- Толығырық
- Категория: Алатау ақпараты
- 397 рет қаралды
https://www.youtube.com/embed/h60qxzbEXw8?si=n3V7iTKAAQ5Yk-tb"
Тәрбие тал бесіктен басталады.Жастардың санасына Отан деген ұлы ұғымды ұғындырамыз десек, бала кезінен ел мен жерді сүюге тәрбиелеуіміз керек. Алматы қаласы Алатау ауданына қарасты №150 бөбекжайда орын алған ертеңгілік, Республика күні мерекесінің құрметіне арналды. Онда, «Менің Қазақстаным» тақырыбында ұлық мейрам ұлықталды. 2022 жылдан бастап, Республика күні ұлттық мереке ретінде аталып өтілуде. Ұлт үшін маңызы зор датаға Ел Президенті ерекше мәртебе берді. Себебі 25 қазан Тәуелсіздік бастау алған тарихи күн.
САЛТАНАТ НҰҒМАНОВА АЛМАТЫ ҚАЛАСЫ АЛАТАУ АУДАНДЫҚ № 150 БАЛАБАҚШАНЫҢ МЕҢГЕРУШІСІ
- Толығырық
- Категория: Алатау ақпараты
- 285 рет қаралды
https://www.youtube.com/embed/JYaNBYPNFwo?si=pGCeaBTuUP3cnC7W"
Австралияның Дарвин қаласында «күн» автокөліктерімен жарыс басталды. Бұл күн батареясымен жұмыс істейтін электромобильдер.
Түрлі елдерден келген қатысушылар Аделаиданың оңтүстік қаласына дейін бүкіл Австралияны кесіп өтуі тиіс.
КЭТРИН ФЛАНДРС – SOLAR CAR ӨКІЛІ: "Біздің көліктерде кондиционер жоқ. Сыртқы температураға қарағанда іші ыстық. Шамамен 50 градус болар. Желдеткіш бар, бірақ мен жұмысыма берілгенде ыстықты сезінбеймін де".
Жарыстың мақсаты - мәреге тезірек жету. Бір аптаның ішінде командалар «күн» көліктерімен үш мың шақырымды бағындырады. Жарысқа негізінен университет командалары қатысады. Бірақ ірі автокөлік брендтері де жиі келеді. Олар үшін жарыс - электромобильдер саласындағы болашақ технологияларға арналған сынақ полигоны.
ИОАН ПИК – ДЖОНСОН - SOLAR CAR ӨКІЛІ: "Біз - 3000 шақырымды игеруіміз керек. Бұл солтүстіктен оңтүстікке қарай бүкіл Австралия. Біз күн қуатымен қозғаламыз. Ал оның негізінде өте жеңіл және өте аэродинамикалық құрылым жатыр".
Жолда командалар төтенше жағдайларға жиі тап болып жатады. Жолда қалып жатса улы жыландар мен қауіпті жәндіктер, жыртқыштар мекендейтін жерлерде түнеуге тура келеді. Күндіз ауа температурасы 40-тан асса, кешке салқын самал болады. Жарысқа автокөліктердің екі түрі қатысады. Біріншісі - Challenger класындағы бір орынды электромобильдер. Олар максималды аэродинамикалық және электрлік тиімділікті ескере отырып құрастырылған.
РИЧАРД ХОПКИНС – SUNSWIFT RACING КОМАНДАСЫНЫҢ ЖЕТЕКШІСІ: "Электр көліктерімен жүреміз деп кім ойлаған.1987 жылы бұл ертегі сияқты көрінетін. Австралияда бұл қалыпты жағдай, әлемнің қалған бөлігін қуып жетеміз. Күн батареясындағы автомобильдер - бұл келесі қадам".
Биыл автокөліктерде Bridgestone шиналарының прототиптері тестіленеді, олардың 63%-ы қайталама шикізаттан тұрады. Олардың міндеті - жүріс қорын ұлғайту арқылы үйкелісті қысқарту.
- Толығырық
- Категория: Алатау ақпараты
- 302 рет қаралды
https://www.youtube.com/embed/SFE_-SXn9EM?si=pZ2ORvSXfkb2Ex-l"
Алматы қаласында Қазақстан мұсылмандары діни басқармасы Алматы өкілдігінің ұйымдастыруымен 25 қазан Республика күніне орай «DASTUR FEST» көрмесі өткізілді. Көрменің салтанатты ашылуында Батырлар тобы арнайы трюктерімен өнер көрсетсе, Ұлттық шапандар тобы қазақи нақышта киімдер тігіп, елге дәріптеп жүрген бренд иелері өз өнімдерімен ортаға шықты.
Ұлттық киім мен кимешек киген апалар тобы халық алдында дәстүріміздегі әйелдер киім үлгісін дәріптеліп,темір ұстасының киімдері көпшілік назарына ұсынылды. Сондай ақ Қазақ дәстүріндегі табақ тарту әдісін нағыз маман жұртшылыққа таныстырып өтті. Көрменің ашылу салтанатында ҚМДБ Төрағасы бас мүфти Наурызбай қажы Тағанұлының ыстық ықыласы мен сәлемін наиб мүфти Кенжеәлі Қоңыратбайұлы жиналған көпшілікке жеткізді.
КЕНЖЕӘЛІ ҚАЖЫ ҚОҢЫРАТБАЙҰЛЫ ҚМДБ НАИБ МҮФТИІ
«Қазақстан мұсылмандары діни басқармасы ел мұсылмандарының қара шаңырағы. Муфтият қашан да ата-бабадан мұра болған мұсылмандық мектепті ұстанып, салт-дәстүрімізді дәріптеп келеді. Мысалы, муфтият бұған дейін «Дін мен Дәстүр” атты бірінші және екінші кітабын шығарса, жуырда «Дін мен Дәстүр» үшінші кітабы жарық көрмек. Сондай-ақ, бас мүфти Наурызбай қажы Тағанұлының бастамасымен муфтияттан арнайы «Дін мен Дәстүр» бөлімі ашылды. Бұл бағыт – жамағат арасында құстың қос қанатындай болған осы қос ұғымды насихаттауға күш салмақ деді Алматы қаласының бас имамы Төлеби Оспан
ТӨЛЕБИ ОСПАН
«DASTUR FEST» көрмесіне келген көпшілікке ақ жаулықты аналар шашу шашып, келіндер қонақтарға бауырсақ дәмін ұсынды. Көрменің келесі кезеңі әжелердің жүн түту, сабау, жіп иіру секілді салт-дәстүрлермен жалғасын тапты.Жиналған қауым алдында баланың тұсау кесу дәстүрі орындалып,«Оқырманмен ой бөліс» жобасы аясында ғалым, PhD доктор Азамат Жамашевтың, PhD докторанты Сырым Шакизаданың, ұстаз Ерлан Ақтаевтың оқырмандармен кездесуі өткізілді
Ұлттық мереке қарсаңында ұйымдастырылған «Дәстүр Фест» көрмесінің басты мақсаты – халық арасында Дін мен дәстүр сабақтастығын дәріптеу болатын.
- Толығырық
- Категория: Алатау ақпараты
- 304 рет қаралды
https://www.youtube.com/embed/yPQ-e1lnw_Q?si=57LqwR2ffkmrdpnL"
Ақтауда жантүршігерлік жағдай орын алды. 34 жастағы ер адам жеделсаты астында қалып, оқиға орнында қаза тапты. Қайғылы оқиға 24 қазанда түнгі мезгілде 3-ші шағын аудандағы ғимараттардың бірінде болған. Оқиғаның қалай болғаны видеоға түсіп қалған. Бұл жағдай дүкендердің бірінің ғимаратында тіркелген. Екі адам сөрелерден нан түсіріп жатқан. Бір кезде лифт құлап кетіп, ерлердің бірін шахтаға тартып әкетеді.Маңғыстау облыстық көпсалалы ауруханасының баспасөз қызметі басқа зардап шеккендер түспегенін хабарлады.
ӘЙГЕРІМ ИБАТУЛЛАЕВА МАҢҒЫСТАУ ОБЛЫСТЫҚ ПД БАСПАСӨЗ ХАТШЫСЫ: «34 жастағы ер адамға жеделсаты құлады. Аталған дерек ҚР ҚК 156-бабы 3-бөлігі бойынша Ақтау қаласы ПБ СДТТБТ-де тіркелді. Сараптама тағайындалды. Тергеу жалғасуда. Тергеу мүддесі үшін өзге ақпарат жария етілмейді».
- Толығырық
- Категория: Алатау ақпараты
- 271 рет қаралды
https://www.youtube.com/embed/4G3_bQQn_rg?si=ZXZTP472QEWWUOGp"
Ақмола облысының прокуратурасы жол қозғалысы қауіпсіздігін қамтамасыз ету бойынша заңдылықтың сақталуын тексеру барысында көлік құралдары басқармасына медициналық қарсы көрсетілімдері бар адамдарда жүргізуші куәліктерінің болу фактілерін анықтады. Прокурорлық тексерістен кейін 120 адам көлік құралдарын жүргізу құқығынан айырылады.Басқа бұзушылықтар үшін прокурорлар полиция органдарымен бірлесіп, жол қозғалысы ережелерін бұзғаны үшін 97 адамды әкімшілік жауапкершілікке тартты.
МЕРУЕРТ БАЙБОЛОВА АҚМОЛА ОБЛЫСЫ ПРОКУРАТУРАСЫНЫҢ БАСҚАРМА ПРОКУРОРЫ: «Олардың бәрінде көлік құралдарын жүргізу құқығына ие жүргізуші куәлігі бар. Бірақ, көлікті басқаруға тыйым салынатын ауруына байланысты диспансерлік есепте тұрғандар анықталды. Прокурорлық қадағалау актілері бойынша аталған тұлғаларды көлік құралын басқару құқығын тоқтату жөнінде шаралар қабылданады».
- Толығырық
- Категория: Алатау ақпараты
- 287 рет қаралды
https://www.youtube.com/embed/FFxLMyA9ph4?si=AVqrQJQ2JiFcsda3"
Риддер жылу электр орталығы қарызсыз мемлекет меншігіне қайтарылды. Кәсіпорынның бұрынғы иелері 5,5 млрд теңгеден астам борышын толық төлеген. Оның ішінде жалақы және салық міндеттемелері бойынша берешегі де бар. Бұл туралы қаржы мониторинг агенттігінің ресми өкілі Әлібек Әбділов айтты.
ӘЛІБЕК ӘБДІЛОВ ҚР ҚАРЖЫ МОНИТОРИНГ АГЕНТТІГІНІҢ РЕСМИ ӨКІЛІ: «Риддер ЖЭО-ның бұрынғы лауазымды тұлғалары жөндеу жұмыстарына арналған қаражатты ұрлаған, нәтижесінде қала тұрғындары жылу энергиясын беру кезінде станция бірнеше рет істен шыққан. Жылу электр орталығының бұрынғы басшыларына қатысты мемлекетке аса ірі мөлшерде, 4,1 млрд теңге сомасында залал келтірді деген күдікпен, алаяқтық фактісі бойынша тергеу жүргізілуде. ҚПК-нің 201-бабының талаптарына сәйкес сотқа дейінгі тергеп-тексерудің өзге де деректері жария етілуге жатпайды».
- Толығырық
- Категория: Алатау ақпараты
- 265 рет қаралды
https://www.youtube.com/embed/wlErdaJwSn0?si=1R9HtegNzRoHA3ft"
- Толығырық
- Категория: Алатау ақпараты
- 278 рет қаралды
https://www.youtube.com/embed/4KbRwgPArdU?si=Du3CpevWJ_103qYr"
Бүгін Мемлекет басшысы Қасым-Жомарт Тоқаев Республика күні қарсаңында Ақордада бір топ азаматқа мемлекеттік наградалар мен сыйлықтар тапсырды.Президент, ең алдымен, салтанатты жиынға қатысушыларды еліміздің ең басты мейрамы – Республика күнімен құттықтады. Қасым-Жомарт Тоқаев еліміздің жетістіктері туралы айта келе, адам капиталын жақсартуға бағытталған оң өзгерістерге назар аударды.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Көп ұзамай халқымыздың саны 20 миллионға жетеді. Бұл еліміздің тұрақты дамуының айқын көрінісі деуге болады. Бір сөзбен айтқанда, азаматтарымыз өз ұрпағының жарқын болашағына және еліміздің ертеңіне сеніммен қарайды. «Ұлттық қор – балаларға» бастамасын жүзеге асыру үшін тиісті заң қабылданды. Небәрі екі айдан кейін балаларымыздың есеп-шотына қаржы түсе бастайды».
Президент Қазақстанның «елдің ішінде де, айналасында да бейбітшілік», «әралуандық арқылы – бірлікке» деген қағидаттарды әрдайым берік ұстанатынын мәлімдеді. Оның айтуынша, Қазақстанның алдында бұрын-соңды болмаған жаңа сын-қатерлер тұр. Осы күрделі кезеңде мемлекетіміздің орнықты дамуы өте маңызды. Біз болашаққа сеніммен қараған біртұтас Қазақ елін күллі әлемге танытуымыз керек.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Егемендікке қол жеткізу оңай емес, ал оны сақтап тұру тіпті қиын. Шын мәнінде, Тәуелсіздік – бәрінен қымбат. Тәуелсіздікті сақтау, бұл – ең алдымен, тұтас ұлттың жауапкершілігі. Біз егемендікті тынымсыз еңбекпен, мызғымас бірлікпен күн сайын қорғауымыз керек. Ең бастысы, еліміздегі тұрақтылықты сақтауымыз қажет. Себебі тыныштық болмаса, басқаның бәрі бекер. Әлемдегі ахуалдың қандай күрделі екенін көріп отырсыздар. Беделді халықаралық сарапшылар Қазақстанды бейбітшіліктің бесігі деп атайды. Қазір біз аймақтың мәдени-рухани орталығына айналдық. Биыл шетелдің өнер ұжымдары елімізде 200-ден астам мәдени іс-шара өткізді. Бұл – тұрақтылықтың, тыныштықтың айқын көрінісі. Мұны басқаларға үлгі-өнеге деуге болады. Ал тұрақсыздық жайлаған елге ешкім ұмтыла қоймасы анық. Бейбітшілік – біздің басты байлығымыз. Оның қадіріне жетіп, бағалай білу – бәрімізге ортақ парыз. Мұны еліміздің әрбір азаматы, әсіресе, өскелең ұрпақ терең түсінуі қажет».
Президент мемлекеттілік тұғырын нығайта түсу үшін заң үстемдігін орнықтыру өте маңызды деп санайды. Мемлекет басшысының айтуынша, Әділетті Қазақстанды құру үшін құқықтық мәдениетті дамыту қажет.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Заңсыздық, тәртіпсіздік, мәдениетсіздік елді жарға жығады. Мұндай жағымсыз үрдістерге бүкіл қоғам болып қарсы тұруымыз керек. Ал тәртіпке бағынған қоғам өркениетті болады. Бұл – заңдылық. Әр азамат еліміздің заңын құрметтесе, береке-бірлік те, бақуатты тұрмыс та болады. Яғни, Заң толығымен орындалса, төрт құбыламыз түгел болмақ».
Президент сөзін қорытындылай келе, еліміздің дамуына елеулі үлес қосқан бір топ азаматқа жоғары мемлекеттік наградалар, сыйлықтар мен атақтар табыс етті.
- Толығырық
- Категория: Алатау ақпараты
- 271 рет қаралды
https://www.youtube.com/embed/-44PMHnHANQ?si=qT5bQpjsOjTeDa21"
Әлеуметтік желілер мен мессенджерлерде таралып жатқан фото, видеодағы үйлену тойындағы ерекше торт қазақстандықтарды таңқалдырды.Алматылық блогер Әлішер Келгенбайдың үйлену тойы футбол стилінде өтті.
Жас жұбайлар киімдеріне танымал футбол клубтарының эмблемаларын қолданған. Мысалы, «Real Madrid-тің» эмблемасы қалыңдықтың ақ жамылғысында болса, «Barcelona» футбол клубының символы күйеу жігіттің костюміне тігілген. Сондай-ақ қалындық қолына әдеттегідей ақ гүл емес, қара түсті гүл шоғын ұстап жүрді. Бұдан бөлек, қонақтардың көңілін көтеруге «Месси» мен «Роналдо» келді. Әлеуметтік желі қолданушыларын көп деңгейлі алып торт та бей-жай қалдырмады. Мейманхана төбесімен бірдей дерлік торт футбол клубтарының эмблемаларымен, кубок, доп, қалыңдық пен күйеу жігіт бейнесіндегі формалармен безендірілген.
- Толығырық
- Категория: Алатау ақпараты
- 343 рет қаралды
https://www.youtube.com/embed/Kn-NUr-Tazo?si=OarpP5ZvqfJJXHFK"
«Жаңа қазақ зиялылары: Ар-намыс,ұлттық мүдде,талап,еңбек,терең ой» деген тақырыпта ұстаздар форумы орын алды.Шараның негізгі мақсаты Алаш қайраткерлерінің идеяларын мектеп форматына трансформациялау. Жастарды телефон тәрбиелеген заманда ұлт мақтаныштарын насихаттау арқылы санасына сәуле түсіру,кезек күттірмейтін мәселе. Ұстаздар қауымы айтулы жағдайды жанжақты саралаудан өткізіп,сапалы білім,саналы тәрбие берудің тың технологияларын қолға алып отыр.
ТҰРСЫН САЙБЫРОВА В.Г.БЕЛИНСКИЙ АТЫНДАҒЫ ОРТА МЕКТЕПТІҢ ДИРЕКТОРЫ
Форум жұмысына 200 адам офлайн, 1000-нан астам адам онлайн форматында қатысты. Бас қосу аясында ұлттық құндылықтарды дәріптеудің дәуірі туғанын алға тартып жатты.
ҰЛТУСЫН БАРХИНОВА ҰЛАҒАТТЫ ҰСТАЗДАР КЕҢЕСІНІҢ ТӨРАҒАСЫ
- Толығырық
- Категория: Алатау ақпараты
- 274 рет қаралды
https://www.youtube.com/embed/L4jqY76Iqsk?si=wU9lzbidAMqJDGsb"
Көкшетаудағы жекеменшік сектордағы бірнеше үйдің тұрғындары ауыз судан зардап шегіп отыр.Су құбырындағы жөндеу жұмыстарына байланысты осыған дейін тұрғындар үйлерінің жертөлелері суға толғанын айтып, шағымданған болатын.Су басудың себебі, құбырлардың ескергенінен дейді олар.Коммуналдық мекеменің қызметкерлері тексеру жүргізіп, су басудың салдарын анықтады.
Қанай би көшесінде су құбырының жөнделуіне байланысты, тіршілік көзі өтетін құбырлардың жұмысы тоқтатылған.Ұзаққа созылған жөндеу жұмыстары сапа жағынан тұрғындардың күмәнін тудыруда.
ЛЕОНИД ГАРБОВСКИЙ КӨКШЕТАУ ҚАЛАСЫНЫҢ ТҰРҒЫНЫ:
«Су ешқайда ағып кеткен жоқ. Еденнің асты мен жертөлелер суға толы. Былтыр мен құдық қаздым. Қазір суға толып тұр. Қазба жұмыстары ұзақ жүріп жатыр. Сағат 11-де келеді, одан түскі ас ішуге кетеді. Содан сағат 3-те келеді. Кешкі 5-де жұмыстарын тоқтатады.Жұмыс баяу жүргізілуде. Көшенің жоғары жағындағыларға ешкім су тасып әкеп беріп жатқан жоқ. Ал, бізде көл-көсір».
Жертөледегі су Шевцова көшесінің тұрғындары үшін үлкен мәселеге айналып, оны жиі сорғызып отыр. Ылғалдан үйлердің түсқағаздары түсіп, қабырғаларына сызат түсе бастаған. Ал,керісінше Қанай би көшесінің тұрғындары болса суға жарымай отыр.
АСМА КОДЗОЕВА ҚАЛА ТҰРҒЫНЫ: «Бір аптадан асты, су жоқ. Құбыр жарылды. 3 ай бойы «Су арнасы» кәсіпорны ол ақау өздеріне қатысты емес екенін айтып дауласты. Құбырды ашқан кезде судың нөпірі қатты болды. Соның салдарынан су үйдің астына кетті. Әлі күнге дейін сорғыған жоқ».
Осылайша тұрғындар жөндеу жұмыстарының ұзап кеткеніне наразы. Салынған жаңа құбыр зақымдалып кете ме деген де қорқыныштары бар. «Көкшетау Су Арнасы» мекемесі жұмыс осы аптаның соңында ғана аяқталатынын айтады. Жеке секторға тіршілік нәрін тасымалдауды ұйымдастыру қарастырылмаған,құдықтан тасымалдауға тура келеді. Әркім өз күнін өзі көреді. Жауапты мамандардың жауабы осы әзірге.
- Толығырық
- Категория: Алатау ақпараты
- 258 рет қаралды
https://www.youtube.com/embed/PJaqVxPCL-4?si=azHe5-14tQtEnksu"
Ұлттық Қауіпсіздік Комитетінің Шекара қызметі Алматы облысы бойынша департаментінің шекарашылар сапын жаңадан толықтырған 600-ге тарта сарбазына арналған ант қабылдау рәсімі өтті. Аталған департаментке қарасты Қарасай ауданы бойынша шекара басқармасының Ақжар ықшамауданында орналасқан кәсіптік-техникалық және дайындық бөлімінде ұйымдастырылған салтанатты шараға сарбаздардың ата-аналары мен туыстары қатысу үшін алыстан ат арылтып жетті. Отан қорғаушыларымыздың қатарына тұрған жас азаматтардың өміріндегі маңызды оқиғаға ортақтасу үшін Шекара қызметінің ардагерлері де арнайы шақыртылды.
Бұл күнге сарбаздар бір ай бойы дайындалған. Саптық әзірліктерін шыңдай жүріп, әскери өмірге қалыптасуға дағдыланды. Осы аралықта бірде бір сарбаз әскерде қызмет атқарудан бас тартқан жоқ. Есесіне, араларынан мерзімді қызметтен соң әскерде қалғысы келетін немесе әскери жоғары оқу орындарына түскісі келетін сарбаздардың қатары уақыт өткен сайын көбейіп келеді. Бұған дер кезінде жүргізілген үгіт-насихат жұмыстарының да тигізген көмегі орасан дейді мамандар.
Тағы басқа мақалалар...
150 ішінен 187 беті
Alatau News, Copyright 2023, All Rights Reserved.