https://www.youtube.com/embed/LN22N3ayHvc?si=RbCi9BfDmKgSOe7g" 

2024 жылдың 1 қаңтарынан бастап шағын жол-көлік оқиғалары кезінде жүргізушілер сақтандыру жағдайын полиция мен соттың қатысуынсыз жеңілдетілген тәртіппен рәсімдей алады. Ол үшін мемлекет «Европротокол» арнайы мобильді қосымшасын әзірледі.

Бұл қосымшаның көмегімен ата-аналар ЖКО фактісін дербес тіркей алады және сақтандыру компанияларына материалдық залалды өтеуге өтінім бере алады.«Еурохаттама» бойынша ЖКО ресімдеу үшін бірнеше шарттар бар. Шарттардың кем дегенде біреуі болмаса немесе жүргізушілер оқиғаның мән-жайы туралы келісе алмаса, олар полиция қызметкерлерін шақыруға және белгіленген тәртіппен ЖКО ресімдеуге міндетті.

АЯН БАҚЫТОВ АЛМАТЫ ҚАЛАСЫ ПОЛИЦИЯ ДЕПАРТАМЕНТІ ЖЕРГІЛІКТІ ПОЛИЦИЯ ҚЫЗМЕТІ БАСҚАРМАСЫНЫҢ АҒА ИНСПЕКТОРЫ ПОЛИЦИЯ КАПИТАНЫ: «Жүргізушілерге кішігірім ЖКО ресімдеу үшін кептелісте полицияны күтудің қажеті жоқ, тиісінше жолдардағы кептеліс жағдайлары азаяды. Жеңілдетілген тәртіппен ресімделген ЖКО бойынша жүргізушілер әкімшілік жауапкершілікке тартылмайды. Әкімшілік және сот рәсімдерін болдырмау есебінен сақтандыру төлемдерінің мерзімі қысқарады. Егер бұрын хаттама жасалған сәттен бастап сақтандыру төлемдерін алғанға дейін 30-дан 90 күнге дейін уақыт өтсе, қазір сақтандыру төлемін алуға шамамен бес күн ғана уақыт кетеді».

Айта кетейік, Алматыда 2024 жылдың басынан бастап «Еурохаттама» бойынша ресімделген 23 ЖКО фактісі анықталғанын нақтылады. Жаңашылдық жолдардағы кептелістер санын азайтуға мүмкіндік бермек. Сондықтан, жол ережелерін сақтап, жазатайым оқиғалардан аулақ болуға тырысыңыздар деп кеңес берді спикер.

https://www.youtube.com/embed/0slOAdK-lj8?si=7xM3bv99ulo8Oxhr" 

Samsung «Денсаулық үйі» - Америкалық зейнеткерлер қауымдастығымен ынтымақтастықтың нәтижесі. Мұнда қауіпсіздік тұтқалары бар ақылды кереует, сондай-ақ денсаулық көрсеткіштерін бақылауға арналған дөңестен қорғау функциясы және биометриялық датчиктер сияқты жасырын технологиялар бар. Сонымен қатар, жүрек соғуының жиілігін және қанның оттегімен қанығуын өлшейтін унитаз бар. Ал, бірнеше құрылғыға, соның ішінде таразыға біріктірілген жасанды интеллект дене тепе-теңдігін талдайды және жаттығумен қашан айналысу керектігін түсінуге көмектеседі.

ДЖО ЭНН ДЖЕНКИНС – АМЕРИКА ЗЕЙНЕТКЕРЛЕР ҚАУЫМДАСТЫҒЫНЫҢ ДИРЕКТОРЫ: "Бұл кәдімгі таразыға ұқсайды, ол алдағы 12 айда айтарлықтай құлдырау қаупі бар жоқтығын болжай алады. Қарт  адамдар үшін құлау - ең қорқынышты нәрсенің бірі екенін білеміз".

Бұл құрылғы жеке көмекші, ол дәрі-дәрмектерді қашан қабылдау керектігін еске салады. Селфи жасауды ұнатасыз ба? Бұл гаджет сізге әлеуметтік желілерге арналған әдемі суреттен  әлдеқайда көп бере алады. Anura-ның  сиқырлы айнасы пайдаланушының жүзін бейнеге түсіреді. Гаджет қан ағынының құрылымын көру және адамның денсаулық жағдайын бағалау үшін шағылыстыратын жарықты пайдаланады. Ол дәріханаларға, ауруханаларға, клиникаларға және фитнес-орталықтарға арналған.

ЛИНДСИ БРЕННАН – NURALOGIX ӨКІЛІ: "Бұл үстел үстіндегі ақылды айна. Біз өмірлік маңызды функциялар мен денсаулық көрсеткіштерін шығарып, терінің астындағы қан ағынының сипатын талдау үшін  30 секундтық селфи-бейне түсіреміз".

Құрылғы қан қысымын, тамыр соғу және тыныс алу жиілігін, бет терісінің жасын және ақыл-ой күйзелісін өлшейді. Жасанды интеллект мүмкіндіктерінің арқасында ол пайдаланушыларға диабет, жүрек ұстамалары және инсульт сияқты белгілі бір аурулардың пайда болу қаупі туралы хабарлай алады. Бұл кішкентай құрылғы - денсаулықты бақылаудың тағы бір әдісі. BeamO денсаулықтың негізгі көрсеткіштерін тез және қарапайым өлшейтін датчиктермен жабдықталған. Саусақтарды шағын жастықшаларға қойып, пайдаланушы жүрек соғуының жиілігін тексере алады.
 
ЛИВИЯ РОБИК - Withings BeamO өкілі: "Ол жүрек патологиясы сияқты мерезді аритмия белгілерін анықтай алады.  Электродта сондай-ақ қандағы оттегінің деңгейін өлшейтін және өкпеңіздің қанға оттегіні қаншалықты тиімді жеткізетінін анықтайтын пульсоксиметр бар ".

Ал бұл сақина фитнес-трекер қызметін атқарады. Ол Evie деп аталады және тек әйелдерге ғана арналған. Пайдаланушылар киілетін құрылғылар үшін барлық үйреншікті деректерді бақылай алады, мысалы, жұмсалған калориялар, жүрек соғуының жиілігі, ұйқы және етеккір циклдары. Сонымен қатар, Evie осы ақпаратты біріктіру үшін жасанды интеллектті пайдаланады, содан кейін заңдылықтарды анықтайды және пайдаланушыға өзін қалай жақсы сезінетінін хабарлайды. Жыл сайынғы CES көрмесі тұтынушылық электроника саласындағы әлемдегі ең ірі оқиға болып саналады.

https://www.youtube.com/embed/M0Ws6rMKzQw?si=h2bUJtrZPl4r-d03"

https://www.youtube.com/embed/qkvSRNrajxk?si=5dt0dVes7vgYcn0-" 

Сәрсенбіде БҰҰ Қауіпсіздік Кеңесі Йемендік хуситтерден Қызыл теңіздегі кемелерге шабуыл жасауды дереу тоқтатуды талап етті. Сондай-ақ ол Galaxy Leader жүк кемесін де босатуға шақырылған резолюцияны қабылдады. Жук кемесі Жапония туымен жүргенімен, ол Израильдік бизнесменмен байланысты екен. Кеме былтырғы қарашадан бастап тұтқында. Бортта 25 адамнан тұратын экипаж болды. Резолюция үшін БҰҰ Қауіпсіздік Кеңесінің 11 мүшесі дауыстарын берді. Ал вето құқығы бар Ресей мен Қытай дауыс беруден бас тартты. Қарсы бірде-бір дауыс болған жоқ.

ЛИНДА ТОМАС ГРИНФИЛД АҚШ-ТЫҢ БҰҰ-ДАҒЫ ЕЛШІСІ : «Қызыл теңіздегі кеме қатынасы құқықтары мен бостандықтарына қауіп.Бұл жаһандық жауапты қажет ететін сынақ».

БҰҰ Қауіпсіздік Кеңесі резолюцияны қабылдау арқылы Қызыл теңіздегі және басқа аудандардағы коммерциялық кемелерді Хуситтердің шабуылынан қорғайтын АҚШ басқаратын жедел топқа қолдау білдірді. Шабуылдар теңіз саудасын бұзып, кейбір жүк тасымалдау компанияларын Қызыл теңізді айналып өту үшін ұзағырақ маршруттарды таңдауға мәжбүр етті. Бұл энергия мен азық-түлік бағасының өсуіне әкелуі мүмкін. Хусит өкілі БҰҰ резолюциясын "саяси ойын" деп атады және АҚШ халықаралық құқықты бұзды деп мәлімдеді. Хуситтер-азаматтық соғыс кезінде Йеменнің көп бөлігін басып алған Иранмен байланысты содырлар. Олар ХАМАС исламистеріне қолдау көрсету үшін Израильмен байланысты немесе Израиль порттарына бет алған кемелерге шабуыл жасауға уәде берді. Газадағы әскери операция аяқталғанға дейін мұны жалғастырамыз дейді. Айтуынша, шабуылға ұшыраған көптеген кемелердің Израильге ешқандай қатысы жоқ.

https://www.youtube.com/embed/kG9UeDSRCNU?si=BqVHJyWbVng8S56G" 

Угандадағы жасыл төбелердің баурайында ондаған босқындар жас қарағайларды отырғызды. Олар мұны алты жылдан астам уақыт бойы істеп келеді. Мұнда Исингиро округінде накивале босқындарының елдегі ең көне қонысы орналасқан. Ол 1958 жылы пайда болды. Қазір мұнда 180 000 адам тұрады. Елді мекен 180 шаршы шақырым аумақты алып жатыр.  

ЭНОК ТВАГИРЕЙЕСУ БУРУНДИ БОСҚЫНЫ : «Біз ағаштарды отырғыза бастадық. Себебі, біз Накивалеге алғаш келгенде бүкіл аумағы орманды болған. Одан бері жеті жыл өтті. Қазір бірде бір орман жоқ».

Ағаштар құрылыс үшін кесіліп, отын үшін жиналады, сонымен қатар ауыл шаруашылық саласына орын беру үшін тамырымен жұлынады.

КЛЕУС БВАМБАЛЕ ӘЛЕУМЕТТІК ДАМУ ИНСТИТУТЫНЫҢ ҚЫЗМЕТКЕРІ : «Босқындардың кесірінен табиғат жағдайы нашарлады. Неліктен? Бізде Конгодан келген босқындар көбейіп жатыр. Күн-түн сайын жаңа адамдарды қабылдаймыз. Олар осында келіп, үй салғанға құрылыс материалдарын қажет етеді. Сондықтан олар қалған ағаштарды да кесіп тастайды».

Бурундиялық босқын идеясын Уганданың қоршаған ортаны қорғау мамандары қолдады. Накивалиде өсімдіктер питомнигі құрылды.

НОРБЕРТ ТУМУШАБЕ ӘЛЕУМЕТТІК ДАМУ ИНСТИТУТЫНЫҢ ҚЫЗМЕТКЕРІ : «Біз босқындарды тұқымдар арқылы  бақшаларды өсіруге үйретеміз».

Босқындар алты жыл ішінде 460 000 ағаш отырғызды.

ЭНОК ТВАГИРАЙЕСУ БУРУНДИ БОСҚЫНЫ : «Біз осы бес жылда өзіміздің бағдарламыз бойынша мақсаттарымыздың жартысы орындалады деп үміттенеміз.Егер біз көбірек тұқым ала алсақ, бұл бізге көмектесер еді. Сонымен қатар, құрғақ маусымда біз суды жинай алмаймыз. Әлеуметтік даму институты сияқты ізгі ниетті адамдар бізді ағаштарды суару үшін су таситын көліктермен қамтамасыз етсе, біз риза болар едік».

Бірнеше жыл бұрын Накивалада қатты құрғақшылық болды. Ол шамамен бес айға созылды. Енді ағаштар өскен соң, жаңбыр жиі жауа бастады.

https://www.youtube.com/embed/Rg_D_0O1P3w?si=bGlFGtoZy8eymueG" 

Лас-вегастағы тұтынушыларға арналған CES электроника көрмесінде әр түрлі салаларда қолданылатын жаңа құрылғыларды ұсынды. Өндірушілер осы аксессуарды сатып алған адамдар бұрынғы заманды сағынышпен еске алар деп үміттенеді. Бұл пернетақта сенсорлық экранды телефонға қосылады. Британдық стартап ерекшеленгісі келетін сатып алушыларға арналған. Компанияның жұмыс істеуіне 1 жыл ғана болғанымен, жұмысшыларында Apple және BlackBerry-де істеген тәжірибелері бар.

ДЖОНАТАН ЯНГ CLICKS TECHNOLOGIES НЕГІЗІН ҚАЛАУШЫ: «Біз CES-тен үлкен жетістік күткен едік. Осындай керемет гаджетты шығарып, үмітімізді ақтады».

200 доллардай тұратын аксессуардың екі түсті түрі бар. Ал бұл бәтеңкелер сізге 3 есе жылдам жүруге мүмкіндік береді. Жеңіл әрі амортизациясы жақсарған «ақылды» аяқ киім Moonwalkers X қойма қызметкерлері үшін арнайы әзірленген. Ол сондай-ақ жасанды интеллектпен жабдықталған жәнен адамның қадам ұзындығы мен жүру жылдамдығына қарай пайдаланушыға бейімделеді.

СЮАНЬЦЗЕ ЧЖАН SHIFT ROBOTICS НЕГІЗІН ҚАЛАУШЫ: «Олар бүкіл ақпаратты зерттеп, келесі қадамыңыз қандай болатынын миллисекундтарда түсіне алады».

Француздық компания шығарған ақылды айна арқылы сіз психикалық денсаулық бойынша кеңес ала аласыз. Ол пайдаланушының психикалық жағдайына негізделіп жекелендірілген ұсыныстармен бөліседі. Гаджет коучинг үшін жасанды интеллектпен қамтамасыз етілген. Одан басқа қимылдар мен мимиканы талдау арқылы адамның көңіл-күйін анықтай алады.

ХУОНГ ЛЕ ДЬЕ BARACODA ӨКІЛІ : «Сіз айнамен сөйлесу барысында, ол сізге түрлі кеңес береді. Мысалы, сіз егер де күйзеліске ұшырасаңыз, ол сізге медитацияны ұсынады».

Сондай-ақ «ақылды» айна өзінің үлкен деректер жиынтығына негізделіп, тері талдауын жасай алады. Содан кейін сегіз түрлі индекске негізделген балл қояды. Лас-Вегаста жыл сайынғы CES технологиялық көрмесі 9 қаңтарда ашылды. 1200-ден астам стартап 230 мың шаршы метр көрме алаңында өздерінің жаңа технологияларын ұсынады.

https://www.youtube.com/embed/2K2WOsA65yY?si=D0LElz-bJCOwRlJ2" 

Алматы облысы көкпар федерациясы ұлттық спорт және көкпар ойынын дамытуға үлестерін қосып жүрген шабандоздарды марапаттау мақсатында «Алатау -тұғыры» атты салтанатты кеш өткізді. Облыстағы 9 ауданның басын біріктерген шара жайлы толығырақ тарқатсақ.

Құрылғанына жылға жуықтаған Алматы облысы көкпар федерациясы іс шараның өтуіне мұрындық болып отыр. Мақсат алыс аудандардағы көзге көрінбей жүрген жас шабандоздардың,атбегілер және көнеден көкпар шауып жүрген алдыңғы буын өкілдерінің басын біріктіру.

ЕРЖАН НҰРШАТ  АЛМАТЫ ОБЛЫСЫ КӨКПАР ФЕДЕРАЦИЯСЫНЫҢ ТӨРАҒАСЫ

Үздік жас шабандоз, үздік атбегі,үздік қыран марапаттары тағайындалған шарада 2024 жылдың қыркүйек айында Астана қаласында өтеді деп жоспарланып отырған  Көшпенділер ойынына 6 шабандоз құрама командаға іріктеліп алынды.

ЕЛДОС ТІЛЕУБАЛДИЕВ АЛМАТЫ ОБЛЫСЫ БОЙЫНША ҰЛТТЫҚ АТ СПОРТЫ, СПОРТТЫ ДАМЫТУ ДИРЕКЦИЯСЫНЫҢ ДИРЕКТОРЫ

Шара соңында облыс көлеміндегі үздік деген шабандоздарға сый сыяпат көрсетіліп,алғыс хаттармен марапатталды.

https://www.youtube.com/embed/OpYa42YmWsA?si=HPTAW5J9lg0S3Fph" 

Қайырымдылық жасасаң,қайыры болады қашанда. Қызылорда облыстық Зекет қорының ұйымдастырумен «Қызылорда тазалығы»мекемесінің қызметкерлеріне ең қажетті азық-түлік өнімдері таратылды. Келесі тақырыпқа назар аударсақ.

Айтулы мекемеде жұмыс істейтін 100-ге жуық отбасыға азық-түлік салынған базарлық үлестірілді. Бұл олардың еңбегін бағалап,  тазалықты сақтауға қосқан үлесін ескеріп көрсетілген  сый-құрмет деуге болады. Айта кету керек мұндай қайырымыдылық шаралары жылына бірнеше мәрте ұйымдастырылатын болады.

ДАСТАН ҚҰРМАНБАЕВ ҚЫЗЫЛОРДА ОБЛЫСТЫҚ АҚМЕШІТ-СЫРДАРИЯ МЕШІТІНІҢ БАС ИМАНЫ

Бес күндік жалған дүниеде ізгі амалдардың бірі сүрінгенді сүйеп,қысылғанға қол ұшыңды беру.

ЗЕЙНЕГҮЛ ҚЫПШАҚБАЕВА «ҚЫЗЫЛОРДА ТАЗАЛЫҒЫ» МЕКЕМЕСІНІҢ ҚЫЗМЕТКЕРІ

Сауапты іске қарап,көпшілік үлгі алғаны дұрыс. Ауыз-біршілік бар жерде, берекенің болары сөзсіз.

https://www.youtube.com/embed/nSKtL5WQA3M?si=A7uzyhwOAydetgMW" 

Бүгін депутаттармен облыстық және республикалық маңызы бар автомобиль жолдарында апаттардың жиілеуіне байланысты облыстық мәслихат өтті. Батыс Қазақстан облыстық мәслихатының төрағасы Мұрат Мұқаев ««Қазавтожол» жұмысына жауапсыз!» деп қатаң сынға алды.

Батыс Қазақстан облысында жаңа жылдың 10 күнінде 11 жол-көлік оқиғасы тіркелген. Қаза тапқандар саны – 12. Тәртіп сақшылар бұнық себебі жолдардың дұрыс тазаланбауы дейді. Сондай-ақ «Қазавтожол», тұрғын үй-коммуналдық шаруашылығы мен аудан әкімдіктерінің өкілдеріне жолдардың жай-күйін сақтауды бұзу фактілерін жою бойынша 90 ұйғарым шығарылған.

ОЛЖАС ИБРАИМОВ БҚО ПД ӘКІМШІЛІК ПОЛИЦИЯ БАСҚАРМАСЫ БАСТЫҒЫНЫҢ ОРЫНБАСАРЫ

Жиынға ішкі істер органдары, көлік инспекциясы және жолдарды салу, күтіп ұстау және оларға қызмет көрсетумен айналысатын кәсіпорын өкілдері қатысты.

МЕЙІРБОЛАТ ҚҰРМАНҒАЛИЕВ БҚО МӘСЛИХАТЫНЫҢ  ДЕПУТАТЫ

Жоғары билік жол қауіпсіздігін қамтамасыз ететін жауапты ұйымдарға арналған қылмыстық жауапкершілік туралы да ұсыныстарын ортаға тастады.

ДАМИР ТІЛЕУБАЕВ «ҚАЗАВТОЖОЛ» ҰК» АҚ ДИРЕКТОРЫНЫҢ ОРЫНБАСАРЫ

Орын алған апаттарға сараптамаларда жүргізілген. Нәтижесінде жол төсемі де, трассаның ені де нормаларға сәйкес келмейтіні анықталды. Оқиғалардың басым бөлігі Орал-Атырау" тас жолының учаскелерінде болған. Қаймағы шыққан мәселе қанша көтерілсе де жағдай сол қалпында тұр.

https://www.youtube.com/embed/gbCnSWAn6dI?si=X2p3UjqNIpImcVKF" 

15 қаңтарда Алматыда жер сілкінісі болатыны туралы әлеуметтік желіде тараған хабарлама сәйкес: сарапшылар алматылықтарды мазалаған сұрақтарға жауап берді.Сейсмологтар блогерлер мәлімдемесінің ғылыми негізі жоқ деп отыр. Қазір әлеуметтік желілерде 15 қаңтарда Алматыда болуы мүмкін жойқын жер сілкінісі туралы ақпарат тарап жатыр. Блогерлердің мұндай болжамға қалай келгені белгісіз, өйткені оларда қандай да бір болжам жасауға арнайы техника мен технология жоқ.

"Біздің ғылыми орталықта зерттеу жұмыстары тұрақты түрде жүргізіледі. Жер қыртысына қатысты 200-ге жуық параметрді зерттеп, қорытынды жасаймыз. Болжам комиссиясының қорытындысына сәйкес,10 қаңтар мен 17 қаңтар аралығында Алматы болжау полигонында магнитудасы 5,5 жойқын жер сілкінісі күтілмейді. Біз олардың мәлімдемесін негізсіз деп санаймыз. Хабарламаға назар аударудың қажеті жоқ.Тұрғындардан үрейленбей, сақтық шараларын ұстауды сұраймыз", - деді ТЖМ Сейсмологиялық бақылау және зерттеулер ұлттық ғылыми орталығының орынбасары Нұрсарсен Өзбеков өз сөзінде.

https://www.youtube.com/embed/ipv8bunWbis?si=XVNXHwrRvkmxR4lR"

Батыс Қазақстан облысында орналасқан Қарашығанақ мұнай-газ конденсаты ауқымды соммаға шығынға батты. «Жау алыстан келмейді» дегендей полиция бөлімінің мамандары 10 млн теңгеге әккілік жасаған азаматтың сол кен орнында жұмыс жасайтынын анықтаған. Ол түсті металдарды ұрлаумен айналысқан.

АСЫЛАЙ ҒҰБАШЕВА БҚО ПД БАСПАСӨЗ ҚЫЗМЕТКЕРІ «Жедел-іздестіру іс-шарасы барысында Бөрлі ауданы полиция бөлімі криминалдық полициясының қызметкерлері «Қарашығанақ газ конденсаты кен орнының» қауіпсіздік қызметімен бірлесіп, осы қылмысты жасаған  күдіктіні  анықтап, ұстады. Ол кен орнына қызмет көрсететін мердігерлік ұйымда жұмыс істеген Ақсай қаласының 38 жастағы тұрғыны болып шықты. Күдіктіге қатысты ҚР ҚК 188-бабының 3-бөлігі (ұрлық) бойынша сотқа дейінгі тергеу жұмыстары басталды.Шығын көлемі шамамен 10 млн теңгеден асады. Оның осыған ұқсас қылмыстарға қатысының бар-жоғы анықталуда».

Сонымен қатар, өткен жылы қашықтағы монифольд станциясынан әртүрлі қимадағы жерге қосу кабельдері жоғала бастаған. Қазір іске қатысы бардың барлығына іздестіру жұмыстары мен тиісті шаралар қолданылуда.

https://www.youtube.com/embed/mR3J5QkIZJY?si=mhWT7k626iywxKWe"