- Толығырық
- Категория: Алатау ақпараты
- 498 рет қаралды
https://www.youtube.com/embed/ewM-6uFq_pQ?si=C9n6PgRnomfm-b5J"
Алматы қаласындағы №164 мектепте қарттар арасында шахматтан жарыс өтті. 1 қазан күні бастау алған іс-шара аясында қариялар жеңіл атлетикадан, бильярдтан бақтарын сынаған еді.
Он шақты жылдан бері үрдіске айналып келе жатқан шара бүгін шахмат ойынымен жалғасып отыр. Алдағы күндері үстел теннисінен,дойбы,тоғызқұмалақ ойындары бойынша жарыс өткізу жоспарланып отыр. Қазына кеуде қарияларға құрмет есебінде өткізіліп отырған шара ай бойы жалғасын таппақ.
ТАУБАЛДЫ САҒАТУЛЛА АЛАТАУ АУДАНДЫҚ АРДАГЕРЛЕР КЕҢЕСІНІҢ ТӨРАҒАСЫ: «Ең соңында 30 қазан күні өнер жарысы болады. Бізде бастауыш ардагерлер ұйымы 35. соның ішінде 20 ұйым қатысады жылда. Қандай жарыс өткізсекте артынан сол қатысқан кісілерге дастархан жайып,шәйімізді береміз. Ол енді құрмет».
Қажырлы еңбек етіп,халқымыздың болашағы үшін тер төккен қарттарымызды мектеп әкімшілігі де құттықтап,өз тараптарынан сый құрмет көрсетті.
БАҚЫТГҮЛ ҚҰСАЙЫНОВА №164 МЕКТЕП ДИРЕКТОРЫ: «Алдыңғы ата-апаларымыздың төл мерекесі. Осы айтулы мерекелеріңізбен құттықтаймын. Денсаулықтарыңыз мықты болып балалар мен немерелеріңіздің қызығын көріңіздер. Қариясын құрметтеген елдің қашанда абыройы биік,мерейі үстем болары анық».
- Толығырық
- Категория: Алатау ақпараты
- 287 рет қаралды
https://www.youtube.com/embed/ZmgfnZkpM9Q?si=XYoshlA6BxmZzJnL"
Мектепте хиджаб киіп жүрген бірде-бір оқушы жоқ. Бүгінгі таңда мектеп формасына қатысты мәселе толық шешімін тапты. Бұл туралы бүгін Үкіметте өткен жиында оқу-ағарту министрі Ғани Бейсембаев айтты.
Айта кетейік, жаңа оқу жылының басында Атырау облысында 150-ге жуық оқушы хиджаб пен мектеп формасына байланысты мектепке бармай дау шыққан еді. Министрлік өкілдері оқушылардың ата-аналарына түсіндірме жұмыстарын жүргізген. Жағдайды ата-аналар түсініп, қабылдады.
Қазіргі таңда мұндай сұрақтар жоқ, – деп жауап берді Ғани Бейсембаев.
- Толығырық
- Категория: Алатау ақпараты
- 281 рет қаралды
https://www.youtube.com/embed/CcqiyprLo7w?si=bWy_KJtAZEkIjUlR"
Ауғанстандағы жер сілкінісінен 2400-ден астам адам қаза тауып, 9000-нан астам адам жарақат алды. Биліктің мәліметінше, сағат санап құрбандар көбейіп барады.
Ауғанстандағы табиғи апат елдің батысында орын алды. Жер сілкінісінің эпицентрі Герат қаласынан шамамен 40 шақырым қашықтықта орналасқан. Магнитудасы 6,3 балды құрады. Жер сілкінісі салдарынан 1300-ден астам үй қирап, бүлінген. 12 ауыл жер бетінен толықтай жойылған. Іздеу-құтқару операциялары жалғасуда. Үйінділерді тазартуға тұрғындардың өздері де кіріскен. Олардың айтуынша, әрбір отбасында қаза тапқандар немесе зардап шеккендер бар.
ГЕРАТ ТҰРҒЫНЫ «Менің туған-туыстарым, соның ішінде ұлым қаза тапты. Тағы бір ұлым зардап шекті. Көптеген адамдар үйінділердің астында қалады»
ГЕРАТ ТҰРҒЫНЫ «Мен анам, қызым және ұлымды таппай жүрмін. Олардың не тірі, не өлі екенін білмеймін».
ГЕРАТ ПРОВИНЦИЯСЫНЫҢ ТҰРҒЫНЫ «Бұл жер сілкінісі бізге көптеген қиындықтар әкелді. Мен отбасының екі мүшесінен: әпкем мен ұлымнан айырылдым».
ГЕРАТ ПРОВИНЦИЯСЫНЫҢ ТҰРҒЫНЫ «Менің он үш туысым зардап шекті, оларға шұғыл көмек қажет. Мұнда не болып жатқанын көріп отырсыздар. Қаза тапқандар көп, кейбір отбасы түгелімен ажал құшты».
Табиғи апатқа дейін Ауғанстанда гуманитарлық дағдарыс болған. «Балаларды құтқарамыз» қайырымдылық ұйымы жағдайдың одан да нашарлағанын мәлімдеді.Жүздеген балалар мен әйелдер үй-күйсіз қалды. Оларға баспана мен тамақ қажет.
АРШАД МАЛИК - «БАЛАЛАРДЫ ҚҰТҚАРАМЫЗ» ҰЙЫМЫНЫҢ ҚЫЗМЕТКЕРІ «Инфрақұрылымның басым бөлігі бұзылғандықтан жақын болашақта су, азық-түлік, медициналық қызметтер мен білім беру мәселесінің жағдайы қиын болады деп алаңдаймыз».
Бұл жер сілкінісі Ауғанстан үшін соңғы 25 жылдағы өлім-жітімді көбейткен ауыр соққы болды.
- Толығырық
- Категория: Алатау ақпараты
- 376 рет қаралды
https://www.youtube.com/embed/gIlRr41675o?si=E-kYkynNhnqc9tAK"
Ақтауда теңіз жағалауының бойында егеу құйрық қаптап кетті. Әкімдік кезек күттірмейтін мәселеге қатысты шұғыл түрде конкурс өткізіп, жеңімпаз мекемені анықтап, тәжірибелі мамандар улау жұмыстарына кірісті.
Мұндай улау жұмыстары соңғы рет10 жыл бұрын жүргізілген. Ірі жәндіктер бұрын-соңды көзге көп түспеген. Дабыл қаққан тұрғындар кейінгі уақытта көпшілік демалатын орында кеміргіштердің қаптап кеткенін айтады. Олар, егеуқұйрықтар әр түрлі аурулар таратама деп қорқады. Тұрғындардың шағымынан соң әкімдік теңіз жағалауын дератизациялауға кірісті.
БАХТИЯР МАҚСАТОВ ТҰРҒЫН-ҮЙ КОММУНАЛДЫҚ ШАРУАШЫЛЫҚ БӨЛІМІНІҢ СЕКТОР МЕҢГЕРУШІСІ: «Бұған дейін егеуқұрықтардың бары анықталған жоқ. Тұрғындардың шағымдарынан кейін осы жылы анықталып тұр. Көбінесе өздеріңізге белгілі 16 және 17 жаңа шағын аудандарда пайда болғаны анықталды. Бұл жағдайда өте шұғыл арада шешім қабылдау керек болды. Сол себепті, комерциялық ұсынысқа сәйкес біздер мекемелердің бағаларын салыстырып, ең төменгі баға берген мекемемен бір көзден келісім-шарт жасап, осындай шешім қабылдадық. Жалпы соммасы 7 млн 200 мың теңге».
Жаппай улау жұмысы 15-ші шағын аудандағы теңіз жағалауынан бастап, Өмірзақ елдімекеніне дейін жүргізіледі. Аталмыш шаруа айдың соңына дейін жалғасады. Кеміргіштерге тасталған дәрілердің адамдарға зияны жоқ. Ал үй жануарлары оның иісінен сескеніп, жақындамайды.
ОЛЬГА СМИРНОВА «МЕДИК-ГИГИЕНИСТ» КООПЕРАТИВІНІҢ ДИРЕКТОРЫ: «Барлық теңіз жағалауын улау үшін 600 келідей дәрі керек. Олар жақын арада келеді. Егеуқұрықтар умен қоректенгеннен кейін іші кеуіп өледі. Ал өлекселерді 3 күн өткен соң жинап алып, залалсыздандыптеп, барлығын алып қойдық. Қосымша 16-шы, 17-ші шағын аудандарға да дератизациялау жұмыстарын жасауға қосымша дәріге тапсырыс берді».
Мамандар егеуқұйрықтың тұқымын түгелі дерлік жоя алмайтындарын айтты. Есесіне санын азайтуға мүмкіндік бар екен. Залалсыздандырып жүргендер қала тұрғындары мен қонақтарына тамақ қалдықтарын жағалауға емес, тиісті қоқыс тастау орындарына апарып төксе екен деген өтінішпен шектелді. Егеуқұрықтың көбеюіне бірден-бір себеп сол екенін айтады.
- Толығырық
- Категория: Алатау ақпараты
- 301 рет қаралды
https://www.youtube.com/embed/gY0tvwwMmZw?si=1sI61IK1hFZkHMr-"
Ақмола облысында жұмбақ жағдайда көз жұмған студенттің өліміне қатысты Мемлекет басшысы ішкі істер министріне тапсырма берді. Кінәлілер заң талаптарына сай жауапқа тартылуы керек. Президент бұл мәселені ерекше бақылауға алды.
Еске сала кетейік, 6 қазанға қараған түні Щучинскідегі теміржол бойында жоғары техникалық колледжінің 4-курс студенті Роман Бодаговтың өлі денесі Бурабай курорты мен Кенесары арасындағы учаскеде теміржол бойында табылған. Қайғылы оқиғаға байланысты Көкшетау станциясындағы желілік полиция бөлімшесінде Қазақстан Республикасы Қылмыстық кодексінің 344-бабы 2-бөлігі "Абайсызда адам өліміне әкеп соққан жол қозғалысы немесе теміржол көлігін пайдалану қауіпсіздігі ережелерін бұзу" бойынша соталды тергеу басталды. Сондай-ақ, мемлекет басшысының студенттің өлімін жан-жақты тергеу бойынша берілген тапсырмасымен жедел-тергеу тобы құрылып, оқиға орнына шықты.
МҰХТАР ҚОЖАЕВ ҚР ІІМ ТЕРГЕУ ДЕПАРТАМЕНТІ БАСТЫҒЫНЫҢ МІНДЕТІН АТҚАРУШЫ “Болған оқиғаның барлық мән-жайын анықтауға бағытталған қажетті тергеу әрекеттері жүргізіліп жатыр. Алдын-ала тергеу нәтижелері бойынша құқықтық баға берілетін болады. Тергеу барысы ішкі істер министрлігінің ерекше бақылауында.”
- Толығырық
- Категория: Алатау ақпараты
- 278 рет қаралды
https://www.youtube.com/embed/bxbLJwUfnf0?si=LgUULkS2Z66kjVs4"
Бүгін Мемлекет басшысы Қызылорда облысына барды. Сапар барысында Президент Сырдария ауданының Нағи Ілиясов ауылында болды. Бұдан бөлек, Қасым-Жомарт Тоқаев Қызылорда қаласында салынып жатқан жаңа әуежай терминалымен танысып, бірқатар нысанды аралап көреді.
Мемлекет басшысы Қасым-Жомарт Тоқаевтың Қызылорда облысына сапары Сырдария ауданы Нағи Ілиясов ауылының тыныс-тіршілігімен танысудан басталды.
Қазақстанның Еңбек Ері, «Абзал және К» толық серіктестігінің негізін қалаушы Абзал Ералиев Президентке кәсіпорынның табысты қызмет етіп, өңір бойынша ауыл шаруашылығы саласындағы жетекші мекемеге айналғанын жеткізді. Сонымен қатар өнімді еңбектің арқасында туған өлкенің дамуына тұрақты қолдау көрсетіп келе жатқанын айтты.
Президент «Абзал және К» шаруашылығының демеушілігімен салынған ауылдың орталық алаңын, спорт кешенін аралап көрді. Спорт кешенінде жергілікті халық футбол, волейбол, үстел теннисі және күрес түрлерімен емін-еркін шұғылдана алады. Мемлекет басшысы спорт кешенінде жеткіншектермен әңгімелесті.
Сондай – ақ Президент былтыр бой көтерген «Еңбек аллеясында» еңбек адамдарымен жүздесті. Мемлекет басшысы Қызылорда облысының дамуына баса мән беретінін атап өтті. Сондай-ақ күрделі геосаяси ахуал кезеңінде Қазақстанның өркендеуі жолында елімізді бірлік танытып, еңбек етуге шақырды.
ҚАСЫМ – ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ “Шын мәнінде, еңбек адамдары халқымыз үшін ең қажет азаматтар. Ең алдымен, біз еңбек адамдарына құрмет көрсетуіміз керек. Сіздер осы ақ күріштің атасы – Ыбырай Жақаевтың жолын жалғап жүрсіздер. Сондықтан мен сіздерді қолдаймын.”
Сондай-ақ жүздесуде «Ақмая» шаруа қожалығының бригадирі Гүлсім Дәрібаева өзінің еңбек жолы туралы мәлім етті.
ГҮЛСІМ ДӘРІБАЕВА БРИГАДИР “Шиелі ауданы Ақмая ауылындағы «Ақмая» шаруа қожалығында 40 жылдан бері ауыл шаруашылығы саласында еңбек етемін. Еңбек жолымды қарапайым қол жұмысымен бастап, кейін трактор, комбайн айдадым, агроном-есепші болдым. Қазіргі таңда күріш бригадасында бригадир болып жұмыс істеймін. Дала академигі Ыбырай Жақаев атамыз «Еңбектің көзін тапқан, байлықтың өзін табады» деген екен. Міне, сол еңбектің арқасында талай жетістіктерге жеттім.”
«Шаған жер» ЖШС механизаторы Айбек Уәлиев ауылда еңбек етудің артықшылықтарын айтып өтті.
ҚАСЫМ – ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ “Мен әр уақытта да жастар туралы айтып келемін. Жастарымыз – еліміздің болашағы. Жастарымыз еңбекқор, ұқыпты, отансүйгіш болуы керек. Жастарымыз өте жақсы. Сен сияқты жастарымызды әрқашан да қолдаймын. Ауылда (Сырдария ауданы Нағи Ілиясов ауылы) өмір сүруге, жұмыс істеуге жағдай жасалған екен. Осындай ауылдарды көбейтуміз керек. Шамамыз бар, қаражат жетеді. Қалталы азаматтарға, кәсіпкерлерге ауылдарға көмектесу қажеттігін қайта-қайта айтып жатырмын.”
Сапар барысында Мемлекет басшысы Қасым-Жомарт Тоқаев «Қорқыт ата» әуежайының жаңа терминалымен танысты. Облыс әкімі Нұрлыбек Нәлібаев Президентке жаңа жолаушылар терминалының құрылысы жөнінде баяндады.
Сонымен бірге, Мемлекет басшысы Қасым-Жомарт Тоқаевқа Қызылорда қаласының жаңа жылу электр орталығының жобасы таныстырылды.
- Толығырық
- Категория: Алатау ақпараты
- 278 рет қаралды
https://www.youtube.com/embed/XT_zKsmmjS8?si=MCEKo_XonvXRx89p"
- Толығырық
- Категория: Алатау ақпараты
- 306 рет қаралды
https://www.youtube.com/embed/hW0Kjjk0N1w?si=9gS15vYrEwv3wnYf"
Иісі мұсылман қауымы үшін қасиетті Мәуліт мерекесі биыл 26-27 қыркүйекке сәйкес келді. Мәуліт айының басталуына орай Алматы облысы,Жамбыл ауданындағы Болыс Сәт Ниязбекұлы мешітінде адамзаттың асылы болған пайғамбарымызға арналып ас беріліп,мәуліт жыры оқылып,салауат айтылды.
Мәуліт айы Мұхаммед пайғамбарымыздың дүниеге келген айы. Діни мерекелер күнтізбесіне сәйкес, оның туған күні биыл 26-27 қыркүйекпен тұспа-тұс келіп отыр. Ислам діні бойынша, бұл мерекенің маңызы Мұхаммед пайғамбардың өмірін насихаттау, жастарды имандылыққа, адамгершілікке және жақсылыққа тәрбиелеуге негізделеді. Осыған орай 4 бағыт бойынша жұмыс атқарып жатырмыз дейді Сәт мешітінің бас имамы.
СЕЙІТҚАЛИ ҚАЖЫ ЫБЫТАЕВ СӘТ МЕШІТІНІҢ БАС ИМАМЫ: «Бізде 4 бағыт бойынша жұмыс жүргізіледі.Кез келген билік ауылдан бастап Президентке дейін халықтың мұң мұқтажын, мәдени парасатты түрде жеткізу. Көшеге шығып аттандап кеуде соғу емес.Әдет -ғұрып,салт-дәстүрімізді қалыптастыру.Тілді тұғырға тұрғызу. Артымыздағы үрім -бұтаққа үлгі болып,патриоттыққа тәрбиелеу».
«Мәуліт айы» – Алла елшісінің (оған Алланың салауаты мен сәлемі болсын) өнегелі өмірін, сауапқа толы сүннет амалдарын халыққа насихаттаудың, дініміздің асыл құндылықтарын дәріптеудің таптырмас мүмкіндігі. Осы күні пайғамбарымыздың рухына құран бағышталды.
Сәт мешітінің бас имамы Серік қажы ақсақал әлеуметтік желі арқылы халқыма үнемі жақсы дұға тілек тілеп жүрем дейді. Бұл күні де ақ батасын барша қазақ еліне төрткүл теледидар арқылы жолдады.
СЕЙІТҚАЛИ ҚАЖЫ ЫБЫТАЕВ СӘТ МЕШІТІНІҢ БАС ИМАМЫ
- Толығырық
- Категория: Алатау ақпараты
- 263 рет қаралды
https://www.youtube.com/embed/GpTbLMCTilo?si=LF78B81VZPMq0IJ_"
Ертең «Эйр Астана» қазақстандықтарды отанына қауіпсіз жеткізу үшін Тель-Авивтен рейс жасамақ. Тель-Авивтен Алматыға ұшатын рейс 10 қазанға жергілікті уақыт бойынша сағат 12:50-ге жоспарланған.
АДЕЛЬ ДАУЛЕТБЕК «AIR ASTANA» ӘУЕ-КОМПАНИЯСЫ САТУ ЖӘНЕ МАРКЕТИНГІНІҢ ВИЦЕ-ПРЕЗИДЕНТІ: “Израильдағы елшілікпен хабарда отырмыз. Қазақстандықтардың санын күтудеміз. Қазіргі уақытта 125 адам бар деген ақпарат бар. Біз бір бортпен 125-130 адамды елге алып келе аламыз”.
Жолаушылар Тель-Авив әуежайына ұшудан 5 сағат бұрын келуі керек. Әуе-компания жолаушылардан әуежайға барған кезде күшейтілген қауіпсіздік шараларын сақтауды сұрайды. Мамандар Қазақстандықтармен Helpairastana.com әлеуметтік желісіне өтініштерді көру арқылы байланыста отыр. Отандастарымызды әуе-компания елге тегін жеткізеді. Айта кетейік, алдын-ала билет алып қойған отандастарымыздың ақшасы толығымен қайтарылады.
ТІЛЕК АБДРАХМАНОВ «AIR ASTANA” ӘУЕ-КОМПАНИЯСЫНЫҢ РЕСМИ ӨКІЛІ
- Толығырық
- Категория: Алатау ақпараты
- 273 рет қаралды
https://www.youtube.com/embed/h1tyIvFC28I?si=oMD_gP1UzblcKEEW"
АҚШ-та алғаш рет адамның ми толқындарымен басқарылатын роботталған қол тестіленуде. Нәтиже оң болса, болашақта оны инсульт алып, қимыл-қозғалысынан айрылған науқастар пайдалана алады.
2014 жылдың қыркүйек айында Техас тұрғыны Освальд Ридус инсульт алған кезде ол сөйлеу қабілетінен айрылып, жүріп-тұра алмай, тіпті сол қолын қозғалтудан қалған. Жедел жәрдемді әйелі шақырған.
ОСВАЛЬД РИДУС – АҚШ ТҰРҒЫНЫ: "Түнгі сағат үштер шамасында әйелім маған "баяу сөйлеп отырсың, қолыңды қимылдатып көрші" - деді. Ал мен, қолымды қозғай алмадым".
Бүгінде Освальд инсульттан кейін қолының қозғалысын қалпына келтіру үшін өзінің ми толқындарымен басқарылатын роботталған қолды тестілейтін алғашқы науқас. Гарнитура ми-компьютер интерфейсі деп аталады. Оның бес электроды пайдаланушының бас терісінде орналасады және электрэнцефалография деп аталатын процесс арқылы мидың электрлік импульстерін өлшейді. Роботталған қол тиісті белгі алған соң, ол қозғалуға кіріседі, содан кейін адамға өз бетінше қозғалыс жасау үшін күш-жігер жұмсауға мүмкіндік береді.
ХОСЕ КОНТРЕРАС-ВИДАЛЬ – ГАРНИТУРАНЫ ӘЗІРЛЕУШІ: "Гарнитура қозғалыс ниетін анықтайды. Сигнал қозғалысқа көмектесетін роботқа түседі. Қозғалыс миға кері импульс туғызады. Екі импульс кездескен кезде, ол нейропластикты арттырады. Бұл - миды өзгертетін нәрсе ".
Жобаның жетекшісі - доктор Джерард Франциско. Ол инсульттан кейінгі оңалтуға маманданған. Оның айтуынша, мұндай машиналар физиотерапевтердің жұмысына көмектесе алады.
ДЖЕРАРД ФРАНЦИСКО – ЖОБА ЖЕТЕКШІСІ: "Роботтар шаршамайды, сондықтан қажетті қайталауларды қамтамасыз ете алады. Мидың қозғалысқа жауап беретін бөлігін қайта бағдарламалау үшін осындай қайталаулардың белгілі бір саны қажет ".
Освальдтың бірнеше жылы оңалтуға кетті. Жаңа құрылғы оған екінші қолдың қозғалысын қайтаруға көмектеседі деп үміттенеді.
ОСВАЛЬД РИДУС – АҚШ ТҰРҒЫНЫ: «Мен енді ешқашан өз денсаулығыма бей-жәй қарамаймын. Денсаулыққа да күтім керек екен».
Қазір инженерлер командасы жаңа құрылғыны тестілеумен айналысуда. Егер нәтижелер оң болса, олар оны жаппай өндіруді бастауға тырыспақ. Алайда ол үшін әлі демеушілер табу керек.
- Толығырық
- Категория: Алатау ақпараты
- 278 рет қаралды
https://www.youtube.com/embed/6J81zFKt1GY?si=0PR498sij76cAu1_"
Маңғыстау облысында жергілікті шенеуніктер талапқа сай келмейтін ғимаратқа 145 млн теңге жұмсаған. Мәселе Түпқараған ауданы Ақшұқыр ауылындағы өнер мектебіне қатысты. Аудандық әкімдік мемлекеттік сатып алу порталына балалар шығармашылығы мен қариялар кеңсесіне жаңа әрі заманауи ғимарат қажеттігін жариялаған. Жоба құны 145 млн теңге. Белгісіз серіктестік жобаның жеңімпазы атанып, Ақшұқыр ауылындағы дайын ғимаратты алған. Алайда, нысан техникалық талаптарға сай болмай шықты. Тіпті, қариялар мен балалар отыратын жерде өрт қауіпсіздігі сақталмаған. Енді бірнеше қабаттан тұратын ғимаратты құзырлы органдар тексереді.
АСҚАР ЖАҚСЫБАЕВ - "ADILDIK JOLY" РҚБ ФИЛИАЛЫНЫҢ ДИРЕКТОРЫ: «Келісімшарттың талабына сәйкес осы ғимаратта 32 бөлмеден кем болмау керек. Бірақ, қазір біз тексеріп келіп тұрмыз. Бөлме саны 19 бөлме. Мына кішкентай кладовкаларды қоса санағанның өзінде. Сонымен қатар, осы ғимаратта талапқа сай 5 жуыну бөлмесі болу керек. Қазір 5 түгел бірде-бір жуыну бөлмесі жоқ. Одан бөлек, мұнда өрт қауіпсіздігі де қамтамасыз етілу керек».
- Толығырық
- Категория: Алатау ақпараты
- 283 рет қаралды
https://www.youtube.com/embed/Xwl5q6UgsnI?si=BdY5QXaNzW11dI_q"
Ханчжоуда өткен жазғы Азия ойындарына қатысып, жүлделі орындарды иеленген қазақстандық спортшылардың соңғы легі елге оралды.
Алматы әуежайында джиу-джитсу, көркем гимнастика, су добы, шахмат және әйелдер күресі бойынша Азия ойындарының чемпиондарын туыстары, жанкүйерлері мен БАҚ өкілдері қошеметпен қарсы алды.
СҰЛТАН ШОНЖІГІТОВ СУ ДОБЫНАН ҚАЗАҚСТАН ЕРЛЕР КОМАНДАСЫНЫҢ МҮШЕСІ: «Алматыға ұшып келдік, бізге құрмет көрсетіп, жоғары дәрежеде қарсы алып жатыр. Біз су добы бойынша қола алдық. Өкінішке орай үшінші орын. Келесі жолы жақсы өнер көрсетуге тырысамыз. Жанкүйерлерге рахмет».
Шахматтан Қазақстан әйелдер құрамасы Азия ойындарында қола жүлде алды. Құрама сапында Жансая Әбдумәлік, Бибісара Асаубаева, Алуа Нұрманова, Меруерт Камалиденова және Динара Сәдуақасова ел намысын қорғады.
ГҮЛМИРА ДӘУЛЕТОВА ҚАЗАҚСТАН ШАХМАТ ФЕДЕРАЦИЯСЫНЫҢ АТҚАРУШЫ ДИРЕКТОРЫ: «Біздің команда мықты. Рейтинг бойынша әу баста біз үштікте болдық. Команда медаль үшін барын салды. Бірінші орынды Қытай, екінші орынды Үнді командасы, үшінші орын Қазақстанға бұйырды».
Көркем гимнастикадан ҚР Ұлттық құрамасының бас бапкері Әлия Юсупованың айтуынша, Қазақстан құрамасының Азия ойындарынан жеңіп алған күміс жүлдесі, алтынмен пара-пар.
ӘЛИЯ ЮСУПОВА КӨРКЕМ ГИМНАСТИКАДАН ҚР ҰЛТТЫҚ ҚҰРАМАСЫНЫҢ БАС БАПКЕРІ: «Спортшыларымызды жарыстарға бес жастан дайындаймыз.Қыздарымыз жаттығуларды жақсы істеді. Менің ойымша, күміс жүлде алтынмен пара-пар. Топтық нәтижеде үшінші орын аламыз ба, деп ойладым. Өйткені, судьялар ұпайды төмен қойып жатты. Эльжананың бағасына мен де протест бердім. Жалпы қыздар жақсы өнер көрсетті. Көркем гимнастика тарихында алғаш рет екі спортшымыз орын алып отыр».
Джиу-джитсуда 69 келі салмақта белдескен, қола жүлдегер атанған Алдияр Серік өзінің қарсыластары туралы айтып берді.
АЛДИЯР СЕРІК ДЖИУ- ДЖИТСУДАН АЗИАДАНЫҢ ҚОЛА ЖҮЛДЕГЕРІ: «69 келі салмақта бес елдің спортшысымен белдестім. Бәрі де мықты спортшы. Бірінші, белдесуде кореялық спортшыны жеңдім, екінші белдесуде филипиндік, үшіншісі БАӘ спортшысын жеңдім. Ал, төртінші белдесуде Сауд Арабиясының өкілінен ұтылдым. Қолаға сингапурлық спортшы екеуміз таластық. Үшінші орын маған бұйырыпты».
Айта кетейік, Азия ойындарында ұлттық құрама 10 алтын, 22 күміс пен 48 қола (барлығы 80) жүлде жеңіп алды.
Тағы басқа мақалалар...
159 ішінен 187 беті
Alatau News, Copyright 2023, All Rights Reserved.