https://www.youtube.com/embed/sg6_6Ho-ujY?si=kO0sbCyrXGvORnWf" 

Қытайдың Ганьсу провинциясындағы ауылдардың тұрғындары дүйсенбіге қараған түні болған 6,2 баллдық жер сілкінісінен кейін суықта зардап шегуде. -15 градус суықта балаларымен шатыр астында түнеуге мәжбүр.  

Жер сілкінісінен кейін үйлердің көпшілігі қираған немесе бүлінген, бас сауғалауға шатырлар барлығына жетпейді. Кейбірі  қолда бар материалдардан өз күштерімен бүркемелер салуда.

МА ХАЙЦЗЕ -  АУЫЛ ТҰРҒЫНЫ  
"Менің екі балам басқа адамдардың шатырында ұйықтайды.   Бірақ  оларда төсек-орын жоқ. Кеше күйеуім мен екі қызым түні бойы көшеде тұрды. Қазір олар көршілерінің шатырында ұйықтап жатыр. Екі қызым суықтан  қатып қалды ".

Адамдарға  жылынып және тамақ дайындау үшін көмір таратып жатыр.   Бұл лагерьден баспана, ыстық тамақ, су және ең қажетті заттарды алуға болады. Алайда бұл көмек барлығына жетіспейді. Жер сілкінісінің ошағы Цзишишань уезінде Ганьсу және Цинхай провинцияларының шекарасына жақын жерде орналасқан. Жер сілкінісі кезінде Ганьсуда 113 адам қаза тауып, 780-тен астам адам жарақат алғаны хабарланды. Хабар-ошарсыз жоғалғандар туралы айтылмады. Сондай-ақ онда 207 мыңнан астам үй қирап, 15 мыңға жуық үй зақымданған.  Көршілес Цинхай провинциясында 22 адам қаза тауып, 198 адам зардап шеккені хабарланды. Тағы 12 адам хабар-ошарсыз кеткен. Бұл ретте Ганьсуда билік құтқару операциясын аяқтағанын хабарлады. Оған бар-жоғы 15 сағат уақыт берілген.  Сарапшылардың айтуынша, бұл жеткіліксіз және тірі қалғандарды іздестіру әдетте кемінде 72 сағат жүргізіледі.

ГОБИНДА БАШЬЯЛ – ГИМАЛАЙ ҚҰТҚАРУШЫЛАР ҚАУЫМДАСТЫҒЫНЫҢ БАСШЫСЫ  
"Жер сілкінісінен кейін құтқарушылар  72 сағат жұмыс істеуі орынды уақыт деп ойлаймын. Егер біз көшкін және басқа да зілзалалар туралы айтатын болсақ, әр мунит маңызды.  Бірақ жер сілкінісі кезінде 72 сағатта көп нәрсе жасауға болады ". 

ҚХР билігі бұрындары табиғи апаттарда қаза тапқандар мен зардап шеккендер санын жиі төмендетіп отырды. Бұл жолы жағдай қайталануы мүмкін. Бұдан басқа, Ганьсу провинциясы көршілес өңірлерден, сондай-ақ басқа елдерден келген құтқарушылардың көмегінен бас тартты. Бұл көмектің жоқтығын жасыру үшін жасалуы мүмкін деген болжамдар бар.

https://www.youtube.com/embed/cLYFiuNn3l8?si=rq6fcoVVGILHqTni" 

Биыл Қазақ ССР-нің Халық әртісі, профессор Бекен Жылысбаевтың туғанына 100 жыл толды. Алматыда мерей тойға орай оның өмірі мен шығармашылығын жан-жақты насихаттауға бағытталған «Кестелі» орамал атты ән кеші өтті. 

Бекен Жылысбаев қазақ ән өнерін, оның ішінде қазақ кәсіби музыкасы мен академиялық вокал саласын жаңа биікке көтерген тұлға. Сан таланттың қанатын қатайтқан ғажайып ұстаздың 100 жылдық мерей тойына арналған шараға туыстары, шәкірттері келіп естеліктермен бөлісті.

НҰРЖАМАЛ ҮСЕНБАЕВА – ҚР ХАЛЫҚ АРТИСІ

СӘУЛЕ НҰРҒАЛИЕВА – Бекен Жылысбаевтың шәкірті
  
Мәдениет саласының үздіктері, Халықаралық және республикалық конкурстардың лауреаттары, ең бастысы Бекен Жылысбаевтың өз шәкірттері қатысты.  Қала әкімдігі мен мәдениет басқармасы мұрындық болған бағдарламада  халық әндері мен халық композиторларының ғана емес, шетелдік танымал авторлардың шығармалары да орындалды.

https://www.youtube.com/embed/e8Ds36KiXzY?si=KCa-b4vL4CgwddBr" 

Алматыда мұз әлі қатқан жоқ. Сондықтан, құтқарушылар халықтан барынша сақ болуларын сұрайды. Норматив бойынша қалыңдық -25 сантиметрді құрауы тиіс. Ал, оңтүстік шаһардағы мұздың қалыңдығы небәрі 10 сантиметр.

ӘНУАР ЮСУПОВ АЛМАТЫ ҚАЛАСЫ ТЖД АЗАМАТТЫҚ ҚОРҒАНЫС БАСҚАРМАСЫНЫҢ БАСТЫҒЫ:

«Қазіргі уақытта Алматы қаласында ауа температурасы 2-4 градус жылы. Әдетте, мұндай температурада мұз жұқарып, қатты болмайды. "Қазгидромет" РМК болжамдарына сәйкес алдағы аптада ауа температурасы 6-дан 12 градусқа дейін жетеді. Бүгінгі таңда мұздың қалыңдығы 10 см - ге дейін жетеді, бұл мұздың үстінен өту үшін қауіпті»

Осылай деген мамандар қайғылы жәйттарға тап болатындар қатары әсіресе осы кезде көп болады дейді. Себебі, оңтүстік шаһарда бұл уақытта мұз әлі қатпайды екен.

ВАДИМ ПАК РЕСПУБЛИКАЛЫҚ ЖЕДЕЛ-ҚҰТҚАРУ ЖАСАҒЫНЫҢ БАС ҚҰТҚАРУШЫСЫ:

"Біздің қызметкерлеріміз жұқа мұздың астына түскен адамдарды құтқаруда үлкен тәжірибеге ие. Осындай жағдайлардың бірі бұған дейін Әуежай көлінде болған. Адамдар жолды қысқартпақ болып, көлден өтуге тырысып, жұқа мұз үстімен жүрген. Ол жарыла бастаған, абырой болғанда, біздің қызметкерлер жақын жерде болып, қайғылы жағдайдың алдын алды. Көптеген адамдар жасалған ескертуді елемейді, мұз үстімен жүігіріп өте шыққысы келеді"

Құтқарушылар Алматы өзені аумағында және Тұйықсу шатқалында тәулік бойы кезекшілік етеді. Оның үстіне тыйым салынған 38 ескертпе белгі де бар. Сонда да халық оған назар аудармайды дейді төтеншеліктер.

ДОСЫМ НАДЫРБЕКОВ АЛМАТЫ ҚАЛАСЫНЫҢ ҚҰТҚАРУ ҚЫЗМЕТІНІҢ ҚҰТҚАРУШЫСЫ:

"Мұз айдындарымен өте алмаған жағдайда, суға бату қаупі бар болса, 109 нөміріне қоңырау шалу арқылы құтқарушыларды шақыра алады. ҮАӨ мен Тұйықсу шатқалының аумағында орналасқан екі бақылау-құтқару бекеті таулы жерлерде көтерілу кезінде қауіпсіздікті қамтамасыз етеді. Мұнда құтқарушылар күн сайын 24/7 кезекшілік етеді. Қазір таулы аудандарда, ауа - райының өзгеруін ескере отырып, көшкін қаупі бар жерлерде адасып кету, өз бетінше түсу немесе қайтып оралу қаупі өте жоғары"

Айта кетейік, төтенше жағдайлар департаментінің мамандары күзгі-қысқы кезеңде барлығы 300-ден астам рейд жүргізген. Түрлі профилактикалық іс-шара жыл бойы жүргізіліп отырады. Мақсат - халықты сақтандыру және ақпараттандыру. Сақтансаң сақтаймын дейді қазақта, абай болыңыздар!

Жыр болған lrt 2025 жылға қарай аяқталады

https://www.youtube.com/embed/GM-iOJ-XCj0?si=gLiiIQpT3LTsOMxg" 

Ақтау қаласы, Өмірзақ селосы, Приморский тұрғын үй массивінде заңсыз салынған 5 қабатты тұрғын үй сүрілді. Құрылыс жұмыстары аяқталмаған үйдің салымшылары жайсыз хабарды естіген соң, нысан басына жиналып, сүріп тастауға қарсылықтарын білдірді. Алайда олардың жан айқайына ешкім құлақ аспады. Толығырақ келесі бейнесюжетте. 

Бұл аталмыш мекен жайдағы тұрғызылып жатқан үйдің салымшылары. Әр қайсысы әр түрлі қаржы құйған. Араларында баспананың құнын 100 пайыз толық төлеп тастағандар да бар. Олар үйді жермен жексен етеді деген хабарды естігесін, осы жерге жиналып, сүріп тастауға қарсылық білдірді. Алайда ол іс әрекеттерінен еш нәтиже шықпады. 

Тұрғындармен кездесуге қала басшысы, прокурор және мемлекеттік сәулет-құрылыс бақылау басқармасының басшысы келді. Салымшыларға мәселенің мән жайын түсіндіріп, заң шеңберінен асып кете алмайтындарын айтты. Алайда баспана аламыз деп қаржы құйғандар үй сүрілсін деген соттың шешіміне қарсы болды. 

ЕРГЕШБАЙ ӘЛМҰРАТОВ - ҮЛЕСКЕР Мен 8 млн салдым. Халықтың жағдайына қарау керек қой. Мынау қаншама қаражат кетті осыған? Қазір ақшаны ешкім қайтарып бермейді. Бізден алған ақшаға құрылыс жасап қойды. Енді бұл халыққа қиянат қой. 

ОЛЕГ ГУММЕНИКОВ - ҮЛЕСКЕР Бұл жерден менің ұлым баспана сатып алды. Бізде көмектестік. Жуық арада отбасын құрғысы келеді. Сол үшін сатып алдық. Болашақта осы жерде тұрсыншы деп. Ал мына жерде осындай былықтар болып жатыр. Біздің қаржымызды кім қайтарады? Үйдің сүрілетінін де еш жерге жарияламады. 

Маңғыстау облыстық мемлекеттік сәулет-құрылыс бақылау басқармасының басшысы Дәурен Өтепқалидің айтуынша, басқарма 2022 жылғы 1 желтоқсан айында жоспардан тыс тексеру жұмыстарын жүргізген. Тексеріс қорытындысы бойынша, аталған тұрғын үйдің ешқандай рұқсатнама құжаттары рәсімделмегені, техникалық және авторлық қадағалаушылардың сүйемелдеуінсіз құрылыс жүргізгені анықталып, меншік иесіне құжаттарды заңдастыруға 1 жыл уақыт берілген. Алайда…. 

ДӘУРЕН ӨТЕПҚАЛИ –МАНҒЫСТАУ ОБЛЫСЫ МЕМЛЕКЕТТІК СӘУЛЕТ-ҚҰРЫЛЫС БАҚЫЛАУ БАСҚАРМАСЫНЫҢ БАСШЫСЫ Осы күнге дейін кәсіпкер рұқсатнама құжаттарын алған жоқ. Одан бөлек біздің берген нұсқаманы елеген жоқ. Біздер сот органдарына ешқандай сапасының жоқтығын, ешқандай кепілдік бере алмаймыз сол себептен сот органдарына бұл объектіні бұзуға талап арыз жолдадық. Сот шешімі қанағаттандырылды, заңды күшіне енді. 

Баспанасыз қаламыз ба деп алаңдаған жұрт соңғы үмітіміз жоғарғы билікте дейді. Олар ел президентіне үндеу жолдауға бекініп отыр. Айта кетейік, заңсыз құрылысты сүру жұмысына меншік иесі мен үлескерлер де қатысты. Енді салымшылар өз қаражатын заңсыз құрылыс салушыдан құқықтық тәртіппен өндіріп алуға құқылы дейді мамандар.

https://www.youtube.com/embed/gyey8mrPd54?si=cybZoL4bgBMlpGDO" 

Ақтаудағы 4 шағынауданға қызмет көрсететін коммуналдық мекеменің қызметкерлері қыркүйек айынан бері жалақы ала алмай жүр. Қалалық әкімдік болса, бар мәселені пәтер иелері кооперативі басшысының ауысуымен байланыстырады. 

Балыш Оңғарбекова "ЖЭК-4" қызмет көрсету мекемесінде 15 жылдан бері жұмыс істейді. Бұған дейін еңбекақы бойынша мәселе туындамағанын айтады. Жалақыны кешіктіру осы жылдың қыркүйек айында мекеме басшысы ауысқан кезден басталыпты. Қазір алты баланың анасы несиесін қалай жабарын білмей дал.  Отбасының табысы тамақ пен коммуналдық қызметтен ары аспайды. Айта кетейік, пәтер иелері кооперативі 48-ші үйдің 3862 пәтеріне қызмет көрсетеді. Қоқыс шығарып, ауланы тазалаумен айналысады. 

Балыш ОҢҒАРБЕКОВА - "ЖЭК-4" МЕКЕМЕСІНІҢ ҚЫЗМЕТКЕРІ 3 айдан бері ақшамызды ала алмай отырмын. Балаларымыз да істеп жүр. Олар да ала алмай жүр. Балаларымыздың 5 баласы бар. Кредиті бар. Ала алмай жүр. Кредиті қалды енді төленбей. 

Базарбай САНДЫБАЕВ - "ЖЭК-4" МЕКЕМЕСІНІҢ ҚЫЗМЕТКЕРІ 4 мкрда 15-20 адам бар жұмыс жасайтын. Сентябрь айынан бастап айлық жоқ. Күнде келеміз әкімшілк шешу кереккой. бізге алып беру керек. Айдын 10-нан қалдырмай беріп тұру керек. Бастығымыз бар еді ол кетіп қалды. Жұмыстан кетіп қалуға ақысы жоққой негізінде осындай адамдардың бәрін далаға тастап. 

Ал, қалалық тұрғын үй инспекциясы мәселеден хабардар. Айтуларынша жақында ғана сайланған коммуналдық кәсіпорын басшысын құзырлы органдар әлі бекіткен жоқ. Яғни, оның жалақы мен салыққа қатысты қаржылық құжаттарға қол қоюға әлі мүмкіндігі жоқ.

Нұраддин КӨШЕРБАЕВ ҚАЛАЛЫҚ ТҰРҒЫН ҮЙ ИНСПЕКЦИЯСЫНЫҢ БАСШЫСЫ Бірнеше рет тиісті органдарға құжаттарын тапсырған болатын. Тапсыру барысында кемшіліктер анықталып, толықтыру жөнінде жұмыстар жасалып жатыр. Өткен жетіде де құжаттар тапсырылды. Бүгін соның нәтижесін айту керек. Еегер сол тапсырылған құжаттары Әділет басқармасында дұрыс деп табылған болса онда бүгін бекітіледі. ЖЭК басшысы бекітілген жағдайда банкке барып өзінің атынан электронды кілтін алып, есепшотындағы ақшаларды өздерінің айлық жалақысы бар, салық төлемдері бар, басқа да қарыздары бар сол бағытта жұмыс жасайтын болады. 

Осылайша, банктағы несиелерінің төлеу мерзімі кешіктіріліп, жан-жағындағы адамдарға қарызға батқан бұл қызметкерлердің жалақысы қашан берілетіні әзірге белгісіз. Мекеменің жаңа басшысының құжаттары реттелгенше жұмысшыларға амалдай тұруға тура келеді деп отыр.

https://www.youtube.com/embed/dyP7606btLc?si=5ikTKaM5c3Urqwi2" 

https://www.youtube.com/embed/oXQ2yihgHpc?si=3CFY7u1R4AW3zPY0"

Бүгін Алматыда Қазақстанның халық жазушысы,мемлекеттік сыйлықтың иегері,Ұлы Отан соғысының ардагері,көрнекті ақын,аудармашы,әдебиеттанушы Мұзафар Әлімбаевқа 100 жылдық мерейтойына орай өзінің тұрған үйінде ескерткіш тақта ашылды.

Шараға жазушының артынан ерген ұрпақтары,әдебиет әлеміндегі шәкірттері мен Алматы қаласы мәдениет басқармасының өкілдері қатысып артына қалдырған мол мұралары жайлы көптеген естеліктер айтылды.

АРМАН ХАЛБЕКОВ АЛМАТЫ ҚАЛАСЫ МӘДЕНИЕТ БАСҚАРМАСЫНЫҢ МӘДЕНИ КӨПШІЛІК ІС-ШАРАЛАР ҰЙЫМДАСТЫРУ БӨЛІМІНІҢ БАСШЫСЫ

НҰРЖАН ҚУАНТАЙҰЛЫ ҚАЗАҚСТАН ЖАЗУШЫЛАР ОДАҒЫ ТӨРАҒАСЫНЫҢ БІРІНШІ ОРЫНБАСАРЫ,ЖАЗУШЫ

Мұзафар Әлімбаевтың қазақ әдебиеті әлеміне, қазақ балалар әдебиетіне сіңірген еңбегі орасан зор. Бала жанының жауһарына айналған «Балдырған» журналын Мұзафар Әлімбаев қолымен құрып, 25 жыл бас редактор ретінде қызмет атқарды. Осы жылдар ішінде көптеген шәкірттер тәрбиелеп,рухани ұстазға айналды.

ЕРКІН НҰРАЗХАН ҚР ЕҢБЕК СІҢІРГЕН ҚАЙРАТКЕРІ

Ескерткіш тақта қойылып жатқан жазушы тұрған бұл үйде шығармашылығы мен қатар бақытты  отбасылық өмірі өткен. Ұл өсіріп,немере қызығының да дәмін татқан. Тұманбай Молдағалиев, Қадір Мырзалиев,Әсет Бейсеуов сынды көптеген ақын жазушылар  бұл қарашаңырақтың төрінен орын тепкен. 

ӘЛИЯ АМАНБЕКОВА КЕЛІНІ

ЖӘНІБЕК ӘЛІМБАЕВ  МҰЗАФАР ӘЛІМБАЕВТЫҢ НЕМЕРЕСІ

Ұлыларын ұлықтаған елдің болашағы жарқын болмақ. Мұзафар Әлімбаевтың ұлты үшін еткен еңбегі еленіп жатқаны соның дәлелі.

https://www.youtube.com/embed/OtpBnEe9Pa8?si=Y1SvSgEuNtA6ts3F" 

Айта, айта жауыр болған мәселе. Маңғыстаудағы Басқұдық ауылының тұрғындары ми балшыққа айналған көшемен жүруден шаршадық деп шағымдарын айтты. Жаңбыр жауып, қар ерісе ауылдың кейбір көшелері батпаққа айналады екен. Себебі әлі күнге дейін тақтайдай болу керек тас жол төселмеген, жаяу жүргіншілер жолы салынбаған. Ал әкімдік 1,6 шақырым болатын ауылішілік жолдың қиыршық тастарын жердегі ылғал кепкен соң басталатынын айтты.  

Бұл ауылдағы нөмірі 16-шы мектепке қатынайтын көшелердің бірі. Екі бағытқада жаяу қатынайтын оқушылар бір-бірінің соңынан еріп, жар жағалап жүреді. Себебі жолдың ортасы ми балшық. Ал жаяу адамға арналған жол тағы жоқ. Ауылға бұрыннан қоныстаған тұрғындар жол мәселесін қанша мәрте көтерсекте нәтиже шамалы дейді. Жол азабын ересек адам да, балалар да тартып жүр.  

ТҮГЕЛБАЙ КӨРПИЕВ – ТҰРҒЫН: «Жаңбыр жауғанда, қар жауғанда міне балшық, көріп тұрсыңдар. Үлкен кісілер бар, кішкентай жас балдар бар. 1,2-ші класс оқитындар түнде қараңғыда жүреді мына жермен. Жарық бар, шүкір, сонда да жүру қиындау. Міне, аяқты көріп тұрсыңғо».  

АЙНАГҮЛ АҚЖАНОВА – ТҰРҒЫН: «Мына балдарымыз жүре алмайды, мектепке барғанда. Аяғы балшық, шалбарлары балшық-балшық болып келеді. Сумкалары балшық болып келеді. Енді қиын, өте қиын. Асфальт салынады деген, қолға алынбай жатқан сияқты». 

Ауыл әкіміне байланысқа шықтық. Нұралы Жұмабаев Басқұдықта жол мәселесі бар екенін жасырмады. Ауыл басшысы асфальт төсеу үшін дайындық жұмыстарын енді бастай бергенде ауа-райы күрт өзгеріп, кесірін тигізгенін айтты. 

НҰРАЛЫ ЖҰМАБАЕВ – БАСҚҰДЫҚ АУЫЛЫНЫҢ ӘКІМІ: «Қараша айынан бастап келісім шартқа «Жол құрылыс» деген мекеме жеңімпаз болып анықталды. Жол құрылыс мекмесі бүгінгі күні астынғы қабатын тегістеу жұмыстарын жүргізіп жатыр. Ауа-райының қолайсыздығына байланысты жұмыстар уақытша тоқтады. Бүгінгі күні тапсырмасы беріліп, қиыршық тас ПГС деп аталадысоны төсеу жұмыстарын жалғастыратын болады. Жалпы 1,6 шақырымның аяқталу мерзімі келесі жылдың март айына дейін. Оған біз ол уақытты күткізбей, жұмысты жыл аяғына дейін аяқтауға жоспарлап оытрмыз». 

Жалпы ауылдағы 1,6 шақырымды төсеуге қозғалыс жоқ емес, бар. Жеңімпаз мекеме анықталған, 39 миллион теңге қаржы бөлінген. Ал жаяу жүргіншілерге арналған жол асфальт төселгеннен кейін құрылыс жұмыстары басталатын болады деді ауыл әкімі Нұралы Жұмабаев.

https://www.youtube.com/embed/v4W-UaW-C58?si=_2ylV5FyY4Uu6Hbb" 

Баспана кезегінде тұрып, кезегіміз баяу қозғалуда. Дәл осындай арызбен   77 жастағы Қызылорда қаласының тұрғыны шағымданды. Зейнеткердің айтуынша тіркелген сәттен бастап 11 жыл ішінде олардың кезегі бірнеше орынға ғана жылжыған. 

Қызылорда қаласының тұрғыны Болат Ұлықпанов қыздан туған жиенінің баспаналы болуын қалайды. Тағдырдың жазғаны болар,күйеу  баласы бірнеше рет сотты болып, қызы денсаулығынан айырылған.  Осыны ескерген қарт немересін өз қолына алуды жөн санап, 15 жылдан астам уақыт бағып-қағып келеді.  Дегенмен, 16 жастағы немересін Тұрғын үй кезегіне қойғанымен, бұл салада шикілік байқаған ол, барған жері баспаған тауы қалмаған.

БОЛАТ ҰЛЫҚПАНОВ  ҚЫЗЫЛОРДА ҚАЛАСЫНЫҢ ТҰРҒЫНЫ 

 Қала тұрғынының өтінішіне сала мамандарының жауабы мынадай. 

ГҮЛМИРА ПАЗЫЛОВА  ҚЫЗЫЛОРДА ҚАЛАЛЫҚ ТҰРҒЫН ҮЙ ИНСПЕКЦИЯСЫ БӨЛІМІНІҢ СЕКТОР МЕҢГЕРУШІСІ 

Болат Ұлықпанов-өзінің қартайғанына қарамастан, үмітін үзбек емес. Жиені  Қарақаттың  баспана бақытына кенелуін   өз көзімен көруді қалайды.

https://www.youtube.com/embed/UbyzmHH36Pg?si=w63UzttSxMh9JQBW" 

Сақ болыңыз! 17 өңірде ауа-райына байланысты ескерту жарияланды. Республиканың басым аумағында қар жауып, оның арты боранға ұласады. Ал, орталық, батыс және оңтүстік Қазақстанда көктайғақ болады, қатты жел соғады деп күтілуде. Сондықтан, ауа-райын болжаушы мамандар  асығыс шаруаңыз болмаса, жолға шықпауға кеңес береді. 

МАХАМБЕТ МАРАТОВ «ҚАЗГИДРОМЕТ» РМК ИНЖЕНЕР-СИНОПТИГІ:
«Кезеңнің басында республиканың солтүстік және шығыс бөлігінде, сондай-ақ орталығында атмосфералық фронттардың өтуімен түнде қар, күндіз жауын-шашын (қар, жаңбыр), түнде солтүстік пен шығыста қатты қар күтіледі. 23 желтоқсанда Атлантикалық циклонының әсерінен Қазақстанның батысы мен оңтүстік-батысында жауын-шашын (жаңбыр, қар) болжанады. Республика бойынша көктайғақ, бұрқасын күтіледі және жел 15-20, екпіні 25 м/с-қа дейін күшейеді, сондай-ақ тұман болжанады. Алайда ауа температурасында күрт өзгерістер күтілмейді».

https://www.youtube.com/embed/rvhwgXYTW44?si=zUqBbElEJ1t1_L5Y" 

Алматы туларындағы №18 қар көшкінін жинау учаскесінде алдын алу жұмысы жүргізілді. "Алматы-Космостанция" автожолының қауіпсіздігін қамтамасыз ету мақсатында "Қазселденқорғау" мамандары көшкіннің алдын алу үшін 2600-2800 метр биікте жарылыс жұмыстарын жүргізді. Қардың жалпы көлемі 4000 куб метрді құрады. Қар массасының негізгі бөлігі жолды толығымен жауып тастады, қалғаны тау баурайында тоқтады.

Айтулы шараға 33 адам және 9 бірлік техника жұмылдырылған. Қар массасын түсіруге Алматы қалалық ТЖД, «Қазселденқорғау», Апаттар медицинасы орталығы, мердігерлер мен «Қазгидромет» мамандары қатысты. Алдын алу жұмыстарын жүргізу барысында зардап шеккендер жоқ.

https://www.youtube.com/embed/rB-OCRTiNg0?si=73CTzlGZnOCl0TUc"

Елімізде алаяқтарға алданатын азаматтар саны азаяр емес. Оңай жолмен ақша табуды көздеген қаскөйлер түрлі амал-тәсілдерге баруда. Әсіресе, жасанды интелект көмегі арқылы адамның дауысын салып, жақындарына қоңырау шалып, ақша бопсалайтындар көбейген. Сондықтан, сенат депутаттары, негізінен банктер өз қауіпсіздігін күшейтуі керек деп санайды. 

ГЕНАДИЙ ШИПОВСКИХ ҚР ПАРЛАМЕНТІ СЕНАТЫНЫҢ ДЕПУТАТЫ:
«Еліміздің банктеріне де бірқатар сынымыз бар. Мәселен, қазіргі таңда банктердің барлығы цифрландыру бағытында үлкен қадам жасады. Біз тұтынушылар ретінде көп мүмкіндіктерге ие болғанымыз рас. Десек те алаяқтардың махинациялық операциялары сол банктердің жүйесі арқылы да өтіп жатқаны жасырын емес. Таң қалатын жайт банктер қомақты пайда таба отырып, неге өздерінің киберқауіпсіздігін күшейтпейді, тұтынушыларын неге алаяқтардан қорғай алмайды? Бұл сұрақ тек біздің ғана емес, күллі халықтың көкейінде жүр деп білеміз».

Айта кетейік, 2021 жылы 40 мыңнан аса алаяқтық фактісі тіркеліп, одан 40 мыңға жуық азамат зардап шеккен. Олар 120 млрд теңгелерін жоғалтқан. Ал, былтыр 37 мың азамат алданған. Биыл, небәрі 10 айдың ішінде алаяқтық ісі былтырмен салыстырғанда 15 пайызға азайған. Бірақ, қаржылық шығын артқан. Демек, алаяқтар әр құрбаннан көп ақша өндірудің жолын тапқан.