәрі 30 түтін бар.

ҮМІТ ӘШКЕНОВА ГОРНЫЙ БАСТАУЫШ МЕКТЕБІНІҢ МЕҢГЕРУШІСІ «Біздің мектеп жылы. Балаларға ұнайды. Бір мәселе ол тек қана колония жабылғасын көп адамдар көшіп кетті».

Қазіргі уақытта мектепте 7 оқушы оқиды. Мектепке дейінгі топ бар. Балалардың білім алуы үшін бар жағдай жасалған. Жұмыс сапары барысында депутаттар бірқатар мекемені аралады. Сонымен қатар, Корнеев ауылдық мектебіне де барды. Білім ордасында заманауи жөндеу жұмысы жүргізілген. Жылы спорт зал мен көрші ауылдардан келіп оқитын балаларға арналған бөлмелер де бар. Оқушыларға ыстық тамақ та беріледі.

ОЛЬГА КЛИШИНА СҚО МӘСЛИХАТ ДЕПУТАТЫ: «Біздің бұл ауданға келудегі мақсатымыз мектеп оқушыларының ыстық тамақпен қамтамасыз етілуін бақылау. Ол үшін мемлекеттен арнайы ақша бөлінген. Біз асхананың мәзірін, азық-түлік сапасы мен сертификаттарын, мектептің ішкі температуасын – барлығын тексердік.Кейбір ескертулер де берілді».

Айта кетейік, Есіл ауданында жалпы 28 мектеп бар.

https://www.youtube.com/embed/bTbAle-0C4w?si=aEVZx5keYxIaQPZY" 

Енді Марс бетінің астына үлкен мұз жиналуы мүмкін. Мұндай қорытындыны еуропалық астрономдар жасады. Егер мұз ерісе, су планетаны екі метрлік қабатпен жабылуы мүмкін және оның көлемі бүкіл Қызыл теңізді толтыруға жетеді.

Бұл жаңалық Қызыл планетаға сонау 2003 жылы келген еуропалық Mars Express орбиталық аппаратының көмегімен жасалды. Жер бетіндегі формация 2007 жылы зерттелген. Бірақ кен орындарының шаңнан немесе жанартау күлінің үлкен жинақтарынан тұратындығы белгісіз болды. Енді, 15 жылдан кейін, жаңа дәлелдердің арқасында бұл шын мәнінде бірнеше жүз метр қалыңдықтағы шаң немесе күл басқан мұз қабаттары екенін көрсетті.

КОЛИН УИЛСОН ESA ЖОБАСЫНЫҢ ҒАЛЫМЫ:«Біз көп нәрсені, соның ішінде қабатталған су мұзын тауып жатырмыз. Бұл түзілімдер полярлық қалпақшаларға өте ұқсас. Сондықтан бұл шынымен таңқаларлық. Сіз әдетте экваторда полярлық мұзды көрем деп күтпейсіз. Бұл Марста да жердегідей күлкілі».

Ғалымдар қазір Марс бір кездері қазіргіден мүлде басқаша болған деп есептейді. Онда мұздықтар, көлдер мен өзен арналары болған. 2004 жылы Еуропалық Mars Express миссиясының ғалымдары Қызыл планетада мұздың барын растады. Ал 2015 жылы NASA Марста тұзды су ағындары бар екенін жариялады. Ғалымдардың пайымдауынша, мұз қабаттарының қалыңдығы үш шақырым 700 метрге жетеді. Олардың айтуынша, бұл Марстың осы бөлігінде табылған ең үлкен су мөлшері.

КОЛИН УИЛСОН ESA ЖОБАСЫНЫҢ ҒАЛЫМЫ:«Біз Марстың бетінен және басқа жерлерден көп мөлшердегі судың дәлелдерін көрдік. Сонымен қатар, өзен аңғарлары мен бұлақтардан кесілген арналарды көрдік. Бірақ көпке дейін судың қайда кеткенін түсіне алмадық».

Ғалымдар мұндай кен орындары адамның Қызыл ғаламшарға деген болашақ миссиялары үшін қызықты перспектива екенін атап өтті. Бірақ шамамен 300 метр тереңдікке жету үшін күрделі бұрғылау қажет болмақ.

https://www.youtube.com/embed/sqrYpLN8F78?si=DTNBRzLtIxOV9swM" 

Маңғыстауда онлайн саудаға қатысты 200-ден астам шағым тұтынушылардың құқығын қорғау департаментіне түскен. Осы мәселеге қатысты тұтынушылар нені білуі шарт, толығырақ тарқатсақ.

Өңір тұрғындарынан түскен 200-ден аса өтініштің 140-қа жуығы қанағаттандырылған. 50-ден астам шағым қаралу үстінде. Сапасыз өнім алып сан соғып қалмас үшін мамандарға құлақ асқан абзал.

НИКАР РАФИКОВА МАҢҒЫСТАУ ОБЛЫСТЫҚ "ТҰТЫНУШЫЛАРДЫҢ ҚҰҚЫҒЫН ҚОРҒАУ" ҚБ ТӨРАҒАСЫ: «Мәселен, есікке домофон қондырған кезде қызмет көрсетуші мекеме барлық ақпаратты беруі тиіс. Яғни, тұтынушылар осы мәселеге назар аударуы керек. Қазіргі таңда тұтынушылардың құқығын қорғау саласы еліміздегі ең күрделі бағыттардың бірі болып отыр. Сатушы мен сатып алушының  арасында шиеленістерді шешуде қиындықтар болады».

Сапалы қызмет атқару үшін осы салада ақпараттық жүйе жұмыс істейді. Қандай да бір оғаш жағдайға тап болсаңыз арыз шағым түсіруге толық құқығыңыз бар. Тауарыңыз талапқа сай болмаса, 43 14 34 нөміріне хабарласуға болады. Сауалыңызды тұтынушылардың құқығын қорғау департаментінің әлеуметтік желідегі парақшалары мен телеграм боттарына жолдай аласыздар.

РАУАН МҰХАЕВ МАҢҒЫСТАУ ОБЛЫСТЫҚ САУДА ЖӘНЕ ТҰТЫНУШЫЛАРДЫҢ ҚҰҚЫҒЫН ҚОРҒАУ ДЕПАРТАМЕНТІНІҢ БАСШЫСЫ: "Е-тұтынушы" платформасы бар. "Е-өтініш" платформасы бар. Соңғы кездері электрондық поштамызға көптеген сұрақтар келіп түсіп жатыр. Көмек көрсетуге әрдайым дайынбыз. Оған қоса сотқа шағымдану арқылы біз сотта 3-ші тұлға ретінде қатысып жатырмыз. Сол себепті біздің департаментке жүгінсеңіздер, міндетті түрде әкімшілік процесстік кодекстің аясында барлық арыздарды қараймыз».

https://www.youtube.com/embed/b8gjf4X6RwI?si=1CNhIDbFmOlgAuna" 

Жыл басынан бері Қызылорда қаласының аумағында түрлі жағдайда орын алған 10 өрт оқиғасы тіркелген, оның үшеуі автокөліктерге тиесілі. Осыған орай Төтенше жағдайлар басқармасы өрт оқиғасының алдын алу мақсатында «Автокөліктегі өрт қауіпсіздігін сақтаңыз!» тақырыбында рейдтік шара жүргізді. Төтеншеліктер арнайы техникамен хабарлама таратып, өртенген көлік қаңқасын артып,қала көшелерін аралады. Мақсат-қауіпсіздікті қатаң сақтауды қадағалау.

МАҚСАТ ТӨРЕМҰРАТ ҚЫЗЫЛОРДА ҚАЛАСЫ ТЖБ ИНЖЕНЕРІ: «Төтенше жағдайлар қызметі мен полиция қызметкерлерінің бірлестігімен қаламызда көлік өрт қауіпсіздігін сақтау мақсатында түсіндірме жұмыстары жүргізілуде: Қазіргі таңда өртенген көлік қаңқасын қала аумағына көрсетіп,көлік тәртібін сақтамағанда қандай нәтиже беретінін көрсету. Сондықтан жүргізушілерге тек жол ережелерін сақтау керек екенін ескертеміз».

https://www.youtube.com/embed/i5Sty4wOb9g?si=BzAcHBkRpnKqjTwq" 

Израиль Газа секторындағы ХАМАС жауынгерлік полктерінің шамамен үштен екісін жойды. Премьер-Министр Биньямин Нетаньяху соғысты «толық жеңіске» дейін жалғастыруға уәде берді.

БИНЬЯМИН НЕТАНЬЯХУ ИЗРАИЛЬ ПРЕМЬЕР-МИНИСТРІ «Ұрыс екі кезеңнен тұрады. Біріншісі – Хамас содырларын және олардың ұйымдасқан жауынгерлік құрылымдарын жою. Қазір 24 содырдың әрбір 16-17-сі өлтірілді. Осыдан кейін аумақты тазарту кезеңі басталады. Бірінші кезең әдетте қысқа, екіншісі ұзағырақ болады».

Қаза тапқан израильдік сарбаздың суретін ұстаған Нетаньяху сарбаздардың бекер өлмегенін айтты.

БИНЬЯМИН НЕТАНЬЯХУ ИЗРАИЛЬ ПРЕМЬЕР-МИНИСТРІ «Жеңіске жетуге әлі көп айлар бар, бірақ біз оған жетуге бел будық».

Осы уақытта Тель-Авивтің аудандарының бірінде израильдік кепілге алынған ең жас азаматтың туған күні тойланды. Аспанға ұшқан шарларда «Әлемдегі ең қайғылы туған күн» деген жазулар болды. Сегіз айлық Кфир Бибасты ата-анасымен және үлкен ағасымен бірге 7 қазанда кибутцтан ұрлап әкеткен. Отбасының қайда екені әзірге белгісіз. Әлеуметтік желіде жарияланған видеода Ширидің анасы қарулы содырлардың қоршауында екі ұлын ұстап тұрғанын көруге болады. Олар оны өздерімен бірге алып бара жатқандарын айтады. Кейін Хамас ұйымы әйел мен оның балаларының Израиль шабуылы кезінде қаза тапқанын, бірақ отағасының аман қалғанын айтты. Израиль әскерилері бұл ақпаратты растамады.

ЙОСИ ШНАЙДЕР ШИРИДІҢ НЕМЕРЕ АҒАСЫ:«Оның өмірі үшін маңызды болған 104 ұзақ күн өтті. Қазіргі кездегі әрбір сәті ол үшін жойқын болуы мүмкін және өмірінің соңында қайтымсыз зардаптарға ұшырауы мүмкін».

Тағы бір аймақта наразылық білдірушілер Тель-Авивтегі тас жолды жауып, Газа секторындағы кепілге алынғандарды босату үшін үкіметтен көбірек шара қолдануды талап етті. 7 қазанда содырлар 240-қа жуық адамды ұрлап кеткен. Жартысына жуығы қарашадағы қысқа мерзімді бітім кезінде босатылды. Осы уақытта Израиль әскері Батыс жағалаудағы Тулкарм қаласына екінші күн рейд жүргізді. Жүздеген адам қамауға алынды. Әскерилер 35 сағатқа созылған лаңкестікке қарсы операция жүргізіп, сегіз содырды өлтірді, 15 күдікті тұтқынға алды, қару-жарақ тәркіленді және ондаған жарылғыш құрылғылар жойылды. Газадағы соғыспен қатар, зорлық-зомбылық күшейді. Израиль әскері 7 қазаннан бері 2700 күдіктіні ұстағанын хабарлады. Олардың жартысына жуығы Хамас  мүшелері болды.

https://www.youtube.com/embed/6ttIEE0TAQA?si=MqsIWcCJ7wCfIKC5" 

Қытымыр қыстың әуресі енді басталмақ. Синоптиктер алдағы 3 күнде республиканың бүкіл Батыс жартысына Батыс антициклон әсер ететіндігін айтты. Яғни, жауын-шашынсыз аязды ауа райы күтілуде.

Еліміздің қалған аймақтарына оңтүстік циклон және онымен байланысты атмосфералық фронтальды бөлімдер әсер етеді, олармен жаңбыр мен қар түрінде жауын-шашын болады, көктайғақ, тұман және боранмен желдің күшеюі күтіледі. Түнде елдің батысында ауа температурасы 22-30 аязға дейін, солтүстік-батыста 20-30 аязға дейін, солтүстікте, орталықта және шығыста 7-18 аязға дейін әлсірейді.

Ал, оңтүстікте 5 градусқа дейін ауа температурасы көтерілсе, оңтүстік-шығыста 0-10 градус аязға дейін төмендейді. Сондықтан, мамандар қала тұрғындарын барынша жылы киініп, сақтық шараларын бұзбай, жолда абай жүруге шақырады!

https://www.youtube.com/embed/qZiyWpowz0k?si=Ub7lFPSX56StDUj1" 

Бүгін Елордада «Атамекен» ұлттық кәсіпкерлер палатасының бұрынғы төрағасы Абылай Мырзахметовтің ісіне қатысты басты сот отырысы жабық режимде өтті. Себебі, Прокурорға куәгерлердің бірі жеке басы мен отбасы мүшелерінің қауіпсіздігін уайымдайтынын айтып, істі жабық қарауды сұраған.

Еске сала кетейік, айыпталушы Абылай Мырзахметов өткен жылы 10 мамырда ұсталған болатын. Антикор таратқан ақпаратқа сәйкес, ол алаяқтық және кәсіпкерді туысын қылмыстық жауапкершіліктен босатуға жәрдемдескені үшін аса ірі көлемде пара беруге итермеледі деген күдікке ілікті.

https://www.youtube.com/embed/GZVvCooHFro?si=IMZUZsCLll7C8xZg" 

Халықты алдап, ақша жымқырған кезекті қаржы пирамидасына қатысты сотқа дейінгі тергеп–тексеру аяқталды. Өздерін «Капитал Мечты» деп атаған қаржы пирамидасы, салымшылардан түскен 1 млрд теңгеден астам қаражатты қалталарына басқан. Бұл туралы Қаржы мониторинг агенттігінің ресми өкілі Әлібек Әбділов айтты.

ӘЛІБЕК ӘБДІЛОВ ҚР ҚАРЖЫ МОНИТОРИНГ АГЕНТТІГІНІҢ РЕСМИ ӨКІЛІ: «ЖШС басшысына ай сайын салынған соманың 10% төлеу шартымен мүлікті сенімгерлік басқару шарттары мен қарыз беру шарттары негізінде салымшыларды тарту арқылы қаржылық (инвестициялық) пирамида құрғаны және оған басшылық жасағаны үшін айып тағылды. Қаржы пирамидасының басшысына қатысты "күзетпен ұстау" түріндегі бұлтартпау шарасы санкцияланды. Қылмыстық әрекет салдарынан жәбірленушілерге аса ірі мөлшерде материалдық шығын келтірілгені анықталды, жалпы сомасы 1 млрд теңгеден асады. Қылмыстық іс сотқа жіберілді».

https://www.youtube.com/embed/N5mUkyNdFqw?si=Fgi3zFknxwQwcNYb" 

https://www.youtube.com/embed/3mzIHgnEtaw?si=tkDVT2EwQKxsNd2w" 

Испанияның солтүстік-шығысындағы Каталониядағы аймақта құрғақшылық орын алуда.

КАТАЛОНИЯ ТҰРҒЫНЫ: «Біз суды үнемдеуіміз керек. Бірақ қала әкімшілігі көбірек көңіл бөлуі керек. Барлық жерде су ағып жатыр. Олар мәселені шешуі керек».

Автономиялық қауымдастық үкіметі төтенше жағдай жариялады. Енді су қоймаларындағы су деңгейі қалыпты көлемнің 16% -на дейін төмендеген жағдайда пайдалануға болады. Осыдан кейін бос бассейндерді, оның ішінде туристік орындарды толтыруға тыйым салынады. Дегенмен, басқа да үнемдеу шаралары қолданылса, қоғамдық бассейндер жабық бассейндерін ішінара толтыруға рұқсат етіледі.

ВИКТОР ВЕНДИ СПОРТ ОРТАЛЫҒЫНЫҢ ДИРЕКТОРЫ:«Біз тиісті санитарлық деңгейді қамтамасыз ету үшін толтыруды ең аз мөлшерде жасауға тырысамыз».

Ашық бассейндерге келетін болсақ, олар барлық душ жабық болған жағдайда ғана толтырылуы мүмкін.

ВИКТОР ВЕНДИ СПОРТ ОРТАЛЫҒЫНЫҢ ДИРЕКТОРЫ: «Біраз уақыт бұрын біз өз нысандарымызда суды тұтынуды 20%-ға төмендету бойынша бірқатар шараларды жүзеге асыра бастадық. Негізгі шаралар – душтағы су қысымын төмендету және оның ұзақтығын шектеу».

Рұқсат етілген су тұтыну бір адамға тәулігіне 210-нан 200 литрге дейін, ал ауыл шаруашылығына, мал шаруашылығына және өнеркәсіпке арналған су көлемі тиісінше 80%-ға, 50%-ға және 25%-ға азаяды. Кейбір жағдайларда қоғамдық орындардағы ағаштарды, сондай-ақ спорт алаңдарын суаруға рұқсат етіледі. Бірақ бұл суды тұтынуды өтеу шараларын қабылдауды талап етеді.

https://www.youtube.com/embed/ikey8RldT94?si=5x9FKSFV0Pw-zMFo" 

Қалың қар Еуропаның бiрнеше елдерiнде көлiктiк коллапс туғызды. Норвегияның астанасы Ослода барлық рейстер тоқтатылды. Жолаушылар ауа райының жақсаруын күтуге мәжбүр.

БЕНТЕ ЙЕНСЕН — ДАНИЯЛЫҚ ТУРИСТ: "Мәселенің бәрі қар жауғанда, желде сияқты. Сондықтан күтіп, бір шыны кофе ішу керек. Жоспар осындай ".

Сондай-ақ, Ослода пойыздар тоқтатылды. Елдің басқа өңірлерінде де теміржол қатынасы бұзылған. Бельгияда да қар жауып жатыр. Брюссельде кемінде бес сантиметр қар жауып, теміржол қатынасы бұзылды. Билік елдің оңтүстігіндегі автожолдардағы қауіпті жағдай туралы ескертеді. Кей жерлерде үлкен кептелістер пайда болған.

АНАСТАСИЯ ВОЛОДИНА — РЕСЕЙЛІК СТУДЕНТ: "Мен үшін ауа райы қалыпты, өйткені мен Ресейденмін, бізде қар көп. Бұл өте әдемі. Қар басқан Брюссель таңғажайып көрінеді ".

ЧЕЙЗ МЕДОУЗ - ТУРИСТ: "Менің ойымша, бұл жақсы. Қаланы қарда көру сиқырға ұқсайды ".

Германияда қалың қар жауып, жаңбыр жауды. Елдегі ең ірі Франкфурт-на-Майне әуежайында 500-ден астам рейс тоқтатылған.

КЛАУС ЛЮДВИГ ФЕСС ЖОЛАУШЫ: "Әзірге бұл жай ғана күйзеліс, ол кеше ғана басталды. Менің рейсім ұшуға екі сағат қалғанда тоқтатылды. Мен билеттерді қайта броньдадым, сосын жағдай түсініксіз болды, ақыр соңында бұл ұшу да тоқтатылды. Енді мен Берлинге пойызбен барамын ".

Мюнхендегі жағдай да осындай. Онда 250 рейс тоқтатылған. Ал Саарбрюккен халықаралық әуежайында барлық рейстер тоқтап тұр. Deutsche Bahn темір жол операторы алысқа жүретін бірнеше пойыздың тоқтатылатынын ескертті. Бұл ретте жоғары жылдамдықты экспрестердің қозғалыс жылдамдығы сағатына 200 километрге дейін төмендеді. Әдетте жолдың арнайы учаскелерінде олар жылдамдықты сағатына 330 километрге дейін асырады. Германияның оңтүстік-батысындағы автожолдарда көктайғақ пайда болды. Метеорологтар еліміздің батысы мен орталығында қар жауып тұрады деген болжам айтты.