- Толығырық
- Категория: Алатау ақпараты
- 284 рет қаралды
https://www.youtube.com/embed/32DOsf3h-kM?si=5kiSJUYwOyCxZOdT"
Ақмола облысында он үш адам сібір жарасын жұқтырды деген күдікпен ауруханаға түсті. Қазір он екісінің қауіпті індетпен ауыратыны расталған. Дәрігерлердің айтуынша, науқастардың жағдайы әзірге орташа.Денелеріндегі жаралар әлі кете қоймаған. Емдеу орнына жеткізілген тоғыз адам Жарқайың ауданы Үшқарас елдімекеніндегі мал өсіретін шаруашылықта жұмыс істеген. Қалған төртеуі ауыл тұрғындары. Жақында осы серіктестікке тиесілі 32 сиырдың сібір жарасы індетімен ауырып өлгені анықталды. Қазір елдімекенде карантин жарияланғанымен, әлі заңды күшіне енбеген.
НҰРЛАН АҚЫЛБЕКОВ АҚМОЛА ОБЛЫСТЫҚ ДЕНСАУЛЫҚ САҚТАУ БАСҚАРМАСЫНЫҢ БАСШЫСЫ: «Осыған дейін бір адам ауыр жағдайда болған. Қазір беті бері қарады. Ал сібір жарасын жұқтырғандармен байланыста болған 22 адам дәрігерлердің жіті бақылауында».
- Толығырық
- Категория: Алатау ақпараты
- 318 рет қаралды
https://www.youtube.com/embed/VgSsmHoPy50?si=R0YUoeiq_c9PjHtN"
Бүгінгі дата, білім ордалары білім алушыларға есіктерін айқара ашып, мектеп табалдырығын алғаш аттаған кішкентай бүлдіршіндерді ықыласпен қарсы алатын күн. Қызылорда қаласындағы шараға назар аударсақ.
Ресми деректерге сүйенсек , бүгінгі күні қала бойынша 7600 жас өрен мектеп табалдырығын аттады. Әли Мүсілімов атындағы №101 мектеп-лицейінің табалдырығын бүгін 1-сыныпқа қабылдаған 230 оқушы мен толықты. Барлық баланың жүрегіне шуақ төгетін шырайлы мерекеге шаһар басшысы Асылбек Шаменов қатысып, оқушылар мен ұстаздардың жаңа оқу жылында толағай табыстар тіледі
АСЫЛБЕК ШАМЕНОВ ҚЫЗЫЛОРДА ҚАЛАСЫНЫҢ ӘКІМІ
1-сыныпқа қабылданған балалардың мектепке деген танданысы өзгеше. Балабақшамен қош айтысып, енді орта білімге қадам жасап отыр.
Биыл қара шаңырақ өзінің 20-шы оқу маусымын ерекше бастады. Олай дейтін себебіміз, білім ордасы қосымша құрылыспен кеңейіп, ұстаздар мен оқушылардың қуанышы еселене түсті. Мұнда 370 орындық бастауыш сыныптарына арналған заманауи ғимарат бой көтерді.
АЙГҮЛ АЛТЫНБЕКҚЫЗЫ - ӘЛИ МҮСІЛІМОВ АТЫНДАҒЫ №101 МЕКТЕП-ЛИЦЕЙІНІҢ ДИРЕКТОРЫ
Айгерім, мектептің Алтын белгіге үміткер 8 оқушының бірі. Қара шаңыраққа алғаш келгеннен бастап осы күнге дейін талай білім сайыстарына қатысып, олжалы оралған. Осындай дәрежеге жеткені үшін ұстаздарына алғысы шексіз.
АЙГЕРІМ ЗИЯДИН - Ә.МҮСІЛІМОВ АТЫНДАҒЫ №101 МЕКТЕП-ЛИЦЕЙІНІҢ 11-СЫНЫП ОҚУШЫСЫ
Салтанатты шара мектеп оқушыларының ән жолдауларымен жалғасты.
- Толығырық
- Категория: Алатау ақпараты
- 354 рет қаралды
https://www.youtube.com/embed/C7aRMaDVfW4?si=jJCQxnFXSyYknhWc"
Бүгін – Білім күні. Мектептерде дәстүрге сай алғашқы қоңырау салтанатты шарасы өтті. Алматы облысында 456 орта мектепте қоңырау соғылып, 340 мыңнан аса оқушы жаңа оқу жылын бастады. 39 мың бүлдіршін мектеп табалдырығын алғаш аттады.
Бүгін Қаскелең қаласындағы Қарлығаш ықшам ауданында жаңа мектептің тұсауы кесілді. Жырдан шашу шашылып, сыңғыр қоңырау соғылып, білім ордасының іші оқушылармен толысты. Мектепке 25 тамыз күні арнайы конкурс өткізіліп, білікті мамандар жұмысқа қабылданған. Жаңа мектеп жаңаша жұмыс жасап, нағыз білім ордасына айналатыны сөзсіз.
ЖАСҰЛАН ЕСТЕНОВ АЛМАТЫ ОБЛЫСЫ ҚАРАСАЙ АУДАНЫНЫҢ ӘКІМІ:«Болашақ ұрпаққа сапалы білім, саналы тәрбие беру ісі ата-ана мен ұстаздардың күнделікті айналысатын шаруасы ғана емес, білім беру ісі - мемлекет ерекше көңіл бөлетін маңызды сала. Осы орайда, мектеп ғимаратын салған мердігер «BI Global» фирмасына, соның басшыларына, үлес қосқар барша азаматтарға аудан тұрғындарының атынан зор алғысымызды білдіреміз! 2023-2024 оқу жылында 3 ауысымды мектептерді жою мақсатында, ауданымызда: Үштөре, Жармұхамед, Іргелі, Жібек жолы ауылдарында жаңа мектеп құрылысы мен жапсаржай құрылыстары аяқталып, жақында қолданысқа беріледі. Бұдан басқа, «Жайлы мектеп» ұлттық жобасы аясында, ауданда 10 мектеп құрылысы басталып, 2025 жылы оны да іске қосу жоспарланып отыр».
Заманауи үлгіде салынған білім ордасында, жас ұрпақтың сапалы білім алуына толыққанды мүмкіндік жасалған. Материалдық-техникалық базасы жоғары деңгейде орналастырылған. Білім ордасы 1500 оқушыға арнап салынған. Мектептің іші: бастауыш сынып, ортаңғы буын және жоғары сыныптарға арналған 3 блоктан тұрады. Мектепте 84 сынып бөлмесі, 76 интерактивті тақта бар. Сонымен қатар, АРТ кабинеттің іші де қыз балаларға арналған тігін цехтар мен аспаздық және ұл балалардың шеберханаларымен толыққан. Оқушылардың жаттығуына арналған үлкен және кіші спорт залдар да бар. Оқу орнының айналасы толық көгалдандырылған, қажетті заттармен жабдықталған. Тіпті, оқушылардың қатынауы үшін арнайы жаңа жолдар да салынған. Ұстаздар мен оқушылар дән риза.
ҚОРЛАН ДӘУІТХАНҚЫЗЫ МЕКТЕП ДИРЕКТОРЫ: «Осындай ғимаратты салып, болашақ ұрпағымыздың жағдайын жасап жатқан мемлекетімізге, барша тұлғаларға алғыс білдіргім келеді! Керемет! Қуанышымыз шексіз енді».
Ертеңгі күн – бүгінгі ұрпақтың білімі мен тәрбиесіне төгілген тердің мөлшерімен таразыланады. Сондықтан, ел ертеңінің жарқын болуына, сауатты да салауатты ұрпақ қалыптастыруда білім саласы қашанда маңызды болып қала бермек.
- Толығырық
- Категория: Алатау ақпараты
- 298 рет қаралды
https://www.youtube.com/embed/VQlPwSOdBFg?si=ez1QnHErgsXtJ1KP"
Президент Жолдауында елдің қорғаныс саласын күшейту керек деді. Әскеріміз жаңа озық үлгідегі техникалармен қамтылу тиіс. Сондай-ақ отандық әскери техника өндірісін күшейтіп, дамытуды міндеттеді. Мемлекет басшысының бұл айтқанын Талдықорғандағы әскерилер де мұқият тыңдады. Әскери техника мен қару-жарақты өзімізде құрастыру қажеттілігін отан қорғаушылар да жақсы түсінеді. Елдің қауіпсіздігі мен мемлекеттің тұтастығын қамтамасыз ету үшін қорғаныс әлеуетін нығайту басты міндет.
СҰЛТАНБЕК ҚАШҚАРОВ 18/404 ӘСКЕРИ БӨЛІМІНІҢ ОФИЦЕРІ:
«Егер де осы әскери техникалар өзімізде шығарылатын болса, біздің қауіпсіздік жағдайымыз күшейеді және де өз-өзімізге техника шығарып, қамтамасыз ете алатын боламыз».
- Толығырық
- Категория: Алатау ақпараты
- 292 рет қаралды
https://www.youtube.com/embed/lYhNwk5asAg?si=eAzSJa0_leCjJtJb"
Елімізде жыл сайын 400 мыңнан астам бала дүниеге келеді. Жыл соңына дейін халық саны 20 миллионға жетпек. Тұрғындардың Өмір сүру ұзақтығы да артқан. Былтыр бұл көрсеткіш 74 жастан асқан. Бұл туралы Мемлекет басшысы Қазақстан халқына жолдауында мәлімдеді. Президент Қазақстан – әлемдегі ең жас мемлекеттің бірі. Азаматтардың орташа жасы – 32 жас. Тұрғындардың үштен бірі – жастар» , - деді. Алматы облысының жастары Жолдаудағы бастамаларды қуана қабылдады.
ЖАНГЕЛДІ ЖАНБОЛАТҰЛЫ АЛМАТЫ ОБЛЫСТЫҚ ЖАСТАР РЕСУРСТЫҚ ОРТАЛЫҒЫНЫҢ МАМАНЫ: «Біз қуана қабылдадық. Бұл біздің елге, ұлтқа, мемлекетке тың серпін береді».
- Толығырық
- Категория: Алатау ақпараты
- 304 рет қаралды
https://www.youtube.com/embed/_YDt2Axb2sc?si=iuT5s_xJI7hlcbnb"
Жолдауда ұсынылған реформаларды заңнамалық тұрғыдан қамтамасыз етуге дайынбыз. Осылай деген Сенат төрағасы Мәулен Әшімбаев Президент берген тапсырмалар қазіргі жағдайда өте өзекті екенін тілге тиек етті.
МӘУЛЕН ӘШІМБАЕВ ҚР ПАРЛАМЕНТІ СЕНАТЫНЫҢ ТӨРАҒАСЫ:
«Мемлекет басшысы еліміздегі экономикалық саясаттың жаңа моделін қалыптастыруға басымдық берді. Жолдауда шағын және орта кәсіпкерлікті қолдаудың жүйелі механизмдері көрсетілді. Бәріне бірдей түсінікті ашық әділетті салық саясатын қамтамасыз ету қажеттігі айтылды. Инвестиция тартуға қолайлы бизнес климат қалыптастыруға үлкен мән берілді. Елімізді индустрияландыру кезеңінде қордаланған проблемаларды шешіп, бұл үдерісті сапалы жүргізуді тапсырды. Ауқымды инфрақұрылымдық серпіліс жасау арқылы өңірлердің де дамуына жаңа тыныс беру көзделіп отыр. Жалпы, Мемлекет басшысы қолға алып отырған саясат халықтың әл-ауқатын арттыруға және баршаға тең мүмкіндік беруге бағытталған. Алдағы уақытта Мемлекет басшысы белгілеп берген тапсырмаларды барлығымыз бірдей нәтижелі іске асыруымыз қажет».
Сенаторлар Президент жолдауы маңызды әрі қажетті мәселелерді толық қамтыды деген пікірде. Әсіресе, олар атом электр станциясының салынуы не салынбауы жалпыхалықтық референдумға шығарылғаны дұрыс шешім болды деп санайды.
БИБІГҮЛ ЖЕКСЕНБАЙ ҚР ПАРЛАМЕНТІ СЕНАТЫНЫҢ ДЕПУТАТЫ: «Өз басыма ерекше әсер еткен мәселе АЭС шешуге қатысты референдум арқылы шешілетіні. Ол расымен де қоғамда ерекше пікір талас болып жүрген мәселе. Мен өзім Түркиядағы Аққою АЭС салыну барысын көріп қайттым. Электр қуатынсыз экономика дамымайды. Атом электр станциясы қажет пе қажет емес пе халыққа дұрыс түсіндіру үшін халық қалауын білу үшін референдум қажет деп ойлаймын. Ол дұрыс шешім.»
ГЕННАДИЙ ШИПОВСКИХ ҚР ПАРЛАМЕНТІ СЕНАТЫНЫҢ ДЕПУТАТЫ: «Біз қазір саяси реформадан экономикалық реформаға көшіп жатырмыз, бір сөзбен айтатын болсақ, экономикалық серпіліс жасайтын уақыт келді. Қуантатын жағдай бар. Мен нақты бағытқа тоқталайын. Екі министрлік құрылатыны. Логистика мәселесіне келетін болсақ, Президент өзі де айтты. Бізге қазір логистикалық мәселені шешу үшін нақты мемлекеттік оператор қажет. Ол көлік-логистикалық құрылады болашақта».
Айта кетейік, сенаторлар өңірлерге сапарларын сәтті тәмамадап, жұмыс орындарына оралды. Олар жаз бойы әр аймақта болып, халықпен кездесіп, ағайнның өзекті проблемаларымен танысып, жалпы саны 580-нен аса кездесу өткізген.
- Толығырық
- Категория: Алатау ақпараты
- 279 рет қаралды
https://www.youtube.com/embed/Jyz4vzRl-o0?si=c9q9CV1prZ0zRKmB"
Экономика, экология, геология, халық тұрмысы, ел қауіпсіздігі, зиянды жұмыс пен кредит. Мемлекет басшысы Қасым-Жомарт Тоқаевтың Қазақстан халқына жолдаған кезекті жолдауында осы маңызды мәселенің барлығы қамтылды. Бұдан былай зиянды өндірістерде жұмыс істейтіндерге 55 жастан бастап арнайы әлеуметтік төлем төленеді. Келесі жылдан бастап ең төменгі жалақы 85 мың теңгеге көтеріледі. Халықты қарыздан арылтуға арналған «Қарызсыз қоғам» атты пилоттық жобаның игілігін енді бүкіл ел көреді. Баспана алуға арзан несие беретін «Отбасы» банкінің қызметі қайта қаралады. Озық мемлекеттер тәжірбиесі бойынша Қазақстанда жасанды интелект дамып, еліміз IT мемлекетке айналады. Жаңадан екі бірдей министрлік құрылады. Бұдан бөлек, әр салада даму болады. Жолдауда айтылған жағымды жаңалықтар жайлы алдағы бейнесюжетте.
Күз айының алғашқы күні білім күнімен қатар Қазақстан халқы дәл осы күні алдағы жылдарға бағыт-бағдар беретін, мемлекеттің келешек даму даңғыл жолын айқындайтын Ел Президентінің Жолдауын асыға күтеді. Жазғы демалыстан оралған қос палатының алғашқы отырысында Қасым-Жомарт Тоқаев әдетте, қазақстандықтарға жолдау жолдайды. Биыл да дәстүр өзгерген жоқ.
Әлемдегі күрделі ахуал Қазақстанға да өз салқынын тигізіпті. Сондықтан, Президент осындай жаһандық дүрбелең дәуірде халқымызды бірігуге шақырады. Сырттан келіп, өзге біреу елімізді көркейтіп жібермейтіні ол анық. Сондықтан, ел дамуына әр азаматтың өзінше ат салысуын сұрайды. Бағдардан адаспас үшін Президент Жолдауда әр салаға жеке тоқталып, әр жауапты органға жеке тапсырма жүктеді. Алдымен тіршілік нәрі су мәселесіне тоқталды. Барынша суды үнемдеуге кеңес берді. Әйтпесе, су таусылуы мүмкін. Себебі, ол шектеулі ресурс. Ендігіде су мәселесі экологиядан бөлінеді. Өз алдына су және ирригация министрлігі болып қайта құрылады. Биыл қақаған қыста кей өңірлерде елдің әбден құтын қашырған жылу электр стансасалырына қатысты мәселе де Президенттің басты назарында.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Инфрақұрылымның әбден тозуы халықтың тұрмыс сапасына тікелей әсер етеді. Алдағы 5 жылда кемінде 14 гигаваттық жаңа электр қуаты іске қосылады. Биыл Екібастұздағы бірінші ГРЭС-тің бірінші блогын қайта құру жұмыстары аяқталады. Бұрын ешқашан толық қуатын пайдаланып көрмеген станцияның 8 блогы түгел жұмыс істейтін болады. Қазір екінші ГРЭС-ті кеңейту жобасы жүзеге асырылып жатыр, үшінші ГРЭС-тің құрылысы басталады».
Қаржы нарығындағы қазіргі жағдай: Халықты әбден кредитке батырған банктер мен тұтынушылық несиенің көбейгені Президентті алаңдатып отыр. Сондықтан, Қасым-Жомарт Тоқаев «Қарызсыз қоғам» жобасының игілігін күллі ел көру керек деді. Ал, елдің байлығы мен табысы азаматтар арасында әділ бөлінетін тағы бір ескертті. Қайтарлыған активтердің барлығы дерлік ашық түрде нарыққа шығарылатын болады. Оның игілігін халық сезінуі тиіс деген Президент келесі жылдан бастап қазақстандықтардың табысын арттыру үшін ең төменгі жалақы өсетінін мәлімдеді.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Біз бұған дейін уәде бергеніміздей, Үкімет ең төменгі жалақы мөлшерін біртіндеп өсіре береді. Азаматтардың табысын арттыру үшін 2024 жылдың 1 қаңтарынан бастап ең төменгі жалақы мөлшерін 85 мың теңгеге дейін көтеруді тапсырамын. Осылайша, біз еңбекақының ең төменгі мөлшерін үш жыл ішінде екі есе көбейттік»
Экономиканың қозғаушы күші шағын және орта бизнесті дамытуға, отандық өнімді қолдауға Үкімет бұрынғыдай жағдай жасай беретін болады. Бизнес пен биліктің арасында сындарлы диалог орнату үшін жұмыс жасалады. Құқық қорғау органдары тарапынан бизнесті қудалауды тоқтату керек. Саланы реттейміз деген желеумен жасалатын қысымды азайту қажет деген Мемлекет басшысы алдағы уақытта кәсіпкерлермен жеке кездесетінін айтты.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Үкімет зиянды еңбек жағдайында ұзақ уақыт жұмыс істеп жүрген адамдарды әлеуметтік қолдау тетіктерін әзірледі. Бұл бұрыннан талқыланып жүрген мәселе болатын, енді шешімі табылды. Оның мынадай өлшемдері бар. Жұмысшылардың осы саланы дамытуға сіңірген еңбегі және денсаулығына зиян келгені ескеріле отырып, оларға зейнет жасына толғанға дейін, атап айтқанда, 55 жастан бастап арнаулы әлеуметтік төлем төленеді. Парламенттен Үкіметтің ұсыныстарын жедел қарауды сұраймын».
Жолдауда балаларға қатысты бірқатар жаңашылдықтар айтылды. Президент «Келешек» атты біріңғай ерікті жинақтау жүйесін енгізуді тапсырды. Бұл жүйедегі ақша мен ұлттық қордағы қаражат қосылғанда жас ұрпақтың сапалы білім алуына мүмкіндік туады. Әсіресе, Мемлекет басшысы балаларға қатысты буллингке алаңдаулы. Кәмелекетке толмағандарға жасалған кез келген зорлық-зомбылықтың түріне жазаны қатаңдатуды тапсырды және бірыңғай сенім телефонын ұйымдастырып, қысымға тап болғандарға көмек көрсетуге арналған бағдарлама әзірленетінін айтты.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Мен Мемлекет басшысы ретінде кәмелетке толмағандарға жасалған зорлық-зомбылықтың кез келген түріне қатысты жазаны күшейтуді талап етемін. Жол, ғимарат, киім-кешек, азық-түлік, яғни барлығы балалар үшін қауіпсіз болуы керек. Сондай-ақ өскелең ұрпақтың психикалық саулығы – өте маңызды мәселе».
Айтпақшы, елімізде көлік министрлігі қайта құрылады. Себебі, алдағы 5 жылда 4 мың шақырым сапалы авто жол салынуы керек. Одан бөлек, темір жол логистикасы да қарқынды дамуы тиіс. Себебі, ол да экономиканың басты тармағы. Айтпақшы, Атом электр стансасына қатысты дауға бүгін Президент өзі нүкте қойғандай. АЭС салу немесе салмау жайлы жалпыхалықтық референдум өтеді. Халық оны өзі шешеді деді. Бір жарым сағатқа созылған жолдау мазмұнды әрі маңызды болды. Барлық сала қамтылды.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Қазақстан – біздің жалғыз ғана Отанымыз. Оның іргесі берік, керегесі кең, төрт құбыласы түгел болуы – өз қолымызда. Бабалардан мирас болған ұлан-ғайыр жерді қорғау, оны өркендету – біздің перзенттік парызымыз. Мен еліміздің әрбір азаматын осы қасиетті парызға адал болуға шақырамын. Берекелі бірлігімізді сақтап, табанды еңбек етсек, Отанымызды көркейтіп, ұрпаққа дамыған мемлекет ретінде табыстасақ, бабалар аманатына адалдық деген – осы!»
- Толығырық
- Категория: Алатау ақпараты
- 278 рет қаралды
https://www.youtube.com/watch?v=v_JUMOxS9QA
- Толығырық
- Категория: Алатау ақпараты
- 311 рет қаралды
https://www.youtube.com/embed/oUHIPlEH_Ug?si=00W6C2murD0fOoWE"
Қазір Барби қуыршағын жинау сәнге айналды.Мәселен,Ресейлік Татьяна Тузованың коллекциясында 12 мың Барби қуыршағы бар.Ол қуыршақ жинауды бала кезінен бастаған. 12 жасында оның тек екі қуыршағы ғана болған. Себебі, Татьяна ауқатты отбасынан шықпаған. 10 жыл бұрын Татьянаның жинағында 200 дана Барби қуыршағы болған. Содан кейін, олардың саны 1,5 мыңға жеткен. Кейін, Татьянаға сол жиналған қуыршақтар үшін бөлек бөлме қажет болған.
ТАТЬЯНА ТУЗОВА ҚУЫРШАҚ ЖИНАУШЫ:
«Менің ойымша, Барби – үлгі болатындай қуыршақ. Оған қарасаңыз, «сен кез-келген адам бола аласың» деп тұратындай. Мен оған қарап, мен де кез-келген адам сияқты бола алатынымды түсіндім».
Татьяна музыканттар отбасында дүниеге келген. Ол әкесінен жастайынан айырылған. Анасы мұғалім болғанымен, аз жалақы алатын болған.
ТАТЬЯНА ТУЗОВА ҚУЫРШАҚ ЖИНАУШЫ: «Мен өзіме «қалағанымның бәрі болады» деп уәде бердім. Сөйтіп, оқуға түсіп, өзімді дамыттым. Алдымен, анамның қалауы бойынша фортепиано мұғалімінің оқуын оқыдым. Содан кейін, өзімнің қалауыммен қоғамдық қызметке келдім».
Барбидің жанкүйері қуыршақтарды тек қораптарға жинайды. Бұл олардың коллекциялық құндылығын арттырады дейді. Қорапсыз қуыршақ 30% арзан болады.
ТАТЬЯНА ТУЗОВА ҚУЫРШАҚ ЖИНАУШЫ:
«Беттина Дорфманн деген қуыршақ жинайтын әйел бар. Оның 18 мың қуыршағы бар. Ол – әлемдік рекордшы. Мен оған қонаққа бардым. Ол Германияда тұрады. Тіпті, оның коллекциясы үшін одан 200 қуыршақ сатып алдым. Міне, олар қазір осында тұр».
Жақында Татьяна мен оның күйеуі Дубайдан баспана сатып алды. Қазір оның ол жерде де Барби қуыршақтарының 200-ге жуық топтамасы бар. Оларды адамдар ойыншықтар дүкенінен сатып алады немесе АҚШ-тан тапсырыс береді. Ресейлік әйел әлемінің қызғылт түске айналғанына қуанады.
- Толығырық
- Категория: Алатау ақпараты
- 289 рет қаралды
https://www.youtube.com/embed/PymTn1nNYTA?si=6hLRziMJ2MoQjfTu"
Жапондықтар қорғаныс шығындарын арттырмақ. 2024 жылы қаржы шығыны 52 миллиард долларға дейін жетпек. Бұл биылғыдан сәл артық.Қаражаттың 6 млрд доллордан астамын Қорғаныс министрлігі қару-жарақ пен оқ-дәрілерге, соның ішінде жаңа әуе-кеме зымырандарына жұмсауды жоспарлап отыр.
Жапония Премьер-Министрі Фумио Киси, соңғы бес жыл ішінде қорғаныс шығындарын 300 миллиард долларға ұлғайту жоспарын жүзеге асырып келе жатқанына екінші жыл болды. 2027 жылға қарай олар елдің жалпы ішкі өнімінің 2 пайызына жетуі керек. Бұл деңгейде Жапония қорғаныс шығындары бойынша АҚШ пен Қытайдан кейін үшінші орында болады.
Айта кетейік, өткен жылы Жапония үкіметі Екінші дүниежүзілік соғыстан кейін алғаш рет өзінің әскери қуатын айтарлықтай арттыру туралы шешім қабылдады. Шенеуніктердің айтуынша, Солтүстік Кореяның күтпеген мінез-құлқы, сондай-ақ Қытайдың күшейіп келе жатқан батылдығы кінәлі.
Биыл Жапонияның Қорғаныс министрлігі Бейжің мемлекеті наразылық білдіргеннен кейін, көп ұзамай қорғаныс шығындарын көбейтуді сұрады. Ол апатты жағдайда болған «Фукусима-1» атом электр станциясынан ағынды сулардың ағуын айыптап, жапондық теңіз өнімдерін әкелуге тыйым салды. Токио өз кезегінде бұл тыйымды алып тастауды талап еткен болатын.
- Толығырық
- Категория: Алатау ақпараты
- 293 рет қаралды
https://www.youtube.com/embed/9HJ39bgTbdY?si=BdfCbd2uNLjr4E24"
Петропавл қаласының тұрғыны Ғабит Темірбеков бұтақтар мен ағаш діңгегінен түрлі бұйым жасайды. Бүгінде шебердің 100-ге жуық қолөнер туындысы бар. Көркі көз тартатын бұйымдарды қазір қаланың көрнекті жерлерінен, музейлер мен орталық алаңнан кездестіруге болады.
Ғабит Темірбековтің бітірген мамандығы - биология пәнінің мұғалімі. Ал, қолөнер жұмыстарымен бала күнінен айналысады. Шебер ыдыс-аяқ, ат әбзелдері мен жиһаздың түр-түрін жасайды. Ағаштың түбірін кәдеге жаратып отырған оның бұл еңбегі көпке үлгі. Бұйым жасауға қажет шикізатты табу үшін шебер қала көшелерін, орман мен өзен жағалауларын жиі аралайды.
ҒАБИТ ТЕМІРБЕКОВ АҒАШ ШЕБЕРІ:
«Қолөнерге деген қызығушылық бойыма отбасымнан дарыды. Анам - суретші. Әкем - қолөнер шебері болған. Мен де олардан алыс кетпей, осы салаға жақын болып өстім. 7 сыныпта оқып жүргенде, шеберлік сабақтарына қатысатынмын. Осылай ағаштан әртүрлі бұйым жасай бастадым. Айналаңызға зер салып қарасаңыз, әр ағаштың сыртқы бедерінің өзі өте ерекше. Мен сол өзгешелікті сақтап қалғым келді. Қазір түрлі дизайн мамандары бар. Дегенмен, олардың жасайтынын табиғат бізге былай да беріп отыр. Тек оны сәл өңдеп жіберсек болғаны».
Ғабит Темірбековте құрал-сайманның түр-түрі бар. Ағаш шебері жұмысқа көбінесе қайың, емен және қарағай ағаштарын пайдаланады. Алдымен ағашты кесіп-жонып, кейін сырлайды. Егер шабытына қанат бітсе, бір түнде бірнеше бұйымды жасап шығады.
ҒАБИТ ТЕМІРБЕКОВ АҒАШ ШЕБЕРІ:
«Мен жұмыс барысында көбінесе өзімнің ескі құрал-жабдықтарымды пайдаланамын. Автоматтандырылған ештеңе жоқ. Бәрін сағаттап отырып өзің ойып, кептіресің. Ебін тапсаң, бәріне қол жеткізуге болады. Кейде жасаған бұйымдарыма шетелдіктер де қызығушылық танытып жатады. Көп болмаса да, бірнеше тұтынушым бар. Мен бұл іспен, табыс көзі ретінде емес, қолөнерді жақсы көргендіктен айналысамын. Шығармашылығымды шыңдай бергім келеді».
Қазір Ғабит Темірбековтың қолынан шыққан бұйымдарды қаланың көрікті жерлерінен кездестіруге болады. Олар Петропавл қаласының музейлері мен білім ордаларына да қойылған.
ҒАБИТ ТЕМІРБЕКОВ АҒАШ ШЕБЕРІ:
«Орманға барсаңыз осындай әртүрлі пішіндегі ағаштарды кездестіресіз. Бірі айналып, енді бірі домаланып өседі. Мен соларды жинаймын. Шеберханама келген соң, көлемі мен ерекшелігіне қарап кез-келген затты жасауым мүмкін. Мысалы, қазір қолымда құмыра тұр. Оны жасауға қолданған ағаш діңгегін көл маңынан тапқан болатынмын».
Асқан төзімділік пен ептілікті талап ететін өнерде 40-жылдан бері шыңдалып, қолтаңбасы қалыптасқан шебердің атқарғаны көп. Бірнеше көрме өткізіп, өңірдің қолөнер саласының дамуына да үлкен үлес қосып жүр.
- Толығырық
- Категория: Алатау ақпараты
- 289 рет қаралды
https://www.youtube.com/embed/IINkjmhbBXs?si=C7T_wC4d0bekHrzX"
Енді сіз, несие алудан ерікті түрде бас тарту туралы өтінішті еGov мобильді қосымшасында және eGov.kz электронды үкімет порталында бере аласыз. Сонымен қатар, қосымшаны пайдалана отырып, несие мен шағын несие алуға өз атыңыздан ерікті түрде тыйым салуға мүмкіндік бар.Сервистке өтінішті азаматтың өзі ғана толтыра алады. Несиелер мен шағын несиелерді алуға тыйым салу 6 айға белгіленеді. Бұл мерзім аяқталғаннан кейін автоматты түрде тыйым алынып тасталады. Сондай-ақ, бұл шектеулерді кез-келген уақытта, ерікті бас тарту қызметін көрсетуді мерзімінен бұрын тоқтатуға өтініш беру арқылы алып тастауға болады.
АРАЙ УРАЗОВА«ҰЛТТЫҚ АҚПАРАТТЫҚ ТЕХНОЛОГИЯЛАР»АҚ БАСҚАРМА ТӨРАҒАСЫНЫҢ ОРЫНБАСАРЫ:
«Бүгін еGov мобильді қосымшасында және eGov.kz порталында несие мен қарыз алуға тиым салуға өтініш беру сервисі іске қосылды. Бұл арқылы біз еліміздің азаматтарын заңсыз несие алмақшы болған көптеген алаяқтардан қорғауға көмектесеміз».
Айта кеткен жөн, дәл осындай сервис Бірінші кредиттік бюроның (БКБ) сайтында ақылы түрде қолжетімді. «Электрондық үкімет» порталында өтініш берген кезде, БКБ қызметіне жарамды өтінімнің бар-жоғына тексеру жүргізіледі. Мысалы, егер бұрын ол жерде сұрау болмаған болса, онда тыйым салуды орнатуға өтініш беру керек. Сұраныс болса, оған тоқтату туралы өтініш беруге болады.
Тағы басқа мақалалар...
- Балқаш ауданының түлектері аймақ кіреберісіне мұнаралы қақпа орнатты
- Қазақстанда шамамен 450 жеке медициналық ұйым жабылу алдында тұр
- Биыл Маңғыстауда республикалық маңызға ие жолдардың 165,2 шақырымына жөндеу жүргізіледі
- Жаңа оқу жылында жатақхана жыры басталды. 19 мың білімгер студенттер үйіне жайғаса алмай жүр
180 ішінен 187 беті
Alatau News, Copyright 2023, All Rights Reserved.