ЖАҢАЛЫҚТАР

Төтенше жағдайлар министрі Сырым Шәріпханов сейсмикалық құбылыстарға дайындық, оларға ден қою бойынша құрылымдық және аумақтық бөлімшелердің жұмысындағы олқылықтарды сынға алды, деп хабарлайды Алатау телеарнасы. 

Ол жер сілкінісі кезіндегі іс-қимылдарды түсіндіру бойынша халықпен жұмысты күшейтуді тапсырды. Әрі құрылымдардың әлсіз жұмысын да атап өтті. Спутникатің жазуынша, министрлік басшысының шағымдары азаматтарды хабардар ету, ақпараттандыру және оқыту жөніндегі қызметке қатысты болды.

Министр осы бағыттарда жүйелі шаралар қабылдаудың маңыздылығын атап өтті. Ол жер сілкінісі кезіндегі іс-қимылдарды түсіндіру бойынша халықпен жұмысты күшейтуді тапсырды. Сонымен қатар, министр еліміздің барлық өңірлерінде бар хабарландыру жүйесін іске қосу алгоритмін жетілдіруді тапсырды.

"Азаматтарды сейсмикалық жаттығуларға тартудың жаңа шараларын талдап, қолдану керек. Оқыту сабақтың жаңа әдістері мен әдістерін қолдана отырып, шынайы жағдайға жақын жүргізілуі керек. Ескерту мен оқыту сапалы әрі мақсатты болуы керек", - деді Сырым Шәріпханов.

Сонымен қатар, министр Ұлттық ядролық орталық, Қазақ бас сәулет-құрылыс академиясы, Ғылым және жоғары білім министрлігінің қызметкерлерінің қатысуымен ТЖМ Сейсмологиялық байқау және зерттеулер ұлттық ғылыми орталығының базасында сейсмикалық құбылыстарды болжау жөніндегі ведомствоаралық комиссия құруды тапсырды.

Елдегі запастағы офицерлер әскери қызметке шақырылады. Бұл тізімге негізінен әскери қызметке жарамды және оны өтемегендер еніп отыр, деп хабарлайды Алатау телеарнасы. 

Ел Үкіметі 2024 жылғы 25 қаңтардағы "Запастағы офицерлерді әскери қызметке шақыру туралы" қаулы қабылдады. Онда барлығы 752 адам қызметке тартылатыны көрсетілген. Яғни: 

• Қазақстан Республикасының Қарулы Күштері – 600 адам;
• Қазақстан Республикасы Ұлттық қауіпсіздік комитетінің Шекара қызметі – 80 адам;
• Ұлттық ұлан – 42 адам;
• Төтенше жағдайлар министрлігі – 30 адам.

"Әскери қызметке жарамды және оны өтемеген запастағы офицерлер 2024 жылы заңнамада белгіленген тәртіппен 24 ай мерзімге әскери қызметке офицерлік лауазымдарда әскери қызмет өткеруге шақырылсын", - делінген құжатта.

Қаулы 2024 жылғы 9 ақпанда күшіне енеді.

Ұлттық банк номиналы 5000 теңгелік банкнотаның жаңа дизайнын айналымға шығарды. Ақшаға “Сақ стилі” бейнелеген, деп хабарлайды Алатау телеарнасы.

Ұлттық Банк жаңа дизайнда шыққан номиналы 5 000 теңгелік банкноталарды 2023 жылы 25 желтоқсанда айналымға шығарған. Қаржы институтының мәліметінше, «Сақ стилі» жаңа сериясының алғашқы банкнотасы. Ол қазақы ою-өрнектің бастау негізі саналатын және көшпенділердің бірегей мәдениетінен бастап бүгінгі Қазақстанға дейінгі ел мұрасын бейнелейтін «Сақ стилі» элементтеріне негізделген.

Сонымен қатар, Ұлттық банк шынайы банкноталарды жалған ақшадан өз бетінше ажыратуға көмектесетін қарапайым ережелер бар екенін де ескертіп отыр. Осы орайда жаңа дизайндағы 5 000 теңгелік банкноталардың қорғаныш элементтерін тарқатып кеткен. Яғни банкнотада рельефті қалыптастыратын – алтын интаглио арнайы баспа тәсілі қолданылған. Қазақстан Республикасының елтаңбасы алтын металл бояудың жоғары бедерлі қабатымен басылған. Банкнотаның бет жағындағы шеттерінде шығыңқы, жоғары рельефті элементтер бар, олар қолмен ұстағанда жақсы сезілетін – көру қабілеті нашар адамдарға арналған белгі. 

Банкнота бетінде үзік-үзік түрінде шығып тұрған екі түсті қорғаныш жіп те бар. Ол жарық түскенде бір тұтас жіп ретінде анық көрінеді. Банкнотаның көлбеу бұрышы өзгерген кезде қызыл және көк түстердің өзара әрекеттесуінен динамикалық лүпілдің әсері пайда болады. Сонымен қатар, банкнотаның бет жағында көлемді стильдендірілген «Бүркіт» бейнесі түріндегі патч қорғаныш элементі орналасқан. Банкнотаны аударған кезде номиналдың цифрлық кескінінен ою-өрнекке ауысу әсері және күн белгісі сәулелерінің жан-жаққа шашыраған динамикалық әсері байқалады.

Мұндай тексеру тәсілдері бірнеше секунд уақытты алады және кез келген адамға банкнотаның түпнұсқалығын анықтауға көмектеседі.

Елімізде “арқан тартыс” федерациясы өз жұмысын бастады. Аталған спорт биыл елімізде өтетін 5-ші дүниежүзілік көшпенділер ойындарының негізгі бағдарламасына енген, деп хабарлайды Алатау телеарнасы. 

ҚазАқпараттың жазуынша, арқан тартыс әлемнің 75 елінде ресми спорт ретінде тіркеліп, жүйелі жұмыс істеп келеді.  

Жаңадан құрылған Республикалық федерация президенті болып Ілиясов Еркебұлан Сайдоллаұлы тағайындалды. 

Жаңа басшының тағайындалуымен “жамбы атy” спорты қарыштап дамып, елiшiлiк бiрнеше жарыс кең көлемде ұйымдастырылды. Сонымен қатар алғаш рет “Тайтұяқ” жүлдесi сарапқа салынған. 

Жаңадан құрылған федерация Астанада өтетін V Дүниежүзілік көшпенділер ойынына арқан тартыстан қатысатын ел құрамасын жасақтауды көздеп отыр. Осыған орай еліміздің 5 аймағында іріктеу жарыстары өтеді.

Елімізде бала тәрбиесіне көңіл бөле алмаған жүздеген жан ата-ана құқығынан айырылмақ. Тағы 8 мыңы міндетін орындамайтындар тізіміне ілінді, деп хабарлайды Алатау телеарнасы. 

Әкімшілік полиция комитетінің ерекше тапсырмалар жөніндегі аға инспекторы Ақмарал Серікбаеваның айтуынша, өз балаларын тәрбиелеу бойынша міндеттерді орындамайтын 8 мың ата-ана есепке алынған. Соның ішінде 1 057 ата-ана әкімшілік жауапкершілікке тартылып отыр. Бәрі дерлік 36 920 теңгенің айыппұлын арқалады. Ал 201 факті бойынша кәмелетке толмағандардың істері жөніндегі комиссияға ата-ана құқығынан айыруға материалдар жіберілген.

"Мысалы, Петропавлда жас ана емханаға шақырылған уақытта баласын алып келмей жүргені туралы педиатрдан хабарлама келіп түсті. Тексеру кезінде жас ананың ішімдік ішкені, нәрестенің шұғыл көмекке мұқтаж екені белгілі болды. Полиция баланы нәрестелер үйіне орналастырып, ал анасын нарколог дәрігердің есебіне қойды және әкімшілік жауапкершілікке тартты", - деді спикер. 

Оның айтуынша, сот шешімімен алкоголизммен ауыратын 206 адам наркологиялық ұйымдарға мәжбүрлеп емдеуге жатқызылған. Ал қорғау нұсқамасын бұзғаны үшін 557 агрессор және мінез-құлыққа қойылған ерекше талаптарды орындамағаны үшін 531 құқық бұзушы қамауға алынды.

Елімізде сейсмикалық құбылыстарды болжау жөніндегі ведомствоаралық комиссия құрылмақ. Құрам сейсмикалық байқаулар мен зерттеулердің ұлттық ғылыми орталығы базасында жасақталады, деп хабарлайды Алатау телеарнасы. 

Бұл туралы төтенше жағдайлар министрлігі хабарлады. Дерекке сүйенсек, министр Сырым Шәріпхановтың басшылығымен сейсмикалық құбылыстарды болжау мәселелері бойынша жұмыс кездесуі өткен. Онда барлық сейсмологиялық станциялардан өзара ақпарат алмасу мәселелері талқыланып отыр. 

"КазРубежГеология" ЖШС бас директоры Виталий Петровский жерді қашықтықтан зондтаудың ғарыштық суреттері арқылы жер сілкіністерін болжау әдістерін көрсетті. Сондай-ақ, сейсмикалық құбылыстарды болжау саласындағы тәжірибемен Қазақ бас сәулет-құрылыс академиясының профессоры Танақан Абақанов бөлісті.

Кездесу қорытындысы бойынша ТЖМ сейсмикалық байқаулар мен зерттеулердің ұлттық ғылыми орталығы базасында сейсмикалық құбылыстарды болжау жөніндегі ведомствоаралық комиссия құру туралы келісімге қол жеткізді.