- Толығырық
- Категория: Алатау ақпараты
- 288 рет қаралды
https://www.youtube.com/embed/ZpRjLlQIeIU?si=sJBmjlnugXwdlivX"
Ақмола облысының диқандары миллиардтаған сомаға шығынға батуымыз мүмкін деп дабыл қағуда. Оған себеп, егістік алқаптарды жабайы киіктер таптап кеткен. Биыл облыс бойынша 19 мыңнан астам киік тіркелді. Олардың санын анықтау үшін жыл сайын көктем уақытында «Охотзоопром» кәсіпорны тікұшақ арқылы есеп жүргізеді. Өңірде киіктерді аулау жұмыстары басталды. Оларды арнайы тормен ұстайды. Оның ұзындығы 2,5 шақырымға дейін жетеді. Жауапты мамандардың айтуынша, жануарды торға түсіру өте қиын.Атуға тыйым салынады. Сондықтан мамандар алдымен торға түсіріп, артынша сояды. Кейін ет комбинатына тапсырылады. Киік етінің бір келісі 4211 теңге. Мүйіздері "Охотзоопром" мемлекеттік кәсіпорнының қоймасында сақталады.
ЕРЖАН САҒЫНАЕВ АҚМОЛА ОБЛЫСТЫҚ ОРМАН ШАРУАШЫЛЫҒЫ ЖӘНЕ ЖАНУАРЛАР ӘЛЕМІ АЙМАҚТЫҚ ИНСПЕКЦИЯСЫНЫҢ ИНСПЕКТОРЫ:
«Қорғалжың ауданының Сабынды ауылында орналасқан «Астана Агро Продукт" серіктестігінің ет өңдейтін комбинаты бар. Биыл еліміз бойынша 2 миллионға жуық киік тіркелді. Оның күрт көбеюіне байланысты тамыздың 16-сы Қазақстан Республикасы Үкіметінің «Киіктердің популяциясын басқару шаралары туралы» қаулысы қабылданды. Қыркүйектің 15-і мен қарашаның 30-на дейін ақбөкендердің саны реттеледі».
- Толығырық
- Категория: Алатау ақпараты
- 300 рет қаралды
https://www.youtube.com/embed/gLqG51EcHkw?si=bTODEfvtKkeJYGVz"
Бақытты отбасын қалай құруға болады? Бұдан былай ел жастары үй болып, тұрмыс құрар алдында арнайы оқудан өтеді. Бұған Мәдениет және ақпарат министрлігі бастамашыл болған. Оған себеп: тұрмыстық зорлық-зомбылықтың артқаны. Статистика көңіл көншітпейді.
АИДА БАЛАЕВА ҚР МӘДЕНИЕТ ЖӘНЕ АҚПАРАТ МИНИСТРІ:
«Статистика көңіл көншітерлік емес. Соңғы 4,5 жылда үйдегі зорлық зомбылықтан 869 адам көз жұмды. Денсаулыққа ауыр зиян келтірудің 2086 фактісі тіркелген. Сондықтан алдын алу шараларын кешенді түрде жүргізу біздің жіті назарымызда».
Ішкі істер министрлігінің дерегінше тұрмыстық қылмысқа баратындардың көбі мас күйде болады. Соңғы үш айда отбасында жанжал шығарып, жазаға тартылғандардың саны 4 есеге өскен. Қамауға алынғандардың саны да 2 есеге артқан. Сондықтан, елімізде бұдан былай бақытты отбасын құрудың негіздері арнайы оқытылатын болады.
АИДА БАЛАЕВА ҚР МӘДЕНИЕТ ЖӘНЕ АҚПАРАТ МИНИСТРІ:
«Профилактикалық жұмыстардың негізі – отбасын саналы түрде құруға мүмкіндік жасау. Осылайша, үйленгісі келетін жастарға бақытты отбасы болудың негіздері түсіндіріледі. «Осыған орай БҰҰ Халық қорымен бірлесіп Астана мен Шымкент қалаларында пилоттық жоба іске қосылды. Онда неке қиюға өтініш білдірген азаматтарға отбасын жоспарлау, психология, репродуктивті денсаулық, ортақ бюджетті жоспарлау және басқа да маңызды мәселелер бойынша тегін кеңес беру, оқыту қарастырылған. Нәтижесі сәтті болса, осы тәжірибені барлық өңірлерге енгізуді қолға аламыз».
ӘЛИХАН СМАЙЫЛОВ ҚР ПРЕМЬЕР-МИНИСТРІ:
«Жалпы отбасылық құндылықтар мен адамгершілік қасиеттерді баланың бойына жастайынан қалыптастырудың маңызы зор. Біздің қоғам отбасылық агрессорларға және осыған ұқсас фактілердің кез келген түріне мүлдем төзбеушілік танытуы тиіс. Зардап шеккендерді, әсіресе балаларды мұндай проблемамен бетпе-бет қалдыруға болмайды».
Айта кету керек, биылдан бастап тұрмыстық зорлық-зомбылық үшін жауапкершілік күшейтілді. Зорлық-зомбылық көргендер үшін Республика бойынша жедел желі мен сенім телефондары тәулік бойы жұмыс істеп тұр.
- Толығырық
- Категория: Алатау ақпараты
- 284 рет қаралды
https://www.youtube.com/embed/JciFUji5wco?si=fguyWcyBbipFvZ6y"
АҚШ өрт сөндіру қызметінің маманы Дэниел Медрано Нью-Мексико штатындағы Санленд-Парктің адамдар аз жүретін аймағына келді. Ол жерден босқындардың денесі табылды.
Соңғы 12 айда патруль Эль-Пасо секторындағы ыстықтан 60 мигрант өлімін тіркеді. Бұл өткен жылмен салыстырғанда үш есе көп.
ДЭНИЕЛ МЕДРАНО – ӨРТ СӨНДІРУШІ:"Бұл біздің күнделікті жұмысымызға айналды. Денесі бір аптадан астам уақыт осында жатқан сияқты. Біз оның бұта жанында жатқанын көріп отырмыз. Бәлкім, адам көлеңкеге тығылуға тырысқан шығар. Тура осындай жағдайды біз қаладан шамамен сегіз шақырым қашықтықта байқадық ".
Белсенділер көп жылдан бері босқындар үшін шөлейт климат қауіпті екенін ескертіп келеді. Адам саудагерлері оларды жиі сусыз тастайды немесе жүк көліктерінің қапырық тіркемелеріне тығып қояды.
ФИДЕЛЬ БАКА – ШЕКАРА ҚЫЗМЕТІНІҢ ӨКІЛІ:"Оларды қатты ыстықта, желдеткішсіз жабық көлікте тасиды. Бұл адамдар ұзақ уақыт су ішпестен, аптап ыстықта бір-біріне қақталып, ауа жетпей қиналып қалады. Бұл сөзсіз қайғылы оқиғаларға әкеледі".
Жыл басынан бері ауданда өлім-жітім саны өткен жылмен салыстырғанда екі есеге көбейіп, рекордтық 148 өлімге жетті. Сектор Чиуауа шөлін, Нью-Мексиканы және Техастың кейбір бөліктерін қамтиды.
РАМИРО РИОС – ӨРТ СӨНДІРУ ҚЫЗМЕТІНІҢ ӨКІЛІ:"Бұл мигранттар Гондурас, Венесуэла, Колумбия сияқты климаты өте ылғалды елдерден келеді. Олар шөлге шығып, бағдарын жоғалтады, жол таба алмайды ".
Нью-Мексико мен Техаста жаз бойы ауа температурасы орташа деңгейден әлдеқайда жоғары болды, ал Эль-Пасода 44 күн қатарынан рекордтық 38 градус температурадан түспеді.
- Толығырық
- Категория: Алатау ақпараты
- 310 рет қаралды
https://www.youtube.com/embed/NiHYWDrNZ7E?si=5ISEuJhHClzEKS5c"
Америкалық инженер Стюарт Тартароне технология тарихында із қалдырған тұлға. Ол 70-ші жылдары AT&T Labs компаниясының алғашқы ұялы телефондарын әзірлеушілердің бірі.
Биыл ұялы телефон арқылы алғашқы коммерциялық қоңырау шалынғанына 40 жыл. Әрине, бұрынғы модель қазір қалтаға салынған ықшам құрылғылардан өте өзгеше болған. Телефондардың құрамдас бөліктері технологиялық прогреске қарай азайып барады. Әуелі олар үйлерден кейін көліктерге қондырылған еді.
СТЮАРТ ТАРТАРОНЕ – ИНЖЕНЕР: "Команда алпысыншы жылдардың соңы мен жетпісінші жылдардың басында қалыптасты. Мен Bell Laboratories-ке 1972 жылы ұялы телефон тек жобада болған кезде келдім. Осы командамен біз барлық техникалық жұмысты жүргіздік және 1983 жылы алғашқы коммерциялық қоңырау соғылды. Бұл алғашқы ұялы телефондардың бірі. Ол бүгін Сіздердің қолдарыңызда ұстап отырғандарыңыздан біршама өзгеше. Себебі, оны көлікке орнатқан. Багажда таратқыш, жоғарыда антенна болған".
AT&T ұялы телефондар мұрағатын 1983 жылдан бері сақтап келеді. Алғашында ауқаттыларға ғана қолжетімді болған гаджеттер кейіннен көпшіліктің күнделікті қолданыстағы құралына айналды. Инженер Тартароненің айтуынша мұндай жетістікті тіс қаққан бизнесмендерде болжай алмаған.
СТЮАРТ ТАРТАРОНЕ – ИНЖЕНЕР: "Әзірлеме аяқталғаннан соң біз мұндай қызмет үшін нарықта орын жоқ деген қорытындыға келдік. Осыған ұқсас зерттеулерді шамамен он жыл өткен соң жүргізген. Дәл сол қорытынды жасалды. Сондықтан ешкім де бүгінгідей жетістікті болжай алмады".
Ұялы байланыс тарихындағы алғашқы қоңырауды 1983 жылы 13-қазанда Дэвид Мейлан жасады. Бұл бақытты жан ол уақытта сақтандыру агенті болып жұмыс істеген. Ол Чикагодағы AT&T жарнама шарасы кезінде ұялы телефонға қоңырау шалған. Автокөлік телефонын бірінші болып сатып алған ол телефон түтігін, магистральдық таратқышты және антеннаны қосқан. Антенна бүкіл қала бойынша AT&T орнатылған бірнеше ұялы байланыс мұнарасына қосылған.
ДЭВИД МЕЙЛАН – АЛҒАШҚЫ ҚОҢЫРАУ ЖАСАҒАН АДАМ: "Менде радиотелефоны бар автокөлік болды. Мен оны бизнеске пайдаландым. Ол жақсы жұмыс істеді, бірақ онымен байланысу өте қымбат болды ".
Ал 1973 жылдың 3 сәуірінде пайда болған ұялы телефон Мартин Купердің өнер табысы. Портативті телефонмен бірінші болып қоңырау щалған да өзі. Ол өз командасы Motorola компаниясында бес ай бұрын жасалған ұялы телефонды қолданған.
- Толығырық
- Категория: Алатау ақпараты
- 270 рет қаралды
https://www.youtube.com/embed/ywDAruo7u98?si=SVX8ZMsNHa4LGJrA"
- Толығырық
- Категория: Алатау ақпараты
- 297 рет қаралды
https://www.youtube.com/embed/_n-KCH6vK0c?si=NdsBXgmOCf_YGeLj"
Бүгінде Алматыда Тілендиев көшесі бойымен Абай даңғылынан Төле би көшесіне дейін жолақтарды сызу жұмыстары жүргізілуде. Эксперименттік тәртіпте бұл учаскеде жердегі реттелмейтін жаяу жүргіншілер өткелдерінің алдындағы апатты жағдайларды болдырмау үшін зигзаг таңбасы қолданылды. Бұл жолақ ҚР Жол қозғалысы ережелерінде көрсетілмеген.
Айтулы белгілер көлік жүргізушілердің жаяу жүргіншілер өткеліне жақындап келе жатқанын білдіру үшін қолданылады.Сонымен қатар, мұндай сары жолақ бұл учаскеде басып озуға, кері жүруге, осы аймақта қайта бұрылуға болмайтыны туралы қосымша дабыл ретінде қызмет етеді. Көрсетілген эксперимент оң нәтиже берген жағдайда реттелмейтін жаяу жүргіншілер өткелдері ауданында зигзаг таңбасын қолдану бойынша жұмыстар жалғастырылатын болады.
Ең танымал зигзаг таңбасы 1970-ші жылдардан бастап, алдымен Ұлыбританияда, содан кейін басқа елдерде қолданыла бастады. Жолдардағы ерекше жолақтар басқа жол белгілеріне қарағанда тиімді болып шықты және жаяу жүргіншілер мен көлік иелерінің қауіпсіздігін арттыруға көмектесті.
- Толығырық
- Категория: Алатау ақпараты
- 282 рет қаралды
https://www.youtube.com/embed/f4je7G_Lde8?si=SpvbHT1nNIY0VjK9"
Ақмола облысы бойынша 130 тұрмыстық қалдық полигоны бар. Олардың жартсынан көбі заңды түрде тіркелмеген. Ал, Көкшетау қаласында бірде бір заңдастырылған тұрмыстық қалдық полигоны жоқ. Яғни, барлығы заңсыз пайда болған қоқыс орындары. Заңсыз полигондардың бірі жойылса, іле-шала екіншісі пайда болып жатады.Сондықтан, заңға қайшы әрекет етіп жүрген азаматтарды жауапқа тарту қажет. Облыс басшылығы сала мамандарына осындай тапсырма жүктеп отыр.
Аудандар мен қалалардың ішкі, сыртқы тазалығына жергілікті атқарушы орган жауапты. Облыстық экология департаментінің басшысы Қадырхан Бейсенбаевтың мәлімдеуінше, биыл жергілікті әкімдіктер тарапынан бұл жұмыстар тым әлсіз жүргізілуде. Мәселен, Целиноград ауданында 211 стихиялық қоқыс үйіндісінің 64і жойылған. Ал, Көкшетауда 96 қоқыс үйіндісінің 48-і ғана жойылыпты. Басқа аудандарда да жағдай осындай.
ҚАДЫРХАН БЕЙСЕНБАЕВ АҚМОЛА ОБЛЫСТЫҚ ЭКОЛОГИЯ ДЕПАРТАМЕНТІНІҢ БАСШЫСЫ: «Осыған орай тиісті деңгейде жұмыстар жүргізбегені үшін 2023 жылы екі лауазымды тұлға, оның ішінде Аршалы ауданы тұрғын үй коммуналдық шаруашылық бөлімінің басшысы және Целиноград ауданы әкімінің орынбасары, 3 – заңды тұлға, 3– жеке тұлға әкімшілік жауапкершілікке тартылған болатын. Ақмола облысының аумағында 130 жер учаскесіне қатты тұрмыстық қалдықтар полигонын орналастыру үшін жер актісі берілген, оның ішінде 24 қатты тұрмыстық қалдықтар полигонында рұқсаттама құжаттары бар. Облыс аумағында полигондар санының аз болуы өз кезегінде заңсыз қоқыс үйінділерінің қалыптасуына әкеп соғуда».
Қоқыс орындары заңсыз пайда болмауы үшін полигондар салып, сұрыптау зауытын салу керек,-дейді сала мамандары. Биыл өңірдегі тазалықты сақтау үшін жергілікті бюджеттен 560 млн.теңге қаражат бөлінді. Сонымен бірге Қосшыдағы қоқыс орындарын жою үшін облыстық бюджеттен 17 млн теңге бағытталған. Алайда, баяғы жартас сол жартас. Тұрғындар тарапынан шағымдар толастар емес.
ДАНИЯР ҚУАНЫШБАЕВ АҚМОЛА ОБЛЫСТЫҚ ЭНЕРГЕТИКА ЖӘНЕ ТҰРҒЫН-ҮЙ КОММУНАЛДЫҚ ШАРУАШЫЛЫҒЫ БАСҚАРМАСЫНЫҢ БАСШЫСЫ: «Жыл өткен сайын Аршалы және Целиноград аудандары әкімдіктерінің қоқыстарды жоюға қатысты жүргізіп жатқан жұмыстары әлсіреп барады. Осы аудандардың және Қосшы қаласының тұрғындары стихиялық қалдықтардың жылдамп әрі көп мөлшерде жиналуына жиі шағымданатын болды. Соңғы кездері Бұланды, Ерейментау аудандарынан да шағымдар түсіп жатыр».
2020 жылы табиғи ресурстар және табиғатты пайдалануды реттеу басқармасы облыс әкімдігінің қолдауымен 8 ауданда тұрмыстық қалдық полигондарын салу жобасын қолға алған. Бірақ, кей аудандарда әлі жобалық-сметалық құжаттама әзірленіп жатса, кей аудандар қоқыс төгуге лайық жерді іздеу үстінде.
- Толығырық
- Категория: Алатау ақпараты
- 266 рет қаралды
https://www.youtube.com/embed/4pz0f0akfXs?si=8GabTssT_HYeiwEY"
Хамас тобының шабуылынан кейін Израиль оларға соғыс жариялап, 360 мыңға жуық резервші шақырды. Израильдіктер тез қамданып, елдегілер лезде соғысқа аттанды. Сыртта жүргендері үйлеріне қайту үшін әуе рейстерін табуға тырысуда.
Израиль үшін бұл 1973 жылғы Кеме күні соғысынан бергі ең ірі жұмылдыру. Көптеген шетелдік әуе компаниялары Тель-Авивке ұшуды тоқтатқан кезде, Израиль әуе жолдары, керісінше, бәріне қайтуға мүмкіндік беру үшін рейстер қосты. Әскери ұшақтар Еуропаның кейбір қалаларына сарбаздарды алып кету үшін ұшады.
НИМРОН НЕДАН – 23 ЖАСАР ИЗРАИЛЬДІК РЕЗЕРВШІ:
"Мен мұнда отырып, достарым соғысып жатқанда медицинаны үйрене алмаймын. Менің уақытым келді. Енді бұл менің жауапкершілігім".
Йонатан тек биыл ғана қызмет етуді аяқтады, бұл оны резервтегі мерзімді қызметтен босатады. Хамас шабуыл бастағанда ол Үндістанда болған.
ЙОНАТАН БУНЦЕЛЬ – ИЗРАИЛЬ ТҰРҒЫНЫ: "Мен" Голани "бөлімшесінде қызмет еттім, қаза тапқан сарбаздардың көбі менің бөлімшемнен, мен оларды жеке өзім білемін. Алғашында шошынып қалдым, не істерімді білмедім. Бірнеше сағаттан кейін өз-өзіме келген соң, мен елге оралып, елімді құтқарып, халқыма көмектесіп, өз үлесімді қосу керектігін түсіндім".
Израиль әскерлері Ливанмен шекарада жауынгерлік дайындықта қалуда. Соғысқа Иран кіруі мүмкін деген қауіп бар. Газада жарылыстар жалғасуда. Израиль тұрғын үй ғимараттарында орналасатын Хамас объектілеріне зымыран шабуылдарын жасайды. Анклавта 1500-ден астам адам, ал Израиль тарапынан - 1300-ге жуық адам қаза тапты. Олардың басым көпшілігі содырлар шабуыл жасаған шекаралас кибуц тұрғындары, сондай-ақ шабуылдың алғашқы құрбандары болған ашық аспан астындағы музыкалық фестивальға келушілер.
- Толығырық
- Категория: Алатау ақпараты
- 284 рет қаралды
https://www.youtube.com/embed/CsH6ziphnBg?si=z-Mn7zIgNPPTonuy"
Бұдан былай тұрмыстық зорлық-зомбылық жасағандарға қатысты жаза да тексеріс те күшейеді. Мұндай қылмысқа барғандар баспана құқығынан айырылуы мүмкін. Бұл туралы бүгін Ішкі істер министрлігінде өткен брифингте Әкімшілік полиция комитетінің басқарма басшысы Руслан Қаржаспеков айтты.
РУСЛАН ҚАРЖАСПЕКОВ ҚР ІІМ ӘПК БАСҚАРМА БАСТЫҒЫ: «Заңға мынадай өзгерістер енгізу ұсынылып отыр. Тұрмыстық зорлық-зомбылық жасағандар қоғамдық жұмысқа тартылады. Сондай-ақ, олар психокоррекциялық тренингтерден міндетті түрде өтуі керек болады. Агрессорды баспанасынан айыру, алкогольді өнімдерді тұтынуға тыйым салу сынды өзгерістер бар. Полиция жұмысының сервистік моделіне көшу аясында қауіпті отбасылық агрессорларды анықтау және әлеуметтендіруге қатысты жұмыстар жүргізіліп жатыр және алдағы уақытта да бұл жұмыс жалғасын табатын болады».
Бүгінде материалдық немесе өзге де тәуелділіктегі адамдарға дене жарақаты фактілері бойынша 49 сотқа дейінгі тергеп-тексеру басталыпты. Ал, сот шешімі бойынша 6 мың құқық бұзушы қамауға алынған. Айтпақшы, бүгіннен бастап алғаш рет еліміз бойынша зорлық-зомбылық пен буллинг құрбандары үшін сенім телефоны іске қосылды. Жәбір көргендер «111 – Аманат» байланыс орталығына хабарласа алады. Қоңырау шалу тегін.
- Толығырық
- Категория: Алатау ақпараты
- 297 рет қаралды
https://www.youtube.com/embed/omEDvR_6Rq4?si=C1HSc4v8jEy8TzPt"
БҚО-да білдей бір жоғары оқу орнының ғылыми қызметкерлері үстінен қылмыстық іс қозғалды. Жәңгір хан атындағы аграрлық-техникалық университетте ғалымдар 55 миллион теңге ақшаны ұрлады деп айыпталып отыр. Олар бұл қаражатқа зерттеу жұмыстарын жүргізуі тиіс болған. Бірақ жалған акті жасау арқылы қыруар соманы қалтасына басқан. Ғылыми қызметкерлердің қылмысы тексеріс барысында әшкере болып отыр.
ДАРХАН ДҮЙСЕМБАЙ ҚР БАС ПРОКУРАТУРАСЫНЫҢ РЕСМИ ӨКІЛІ: «Батыс Қазақстан облысының прокуратурасы Жәңгір хан атындағы аграрлық-техникалық университетінің ғылыми қызметкерлерімен қаражат жымқыру фактісі бойынша сотқа дейінгі тергеп-тексеру басталды. Анықталғанындай, Ғылым және жоғарғы білім министрлігі аса қауіпті аурулардың таралуы тақырыбында ғылыми зерттеулер жүргізу үшін аталған университетке 55 млн. теңге бөлген. Зерттеу нәтижелері халықаралық конференцияларда талқыланып, содан кейін патенттелуі керек еді. Алайда университет ғылыми зерттеу жұмыстарын формальды жүргізген және патент алмаған. Бұған қарамастан атқарылған жұмыстар туралы жалған акті жасалып, бөлінген қаражат ұрланған. Прокуратураның тапсырмасы бойынша қылмыстық істі Экономикалық тергеп-тексеру департаменті тергеуде».
- Толығырық
- Категория: Алатау ақпараты
- 274 рет қаралды
https://www.youtube.com/embed/0jfVIhUJ6ig?si=LU_KqaWgAsNbK7H9"
Бүгін Алматы қаласының Өңірлік коммуникациялар қызметінің алаңында 2023 жылғы Азия ойындарының жүлдегерлерінің қатысуымен баспасөз-конференциясы өтті. Кездесуде спортшылар жарыста алған әсерлерімен бөлісті.
Еліміздің құрамасы Қытайдың Ханчжоу қаласында өткен ХІХ Азия ойындарынан оралды. Бүгінгі кездесуде грек-рим күресі, спорттық гимнастика, оқ ату, жағадай волейболы, су добы сынды Азия ойындарының жүлдегерлері қатысты. Жүлдегерлер журналисттердің қойған сауалдарына жауап беріп, өз ойларымен бөлісті.
ДЕНИС РОВКИН ЖАҒАЖАЙ ВОЛЕЙБОЛЫНАН ҚАЗАҚСТАН ҚҰРАМАСЫНЫҢ БАС БАПКЕРІ:«Азиядадағы турнир біз үшін ақтық ойын болды. Жағажай волейбол ойынын жақсы нәтижемен аяқтағанымызға қуаныштымыз. Қола жүлде бұл спорт түрі үшін өте үлкен жетістік. Енді, алдағы уақытта елімізде болатын олимпиада ойындарының екінші кезеңіне дайындықты бастаймыз. Бұл біздің еліміз үшін үлкен оқиға болмақ. Себебі, Қазақстанда бұрын-соңды бұндай турнир өтпеді».
Ел намысын қорғауға кеткен әрбір спортшымыз барлық қиындықтарға төтеп беріп, отанына жеңіспен оралды. Спортшыларымыз Азия ойындарының қорытындысы бойынша ұлттық құрама әртүрлі номинациядағы 80 медальға ие болды. Ел қоржынында 10 алтын, 22 күміс, 48 қола жүлде бар. Сонымен қатар, қатысушылар неліктен осы жылы еліміз 11 орынға түсіп қалғаны жөнінде де пікір білдіре кетті.
АЗАТ ТҰЯҚБАЙҰЛЫ ГРЕК-РИМ КҮРЕСІНЕН 2023 ЖЫЛҒЫ АЗИЯ ОЙЫНДАРЫНЫҢ ҚОЛА ЖҮЛДЕГЕРІ: «Біздің команда 1 жыл бойы жарыстарға шығып, өте жақсы дайындалды. Барлық жағдайға дайын болдық. Біреуге бақ шаба ма, бап шаба ма деген сөз бар ғой. Менің ойымша, кейбір қатысушыларға сәттілік жетіспеді. Біз өзімізбен біраз жұмыс жасап, алған жарақатымызды емдеп, ары қарай жарысқа шыға береміз. Ал, басқа спортшыларға мүмкін мотивация, спонсор немесе алдыға қадам жасау жетіспеді».
Сөз соңында бас бапкер Денис Ровкин елімізге жақсы спорт залдар жетіспейтінін тілге тиек етті.
ДЕНИС РОВКИН ЖАҒАЖАЙ ВОЛЕЙБОЛЫНАН ҚАЗАҚСТАН ҚҰРАМАСЫНЫҢ БАС БАПКЕРІ: «Біздің ең үлкен және ащы проблемамыз – жаттығу орнының жетіспеуі. Жылына 6-7 ай біз жағажай волейбол ойындарына жаттыға алмаймыз. Себебі, бізде құмды дайындық залдар жоқ. Бұрын бізді жарысқа дайындалу үшін жылы ауа-райлы шетелдерге жіберетін. Қазір, финанс жағдайы ақсап тұрғандықтан, ондай мүмкіндіктер жоқ. Сондықтан, осы Алматы қаласынан құмды дайындық залдарын соғып берсе дейміз».
Спортшылар жарыста әртүрлі ауа-райының қиындықтарына қарамастан ел намысы үшін аянбай күш салған. Басты мақсат – елге жүлделі орынмен оралу. Ендігі кезекте алған жарақаттарын емдеп, біраз уақытта алдағы болатын ойындарға қызу дайындықтарын бастамақ.
АЗАТ ТҰЯҚБАЙҰЛЫ ГРЕК-РИМ КҮРЕСІНЕН 2023 ЖЫЛҒЫ АЗИЯ ОЙЫНДАРЫНЫҢ ҚОЛА ЖҮЛДЕГЕРІ: «25 қазан – Қазақстан тарихындағы маңызды күндердің бірі. Республика күніне орай, еліміздің көк байрағы әрдайым бейбіт аспан астында желбіреп, әлемге таныла берсін!»
- Толығырық
- Категория: Алатау ақпараты
- 284 рет қаралды
https://www.youtube.com/embed/jWeU3OllqRg?si=wsFaMFfgP8t3HKrS"
Ауғанстанда тағыда жер сілкінісі. Бұл соңғы сегіз күндегі зіл-заланың жетінші рет қайталануы.Ол 6,5 магнитудалы болды. Герат провинциясының билігі бір адамның қаза тапқанын және 35 зардап шегуші бар екендігін хабарлайды.
ЗАРДАП ШЕГУШІ: "Жер сілкінісі болған кезде мен сыртта едім және не болып жатқанын білмедім. Ол аяқталған соң үйге кіріп, қыздарымның құлаған қабырға астында қалғанын көрдім. Тағы бір қызымның қолы сынды".
Табиғи апаттарға қарсы күрес министрлігінің мәліметінше, Ауғанстандағы жер сілкінісінің салдарынан қаза тапқандардың саны 2400-ден асқан. Алайда Денсаулық сақтау министрлігі басқа санды келтіруде. Олардың мәліметінше құрбандар саны мыңға жуық, 2000 адам зардап шеккен.
ФИЛИПП КРОПФ – АУҒАНСТАНДАҒЫ ҰҚЖ ӨКІЛІ: "Зіл-зала ондаған ауылға әсер етті. Кейбіреулері толығымен қираған. Аман қалғандар бәрінен айырылды. Олардың ішерге асы, басында бастамасы жоқ".
Гераттың көптеген тұрғындары жаңа жер сілкіністерінен қорқып, шатырларда өмір сүруде.
ГЕРАТ ТҰРҒЫНЫ:«Бірінші жер сілкінісінен кейін-ақ далада қалдық. Үйіміз өте нащар салынған екен».
Соңғы екі жылда Ауғанстандағы билікте Ресей мен басқа елдерде тыйым салынған топ - «Талибан» тұр. Соғыстан кейін әбден құлдыраған ел ұзақ жылдар бойы халықаралық гуманитарлық көмекке тәуелді болды. Билікті талибандар басып алған кезде бұл көмекті едәуір қысқартты.
Тағы басқа мақалалар...
155 ішінен 187 беті
Alatau News, Copyright 2023, All Rights Reserved.