https://www.youtube.com/embed/0k0KEMLwCAI?si=Kzb5isMTftE-dW2w" 

Орал қаласының тұрғыны Сақыпжамал Дүйсалиева дәрігерлердің салғырттығынан қызының болашағына балта шабылғанын айтып, редакциямызға хабарласты. Ананың айтуынша, 32 жастағы қызына түсік жасау кезінде ақ халатты жандар алғашқы көмек көрсеткен. Ем-шараның дұрыс жасалмауы салдарынан енді ол сәби сүйе алмайды. Ашынған ананың жан-айқайын түсіру тобы тыңдап қайтты. 

Биыл Айгерім Дүйсалиеваға 15 жылдан кейін ана болу мүмкіндігі туған. Жасанды ұрықтандыру тәсілі арқылы жатырына жан бітіп, жүктілігі ойдағыдай басталған. «Бұл қуанышымыз ұзаққа созылмады»,- дейді анасы Сақыпжамал Дүйсалиева. Жүктіліктің 3-ші айында Айгерім өзін жайсыз сезініп, қансырап, шақыртуға келген жедел жәрдем бригадасы жеке клиниканың мамандарына табыстаған. Бұл әрекет бірнеше мәрте қайталанған. Науқастың дене қызуы түспей, нашарлай бастағанда барып анасы алғашқы медициналық көмектің дұрыс жасалмағанын байқаған. Бүгінде Айгерім ана болу бақытынан біржола айырылып қана қоймай, обыр дертімен күресуде. Асқынған дерт өкпені де зақымдаған. Амалы таусылған отбасы Корея, Түркия мемлекетінің онколог дәрігерлерінен кеңес алған. Шетелдік мамандар сәтсіз ота жасалғанын айтқан.

САҚЫПЖАМАЛ ДҮЙСАЛИЕВА ҚАЛА ТҰРҒЫНЫ

Сақыпжамал Дүйсалиеваның әділдік іздеп, тиісті органдардың табалдырығын тоздырғанына бірнеше айдың жүзі болған. Қызының жанына араша болудың орнына болашағына балта шапқан дәрігерлер жазаланып, материалдық-моральдық шығын өтелуі тиіс екенін айтады.

САҚЫПЖАМАЛ ДҮЙСАЛИЕВА ҚАЛА ТҰРҒЫНЫ

Батыс Қазақстан облыстық денсаулық сақтау басқармасының баспасөз қызметкері Сақыпжамал Дүйсалиеваның арызы ҚР ДСМ медициналық және фармацевтикалық бақылау комитетінің БҚО бойынша департаментіне жолданғанын мәлімдеді. Өз кезегінде департамент өкілдері биыл тұрғындардан келген талап-арыздар санының артуына байланысты өтініш қаралып жатқанын айтты. Облыста медициналық ұйымдардың қызметі және мамандар жұмысымен байланысты 370 арыз түскен. Бұл көрсеткіш өткен жылмен салыстырғанда 70 арызға көп. «Арыз иесіне желтоқсанның ортасында жауап қайтарамыз» деді департамент басшысының орынбасары.

НАРИМАН НИЯРОВ ҚР ДСМ МЕДИЦИНАЛЫҚ ЖӘНЕ ФАРМАЦЕВТИКАЛЫҚ БАҚЫЛАУ ДЕПАРТАМЕНТІНІҢ БҚО БОЙЫНША ДЕПАРТАМЕНТ БАСШЫСЫНЫҢ ОРЫНБАСАРЫ

Айгерімге ем-дом жүргізген жеке клиника дәрігерлері оның өмірі қыл үстінде болғанын айтады. Жүктілік кезінде пайда болған хорионэпителиома дертінің асқынуына байланысты жатыр алынып тасталған. "Ота жасалмаған жағдайда, қан тоқтамай, науқастың беті бері қарамас еді" дейді. Баласы үшін шырылдап жүрген ана жауапты органдардың әділ шешім шығаратынына күмәнмен қарайды. Амалсыз жыл аяғына дейін мамандардың шешімін күтуге мәжбүр. Айгерім Дүйсалиева денсаулығына байланысты түсірілім тобымен сұхбаттасудан бас тартты.

https://www.youtube.com/embed/X8oS9a8CMzE?si=dbkBqESxppmt5tMz" 

Моңғолия мал шаруашылығымен танымал ел. Бұл қызмет ел конституциясымен қорғалған. 80 миллион түйе, сиыр, қой, ешкі және жылқы төлдері мемлекет қорғауындағы «ұлттық байлық» ретінде саналады.

Көптеген отбасылар үшін бұл кәсіп емес. Бұл ұрпақтарды біріктіретін мәдени бірегейлік. Ал ол адам мен жануарлар арасындағы байланысқа негізделген.
Агваантогтох және оның отбасы ет және қатты ірімшік сияқты сүт өнімдерін шығарады. Олар жануарларды өздерінің меншігі деп санағанымен, оларды өз еркі бар тірі жан ретінде де көреді. Яғни, малдың өзі жайылымын таңдап, су табуына мүмкіндік береді. Олар жануарларды белгілі бір жерде ұстау адамды түрмеге отырғызумен бірдей деп есептейді.Соңғы кездегі  климаттың өзгеруіне байланысты ауа райы жағдайлары олар үшін қиынға соғуда.

АГВААНТОГТОХ  МАЛШЫ: «Бұрын жылдың әр мезгілі бойынша суық және ыстық болатын, қазір қысы-жазы қатты шаңды дауылдар соғады.Немесе күн жылы болғанда қар жауады».

Моңғолия  құрғақшылық пен жылынудан зардап шегуде. 1940 жылдан бастап орташа температура Цельсий бойынша 2,2 градусқа көтерілген.Сонымен қатар, қақаған қарлы қыста  жұт болып жем-шөп тапшылығы болған. Малдар да тебіндеп жайыла алмаған. Осы жұт малшының отбасын оңтүстік-батыс провинциядан көшуге мәжбүр еткен. Сол қыста оның 400 малы өлді.

ЛХЕБУМ МАЛШЫНЫҢ ӘКЕСІ: «Әрине,туған жерімді тастап кету қиын болды.Бірақ құрғақшылықтан қашу үшін басқа амал қалмады».

Бұл ретте мамандар моңғол малшыларынан бейімделу жағынан көп нәрсені үйренуге болатынын айтады.

АРИЭЛЬ АХЕРН ОКСФОРД УНИВЕРСИТЕТІНІҢ ЗЕРТТЕУШІСІ: «Олардың көптеген тәжірибелері бар.Сондықтан моңғол малшыларынан үйренетін нәрсе көп».

https://www.youtube.com/embed/c5Mc4MrdQpA?si=HjQfuW2GcD6Na_M1" 

Бүгінде мал ұрлығы әрбір шаруаның мазасын алған мәселеге айналды. Осы орайда Қызылорда өңірінде ұрлықтың алдын алу мақсатында полицейлер бірқатар шараны қолға алды.

Ұрлықтың  басым бөлігі өрісте қолды болған немесе иесіз жүрген малды сойып алып кететін жағдайларда орын алған. Мал ұрлығы тіркеліп, кейін ең далада табылды деген деректер де аз емес. Осыған байланысты 27-29 қараша аралығында облыс аумағында мал ұрлықтарының алдын-алу мақсатында жергілікті атқарушы органдардың бірлесуімен тексеру жұмыстары жүргізілуде.

САХИ КҮШЕРОВ  ҚЫЗЫЛОРДА ОБЛЫСТЫҚ ПД КПБ АҒА ЖЕДЕЛ УӘКІЛІ:  «Тексеру жұмыстары қаламыздағы мал базарынан бастау алды. Көліктерге тиелген ірі қараларды тексеру барысында құжатсыз мал тасымалдаған 9 тұлға анықталып, Әкімшілік Кодекстің 406-бабы бойынша жауапкершілікке тартылды».

Бүгінгі күнде дәл осындай жүргізілген тексеріс жұмыстарының арқасында облыс аумағында мал ұрлығының тіркелуі 45%-ға азайып, істі ашу көрсеткіші 30%-ға жақсарған дейді мамандар.

АЗАМАТ САХИТ ҚЫЗЫЛОРДА ҚАЛАСЫ АУМАҚТЫҚ ИНСПЕКЦИЯСЫНЫҢ БАС МАМАНЫ

Қызылорда облысы полиция департаментінің қызметкерлері халыққа жайылымдағы малды қараусыз қалдырмай, меншіктегі малды құжаттандыруын,таңбалау және JPS құрылғыларын орнату керек екендігін ескертеді.

https://www.youtube.com/embed/jszxMXzI188?si=gOAKEv9dvWPf6CFD" 

Қызылордалық жүргізушілердің Грузиялық нөмірлері бар автокөліктерімізді жаппай қамап жатыр деген өзекті мәселесіне қатысты ОПД өкілдері арнайы баспасөз конференциясын өткізді. Басқосуда аталған проблеманың ақ-қарасы ажыратылды.

Мына ағылған жұрт Грузиядан арнайы автокөлік сатып алып келгендер. Айтар базыналары: полицейлер өзге елдің нөмірі бар теміртұлпарларды жаппай айып тұрағына қамауы.

НҰРБОЛ ДОСБОЛОВ АВТОКӨЛІК ИЕСІ

Бұл мәселеге қатысты құзырлы органдар заң аясында жауап берді. Айтуларынша, автокөлікті кедендік рәсімдеу үшін, ол экологиялық санатқа, «Доңғалақты көлік құралдарының қауіпсіздігі туралы» Кеден одағы техникалық регламентіне сәйкес келуі тиіс. Бұл процеске ең алдымен автокөлікті кедендік рәсімдеуден өткізу барысында құжаттарды жинақтау қажет. Техниканы рәсімдеу барысы үш кезеңнен тұрады. Бірінші сатып алу келісім шарты, екінші көліктің ілеспе құжаттары, транзиттік декларациясын алу және автокөлікті сәйкестендіру сертификаты.

БАҚТИЯРОВ НҰРКЕН ҚЫЗЫЛОРДА ОБЛЫСТЫҚ ПД ӘП БАСҚАРМАСЫ ПРОЦЕСИНГТІК ОРТАЛЫҒЫНЫҢ БАСШЫСЫ

2014 жылғы Жол жүрісі туралы заңының 66-бабына сәйкес, көлік құралдары иелерінің құқықтары мен міндеттері бойынша Еуразиялық экономикалық одақтың кедендік аумағында механикалық көлік құралдарын сатып алғаннан немесе жеке пайдалану, ішкі тұтыну үшін көлікті кедендік аймақтан шығарғаннан кейін 10 жұмыс күні ішінде уәкілетті органда тіркеу міндеттелген. Республика аумағында мемлекеттік тіркеу нөмірлік белгілері жоқ немесе пайдалануға тиым салынғаннан кейін белгіленген тәртіппен тіркелмеген көлік құралдарын басқарған жағдайда 10 айлық есептік көрсеткіш мөлшерінде айыппұл салуға әкеліп соғады дейді мамандар.

https://www.youtube.com/embed/DONP_bDvQ_Y?si=dh4otkV1kbixbFDB" 

Бұдан былай Қожа Ахмет Яссауи кесенесін арнайы күзет бақылайтын болады. Себебі, бұл қасиетті нысан стратегиялық аймақ тізіміне енеді. Одан бөлек, арнайы комиссия да құрылған. Республикалық бюджеттен қаражат та бөлінген. Неліктен кесененің қабырғалары көгеріп, ылғалданып жатқанын шет елдік мамандар зерттеп жатыр. Нәтижесі бір жылдан кейін жарияланады деді бүгін Астанада орталық коммуникациялар қызметінде өткен брифингте өңір басшысы Дархан Сатыбалды.

ДАРХАН САТЫБАЛДЫ ТҮРКІСТАН ОБЛЫСЫНЫҢ ӘКІМІ: «Бұл мәселе Түркістан облыс орталығы болмағанда да мұндай проблема болған. 317 млн теңге бөлініп республикалық бюджеттен, зерттеу жұмыстары министрлік тарапынан жүргізілуде. Бір жылға созылады зерттеу. Ресей, Өзбекстан, Иран мемлекетінен тиісті мамандар шақырылып жұмыстар жүргізіліп жатыр».

https://www.youtube.com/embed/7oC-ytQJIz0?si=tycLccQdF-8VZ3I6"

Израиль мен Хамас арасындағы уақытша атысты тоқтату келісімі ұзартылғаннан кейін  тағы он екі кепілгерді 30 палестиналық тұтқынға айырбастады.

Израиль әскерилері елге Израильдің он азаматы мен екі шетелдіктің әкелінгенін растады. Бұл  ХАМАС тұтқындарының Қызыл Крест ұйымына тапсырылғанын сәті.
Жалпы бітімгершілік алты күнге ұзартылды. Ол бұдан да ұзаққа созылуы мүмкін деген үміт бар.Дереккөздер  Израиль барлау агенттігінің басшылары Дохада Катар премьер-министрімен кездескенін хабарлады. Олар әлеуетті келісімнің келесі кезеңін талқылады. Кездесуге Мысыр елінің ресми өкілдері де қатысты.Хамас тұтқындарға айырбастаған кепілге алынғандардың жалпы саны сейсенбідегі жағдай бойынша 81 болды. Олардың арасында 60 израильдік бар. Барлығы дерлік әйелдер мен балалар. Бұл жағдай екі жақтағы отбасылар үшін де қуанышты болды. Офри Бибас ағасының отбасын қайтаруға күш салуда. Олардың арасында Хамастың қолындағы ең кішкентай кепіл – 10 айлық Кфир Бибас бар.

ОФРИ БИБАС КЕПІЛГЕ АЛЫНҒАНДАРДЫҢ ТУЫСЫ: «Менің жалғыз ағамды Нир Оз қаласындағы үйінен бүкіл отбасымен: оның әйелі Шири және екі баласын қоса ұрлап әкетті. Біз хат жолдап отырмыз, өйткені ертең қазіргі атысты тоқтатудың және Израильмен кепілге алынғандарды босату туралы келісімнің соңғы күні, бірақ олар әлі де босатылған жоқ».

Израиль ХАМАС күніне кемінде он адамды кепілге жіберсе, бітімгершілікті ұзартуға дайын екенін мәлімдеді.Атысты тоқтату келісімі мақұлданса, кепілге алынған Израильдік ер азаматтар көп ұзамай босатылуы мүмкін.

https://www.youtube.com/embed/7uNCxDIJYWE?si=EoAagWMSk9yheXxc" 

Ауған соғысының ардагерлері майданда өздерімен бірге болып, ұрыс даласында ерлік көрсеткен достары Серікбай Жүсіповтың балаларына көмек қолын созуда. Соғыстан аман оралған Серікбай Жүсіпов тағдырдың жазуымен осыдан екі жыл бұрын ковид індетінен көз жұмған болатын.Марқұмның жұбайы да созылмалы дерттен мәңгілік өмірге аттанған. Ел аман,жұрт тынышта жетім қалған үш баласын,нағашы әжелері қолына алып,бағып-қағып отырған жайы бар.

ӘЛИ ДАУЫЛБЕК «АБЫРОЙ» АУҒАН СОҒЫСЫ АРДАГЕРЛЕРІ ОДАҒЫНЫҢ ТӨРАҒАСЫ

Нағашы әжелерінің қолында өсіп жатқан үш бала,біздің де баламыз деп қарайтын ауғандықтар, олар тұратын баспананың тарлығы қолайсыздық туғызып отырғанын көзіміз көріп отыр дейді. Көп түкірсе көл болады, бірлесіп жылу жинасақ қосымша бөлме салып беруге мүмкіндік туар деген үмітте.

ӘЛИ ДАУЫЛБЕК «АБЫРОЙ» АУҒАН СОҒЫСЫ АРДАГЕРЛЕРІ ОДАҒЫНЫҢ ТӨРАҒАСЫ

https://www.youtube.com/embed/ESIivIxCneE?si=UXP-ub7PZpT_ib06" 

https://www.youtube.com/embed/_i1jz21H3eY?si=4FHUgC3RwWk3KMG5" 

Қызылша дертін жұқтырған 30 баланың жағдайы тым ауыр. Олар жан сақтау бөлімінде ем алып жатыр. Сондықтан, бүгін Үкімет басшысы Әлихан Смайылов жергілікті әкімдер мен денсаулық сақтау басқармасына жағдайды қатаң бақылауда ұстап, екпе жұмыстарын күшейтуді тапсырды. Одан бөлек, Үкіметте жол сапасына қатысты мәселе қаралды. Елімізде тағы қандай жолдар ақылы болады, тариф қымбаттай ма? Ол жайлы толығырақ тілшіміз тарқатып берсін.

Қызылшаға немқұрайлы қарамау керек. Ауру асқынса, соқырлыққа әкелуі мүмкін деген дәрігерлер дабыл қағып отыр. Биыл еліміз бойынша қызылшаны жұқтырудың 17 мыңнан аса дерегі тіркелген десек, оның 82 пайызы балалар. 

АЖАР ҒИНИЯТ ҚР ДЕНСАУЛЫҚ САҚТАУ МИНИСТРІ: «Стационарлық емделуге 2375 бала жатқызылды, төсек орны 60 пайызға жетті. Резервте 1093 орын бар. 30 бала реанимация бөлімінде жатыр. Олардың жағдайы ауыр. Оның ішінде 1 жасқа дейінгі – 15 бала бар. Өлім-жітім жоқ. Жағдайы ауыр балалардың бәрі министрліктің бақылауында».

Қызылшаның ең жоғарғы деңгейі: Шымкент, Алматы қалалары мен Жамбыл облысында тіркелді. Одан өзге де барлық өңірлерде ауру асқынып тұр. Вирусты жұқтырғандардың басым көпшілігі екпе алмағандар. 

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Қызылша асқынып кетсе, балалардың денсаулықтарына аса қауіп төндіреді. Сондықтан, онымен тек денсаулық сақтау жүйесі ғана емес, бүкіл қоғам болып, күресуіміз қажет. Бала денсаулығы басты назарда болуға тиіс. Вакцина алудан басқа, мұндай қауіпті вируспен басқаша күресу мүмкін емес. Сондықтан, екпе алуды күшейту қажет».

Сондай-ақ бүгін Үкіметте жолға қатысты мәселе қаралды. Бұдан былай сапаны бақылау орталығы тек республикалық маңызы бар жолдарды ғана емес, ауыл ішіндегі жолды да тексеретін болады. Айтпақшы, елімізде 2029 жылға қарай 11 мың шақырым ақылы жол салынады. Тариф те қымбаттауы мүмкін.

МАРАТ ҚАРАБАЕВ ҚР КӨЛІК МИНИСТРІ:«Қазақстандағы ақылы жолдар тарифтері, жақын және алыс шет елдермен салыстырғанда ең төмен екенін айта кеткен жөн. Соңғы уақытта, транзиттік ағынның өсуіне байланысты, жөнделген жолдарды нормативтік жағдайда сақтау үшін, жол ақысын қайта қарау бойынша жоспарлы жұмыстар жүргізілуде. Ақылы жүйе, бірінші кезекте транзиттік көлік құралдарынан қаражат жинауға бағытталғанын ескере отырып, отандық тасымалдаушылар үшін ай сайынғы және жылдық абоненттік төлем көзделген».

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Жол сапасының нашарлығы тұрғындардың наразылығына себепші болып отыр. Әсіресе, сапасыз жөндеу жұмыстарына қатысты айтылып жатқан сын көп. Тек биылғы жылдың өзінде мемлекеттік органдарға автомобиль жолдарына қатысты 19 мыңнан астам арыз-шағым келіп түсті».

Министрлік те халықтың шағымынан хабардар. Олар сынның басым бөлігі жергілікті желіге қатысты деп отыр. Олқылықтың орыны тек 2030 жылға қарай толады. Ал, биыл 4 мың 200 шақырым жергілікті жолдар жөнделеді. Осылайша жыл сайын кезең-кезеңмен жол салына береді.  

https://www.youtube.com/embed/dz_EiD-ujzE?si=RBiiGSaUYpZG3WmN" 

Сомалидегі жауын-шашын жүзге жуық адамның өмірін қиды. Табиғи апаттарға қарсы күрес агенттігінің басшысы 96 адам қаза тапқанын болғанын растады.

ХАВА ӘЛИ АМАДИН - СОМАЛИ ТҰРҒЫНЫ: "Бұл су тасқыны алдыңғысына қарағанда екі есе ауқымды. Біз тәуекелге барғымыз келмейді. Жаңбыр жауған кезде, көшеде жауын тынышталғанша шатырдың астында отырамыз. Біз балаларға тамақ дайындау үшін жаңбыр аяқталған кезде ғана үйге келеміз ".

Сомалиде және шығыс Африка мүйізінің қалған бөлігінде қазан айынан бастап жауын-шашын тоқтамайды. Оларды ауа райы феномені Эль-Ниньо және Үнді мұхитының диполі деп аталатын құбылыс тудырды. Екі климаттық құбылыс мұхит бетінің температурасына әсер етеді және жауын-шашынды көбірек тудырады.
БҰҰ бұл су тасқыны соңғы онжылдықтардағы ең жойқын  су тасқыны деп атады, себебі ол 700 мың адамның қоныс ауыстыруына себеп болды. Қатты жаңбыр қазіргі гуманитарлық дағдарысты ушықтырып отыр. Сомали Қызыл крест басшысы ең қиын уақыт әлі алда болуы мүмкін дейді.

ПАСКАЛЬ КАТТАТ - СОМАЛИДЕГІ ҚЫЗЫЛ КРЕСТ БАСШЫСЫ: "Үнді мұхитында циклон қалыптасады, Эфиопияның биік тауларында жаңбыр жауады. Мұның бәрі әлі аяқталмады дегенді білдіреді, әзірге шыңға жетпейді. Жағдай нашарлап, бұл адамдар бұдан да көп зардап шегуі мүмкін".

Көршілес Кенияда су тасқынынан 76 адам қаза тапты. Онда апат жолдар мен көпірлерді  бұзған. Көп адамдар шатырсыз, су мен тамақсыз қалды.

https://www.youtube.com/embed/iIVabcgKIU8?si=_Fq6XEwIhrEideHj" 

Мемлекет басшысы Қасым-Жомарт Тоқаев Ақордада Қазақстанға ресми сапармен келген Того Республикасының Президенті Фор Эссозимна Гнассингбемен келіссөз жүргізді. Қасым-Жомарт Тоқаев Фор Гнассингбеге ілтипат білдіріп, оның Қазақстанға тарихи сапары екіжақты қарым-қатынастың жаңа кезеңіне жол ашатынын атап өтті.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Қазақстан сіздің еліңізбен жан-жақты ынтымақтастықты ілгерілетуге мүдделі. Бұған дейінгі бейресми әңгімелесу барысында біз Қазақстан мен Того арасында ықпалдастық орнату үшін өзара мүддені көздейтін қолда бар мүмкіндіктерді талқыладық. Әрине, елдеріміз әртүрлі құрлықта, әртүрлі аймақта орналасқан. Бірақ бізге қазіргідей халықаралық күрделі жағдайда күш біріктіру керек. Осы орайда Қазақстан мен Того, сондай-ақ басқа да мемлекеттер халықаралық қатынастарды қалыпқа келтіру үшін бір болуы қажет».

Кездесу барысында Мемлекет басшысы Қазақстан мен Того күш жұмылдыра отырып, алдағы уақытта атқара алатын негізгі салаларды айқындады. Қасым-Жомарт Тоқаевтың пікірінше, екіжақты және халықаралық күн тәртібін ілгерілету үшін тұрақты диалог орнату қажет. Өз кезегінде Президент Фор Гнассингбе жылы шырай танытқаны үшін Қасым-Жомарт Тоқаев пен Қазақстан халқына алғыс айтты.

ФОР ГНАССИНГБЕ ТОГО РЕСПУБЛИКАСЫНЫҢ ПРЕЗИДЕНТІ: «Мен Сізге және барша Қазақстан жұртшылығына Того халқының ыстық ықыласын жеткізгім келеді. Екі елдің игілігі жолындағы ынтымақтастыққа тың серпін беру үшін зор мүмкіндік бар».

https://www.youtube.com/embed/ICh7qNz2eQQ?si=QYJMflVFrMV9FuAl" 

Оралда көше бойлап өтіп бара жатқан әйелдің басына тас түсіп, мерт болды. Қазір аяқ асты болған адам өліміне қатысты тергеу ісі басталды. Айта кетейік, бұл облыс орталығында тіркелген осындай алғашқы жағдай емес. Марқұм Жаһанша Досмұхамедов атындағы жоғары педагогикалық колледжінің мұғалімі болған.

«Енді тұрғын үйлер жанындағы жаяу жүргінші жолымен өтуге қорқып қалдық»,-дейді тұрғындар. Абай полиция бөлімі бастығының міндетін атқарушы Аслан Айтмұхановтың айтуынша, осы оқиғадан соң ПИК төрағасымен бірге үйдің шатыры тексерілген. Қайғылы оқиға қайталанбас үшін ондағы бос жатқан кірпіштер жиналған. Н.Назарбаев даңғылы, 236 мекенжайындағы үйге қызмет көрсететін пәтер иелері кооперативінің төрағасы көпқабатты үй қабырғасы мен шатырының тозығы жетіп, күрделі жөндеуді қажет ететінін айтып ақталған. Полиция қызметкерлері жауапты ПИК-не қандай шара қолданылатыны тергеу ісі барысында анықталады деп хабарлады. Жалпы бұл аумақта төбеден тастың құлау фактісі бұрын да бірнеше рет тіркелген.

АСЛАН АЙТМҰХАНОВ БҚО АБАЙ ПОЛИЦИЯ БӨЛІМІ БАСТЫҒЫНЫҢ МІНДЕТІН АТҚАРУШЫ: «Қылмыстық іс қозғалды. Адам өлу фактісі бойынша. Бұл жерде сұрастыру барысында сол жерде орналасқан дүкендер және де ломбард бар екен. Сұрастыру барысында сатушылар айтады: «иә, бұл бірінші рет емес, бұрындары да жоғарыдан тас құлап жүрді» дейді. Біз ешқандай шара қолданған жоқпыз. Тас түсті деп айтып жүрді, бірақ, адамға емес, жерге құлап жүрген оқиғалар болды деп бізге түсініктемелерін берді».