https://www.youtube.com/embed/VQGHcQSOeGY?si=LCok74Wr7y-XUlMW" 

21 миллиондық мегаполис су дағдарысына тап болды. Соның салдарынан, Мехико қаласының шет жағында тұратын тұрғындар су таситын көлікті күтіп, орталыққа шелектерімен жиналуға мәжбүр.

Шенеуніктер мұның себебін жауын-шашынның азаюы мен құрғақ маусымның ұзаруы деп отыр. Сондай-ақ миллиондаған адамдар тәуелді болатын негізгі сумен жабдықтауда бұрын-соңды болмаған төмен су деңгейі бар деген болжамдар да шығуда. Қазірдің өзінде адамдар суға таласуда.Соның бірі -  жергілікті тұрғын Марибель. Ол бір айдан астам уақыт сусыз отырғанын айтады.

МАРИБЕЛЬ ГУТЬЕРРЕС ЖЕРГІЛІКТІ ТҰРҒЫН:«Біз Мехиконың су мәселесінің күрделі екенін түсінеміз. Бірақ билік бізді де түсініп, түсіністікпен қарауы керек».

Шенеуніктер суды барынша үнемдеу үшін адамдардан күнделікті сумен жасалатын жұмыстарын барынша өзгертуді сұрайды.

ХУАН ОРТЕГА ЖЕРГІЛІКТІ ТҰРҒЫН: «Біз енді "көлік жууға болмайды!" деген ережені енгіздік. Енді, бақшаны, шөпті суармаймыз, тек өсімдіктер өліп қалмас үшін суарып тұрамыз. Сондай-ақ кір жуғыш машиналардағы суды суару үшін қайта пайдалануды қолға алуды жоспарлап отырмыз».

Су тапшылығы Мексиканың көптеген аймақтарында жиі кездеседі. Бірақ шенеуніктер елорданың су жүйесі бұрын-соңды болмаған қысымға ұшырағанын айтады.

РАФАЭЛЬ КАРМОНА МЕХИКО ҚАЛАСЫНЫҢ СУМЕН ЖАБДЫҚТАУ ЖҮЙЕСІНІҢ ДИРЕКТОРЫ: «Соңғы 4-5 жылда жауын-шашын тұрақты түрде азайып келеді. Бұл су қоймаларында судың өте аз жиналуына әкелді. Әзірге бізде 2019 жылы алған судың жартысы ғана бар».

Қаңтар айының соңында жүйе арқылы әдеттегі су көлемінің шамамен 40%-ы өтті. Өткен жылы бұл көрсеткіш 54 пайызды құраған.

https://www.youtube.com/embed/oAA0o6QCbM0?si=YEHybhWPcm-h82KC" 

Көкшетау қалалық прокуратурасы автобус айдауға рұқсат қағазы болмаса да, күнделікті мектеп оқушыларын үй-үйге тасып жүрген автобус жүргізушісін ұстады. Толығырақ алдағы бейне материалда.

Құжатсыз қызмет істеп жүрген жүргізушінің мәселесі дау көтеріп тұр. Заңға қайшы әрекет жасап, жол қозғалыс ережелерінің талаптарына бағынбаған жүргізуші автобус айдамақ түгіл, бала тасуға да құқығы жоқ болып шықты.

ЛУИЗА БАЙЖАНОВА КӨКШЕТАУ ҚАЛАЛЫҚ ПРОКУРАТУРАСЫНЫҢ БӨЛІМ ПРОКУРОРЫ: "Тіркелген факті бойынша жауапты тұлға әкімшілік жауапкершілікке тартылады. Сондай-ақ, мектеп автобусын басқаруға рұқсат берген мектеп директорының орынбасары да заң бойынша жауап береді".

Жалпы, Ақмола облысында 10 мыңнан астам оқушы автобуспен қатынауы тиіс. Оның ішінде 4 мыңнан астам оқушы тұрған жерлерінде білім ордасы болмағандықтан көрші ауылға автобуспен келіп білім алса, 5 мыңнан астамы үй-үйге втобустармен қатынайды. Ал, мектеп жанындағы интернаттағы 200-ге жуық оқушы әр апта соңында үйлеріне автобуспен жеткізіледі.

БАҚЫТЖАН ТҰТҚАБАЕВА АҚМОЛА ОБЛЫСТЫҚ БІЛІМ БАСҚАРМАСЫНЫҢ БАС МАМАНЫ: "Балаларды тасымалдау үшiн қолданылып жүрген заңдарға сәйкес «D» санаты бар жүргізушілерге көлiк құралдарын, автобустарды жүргiзуге рұқсат етіледі. Сондай-ақ,  25 жасқа толған, кемiнде 5 жыл жұмыс өтілі бар жүргізушілер де жұмысқа жіберіледі. Соның ішінде көлік құралын басқарудағы «D 1» кіші санаты бар, кемінде 3 жыл жүргізуші болып еңбек еткен азаматтарда кіреді".

Жаңадан жұмысқа қабылдағанда жұмысшыдан еңбек өтілі сұралады. Істің нәтижесінде заңсыз әрекетке барған жүргізуші жұмыстан босатылды.

https://www.youtube.com/embed/wCILUiT_95c?si=qZmmerVvhYcXJ4Vt" 

Сөгілген қабырғалар, қираған баспалдақ, үңірейген есік-терезе. Бұл Қызылорда қаласындағы  Жеңіс және Амангелді көшелерінің қиылысында орналасқан  қос қабатты үйлердің сыйқы осындай болып тұр. Тозығы жеткен баспана тұрғындарының жанайқайына кезек берсек.

Айтып отырған көшенің  бойында 8 үй орналасқан, 64-ке жуық пәтер бар. Қираған баспалдақтар, есік-терезесі үңірейген адамзатқа жәйлі деп айтуға аузың бармайды. Бұл жерде көп балалы аналар мен зейнеткерлер де тұрады. Әжетхана сыртта, тіпті суды да даладан тасып ішуге мәжбүр.

МАРИЯ ЖАҒЫПАРОВА ТҰРҒЫН: «Осы жеңіс көшесімен амангелді көшесінің бойында 8 көп қабатты үй бар. Менің бұл үйде тұрып жатқаныма көп уақыт болды.Үйлердің барлығы ескі,подвал жоқ. Үйдің фундаменті жоқ.Үйден жағымсыз иіс шығады. Кейде үйдің ішіне тарақандар болады. Олармен арпалысамыз деп шаршап кеттік шыны керек.Мен осыдан үш жыл бұрын үйге ремонт жасаған болатынмын,бірақ ешқандай пайда жоқ екен».

Бұл үйде 24 жылдан бері отбасымен тұратын Маргарита Сваева бөлмелер кейде салқын, жаңбыр жауса шатырдан су ағады, жаман иіс шығып, қанша жөндеу жұмыстарын жасаса да ешқандай оң нәтиже шықпайды деп отыр.

МАРГАРИТА СВАЕВА ТҰРҒЫН: «Менің бұл үйде тұрып жатқаныма 24 жыл уақыт болды. Қазіргі таңда мен, күйеуім,қызым,ұлым төртеуіміз 2 бөлмелі үйде тұрамыз. Тұрғын үйдің ішінде қабырғалары сөгіліп, ашылып тұр. Біз кейде қорқамыз.Әжетханаға бару үшін немесе су әкелу үшін далаға шығамыз. Балалар ойнайтын алаңда жоқ».

Тұрғындардың ендігі үміті қалалық әкімдікте. Үңірейген үйден, жайлы баспанаға көшуді қалайды.Жергілікті биліктің олар айтып отырған мәселеге көңіл бөліп, көмектесулерін күтіп жүр.Ал әкімдіктің алдағы уақыттағы әрекеті қалай болады,оны уақыт көрсетеді.

https://www.youtube.com/embed/dCwAx_Q0Ub0?si=zc_28DjXSocT84YC" 

Ақтау тұрғындары қыстың көзі қырауда жылусыз отыр. Ол аздай пәтер иелері кооперативінің жұмысы да көңіл көншітпейді. Айтуыларынша, қызмет көрсетуші компания өздеріне жүктелген міндеттері тиісінше атқармайды.

Ақпанның ақ түтек бораны мен сақылдаған сары аязында Ақтаудың 27 шағынаудандағы нөмірі 2-ші үйдің  тұрғындары жаурап отыр. Үсіп қаламас үшін электр жылытқышын қосып күн кешуде. Аталған үйде жылу мәселесі осыдан бірнеше жыл бұрын басталған.

АЙСҰЛУ БИСЕНБАЕВА ТҰРҒЫН: «Енді осы соңғы бір жылдары ешқандай жылу жоқ үйде. Үйдегі батареяларды ұстап қараса тек қана жылы. Енді осы биыл тіпті сөндіріп тастайтын болып тұр. Сөндіріп тастайды, бір жақтарда порыв болып жатыр дейді. ЖЭК-ке хабарлассақ МАЭК-ке айтыңдар, ТВС-ке айтыңдар дейді. Лабиринт сияқты. Біріне-бірі сілтейді. Мен ЖЭК-ке айына 4 мың ақша төлеймін. Сонда мен не үшін төлеп отырмын?»

Кооператив басшысылығы жылудың жоқтығын құбыр желісінің тозғанымен байланыстырады. Ал, жауаптылар  мәселенің жақында реттелетінің жеткізді.

ЖАЙЛЫБАЙ МАТАЕВ  ПӘТЕР ИЕЛЕРІ КООПЕРАТИВІНІҢ БАСШЫСЫ: «6 домның артында бірнеше рет порыв болды. Қазір 2 задвижка қойылды. Ол осы үйдің проблемасын шешу үшін. Қазір КЖСА переключение жасаймыз дейді. 2 күн уақыт беруін сұрады. Себебі, 13 шағын ауданда кейбір үйлер жылусыз қалып, орталық жүйеге қосылған. Қазір жағдай тұрақты. Енді 27/2 жағдайы жақсаруы керек».

Бұл қондырғыны толық іске қосу үшін уақыт керек. Себебі, құрылғы орталық жүйе арқылы тексеруден өтуі қажет дейді жауаптылар.

https://www.youtube.com/embed/y2ryDpwiUUY?si=3o7Opg7My10VTgjZ" 

https://www.youtube.com/embed/1sZ3lGrHj2A?si=Oz29h7Lk4gJUsC74" 

Көмір адамзат үшін маңызды энергетикалық ресурс. Жаһандық энергияға сұраныстың жоғары болуына байланысты ол энергетикалық шикізат ретінде кеңінен қолданылуда.Осыған орай, Әл-Фараби атындағы КазҰУ жас ғалымдары көмірдің  улы газын азайтып, қызуын арттыратын әрі тыңайтқышқа да пайдалануға болатын әдісін ойлап тапты.Толығырақ келесі материалға назар аударсақ.

Жас ғалымдардың зертханасында жеті жоба әзірленуде. Солардың бірі – Қазақстанның төмен сұрыпты көмірінен биогенді метанның түзілуін модельдеу. Олардың сөзінше, бұл таза экологиялық әдіс. Көмір жағу кезінде атмосфераға әсер ететін газдар пайда болса, бұл арқылы оған еш зиян келмейді екен.

МАРЖАН ҚОЖАХМЕТОВА ҚОЛДАНБАЛЫ МИКРОБИОЛОГИЯЛЫҚ ЗЕРТХАНАНЫҢ ҒЫЛЫМИ ҚЫЗМЕТКЕРІ: «Көмір ең көп қолданылатын энергия көзі. Қазір оның көлемі азайып барады, сондықтан біз энергия өндірудің басқа балама әдістерін іздеудеміз. Ол биохимиялық процестер арқылы алынады. Яғни, көмірді әртүрлі қосылыстарға айналдыру арқылы көмірге микроағзаларды қосамыз. Қазіргі уақытта бұл жоба толығымен зерттеліп, негізгі жұмыстары аяқталды. Енді Қытай университетінің өкілдерімен сөйлесіп жатырмыз. Яғни, ендігі уақытта зертханада жасағанымызды енді көмір туған жерлерде қолданатын боламыз».

Қазіргі таңда бұл жобаға ғылыми қызметкерлер, магистранттар мен докторлардан жиналған 15-ке жуық адам жұмыс жасауда. Көмір қабатының метаны қазірдің өзінде штаттарда, Қытай мен Үндістанда қолданылуда. Сонымен қатар, бұл тұрмыстық жағдайда да өте пайдалы болмақ. Мысалы, газ пайдаланатын автокөліктерге де орнатуға болады. Бұл қауіпсіз әрі қоршаған ортаға зиянын тигізбейтін жоба болмақ.

https://www.youtube.com/embed/Xt5kc0ikcVg?si=9Zmfd5Jcfe5GDWsB" 

Көлік министрлігінің Автомобиль көлігі және көліктік бақылау комитетік жүктерді халықаралық автомобильмен тасымалдау мәселелері бойынша отандық көлік-логистикалық бизнес өкілдерімен екінші рет кездесу ұйымдастырды. Шараның басты мақсаты - отандық тасымалдаушылардың   қордаланған  мәселелерін талқылау.

Күнтізбелік жылдың басында ұйымдастырылған кездесу барысында ҚР Көлік министрлігі Автомобиль көлігі және көліктік бақылау комитеті қазақстандық көлік-логистикалық компаниялардың өкілдерімен ашық кеңесте талқылау үшін халықаралық автомобиль жүк тасымалдарын жүзеге асыру кезінде тасымалдаушыларға шет мемлекеттерге кіруге мүмкіндік беретін рұқсат бланкілерін бөлу жүйесін реформалау жобасын ұсынған болатын. Бүгін осы мәселенің төңірегінде жауапты мамандарға  сауалдарын жолдап, басты мәселелерін айтты.

ШАХРИЗАДА САРЖАНОВА ЖҮК КӨЛІК АССОЦИАЦИЯСЫНЫҢ ӨКІЛІ:  «Просто біздің талабымыз таразы дұрыс жұмыс жасаса. Гос проверкадан өткеннен кейін ол таразы дұрыс жұмыс жасауы керек. Ал, егер дұрыс жасамаса оны өзгерту керек, өзгерту керек, бірдеме жасау керек қой оны. Күніне 400-500 машина өткен кезде ол жерде 3-4 күндеп машиналарымыз тұрып қалады. Бізде енді көп мәселе осы уақытқа дейін шешілді. 2022020213 жылдары біраз мәселе шешілді. Қалғанының барлығы нормаға келді. Енді сол таразыны реттеп берсе. Сосын, әр жүргізушінің қолына АКТ берсе. Баратын жеріне барғанша, соны көрсетіп еш проблемасыз өтіп кете берсе».

Автомобиль көлігі және көліктік бақылау комитеті автокөлік құралдарының тасымалдау тарихы мен белсенділігі бойынша шектеулерді алып тастауға, нақты тапсырыс болған жағдайда кез келген отандық тасымалдаушыға бланкілерді беруге, және шешімдер қабылдау процестеріне бастамашылық жасады.

АЛТАЙ ӘЛИ ҚР КӨЛІК МИНИСТРЛІГІНІҢ АВТОМОБИЛЬ КӨЛІГІ ЖӘНЕ КӨЛІКТІК БАҚЫЛАУ КОМИТЕТІНІҢ ТӨРАҒАСЫ: «Жыл бойына біздің жүйемізде дифицит болады. Нақты жүк тасымалдауға дайын адамға біз бланканы бере алмай отырмыз. Өйткені, бұл жүйенің қисықтығы белгілі бір адамдарға беріп қойып, олардан кейін кері ала алмаймыз, не олар өзгеге бермейді. Соның нәтижесінде қайта сату мәселелері туындап жатыр. Яғни, бұл карупциялық мәселелерді де туғызып жатыр. Қазіргі біздің ұсынып отқан жаңа жүйеміз, нақты кімде тауар бар, сол адамға біз шетелдік бланканы беріп, одан кейін ол азаматқа отыз күннің ішінде мемлекеттен шығып кету бойынша талап қойып отырмыз. Бұны біз «Беркут» ұлттық комитетімен жұмыс жасап жатырмыз. Интерграция бойынша ол азаматтың шыққан, шықпағанын қарап отырамыз».

Осы жүйенің нәтижесінде бүкіл бланкілердің барлық статистикасын қарап отыру мүмкін болмақ.  Бұл мемлекет аралық келісімшартпен жүзеге асатын бланк. Оны осы жылдың ортасына қарай іске қосу  жоспарланып жатыр. Келешекте әрбір азамат тауары шыққан жағдайда жүйеден бланканы алып, өзінің қалаған жағына бара алатындай жағдай жасауымыз керек дейді спикерлер. 

https://www.youtube.com/embed/mAus70Er-EA?si=xVcnYpk5Y8kjYBNJ" 

Оралда жеке балабақшалардың бірінде шкаф құлап, 5 адам жарақат алды. Оның - төртеуі бүлдіршін. Зардап шеккендер бірден ауруханаға жеткізілген. Ақ халаттылардың  айтуынша, науқастар медициналық тексерістен кейін амбулаториялық ем алу үшін үйлеріне жіберілген. Әлеуметтік желіде тараған ақпаратқа сүйенсек, мектепке дейінгі білім беру ұйымы комиссия алдындағы дайындық шарасын жүргізіп жатқан. Болған жағдайға байланысты анықтау шаралары жүргізілген. Топ тәрбиешісіне қызметтік міндетін тиісті деңгейде атқармай, балалардың өмірі мен денсаулығына зақым келуіне жол бергені үшін қатаң сөгіс түріндегі тәртіптік жаза берілді дейді сала мамандары.

ДАНИЯР ИСКАЛИЕВ БҚО КӨПБЕЙІНДІ БАЛАЛАР АУРУХАНАСЫНЫҢ ТРАВМАТОЛОГ- ДӘРІГЕРІ: «Облыстық көпбейінді балалар ауруханасына жедел жәрдем көліктерімен 4 бүлдіршін жеткізілді. Оларды кезекші травматолог, нейрохирург мамандар қарап шықты. Кеуденің, иық тұсының ауырсыну белгілері болды. Рентген қорытындысына сүйеніп, денсаулық жағдайы тұрақты болуына байланысты балалар үйлеріне жіберілді».

https://www.youtube.com/embed/Whji3xEEzm4?si=5VEi881w_pmaloUC" 

Маңғыстау облысындағы Мұнайлы ауданына қарасты Арай тұрғын үй массивіндегі жолдың жыры әлі күнге дейін жалғасып келеді. Жауапкершілікті мойнына алған мердігер мекеме жұмысын желтоқсан айында аяқтауға тиіс болған. Ауа-райының қолайсыздығы себепті жұмыстар уақытша тоқтап тұр,-дейді жауаптылар.

Арай тұрғын үй массивіндегі көшеге асфальт төсеу жұмыстары өткен жылдың қыркүйек айында басталыпты. Мердігер мекеме тек жерді тегістеп, құм төсеумен тоқтаған.  Жауған қар еріп жол балшыққа айналған. Тұрғындар болса құр уәдеден шаршаған.

ҚАСЫМ ІГДІРБАЕВ  ТҰРҒЫН: «Трактормен сүреді де қояды. Астфальт төсейміз деп жылда айтып келеді. Асфальт та жоқ, ештеңе де жоқ. Акимат келеді, жасаймыз дейді, кетеді. Құр сөздері қала береді. Жаңбыр жауса, машина жүре алмай қалады адам түгіл».

ТӘТТІГҮЛ БАСПАҚОВА  ТҰРҒЫН: «Өте баяу жасады. Күннің жылысында, құрғақта жасап тастайтын затты жыбырлап жүрді неше ай бойы. Одан кейін бір келіп, шебін төседі. Енді жаңбыр жауып бастағанда шебінді 2-3 күөшеге төседі де, ары қарай қалды. Қазды, құм төседі, төсеген құмы балшқыпен иленіп, болото болып жатыр қазір. Негізі бітетін срогы декабрь деп айтты бастаған кезде. Әкімнің өзі де айтты. 23 жыл күттік қой біз. Үндемей отырдық. Енді ақша бөлінсе неге жасамайды, мен соны түсінбеймін»?!      

Аудандық әкімдіктегілер тиісті жұмыстардың созылып кетуіне ауа райының күрт өзгеруімен байланыстырды.  

БОЛАТ БАЙБОЗОВ МҰНАЙЛЫ АУДАНДЫҚ ӘКІМДІГІ ТҮКШ БӨЛІМІНІҢ БАСШЫСЫ:  «Біздер жоспарлағанбыз егер күн жылы болса, асфальт төсеп тастаймыз деп. Аудан әкімі өз есебінде айтқан, тұрғындар біледі. Бірақ енді ауа-райы бұзылып, қар жауып, жер ылғалданып кетуіне байланысты, талапқа сәйкес болмауына байланысты тоқтатып тастады. Бірақ мында ПГС заттары, қалған материалдарын төгіп, дайындап қойып отыр мердігер мекеме. Мамыр айының соңына жоспарлап отырмыз толық аяқтауды».         

Осылай деп жауап қатты атқамінерлер. Ал, тұрғындар үшін сол таңды армандай тұрудан басқа ләж жоқ әзірше.

https://www.youtube.com/embed/bs6LZpQSTJU?si=OzzBvtDwEsoQJ3SN" 

Үш күнге жоспарланған "Digital Almaty-2024" алаңы бүгін Еуразиялық экономикалық одаққа мүше елдердің үкімет басшыларының қатысуымен өткен халықаралық форумның пленарлық сессиясымен жалғасты. Үкіметаралық кеңеске  Армения Республикасының Премьер-министрі Никол Пашинян, Беларусь Республикасының Премьер-министрі Роман Головченко, Қазақстан Республикасының Премьер-министрі Әлихан Смайылов, Ресей Федерациясы Үкіметінің төрағасы Михаил Мишустин, Өзбекстанның үкімет басшысы Абдулла Арипов және Еуразиялық экономикалық комиссия алқасының төрағасы Бақытжан Сағынтаев қатысты.

Пленарлық отырысқа дейін Беларусь, Қазақстан, Ресей және Өзбекстанның үкімет басшылары  халықаралық форумның 300-ден астам отандық және халықаралық компанияның, цифрландыру бойынша жетекші халықаралық сарапшылардың цифрлық жобалары ұсынылған көрмесімен танысты.Digital Almaty форумында үздік қазақстандық IT-компаниялар мен стартаптар өз жобаларын таныстырды. Алақан тамырларының суреті бойынша бірегей сәйкестендіру технологиясы бар биометрия жүйесі, өндірістік деректерді растау жөніндегі ЖИ платформасы, жабдықты пайдалану мен оның беріктігін басқару жүйесі, өнеркәсіп кәсіпорындарында цифрландыруды енгізу жөніндегі ақылды бейнебақылау платформасы сынды  отандық жетістіктер көрсетілді.

Алматыда өтіп жатқан “Digital Almaty-2024” форумында сөз алған Үкімет басшысы Әлихан Смайылов ЕАЭО елдеріндегі ІТ-нарықтардың дамуына мультипликативті әсер беру үшін сенімді серіктестік алаңы қажет екенін айтты.

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Қазақстанда мемлекеттік басқару цифрлық трансформациялау жолымен жүріп жатыр. Бүгінде біз FinTech және GovTech сияқты салаларда әлемдік жетекші жобаларды жүзеге асырып жатырмыз. Біздің еліміз цифрлық шешімдердің күнделікті өмірге енуінің жоғары деңгейіне қол жеткізді. Бұл мемлекеттің ашықтығы мен бизнес технологиясының арқасында мүмкін болды. Цифрландыру – елдің барлық азаматтары үшін тең мүмкіндіктер мен әділеттілікті қамтамасыз етудің маңызды құрамдас бөлігі»

https://www.youtube.com/embed/RJRvzmdooCI?si=6aFjb3EEjkAj_l6X" 

Алматыда түнімен таңға дейін 10 сантиметрге жуық қар жауды. Қалың түскен ақ ұлпа,көлік қозғалысын қиындатты. Салдарынан сағаттап көлік тығыны орын алды. Қалада  көшелер мен жаяу жүргіншілер жолын, тротуарларды жинауға мамандандырылған  452 дана техника, 1200-ге жуық адам жұмылдырылды. Жолға көктайғаққа қарсы реагенттер себіліп, аялдама, қоғамдық пайдалану орындары мен аула аумақтары қардан тазартылды.

ДУЛАТ ӘШКЕНОВ АЛМАТЫ ҚАЛАСЫНЫҢ КОММУНАЛДЫҚ ИНФРАҚҰРЫЛЫМДЫ ДАМЫТУ БАСҚАРМАСЫ БАСШЫСЫНЫҢ ОРЫНБАСАРЫ

«Қазгидромет» ел аумағында 2 ақпанда болатын қауіпті метеорологиялық құбылыстарға болжам жасады.Синоптиктердің дерегінше, Қазақстан аумағының басым бөлігінде атмосфералық фронттардың өтуімен ауа райының тұрақсыз сипаты сақталады. Мамандардың айтуынша оңтүстік, оңтүстік-шығыс, оңтүстік батыста жаңбыр мен қар түрінде жауын-шашын түседі. Оңтүстіктің, оңтүстік-шығыстың таулы аймақтарында күшейе түспек.Еліміз бойынша тұман, боранмен бірге желдің жылдамдығы артып, оңтүстік, оңтүстік батыста көктайғақ болмақ.

https://www.youtube.com/embed/OKiVq1DPfDw?si=cltftjRYeOuB4uNk" 

Ақмола облыстық балалар ауруханасында екі күнде 3 бала көз жұмды. Олардың екеуі 2022 жылы туылған сәбилер, туа бітті кемістіктері болған.

Көз жұмған ұл бала Степногорск қаласының тұрғыны. Туа бітті кемістігі болғандықтан  ата-анасы бас тартқан болып шықты. Кардиолог, невролог дәрігерлердің есебінде тұрған. Өткен жылы 6 рет ауруханаға түсіп, үш рет жансақтау бөлімінде жатқан. Аурухана директорының айтуынша, мұндай диагноздары бар балалардың ғұмыры тым қысқа болады. Оған дайын болған ата-аналардың аурухана қызметкерлеріне еш шағымы болмапты. Балаларының денесін ешқандай талап арызсыз алып кеткен. Ал, үшінші бала Солтүстік Қазақстан облысы Тайынша ауданының 10 жасар тұрғыны. Ата-анасы ұлдарын сүндеттемек болып, 28-ші қаңтар Көкшетауға алып келген. Ақ халаттылардың айтуынша ота сәтті өтіп, бала үйіне жіберілген. Бірақ, араға бірнеше күн салып балаларын ауруханаға қайта алып келген. Өкінішке орай, оның өмірін сақтап қалу мүмкін болмапты.

МҰХТАР ДОСХОЖИН, АҚМОЛА ОБЛЫСТЫҚ БАЛАЛАР АУРУХАНАСЫНЫҢ ДИРЕКТОРЫ: «Ата-аналары баланы 17-00 де өздері алып келді. Бірден хирургия бөліміне апардық. Жағдайын дәрігерлер аса ауыр деп бағалап, қажетті шаралардың барлығын жасады. Бірақ, өкінішке қарай 18-20-да бала көз жұмды. 40 минут бойы жасалған реанимация ешқандай нәтиже бермеді».

Алдын ала диагноз анафилактикалық шок немесе өкпе артериясының бітелуі. Оқиға орын алғаннан кейін дәрігерлер құқық қорғаушыларды шақырып, сот-медициналық сараптамаға жіберген. Әзірге, нақты салдары анықталған жоқ.